༨. ཡ་སོ་དྷ་རཱ་ཐེ་རཱི་ཨ་པ་དཱ་ནཾ
༣༡༤. ཨེ་ཀ་སྨིཾ ས་མ་ཡེ ར་མྨེ, ཨི་དྡྷེ རཱ་ཛ་ག་ཧེ པུ་རེ;
པ་བྦྷཱ་ར་མྷི ཝ་རེ་ཀ་མྷི, ཝ་ས་ནྟེ ན་ར་ནཱ་ཡ་ཀེ.
༣༡༥. ཝ་ས་ནྟི་ཡཱ ཏ་མྷི ན་ག་རེ, ར་མྨེ བྷི་ཀྑུ་ནུ་པ་སྶ་ཡེ;
ཡ་སོ་དྷ་རཱ་བྷི་ཀྑུ་ནི་ཡཱ, ཨེ་ཝཾ ཨཱ་སི ཝི་ཏ་ཀྐི་ཏཾ.
༣༡༦. ‘‘སུ་དྡྷོ་ད་ནོ མ་ཧཱ་རཱ་ཛཱ, གོ་ཏ་མཱི ཙ པ་ཛཱ་པ་ཏཱི;
ཨ་བྷི་ཉྙཱ་ཏཱ མ་ཧཱ་ཐེ་རཱ, ཐེ་རི་ཡོ ཙ མ་ཧི་དྡྷི་ཀཱ.
༣༡༧. ‘‘ས་ནྟིཾ ག་ཏཱ་ཝ ཨཱ་སུཾ ཏེ, དཱི་པ་ཙྩཱི་ཝ ནི་རཱ་ས་ཝཱ;
ལོ་ཀ་ནཱ་ཐེ དྷ་ར་ནྟེ་ཝ, ཨ་ཧ་མྤི ཙ སི་ཝཾ པ་དཾ.
༣༡༨. ‘‘ག་མི་སྶཱ་མཱི་ཏི ཙི་ནྟེ་ཏྭཱ, པ་སྶ་ནྟཱི ཨཱ་ཡུ་མ་ཏྟ་ནོ;
པ་སྶི་ཏྭཱ ཨཱ་ཡུ་ས་ངྑཱ་རཾ, ཏ་ད་ཧེ་ཝ ཁ་ཡཾ ག་ཏཾ.
༣༡༩. ‘‘པ་ཏྟ་ཙཱི་ཝ་ར་མཱ་དཱ་ཡ, ནི་ཀྑ་མི་ཏྭཱ ས་ཀ་སྶ་མཱ;
པུ་ར་ཀྑ་ཏཱ བྷི་ཀྑུ་ནཱི་བྷི, ས་ཏེ་ཧི ས་ཧ་སྶེ་ཧི སཱ [ས་ཧ པ་ཉྩ་ཧི (སཱི. པཱི.)].
༣༢༠. ‘‘མ་ཧི་དྡྷི་ཀཱ མ་ཧཱ་པ་ཉྙཱ, ས་མྦུ་དྡྷཾ ཨུ་པ་ས་ངྐ་མི;
ས་མྦུ་དྡྷཾ ཨ་བྷི་ཝཱ་དེ་ཏྭཱ, ས་ཏྠུ་ནོ ཙ་ཀྐ་ལ་ཀྑ་ཎེ;
ནི་སི་ནྣཱ ཨེ་ཀ་མ་ནྟ་མྷི, ཨི་དཾ ཝ་ཙ་ན་མ་བྲ་ཝི.
༣༢༡. ‘‘‘ཨ་ཊྛ་ས་ཏྟ་ཏི་ཝ་སྶཱ་ཧཾ, པ་ཙྪི་མོ ཝ་ཏྟ་ཏེ ཝ་ཡོ [པ་ཙྪི་མཱ ཝ་ཏྟ་ཡི ཝ་ཡཱ (སྱཱ.)];
པ་བྦྷཱ་ར་མྷི ཨ་ནུ་པྤ་ཏྟཱ, ཨཱ་རོ་ཙེ་མི མ་ཧཱ་མུ་ནི.
༣༢༢. ‘‘‘པ་རི་པ་ཀྐོ ཝ་ཡོ མ་ཡ྄ཧཾ, པ་རི་ཏྟཾ མ་མ ཛཱི་ཝི་ཏཾ;
པ་ཧཱ་ཡ ཝོ ག་མི་སྶཱ་མི, ཀ་ཏཾ མེ ས་ར་ཎ་མ་ཏྟ་ནོ.
