༡༠. ཡ་སོ་དྷ་རཱ་པ་མུ་ཁ་ཨ་ཊྛཱ་ར་ས་བྷི་ཀྑུ་ནཱི་ས་ཧ་སྶ་ཨ་པ་དཱ་ནཾ
༤༢༦. ‘‘ཨ་ཊྛཱ་ར་ས་ས་ཧ་སྶཱ་ནི, བྷི་ཀྑུ་ནཱི ས་ཀྱ་ས་མྦྷ་ཝཱ;
ཡ་སོ་དྷ་རཱ་པ་མུ་ཁཱ་ནི, ས་མྦུ་དྡྷཾ ཨུ་པ་ས་ངྐ་མུཾ.
༤༢༧. ‘‘ཨ་ཊྛཱ་ར་ས་ས་ཧ་སྶཱ་ནི, ས་བྦཱ ཧོ་ནྟི མ་ཧི་དྡྷི་ཀཱ;
ཝ་ནྡ་ནྟཱི མུ་ནི་ནོ པཱ་དེ, ཨཱ་རོ་ཙེ་ནྟི ཡ་ཐཱ་བ་ལཾ.
༤༢༨. ‘‘‘ཛཱ་ཏི ཁཱི་ཎཱ ཛ་རཱ བྱཱ་དྷི, མ་ར་ཎ་ཉྩ མ་ཧཱ་མུ་ནི;
ཨ་ནཱ་ས་ཝཾ པ་དཾ ས་ནྟཾ, ཨ་མ་ཏཾ ཡཱ་མ ནཱ་ཡ་ཀ.
༤༢༩. ‘‘‘ཁ་ལི་ཏ་ཉྩེ པུ་རེ ཨ་ཏྠི, ས་བྦཱ་ས་མྤི མ་ཧཱ་མུ་ནི;
ཨ་པ་རཱ་དྷ་མ་ཛཱ་ན་ནྟཱི, ཁ་མ ཨ་མྷཾ ཝི་ནཱ་ཡ་ཀ.
༤༣༠. ‘‘‘ཨི་དྡྷི་ཉྩཱ་པི ནི་ད་སྶེ་ཐ, མ་མ སཱ་ས་ན་ཀཱ་རི་ཀཱ;
པ་རི་སཱ་ན་ཉྩ ས་བྦཱ་སཾ, ཀ་ངྑཾ ཚི་ནྡ་ཐ ཡཱ་ཝ་ཏཱ.
༤༣༡. ‘‘‘ཡ་སོ་དྷ་རཱ མ་ཧཱ་ཝཱི་ར, མ་ནཱ་པཱ པི་ཡ་ད་སྶ་ནཱ;
ས་བྦཱ ཏུ་ཡ྄ཧཾ མ་ཧཱ་ཝཱི་ར, ཨ་གཱ་ར་སྨིཾ པ་ཛཱ་པ་ཏི.
༤༣༢. ‘‘‘ཐཱི་ནཾ ས་ཏ་ས་ཧ་སྶཱ་ནཾ, ན་ཝུ་ཏཱི་ནཾ ཚ་དུ་ཏྟ་རི;
ཨ་གཱ་རེ ཏེ མ་ཡཾ ཝཱི་ར, པཱ་མོ་ཀྑཱ ས་བྦཱ ཨི་སྶ་རཱ.
༤༣༣. ‘‘‘རཱུ་པཱ་ཙཱ་ར་གུ་ཎཱུ་པེ་ཏཱ, ཡོ་བྦ་ན་ཊྛཱ པི་ཡཾ་ཝ་དཱ;
ས་བྦཱ ནོ ཨ་པ་ཙཱ་ཡ་ནྟི, དེ་ཝ་ཏཱ ཝི་ཡ མཱ་ནུ་སཱ.
༤༣༤. ‘‘‘ཨ་ཊྛཱ་ར་ས་ས་ཧ་སྶཱ་ནི, ས་བྦཱ སཱ་ཀི་ཡ་ས་མྦྷ་ཝཱ;
ཡ་སོ་དྷ་རཱ་ས་ཧ་སྶཱ་ནི, པཱ་མོ་ཀྑཱ ཨི་སྶ་རཱ ཏ་དཱ.
