༩. ཨུ་པྤ་ལ་ཝ་ཎྞཱ་ཐེ་རཱི་ཨ་པ་དཱ་ནཾ
༣༨༤. ‘‘བྷི་ཀྑུ་ནཱི ཨུ་པྤ་ལ་ཝ་ཎྞཱ, ཨི་དྡྷི་ཡཱ པཱ་ར་མིཾ ག་ཏཱ;
ཝ་ནྡི་ཏྭཱ ས་ཏྠུ་ནོ པཱ་དེ, ཨི་དཾ ཝ་ཙ་ན་མ་བྲ་ཝི.
༣༨༥. ‘‘‘ནི་ཏྠི་ཎྞཱ ཛཱ་ཏི་སཾ་སཱ་རཾ [ཛཱ་ཏི་སཾ་སཱ་རཱ (པཱི.)], པ་ཏྟཱ་ཧཾ ཨ་ཙ་ལཾ པ་དཾ;
ས་བྦ་དུ་ཀྑཾ མ་ཡཱ ཁཱི་ཎཾ, ཨཱ་རོ་ཙེ་མི མ་ཧཱ་མུ་ནི.
༣༨༦. ‘‘‘ཡཱ་ཝ་ཏཱ པ་རི་སཱ ཨ་ཏྠི, པ་ས་ནྣཱ ཛི་ན་སཱ་ས་ནེ;
ཡ་སྶཱ ཙ མེ་པ་རཱ་དྷོ་ཏྠི, ཁ་མ་ནྟུ ཛི་ན་ས་མྨུ་ཁཱ.
༣༨༧. ‘‘‘སཾ་སཱ་རེ སཾ་ས་ར་ནྟི་ཡཱ [སཾ་ས་ར་ནྟཱ མེ (སྱཱ.)], ཁ་ལི་ཏཾ མེ ས་ཙེ བྷ་ཝེ;
ཨཱ་རོ་ཙེ་མི མ་ཧཱ་ཝཱི་ར, ཨ་པ་རཱ་དྷཾ ཁ་མ་སྶུ ཏཾ [མེ (སྱཱ.)].
༣༨༨. ‘‘‘ཨི་དྡྷི་ཉྩཱ་པི ནི་ད་སྶེ་ཧི, མ་མ སཱ་ས་ན་ཀཱ་རི་ཀེ;
ཙ་ཏ་སྶོ པ་རི་སཱ ཨ་ཛྫ, ཀ་ངྑཾ ཚི་ནྡཱ་ཧི ཡཱ་ཝ་ཏཱ.
༣༨༩. ‘‘‘དྷཱི་ཏཱ ཏུ་ཡ྄ཧཾ མ་ཧཱ་ཝཱི་ར, པ་ཉྙ་ཝ་ནྟ ཛུ་ཏི་ནྡྷ་ར;
བ་ཧུ་ཉྩ དུ་ཀྐ་རཾ ཀ་མྨཾ, ཀ་ཏཾ མེ ཨ་ཏི་དུ་ཀྐ་རཾ.
༣༩༠. ‘‘‘ཨུ་པྤ་ལ་སྶེ་ཝ མེ ཝ་ཎྞོ, ནཱ་མེ་ནུ་པྤ་ལ་ནཱ་མི་ཀཱ;
སཱ་ཝི་ཀཱ ཏེ མ་ཧཱ་ཝཱི་ར, པཱ་དེ ཝ་ནྡཱ་མི ཙ་ཀྑུ་མ.
༣༩༡. ‘‘‘རཱ་ཧུ་ལོ ཙ ཨ་ཧ་ཉྩེ་ཝ, ནེ་ཀ་ཛཱ་ཏི་ས་ཏེ བ་ཧཱུ;
ཨེ་ཀ་སྨིཾ ས་མྦྷ་ཝེ ཛཱ་ཏཱ, ས་མཱ་ན་ཚ་ནྡ་མཱ་ན་སཱ.
༣༩༢. ‘‘‘ནི་བྦ་ཏྟི ཨེ་ཀ་ཏོ ཧོ་ཏི, ཛཱ་ཏི་ཡཱ་པི ཙ ཨེ་ཀ་ཏོ [ཛཱ་ཏཱི་སུ བ་ཧུ་སོ མ་མ (སཱི.)];
པ་ཙྪི་མེ བྷ་ཝེ ས་མྤ་ཏྟེ, ཨུ་བྷོ་པི ནཱ་ནཱ་ས་མྦྷ་ཝཱ.