༣༢༣. ‘‘‘ཝ་ཡ་མྷི པ་ཙྪི་མེ ཀཱ་ལེ, མ་ར་ཎཾ ཨུ་པ་རུ་དྡྷ་ཏི;
ཨ་ཛྫ་ར་ཏྟིཾ མ་ཧཱ་ཝཱི་ར, པཱ་པུ་ཎི་སྶཱ་མི ནི་བྦུ་ཏིཾ.
༣༢༤. ‘‘‘ན་ཏྠི ཛཱ་ཏི ཛ་རཱ བྱཱ་དྷི, མ་ར་ཎ་ཉྩ མ་ཧཱ་མུ་ནེ;
ཨ་ཛ་རཱ་མ་ར་ཎཾ པུ་རཾ, ག་མི་སྶཱ་མི ཨ་ས་ངྑ་ཏཾ.
༣༢༥. ‘‘‘ཡཱ་ཝ་ཏཱ པ་རི་སཱ ནཱ་མ, ས་མུ་པཱ་ས་ནྟི ས་ཏྠུ་ནོ;
ཨ་པ་རཱ་དྷ་མ་ཛཱ་ན་ནྟཱི [ས་ཙེ མེ་ཏྠི (སཱི.), པ་ཛཱ་ན་ནྟཱི (ཀ.)], ཁ་མ་ནྟཾ ས་མྨུ་ཁཱ མུ་ནེ.
༣༢༦. ‘‘‘སཾ་ས་རི་ཏྭཱ ཙ སཾ་སཱ་རེ, ཁ་ལི་ཏ་ཉྩེ མ་མཾ ཏ་ཡི;
ཨཱ་རོ་ཙེ་མི མ་ཧཱ་ཝཱི་ར, ཨ་པ་རཱ་དྷཾ ཁ་མ་སྶུ མེ’.
༣༢༧. ‘‘སུ་ཏྭཱ་ན ཝ་ཙ་ནཾ ཏ་སྶཱ, མུ་ནི་ནྡོ ཨི་ད་མ་བྲ་ཝི;
‘ཀི་མུ་ཏྟ་རཾ ཏེ ཝ་ཀྑཱ་མི, ནི་བྦཱ་ནཱ་ཡ ཝ་ཛ་ནྟི་ཡཱ.
༣༢༨. ‘‘‘ཨི་དྡྷི་ཉྩཱ་པི ནི་ད་སྶེ་ཧི, མ་མ སཱ་ས་ན་ཀཱ་རི་ཀེ;
པ་རི་སཱ་ན་ཉྩ ས་བྦཱ་སཾ, ཀ་ངྑཾ ཚི་ནྡ་སྶུ ཡཱ་ཝ་ཏཱ’.
༣༢༩. ‘‘སུ་ཏྭཱ ཏཾ མུ་ནི་ནོ ཝཱ་ཙཾ, བྷི་ཀྑུ་ནཱི སཱ ཡ་སོ་དྷ་རཱ;
ཝ་ནྡི་ཏྭཱ མུ་ནི་རཱ་ཛཾ ཏཾ, ཨི་དཾ ཝ་ཙ་ན་མ་བྲ་ཝི.
༣༣༠. ‘‘‘ཡ་སོ་དྷ་རཱ ཨ་ཧཾ ཝཱི་ར, ཨ་གཱ་རེ ཏེ པ་ཛཱ་པ་ཏི;
སཱ་ཀི་ཡ་མྷི ཀུ་ལེ ཛཱ་ཏཱ, ཨི་ཏྠི་ཨ་ངྒེ པ་ཏི་ཊྛི་ཏཱ.
༣༣༡. ‘‘‘ཐཱི་ནཾ ས་ཏ་ས་ཧ་སྶཱ་ནཾ, ན་ཝུ་ཏཱི་ནཾ ཚ་དུ་ཏྟ་རི;
ཨ་གཱ་རེ ཏེ ཨ་ཧཾ ཝཱི་ར, པཱ་མོ་ཀྑཱ ས་བྦཱ ཨི་སྶ་རཱ.
༣༣༢. ‘‘‘རཱུ་པཱ་ཙཱ་ར་གུ་ཎཱུ་པེ་ཏཱ, ཡོ་བྦ་ན་ཊྛཱ པི་ཡཾ་ཝ་དཱ;
ས་བྦཱ མཾ ཨ་པ་ཙཱ་ཡ་ནྟི, དེ་ཝ་ཏཱ ཝི་ཡ མཱ་ནུ་སཱ.
