༣. ཀུ་ཎྜ་ལ་ཀེ་སཱི་ཝ་གྒོ
༡. ཀུ་ཎྜ་ལ་ཀེ་སཱ་ཐེ་རཱི་ཨ་པ་དཱ་ནཾ
༡. ‘‘པ་དུ་མུ་ཏྟ་རོ ནཱ་མ ཛི་ནོ, ས་བྦ་དྷ་མྨཱ་ན པཱ་ར་གཱུ;
ཨི་ཏོ ས་ཏ་ས་ཧ་སྶ་མྷི, ཀ་པྤེ ཨུ་པྤ་ཛྫི ནཱ་ཡ་ཀོ.
༢. ‘‘ཏ་དཱ་ཧཾ ཧཾ་ས་ཝ་ཏི་ཡཾ, ཛཱ་ཏཱ སེ་ཊྛི་ཀུ་ལེ ཨ་ཧུཾ;
ནཱ་ནཱ་ར་ཏ་ན་པ་ཛྫོ་ཏེ, མ་ཧཱ་སུ་ཁ་ས་མ་པྤི་ཏཱ.
༣. ‘‘ཨུ་པེ་ཏྭཱ ཏཾ མ་ཧཱ་ཝཱི་རཾ, ཨ་སྶོ་སིཾ དྷ་མྨ་དེ་ས་ནཾ;
ཏ་ཏོ ཛཱ་ཏ་པྤ་སཱ་དཱ་ཧཾ, ཨུ་པེ་སིཾ ས་ར་ཎཾ ཛི་ནཾ.
༤. ‘‘ཏ་དཱ མ་ཧཱ་ཀཱ་རུ་ཎི་ཀོ, པ་དུ་མུ་ཏྟ་ར་ནཱ་མ་ཀོ;
ཁི་པྤཱ་བྷི་ཉྙཱ་ན་མ་གྒ་ནྟི, ཋ་པེ་སི བྷི་ཀྑུ་ནིཾ སུ་བྷཾ.
༥. ‘‘ཏཾ སུ་ཏྭཱ མུ་དི་ཏཱ ཧུ་ཏྭཱ, དཱ་ནཾ ད་ཏྭཱ མ་ཧེ་སི་ནོ;
ནི་པ་ཙྩ སི་ར་སཱ པཱ་དེ, ཏཾ ཋཱ་ན་མ་བྷི་པ་ཏྠ་ཡིཾ.
༦. ‘‘ཨ་ནུ་མོ་དི མ་ཧཱ་ཝཱི་རོ, ‘བྷ་དྡེ ཡཾ ཏེ་བྷི་པ་ཏྠི་ཏཾ;
ས་མི་ཛ྄ཛྷི་སྶ་ཏི ཏཾ ས་བྦཾ, སུ་ཁི་ནཱི ཧོ་ཧི ནི་བྦུ་ཏཱ.
༧. ‘‘‘ས་ཏ་ས་ཧ་སྶི་ཏོ ཀ་པྤེ, ཨོ་ཀྐཱ་ཀ་ཀུ་ལ་ས་མྦྷ་ཝོ;
གོ་ཏ་མོ ནཱ་མ གོ་ཏྟེ་ན, ས་ཏྠཱ ལོ་ཀེ བྷ་ཝི་སྶ་ཏི.
༨. ‘‘‘ཏ་སྶ དྷ་མྨེ་སུ དཱ་ཡཱ་དཱ, ཨོ་ར་སཱ དྷ་མྨ་ནི་མྨི་ཏཱ;
བྷ་དྡཱ་ཀུ་ཎྜ་ལ་ཀེ་སཱ་ཏི, ཧེ་སྶ་ཏི ས་ཏྠུ སཱ་ཝི་ཀཱ’.
༩. ‘‘ཏེ་ན ཀ་མྨེ་ན སུ་ཀ་ཏེ་ན, ཙེ་ཏ་ནཱ་པ་ཎི་དྷཱི་ཧི ཙ;
ཛ་ཧི་ཏྭཱ མཱ་ནུ་སཾ དེ་ཧཾ, ཏཱ་ཝ་ཏིཾ་ས་མ་ག་ཙྪ་ཧཾ.