༤༣༥. ‘‘‘ཀཱ་མ་དྷཱ་ཏུ་མ་ཏི་ཀྐ་མྨ, ས་ཎྛི་ཏཱ རཱུ་པ་དྷཱ་ཏུ་ཡཱ;
རཱུ་པེ་ན ས་དི་སཱ ན་ཏྠི, ས་ཧ་སྶཱ་ནཾ མ་ཧཱ་མུ་ནི.
༤༣༦. ‘‘‘ས་མྦུ་དྡྷཾ ཨ་བྷི་ཝཱ་དེ་ཏྭཱ, ཨི་དྡྷིཾ ད་སྶཾ་སུ ས་ཏྠུ་ནོ;
ནེ་ཀཱ ནཱ་ནཱ་ཝི་དྷཱ་ཀཱ་རཱ, མ་ཧཱ་ཨི་དྡྷཱི་པི ད་སྶ་ཡུཾ.
༤༣༧. ‘‘‘ཙ་ཀྐ་ཝཱ་ལ༹་ས་མཾ ཀཱ་ཡཾ, སཱི་སཾ ཨུ་ཏྟ་ར་ཏོ ཀུ་རུ;
ཨུ་བྷོ པ་ཀྑཱ དུ་ཝེ དཱི་པཱ, ཛ་མྦུ་དཱི་པཾ ས་རཱི་ར་ཏོ.
༤༣༨. ‘‘‘ད་ཀྑི་ཎ་ཉྩ ས་རཾ པི་ཉྪཾ, ནཱ་ནཱ་སཱ་ཁཱ ཏུ པ་ཏྟ་ཀཱ;
ཙ་ནྡ་ཉྩ སཱུ་རི་ཡ་ཉྩ་ཀྑི, མེ་རུ་པ་བྦ་ཏ་ཏོ སི་ཁཾ.
༤༣༩. ‘‘‘ཙ་ཀྐ་ཝཱ་ལ༹་གི་རིཾ ཏུ་ཎྜཾ, ཛ་མྦུ་རུ་ཀྑཾ ས་མཱུ་ལ་ཀཾ;
བཱི་ཛ་མཱ་ནཱ ཨུ་པཱ་ག་ནྟྭཱ, ཝ་ནྡ་ནྟཱི ལོ་ཀ་ནཱ་ཡ་ཀཾ.
༤༤༠. ‘‘‘ཧ་ཏྠི་ཝ་ཎྞཾ ཏ་ཐེ་ཝ་སྶཾ, པ་བྦ་ཏཾ ཛ་ལ་དྷིཾ ཏ་ཐཱ;
ཙ་ནྡ་ཉྩ སཱུ་རི་ཡཾ མེ་རུཾ, ས་ཀྐ་ཝ་ཎྞ་ཉྩ ད་སྶ་ཡུཾ.
༤༤༡. ‘‘‘ཡ་སོ་དྷ་རཱ མ་ཡཾ ཝཱི་ར, པཱ་དེ ཝ་ནྡཱ་མ ཙ་ཀྑུ་མ;
ཏ་ཝ ཙི་ར་པ་བྷཱ་ཝེ་ན, ནི་པྥ་ནྣཱ ན་ར་ནཱ་ཡ་ཀ.
༤༤༢. ‘‘‘ཨི་དྡྷཱི་སུ ཙ ཝ་སཱི ཧོ་མ, དི་བྦཱ་ཡ སོ་ཏ་དྷཱ་ཏུ་ཡཱ;
ཙེ་ཏོ་པ་རི་ཡ་ཉཱ་ཎ་སྶ, ཝ་སཱི ཧོ་མ མ་ཧཱ་མུ་ནེ.
༤༤༣. ‘‘‘པུ་བྦེ་ནི་ཝཱ་སཾ ཛཱ་ནཱ་མ, དི་བྦ་ཙ་ཀྑུ ཝི་སོ་དྷི་ཏཾ;
ས་བྦཱ་ས་ཝ་པ་རི་ཀྑཱི་ཎཱ, ན་ཏྠི དཱ་ནི པུ་ན་བྦྷ་ཝོ.