༣༣༣. ‘‘‘ཀ་ཉྙཱ་ས་ཏ་ས་ཧ་སྶ་པ་མུ་ཁཱ, ས་ཀྱ་པུ་ཏྟ་ནི་ཝེ་ས་ནེ;
ས་མཱ་ན་སུ་ཁ་དུ་ཀྑ་ཏཱ, དེ་ཝ་ཏཱ ཝི་ཡ ན་ནྡ་ནེ.
༣༣༤. ‘‘‘ཀཱ་མ་དྷཱ་ཏུ་མ་ཏི་ཀྐ་མྨ [ཀཱ་མ་དྷཱ་ཏུ་མ་ཏི་ཀྐ་ནྟཱ (སཱི. སྱཱ. པཱི. ཀ.)], ས་ཎྛི་ཏཱ རཱུ་པ་དྷཱ་ཏུ་ཡཱ;
རཱུ་པེ་ན ས་དི་སཱ ན་ཏྠི, ཋ་པེ་ཏྭཱ ལོ་ཀ་ནཱ་ཡ་ཀཾ.
༣༣༥. ‘‘‘ས་མྦུ་དྡྷཾ ཨ་བྷི་ཝཱ་དེ་ཏྭཱ, ཨི་དྡྷིཾ ད་སྶེ་སི ས་ཏྠུ་ནོ;
ནེ་ཀཱ ནཱ་ནཱ་ཝི་དྷཱ་ཀཱ་རཱ, མ་ཧཱ་ཨི་དྡྷཱི་པི ད་སྶ་ཡཱི [ཨེ་ཝ་མཱ་དཱི་ནི ཝ་ཏྭཱ་ན, ཨུ་པ་ཏི་ཏྭཱ་ན ཨ་མྦ་རཾ; ཨི་དྡྷཱི ཨ་ནེ་ཀཱ ད་སྶེ་སི, བུ་དྡྷཱ་ནུ་ཉྙཱ ཡ་སོ་དྷ་རཱ; (སཱི.)].
༣༣༦. ‘‘‘ཙ་ཀྐ་ཝཱ་ལ༹་ས་མཾ ཀཱ་ཡཾ, སཱི་སཾ ཨུ་ཏྟ་ར་ཏོ ཀུ་རུ;
ཨུ་བྷོ པ་ཀྑཱ དུ་ཝེ དཱི་པཱ, ཛ་མྦུ་དཱི་པཾ ས་རཱི་ར་ཏོ.
༣༣༧. ‘‘‘ད་ཀྑི་ཎ་ཉྩ ས་རཾ པི་ཉྪཾ, ནཱ་ནཱ་སཱ་ཁཱ ཏུ པ་ཏྟ་ཀཱ;
ཙ་ནྡ་ཉྩ སཱུ་རི་ཡ་ཉྩ་ཀྑི, མེ་རུ་པ་བྦ་ཏ་ཏོ སི་ཁཾ.
༣༣༨. ‘‘‘ཙ་ཀྐ་ཝཱ་ལ་གི་རིཾ ཏུ་ཎྜཾ, ཛ་མྦུ་རུ་ཀྑཾ ས་མཱུ་ལ་ཀཾ;
བཱི་ཛ་མཱ་ནཱ ཨུ་པཱ་ག་ནྟྭཱ, ཝ་ནྡ་ནྟཱི ལོ་ཀ་ནཱ་ཡ་ཀཾ.
༣༣༩. ‘‘‘ཧ་ཏྠི་ཝ་ཎྞཾ ཏ་ཐེ་ཝ་སྶཾ, པ་བྦ་ཏཾ ཛ་ལ་དྷིཾ ཏ་ཐཱ;
ཙ་ནྡི་མཾ སཱུ་རི་ཡཾ མེ་རུཾ, ས་ཀྐ་ཝ་ཎྞ་ཉྩ ད་སྶ་ཡི.
༣༤༠. ‘‘‘ཡ་སོ་དྷ་རཱ ཨ་ཧཾ ཝཱི་ར, པཱ་དེ ཝ་ནྡཱ་མི ཙ་ཀྑུ་མ;
ས་ཧ་སྶ་ལོ་ཀ་དྷཱ་ཏཱུ་ནཾ, ཕུ་ལླ་པ་དྨེ་ན ཚཱ་ད་ཡི.