༡༠. ‘‘ཏ་ཏོ ཙུ་ཏཱ ཡཱ་མ་མ་གཾ, ཏ་ཏོ་ཧཾ ཏུ་སི་ཏཾ ག་ཏཱ;
ཏ་ཏོ ཙ ནི་མྨཱ་ན་ར་ཏིཾ, ཝ་ས་ཝ་ཏྟི་པུ་རཾ ཏ་ཏོ.
༡༡. ‘‘ཡ་ཏྠ ཡ་ཏྠཱུ་པ་པ་ཛྫཱ་མི, ཏ་སྶ ཀ་མྨ་སྶ ཝཱ་ཧ་སཱ;
ཏ་ཏྠ ཏ་ཏྠེ་ཝ རཱ་ཛཱུ་ནཾ, མ་ཧེ་སི་ཏྟ་མ་ཀཱ་ར་ཡིཾ.
༡༢. ‘‘ཏ་ཏོ ཙུ་ཏཱ མ་ནུ་སྶེ་སུ, རཱ་ཛཱུ་ནཾ ཙ་ཀྐ་ཝ་ཏྟི་ནཾ;
མ་ཎྜ་ལཱི་ན་ཉྩ རཱ་ཛཱུ་ནཾ, མ་ཧེ་སི་ཏྟ་མ་ཀཱ་ར་ཡིཾ.
༡༣. ‘‘ས་མྤ་ཏྟིཾ ཨ་ནུ་བྷོ་ཏྭཱ་ན, དེ་ཝེ་སུ མཱ་ནུ་སེ་སུ ཙ;
ས་བྦ་ཏྠ སུ་ཁི་ཏཱ ཧུ་ཏྭཱ, ནེ་ཀ་ཀ་པྤེ་སུ སཾ་ས་རིཾ.
༡༤. ‘‘ཨི་མ་མྷི བྷ་དྡ་ཀེ ཀ་པྤེ, བྲ་ཧྨ་བ་ནྡྷུ མ་ཧཱ་ཡ་སོ;
ཀ་སྶ་པོ ནཱ་མ གོ་ཏྟེ་ན, ཨུ་པྤ་ཛྫི ཝ་ད་ཏཾ ཝ་རོ.
༡༥. ‘‘ཨུ་པ་ཊྛཱ་ཀོ མ་ཧེ་སི་སྶ, ཏ་དཱ ཨཱ་སི ན་རི་སྶ་རོ;
ཀཱ་སི་རཱ་ཛཱ ཀི་ཀཱི ནཱ་མ, བཱ་རཱ་ཎ་སི་པུ་རུ་ཏྟ་མེ.
༡༦. ‘‘ཏ་སྶ དྷཱི་ཏཱ ཙ་ཏུ་ཏྠཱ་སིཾ, བྷི་ཀྑུ་དཱ་ཡཱི་ཏི ཝི་སྶུ་ཏཱ;
དྷ་མྨཾ སུ་ཏྭཱ ཛི་ན་གྒ་སྶ, པ་བྦ་ཛྫཾ ས་མ་རོ་ཙ་ཡིཾ.
༡༧. ‘‘ཨ་ནུ་ཛཱ་ནི ན ནོ ཏཱ་ཏོ, ཨ་གཱ་རེ་ཝ ཏ་དཱ མ་ཡཾ;
ཝཱི་ས་ཝ་སྶ་ས་ཧ་སྶཱ་ནི, ཝི་ཙ་རི་མྷ ཨ་ཏ་ནྡི་ཏཱ.
༡༨. ‘‘ཀོ་མཱ་རི་བྲ་ཧྨ་ཙ་རི་ཡཾ, རཱ་ཛ་ཀ་ཉྙཱ སུ་ཁེ་དྷི་ཏཱ;
བུ་དྡྷོ་པ་ཊྛཱ་ན་ནི་ར་ཏཱ, མུ་དི་ཏཱ ས་ཏྟ དྷཱི་ཏ་རོ.
༡༩. ‘‘ས་མ་ཎཱི ས་མ་ཎ་གུ་ཏྟཱ ཙ, བྷི་ཀྑུ་ནཱི བྷི་ཀྑུ་དཱ་ཡི་ཀཱ;
དྷ་མྨཱ ཙེ་ཝ སུ་དྷ་མྨཱ ཙ, ས་ཏྟ་མཱི ས་ངྒྷ་དཱ་ཡི་ཀཱ.
