ན་མོ ཏ་སྶ བྷ་ག་ཝ་ཏོ ཨ་ར་ཧ་ཏོ ས་མྨཱ་ས་མྦུ་དྡྷ་སྶ
ཁུ་དྡ་ཀ་ནི་ཀཱ་ཡེ
བུ་དྡྷ་ཝཾ་ས་པཱ་ལི༹
༡. ར་ཏ་ན་ཙ་ངྐ་མ་ན་ཀ་ཎྜཾ
༡. བྲ་ཧྨཱ ཙ ལོ་ཀཱ་དྷི་པ་ཏཱི ས་ཧ་མྤ་ཏཱི [ས་ཧ་མྤ་ཏི (སྱཱ. ཀཾ.)], ཀ་ཏ་ཉྫ་ལཱི ཨ་ན་དྷི་ཝ་རཾ ཨ་ཡཱ་ཙ་ཐ;
‘‘ས་ནྟཱི་དྷ ས་ཏྟཱ་པྤ་ར་ཛ་ཀྑ་ཛཱ་ཏི་ཀཱ, དེ་སེ་ཧི དྷ་མྨཾ ཨ་ནུ་ཀ་མྤི་མཾ པ་ཛཾ’’.
༢. ས་མྤ་ནྣ་ཝི་ཛྫཱ་ཙ་ར་ཎ་སྶ ཏཱ་དི་ནོ, ཛུ་ཏི་ནྡྷ་ར་སྶ་ནྟི་མ་དེ་ཧ་དྷཱ་རི་ནོ;
ཏ་ཐཱ་ག་ཏ་སྶ་པྤ་ཊི་པུ་གྒ་ལ་སྶ, ཨུ་པྤ་ཛྫི ཀཱ་རུ་ཉྙ་ཏཱ ས་བྦ་ས་ཏྟེ.
༣. ‘‘ན ཧེ་ཏེ ཛཱ་ན་ནྟི ས་དེ་ཝ་མཱ་ནུ་སཱ, བུ་དྡྷོ ཨ་ཡཾ ཀཱི་དི་ས་ཀོ ན་རུ་ཏྟ་མོ;
ཨི་དྡྷི་བ་ལཾ པ་ཉྙཱ་བ་ལ་ཉྩ ཀཱི་དི་སཾ, བུ་དྡྷ་བ་ལཾ ལོ་ཀ་ཧི་ཏ་སྶ ཀཱི་དི་སཾ.
༤. ‘‘ན ཧེ་ཏེ ཛཱ་ན་ནྟི ས་དེ་ཝ་མཱ་ནུ་སཱ, བུ་དྡྷོ ཨ་ཡཾ ཨེ་དི་ས་ཀོ ན་རུ་ཏྟ་མོ;
ཨི་དྡྷི་བ་ལཾ པ་ཉྙཱ་བ་ལ་ཉྩ ཨེ་དི་སཾ, བུ་དྡྷ་བ་ལཾ ལོ་ཀ་ཧི་ཏ་སྶ ཨེ་དི་སཾ.
༥. ‘‘ཧ་ནྡཱ་ཧཾ ད་སྶ་ཡི་སྶཱ་མི, བུ་དྡྷ་བ་ལ་མ་ནུ་ཏྟ་རཾ;
ཙ་ངྐ་མཾ མཱ་པ་ཡི་སྶཱ་མི, ན་བྷེ ར་ཏ་ན་མ་ཎྜི་ཏཾ’’.
༦. བྷུ་མྨཱ མ་ཧཱ་རཱ་ཛི་ཀཱ ཏཱ་ཝ་ཏིཾ་སཱ, ཡཱ་མཱ ཙ དེ་ཝཱ ཏུ་སི་ཏཱ ཙ ནི་མྨི་ཏཱ;
པ་ར་ནི་མྨི་ཏཱ ཡེ་པི ཙ བྲ་ཧྨ་ཀཱ་ཡི་ཀཱ, ཨཱ་ན་ནྡི་ཏཱ ཝི་པུ་ལ་མ་ཀཾ་སུ གྷོ་སཾ.
༧. ཨོ་བྷཱ་སི་ཏཱ ཙ པ་ཐ་ཝཱི ས་དེ་ཝ་ཀཱ, པུ་ཐཱུ ཙ ལོ་ཀ་ནྟ་རི་ཀཱ ཨ་སཾ་ཝུ་ཏཱ;
ཏ་མོ ཙ ཏི་བྦོ ཝི་ཧ་ཏོ ཏ་དཱ ཨ་ཧུ, དི་སྭཱ་ན ཨ་ཙྪེ་ར་ཀཾ པཱ་ཊི་ཧཱི་རཾ.
