༢. ཨེ་ཀཱུ་པོ་ས་ཐི་ཀ་ཝ་གྒོ
༡. ཨེ་ཀཱུ་པོ་ས་ཐི་ཀཱ་ཐེ་རཱི་ཨ་པ་དཱ་ནཾ
༡. ‘‘ན་ག་རེ བ་ནྡྷུ་མ་ཏི་ཡཱ, བ་ནྡྷུ་མཱ ནཱ་མ ཁ་ཏྟི་ཡོ;
དི་ཝ་སེ པུ་ཎྞ་མཱ་ཡ སོ, ཨུ་པ་ཝ་སི ཨུ་པོ་ས་ཐཾ.
༢. ‘‘ཨ་ཧཾ ཏེ་ན ས་མ་ཡེ་ན, ཀུ་མྦྷ་དཱ་སཱི ཨ་ཧཾ ཏ་ཧིཾ;
དི་སྭཱ ས་རཱ་ཛ་ཀཾ སེ་ནཾ, ཨེ་ཝཱ་ཧཾ ཙི་ནྟ་ཡིཾ ཏ་དཱ.
༣. ‘རཱ་ཛཱ་པི ར་ཛྫཾ ཚ་ཌྜེ་ཏྭཱ, ཨུ་པ་ཝ་སི ཨུ་པོ་ས་ཐཾ;
ས་ཕ་ལཾ ནཱུ་ན ཏཾ ཀ་མྨཾ, ཛ་ན་ཀཱ་ཡོ པ་མོ་དི་ཏོ’.
༤. ‘‘ཡོ་ནི་སོ པ་ཙྩ་ཝེ་ཀྑི་ཏྭཱ, དུ་གྒ་ཙྩ་ཉྩ [དུ་གྒ་ཏི་ཉྩ (སྱཱ.)] ད་ལི་དྡ་ཏཾ [ད་ལི༹་དྡ་ཏཾ (སཱི.)];
མཱ་ན་སཾ ས་མྤ་ཧཾ་སི་ཏྭཱ, ཨུ་པ་ཝ་སིཾ ཨུ་པོ་ས་ཐཾ.
༥. ‘‘ཨ་ཧཾ ཨུ་པོ་ས་ཐཾ ཀ་ཏྭཱ, ས་མྨཱ་ས་མྦུ་དྡྷ་སཱ་ས་ནེ;
ཏེ་ན ཀ་མྨེ་ན སུ་ཀ་ཏེ་ན, ཏཱ་ཝ་ཏིཾ་ས་མ་ག་ཙྪ་ཧཾ.
༦. ‘‘ཏ་ཏྠ མེ སུ་ཀ་ཏཾ བྱ་མྷཾ, ཨུ་བྦྷ་ཡོ་ཛ་ན་མུ་གྒ་ཏཾ [ཨུ་དྡྷཾ ཡོ་ཛ་ན་མུ་གྒ་ཏཾ (སཱི. སྱཱ. པཱི.)];
ཀཱུ་ཊཱ་གཱ་ར་ཝ་རཱུ་པེ་ཏཾ, མ་ཧཱ་ས་ན་སུ་བྷཱུ་སི་ཏཾ.
༧. ‘‘ཨ་ཙྪ་རཱ ས་ཏ་ས་ཧ་སྶཱ, ཨུ་པ་ཏི་ཊྛ་ནྟི མཾ ས་དཱ;
ཨ་ཉྙེ དེ་ཝེ ཨ་ཏི་ཀྐ་མྨ, ཨ་ཏི་རོ་ཙཱ་མི ས་བྦ་དཱ.
༨. ‘‘ཙ་ཏུ་ས་ཊྛི དེ་ཝ་རཱ་ཛཱུ་ནཾ, མ་ཧེ་སི་ཏྟ་མ་ཀཱ་ར་ཡིཾ;
ཏེ་ས་ཊྛི ཙ་ཀྐ་ཝ་ཏྟཱི་ནཾ, མ་ཧེ་སི་ཏྟ་མ་ཀཱ་ར་ཡིཾ.