༣༤༡. ‘‘‘བྲ་ཧྨ་ཝ་ཎྞ་ཉྩ མཱ་པེ་ཏྭཱ, དྷ་མྨཾ དེ་སེ་སི སུ་ཉྙ་ཏཾ;
ཡ་སོ་དྷ་རཱ ཨ་ཧཾ ཝཱི་ར, པཱ་དེ ཝ་ནྡཱ་མི ཙ་ཀྑུ་མ.
༣༤༢. ‘‘‘ཨི་དྡྷཱི་སུ ཙ ཝ་སཱི ཧོ་མི, དི་བྦཱ་ཡ སོ་ཏ་དྷཱ་ཏུ་ཡཱ;
ཙེ་ཏོ་པ་རི་ཡ་ཉཱ་ཎ་སྶ, ཝ་སཱི ཧོ་མི མ་ཧཱ་མུ་ནི.
༣༤༣. ‘‘‘པུ་བྦེ་ནི་ཝཱ་སཾ ཛཱ་ནཱ་མི, དི་བྦ་ཙ་ཀྑུ ཝི་སོ་དྷི་ཏཾ;
ས་བྦཱ་ས་ཝ་པ་རི་ཀྑཱི་ཎཱ, ན་ཏྠི དཱ་ནི པུ་ན་བྦྷ་ཝོ.
༣༤༤. ‘‘‘ཨ་ཏྠ་དྷ་མྨ་ནི་རུ་ཏྟཱི་སུ, པ་ཊི་བྷཱ་ནེ ཏ་ཐེ་ཝ ཙ;
ཉཱ་ཎཾ མ་ཡ྄ཧཾ མ་ཧཱ་ཝཱི་ར, ཨུ་པྤ་ནྣཾ ཏ་ཝ ས་ནྟི་ཀེ.
༣༤༥. ‘‘‘པུ་བྦཱ་ནཾ ལོ་ཀ་ནཱ་ཐཱ་ནཾ, ས་ངྒ་མཾ ཏེ ནི་ད་སྶི་ཏཾ [སུ་ད་སྶི་ཏཾ (སྱཱ. པཱི. ཀ.)];
ཨ་དྷི་ཀཱ་རཾ བ་ཧུཾ མ་ཡ྄ཧཾ, ཏུ་ཡ྄ཧ་ཏྠཱ་ཡ མ་ཧཱ་མུ་ནེ.
༣༤༦. ‘‘‘ཡཾ མ་ཡ྄ཧཾ པཱུ་རི་ཏཾ ཀ་མྨཾ, ཀུ་ས་ལཾ ས་ར་སེ མུ་ནེ;
ཏུ་ཡ྄ཧ་ཏྠཱ་ཡ མ་ཧཱ་ཝཱི་ར, པུ་ཉྙཾ ཨུ་པ་ཙི་ཏཾ མ་ཡཱ.
༣༤༧. ‘‘‘ཨ་བྷ་བྦ་ཊྛཱ་ནེ ཝ་ཛྫེ་ཏྭཱ, ཝཱ་ར་ཡི་ཏྭཱ ཨ་ནཱ་ཙ་རཾ;
ཏུ་ཡ྄ཧ་ཏྠཱ་ཡ མ་ཧཱ་ཝཱི་ར, ས་ཉྩ་ཏྟཾ ཛཱི་ཝི་ཏཾ མ་ཡཱ.
༣༤༨. ‘‘‘ནེ་ཀ་ཀོ་ཊི་ས་ཧ་སྶཱ་ནི, བྷ་རི་ཡ་ཏྠཱ་ཡ་དཱ་སི མཾ;
ན ཏ་ཏྠ ཝི་མ་ནཱ ཧོ་མི, ཏུ་ཡ྄ཧ་ཏྠཱ་ཡ མ་ཧཱ་མུ་ནི.
༣༤༩. ‘‘‘ནེ་ཀ་ཀོ་ཊི་ས་ཧ་སྶཱ་ནི, ཨུ་པ་ཀཱ་རཱ་ཡ་དཱ་སི མཾ;
ན ཏ་ཏྠ ཝི་མ་ནཱ ཧོ་མི, ཏུ་ཡ྄ཧ་ཏྠཱ་ཡ མ་ཧཱ་མུ་ནི.