༨. ས་དེ་ཝ་ག་ནྡྷ་བྦ་མ་ནུ་སྶ་ར་ཀྑ་སེ, ཨཱ་བྷཱ ཨུ་ལཱ༹་རཱ ཝི་པུ་ལཱ ཨ་ཛཱ་ཡ་ཐ;
ཨི་མ་སྨིཾ ལོ་ཀེ པ་ར་སྨི་ཉྩོ་བྷ་ཡ་སྨིཾ [པ་ར་སྨིཾ ཙཱུ་བྷ་ཡེ (སྱཱ. ཀཾ.)], ཨ་དྷོ ཙ ཨུ་དྡྷཾ ཏི་རི་ཡ་ཉྩ ཝི་ཏྠ་ཏཾ.
༩. ས་ཏྟུ་ཏྟ་མོ ཨ་ན་དྷི་ཝ་རོ ཝི་ནཱ་ཡ་ཀོ, ས་ཏྠཱ ཨ་ཧཱུ དེ་ཝ་མ་ནུ་སྶ་པཱུ་ཛི་ཏོ;
མ་ཧཱ་ནུ་བྷཱ་ཝོ ས་ཏ་པུ་ཉྙ་ལ་ཀྑ་ཎོ, ད་སྶེ་སི ཨ་ཙྪེ་ར་ཀཾ པཱ་ཊི་ཧཱི་རཾ.
༡༠. སོ ཡཱ་ཙི་ཏོ དེ་ཝ་ཝ་རེ་ན ཙ་ཀྑུ་མཱ, ཨ་ཏྠཾ ས་མེ་ཀྑི་ཏྭཱ ཏ་དཱ ན་རུ་ཏྟ་མོ;
ཙ་ངྐ་མཾ [ཙ་ངྐ་མཾ ཏ་ཏྠ (སཱི.)] མཱ་པ་ཡི ལོ་ཀ་ནཱ་ཡ་ཀོ, སུ་ནི་ཊྛི་ཏཾ ས་བྦ་ར་ཏ་ན་ནི་མྨི་ཏཾ.
༡༡. ཨི་དྡྷཱི ཙ ཨཱ་དེ་ས་ནཱ་ནུ་སཱ་ས་ནཱི, ཏི་པཱ་ཊི་ཧཱི་རེ བྷ་ག་ཝཱ ཝ་སཱི ཨ་ཧུ;
ཙ་ངྐ་མཾ མཱ་པ་ཡི ལོ་ཀ་ནཱ་ཡ་ཀོ, སུ་ནི་ཊྛི་ཏཾ ས་བྦ་ར་ཏ་ན་ནི་མྨི་ཏཾ.
༡༢. ད་ས་ས་ཧ་སྶཱི་ལོ་ཀ་དྷཱ་ཏུ་ཡཱ, སི་ནེ་རུ་པ་བྦ་ཏུ་ཏྟ་མེ;
ཐ་མྦྷེ་ཝ ད་སྶེ་སི པ་ཊི་པཱ་ཊི་ཡཱ, ཙ་ངྐ་མེ ར་ཏ་ནཱ་མ་ཡེ.
༡༣. ད་ས་ས་ཧ་སྶཱི ཨ་ཏི་ཀྐ་མྨ, ཙ་ངྐ་མཾ མཱ་པ་ཡཱི ཛི་ནོ;
ས་བྦ་སོ་ཎྞ་མ་ཡཱ པ་སྶེ, ཙ་ངྐ་མེ ར་ཏ་ནཱ་མ་ཡེ.
༡༤. ཏུ་ལཱ་ས་ངྒྷཱ་ཊཱ་ནུ་ཝ་གྒཱ, སོ་ཝ་ཎྞ་ཕ་ལ་ཀ་ཏྠ་ཏཱ;
ཝེ་དི་ཀཱ ས་བྦ་སོ་ཝ་ཎྞཱ, དུ་བྷ་ཏོ པ་སྶེ་སུ ནི་མྨི་ཏཱ.
༡༥. མ་ཎི་མུ་ཏྟཱ་ཝཱ་ལུ་ཀཱ་ཀི་ཎྞཱ, ནི་མྨི་ཏོ ར་ཏ་ནཱ་མ་ཡོ;
ཨོ་བྷཱ་སེ་ཏི དི་སཱ ས་བྦཱ, ས་ཏ་རཾ་སཱི་ཝ ཨུ་གྒ་ཏོ.