༤༤༤. ‘‘‘ཨ་ཏྠ་དྷ་མྨ་ནི་རུ་ཏྟཱི་སུ, པ་ཊི་བྷཱ་ནེ ཏ་ཐེ་ཝ ཙ;
ཉཱ་ཎཾ ཨ་མྷཾ མ་ཧཱ་ཝཱི་ར, ཨུ་པྤ་ནྣཾ ཏ་ཝ ས་ནྟི་ཀེ.
༤༤༥. ‘‘‘པུ་བྦཱ་ནཾ ལོ་ཀ་ནཱ་ཐཱ་ནཾ, ས་ངྒ་མཾ ནོ ནི་ད་སྶི་ཏཾ;
ཨ་དྷི་ཀཱ་རཱ བ་ཧཱུ ཨ་མྷཾ, ཏུ་ཡ྄ཧ་ཏྠཱ་ཡ མ་ཧཱ་མུ་ནེ.
༤༤༦. ‘‘‘ཡཾ ཨ་མྷཾ པཱུ་རི་ཏཾ ཀ་མྨཾ, ཀུ་ས་ལཾ ས་ར་སེ མུ་ནེ;
ཏུ་ཡ྄ཧ་ཏྠཱ་ཡ མ་ཧཱ་ཝཱི་ར, པུ་ཉྙཱ་ནུ་པ་ཙི་ཏཱ་ནི ནོ.
༤༤༧. ‘‘‘ཨ་བྷ་བྦ་ཊྛཱ་ནེ ཝ་ཛྫེ་ཏྭཱ, ཝཱ་ར་ཡི་མྷ ཨ་ནཱ་ཙ་རཾ;
ཏུ་ཡ྄ཧ་ཏྠཱ་ཡ མ་ཧཱ་ཝཱི་ར, ཙ་ཏྟཱ་ནི ཛཱི་ཝི་ཏཱ་ནི ནོ [ས་ཉྩ་ཏྟཾ ཛཱི་ཝི་ཏ་མྤི ནོ (སྱཱ.)].
༤༤༨. ‘‘‘ནེ་ཀ་ཀོ་ཊི་ས་ཧ་སྶཱ་ནི, བྷ་རི་ཡ་ཏྠཱ་ཡ་དཱ་སི ནོ;
ན ཏ་ཏྠ ཝི་མ་ནཱ ཧོ་མ, ཏུ་ཡ྄ཧ་ཏྠཱ་ཡ མ་ཧཱ་མུ་ནེ.
༤༤༩. ‘‘‘ནེ་ཀ་ཀོ་ཊི་ས་ཧ་སྶཱ་ནི, ཨུ་པ་ཀཱ་རཱ་ཡ་དཱ་སི ནོ;
ན ཏ་ཏྠ ཝི་མ་ནཱ ཧོ་མ, ཏུ་ཡ྄ཧ་ཏྠཱ་ཡ མ་ཧཱ་མུ་ནེ.
༤༥༠. ‘‘‘ནེ་ཀ་ཀོ་ཊི་ས་ཧ་སྶཱ་ནི, བྷོ་ཛ་ན་ཏྠཱ་ཡ་དཱ་སི ནོ;
ན ཏ་ཏྠ ཝི་མ་ནཱ ཧོ་མ, ཏུ་ཡ྄ཧ་ཏྠཱ་ཡ མ་ཧཱ་མུ་ནེ.
༤༥༡. ‘‘‘ནེ་ཀ་ཀོ་ཊི་ས་ཧ་སྶཱ་ནི, ཛཱི་ཝི་ཏཱ་ནི ཙ་ཛི་མྷ་སེ [ཙ་ཛི་མྷ ནོ (པཱི. ཀ.)];
བྷ་ཡ་མོ་ཀྑཾ ཀ་རི་སྶཱ་མ, ཛཱི་ཝི་ཏཱ་ནི ཙ་ཛི་མྷ་སེ.
