༩. ཡ་སོ་དྷ་རཱ་པ་མུ་ཁ་ད་ས་བྷི་ཀྑུ་ནཱི་ས་ཧ་སྶ་ཨ་པ་དཱ་ནཾ
༤༡༡. ‘‘ཀ་པྤེ ཙ ས་ཏ་ས་ཧ་སྶེ, ཙ་ཏུ་རོ ཙ ཨ་ས་ངྑི་ཡེ;
དཱི་པ་ངྐ་རོ ནཱ་མ ཛི་ནོ, ཨུ་པྤ་ཛྫི ལོ་ཀ་ནཱ་ཡ་ཀོ.
༤༡༢. ‘‘དཱི་པ་ངྐ་རོ མ་ཧཱ་ཝཱི་རོ, ཝི་ཡཱ་ཀཱ་སི ཝི་ནཱ་ཡ་ཀོ;
སུ་མེ་དྷ་ཉྩ སུ་མི་ཏྟ་ཉྩ, ས་མཱ་ན་སུ་ཁ་དུ་ཀྑ་ཏཾ.
༤༡༣. ‘‘ས་དེ་ཝ་ཀ་ཉྩ པ་སྶ་ནྟོ, ཝི་ཙ་ར་ནྟོ ས་དེ་ཝ་ཀཾ;
ཏེ་སཾ པ་ཀི་ཏྟ་ནེ ཨ་མྷེ, ཨུ་པ་ག་མྨ ས་མཱ་ག་མཾ.
༤༡༤. ‘‘ཨ་མྷཾ ས་བྦ་པ་ཏི ཧོ་ཧི [ས་བྦཱ པ་ཏཱི ཧོ་ནྟི (པཱི.)], ཨ་ནཱ་ག་ཏ་ས་མཱ་ག་མེ;
ས་བྦཱ་ཝ ཏུ་ཡ྄ཧཾ བྷ་རི་ཡཱ, མ་ནཱ་པཱ པི་ཡ་ཝཱ་དི་ཀཱ.
༤༡༥. ‘‘དཱ་ནཾ སཱི་ལ་མ་ཡཾ ས་བྦཾ, བྷཱ་ཝ་ནཱ ཙ སུ་བྷཱ་ཝི་ཏཱ;
དཱི་གྷ་ར་ཏྟ་ཉྩ ནོ [དཱི་གྷ་ར་ཏྟ་མི་དཾ (སྱཱ. ཀ.)] ས་བྦཾ, པ་རི་ཙྩ་ཏྟཾ མ་ཧཱ་མུ་ནེ.
༤༡༦. ‘‘ག་ནྡྷཾ ཝི་ལེ་པ་ནཾ མཱ་ལཾ, དཱི་པ་ཉྩ ར་ཏ་ནཱ་མ་ཡཾ;
ཡཾ་ཀི་ཉྩི པ་ཏྠི་ཏཾ ས་བྦཾ, པ་རི་ཙྩ་ཏྟཾ མ་ཧཱ་མུ་ནི.
༤༡༧. ‘‘ཨ་ཉྙཾ ཝཱ་པི ཀ་ཏཾ ཀ་མྨཾ, པ་རི་བྷོ་ག་ཉྩ མཱ་ནུ་སཾ;
དཱི་གྷ་ར་ཏྟ་ཉྷི ནོ ས་བྦཾ, པ་རི་ཙྩ་ཏྟཾ མ་ཧཱ་མུ་ནི.
༤༡༨. ‘‘ཨ་ནེ་ཀ་ཛཱ་ཏི་སཾ་སཱ་རཾ, བ་ཧུཾ པུ་ཉྙ་མྤི ནོ ཀ་ཏཾ;
ཨི་སྶ་ར་མ་ནུ་བྷོ་ཏྭཱ་ན, སཾ་ས་རི་ཏྭཱ བྷ་ཝཱ་བྷ་ཝེ.
༤༡༩. ‘‘པ་ཙྪི་མེ བྷ་ཝེ ས་མྤ་ཏྟེ, ས་ཀྱ་པུ་ཏྟ་ནི་ཝེ་ས་ནེ;
ནཱ་ནཱ་ཀུ་ལཱུ་པ་པ་ནྣཱ་ཡོ, ཨ་ཙྪ་རཱ ཀཱ་མ་ཝ་ཎྞི་ནཱི.
༤༢༠. ‘‘ལཱ་བྷ་གྒེ་ན ཡ་སཾ པ་ཏྟཱ, པཱུ་ཛི་ཏཱ ས་བྦ་ས་ཀྐ་ཏཱ;
ལཱ་བྷི་ཡོ ཨ་ནྣ་པཱ་ནཱ་ནཾ, ས་དཱ ས་མྨཱ་ནི་ཏཱ མ་ཡཾ.
༤༢༡. ‘‘ཨ་གཱ་རཾ པ་ཛ་ཧི་ཏྭཱ་ན, པ་བྦ་ཛི་མྷ་ན་གཱ་རི་ཡཾ;
ཨ་ཌྜྷ་མཱ་སེ ཨ་ས་མྤ་ཏྟེ, ས་བྦཱ པ་ཏྟཱ་མྷ ནི་བྦུ་ཏིཾ.
༤༢༢. ‘‘ལཱ་བྷི་ཡོ ཨ་ནྣ་པཱ་ནཱ་ནཾ, ཝ་ཏྠ་སེ་ནཱ་ས་ནཱ་ནི ཙ;
ཨུ་པེ་ནྟི པ་ཙྩ་ཡཱ ས་བྦེ, ས་དཱ ས་ཀྐ་ཏ་པཱུ་ཛི་ཏཱ.
༤༢༣. ‘‘ཀི་ལེ་སཱ ཛྷཱ་པི་ཏཱ ཨ་མྷཾ…པེ… ཝི་ཧ་རཱ་མ ཨ་ནཱ་ས་ཝཱ.
༤༢༤. ‘‘སྭཱ་ག་ཏཾ ཝ་ཏ ནོ ཨཱ་སི…པེ… ཀ་ཏཾ བུ་དྡྷ་སྶ སཱ་ས་ནཾ.
༤༢༥. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཡ་སོ་དྷ་རཱ་པ་མུ་ཁཱ་ནི ད་ས་བྷི་ཀྑུ་ནཱི་ས་ཧ་སྶཱ་ནི བྷ་ག་ཝ་ཏོ ས་མྨུ་ཁཱ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཡ་སོ་དྷ་རཱ་པ་མུ་ཁ་ད་ས་བྷི་ཀྑུ་ནཱི་ས་ཧ་སྶཱ་པ་དཱ་ནཾ ན་ཝ་མཾ.