༣༥༠. ‘‘‘ནེ་ཀ་ཀོ་ཊི་ས་ཧ་སྶཱ་ནི, བྷོ་ཛ་ན་ཏྠཱ་ཡ་དཱ་སི མཾ;
ན ཏ་ཏྠ ཝི་མ་ནཱ ཧོ་མི, ཏུ་ཡ྄ཧ་ཏྠཱ་ཡ མ་ཧཱ་མུ་ནི.
༣༥༡. ‘‘‘ནེ་ཀ་ཀོ་ཊི་ས་ཧ་སྶཱ་ནི, ཛཱི་ཝི་ཏཱ་ནི པ་རི་ཙྩ་ཛིཾ;
བྷ་ཡ་མོ་ཀྑཾ ཀ་རི་སྶ་ནྟི, ད་དཱ་མི མ་མ ཛཱི་ཝི་ཏཾ.
༣༥༢. ‘‘‘ཨ་ངྒ་ག་ཏེ [ཨ་ངྒེ ཨེ་ཝཾ (ཀ.)] ཨ་ལ་ངྐཱ་རེ, ཝ་ཏྠེ ནཱ་ནཱ་ཝི་དྷེ བ་ཧཱུ;
ཨི་ཏྠི་མ་ཎྜེ ན གཱུ་ཧཱ་མི, ཏུ་ཡ྄ཧ་ཏྠཱ་ཡ མ་ཧཱ་མུ་ནི.
༣༥༣. ‘‘‘དྷ་ན་དྷ་ཉྙ་པ་རི་ཙྩཱ་གཾ, གཱ་མཱ་ནི ནི་ག་མཱ་ནི ཙ;
ཁེ་ཏྟཾ པུ་ཏྟཱ ཙ དྷཱི་ཏཱ ཙ, པ་རི་ཙྩ་ཏྟཱ མ་ཧཱ་མུ་ནི.
༣༥༤. ‘‘‘ཧ་ཏྠཱི ཨ་སྶཱ ག་ཝཱ ཙཱ་པི, དཱ་སི་ཡོ པ་རི་ཙཱ་རི་ཀཱ;
ཏུ་ཡ྄ཧ་ཏྠཱ་ཡ མ་ཧཱ་ཝཱི་ར, པ་རི་ཙྩ་ཏྟཱ ཨ་ས་ངྑི་ཡཱ.
༣༥༥. ‘‘‘ཡཾ མ་ཡ྄ཧཾ པ་ཊི་མ་ནྟེ་སི [པ་ཏི་མ་ནྟེ་སི (སཱི.)], དཱ་ནཾ ད་སྶཱ་མི ཡཱ་ཙ་ཀེ;
ཝི་མ་ནཾ མེ ན པ་སྶཱ་མི, ད་ད་ཏོ དཱ་ན་མུ་ཏྟ་མཾ.
༣༥༦. ‘‘‘ནཱ་ནཱ་ཝི་དྷཾ བ་ཧུཾ དུ་ཀྑཾ, སཾ་སཱ་རེ ཙ བ་ཧུ་བྦི་དྷེ;
ཏུ་ཡ྄ཧ་ཏྠཱ་ཡ མ་ཧཱ་ཝཱི་ར, ཨ་ནུ་བྷུ་ཏྟཾ ཨ་ས་ངྑི་ཡཾ.
༣༥༧. ‘‘‘སུ་ཁ་པྤ་ཏྟཱ་ནུ་མོ་དཱ་མི, ན ཙ དུ་ཀྑེ་སུ དུ་མྨ་ནཱ;
ས་བྦ་ཏྠ ཏུ་ལི་ཏཱ ཧོ་མི, ཏུ་ཡ྄ཧ་ཏྠཱ་ཡ མ་ཧཱ་མུ་ནི.
༣༥༨. ‘‘‘ཨ་ནུ་མ་གྒེ་ན ས་མྦུ་དྡྷོ, ཡཾ དྷ་མྨཾ ཨ་བྷི་ནཱི་ཧ་རི;
ཨ་ནུ་བྷོ་ཏྭཱ སུ་ཁཾ དུ་ཀྑཾ, པ་ཏྟོ བོ་དྷིཾ མ་ཧཱ་མུ་ནི.
༣༥༩. ‘‘‘བྲ་ཧྨ་དེ་ཝ་ཉྩ ས་མྦུ་དྡྷཾ, གོ་ཏ་མཾ ལོ་ཀ་ནཱ་ཡ་ཀཾ;
ཨ་ཉྙེ་སཾ ལོ་ཀ་ནཱ་ཐཱ་ནཾ, ས་ངྒ་མཾ ཏེ བ་ཧུཾ མ་ཡཱ.