༣༩༣. ‘‘‘པུ་ཏྟོ ཙ རཱ་ཧུ་ལོ ནཱ་མ, དྷཱི་ཏཱ ཨུ་པྤ་ལ་ས་ཝ྄ཧ་ཡཱ;
པ་སྶ ཝཱི་ར མ་མཾ ཨི་དྡྷིཾ, བ་ལཾ ད་སྶེ་མི ས་ཏྠུ་ནོ.
༣༩༤. ‘‘‘མ་ཧཱ་ས་མུ་དྡེ ཙ་ཏུ་རོ, པ་ཀྑི་པི ཧ་ཏྠ་པཱ་ཏི་ཡཾ;
ཏེ་ལཾ ཧ་ཏྠ་ག་ཏ་ཉྩེ་ཝ, ཁི་ཌྜོ [ཝེ་ཛྫོ (སཱི. པཱི.)] ཀོ་མཱ་ར་ཀོ ཡ་ཐཱ.
༣༩༥. ‘‘‘ཨུ་བྦ་ཏྟ་ཡི་ཏྭཱ པ་ཐ་ཝིཾ, པ་ཀྑི་པི ཧ་ཏྠ་པཱ་ཏི་ཡཾ;
ཙི་ཏྟཾ མུ་ཉྫཾ ཡ་ཐཱ ནཱ་མ, ལུ་ཉྩི ཀོ་མཱ་ར་ཀོ ཡུ་ཝཱ.
༣༩༦. ‘‘‘ཙ་ཀྐ་ཝཱ་ལ༹་ས་མཾ པཱ་ཎིཾ, ཚཱ་ད་ཡི་ཏྭཱ་ན མ་ཏྠ་ཀེ;
ཝ་སྶཱ་པེ་ཏྭཱ་ན ཕུ་སི་ཏཾ, ནཱ་ནཱ་ཝ་ཎྞཾ པུ་ན་པྤུ་ནཾ.
༣༩༧. ‘‘‘བྷཱུ་མིཾ ཨུ་དུ་ཀྑ་ལཾ ཀ་ཏྭཱ, དྷ་ཉྙཾ ཀ་ཏྭཱ་ན ས་ཀྑ་རཾ;
སི་ནེ་རུཾ མུ་ས་ལཾ ཀ་ཏྭཱ, མ་དྡི ཀོ་མཱ་རི་ཀཱ ཡ་ཐཱ.
༣༩༨. ‘‘‘དྷཱི་ཏཱ་ཧཾ བུ་དྡྷ་སེ་ཊྛ་སྶ, ནཱ་མེ་ནུ་པྤ་ལ་ས་ཝ྄ཧ་ཡཱ;
ཨ་བྷི་ཉྙཱ་སུ ཝ་སཱི་བྷཱུ་ཏཱ, ཏ་ཝ སཱ་ས་ན་ཀཱ་རི་ཀཱ.
༣༩༩. ‘‘‘ནཱ་ནཱ་ཝི་ཀུ་བྦ་ནཾ ཀ་ཏྭཱ, ད་སྶེ་ཏྭཱ ལོ་ཀ་ནཱ་ཡ་ཀཾ;
ནཱ་མ་གོ་ཏྟ་ཉྩ སཱ་ཝེ་ཏྭཱ [པ་ཀཱ་སེ་ཏྭཱ (སྱཱ.)], པཱ་དེ ཝ་ནྡཱ་མི ཙ་ཀྑུ་མ.
༤༠༠. ‘‘‘ཨི་དྡྷཱི་སུ ཙ ཝ་སཱི ཧོ་མི, དི་བྦཱ་ཡ སོ་ཏ་དྷཱ་ཏུ་ཡཱ;
ཙེ་ཏོ་པ་རི་ཡ་ཉཱ་ཎ་སྶ, ཝ་སཱི ཧོ་མི མ་ཧཱ་མུ་ནེ.
༤༠༡. ‘‘‘པུ་བྦེ་ནི་ཝཱ་སཾ ཛཱ་ནཱ་མི, དི་བྦ་ཙ་ཀྑུ ཝི་སོ་དྷི་ཏཾ;
ས་བྦཱ་ས་ཝ་པ་རི་ཀྑཱི་ཎཱ, ན་ཏྠི དཱ་ནི པུ་ན་བྦྷ་ཝོ.
༤༠༢. ‘‘‘ཨ་ཏྠ་དྷ་མྨ་ནི་རུ་ཏྟཱི་སུ, པ་ཊི་བྷཱ་ནེ ཏ་ཐེ་ཝ ཙ;
ཉཱ་ཎཾ མེ ཝི་མ་ལཾ [ཝི་པུ་ལཾ (སྱཱ.)] སུ་དྡྷཾ, ས་བྷཱ་ཝེ་ན མ་ཧེ་སི་ནོ.