༤༥༢. ‘‘‘ཨ་ངྒ་ག་ཏེ ཨ་ལ་ངྐཱ་རེ, ཝ་ཏྠེ ནཱ་ནཱ་ཝི་དྷེ བ་ཧཱུ;
ཨི་ཏྠི་བྷ་ཎྜེ ན གཱུ་ཧཱ་མ, ཏུ་ཡ྄ཧ་ཏྠཱ་ཡ མ་ཧཱ་མུ་ནེ.
༤༥༣. ‘‘‘དྷ་ན་དྷ་ཉྙ་པ་རི་ཙྩཱ་གཾ, གཱ་མཱ་ནི ནི་ག་མཱ་ནི ཙ;
ཁེ་ཏྟཾ པུ་ཏྟཱ ཙ དྷཱི་ཏཱ ཙ, པ་རི་ཙྩ་ཏྟཱ མ་ཧཱ་མུ་ནེ.
༤༥༤. ‘‘‘ཧ་ཏྠཱི ཨ་སྶཱ ག་ཝཱ ཙཱ་པི, དཱ་སི་ཡོ པ་རི་ཙཱ་རི་ཀཱ;
ཏུ་ཡ྄ཧ་ཏྠཱ་ཡ མ་ཧཱ་ཝཱི་ར, པ་རི་ཙྩ་ཏྟཾ ཨ་ས་ངྑི་ཡཾ.
༤༥༥. ‘‘‘ཡཾ ཨ་མྷེ པ་ཊི་མ་ནྟེ་སི, དཱ་ནཾ ད་སྶཱ་མ ཡཱ་ཙ་ཀེ;
ཝི་མ་ནཾ ནོ ན པ་སྶཱ་མ, ད་ད་ཏོ དཱ་ན་མུ་ཏྟ་མཾ.
༤༥༦. ‘‘‘ནཱ་ནཱ་ཝི་དྷཾ བ་ཧུཾ དུ་ཀྑཾ, སཾ་སཱ་རེ ཙ བ་ཧུ་བྦི་དྷེ;
ཏུ་ཡ྄ཧ་ཏྠཱ་ཡ མ་ཧཱ་ཝཱི་ར, ཨ་ནུ་བྷུ་ཏྟཾ ཨ་ས་ངྑི་ཡཾ.
༤༥༧. ‘‘‘སུ་ཁ་པྤ་ཏྟཱ་ནུ་མོ་དཱ་མ, ན ཙ དུ་ཀྑེ་སུ དུ་མྨ་ནཱ;
ས་བྦ་ཏྠ ཏུ་ལི་ཏཱ ཧོ་མ, ཏུ་ཡ྄ཧ་ཏྠཱ་ཡ མ་ཧཱ་མུ་ནེ.
༤༥༨. ‘‘‘ཨ་ནུ་མ་གྒེ་ན ས་མྦུ་དྡྷོ, ཡཾ དྷ་མྨཾ ཨ་བྷི་ནཱི་ཧ་རི;
ཨ་ནུ་བྷོ་ཏྭཱ སུ་ཁཾ དུ་ཀྑཾ, པ་ཏྟོ བོ་དྷིཾ མ་ཧཱ་མུ་ནེ.
༤༥༩. ‘‘‘བྲ་ཧྨ་དེ་ཝ་ཉྩ ས་མྦུ་དྡྷཾ, གོ་ཏ་མཾ ལོ་ཀ་ནཱ་ཡ་ཀཾ;
ཨ་ཉྙེ་སཾ ལོ་ཀ་ནཱ་ཐཱ་ནཾ, ས་ངྒ་མཾ ཏེ་ཧི ནོ བ་ཧཱུ.
༤༦༠. ‘‘‘ཨ་དྷི་ཀཱ་རཾ བ་ཧུཾ ཨ་མྷེ, ཏུ་ཡ྄ཧ་ཏྠཱ་ཡ མ་ཧཱ་མུ་ནེ;
ག་ཝེ་ས་ཏོ བུ་དྡྷ་དྷ་མྨེ, མ་ཡཾ ཏེ པ་རི་ཙཱ་རི་ཀཱ.