༣༦༠. ‘‘‘ཨ་དྷི་ཀཱ་རཾ བ་ཧུཾ མ་ཡ྄ཧཾ, ཏུ་ཡ྄ཧ་ཏྠཱ་ཡ མ་ཧཱ་མུ་ནི;
ག་ཝེ་ས་ཏོ བུ་དྡྷ་དྷ་མྨེ, ཨ་ཧཾ ཏེ པ་རི་ཙཱ་རི་ཀཱ.
༣༦༡. ‘‘‘ཀ་པྤེ ཙ ས་ཏ་ས་ཧ་སྶེ, ཙ་ཏུ་རོ ཙ ཨ་ས་ངྑི་ཡེ;
དཱི་པ་ངྐ་རོ མ་ཧཱ་ཝཱི་རོ, ཨུ་པྤ་ཛྫི ལོ་ཀ་ནཱ་ཡ་ཀོ.
༣༦༢. ‘‘‘པ་ཙྩ་ནྟ་དེ་ས་ཝི་ས་ཡེ, ནི་མ་ནྟེ་ཏྭཱ ཏ་ཐཱ་ག་ཏཾ;
ཏ་སྶ ཨཱ་ག་མ་ནཾ མ་གྒཾ, སོ་དྷེ་ནྟི ཏུ་ཊྛ་མཱ་ན་སཱ.
༣༦༣. ‘‘‘ཏེ་ན ཀཱ་ལེ་ན སོ ཨཱ་སི, སུ་མེ་དྷོ ནཱ་མ བྲཱ་ཧྨ་ཎོ;
མ་གྒ་ཉྩ པ་ཊི་ཡཱ་དེ་སི, ཨཱ་ཡ་ཏོ [ཨཱ་ཡ་ཏཾ (སཱི.)] ས་བྦ་ད་སྶི་ནོ.
༣༦༤. ‘‘‘ཏེ་ན ཀཱ་ལེ་ན་ཧཾ ཨཱ་སིཾ, ཀ་ཉྙཱ བྲཱ་ཧྨ་ཎ་ས་མྦྷ་ཝཱ;
སུ་མི་ཏྟཱ་ནཱ་མ ནཱ་མེ་ན, ཨུ་པ་ག་ཙྪིཾ ས་མཱ་ག་མཾ.
༣༦༥. ‘‘‘ཨ་ཊྛ ཨུ་པྤ་ལ་ཧ་ཏྠཱ་ནི, པཱུ་ཛ་ན་ཏྠཱ་ཡ ས་ཏྠུ་ནོ;
ཨཱ་དཱ་ཡ ཛ་ན་སཾ་མ་ཛ྄ཛྷེ, ཨ་དྡ་སཾ ཨི་སི མུ་གྒ་ཏཾ.
༣༦༦. ‘‘‘ཙི་རཱ་ནུ་ག་ཏཾ ད་ཡི་ཏཾ [ཙི་རཱ་ནུ་པ་རི ཨཱ་སཱི་ནཾ (སཱི.)], ཨ་ཏི་ཀྐ་ནྟཾ མ་ནོ་ཧ་རཾ;
དི་སྭཱ ཏ་དཱ ཨ་མ་ཉྙི་སྶཾ, ས་ཕ་ལཾ ཛཱི་ཝི་ཏཾ མ་མ.
༣༦༧. ‘‘‘པ་ར་ཀྐ་མཾ ཏཾ ས་ཕ་ལཾ, ཨ་དྡ་སཾ ཨི་སི་ནོ ཏ་དཱ;
པུ་བྦ་ཀ་མྨེ་ན ས་མྦུ་དྡྷེ, ཙི་ཏྟ་ཉྩཱ་པི པ་སཱི་དི མེ.
༣༦༨. ‘‘‘བྷི་ཡྻོ ཙི་ཏྟཾ པ་སཱ་དེ་སིཾ, ཨི་སེ ཨུ་གྒ་ཏ་མཱ་ན་སེ;
དེ་ཡྻཾ ཨ་ཉྙཾ ན པ་སྶཱ་མི, དེ་མི པུ་པྥཱ་ནི ཏེ ཨི་སི.
