༨. ཁེ་མཱ་ཐེ་རཱི་ཨ་པ་དཱ་ནཾ
༢༨༩. ‘‘པ་དུ་མུ་ཏྟ་རོ ནཱ་མ ཛི་ནོ, ས་བྦ་དྷ་མྨེ་སུ ཙ་ཀྑུ་མཱ;
ཨི་ཏོ ས་ཏ་ས་ཧ་སྶ་མྷི, ཀ་པྤེ ཨུ་པྤ་ཛྫི ནཱ་ཡ་ཀོ.
༢༩༠. ‘‘ཏ་དཱ་ཧཾ ཧཾ་ས་ཝ་ཏི་ཡཾ, ཛཱ་ཏཱ སེ་ཊྛི་ཀུ་ལེ ཨ་ཧུཾ [ཨ་ཧུ (སྱཱ.)];
ནཱ་ནཱ་ར་ཏ་ན་པ་ཛྫོ་ཏེ, མ་ཧཱ་སུ་ཁ་ས་མ་པྤི་ཏཱ.
༢༩༡. ‘‘ཨུ་པེ་ཏྭཱ ཏཾ མ་ཧཱ་ཝཱི་རཾ, ཨ་སྶོ་སིཾ དྷ་མྨ་དེ་ས་ནཾ;
ཏ་ཏོ ཛཱ་ཏ་པྤ་སཱ་དཱ་ཧཾ, ཨུ་པེ་མི ས་ར་ཎཾ ཛི་ནཾ.
༢༩༢. ‘‘མཱ་ཏ་རཾ པི་ཏ་རཾ ཙཱ་ཧཾ, ཨཱ་ཡཱ་ཙི་ཏྭཱ ཝི་ནཱ་ཡ་ཀཾ;
ནི་མ་ནྟ་ཡི་ཏྭཱ ས་ཏྟཱ་ཧཾ, བྷོ་ཛ་ཡིཾ ས་ཧ་སཱ་ཝ་ཀཾ.
༢༩༣. ‘‘ཨ་ཏི་ཀྐ་ནྟེ ཙ ས་ཏྟཱ་ཧེ, མ་ཧཱ་པ་ཉྙཱ་ན་མུ་ཏྟ་མཾ;
བྷི་ཀྑུ་ནིཾ ཨེ་ཏ་ད་གྒ་མྷི, ཋ་པེ་སི ན་ར་སཱ་ར་ཐི.
༢༩༤. ‘‘ཏཾ སུ་ཏྭཱ མུ་དི་ཏཱ ཧུ་ཏྭཱ, པུ་ནོ ཏ་སྶ མ་ཧེ་སི་ནོ;
ཀཱ་རཾ ཀ་ཏྭཱ་ན ཏཾ ཋཱ་ནཾ, པ་ཎི་པ་ཙྩ པ་ཎཱི་ད་ཧིཾ.
༢༩༥. ‘‘ཏ་ཏོ མ་མ ཛི་ནོ [མཾ ས ཛི་ནོ (སྱཱ.)] ཨཱ་ཧ, ‘སི་ཛ྄ཛྷ་ཏཾ པ་ཎི་དྷཱི ཏ་ཝ;
ས་ས་ངྒྷེ མེ ཀ་ཏཾ ཀཱ་རཾ, ཨ་པྤ་མེ་ཡྻ་ཕ་ལཾ ཏ་ཡཱ.
༢༩༦. ‘‘‘ས་ཏ་ས་ཧ་སྶི་ཏོ ཀ་པྤེ, ཨོ་ཀྐཱ་ཀ་ཀུ་ལ་ས་མྦྷ་ཝོ;
གོ་ཏ་མོ ནཱ་མ གོ་ཏྟེ་ན, ས་ཏྠཱ ལོ་ཀེ བྷ་ཝི་སྶ་ཏི.
༢༩༧. ‘‘‘ཏ་སྶ དྷ་མྨེ་སུ དཱ་ཡཱ་དཱ, ཨོ་ར་སཱ དྷ་མྨ་ནི་མྨི་ཏཱ;
ཨེ་ཏ་ད་གྒ་མ་ནུ་པྤ་ཏྟཱ, ཁེ་མཱ ནཱ་མ བྷ་ཝི་སྶ་ཏི’.