༡༦. ཏ་སྨིཾ ཙ་ངྐ་མ་ནེ དྷཱི་རོ, དྭ་ཏྟིཾ་ས་ཝ་ར་ལ་ཀྑ་ཎོ;
ཝི་རོ་ཙ་མཱ་ནོ ས་མྦུ་དྡྷོ, ཙ་ངྐ་མེ ཙ་ངྐ་མཱི ཛི་ནོ.
༡༧. དི་བྦཾ མ་ནྡཱ་ར་ཝཾ པུ་པྥཾ, པ་དུ་མཾ པཱ་རི་ཚ་ཏྟ་ཀཾ;
ཙ་ངྐ་མ་ནེ ཨོ་ཀི་ར་ནྟི, ས་བྦེ དེ་ཝཱ ས་མཱ་ག་ཏཱ.
༡༨. པ་སྶ་ནྟི ཏཾ དེ་ཝ་ས་ངྒྷཱ, ད་ས་ས་ཧ་སྶཱི པ་མོ་དི་ཏཱ;
ན་མ་སྶ་མཱ་ནཱ ནི་པ་ཏ་ནྟི, ཏུ་ཊྛ་ཧ་ཊྛཱ པ་མོ་དི་ཏཱ.
༡༩. ཏཱ་ཝ་ཏིཾ་སཱ ཙ ཡཱ་མཱ ཙ, ཏུ་སི་ཏཱ ཙཱ་པི དེ་ཝ་ཏཱ;
ནི་མྨཱ་ན་ར་ཏི་ནོ དེ་ཝཱ, ཡེ དེ་ཝཱ ཝ་ས་ཝ་ཏྟི་ནོ;
ཨུ་ད་གྒ་ཙི་ཏྟཱ སུ་མ་ནཱ, པ་སྶ་ནྟི ལོ་ཀ་ནཱ་ཡ་ཀཾ.
༢༠. ས་དེ་ཝ་ག་ནྡྷ་བྦ་མ་ནུ་སྶ་ར་ཀྑ་སཱ, ནཱ་གཱ སུ་པ་ཎྞཱ ཨ་ཐ ཝཱ་པི ཀི་ནྣ་རཱ;
པ་སྶ་ནྟི ཏཾ ལོ་ཀ་ཧི་ཏཱ་ནུ་ཀ་མྤ་ཀཾ, ན་བྷེ་ཝ ཨ་ཙྩུ་གྒ་ཏ་ཙ་ནྡ་མ་ཎྜ་ལཾ.
༢༡. ཨཱ་བྷ་སྶ་རཱ སུ་བྷ་ཀི་ཎྷཱ, ཝེ་ཧ་པྥ་ལཱ ཨ་ཀ་ནི་ཊྛཱ ཙ དེ་ཝ་ཏཱ;
སུ་སུ་དྡྷ་སུ་ཀྐ་ཝ་ཏྠ་ཝ་ས་ནཱ, ཏི་ཊྛ་ནྟི པ་ཉྫ་ལཱི་ཀ་ཏཱ.
༢༢. མུ་ཉྩ་ནྟི པུ་པྥཾ པ་ན པ་ཉྩ་ཝ་ཎྞི་ཀཾ, མ་ནྡཱ་ར་ཝཾ ཙ་ནྡ་ན་ཙུ་ཎྞ་མི་སྶི་ཏཾ;
བྷ་མེ་ནྟི ཙེ་ལཱ་ནི ཙ ཨ་མྦ་རེ ཏ་དཱ, ‘‘ཨ་ཧོ ཛི་ནོ ལོ་ཀ་ཧི་ཏཱ་ནུ་ཀ་མྤ་ཀོ.
༢༣. ‘‘ཏུ་ཝཾ ས་ཏྠཱ ཙ ཀེ་ཏཱུ ཙ, དྷ་ཛོ ཡཱུ་པོ ཙ པཱ་ཎི་ནཾ;
པ་རཱ་ཡ་ནོ པ་ཏི་ཊྛཱ ཙ, དཱི་པོ ཙ དྭི་པ་དུ་ཏྟ་མོ [དི་པ་དུ་ཏྟ་མོ (སཱི. སྱཱ.)].
༢༤. ‘‘ད་ས་ས་ཧ་སྶཱི་ལོ་ཀ་དྷཱ་ཏུ་ཡཱ, དེ་ཝ་ཏཱ་ཡོ མ་ཧི་དྡྷི་ཀཱ;
པ་རི་ཝཱ་རེ་ཏྭཱ ན་མ་སྶ་ནྟི, ཏུ་ཊྛ་ཧ་ཊྛཱ པ་མོ་དི་ཏཱ.