༣༦༩. ‘‘‘པ་ཉྩ་ཧ་ཏྠཱ ཏ་ཝ ཧོ་ནྟུ, ཏ་ཡོ ཧོ་ནྟུ མ་མཾ ཨི་སེ;
ཏེ་ན ས་དྡྷིཾ ས་མཱ ཧོ་ནྟུ, བོ་དྷ་ཏྠཱ་ཡ ཏ་ཝཾ ཨི་སེ’.
ཙ་ཏུ་ཏྠཾ བྷཱ་ཎ་ཝཱ་རཾ.
༣༧༠. ‘‘ཨི་སི ག་ཧེ་ཏྭཱ པུ་པྥཱ་ནི, ཨཱ་ག་ཙྪ་ནྟཾ མ་ཧཱ་ཡ་སཾ;
པཱུ་ཛེ་སི ཛ་ན་སཾ་མ་ཛ྄ཛྷེ, བོ་དྷ་ཏྠཱ་ཡ མ་ཧཱ་ཨི་སི.
༣༧༡. ‘‘པ་སྶི་ཏྭཱ ཛ་ན་སཾ་མ་ཛ྄ཛྷེ, དཱི་པ་ངྐ་རོ མ་ཧཱ་མུ་ནི;
ཝི་ཡཱ་ཀཱ་སི མ་ཧཱ་ཝཱི་རོ, ཨི་སི མུ་གྒ་ཏ་མཱ་ན་སཾ.
༣༧༢. ‘‘ཨ་པ་རི་མེ་ཡྻེ ཨི་ཏོ ཀ་པྤེ, དཱི་པ་ངྐ་རོ མ་ཧཱ་མུ་ནི;
མ་མ ཀ་མྨཾ ཝི་ཡཱ་ཀཱ་སི, ཨུ་ཛུ་བྷཱ་ཝཾ མ་ཧཱ་མུ་ནི.
༣༧༣. ‘‘‘ས་མ་ཙི་ཏྟཱ ས་མ་ཀ་མྨཱ, ས་མ་ཀཱ་རཱི བྷ་ཝི་སྶ་ཏི;
པི་ཡཱ ཧེ་སྶ་ཏི ཀ་མྨེ་ན, ཏུ་ཡ྄ཧ་ཏྠཱ་ཡ མ་ཧཱ་ཨི་སི [མ་ཧཱ་ཨི་སེ (སྱཱ.)].
༣༧༤. ‘‘‘སུ་ད་སྶ་ནཱ སུ་པི་ཡཱ ཙ, མ་ནཱ་པཱ པི་ཡ་ཝཱ་དི་ནཱི;
ཏ་སྶ དྷ་མྨེ་སུ དཱ་ཡཱ་དཱ, ཝི་ཧ་རི་སྶ་ཏི ཨི་དྡྷི་ཀཱ.
༣༧༥. ‘‘‘ཡ་ཐཱ་པི བྷ་ཎྜ་སཱ་མུ་གྒཾ, ཨ་ནུ་ར་ཀྑ་ཏི སཱ་མི་ནོ;
ཨེ་ཝཾ ཀུ་ས་ལ་དྷ་མྨཱ་ནཾ, ཨ་ནུ་ར་ཀྑི་སྶ་ཏེ ཨ་ཡཾ.
༣༧༦. ‘‘‘ཏ་སྶ ཏེ [ཏ་སྶ ཏཾ (སྱཱ.)] ཨ་ནུ་ཀ་མྤ་ནྟཱི, པཱུ་ར་ཡི་སྶ་ཏི པཱ་ར་མཱི;
སཱི་ཧོ་ཝ པ་ཉྫ་རཾ བྷེ་ཏྭཱ [ཧི་ཏྭཱ (སྱཱ.), ཧེ་ཏྭཱ (པཱི.)], པཱ་པུ་ཎི་སྶ་ཏི བོ་དྷི་ཡཾ’.
༣༧༧. ‘‘ཨ་པ་རི་མེ་ཡྻེ ཨི་ཏོ ཀ་པྤེ, ཡཾ མཾ བུ་དྡྷོ ཝི་ཡཱ་ཀ་རཱི;
ཏཾ ཝཱ་ཙཾ ཨ་ནུ་མོ་དེ་ནྟཱི, ཨེ་ཝཾ་ཀཱ་རཱི བྷ་ཝིཾ ཨ་ཧཾ.