༤༠༣. ‘‘‘པུ་རི་མཱ་ནཾ ཛི་ན་གྒཱ་ནཾ, ས་ངྒ་མཾ ཏེ ནི་ད་སྶི་ཏཾ [ས་མྨུ་ཁཱ ཙ པ་ར་མྨུ་ཁཱ (སཱི.)];
ཨ་དྷི་ཀཱ་རཾ བ་ཧུཾ མ་ཡ྄ཧཾ, ཏུ་ཡ྄ཧ་ཏྠཱ་ཡ མ་ཧཱ་མུ་ནི.
༤༠༤. ‘‘‘ཡཾ མ་ཡཱ པཱུ་རི་ཏཾ ཀ་མྨཾ, ཀུ་ས་ལཾ ས་ར མེ མུ་ནི;
ཏ་ཝ་ཏྠཱ་ཡ མ་ཧཱ་ཝཱི་ར, པུ་ཉྙཾ ཨུ་པ་ཙི་ཏཾ མ་ཡཱ.
༤༠༥. ‘‘‘ཨ་བྷ་བྦ་ཊྛཱ་ནེ ཝ་ཛྫེ་ཏྭཱ, ཝཱ་ར་ཡ་ནྟཱི [པ་རི་ཝ་ཛྫ་ནྟི (སཱི.), པ་རི་པཱ་ཙེ་ནྟོ (སྱཱ.)] ཨ་ནཱ་ཙ་རཾ;
ཏ་ཝ་ཏྠཱ་ཡ མ་ཧཱ་ཝཱི་ར, ཙ་ཏྟཾ མེ ཛཱི་ཝི་ཏུ་ཏྟ་མཾ.
༤༠༦. ‘‘‘ད་ས་ཀོ་ཊི་ས་ཧ་སྶཱ་ནི, ཨ་དཱ་སིཾ མ་མ ཛཱི་ཝི་ཏཾ;
པ་རི་ཙྩ་ཏྟཱ ཙ མེ ཧོ་མི, ཏ་ཝ་ཏྠཱ་ཡ མ་ཧཱ་མུ་ནི.
༤༠༧. ‘‘‘ཏ་དཱ་ཏི་ཝི་མྷི་ཏཱ ས་བྦཱ, སི་ར་སཱ་ཝ ཀ་ཏ་ཉྫ་ལཱི;
ཨ་ཝོ་ཙ་ཡྻེ ཀ་ཐཾ ཨཱ་སི, ཨ་ཏུ་ལི་དྡྷི་པ་ར་ཀྐ་མཱ’.
༤༠༨. ‘‘ས་ཏ་ས་ཧ་སྶི་ཏོ ཀ་པྤེ, ནཱ་ག་ཀ་ཉྙཱ ཨ་ཧཾ ཏ་དཱ;
ཝི་མ་ལཱ ནཱ་མ ནཱ་མེ་ན, ཀ་ཉྙཱ་ནཾ སཱ་དྷུ་ས་མྨ་ཏཱ.
༤༠༩. ‘‘མ་ཧོ་ར་གོ མ་ཧཱ་ནཱ་གོ, པ་ས་ནྣོ ཛི་ན་སཱ་ས་ནེ;
པ་དུ་མུ་ཏྟ་རཾ མ་ཧཱ་ཏེ་ཛཾ, ནི་མ་ནྟེ་སི ས་སཱ་ཝ་ཀཾ.
༤༡༠. ‘‘ར་ཏ་ན་མ་ཡཾ མ་ཎྜ་པཾ, པ་ལླ་ངྐཾ ར་ཏ་ནཱ་མ་ཡཾ;
ར་ཏ་ནཾ ཝཱ་ལུ་ཀཱ་ཀི་ཎྞཾ, ཨུ་པ་བྷོ་གཾ ར་ཏ་ནཱ་མ་ཡཾ.
༤༡༡. ‘‘མ་གྒ་ཉྩ པ་ཊི་ཡཱ་དེ་སི, ར་ཏ་ན་དྡྷ་ཛ་བྷཱུ་སི་ཏཾ;
པ་ཙྩུ་གྒ་ནྟྭཱ་ན ས་མྦུ་དྡྷཾ, ཝ་ཛྫ་ནྟོ ཏཱུ་རི་ཡེ་ཧི སོ.
