༨. པུ་ཎྞི་ཀཱ་ཐེ་རཱི་ཨ་པ་དཱ་ནཾ
༡༨༤. ‘‘ཝི་པ་སྶི་ནོ བྷ་ག་ཝ་ཏོ, སི་ཁི་ནོ ཝེ་སྶ་བྷུ་སྶ ཙ;
ཀ་ཀུ་ས་ནྡྷ་སྶ མུ་ནི་ནོ, ཀོ་ཎཱ་ག་མ་ན་ཏཱ་དི་ནོ.
༡༨༥. ‘‘ཀ་སྶ་པ་སྶ ཙ བུ་དྡྷ་སྶ, པ་བྦ་ཛི་ཏྭཱ་ན སཱ་ས་ནེ;
བྷི་ཀྑུ་ནཱི སཱི་ལ་ས་མྤ་ནྣཱ, ནི་པ་ཀཱ སཾ་ཝུ་ཏི་ནྡྲི་ཡཱ.
༡༨༦. ‘‘བ་ཧུ་སྶུ་ཏཱ དྷ་མྨ་དྷ་རཱ, དྷ་མྨ་ཏྠ་པ་ཊི་པུ་ཙྪི་ཀཱ;
ཨུ་གྒ་ཧེ་ཏཱ ཙ དྷ་མྨཱ་ནཾ, སོ་ཏཱ པ་ཡི་རུ་པཱ་སི་ཏཱ.
༡༨༧. ‘‘དེ་སེ་ནྟཱི ཛ་ན་མ་ཛ྄ཛྷེ་ཧཾ, ཨ་ཧོ་སིཾ ཛི་ན་སཱ་ས་ནེ;
བཱ་ཧུ་ས་ཙྩེ་ན ཏེ་ནཱ་ཧཾ, པེ་ས་ལཱ ཨ་ཏི་མ་ཉྙི་སཾ.
༡༨༨. ‘‘པ་ཙྪི་མེ ཙ བྷ་ཝེ དཱ་ནི, སཱ་ཝ་ཏྠི་ཡཾ པུ་རུ་ཏྟ་མེ;
ཨ་ནཱ་ཐ་པི་ཎྜི་ནོ གེ་ཧེ, ཛཱ་ཏཱ་ཧཾ ཀུ་མྦྷ་དཱ་སི་ཡཱ.
༡༨༩. ‘‘ག་ཏཱ ཨུ་ད་ཀ་ཧཱ་རི་ཡཾ, སོ་ཏྠི་ཡཾ དི་ཛ་མ་དྡ་སཾ;
སཱི་ཏ་ཊྚཾ ཏོ་ཡ་མ་ཛ྄ཛྷ་མྷི, ཏཾ དི་སྭཱ ཨི་ད་མ་བྲ་ཝིཾ.
༡༩༠. ‘‘‘ཨུ་ད་ཧཱ་རཱི ཨ་ཧཾ སཱི་ཏེ, ས་དཱ ཨུ་ད་ཀ་མོ་ཏ་རིཾ;
ཨ་ཡྻཱ་ནཾ ད་ཎྜ་བྷ་ཡ་བྷཱི་ཏཱ, ཝཱ་ཙཱ་དོ་ས་བྷ་ཡ་ཊྚི་ཏཱ [ཝཱ་ཙཱ་རོ་ས་བྷ་ཡ་ཊྚི་ཏཱ (སྱཱ.)].
༡༩༡. ‘‘‘ཀ་སྶ བྲཱ་ཧྨ་ཎ ཏྭཾ བྷཱི་ཏོ, ས་དཱ ཨུ་ད་ཀ་མོ་ཏ་རི;
ཝེ་དྷ་མཱ་ནེ་ཧི ག་ཏྟེ་ཧི, སཱི་ཏཾ ཝེ་ད་ཡ་སེ བྷུ་སཾ’.
༡༩༢. ‘‘‘ཛཱ་ན་ནྟཱི ཝ་ཏ མཾ བྷོ་ཏི, པུ་ཎྞི་ཀེ པ་རི་པུ་ཙྪ་སི;
ཀ་རོ་ནྟཾ ཀུ་ས་ལཾ ཀ་མྨཾ, རུ་ནྡྷ་ནྟཾ [ནི་དྡྷ་ནྟཾ (སཱི. པཱི.), ནུ་ད་ནྟཾ (སྱཱ.)] ཀ་ཏ་པཱ་པ་ཀཾ.