༤༦༡. ‘‘‘ཀ་པྤེ ཙ ས་ཏ་ས་ཧ་སྶེ, ཙ་ཏུ་རོ ཙ ཨ་ས་ངྑི་ཡེ;
དཱི་པ་ངྐ་རོ མ་ཧཱ་ཝཱི་རོ, ཨུ་པྤ་ཛྫི ལོ་ཀ་ནཱ་ཡ་ཀོ.
༤༦༢. ‘‘‘པ་ཙྩ་ནྟ་དེ་ས་ཝི་ས་ཡེ, ནི་མ་ནྟེ་ཏྭཱ ཏ་ཐཱ་ག་ཏཾ;
ཏ་སྶ ཨཱ་ག་མ་ནཾ མ་གྒཾ, སོ་དྷེ་ནྟི ཏུ་ཊྛ་མཱ་ན་སཱ.
༤༦༣. ‘‘‘ཏེ་ན ཀཱ་ལེ་ན སོ ཨཱ་སི, སུ་མེ་དྷོ ནཱ་མ བྲཱ་ཧྨ་ཎོ;
མ་གྒ་ཉྩ པ་ཊི་ཡཱ་དེ་སི, ཨཱ་ཡ་ཏོ ས་བྦ་ད་སྶི་ནོ.
༤༦༤. ‘‘‘ཏེ་ན ཀཱ་ལེ་ན ཨ་ཧུ་མྷ, ས་བྦཱ བྲཱ་ཧྨ་ཎ་ས་མྦྷ་ཝཱ;
ཐ་ལཱུ་ད་ཛཱ་ནི པུ་པྥཱ་ནི, ཨཱ་ཧ་རི་མྷ ས་མཱ་ག་མཾ.
༤༦༥. ‘‘‘ཏ་སྨིཾ སོ ས་མ་ཡེ བུ་དྡྷོ, དཱི་པ་ངྐ་རོ མ་ཧཱ་ཡ་སོ;
ཝི་ཡཱ་ཀཱ་སི མ་ཧཱ་ཝཱི་རོ, ཨི་སི་མུ་གྒ་ཏ་མཱ་ན་སཾ.
༤༦༦. ‘‘‘ཙ་ལ་ཏཱི ར་ཝ་ཏཱི པུ་ཐ་ཝཱི, ས་ངྐ་མྤ་ཏི ས་དེ་ཝ་ཀེ;
ཏ་སྶ ཀ་མྨཾ པ་ཀི་ཏྟེ་ནྟེ, ཨི་སི་མུ་གྒ་ཏ་མཱ་ན་སཾ.
༤༦༧. ‘‘‘དེ་ཝ་ཀ་ཉྙཱ མ་ནུ་སྶཱ ཙ, མ་ཡ་ཉྩཱ་པི ས་དེ་ཝ་ཀཱ;
ནཱ་ནཱ་པཱུ་ཛ་ནཱི་ཡཾ བྷ་ཎྜཾ, པཱུ་ཛ་ཡི་ཏྭཱ་ན པ་ཏྠ་ཡུཾ.
༤༦༨. ‘‘‘ཏེ་སཾ བུ་དྡྷོ ཝི་ཡཱ་ཀཱ་སི, ཛོ་ཏི་དཱི་པ ས་ནཱ་མ་ཀོ;
ཨ་ཛྫ ཡེ པ་ཏྠི་ཏཱ ཨ་ཏྠི, ཏེ བྷ་ཝི་སྶ་ནྟི ས་མྨུ་ཁཱ.
༤༦༩. ‘‘‘ཨ་པ་རི་མེ་ཡྻེ ཨི་ཏོ ཀ་པྤེ, ཡཾ ནོ བུ་དྡྷོ ཝི་ཡཱ་ཀ་རི;
ཏཾ ཝཱ་ཙ་མ་ནུ་མོ་དེ་ནྟཱ, ཨེ་ཝཾ་ཀཱ་རཱི ཨ་ཧུ་མྷ ནོ.