༩. ‘‘སུ་ཝ་ཎྞ་ཝ་ཎྞཱ ཧུ་ཏྭཱ་ན, བྷ་ཝེ་སུ སཾ་ས་རཱ་མ་ཧཾ;
ས་བྦ་ཏྠ པ་ཝ་རཱ ཧོ་མི, ཨུ་པོ་ས་ཐ་སྶི་དཾ ཕ་ལཾ.
༡༠. ‘‘ཧ་ཏྠི་ཡཱ་ནཾ ཨ་སྶ་ཡཱ་ནཾ, ར་ཐ་ཡཱ་ན་ཉྩ སཱི་ཝི་ཀཾ [ཀེ་ཝ་ལཾ (སཱི. སྱཱ. པཱི.)];
ལ་བྷཱ་མི ས་བྦ་མེ་ཝེ་ཏཾ, ཨུ་པོ་ས་ཐ་སྶི་དཾ ཕ་ལཾ.
༡༡. ‘‘སོ་ཎྞ་མ་ཡཾ རཱུ་པི་མ་ཡཾ, ཨ་ཐོ་པི ཕ་ལི་ཀཱ་མ་ཡཾ;
ལོ་ཧི་ཏ་ངྒ་མ་ཡ་ཉྩེ་ཝ, ས་བྦཾ པ་ཊི་ལ་བྷཱ་མ་ཧཾ.
༡༢. ‘‘ཀོ་སེ་ཡྻ་ཀ་མྦ་ལི་ཡཱ་ནི, ཁོ་མ་ཀ་པྤཱ་སི་ཀཱ་ནི ཙ;
མ་ཧ་གྒྷཱ་ནི ཙ ཝ་ཏྠཱ་ནི, ས་བྦཾ པ་ཊི་ལ་བྷཱ་མ་ཧཾ.
༡༣. ‘‘ཨ་ནྣཾ པཱ་ནཾ ཁཱ་ད་ནཱི་ཡཾ, ཝ་ཏྠ་སེ་ནཱ་ས་ནཱ་ནི ཙ;
ས་བྦ་མེ་ཏཾ པ་ཊི་ལ་བྷེ, ཨུ་པོ་ས་ཐ་སྶི་དཾ ཕ་ལཾ.
༡༤. ‘‘ཝ་ར་ག་ནྡྷ་ཉྩ མཱ་ལ་ཉྩ, ཙུ་ཎྞ་ཀ་ཉྩ ཝི་ལེ་པ་ནཾ;
ས་བྦ་མེ་ཏཾ པ་ཊི་ལ་བྷེ, ཨུ་པོ་ས་ཐ་སྶི་དཾ ཕ་ལཾ.
༡༥. ‘‘ཀཱུ་ཊཱ་གཱ་ར་ཉྩ པཱ་སཱ་དཾ, མ་ཎྜ་པཾ ཧ་མྨི་ཡཾ གུ་ཧཾ;
ས་བྦ་མེ་ཏཾ པ་ཊི་ལ་བྷེ, ཨུ་པོ་ས་ཐ་སྶི་དཾ ཕ་ལཾ.
༡༦. ‘‘ཛཱ་ཏི་ཡཱ ས་ཏྟ་ཝ་སྶཱ་ཧཾ, པ་བྦ་ཛིཾ ཨ་ན་གཱ་རི་ཡཾ;
ཨ་ཌྜྷ་མཱ་སེ ཨ་ས་མྤ་ཏྟེ, ཨ་ར་ཧ་ཏྟ་མ་པཱ་པུ་ཎིཾ.
༡༧. ‘‘ཀི་ལེ་སཱ ཛྷཱ་པི་ཏཱ མ་ཡ྄ཧཾ, བྷ་ཝཱ ས་བྦེ ས་མཱུ་ཧ་ཏཱ;
ས་བྦཱ་ས་ཝ་པ་རི་ཀྑཱི་ཎཱ, ན་ཏྠི དཱ་ནི པུ་ན་བྦྷ་ཝོ.
༡༨. ‘‘ཨེ་ཀ་ན་ཝུ་ཏི་ཏོ ཀ་པྤེ, ཡཾ ཀ་མྨ་མ་ཀ་རིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, ཨུ་པོ་ས་ཐ་སྶི་དཾ ཕ་ལཾ.