༢༥. ‘‘དེ་ཝ་ཏཱ དེ་ཝ་ཀ་ཉྙཱ ཙ, པ་ས་ནྣཱ ཏུ་ཊྛ་མཱ་ན་སཱ;
པ་ཉྩ་ཝ་ཎྞི་ཀ་པུ་པྥེ་ཧི, པཱུ་ཛ་ཡ་ནྟི ན་རཱ་ས་བྷཾ.
༢༦. ‘‘པ་སྶ་ནྟི ཏཾ དེ་ཝ་ས་ངྒྷཱ, པ་ས་ནྣཱ ཏུ་ཊྛ་མཱ་ན་སཱ;
པ་ཉྩ་ཝ་ཎྞི་ཀ་པུ་པྥེ་ཧི, པཱུ་ཛ་ཡ་ནྟི ན་རཱ་ས་བྷཾ.
༢༧. ‘‘ཨ་ཧོ ཨ་ཙྪ་རི་ཡཾ ལོ་ཀེ, ཨ་བྦྷུ་ཏཾ ལོ་མ་ཧཾ་ས་ནཾ;
ན མེ་དི་སཾ བྷཱུ་ཏ་པུ་བྦཾ, ཨ་ཙྪེ་རཾ ལོ་མ་ཧཾ་ས་ནཾ’’.
༢༨. ས་ཀ་ས་ཀ་མྷི བྷ་ཝ་ནེ, ནི་སཱི་དི་ཏྭཱ་ན དེ་ཝ་ཏཱ;
ཧ་ས་ནྟི ཏཱ མ་ཧཱ་ཧ་སི་ཏཾ, དི་སྭཱ་ན་ཙྪེ་ར་ཀཾ ན་བྷེ.
༢༩. ཨཱ་ཀཱ་ས་ཊྛཱ ཙ བྷཱུ་མ་ཊྛཱ, ཏི་ཎ་པ་ནྠ་ནི་ཝཱ་སི་ནོ;
ཀ་ཏ་ཉྫ་ལཱི ན་མ་སྶ་ནྟི, ཏུ་ཊྛ་ཧ་ཊྛཱ པ་མོ་དི་ཏཱ.
༣༠. ཡེ་པི དཱི་གྷཱ་ཡུ་ཀཱ ནཱ་གཱ, པུ་ཉྙ་ཝ་ནྟོ མ་ཧི་དྡྷི་ཀཱ;
པ་མོ་དི་ཏཱ ན་མ་སྶ་ནྟི, པཱུ་ཛ་ཡ་ནྟི ན་རུ་ཏྟ་མཾ.
༣༡. ས་ངྒཱི་ཏི་ཡོ པ་ཝ་ཏྟེ་ནྟི, ཨ་མྦ་རེ ཨ་ནི་ལ་ཉྫ་སེ;
ཙ་མྨ་ན་དྡྷཱ་ནི ཝཱ་དེ་ནྟི, དི་སྭཱ་ན་ཙྪེ་ར་ཀཾ ན་བྷེ.
༣༢. ས་ངྑཱ ཙ པ་ཎ་ཝཱ ཙེ་ཝ, ཨ་ཐོ་པི ཌི་ཎྜི་མཱ [ཌེ་ཎྜི་མཱ (སཱི.)] བ་ཧཱུ;
ཨ་ནྟ་ལི་ཀྑ་སྨིཾ ཝ་ཛྫ་ནྟི, དི་སྭཱ་ན་ཙྪེ་ར་ཀཾ ན་བྷེ.
༣༣. ཨ་བྦྷུ་ཏོ ཝ་ཏ ནོ ཨ་ཛྫ, ཨུ་པྤ་ཛྫི ལོ་མ་ཧཾ་ས་ནོ;
དྷུ་ཝ་མ་ཏྠ་སི་དྡྷིཾ ལ་བྷཱ་མ, ཁ་ཎོ ནོ པ་ཊི་པཱ་དི་ཏོ.
༣༤. བུ་དྡྷོ་ཏི ཏེ་སཾ སུ་ཏྭཱ་ན, པཱི་ཏི ཨུ་པྤ་ཛྫི ཏཱ་ཝ་དེ;
བུ་དྡྷོ བུ་དྡྷོ་ཏི ཀ་ཐ་ཡ་ནྟཱ, ཏི་ཊྛ་ནྟི པ་ཉྫ་ལཱི་ཀ་ཏཱ.