༤༧༠. ‘‘‘ཏ་སྶ ཀ་མྨ་སྶ སུ་ཀ་ཏ་སྶ, ཏ་སྶ ཙི་ཏྟཾ པ་སཱ་ད་ཡུཾ;
དེ་ཝ་མཱ་ནུ་སི་ཀཾ ཡོ་ནིཾ, ཨ་ནུ་བྷོ་ཏྭཱ ཨ་ས་ངྑི་ཡཾ.
༤༧༡. ‘‘‘སུ་ཁ་དུ་ཀྑེ་ནུ་བྷོ་ཏྭཱ་ན, དེ་ཝེ་སུ མཱ་ནུ་སེ་སུ ཙ;
པ་ཙྪི་མེ བྷ་ཝེ ས་མྤ་ཏྟེ, ཛཱ་ཏཱ་མྷ སཱ་ཀི་ཡེ ཀུ་ལེ.
༤༧༢. ‘‘‘རཱུ་པ་ཝ་ཏཱི བྷོ་ག་ཝ་ཏཱི, ཡ་ས་སཱི་ལ་ཝ་ཏཱི ཏ་ཏོ;
ས་བྦ་ངྒ་ས་མྤ་དཱ ཧོ་མ, ཀུ་ལེ་སུ ཨ་བྷི་ས་ཀྐ་ཏཱ.
༤༧༣. ‘‘‘ལཱ་བྷཾ སི་ལོ་ཀཾ ས་ཀྐཱ་རཾ, ལོ་ཀ་དྷ་མྨ་ས་མཱ་ག་མཾ;
ཙི་ཏྟ་ཉྩ དུ་ཀྑི་ཏཾ ན་ཏྠི, ཝ་སཱ་མ ཨ་ཀུ་ཏོ་བྷ་ཡཱ.
༤༧༤. ‘‘‘ཝུ་ཏྟ་ཉྷེ་ཏཾ བྷ་ག་ཝ་ཏཱ, ར་ཉྙོ ཨ་ནྟེ་པུ་རེ ཏ་དཱ;
ཁ་ཏྟི་ཡཱ་ནཾ པུ་རེ ཝཱི་ར [ཏཱ་སཾ (སྱཱ.)], ཨུ་པ་ཀཱ་ར་ཉྩ ནི་དྡི་སི.
༤༧༥. ‘‘‘ཨུ་པ་ཀཱ་རཱ ཙ ཡཱ ནཱ་རཱི, ཡཱ ཙ ནཱ་རཱི སུ་ཁེ དུ་ཁེ;
ཨ་ཏྠ་ཀྑཱ་ཡཱི ཙ ཡཱ ནཱ་རཱི, ཡཱ ཙ ནཱ་རཱི་ནུ་ཀ་མྤི་ཀཱ.
༤༧༦. ‘‘‘དྷ་མྨཾ ཙ་རེ སུ་ཙ་རི་ཏཾ, ན ནཾ དུ་ཙྩ་རི་ཏཾ ཙ་རེ;
དྷ་མྨ་ཙཱ་རཱི སུ་ཁཾ སེ་ཏི, ཨ་སྨིཾ ལོ་ཀེ པ་ར་མྷི ཙ.
༤༧༧. ‘‘‘ཨ་གཱ་རཾ ཝི་ཛ་ཧི་ཏྭཱ་ན, པ་བྦ་ཛི་མྷ་ན་གཱ་རི་ཡཾ;
ཨ་ཌྜྷ་མཱ་སེ ཨ་ས་མྤ་ཏྟེ, ཙ་ཏུ་ས་ཙྩཾ ཕུ་སི་མྷ ནོ.
༤༧༨. ‘‘‘ཙཱི་ཝ་རཾ པི་ཎྜ་པཱ་ཏ་ཉྩ, པ་ཙྩ་ཡཾ ས་ཡ་ནཱ་ས་ནཾ;
ཨུ་པ་ནེ་ནྟི བ་ཧཱུ ཨ་མྷེ, སཱ་ག་ར་སྶེ་ཝ ཨཱུ་མི་ཡོ.