༡༩. ‘‘ཀི་ལེ་སཱ ཛྷཱ་པི་ཏཱ མ་ཡ྄ཧཾ…པེ… ཝི་ཧ་རཱ་མི ཨ་ནཱ་ས་ཝཱ.
༢༠. ‘‘སྭཱ་ག་ཏཾ ཝ་ཏ མེ ཨཱ་སི…པེ… ཀ་ཏཾ བུ་དྡྷ་སྶ སཱ་ས་ནཾ.
༢༡. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨེ་ཀཱུ་པོ་ས་ཐི་ཀཱ བྷི་ཀྑུ་ནཱི ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཨེ་ཀཱུ་པོ་ས་ཐི་ཀཱ་ཐེ་རི་ཡཱ་པ་དཱ་ནཾ པ་ཋ་མཾ.
༢. ས་ལ༹་ལ་པུ་པྥི་ཀཱ་ཐེ་རཱི་ཨ་པ་དཱ་ནཾ
༢༢. ‘‘ཙ་ནྡ་བྷཱ་གཱ་ན་དཱི་ཏཱི་རེ, ཨ་ཧོ་སིཾ ཀི་ནྣ་རཱི ཏ་དཱ;
ཨ་དྡ་སཱ་ཧཾ དེ་ཝ་དེ་ཝཾ, ཙ་ངྐ་མ་ནྟཾ ན་རཱ་ས་བྷཾ.
༢༣. ‘‘ཨོ་ཙི་ནི་ཏྭཱ་ན ས་ལ༹་ལཾ, བུ་དྡྷ་སེ་ཊྛ་སྶ་དཱ་ས་ཧཾ;
ཨུ་པ་སི་ངྒྷི མ་ཧཱ་ཝཱི་རོ, ས་ལ༹་ལཾ དེ་ཝ་ག་ནྡྷི་ཀཾ.
༢༤. ‘‘པ་ཊི་གྒ་ཧེ་ཏྭཱ ས་མྦུ་དྡྷོ, ཝི་པ་སྶཱི ལོ་ཀ་ནཱ་ཡ་ཀོ;
ཨུ་པ་སི་ངྒྷི མ་ཧཱ་ཝཱི་རོ, པེ་ཀྑ་མཱ་ནཱ་ཡ མེ ཏ་དཱ.
༢༥. ‘‘ཨ་ཉྫ་ལིཾ པ་གྒ་ཧེ་ཏྭཱ་ན, ཝ་ནྡི་ཏྭཱ དྭི་པ་དུ་ཏྟ་མཾ [དི་པ་དུ་ཏྟ་མཾ (སཱི. སྱཱ. པཱི.)];
ས་ཀཾ ཙི་ཏྟཾ པ་སཱ་དེ་ཏྭཱ, ཏ་ཏོ པ་བྦ་ཏ་མཱ་རུ་ཧིཾ.
༢༦. ‘‘ཨེ་ཀ་ན་ཝུ་ཏི་ཏོ ཀ་པྤེ, ཡཾ པུ་པྥ་མ་ད་དིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, བུ་དྡྷ་པཱུ་ཛཱ་ཡི་དཾ ཕ་ལཾ.
༢༧. ‘‘ཀི་ལེ་སཱ ཛྷཱ་པི་ཏཱ མ་ཡ྄ཧཾ…པེ… ཝི་ཧ་རཱ་མི ཨ་ནཱ་ས་ཝཱ.
༢༨. ‘‘སྭཱ་ག་ཏཾ ཝ་ཏ མེ ཨཱ་སི…པེ… ཀ་ཏཾ བུ་དྡྷ་སྶ སཱ་ས་ནཾ.
༢༩. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ས་ལ༹་ལ་པུ་པྥི་ཀཱ བྷི་ཀྑུ་ནཱི ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ས་ལ༹་ལ་པུ་པྥི་ཀཱ་ཐེ་རི་ཡཱ་པ་དཱ་ནཾ དུ་ཏི་ཡཾ.