༢༠. ‘‘ཁེ་མཱ ཨུ་པྤ་ལ་ཝ་ཎྞཱ ཙ, པ་ཊཱ་ཙཱ་རཱ ཨ་ཧཾ ཏ་དཱ;
ཀི་སཱ་གོ་ཏ་མཱི དྷ་མྨ་དི་ནྣཱ, ཝི་སཱ་ཁཱ ཧོ་ཏི ས་ཏྟ་མཱི.
༢༡. ‘‘ཏེ་ཧི ཀ་མྨེ་ཧི སུ་ཀ་ཏེ་ཧི, ཙེ་ཏ་ནཱ་པ་ཎི་དྷཱི་ཧི ཙ;
ཛ་ཧི་ཏྭཱ མཱ་ནུ་སཾ དེ་ཧཾ, ཏཱ་ཝ་ཏིཾ་ས་མ་ག་ཙྪ་ཧཾ.
༢༢. ‘‘པ་ཙྪི་མེ ཙ བྷ་ཝེ དཱ་ནི, གི་རི་བྦ་ཛ་པུ་རུ་ཏྟ་མེ;
ཛཱ་ཏཱ སེ་ཊྛི་ཀུ་ལེ ཕཱི་ཏེ, ཡ་དཱ་ཧཾ ཡོ་བྦ་ནེ ཋི་ཏཱ.
༢༣. ‘‘ཙོ་རཾ ཝ་དྷ་ཏྠཾ ནཱི་ཡ་ནྟཾ, དི་སྭཱ ར་ཏྟཱ ཏ་ཧིཾ ཨ་ཧཾ;
པི་ཏཱ མེ ཏཾ ས་ཧ་སྶེ་ན, མོ་ཙ་ཡི་ཏྭཱ ཝ་དྷཱ ཏ་ཏོ.
༢༤. ‘‘ཨ་དཱ་སི ཏ་སྶ མཾ ཏཱ་ཏོ, ཝི་དི་ཏྭཱ་ན མ་ནཾ མ་མ;
ཏ་སྶཱ་ཧ་མཱ་སིཾ ཝི་ས་ཊྛཱ, ཨ་ཏཱི་ཝ ད་ཡི་ཏཱ ཧི་ཏཱ.
༢༥. ‘‘སོ མེ བྷཱུ་ས་ན་ལོ་བྷེ་ན, བ་ལི་མ་ཛ྄ཛྷཱ་ས་ཡོ [ཁ་ལི་ཏ་ཛ྄ཛྷཱ་ས་ཡོ (སཱི.), བ་ལིཾ པ་ཙྩཱ་ཧ་རཾ (སྱཱ.), མཱ་ལ་པ་ཙྪཱ་ཧ་ཏཾ (པཱི.)] དི་སོ;
ཙོ་ར་པྤ་པཱ་ཏཾ ནེ་ཏྭཱ་ན, པ་བྦ་ཏཾ ཙེ་ཏ་ཡཱི ཝ་དྷཾ.
༢༦. ‘‘ཏ་དཱ་ཧཾ པ་ཎ་མི་ཏྭཱ་ན, ས་ཏྟུ་ཀཾ སུ་ཀ་ཏ་ཉྫ་ལཱི;
ར་ཀྑ་ནྟཱི ཨ་ཏྟ་ནོ པཱ་ཎཾ, ཨི་དཾ ཝ་ཙ་ན་མ་བྲ་ཝིཾ.
༢༧. ‘‘‘ཨི་དཾ སུ་ཝ་ཎྞ་ཀེ་ཡཱུ་རཾ, མུ་ཏྟཱ ཝེ་ལུ༹་རི་ཡཱ བ་ཧཱུ;
ས་བྦཾ ཧ་ར་སྶུ [ཝ་ར་སྶུ (ཀ.)] བྷ་དྡ་ནྟེ, མ་ཉྩ དཱ་སཱི་ཏི སཱ་ཝ་ཡ’.