༣༧༨. ‘‘ཏ་སྶ ཀ་མྨ་སྶ སུ་ཀ་ཏ་སྶ, ཏ་ཏྠ ཙི་ཏྟཾ པ་སཱ་ད་ཡིཾ;
དེ་ཝ་མ་ནུ་སྶ་ཀཾ ཡོ་ནིཾ, ཨ་ནུ་བྷོ་ཏྭཱ ཨ་ས་ངྑི་ཡཾ.
༣༧༩. ‘‘སུ་ཁ་དུ་ཀྑེ་ནུ་བྷོ་ཏྭཱ་ཧཾ, དེ་ཝེ་སུ མཱ་ནུ་སེ་སུ ཙ;
པ་ཙྪི་མེ བྷ་ཝེ ས་མྤ་ཏྟེ, ཨ་ཛཱ་ཡིཾ སཱ་ཀི་ཡེ ཀུ་ལེ.
༣༨༠. ‘‘རཱུ་པ་ཝ་ཏཱི བྷོ་ག་ཝ་ཏཱི, ཡ་ས་སཱི་ལ་ཝ་ཏཱི ཏ་ཏོ;
ས་བྦ་ངྒ་ས་མྤ་དཱ ཧོ་མི, ཀུ་ལེ་སུ ཨ་བྷི་ས་ཀྐ་ཏཱ.
༣༨༡. ‘‘ལཱ་བྷཾ སི་ལོ་ཀཾ ས་ཀྐཱ་རཾ, ལོ་ཀ་དྷ་མྨ་ས་མཱ་ག་མཾ;
ཙི་ཏྟ་ཉྩ དུ་ཀྑི་ཏཾ ན་ཏྠི, ཝ་སཱ་མི ཨ་ཀུ་ཏོ་བྷ་ཡཱ.
༣༨༢. ‘‘ཝུ་ཏྟ་ཉྷེ་ཏཾ བྷ་ག་ཝ་ཏཱ, ར་ཉྙོ ཨ་ནྟེ་པུ་རེ ཏ་དཱ;
ཁ་ཏྟི་ཡཱ་ནཾ པུ་རེ ཝཱི་ར, ཨུ་པ་ཀཱ་ར་ཉྩ ནི་དྡི་སི.
༣༨༣. ‘‘ཨུ་པ་ཀཱ་རཱ ཙ ཡཱ ནཱ་རཱི, ཡཱ ཙ ནཱ་རཱི སུ་ཁེ དུ་ཁེ;
ཨ་ཏྠ་ཀྑཱ་ཡཱི ཙ ཡཱ ནཱ་རཱི, ཡཱ ཙ ནཱ་རཱི་ནུ་ཀ་མྤི་ཀཱ.
༣༨༤. ‘‘པ་ཉྩ་ཀོ་ཊི་ས་ཏཱ བུ་དྡྷཱ, ན་ཝ་ཀོ་ཊི་ས་ཏཱ་ནི ཙ;
ཨེ་ཏེ་སཾ དེ་ཝ་དེ་ཝཱ་ནཾ, མ་ཧཱ་དཱ་ནཾ པ་ཝ་ཏྟ་ཡིཾ.
༣༨༥. ‘‘ཨ་དྷི་ཀཱ་རཾ མ་ཧཱ [ས་དཱ (པཱི.) ཨེ་ཝ་མུ་པ་རི་པི] མ་ཡ྄ཧཾ, དྷ་མྨ་རཱ་ཛ སུ་ཎོ་ཧི མེ;
ཨེ་ཀཱ་ད་ས་ཀོ་ཊི་ས་ཏཱ, བུ་དྡྷཱ དྭཱ་ད་ས ཀོ་ཊི་ཡོ [ཧོ་ནྟི ལོ་ཀ་གྒ་ནཱ་ཡ་ཀཱ (སཱི. སྱཱ.), པ་ཎྞཱ་ཀོ་ཊི་ས་ཏཱ་ནི ཙ (པཱི.)].
༣༨༦. ‘‘ཨེ་ཏེ་སཾ དེ་ཝ་དེ་ཝཱ་ནཾ, མ་ཧཱ་དཱ་ནཾ པ་ཝ་ཏྟ་ཡིཾ;
ཨ་དྷི་ཀཱ་རཾ མ་ཧཱ མ་ཡ྄ཧཾ, དྷ་མྨ་རཱ་ཛ སུ་ཎོ་ཧི མེ.
༣༨༧. ‘‘‘ཝཱི་ས་ཀོ་ཊི་ས་ཏཱ བུ་དྡྷཱ, ཏིཾ་ས་ཀོ་ཊི་ས་ཏཱ་ནི ཙ;