༤༡༢. ‘‘པ་རི་སཱ་ཧི ཙ ཙ་ཏཱུ་ཧི [པ་རི་སཱ་ཧི ཙ་ཏཱུ་ཧི སོ (སཱི.), པ་རི་སཱ་ཧི ཙ་ཏ་སྶོ ཧི (པཱི.)], པ་རི་ཝུ་ཏོ [ས་ཧི་ཏོ (སཱི.), ཕ་ར་ཏེ (སྱཱ.), པ་རེ་ཏོ (པཱི.)] ལོ་ཀ་ནཱ་ཡ་ཀོ;
མ་ཧོ་ར་ག་སྶ བྷ་ཝ་ནེ, ནི་སཱི་དི པ་ར་མཱ་ས་ནེ.
༤༡༣. ‘‘ཨ་ནྣཾ པཱ་ནཾ ཁཱ་ད་ནཱི་ཡཾ, བྷོ་ཛ་ན་ཉྩ མ་ཧཱ་ར་ཧཾ;
ཝ་རཾ ཝ་ར་ཉྩ པཱ་དཱ་སི, ནཱ་ག་རཱ་ཛཱ མ་ཧཱ་ཡ་སཾ.
༤༡༤. ‘‘བྷུ་ཉྫི་ཏྭཱ་ན ས་མྦུ་དྡྷོ, པ་ཏྟཾ དྷོ་ཝི་ཏྭཱ ཡོ་ནི་སོ;
ཨ་ནུ་མོ་ད་ནཱི་ཡཾ་ཀཱ་སི, ནཱ་ག་ཀ་ཉྙཱ མ་ཧི་དྡྷི་ཀཱ.
༤༡༥. ‘‘ས་བྦ་ཉྙུཾ ཕུ་ལླི་ཏཾ དི་སྭཱ, ནཱ་ག་ཀ་ཉྙཱ མ་ཧཱ་ཡ་སཾ;
པ་ས་ནྣཾ ས་ཏྠུ་ནོ ཙི་ཏྟཾ, སུ་ནི་བ་ནྡྷ་ཉྩ མཱ་ན་སཾ.
༤༡༦. ‘‘མ་མ་ཉྩ ཙི་ཏྟ་མ་ཉྙཱ་ཡ, ཛ་ལ་ཛུ་ཏྟ་མ་ནཱ་མ་ཀོ;
ཏ་སྨིཾ ཁ་ཎེ མ་ཧཱ་ཝཱི་རོ, བྷི་ཀྑུ་ནིཾ ད་སྶ་ཡི་དྡྷི་ཡཱ.
༤༡༧. ‘‘ཨི་དྡྷཱི ཨ་ནེ་ཀཱ ད་སྶེ་སི, བྷི་ཀྑུ་ནཱི སཱ ཝི་སཱ་ར་དཱ;
པ་མོ་དི་ཏཱ ཝེ་ད་ཛཱ་ཏཱ, ས་ཏྠཱ་རཾ ཨི་ད་མ་བྲ་ཝི [ཨེ་ཏ་ད་བྲ་ཝིཾ (སྱཱ. པཱི.)].
༤༡༨. ‘‘‘ཨ་དྡ་སཱ་ཧཾ ཨི་མཾ ཨི་དྡྷིཾ, སུ་མ་ནཾ ཨི་ཏ་རཱ་ཡ་པི;
ཀ་ཐཾ ཨ་ཧོ་སི སཱ ཝཱི་ར, ཨི་དྡྷི་ཡཱ སུ་ཝི་སཱ་ར་དཱ’.
༤༡༩. ‘‘‘ཨོ་ར་སཱ མུ་ཁ་ཏོ ཛཱ་ཏཱ, དྷཱི་ཏཱ མ་མ མ་ཧི་དྡྷི་ཀཱ;
མ་མཱ་ནུ་སཱ་ས་ནི་ཀ་རཱ, ཨི་དྡྷི་ཡཱ སུ་ཝི་སཱ་ར་དཱ’.
༤༢༠. ‘‘བུ་དྡྷ་སྶ ཝ་ཙ་ནཾ སུ་ཏྭཱ, ཨེ་ཝཾ པ་ཏྠེ་ས་ཧཾ ཏ་དཱ [ཏུ་ཊྛཱ ཨེ་ཝཾ ཨ་ཝོ་ཙ་ཧཾ (སྱཱ.), ཨེ་ཝ་མ་ཧོ་ས་ཧཾ ཏ་དཱ (ཀ.)];
ཨ་ཧ་མྤི ཏཱ་དི་སཱ ཧོ་མི, ཨི་དྡྷི་ཡཱ སུ་ཝི་སཱ་ར་དཱ.
༤༢༡. ‘‘པ་མོ་དི་ཏཱ་ཧཾ སུ་མ་ནཱ, པ་ཏྠེ ཨུ་ཏྟ་མ་མཱ་ན་སཱ [པ་ཏྟ་ཨུ་ཏྟ་མ་མཱ་ན་སཱ (སཱི. སྱཱ. པཱི.)];
ཨ་ནཱ་ག་ཏ་མྷི ཨ་དྡྷཱ་ནེ, ཨཱི་དི་སཱ ཧོ་མི ནཱ་ཡ་ཀ.