༢༨. ‘‘‘ཨོ་རོ་པ་ཡ་སྶུ ཀ་ལྱཱ་ཎཱི, མཱ བཱ་ལ༹ྷཾ པ་རི་དེ་ཝ་སི;
ན ཙཱ་ཧཾ ཨ་བྷི་ཛཱ་ནཱ་མི, ཨ་ཧ་ནྟྭཱ དྷ་ན་མཱ་བྷ་ཏཾ’.
༢༩. ‘‘‘ཡ་ཏོ ས་རཱ་མི ཨ་ཏྟཱ་ནཾ, ཡ་ཏོ པ་ཏྟོ་སྨི ཝི་ཉྙུ་ཏཾ;
ན ཙཱ་ཧཾ ཨ་བྷི་ཛཱ་ནཱ་མི, ཨ་ཉྙཾ པི་ཡ་ཏ་རཾ ཏ་ཡཱ’.
༣༠. ‘‘‘ཨེ་ཧི ཏཾ ཨུ་པ་གཱུ་ཧི་སྶཾ, ཀ་ཏྭཱ་ན ཏཾ པ་ད་ཀྑི་ཎཾ;
ན ཙ དཱ་ནི པུ་ནོ ཨ་ཏྠི [ཏཾ ཝ་ནྡཱ་མི པུ་ན ན་ཏྠི (སྱཱ.)], མ་མ ཏུ་ཡ྄ཧ་ཉྩ ས་ངྒ་མོ.
༣༡. ‘‘‘ན ཧི ས་བྦེ་སུ ཋཱ་ནེ་སུ, པུ་རི་སོ ཧོ་ཏི པ་ཎྜི་ཏོ;
ཨི་ཏྠཱི་པི པ་ཎྜི་ཏཱ ཧོ་ཏི, ཏ་ཏྠ ཏ་ཏྠ ཝི་ཙ་ཀྑ་ཎཱ.
༣༢. ‘‘‘ན ཧི ས་བྦེ་སུ ཋཱ་ནེ་སུ, པུ་རི་སོ ཧོ་ཏི པ་ཎྜི་ཏོ;
ཨི་ཏྠཱི་པི པ་ཎྜི་ཏཱ ཧོ་ཏི, ལ་ཧུཾ ཨ་ཏྠ་ཝི་ཙི་ནྟི་ཀཱ.
༣༣. ‘‘‘ལ་ཧུ་ཉྩ ཝ་ཏ ཁི་པྤ་ཉྩ, ནི་ཀ་ཊྛེ [ནེ་ཀ་ཏྠེ (སཱི. སྱཱ.)] ས་མ་ཙེ་ཏ་ཡིཾ;
མི་གཾ ཨུ་ཎྞཱ ཡ་ཐཱ ཨེ་ཝཾ [ཙི་ཏྟ་པུ་ཎྞཱ་ཡ ཏཱ་ནེ་ཝ (སྱཱ.), མི་གཾ པུ་ཎྞཱ་ཡ ཏེ་ནེ་ཝ (པཱི.)], ཏ་དཱ་ཧཾ ས་ཏྟུ་ཀཾ ཝ་དྷིཾ.
༣༤. ‘‘‘ཡོ ཙ ཨུ་པྤ་ཏི་ཏཾ ཨ་ཏྠཾ, ན ཁི་པྤ་མ་ནུ་བུ་ཛ྄ཛྷ་ཏི;
སོ ཧ་ཉྙ་ཏེ མ་ནྡ་མ་ཏི, ཙོ་རོ་ཝ གི་རི་ག་བྦྷ་རེ.
༣༥. ‘‘‘ཡོ ཙ ཨུ་པྤ་ཏི་ཏཾ ཨ་ཏྠཾ, ཁི་པྤ་མེ་ཝ ནི་བོ་དྷ་ཏི;
མུ་ཙྩ་ཏེ ས་ཏྟུ་ས་མྦཱ་དྷཱ, ཏ་དཱ་ཧཾ ས་ཏྟུ་ཀཱ ཡ་ཐཱ’.
༣༦. ‘‘ཏ་དཱ་ཧཾ པཱ་ཏ་ཡི་ཏྭཱ་ན, གི་རི་དུ་གྒ་མྷི ས་ཏྟུ་ཀཾ;
ས་ནྟི་ཀཾ སེ་ཏ་ཝ་ཏྠཱ་ནཾ, ཨུ་པེ་ཏྭཱ པ་བྦ་ཛིཾ ཨ་ཧཾ.