༤༧༩. ‘‘‘ཀི་ལེ་སཱ ཛྷཱ་པི་ཏཱ ཨ་མྷཾ [མ་ཡ྄ཧཾ (སྱཱ.), ཨ་མྷཱ་ཀཾ (ཀ.)], བྷ་ཝཱ ས་བྦེ ས་མཱུ་ཧ་ཏཱ;
ནཱ་གཱི་ཝ བ་ནྡྷ་ནཾ ཚེ་ཏྭཱ, ཝི་ཧ་རཱ་མ ཨ་ནཱ་ས་ཝཱ.
༤༨༠. ‘‘‘སྭཱ་ག་ཏཾ ཝ་ཏ ནོ ཨཱ་སི, མ་མ བུ་དྡྷ་སྶ ས་ནྟི་ཀེ;
ཏི་སྶོ ཝི་ཛྫཱ ཨ་ནུ་པྤ་ཏྟཱ, ཀ་ཏཾ བུ་དྡྷ་སྶ སཱ་ས་ནཾ.
༤༨༡. ‘‘‘པ་ཊི་ས་མྦྷི་དཱ ཙ་ཏ་སྶོ, ཝི་མོ་ཀྑཱ་པི ཙ ཨ་ཊྛི་མེ;
ཚ་ལ༹་བྷི་ཉྙཱ ས་ཙྪི་ཀ་ཏཱ, ཀ་ཏཾ བུ་དྡྷ་སྶ སཱ་ས་ནཾ’.
༤༨༢. ‘‘ཨེ་ཝཾ བ་ཧུ་ཝི་དྷཾ དུ་ཀྑཾ, ས་མྤ་ཏྟཱི ཙ བ་ཧུ་བྦི་དྷཱ;
ཝི་སུ་དྡྷ་བྷཱ་ཝཾ ས་མྤ་ཏྟཱ, ལ་བྷཱ་མ ས་བྦ་ས་མྤ་དཱ.
༤༨༣. ‘‘ཡཱ ད་ད་ནྟི ས་ཀ་ཏྟཱ་ནཾ, པུ་ཉྙ་ཏྠཱ་ཡ མ་ཧེ་སི་ནོ;
ས་ཧཱ་ཡ་ས་མྤ་དཱ ཧོ་ནྟི, ནི་བྦཱ་ན་པ་ད་མ་ས་ངྑ་ཏཾ.
༤༨༤. ‘‘པ་རི་ཀྑཱི་ཎཾ ཨ་ཏཱི་ཏ་ཉྩ, པ་ཙྩུ་པྤ་ནྣཾ ཨ་ནཱ་ག་ཏཾ;
ས་བྦ་ཀ་མྨ་མྤི ནོ ཁཱི་ཎཾ, པཱ་དེ ཝ་ནྡཱ་མ ཙ་ཀྑུ་མ.
༤༨༥. ‘‘ནི་བྦཱ་ནཱ་ཡ ཝ་ད་ནྟཱི་ནཾ, ཀིཾ ཝོ ཝ་ཀྑཱ་མ ཨུ་ཏྟ་རི;
ས་ནྟ་ས་ངྑ་ཏ་དོ་ས་ཉྷི, པ་པྤོ་ཐ [ས་ནྟ་ས་ངྑ་ཏ་དོ་སོ ཡོ, པ་ཛྫོ་ཏཾ (སྱཱ. པཱི. ཀ.)] ཨ་མ་ཏཾ པ་དཾ’’.
ཨི་ཏྠཾ སུ་དཾ ཡ་སོ་དྷ་རཱ་པ་མུ་ཁཱ་ནི ཨ་ཊྛཱ་ར་ས་བྷི་ཀྑུ་ནཱི་ས་ཧ་སྶཱ་ནི བྷ་ག་ཝ་ཏོ ས་མྨུ་ཁཱ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཡ་སོ་དྷ་རཱ་པ་མུ་ཁ་ཨ་ཊྛཱ་ར་ས་བྷི་ཀྑུ་ནཱི་ས་ཧ་སྶཱ་པ་དཱ་ནཾ ད་ས་མཾ.
ཀུ་ཎྜ་ལ་ཀེ་སཱི་ཝ་གྒོ ཏ་ཏི་ཡོ.