༤༢༢. ‘‘མ་ཎི་མ་ཡ་མྷི པ་ལླ་ངྐེ, མ་ཎྜ་པ་མྷི པ་བྷ་སྶ་རེ;
ཨ་ནྣ་པཱ་ནེ་ན ཏ་པྤེ་ཏྭཱ, ས་ས་ངྒྷཾ ལོ་ཀ་ནཱ་ཡ་ཀཾ.
༤༢༣. ‘‘ནཱ་གཱ་ནཾ པ་ཝ་རཾ པུ་པྥཾ, ཨ་རུ་ཎཾ ནཱ་མ ཨུ་པྤ་ལཾ;
ཝ་ཎྞཾ མེ ཨཱི་དི་སཾ ཧོ་ཏུ, པཱུ་ཛེ་སིཾ ལོ་ཀ་ནཱ་ཡ་ཀཾ.
༤༢༤. ‘‘ཏེ་ན ཀ་མྨེ་ན སུ་ཀ་ཏེ་ན, ཙེ་ཏ་ནཱ་པ་ཎི་དྷཱི་ཧི ཙ;
ཛ་ཧི་ཏྭཱ མཱ་ནུ་སཾ དེ་ཧཾ, ཏཱ་ཝ་ཏིཾ་ས་མ་ག་ཙྪ་ཧཾ.
༤༢༥. ‘‘ཏ་ཏོ ཙུ་ཏཱ་ཧཾ མ་ནུ་ཛེ, ཨུ་པ་པ་ནྣཱ ས་ཡ་མྦྷུ་ནོ;
ཨུ་པྤ་ལེ་ཧི པ་ཊི་ཙྪ་ནྣཾ, པི་ཎྜ་པཱ་ཏ་མ་དཱ་ས་ཧཾ.
༤༢༦. ‘‘ཨེ་ཀ་ན་ཝུ་ཏི་ཏོ ཀ་པྤེ, ཝི་པ་སྶཱི ནཱ་མ ནཱ་ཡ་ཀོ;
ཨུ་པྤ་ཛྫི ཙཱ་རུ་ད་སྶ་ནོ, ས་བྦ་དྷ་མྨེ་སུ ཙ་ཀྑུ་མཱ.
༤༢༧. ‘‘སེ་ཊྛི་དྷཱི་ཏཱ ཏ་དཱ ཧུ་ཏྭཱ, བཱ་རཱ་ཎ་སི་པུ་རུ་ཏྟ་མེ;
ནི་མ་ནྟེ་ཏྭཱ་ན ས་མྦུ་དྡྷཾ, ས་ས་ངྒྷཾ ལོ་ཀ་ནཱ་ཡ་ཀཾ.
༤༢༨. ‘‘མ་ཧཱ་དཱ་ནཾ ད་དི་ཏྭཱ་ན, ཨུ་པྤ་ལེ་ཧི ཝི་ནཱ་ཡ་ཀཾ;
པཱུ་ཛ་ཡི་ཏྭཱ ཙེ་ཏ་སཱ་ཝ [ཙ ཏེ་ཧེ་ཝ (སྱཱ. པཱི.)], ཝ་ཎྞ་སོ་བྷཾ ཨ་པ་ཏྠ་ཡིཾ.
༤༢༩. ‘‘ཨི་མ་མྷི བྷ་དྡ་ཀེ ཀ་པྤེ, བྲ་ཧྨ་བ་ནྡྷུ མ་ཧཱ་ཡ་སོ;
ཀ་སྶ་པོ ནཱ་མ གོ་ཏྟེ་ན, ཨུ་པྤ་ཛྫི ཝ་ད་ཏཾ ཝ་རོ.
༤༣༠. ‘‘ཨུ་པ་ཊྛཱ་ཀོ མ་ཧེ་སི་སྶ, ཏ་དཱ ཨཱ་སི ན་རི་སྶ་རོ;
ཀཱ་སི་རཱ་ཛཱ ཀི་ཀཱི ནཱ་མ, བཱ་རཱ་ཎ་སི་པུ་རུ་ཏྟ་མེ.
༤༣༡. ‘‘ཏ་སྶཱ་སིཾ དུ་ཏི་ཡཱ དྷཱི་ཏཱ, ས་མ་ཎ་གུ་ཏྟ་ས་ཝ྄ཧ་ཡཱ;
དྷ་མྨཾ སུ་ཏྭཱ ཛི་ན་གྒ་སྶ, པ་བྦ་ཛྫཾ ས་མ་རོ་ཙ་ཡིཾ.