༣༧. ‘‘ས་ཎྜཱ་སེ་ན ཙ ཀེ་སེ མེ, ལུ་ཉྩི་ཏྭཱ ས་བྦ་སོ ཏ་དཱ;
པ་བྦ་ཛི་ཏྭཱ་ན ས་མ་ཡཾ, ཨཱ་ཙི་ཀྑིཾ་སུ ནི་ར་ནྟ་རཾ.
༣༨. ‘‘ཏ་ཏོ ཏཾ ཨུ་གྒ་ཧེ་ཏྭཱ་ཧཾ, ནི་སཱི་དི་ཏྭཱ་ན ཨེ་ཀི་ཀཱ;
ས་མ་ཡཾ ཏཾ ཝི་ཙི་ནྟེ་སིཾ, སུ་ཝཱ་ནོ མཱ་ནུ་སཾ ཀ་རཾ.
༣༩. ‘‘ཚི་ནྣཾ ག་ཡ྄ཧ ས་མཱི་པེ མེ, པཱ་ཏ་ཡི་ཏྭཱ ཨ་པ་ཀྐ་མི;
དི་སྭཱ ནི་མི་ཏྟ་མ་ལ་བྷིཾ, ཧ་ཏྠཾ ཏཾ པུ་ལ༹་ཝཱ་ཀུ་ལཾ.
༤༠. ‘‘ཏ་ཏོ ཨུ་ཊྛཱ་ཡ སཾ་ཝི་གྒཱ, ཨ་པུ་ཙྪིཾ ས་ཧ་དྷ་མྨི་ཀེ;
ཏེ ཨ་ཝོ་ཙུཾ ཝི་ཛཱ་ན་ནྟི, ཏཾ ཨ་ཏྠཾ ས་ཀྱ་བྷི་ཀྑ་ཝོ.
༤༡. ‘‘སཱ་ཧཾ ཏ་མ་ཏྠཾ པུ་ཙྪི་སྶཾ, ཨུ་པེ་ཏྭཱ བུ་དྡྷ་སཱ་ཝ་ཀེ;
ཏེ མ་མཱ་དཱ་ཡ ག་ཙྪིཾ་སུ, བུ་དྡྷ་སེ་ཊྛ་སྶ ས་ནྟི་ཀཾ.
༤༢. ‘‘སོ མེ དྷ་མྨ་མ་དེ་སེ་སི, ཁ་ནྡྷཱ་ཡ་ཏ་ན་དྷཱ་ཏུ་ཡོ;
ཨ་སུ་བྷཱ་ནི་ཙྩ་དུ་ཀྑཱ་ཏི, ཨ་ན་ཏྟཱ་ཏི ཙ ནཱ་ཡ་ཀོ.
༤༣. ‘‘ཏ་སྶ དྷ་མྨཾ སུ་ཎི་ཏྭཱ་ཧཾ, དྷ་མྨ་ཙ་ཀྑུཾ ཝི་སོ་དྷ་ཡིཾ;
ཏ་ཏོ ཝི་ཉྙཱ་ཏ་ས་དྡྷ་མྨཱ, པ་བྦ་ཛྫཾ ཨུ་པ་ས་མྤ་དཾ.
༤༤. ‘‘ཨཱ་ཡཱ་ཙི་ཏོ ཏ་དཱ ཨཱ་ཧ, ‘ཨེ་ཧི བྷ་དྡེ’ཏི ནཱ་ཡ་ཀོ;
ཏ་དཱ་ཧཾ ཨུ་པ་ས་མྤ་ནྣཱ, པ་རི་ཏྟཾ ཏོ་ཡ་མ་དྡ་སཾ.
༤༥. ‘‘པཱ་ད་པ་ཀྑཱ་ལ་ནེ་ནཱ་ཧཾ, ཉ་ཏྭཱ ས་ཨུ་ད་ཡ་བྦ་ཡཾ;
ཏ་ཐཱ ས་བྦེ་པི ས་ངྑཱ་རེ, ཨཱི་དི་སཾ ཙི་ནྟ་ཡིཾ [ས་ངྑཱ་རཱ, ཨི་ཏི སཾ་ཙི་ནྟ་ཡིཾ (སཱི. སྱཱ. པཱི.)] ཏ་དཱ.