༣༥. ཧི་ངྐཱ་རཱ སཱ་དྷུ་ཀཱ་རཱ ཙ [ཧི་ངྐཱ་རཾ སཱ་དྷུ་ཀཱ་ར་ཉྩ (སཱི. སྱཱ.)], ཨུ་ཀྐུ་ཊྛི ས་མྤ་ཧཾ་ས་ནཾ [ས་མྤ་སཱ་ད་ནཾ (སཱི.), ས་མྤ་ནཱ་ད་ནཾ (སྱཱ.)];
པ་ཛཱ ཙ ཝི་ཝི་དྷཱ ག་ག་ནེ, ཝ་ཏྟེ་ནྟི པ་ཉྫ་ལཱི་ཀ་ཏཱ.
༣༦. གཱ་ཡ་ནྟི སེ་ལེ༹་ནྟི ཙ ཝཱ་ད་ཡ་ནྟི ཙ, བྷུ་ཛཱ་ནི པོ་ཐེ་ནྟི ཙ ན་ཙྩ་ཡ་ནྟི ཙ;
མུ་ཉྩ་ནྟི པུ་པྥཾ པ་ན པ་ཉྩ་ཝ་ཎྞི་ཀཾ, མ་ནྡཱ་ར་ཝཾ ཙ་ནྡ་ན་ཙུ་ཎྞ་མི་སྶི་ཏཾ.
༣༧. ‘‘ཡ་ཐཱ ཏུ་ཡ྄ཧཾ མ་ཧཱ་ཝཱི་ར, པཱ་དེ་སུ ཙ་ཀྐ་ལ་ཀྑ་ཎཾ;
དྷ་ཛ་ཝ་ཛི་ར་པ་ཊཱ་ཀཱ, ཝ་ཌྜྷ་མཱ་ན་ངྐུ་སཱ་ཙི་ཏཾ.
༣༨. ‘‘རཱུ་པེ སཱི་ལེ ས་མཱ་དྷི་མྷི, པ་ཉྙཱ་ཡ ཙ ཨ་སཱ་དི་སོ;
ཝི་མུ་ཏྟི་ཡཱ ཨ་ས་མ་ས་མོ, དྷ་མྨ་ཙ་ཀྐ་པྤ་ཝ་ཏྟ་ནེ.
༣༩. ‘‘ད་ས་ནཱ་ག་བ་ལཾ ཀཱ་ཡེ, ཏུ་ཡ྄ཧཾ པཱ་ཀ་ཏི་ཀཾ བ་ལཾ;
ཨི་དྡྷི་བ་ལེ་ན ཨ་ས་མོ, དྷ་མྨ་ཙ་ཀྐ་པྤ་ཝ་ཏྟ་ནེ.
༤༠. ‘‘ཨེ་ཝཾ ས་བྦ་གུ་ཎཱུ་པེ་ཏཾ, ས་བྦ་ངྒ་ས་མུ་པཱ་ག་ཏཾ;
མ་ཧཱ་མུ་ནིཾ ཀཱ་རུ་ཎི་ཀཾ, ལོ་ཀ་ནཱ་ཐཾ ན་མ་སྶ་ཐ.
༤༡. ‘‘ཨ་བྷི་ཝཱ་ད་ནཾ ཐོ་མ་ན་ཉྩ, ཝ་ནྡ་ན་ཉྩ པ་སཾ་ས་ནཾ;
ན་མ་སྶ་ན་ཉྩ པཱུ་ཛ་ཉྩ, ས་བྦཾ ཨ་ར་ཧ་སཱི ཏུ་ཝཾ.
༤༢. ‘‘ཡེ ཀེ་ཙི ལོ་ཀེ ཝ་ནྡ་ནེ་ཡྻཱ, ཝ་ནྡ་ནཾ ཨ་ར་ཧ་ནྟི ཡེ;
ས་བྦ་སེ་ཊྛོ མ་ཧཱ་ཝཱི་ར, ས་དི་སོ ཏེ ན ཝི་ཛྫ་ཏི.
༤༣. ‘‘སཱ་རི་པུ་ཏྟོ མ་ཧཱ་པ་ཉྙོ, ས་མཱ་དྷི་ཛ྄ཛྷཱ་ན་ཀོ་ཝི་དོ;
གི་ཛ྄ཛྷ་ཀཱུ་ཊེ ཋི་ཏོ་ཡེ་ཝ, པ་སྶ་ཏི ལོ་ཀ་ནཱ་ཡ་ཀཾ.