༤༣༢. ‘‘ཨ་ནུ་ཛཱ་ནི ན ནོ ཏཱ་ཏོ, ཨ་གཱ་རེ་ཝ ཏ་དཱ མ་ཡཾ;
ཝཱི་ས་ཝ་སྶ་ས་ཧ་སྶཱ་ནི, ཝི་ཙ་རི་མྷ ཨ་ཏ་ནྡི་ཏཱ.
༤༣༣. ‘‘ཀོ་མཱ་རི་བྲ་ཧྨ་ཙ་རི་ཡཾ, རཱ་ཛ་ཀ་ཉྙཱ སུ་ཁེ་དྷི་ཏཱ;
བུ་དྡྷོ་པ་ཊྛཱ་ན་ནི་ར་ཏཱ, མུ་དི་ཏཱ ས་ཏྟ་དྷཱི་ཏ་རོ.
༤༣༤. ‘‘ས་མ་ཎཱི ས་མ་ཎ་གུ་ཏྟཱ ཙ, བྷི་ཀྑུ་ནཱི བྷི་ཀྑུ་དཱ་ཡི་ཀཱ [བྷི་ཀྑུ་དཱ་སི་ཀཱ (སཱི. སྱཱ.)];
དྷ་མྨཱ ཙེ་ཝ སུ་དྷ་མྨཱ ཙ, ས་ཏྟ་མཱི ས་ངྒྷ་དཱ་ཡི་ཀཱ [སཾ་གྷ་དཱ་སི་ཀཱ (སཱི. སྱཱ.)].
༤༣༥. ‘‘ཨ་ཧཾ ཁེ་མཱ ཙ ས་པྤ་ཉྙཱ, པ་ཊཱ་ཙཱ་རཱ ཙ ཀུ་ཎྜ་ལཱ;
ཀི་སཱ་གོ་ཏ་མཱི དྷ་མྨ་དི་ནྣཱ, ཝི་སཱ་ཁཱ ཧོ་ཏི ས་ཏྟ་མཱི.
༤༣༦. ‘‘ཏེ་ཧི ཀ་མྨེ་ཧི སུ་ཀ་ཏེ་ཧི, ཙེ་ཏ་ནཱ་པ་ཎི་དྷཱི་ཧི ཙ;
ཛ་ཧི་ཏྭཱ མཱ་ནུ་སཾ དེ་ཧཾ, ཏཱ་ཝ་ཏིཾ་ས་མ་ག་ཙྪ་ཧཾ.
༤༣༧. ‘‘ཏ་ཏོ ཙུ་ཏཱ མ་ནུ་སྶེ་སུ, ཨུ་པ་པ་ནྣཱ མ་ཧཱ་ཀུ་ལེ;
པཱི་ཏཾ མ་ཊྛཾ ཝ་རཾ དུ་སྶཾ, ཨ་དཾ ཨ་ར་ཧ་ཏོ ཨ་ཧཾ.
༤༣༨. ‘‘ཏ་ཏོ ཙུ་ཏཱ་རི་ཊྛ་པུ་རེ, ཛཱ་ཏཱ ཝི་པྤ་ཀུ་ལེ ཨ་ཧཾ;
དྷཱི་ཏཱ ཏི་རི་ཊི་ཝ་ཙྪ་སྶ, ཨུ་མྨཱ་ད་ནྟཱི མ་ནོ་ཧ་རཱ.
༤༣༩. ‘‘ཏ་ཏོ ཙུ་ཏཱ ཛ་ན་པ་དེ, ཀུ་ལེ ཨ་ཉྙ་ཏ་རེ ཨ་ཧཾ;
པ་སཱུ་ཏཱ ནཱ་ཏི་ཕཱི་ཏ་མྷི, སཱ་ལིཾ གོ་པེ་མ་ཧཾ ཏ་དཱ.
༤༤༠. ‘‘དི་སྭཱ པ་ཙྩེ་ཀ་ས་མྦུ་དྡྷཾ, པ་ཉྩ་ལཱ་ཛཱ་ས་ཏཱ་ནི་ཧཾ;
ད་ཏྭཱ པ་དུ་མ་ཙྪ་ནྣཱ་ནི, པ་ཉྩ པུ་ཏྟ་ས་ཏཱ་ནི་ཧཾ.