༤༦. ‘‘ཏ་ཏོ ཙི་ཏྟཾ ཝི་མུ་ཙྩི མེ, ཨ་ནུ་པཱ་དཱ་ཡ ས་བྦ་སོ;
ཁི་པྤཱ་བྷི་ཉྙཱ་ན་མ་གྒཾ མེ, ཏ་དཱ པ་ཉྙཱ་པ་ཡཱི ཛི་ནོ.
༤༧. ‘‘ཨི་དྡྷཱི་སུ ཙ ཝ་སཱི ཧོ་མི, དི་བྦཱ་ཡ སོ་ཏ་དྷཱ་ཏུ་ཡཱ;
པ་ར་ཙི་ཏྟཱ་ནི ཛཱ་ནཱ་མི, ས་ཏྠུ་སཱ་ས་ན་ཀཱ་རི་ཀཱ.
༤༨. ‘‘པུ་བྦེ་ནི་ཝཱ་སཾ ཛཱ་ནཱ་མི, དི་བྦ་ཙ་ཀྑུ ཝི་སོ་དྷི་ཏཾ;
ཁེ་པེ་ཏྭཱ ཨཱ་ས་ཝེ ས་བྦེ, ཝི་སུ་དྡྷཱ་སིཾ སུ་ནི་མྨ་ལཱ.
༤༩. ‘‘པ་རི་ཙི་ཎྞོ མ་ཡཱ ས་ཏྠཱ, ཀ་ཏཾ བུ་དྡྷ་སྶ སཱ་ས་ནཾ;
ཨོ་ཧི་ཏོ ག་རུ་ཀོ བྷཱ་རོ, བྷ་ཝ་ནེ་ཏྟི ས་མཱུ་ཧ་ཏཱ.
༥༠. ‘‘ཡ་སྶ་ཏྠཱ་ཡ པ་བྦ་ཛི་ཏཱ, ཨ་གཱ་ར་སྨཱ་ན་གཱ་རི་ཡཾ;
སོ མེ ཨ་ཏྠོ ཨ་ནུ་པྤ་ཏྟོ, ས་བྦ་སཾ་ཡོ་ཛ་ན་ཀྑ་ཡོ.
༥༡. ‘‘ཨ་ཏྠ་དྷ་མྨ་ནི་རུ་ཏྟཱི་སུ, པ་ཊི་བྷཱ་ནེ ཏ་ཐེ་ཝ ཙ;
ཉཱ་ཎཾ མེ ཝི་མ་ལཾ སུ་དྡྷཾ, བུ་དྡྷ་སེ་ཊྛ་སྶ སཱ་ས་ནེ.
༥༢. ‘‘ཀི་ལེ་སཱ ཛྷཱ་པི་ཏཱ མ་ཡ྄ཧཾ, བྷ་ཝཱ ས་བྦེ ས་མཱུ་ཧ་ཏཱ;
ནཱ་གཱི་ཝ བ་ནྡྷ་ནཾ ཚེ་ཏྭཱ, ཝི་ཧ་རཱ་མི ཨ་ནཱ་ས་ཝཱ.
༥༣. ‘‘སྭཱ་ག་ཏཾ ཝ་ཏ མེ ཨཱ་སི, མ་མ བུ་དྡྷ་སྶ ས་ནྟི་ཀེ;
ཏི་སྶོ ཝི་ཛྫཱ ཨ་ནུ་པྤ་ཏྟཱ, ཀ་ཏཾ བུ་དྡྷ་སྶ སཱ་ས་ནཾ.
༥༤. ‘‘པ་ཊི་ས་མྦྷི་དཱ ཙ་ཏ་སྶོ, ཝི་མོ་ཀྑཱ་པི ཙ ཨ་ཊྛི་མེ;
ཚ་ལ༹་བྷི་ཉྙཱ ས་ཙྪི་ཀ་ཏཱ, ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ བྷ་དྡཱ་ཀུ་ཎྜ་ལ་ཀེ་སཱ བྷི་ཀྑུ་ནཱི ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཀུ་ཎྜ་ལ་ཀེ་སཱ་ཐེ་རི་ཡཱ་པ་དཱ་ནཾ པ་ཋ་མཾ.