༣. མོ་ད་ཀ་དཱ་ཡི་ཀཱ་ཐེ་རཱི་ཨ་པ་དཱ་ནཾ
༣༠. ‘‘ན་ག་རེ བ་ནྡྷུ་མ་ཏི་ཡཱ, ཀུ་མྦྷ་དཱ་སཱི ཨ་ཧོ་ས་ཧཾ;
མ་མ བྷཱ་གཾ ག་ཧེ་ཏྭཱ་ན, ག་ཙྪཾ ཨུ་ད་ཀ་ཧཱ་རི་ཀཱ [ཨུ་ད་ཀ་ཧཱ་རི་ཀཾ (སཱི.), ཨུ་ད་ཀ་ཧཱ་རི་ཀེ (སྱཱ.)].
༣༡. ‘‘པ་ནྠ་མྷི ས་མ་ཎཾ དི་སྭཱ, ས་ནྟ་ཙི་ཏྟཾ ས་མཱ་ཧ་ཏཾ;
པ་ས་ནྣ་ཙི་ཏྟཱ སུ་མ་ནཱ, མོ་ད་ཀེ ཏཱི་ཎི་དཱ་ས་ཧཾ.
༣༢. ‘‘ཏེ་ན ཀ་མྨེ་ན སུ་ཀ་ཏེ་ན, ཙེ་ཏ་ནཱ་པ་ཎི་དྷཱི་ཧི ཙ;
ཨེ་ཀ་ན་ཝུ་ཏི་ཀ་པྤཱ་ནི [ཨེ་ཀཱུ་ན་ཏིཾ་ས་ཀ་པྤཱ་ནི (སྱཱ.)], ཝི་ནི་པཱ་ཏཾ ན་ག་ཙྪ་ཧཾ.
༣༣. ‘‘ས་མྤ་ཏྟི ཏཾ [ས་མྤ་ཏྟི་ཉྩ (སྱཱ.), ས་མྤ་ཏྟི་ཀཾ (ཀ.)] ཀ་རི་ཏྭཱ་ན, ས་བྦཾ ཨ་ནུ་བྷ་ཝིཾ ཨ་ཧཾ;
མོ་ད་ཀེ ཏཱི་ཎི ད་ཏྭཱ་ན, པ་ཏྟཱ་ཧཾ ཨ་ཙ་ལཾ པ་དཾ.
༣༤. ‘‘ཀི་ལེ་སཱ ཛྷཱ་པི་ཏཱ མ་ཡ྄ཧཾ…པེ… ཝི་ཧ་རཱ་མི ཨ་ནཱ་ས་ཝཱ.
༣༥. ‘‘སྭཱ་ག་ཏཾ ཝ་ཏ མེ ཨཱ་སི…པེ… ཀ་ཏཾ བུ་དྡྷ་སྶ སཱ་ས་ནཾ.
༣༦. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ མོ་ད་ཀ་དཱ་ཡི་ཀཱ བྷི་ཀྑུ་ནཱི ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
མོ་ད་ཀ་དཱ་ཡི་ཀཱ་ཐེ་རི་ཡཱ་པ་དཱ་ནཾ ཏ་ཏི་ཡཾ.
༤. ཨེ་ཀཱ་ས་ན་དཱ་ཡི་ཀཱ་ཐེ་རཱི་ཨ་པ་དཱ་ནཾ
༣༧. ‘‘ན་ག་རེ ཧཾ་ས་ཝ་ཏི་ཡཱ, ཨ་ཧོ་སིཾ བཱ་ལི་ཀཱ [མཱ་ལི་ཀཱ (སྱཱ. པཱི.)] ཏ་དཱ;
མཱ་ཏཱ ཙ མེ པི་ཏཱ ཙེ་ཝ, ཀ་མྨ་ནྟཾ ཨ་ག་མཾ་སུ ཏེ.
༣༨. ‘‘མ་ཛ྄ཛྷ་ནྷི་ཀ་མྷི སཱུ་རི་ཡེ, ཨ་དྡ་སཾ ས་མ་ཎཾ ཨ་ཧཾ;
ཝཱི་ཐི་ཡཱ ཨ་ནུ་ག་ཙྪ་ནྟཾ, ཨཱ་ས་ནཾ པ་ཉྙ་པེ་ས་ཧཾ.