༤༤༡. ‘‘པ་ཏྠ་ཡིཾ ཏེ་པི པ་ཏྠེ་སུཾ, མ་དྷུཾ ད་ཏྭཱ ས་ཡ་མྦྷུ་ནོ;
ཏ་ཏོ ཙུ་ཏཱ ཨ་ར་ཉྙེ་ཧཾ, ཨ་ཛཱ་ཡིཾ པ་དུ་མོ་ད་རེ.
༤༤༢. ‘‘ཀཱ་སི་ར་ཉྙོ མ་ཧེ་སཱི་ཧཾ, ཧུ་ཏྭཱ ས་ཀྐ་ཏ་པཱུ་ཛི་ཏཱ;
ཨ་ཛ་ནིཾ རཱ་ཛ་པུ་ཏྟཱ་ནཾ, ཨ་ནཱུ་ནཾ ས་ཏ་པ་ཉྩ་ཀཾ.
༤༤༣. ‘‘ཡ་དཱ ཏེ ཡོ་བྦ་ན་པྤ་ཏྟཱ, ཀཱི་ལ༹་ནྟཱ ཛ་ལ་ཀཱི་ལི༹་ཏཾ;
དི་སྭཱ ཨོ་པ་ཏྟ་པ་དུ་མཾ, ཨཱ་སུཾ པ་ཙྩེ་ཀ་ནཱ་ཡ་ཀཱ.
༤༤༤. ‘‘སཱ་ཧཾ ཏེ་ཧི ཝི་ནཱ་བྷཱུ་ཏཱ, སུ་ཏ་ཝཱི་རེ་ཧི སོ་ཀི་ནཱི [སུ་ཏ་ཝ་རེ་ཧི སོ་ཀི་ནཱི (སཱི. སྱཱ.)];
ཙུ་ཏཱ ཨི་སི་གི་ལི་པ་སྶེ, གཱ་མ་ཀ་མྷི ཨ་ཛཱ་ཡི་ཧཾ.
༤༤༥. ‘‘ཡ་དཱ བུ་དྡྷཱ སུ་ཏ་མ་ཏཱི, སུ་ཏཱ་ནཾ བྷ་ཏྟུ་ནོ་པི ཙ [ཀ་ས་ཏཾ ཏ་དཱ (སཱི.), ཨ་ཏྟ་ནོ་པི ཙ (སྱཱ.)];
ཡཱ་གུཾ ཨཱ་དཱ་ཡ ག་ཙྪ་ནྟཱི, ཨ་ཊྛ པ་ཙྩེ་ཀ་ནཱ་ཡ་ཀེ.
༤༤༦. ‘‘བྷི་ཀྑཱ་ཡ གཱ་མཾ ག་ཙྪ་ནྟེ, དི་སྭཱ པུ་ཏྟེ ཨ་ནུ་སྶ་རིཾ;
ཁཱི་ར་དྷཱ་རཱ ཝི་ནི་གྒ་ཙྪི, ཏ་དཱ མེ པུ་ཏྟ་པེ་མ་སཱ.
༤༤༧. ‘‘ཏ་ཏོ ཏེ་སཾ ཨ་དཾ ཡཱ་གུཾ, པ་ས་ནྣཱ སེ་ཧི པཱ་ཎི་བྷི;
ཏ་ཏོ ཙུ་ཏཱ་ཧཾ ཏི་ད་སཾ, ན་ནྡ་ནཾ ཨུ་པ་པ་ཛྫ་ཧཾ.
༤༤༨. ‘‘ཨ་ནུ་བྷོ་ཏྭཱ སུ་ཁཾ དུ་ཀྑཾ, སཾ་ས་རི་ཏྭཱ བྷ་ཝཱ་བྷ་ཝེ;
ཏ་ཝ་ཏྠཱ་ཡ མ་ཧཱ་ཝཱི་ར, པ་རི་ཙྩ་ཏྟ་ཉྩ ཛཱི་ཝི་ཏཾ.
༤༤༩. ‘‘ཨེ་ཝཾ བ་ཧུ་ཝི་དྷཾ དུ་ཀྑཾ, ས་མྤ་ཏྟཱི ཙ བ་ཧུ་བྦི་དྷཱ;
པ་ཙྪི་མེ བྷ་ཝེ ས་མྤ་ཏྟེ, ཛཱ་ཏཱ སཱ་ཝ་ཏྠི་ཡཾ པུ་རེ.
༤༥༠. ‘‘མ་ཧཱ་དྷ་ན་སེ་ཊྛི་ཀུ་ལེ, སུ་ཁི་ཏེ ས་ཛྫི་ཏེ ཏ་ཐཱ;
ནཱ་ནཱ་ར་ཏ་ན་པ་ཛྫོ་ཏེ, ས་བྦ་ཀཱ་མ་ས་མི་དྡྷི་ནེ.