༢. ཀི་སཱ་གོ་ཏ་མཱི་ཐེ་རཱི་ཨ་པ་དཱ་ནཾ
༥༥. ‘‘པ་དུ་མུ་ཏྟ་རོ ནཱ་མ ཛི་ནོ, ས་བྦ་དྷ་མྨཱ་ན པཱ་ར་གཱུ;
ཨི་ཏོ ས་ཏ་ས་ཧ་སྶ་མྷི, ཀ་པྤེ ཨུ་པྤ་ཛྫི ནཱ་ཡ་ཀོ.
༥༦. ‘‘ཏ་དཱ་ཧཾ ཧཾ་ས་ཝ་ཏི་ཡཾ, ཛཱ་ཏཱ ཨ་ཉྙ་ཏ་རེ ཀུ་ལེ;
ཨུ་པེ་ཏྭཱ ཏཾ ན་ར་ཝ་རཾ, ས་ར་ཎཾ ས་མུ་པཱ་ག་མིཾ.
༥༧. ‘‘དྷ་མྨ་ཉྩ ཏ་སྶ ཨ་སྶོ་སིཾ, ཙ་ཏུ་ས་ཙྩཱུ་པ་ས་ཉྷི་ཏཾ;
མ་དྷུ་རཾ པ་ར་མ་སྶཱ་དཾ, ཝ་ཊྚ་ས་ནྟི་སུ་ཁཱ་ཝ་ཧཾ [ཙི་ཏྟ་ས་ནྟི … (སྱཱ.)].
༥༨. ‘‘ཏ་དཱ ཙ བྷི་ཀྑུ་ནིཾ ཝཱི་རོ, ལཱུ་ཁ་ཙཱི་ཝ་ར་དྷཱ་རི་ནིཾ;
ཋ་པེ་ནྟོ ཨེ་ཏ་ད་གྒ་མྷི, ཝ་ཎྞ་ཡཱི པུ་རི་སུ་ཏྟ་མོ.
༥༩. ‘‘ཛ་ནེ་ཏྭཱ་ན་པྤ་ཀཾ པཱི་ཏིཾ, སུ་ཏྭཱ བྷི་ཀྑུ་ནི་ཡཱ གུ་ཎེ;
ཀཱ་རཾ ཀ་ཏྭཱ་ན བུ་དྡྷ་སྶ, ཡ་ཐཱ་ས་ཏྟི ཡ་ཐཱ་བ་ལཾ.
༦༠. ‘‘ནི་པ་ཙྩ མུ་ནི་ཝ་རཾ ཏཾ, ཏཾ ཋཱ་ན་མ་བྷི་པ་ཏྠ་ཡིཾ;
ཏ་དཱ་ནུ་མོ་དི ས་མྦུ་དྡྷོ, ཋཱ་ན་ལཱ་བྷཱ་ཡ ནཱ་ཡ་ཀོ.
༦༡. ‘‘‘ས་ཏ་ས་ཧ་སྶི་ཏོ ཀ་པྤེ, ཨོ་ཀྐཱ་ཀ་ཀུ་ལ་ས་མྦྷ་ཝོ;
གོ་ཏ་མོ ནཱ་མ གོ་ཏྟེ་ན, ས་ཏྠཱ ལོ་ཀེ བྷ་ཝི་སྶ་ཏི.
༦༢. ‘‘‘ཏ་སྶ དྷ་མྨེ་སུ དཱ་ཡཱ་དཱ, ཨོ་ར་སཱ དྷ་མྨ་ནི་མྨི་ཏཱ;
ཀི་སཱ་གོ་ཏ་མཱི [གོ་ཏ་མཱི ནཱ་མ (སཱི. ཀ.)] ནཱ་མེ་ན, ཧེ་སྶ་ཏི ས་ཏྠུ སཱ་ཝི་ཀཱ’.
༦༣. ‘‘ཏཾ སུ་ཏྭཱ མུ་དི་ཏཱ ཧུ་ཏྭཱ, ཡཱ་ཝ་ཛཱི་ཝཾ ཏ་དཱ ཛི་ནཾ;
མེ་ཏྟ་ཙི་ཏྟཱ པ་རི་ཙ་རིཾ, པ་ཙྩ་ཡེ་ཧི ཝི་ནཱ་ཡ་ཀཾ.