༣༩. ‘‘གོ་ན་ཀཱ་ཝི་ཀ་ཏི་ཀཱ་ཧི [གོ་ན་ཀ་ཙི་ཏྟ་ཀཱ་དཱི་ཧི (སཱི.)], པ་ཉྙ་པེ་ཏྭཱ མ་མཱ་ས་ནཾ;
པ་ས་ནྣ་ཙི་ཏྟཱ སུ་མ་ནཱ, ཨི་དཾ ཝ་ཙ་ན་མ་བྲ་ཝིཾ.
༤༠. ‘‘‘ས་ནྟ་ཏྟཱ ཀུ་ཐི་ཏཱ བྷཱུ་མི, སཱུ་རོ མ་ཛ྄ཛྷ་ནྷི་ཀེ ཋི་ཏོ;
མཱ་ལུ་ཏཱ ཙ ན ཝཱ་ཡ་ནྟི, ཀཱ་ལོ ཙེ་ཝེ་ཏྠ མེ་ཧི་ཏི [ཙེ་ཏྠ ཨུ་པ་ཊྛི་ཏོ (སཱི.), ཙེ་ཝ་ཏྠཾ ཨེ་ཏི ཏཾ (པཱི.)].
༤༡. ‘‘‘པ་ཉྙ་ཏྟ་མཱ་ས་ན་མི་དཾ, ཏ་ཝ་ཏྠཱ་ཡ མ་ཧཱ་མུ་ནི;
ཨ་ནུ་ཀ་མྤཾ ཨུ་པཱ་དཱ་ཡ, ནི་སཱི་ད མ་མ ཨཱ་ས་ནེ’.
༤༢. ‘‘ནི་སཱི་དི ཏ་ཏྠ ས་མ་ཎོ, སུ་ད་ནྟོ སུ་དྡྷ་མཱ་ན་སོ;
ཏ་སྶ པ་ཏྟཾ ག་ཧེ་ཏྭཱ་ན, ཡ་ཐཱ་ར་ནྡྷཾ ཨ་དཱ་ས་ཧཾ.
༤༣. ‘‘ཏེ་ན ཀ་མྨེ་ན སུ་ཀ་ཏེ་ན, ཙེ་ཏ་ནཱ་པ་ཎི་དྷཱི་ཧི ཙ;
ཛ་ཧི་ཏྭཱ མཱ་ནུ་སཾ དེ་ཧཾ, ཏཱ་ཝ་ཏིཾ་ས་མ་ག་ཙྪ་ཧཾ.
༤༤. ‘‘ཏ་ཏྠ མེ སུ་ཀ་ཏཾ བྱ་མྷཾ, ཨཱ་ས་ནེ་ན སུ་ནི་མྨི་ཏཾ;
ས་ཊྛི་ཡོ་ཛ་ན་མུ་བྦེ་དྷཾ, ཏིཾ་ས་ཡོ་ཛ་ན་ཝི་ཏྠ་ཏཾ.
༤༥. ‘‘སོ་ཎྞ་མ་ཡཱ མ་ཎི་མ་ཡཱ, ཨ་ཐོ་པི ཕ་ལི་ཀཱ་མ་ཡཱ;
ལོ་ཧི་ཏ་ངྒ་མ་ཡཱ ཙེ་ཝ, པ་ལླ་ངྐཱ ཝི་ཝི་དྷཱ མ་མ.
༤༦. ‘‘ཏཱུ་ལི་ཀཱ ཝི་ཀ་ཏི་ཀཱ་ཧི, ཀ་ཊྚི་སྶ་ཙི་ཏྟ་ཀཱ་ཧི ཙ;
ཨུ་དྡ་ཨེ་ཀ་ནྟ་ལོ་མཱི ཙ, པ་ལླ་ངྐཱ མེ སུ་ས་ཎྛི་ཏཱ [སུ་ས་ནྠ་ཏཱ (སཱི.)].
༤༧. ‘‘ཡ་དཱ ཨི་ཙྪཱ་མི ག་མ་ནཾ, ཧཱ་ས་ཁི་ཌྜ་ས་མ་པྤི་ཏཱ;
ས་ཧ པ་ལླ་ངྐ་སེ་ཊྛེ་ན, ག་ཙྪཱ་མི མ་མ པ་ཏྠི་ཏཾ.