༤༤. ‘‘སུ་ཕུ་ལླཾ སཱ་ལ་རཱ་ཛཾ་ཝ, ཙ་ནྡཾ་ཝ ག་ག་ནེ ཡ་ཐཱ;
མ་ཛ྄ཛྷ་ནྷི་ཀེ་ཝ [མ་ཛ྄ཛྷ་ནྟི་ཀེ་ཝ (ས་བྦ་ཏྠ)] སཱུ་རི་ཡཾ, ཨོ་ལོ་ཀེ་སི ན་རཱ་ས་བྷཾ.
༤༥. ‘‘ཛ་ལ་ནྟཾ དཱི་པ་རུ་ཀྑཾ་ཝ, ཏ་རུ་ཎ་སཱུ་རི་ཡཾ་ཝ ཨུ་གྒ་ཏཾ;
བྱཱ་མ་པྤ་བྷཱ་ནུ་ར་ཉྫི་ཏཾ, དྷཱི་རཾ པ་སྶ་ཏི ལོ་ཀ་ནཱ་ཡ་ཀཾ.
༤༦. ‘‘པ་ཉྩ་ནྣཾ བྷི་ཀྑུ་ས་ཏཱ་ནཾ, ཀ་ཏ་ཀི་ཙྩཱ་ན ཏཱ་དི་ནཾ;
ཁཱི་ཎཱ་ས་ཝཱ་ནཾ ཝི་མ་ལཱ་ནཾ, ཁ་ཎེ་ན ས་ནྣི་པཱ་ཏ་ཡི.
༤༧. ‘‘ལོ་ཀ་པྤ་སཱ་ད་ནཾ ནཱ་མ, པཱ་ཊི་ཧཱི་རཾ ནི་ད་སྶ་ཡི;
ཨ་མྷེ་པི ཏ་ཏྠ ག་ནྟྭཱ་ན, ཝ་ནྡི་སྶཱ་མ མ་ཡཾ ཛི་ནཾ.
༤༨. ‘‘ཨེ་ཐ ས་བྦེ ག་མི་སྶཱ་མ, པུ་ཙྪི་སྶཱ་མ མ་ཡཾ ཛི་ནཾ;
ཀ་ངྑཾ ཝི་ནོ་ད་ཡི་སྶཱ་མ, པ་སྶི་ཏྭཱ ལོ་ཀ་ནཱ་ཡ་ཀཾ’’.
༤༩. སཱ་དྷཱུ་ཏི ཏེ པ་ཊི་སྶུ་ཏྭཱ, ནི་པ་ཀཱ སཾ་ཝུ་ཏི་ནྡྲི་ཡཱ;
པ་ཏྟ་ཙཱི་ཝ་ར་མཱ་དཱ་ཡ, ཏ་ར་མཱ་ནཱ ཨུ་པཱ་ག་མུཾ.
༥༠. ཁཱི་ཎཱ་ས་ཝེ་ཧི ཝི་མ་ལེ་ཧི, ད་ནྟེ་ཧི ཨུ་ཏྟ་མེ ད་མེ;
སཱ་རི་པུ་ཏྟོ མ་ཧཱ་པ་ཉྙོ, ཨི་དྡྷི་ཡཱ ཨུ་པ་ས་ངྐ་མི.
༥༡. ཏེ་ཧི བྷི་ཀྑཱུ་ཧི པ་རི་ཝུ་ཏོ, སཱ་རི་པུ་ཏྟོ མ་ཧཱ་ག་ཎཱི;
ལ་ལ༹་ནྟོ དེ་ཝོ་ཝ ག་ག་ནེ, ཨི་དྡྷི་ཡཱ ཨུ་པ་ས་ངྐ་མི.
༥༢. ཨུ་ཀྐཱ་སི་ཏ་ཉྩ ཁི་པི་ཏཾ [ཨུ་ཀྐཱ་སི་ཏ་ཉྩ ཁི་པི་ཏ་ཉྩ (སྱཱ. ཨ་ཊྛ.)], ཨ་ཛ྄ཛྷུ་པེ་ཀྑི་ཡ སུ་བྦ་ཏཱ;
ས་གཱ་ར་ཝཱ ས་པྤ་ཏི་སྶཱ, ས་མྦུ་དྡྷཾ ཨུ་པ་ས་ངྐ་མུཾ.
༥༣. ཨུ་པ་ས་ངྐ་མི་ཏྭཱ པ་སྶ་ནྟི, ས་ཡ་མྦྷུཾ ལོ་ཀ་ནཱ་ཡ་ཀཾ;
ན་བྷེ ཨ་ཙྩུ་གྒ་ཏཾ དྷཱི་རཾ, ཙ་ནྡཾ་ཝ ག་ག་ནེ ཡ་ཐཱ.