༦༤. ‘‘ཏེ་ན ཀ་མྨེ་ན སུ་ཀ་ཏེ་ན, ཙེ་ཏ་ནཱ་པ་ཎི་དྷཱི་ཧི ཙ;
ཛ་ཧི་ཏྭཱ མཱ་ནུ་སཾ དེ་ཧཾ, ཏཱ་ཝ་ཏིཾ་ས་མ་ག་ཙྪ་ཧཾ.
༦༥. ‘‘ཨི་མ་མྷི བྷ་དྡ་ཀེ ཀ་པྤེ, བྲ་ཧྨ་བ་ནྡྷུ མ་ཧཱ་ཡ་སོ;
ཀ་སྶ་པོ ནཱ་མ གོ་ཏྟེ་ན, ཨུ་པྤ་ཛྫི ཝ་ད་ཏཾ ཝ་རོ.
༦༦. ‘‘ཨུ་པ་ཊྛཱ་ཀོ མ་ཧེ་སི་སྶ, ཏ་དཱ ཨཱ་སི ན་རི་སྶ་རོ;
ཀཱ་སི་རཱ་ཛཱ ཀི་ཀཱི ནཱ་མ, བཱ་རཱ་ཎ་སི་པུ་རུ་ཏྟ་མེ.
༦༧. ‘‘པ་ཉྩ་མཱི ཏ་སྶ དྷཱི་ཏཱ་སིཾ, དྷ་མྨཱ ནཱ་མེ་ན ཝི་སྶུ་ཏཱ;
དྷ་མྨཾ སུ་ཏྭཱ ཛི་ན་གྒ་སྶ, པ་བྦ་ཛྫཾ ས་མ་རོ་ཙ་ཡིཾ.
༦༨. ‘‘ཨ་ནུ་ཛཱ་ནི ན ནོ ཏཱ་ཏོ, ཨ་གཱ་རེ་ཝ ཏ་དཱ མ་ཡཾ;
ཝཱི་ས་ཝ་སྶ་ས་ཧ་སྶཱ་ནི, ཝི་ཙ་རི་མྷ ཨ་ཏ་ནྡི་ཏཱ.
༦༩. ‘‘ཀོ་མཱ་རི་བྲ་ཧྨ་ཙ་རི་ཡཾ, རཱ་ཛ་ཀ་ཉྙཱ སུ་ཁེ་དྷི་ཏཱ;
བུ་དྡྷོ་པ་ཊྛཱ་ན་ནི་ར་ཏཱ, མུ་དི་ཏཱ ས་ཏྟ དྷཱི་ཏ་རོ.
༧༠. ‘‘ས་མ་ཎཱི ས་མ་ཎ་གུ་ཏྟཱ ཙ, བྷི་ཀྑུ་ནཱི བྷི་ཀྑུ་དཱ་ཡི་ཀཱ;
དྷ་མྨཱ ཙེ་ཝ སུ་དྷ་མྨཱ ཙ, ས་ཏྟ་མཱི ས་ངྒྷ་དཱ་ཡི་ཀཱ.
༧༡. ‘‘ཁེ་མཱ ཨུ་པྤ་ལ་ཝ་ཎྞཱ ཙ, པ་ཊཱ་ཙཱ་རཱ ཙ ཀུ་ཎྜ་ལཱ;
ཨ་ཧ་ཉྩ དྷ་མྨ་དི་ནྣཱ ཙ, ཝི་སཱ་ཁཱ ཧོ་ཏི ས་ཏྟ་མཱི.
༧༢. ‘‘ཏེ་ཧི ཀ་མྨེ་ཧི སུ་ཀ་ཏེ་ཧི, ཙེ་ཏ་ནཱ་པ་ཎི་དྷཱི་ཧི ཙ;
ཛ་ཧི་ཏྭཱ མཱ་ནུ་སཾ དེ་ཧཾ, ཏཱ་ཝ་ཏིཾ་ས་མ་ག་ཙྪ་ཧཾ.
༧༣. ‘‘པ་ཙྪི་མེ ཙ བྷ་ཝེ དཱ་ནི, ཛཱ་ཏཱ སེ་ཊྛི་ཀུ་ལེ ཨ་ཧཾ;