༤༨. ‘‘ཨ་སཱི་ཏི དེ་ཝ་རཱ་ཛཱུ་ནཾ, མ་ཧེ་སི་ཏྟ་མ་ཀཱ་ར་ཡིཾ;
ས་ཏྟ་ཏི ཙ་ཀྐ་ཝ་ཏྟཱི་ནཾ, མ་ཧེ་སི་ཏྟ་མ་ཀཱ་ར་ཡིཾ.
༤༩. ‘‘བྷ་ཝཱ་བྷ་ཝེ སཾ་ས་ར་ནྟཱི, མ་ཧཱ་བྷོ་གཾ ལ་བྷཱ་མ་ཧཾ;
བྷོ་གེ མེ ཨཱུ་ན་ཏཱ ན་ཏྠི, ཨེ་ཀཱ་ས་ན་སྶི་དཾ ཕ་ལཾ [ཨེ་ཀཱ་ས་ན་ཕ་ལཾ ཨི་དཾ (ས་བྦ་ཏྠ) ཨེ་ཝ་མུ་པ་རི་པི].
༥༠. ‘‘དུ་ཝེ བྷ་ཝེ སཾ་ས་རཱ་མི, དེ་ཝ་ཏྟེ ཨ་ཐ མཱ་ནུ་སེ;
ཨ་ཉྙེ བྷ་ཝེ ན ཛཱ་ནཱ་མི, ཨེ་ཀཱ་ས་ན་སྶི་དཾ ཕ་ལཾ.
༥༡. ‘‘དུ་ཝེ ཀུ་ལེ པ་ཛཱ་ཡཱ་མི, ཁ་ཏྟི་ཡེ ཙཱ་པི བྲཱ་ཧྨ་ཎེ;
ཨུ་ཙྩཱ་ཀུ་ལཱི་ནཱ [ཨུ་ཙྩཱ་ཀུ་ལི་ཀཱ (སྱཱ. པཱི. ཀ.)] ས་བྦ་ཏྠ, ཨེ་ཀཱ་ས་ན་སྶི་དཾ ཕ་ལཾ.
༥༢. ‘‘དོ་མ་ན་སྶཾ ན ཛཱ་ནཱ་མི, ཙི་ཏྟ་ས་ནྟཱ་པ་ནཾ མ་མ;
ཝེ་ཝ་ཎྞི་ཡཾ ན ཛཱ་ནཱ་མི, ཨེ་ཀཱ་ས་ན་སྶི་དཾ ཕ་ལཾ.
༥༣. ‘‘དྷཱ་ཏི་ཡོ མཾ ཨུ་པ་ཊྛ་ནྟི, ཁུ་ཛྫཱ ཙེ་ལཱ་པི་ཀཱ [ཁེ་ལཱ་པི་ཀཱ (སཱི.), ཙེ་ལཱ་ཝི་ཀཱ (པཱི.)] བ་ཧཱུ;
ཨ་ངྐེ་ན ཨ་ངྐཾ ག་ཙྪཱ་མི, ཨེ་ཀཱ་ས་ན་སྶི་དཾ ཕ་ལཾ.
༥༤. ‘‘ཨ་ཉྙཱ ནྷཱ་པེ་ནྟི བྷོ་ཛེ་ནྟི, ཨ་ཉྙཱ ར་མེ་ནྟི མཾ ས་དཱ;
ཨ་ཉྙཱ ག་ནྡྷཾ ཝི་ལི་མྤ་ནྟི, ཨེ་ཀཱ་ས་ན་སྶི་དཾ ཕ་ལཾ [ཨ་ཉྙཱ མ་མེ་ཝ ནྷཱ་པེ་ནྟི, ཨ་ཉྙཱ བྷོ་ཛེ་ནྟི བྷོ་ཛ་ནཾ; ཨ་ཉྙཱ མཾ ཨ་ལ་ངྐ་རོ་ནྟི, ཨ་ཉྙཱ ར་མེ་ནྟི མཾ ས་དྡྷཱ; (སྱཱ.)].
༥༥. ‘‘མ་ཎྜ་པེ རུ་ཀྑ་མཱུ་ལེ ཝཱ, སུ་ཉྙཱ་གཱ་རེ ཝ་ས་ནྟི་ཡཱ;
མ་མ ས་ངྐ་པྤ་མ་ཉྙཱ་ཡ, པ་ལླ་ངྐོ ཨུ་པ་ཏི་ཊྛ་ཏི.