༢༩༨. ‘‘ཏེ་ན ཀ་མྨེ་ན སུ་ཀ་ཏེ་ན, ཙེ་ཏ་ནཱ་པ་ཎི་དྷཱི་ཧི ཙ;
ཛ་ཧི་ཏྭཱ མཱ་ནུ་སཾ དེ་ཧཾ, ཏཱ་ཝ་ཏིཾ་སཱུ་པ་གཱ ཨ་ཧཾ.
༢༩༩. ‘‘ཏ་ཏོ ཙུ་ཏཱ ཡཱ་མ་མ་གཾ, ཏ་ཏོ་ཧཾ ཏུ་སི་ཏཾ ག་ཏཱ;
ཏ་ཏོ ཙ ནི་མྨཱ་ན་ར་ཏིཾ, ཝ་ས་ཝ་ཏྟི་པུ་རཾ ཏ་ཏོ.
༣༠༠. ‘‘ཡ་ཏྠ ཡ་ཏྠཱུ་པ་པ་ཛྫཱ་མི, ཏ་སྶ ཀ་མྨ་སྶ ཝཱ་ཧ་སཱ;
ཏ་ཏྠ ཏ་ཏྠེ་ཝ རཱ་ཛཱུ་ནཾ, མ་ཧེ་སི་ཏྟ་མ་ཀཱ་ར་ཡིཾ.
༣༠༡. ‘‘ཏ་ཏོ ཙུ་ཏཱ མ་ནུ་སྶ་ཏྟེ, རཱ་ཛཱུ་ནཾ ཙ་ཀྐ་ཝ་ཏྟི་ནཾ;
མ་ཎྜ་ལཱི་ན་ཉྩ རཱ་ཛཱུ་ནཾ, མ་ཧེ་སི་ཏྟ་མ་ཀཱ་ར་ཡིཾ.
༣༠༢. ‘‘ས་མྤ་ཏྟིཾ ཨ་ནུ་བྷོ་ཏྭཱ་ན, དེ་ཝེ་སུ མ་ནུ་ཛེ་སུ ཙ;
ས་བྦ་ཏྠ སུ་ཁི་ཏཱ ཧུ་ཏྭཱ, ནེ་ཀ་ཀ་པྤེ་སུ སཾ་ས་རིཾ.
༣༠༣. ‘‘ཨེ་ཀ་ན་ཝུ་ཏི་ཏོ ཀ་པྤེ, ཝི་པ་སྶཱི ལོ་ཀ་ནཱ་ཡ་ཀོ;
ཨུ་པྤ་ཛྫི ཙཱ་རུ་ད་སྶ་ནོ [ཙཱ་རུ་ན་ཡ་ནོ (སཱི. པཱི.)], ས་བྦ་དྷ་མྨ་ཝི་པ་སྶ་ཀོ.
༣༠༤. ‘‘ཏ་མ་ཧཾ ལོ་ཀ་ནཱ་ཡ་ཀཾ, ཨུ་པེ་ཏྭཱ ན་ར་སཱ་ར་ཐིཾ;
དྷ་མྨཾ བྷ་ཎི་ཏཾ སུ་ཏྭཱ་ན, པ་བྦ་ཛིཾ ཨ་ན་གཱ་རི་ཡཾ.
༣༠༥. ‘‘ད་ས་ཝ་སྶ་ས་ཧ་སྶཱ་ནི, ཏ་སྶ ཝཱི་ར་སྶ སཱ་ས་ནེ;
བྲ་ཧྨ་ཙ་རི་ཡཾ ཙ་རི་ཏྭཱ་ན, ཡུ་ཏྟ་ཡོ་གཱ བ་ཧུ་སྶུ་ཏཱ.
༣༠༦. ‘‘པ་ཙྩ་ཡཱ་ཀཱ་ར་ཀུ་ས་ལཱ, ཙ་ཏུ་ས་ཙྩ་ཝི་སཱ་ར་དཱ;
ནི་པུ་ཎཱ ཙི་ཏྟ་ཀ་ཐི་ཀཱ, ས་ཏྠུ་སཱ་ས་ན་ཀཱ་རི་ཀཱ.