༥༤. ཛ་ལ་ནྟཾ དཱི་པ་རུ་ཀྑཾ་ཝ, ཝི་ཛྫུཾ་ཝ ག་ག་ནེ ཡ་ཐཱ;
མ་ཛ྄ཛྷ་ནྷི་ཀེ་ཝ སཱུ་རི་ཡཾ, པ་སྶ་ནྟི ལོ་ཀ་ནཱ་ཡ་ཀཾ.
༥༥. པ་ཉྩ་བྷི་ཀྑུ་ས་ཏཱ ས་བྦེ, པ་སྶ་ནྟི ལོ་ཀ་ནཱ་ཡ་ཀཾ;
ར་ཧ་ད་མི་ཝ ཝི་པྤ་ས་ནྣཾ, སུ་ཕུ་ལླཾ པ་དུ་མཾ ཡ་ཐཱ.
༥༦. ཨ་ཉྫ་ལིཾ པ་གྒ་ཧེ་ཏྭཱ་ན, ཏུ་ཊྛ་ཧ་ཊྛཱ པ་མོ་དི་ཏཱ;
ན་མ་སྶ་མཱ་ནཱ ནི་པ་ཏ་ནྟི, ས་ཏྠུ་ནོ ཙ་ཀྐ་ལ་ཀྑ་ཎེ.
༥༧. སཱ་རི་པུ་ཏྟོ མ་ཧཱ་པ་ཉྙོ, ཀོ་ར་ཎྜ་ས་མ་སཱ་དི་སོ;
ས་མཱ་དྷི་ཛ྄ཛྷཱ་ན་ཀུ་ས་ལོ, ཝ་ནྡ་ཏེ ལོ་ཀ་ནཱ་ཡ་ཀཾ.
༥༨. ག་ཛྫི་ཏཱ ཀཱ་ལ་མེ་གྷོ་ཝ, ནཱི་ལུ་པྤ་ལ་ས་མ་སཱ་དི་སོ;
ཨི་དྡྷི་བ་ལེ་ན ཨ་ས་མོ, མོ་གྒ་ལླཱ་ནོ མ་ཧི་དྡྷི་ཀོ.
༥༩. མ་ཧཱ་ཀ་སྶ་པོ་པི ཙ ཐེ་རོ, ཨུ་ཏྟ་ཏྟ་ཀ་ན་ཀ་ས་ནྣི་བྷོ;
དྷུ་ཏ་གུ་ཎེ ཨ་གྒ་ནི་ཀྑི་ཏྟོ, ཐོ་མི་ཏོ ས་ཏྠུ་ཝ་ཎྞི་ཏོ.
༦༠. དི་བྦ་ཙ་ཀྑཱུ་ནཾ ཡོ ཨ་གྒོ, ཨ་ནུ་རུ་དྡྷོ མ་ཧཱ་ག་ཎཱི;
ཉཱ་ཏི་སེ་ཊྛོ བྷ་ག་ཝ་ཏོ, ཨ་ཝི་དཱུ་རེ་ཝ ཏི་ཊྛ་ཏི.
༦༡. ཨཱ་པ་ཏྟི་ཨ་ནཱ་པ་ཏྟི་ཡཱ, ས་ཏེ་ཀི་ཙྪཱ་ཡ ཀོ་ཝི་དོ;
ཝི་ན་ཡེ ཨ་གྒ་ནི་ཀྑི་ཏྟོ, ཨུ་པཱ་ལི ས་ཏྠུ་ཝ་ཎྞི་ཏོ.
༦༢. སུ་ཁུ་མ་ནི་པུ་ཎ་ཏྠ་པ་ཊི་ཝི་དྡྷོ, ཀ་ཐི་ཀཱ་ནཾ པ་ཝ་རོ ག་ཎཱི;
ཨི་སི མ་ནྟཱ་ནི་ཡཱ པུ་ཏྟོ, པུ་ཎྞོ ནཱ་མཱ་ཏི ཝི་སྶུ་ཏོ.
༦༣. ཨེ་ཏེ་སཾ ཙི་ཏྟ་མ་ཉྙཱ་ཡ, ཨོ་པ་མྨ་ཀུ་ས་ལོ མུ་ནི;
ཀ་ངྑ་ཙྪེ་དོ མ་ཧཱ་ཝཱི་རོ, ཀ་ཐེ་སི ཨ་ཏྟ་ནོ གུ་ཎཾ.