༥༦. ‘‘ཨ་ཡཾ པ་ཙྪི་མ་ཀོ མ་ཡ྄ཧཾ, ཙ་རི་མོ ཝ་ཏྟ་ཏེ བྷ་ཝོ;
ཨ་ཛྫཱ་པི ར་ཛྫཾ ཚ་ཌྜེ་ཏྭཱ, པ་བྦ་ཛིཾ ཨ་ན་གཱ་རི་ཡཾ.
༥༧. ‘‘ས་ཏ་ས་ཧ་སྶི་ཏོ ཀ་པྤེ, ཡཾ དཱ་ན་མ་ད་དིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, ཨེ་ཀཱ་ས་ན་སྶི་དཾ ཕ་ལཾ.
༥༨. ‘‘ཀི་ལེ་སཱ ཛྷཱ་པི་ཏཱ མ་ཡ྄ཧཾ…པེ… ཝི་ཧ་རཱ་མི ཨ་ནཱ་ས་ཝཱ.
༥༩. ‘‘སྭཱ་ག་ཏཾ ཝ་ཏ མེ ཨཱ་སི…པེ… ཀ་ཏཾ བུ་དྡྷ་སྶ སཱ་ས་ནཾ.
༦༠. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨེ་ཀཱ་ས་ན་དཱ་ཡི་ཀཱ བྷི་ཀྑུ་ནཱི ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཨེ་ཀཱ་ས་ན་དཱ་ཡི་ཀཱ་ཐེ་རི་ཡཱ་པ་དཱ་ནཾ ཙ་ཏུ་ཏྠཾ.
༥. པ་ཉྩ་དཱི་པ་དཱ་ཡི་ཀཱ་ཐེ་རཱི་ཨ་པ་དཱ་ནཾ
༦༡. ‘‘ན་ག་རེ ཧཾ་ས་ཝ་ཏི་ཡཱ, ཙཱ་རི་ཀཱི [ཙཱ་རི་ཀཱ (སཱི. སྱཱ.)] ཨཱ་ས་ཧཾ ཏ་དཱ;
ཨཱ་རཱ་མེ་ན ཙ ཨཱ་རཱ་མཾ [ཨཱ་རཱ་མེ་ན ཝི་ཧཱ་རེ་ན (སྱཱ. པཱི.)], ཙ་རཱ་མི ཀུ་ས་ལ་ཏྠི་ཀཱ.
༦༢. ‘‘ཀཱ་ལ༹་པ་ཀྑ་མྷི དི་ཝ་སེ, ཨ་དྡ་སཾ བོ་དྷི་མུ་ཏྟ་མཾ;
ཏ་ཏྠ ཙི་ཏྟཾ པ་སཱ་དེ་ཏྭཱ, བོ་དྷི་མཱུ་ལེ ནི་སཱི་ད་ཧཾ.
༦༣. ‘‘ག་རུ་ཙི་ཏྟཾ ཨུ་པ་ཊྛེ་ཏྭཱ, སི་རེ ཀ་ཏྭཱ་ན ཨ་ཉྫ་ལིཾ;
སོ་མ་ན་སྶཾ པ་ཝེ་དེ་ཏྭཱ, ཨེ་ཝཾ ཙི་ནྟེ་སི ཏཱ་ཝ་དེ.
༦༤. ‘‘‘ཡ་དི བུ་དྡྷོ ཨ་མི་ཏ་གུ་ཎོ, ཨ་ས་མ་པྤ་ཊི་པུ་གྒ་ལོ;
ད་སྶེ་ཏུ པཱ་ཊི་ཧཱི་རཾ མེ, བོ་དྷི ཨོ་བྷཱ་ས་ཏུ ཨ་ཡཾ’.
༦༥. ‘‘ས་ཧ ཨཱ་ཝ་ཛྫི་ཏེ མ་ཡ྄ཧཾ, བོ་དྷི པ་ཛྫ་ལི ཏཱ་ཝ་དེ;
ས་བྦ་སོ་ཎྞ་མ་ཡཱ ཨཱ་སི, དི་སཱ ས་བྦཱ ཝི་རོ་ཙ་ཏི.