༤༥༡. ‘‘ས་ཀྐ་ཏཱ པཱུ་ཛི་ཏཱ ཙེ་ཝ, མཱ་ནི་ཏཱ་པ་ཙི་ཏཱ ཏ་ཐཱ;
རཱུ་པ་སཱི་རི་མ་ནུ་པྤ་ཏྟཱ [རཱུ་པ་སོ་བྷ་གྒ་ས་མྤ་ནྣཱ (སཱི.)], ཀུ་ལེ་སུ ཨ་ཏི་ས་ཀྐ་ཏཱ [ཨ་བྷི་ས་མྨ་ཏཱ (སཱི.)].
༤༥༢. ‘‘ཨ་ཏཱི་ཝ པ་ཏྠི་ཏཱ ཙཱ་སིཾ, རཱུ་པ་བྷོ་ག་སི་རཱི་ཧི ཙ;
པ་ཏྠི་ཏཱ སེ་ཊྛི་པུ་ཏྟེ་ཧི, ཨ་ནེ་ཀེ་ཧི ས་ཏེ་ཧི་པི.
༤༥༣. ‘‘ཨ་གཱ་རཾ པ་ཛ་ཧི་ཏྭཱ་ན, པ་བྦ་ཛིཾ ཨ་ན་གཱ་རི་ཡཾ;
ཨ་ཌྜྷ་མཱ་སེ ཨ་ས་མྤ་ཏྟེ, ཙ་ཏུ་ས་ཙྩ་མ་པཱ་པུ་ཎིཾ.
༤༥༤. ‘‘ཨི་དྡྷི་ཡཱ ཨ་བྷི་ནི་མྨི་ཏྭཱ, ཙ་ཏུ་ར་སྶཾ ར་ཐཾ ཨ་ཧཾ;
བུ་དྡྷ་སྶ པཱ་དེ ཝ་ནྡི་སྶཾ, ལོ་ཀ་ནཱ་ཐ་སྶ ཏཱ་དི་ནོ.
༤༥༥. ‘‘‘སུ་པུ་པྥི་ཏ་གྒཾ ཨུ་པ་ག་མྨ པཱ་ད་པཾ [བྷི་ཀྑུ་ནཱི (སཱི. པཱི. ཀ.) ཐེ་རཱི་གཱ. ༢༣༠], ཨེ་ཀཱ ཏུ་ཝཾ ཏི་ཊྛ་སི སཱ་ལ་མཱུ་ལེ;
ན ཙཱ་པི ཏེ དུ་ཏི་ཡོ ཨ་ཏྠི ཀོ་ཙི [ན ཙ་ཏྠི ཏེ དུ་ཏི་ཡཱ ཝ་ཎྞ་དྷཱ་ཏུ (སཱི. པཱི. ཀ.)], བཱ་ལེ ན ཏྭཾ བྷཱ་ཡ་སི དྷུ་ཏྟ་ཀཱ་ནཾ’.
༤༥༦. ‘‘‘ས་ཏཾ ས་ཧ་སྶཱ་ནི་པི དྷུ་ཏྟ་ཀཱ་ནཾ [ས་ཧ་སྶཱ་ན་མྤི དྷུ་ཏྟ་ཀཱ་ནཾ (པཱི.) ཐེ་རཱི་གཱ. ༢༣༡], ས་མཱ་ག་ཏཱ ཨེ་དི་ས་ཀཱ བྷ་ཝེ་ཡྻུཾ;
ལོ་མཾ ན ཨི་ཉྫེ ན ས་མྤ་ཝེ་དྷེ, ཀིཾ མེ ཏུ་ཝཾ མཱ་ར ཀ་རི་སྶ་སེ་ཀོ [ན མཱ་ར བྷཱ་ཡཱ་མི ཏ་ཝེ་ཀི་ཀཱ་པི (སཱི. ཀ.) … ཏ་མེ་ཀི་ཀཱ་སིཾ (པཱི.)].
༤༥༧. ‘‘‘ཨེ་སཱ ཨ་ནྟ་ར་དྷཱ་ཡཱ་མི, ཀུ་ཙྪིཾ ཝཱ པ་ཝི་སཱ་མི ཏེ;
བྷ་མུ་ཀ་ནྟ་རི་ཀཱ་ཡ་མྤི, ཏི་ཊྛ་ནྟིཾ མཾ ན ད་ཀྑ་སི.
༤༥༨. ‘‘‘ཙི་ཏྟ་སྨིཾ ཝ་སཱི་བྷཱུ་ཏཱ་མྷི, ཨི་དྡྷི་པཱ་དཱ སུ་བྷཱ་ཝི་ཏཱ;