༦༤. ‘‘ཙ་ཏྟཱ་རོ ཏེ ཨ་ས་ངྑེ་ཡྻཱ, ཀོ་ཊི ཡེ་སཾ ན ནཱ་ཡ་ཏི;
ས་ཏྟ་ཀཱ་ཡོ ཙ ཨཱ་ཀཱ་སོ, ཙ་ཀྐ་ཝཱ་ལཱ༹ ཙ་ན་ནྟ་ཀཱ;
བུ་དྡྷ་ཉཱ་ཎཾ ཨ་པྤ་མེ་ཡྻཾ, ན ས་ཀྐཱ ཨེ་ཏེ ཝི་ཛཱ་ནི་ཏུཾ.
༦༥. ‘‘ཀི་མེ་ཏཾ ཨ་ཙྪ་རི་ཡཾ ལོ་ཀེ, ཡཾ མེ ཨི་དྡྷི་ཝི་ཀུ་བྦ་ནཾ;
ཨ་ཉྙེ བ་ཧཱུ ཨ་ཙྪ་རི་ཡཱ, ཨ་བྦྷུ་ཏཱ ལོ་མ་ཧཾ་ས་ནཱ.
༦༦. ‘‘ཡ་དཱ་ཧཾ ཏུ་སི་ཏེ ཀཱ་ཡེ, ས་ནྟུ་སི་ཏོ ནཱ་མ་ཧཾ ཏ་དཱ;
ད་ས་ས་ཧ་སྶཱི ས་མཱ་ག་མྨ, ཡཱ་ཙ་ནྟི པ་ཉྫ་ལཱི མ་མཾ.
༦༧. ‘‘‘ཀཱ་ལོ ཁོ ཏེ [ཀཱ་ལོ དེ་ཝ (སཱི.), ཀཱ་ལོ་ཡཾ ཏེ (སྱཱ. ཀ.)] མ་ཧཱ་ཝཱི་ར, ཨུ་པྤ་ཛྫ མཱ་ཏུ་ཀུ་ཙྪི་ཡཾ;
ས་དེ་ཝ་ཀཾ ཏཱ་ར་ཡ་ནྟོ, བུ་ཛ྄ཛྷ་སྶུ ཨ་མ་ཏཾ པ་དཾ’.
༦༨. ‘‘ཏུ་སི་ཏཱ ཀཱ་ཡཱ ཙ་ཝི་ཏྭཱ་ན, ཡ་དཱ ཨོ་ཀྐ་མི ཀུ་ཙྪི་ཡཾ;
ད་ས་ས་ཧ་སྶཱི་ལོ་ཀ་དྷཱ་ཏུ, ཀ་མྤི་ཏྠ དྷ་ར་ཎཱི ཏ་དཱ.
༦༩. ‘‘ཡ་དཱ་ཧཾ མཱ་ཏུ་ཀུ་ཙྪི་ཏོ, ས་མྤ་ཛཱ་ནོ་ཝ ནི་ཀྑ་མིཾ;
སཱ་དྷུ་ཀཱ་རཾ པ་ཝ་ཏྟེ་ནྟི, ད་ས་ས་ཧ་སྶཱི པ་ཀ་མྤ་ཐ.
༧༠. ‘‘ཨོ་ཀྐ་ནྟིཾ མེ ས་མོ ན་ཏྠི, ཛཱ་ཏི་ཏོ ཨ་བྷི་ནི་ཀྑ་མེ;
ས་མྦོ་དྷི་ཡཾ ཨ་ཧཾ སེ་ཊྛོ, དྷ་མྨ་ཙ་ཀྐ་པྤ་ཝ་ཏྟ་ནེ.
༧༡. ‘‘ཨ་ཧོ ཨ་ཙྪ་རི་ཡཾ ལོ་ཀེ, བུ་དྡྷཱ་ནཾ གུ་ཎ་མ་ཧ་ནྟ་ཏཱ;
ད་ས་ས་ཧ་སྶཱི་ལོ་ཀ་དྷཱ་ཏུ, ཚ་པྤ་ཀཱ་རཾ པ་ཀ་མྤ་ཐ;
ཨོ་བྷཱ་སོ ཙ མ་ཧཱ ཨཱ་སི, ཨ་ཙྪེ་རཾ ལོ་མ་ཧཾ་ས་ནཾ’’.
༧༢. བྷ་ག་ཝཱ ཏ་མྷི [བྷ་ག་ཝཱ ཙ ཏ་མྷི (སཱི. སྱཱ. ཀ.)] ས་མ་ཡེ, ལོ་ཀ་ཛེ་ཊྛོ ན་རཱ་ས་བྷོ;