༡༩༣. ‘‘‘ཡོ ཙེ ཝུ་ཌྜྷོ ད་ཧ་རོ ཝཱ, པཱ་པ་ཀ་མྨཾ པ་ཀུ་བྦ་ཏི;
ད་ཀཱ་བྷི་སི་ཉྩ་ནཱ སོ་པི [བྷོ་ཏི (སཱི. ཀ.) ཐེ་རཱི་གཱ. ༢༣༩], པཱ་པ་ཀ་མྨཱ པ་མུ་ཙྩ་ཏི’.
༡༩༤. ‘‘ཨུ་ཏྟ་ར་ནྟ་སྶ ཨ་ཀྑཱ་སིཾ, དྷ་མྨ་ཏྠ་སཾ་ཧི་ཏཾ པ་དཾ;
ཏ་ཉྩ སུ་ཏྭཱ ས སཾ་ཝི་གྒོ [སུ་སཾ་ཝི་གྒོ (སྱཱ.)], པ་བྦ་ཛི་ཏྭཱ་ར་ཧཱ ཨ་ཧུ.
༡༩༥. ‘‘པཱུ་རེ་ནྟཱི ཨཱུ་ན་ཀ་ས་ཏཾ, ཛཱ་ཏཱ དཱ་སི་ཀུ་ལེ ཡ་ཏོ;
ཏ་ཏོ པུ་ཎྞཱ་ཏི ནཱ་མཾ མེ, བྷུ་ཛི་སྶཾ མཾ ཨ་ཀཾ་སུ ཏེ.
༡༩༦. ‘‘སེ་ཊྛིཾ ཏ་ཏོ་ནུ་ཛཱ་ནེ་ཏྭཱ [ཏ་ཏོ ཨ་ནུ་མོ་དེ་ཏྭཱ (སཱི. སྱཱ.), ཏ་ཏོ ཨ་ནུ་མཱ་ནེ་ཏྭཱ (པཱི.)], པ་བྦ་ཛིཾ ཨ་ན་གཱ་རི་ཡཾ;
ན ཙི་རེ་ནེ་ཝ ཀཱ་ལེ་ན, ཨ་ར་ཧ་ཏྟ་མ་པཱ་པུ་ཎིཾ.
༡༩༧. ‘‘ཨི་དྡྷཱི་སུ ཙ ཝ་སཱི ཧོ་མི, དི་བྦཱ་ཡ སོ་ཏ་དྷཱ་ཏུ་ཡཱ;
ཙེ་ཏོ་པ་རི་ཡ་ཉཱ་ཎ་སྶ, ཝ་སཱི ཧོ་མི མ་ཧཱ་མུ་ནེ.
༡༩༨. ‘‘པུ་བྦེ་ནི་ཝཱ་སཾ ཛཱ་ནཱ་མི, དི་བྦ་ཙ་ཀྑུ ཝི་སོ་དྷི་ཏཾ;
ས་བྦཱ་ས་ཝ་པ་རི་ཀྑཱི་ཎཱ, ན་ཏྠི དཱ་ནི པུ་ན་བྦྷ་ཝོ.
༡༩༩. ‘‘ཨ་ཏྠ་དྷ་མྨ་ནི་རུ་ཏྟཱི་སུ, པ་ཊི་བྷཱ་ནེ ཏ་ཐེ་ཝ ཙ;
ཉཱ་ཎཾ མེ ཝི་མ་ལཾ སུ་དྡྷཾ, བུ་དྡྷ་སེ་ཊྛ་སྶ ཝཱ་ཧ་སཱ.
༢༠༠. ‘‘བྷཱ་ཝ་ནཱ་ཡ མ་ཧཱ་པ་ཉྙཱ, སུ་ཏེ་ནེ་ཝ སུ་ཏཱ་ཝི་ནཱི;
མཱ་ནེ་ན ནཱི་ཙ་ཀུ་ལ་ཛཱ, ན ཧི ཀ་མྨཾ ཝི་ན་སྶ་ཏི [པ་ན་སྶ་ཏི (སྱཱ.)].
༢༠༡. ‘‘ཀི་ལེ་སཱ ཛྷཱ་པི་ཏཱ མ་ཡ྄ཧཾ…པེ… ཝི་ཧ་རཱ་མི ཨ་ནཱ་ས་ཝཱ.
༢༠༢. ‘‘སྭཱ་ག་ཏཾ ཝ་ཏ མེ ཨཱ་སི…པེ… ཀ་ཏཾ བུ་དྡྷ་སྶ སཱ་ས་ནཾ.
༢༠༣. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ པུ་ཎྞི་ཀཱ བྷི་ཀྑུ་ནཱི ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
པུ་ཎྞི་ཀཱ་ཐེ་རི་ཡཱ་པ་དཱ་ནཾ ཨ་ཊྛ་མཾ.