༦༦. ‘‘ས་ཏྟ་ར་ཏྟི་ནྡི་ཝཾ ཏ་ཏྠ, བོ་དྷི་མཱུ་ལེ ནི་སཱི་ད་ཧཾ;
ས་ཏྟ་མེ དི་ཝ་སེ པ་ཏྟེ, དཱི་པ་པཱུ་ཛཾ ཨ་ཀཱ་ས་ཧཾ.
༦༧. ‘‘ཨཱ་ས་ནཾ པ་རི་ཝཱ་རེ་ཏྭཱ, པ་ཉྩ དཱི་པཱ་ནི པ་ཛྫ་ལུཾ;
ཡཱ་ཝ ཨུ་དེ་ཏི སཱུ་རི་ཡོ, དཱི་པཱ མེ པ་ཛྫ་ལུཾ ཏ་དཱ.
༦༨. ‘‘ཏེ་ན ཀ་མྨེ་ན སུ་ཀ་ཏེ་ན, ཙེ་ཏ་ནཱ་པ་ཎི་དྷཱི་ཧི ཙ;
ཛ་ཧི་ཏྭཱ མཱ་ནུ་སཾ དེ་ཧཾ, ཏཱ་ཝ་ཏིཾ་ས་མ་ག་ཙྪ་ཧཾ.
༦༩. ‘‘ཏ་ཏྠ མེ སུ་ཀ་ཏཾ བྱ་མྷཾ, པ་ཉྩ་དཱི་པཱ་ཏི ཝུ་ཙྩ་ཏི;
ས་ཊྛི་ཡོ་ཛ་ན་མུ་བྦེ་དྷཾ, ཏིཾ་ས་ཡོ་ཛ་ན་ཝི་ཏྠ་ཏཾ.
༧༠. ‘‘ཨ་ས་ངྑི་ཡཱ་ནི དཱི་པཱ་ནི, པ་རི་ཝཱ་རེ ཛ་ལིཾ་སུ མེ;
ཡཱ་ཝ་ཏཱ དེ་ཝ་བྷ་ཝ་ནཾ, དཱི་པཱ་ལོ་ཀེ་ན ཛོ་ཏ་ཏི.
༧༡. ‘‘པ་ར་མྨུ་ཁཱ [པུ་བྦ་མུ་ཁཱ (སྱཱ.)] ནི་སཱི་དི་ཏྭཱ, ཡ་དི ཨི་ཙྪཱ་མི པ་སྶི་ཏུཾ;
ཨུ་དྡྷཾ ཨ་དྷོ ཙ ཏི་རི་ཡཾ, ས་བྦཾ པ་སྶཱ་མི ཙ་ཀྑུ་ནཱ.
༧༢. ‘‘ཡཱ་ཝ་ཏཱ ཨ་བྷི་ཀ་ངྑཱ་མི, ད་ཊྛུཾ སུ་ག་ཏ་དུ་གྒ་ཏེ [སུ་ཀ་ཏ་དུ་ཀྐ་ཊེ (པཱི.)];
ཏ་ཏྠ ཨཱ་ཝ་ར་ཎཾ ན་ཏྠི, རུ་ཀྑེ་སུ པ་བྦ་ཏེ་སུ ཝཱ.
༧༣. ‘‘ཨ་སཱི་ཏི དེ་ཝ་རཱ་ཛཱུ་ནཾ, མ་ཧེ་སི་ཏྟ་མ་ཀཱ་ར་ཡིཾ;
ས་ཏཱ་ནཾ ཙ་ཀྐ་ཝ་ཏྟཱི་ནཾ, མ་ཧེ་སི་ཏྟ་མ་ཀཱ་ར་ཡིཾ.
༧༤. ‘‘ཡཾ ཡཾ ཡོ་ནུ་པ་པ་ཛྫཱ་མི, དེ་ཝ་ཏྟཾ ཨ་ཐ མཱ་ནུ་སཾ;
དཱི་པ་ས་ཏ་ས་ཧ་སྶཱ་ནི, པ་རི་ཝཱ་རེ ཛ་ལ་ནྟི མེ.