༣༠༧. ‘‘ཏ་ཏོ ཙུ་ཏཱ་ཧཾ ཏུ་སི་ཏཾ, ཨུ་པ་པ་ནྣཱ ཡ་ས་སྶི་ནཱི;
ཨ་བྷི་བྷོ་མི ཏ་ཧིཾ ཨ་ཉྙེ, བྲ་ཧྨ་ཙཱ་རཱི་ཕ་ལེ་ན་ཧཾ.
༣༠༨. ‘‘ཡ་ཏྠ ཡ་ཏྠཱུ་པ་པ་ནྣཱ་ཧཾ, མ་ཧཱ་བྷོ་གཱ མ་ཧ་དྡྷ་ནཱ;
མེ་དྷཱ་ཝི་ནཱི སཱི་ལ་ཝ་ཏཱི [རཱུ་པ་ཝ་ཏཱི (སཱི. སྱཱ. པཱི.)], ཝི་ནཱི་ཏ་པ་རི་སཱ་པི ཙ.
༣༠༩. ‘‘བྷ་ཝཱ་མི ཏེ་ན ཀ་མྨེ་ན, ཡོ་གེ་ན ཛི་ན་སཱ་ས་ནེ;
ས་བྦཱ ས་མྤ་ཏྟི་ཡོ མ་ཡ྄ཧཾ, སུ་ལ་བྷཱ མ་ན་སོ པི་ཡཱ.
༣༡༠. ‘‘ཡོ་པི མེ བྷ་ཝ་ཏེ བྷ་ཏྟཱ, ཡ་ཏྠ ཡ་ཏྠ ག་ཏཱ་ཡ་པི;
ཝི་མཱ་ནེ་ཏི ན མཾ ཀོ་ཙི, པ་ཊི་པ་ཏྟི་བ་ལེ་ན མེ.
༣༡༡. ‘‘ཨི་མ་མྷི བྷ་དྡ་ཀེ ཀ་པྤེ, བྲ་ཧྨ་བ་ནྡྷུ མ་ཧཱ་ཡ་སོ;
ནཱ་མེ་ན ཀོ་ཎཱ་ག་མ་ནོ, ཨུ་པྤ་ཛྫི ཝ་ད་ཏཾ ཝ་རོ.
༣༡༢. ‘‘ཏ་དཱ ཧི བཱ་རཱ་ཎ་སི་ཡཾ, སུ་ས་མི་དྡྷ་ཀུ་ལ་པྤ་ཛཱ [སུ་ས་མི་དྡྷི… (སྱཱ.)];
དྷ་ན་ཉྫཱ་ནཱི སུ་མེ་དྷཱ ཙ, ཨ་ཧ་མྤི ཙ ཏ་ཡོ ཛ་ནཱ.
༣༡༣. ‘‘ས་ངྒྷཱ་རཱ་མ་མ་དཱ་སི་མྷ, དཱ་ན་ས་ཧཱ་ཡི་ཀཱ པུ་རེ [ནེ་ཀེ ས་ཧ་སྶི་ཀེ མུ་ནེ (སྱཱ.), དཱ་ནཾ ས་ཧ་སྶི་ཀཾ མུ་ནེ (པཱི.)];
ས་ངྒྷ་སྶ ཙ ཝི་ཧཱ་ར་མྤི [ས་སཾ་གྷ་སྶ ཝི་ཧཱ་རཾ ཧི (སྱཱ. པཱི.)], ཨུ་དྡི་སྶ ཀཱ་རི་ཀཱ [དཱ་ཡི་ཀཱ (པཱི.)] མ་ཡཾ.
༣༡༤. ‘‘ཏ་ཏོ ཙུ་ཏཱ མ་ཡཾ ས་བྦཱ, ཏཱ་ཝ་ཏིཾ་སཱུ་པ་གཱ ཨ་ཧུཾ;
ཡ་ས་སཱ ཨ་གྒ་ཏཾ པ་ཏྟཱ, མ་ནུ་སྶེ་སུ ཏ་ཐེ་ཝ ཙ.
༣༡༥. ‘‘ཨི་མ་སྨིཾ་ཡེ་ཝ ཀ་པྤ་མྷི, བྲ་ཧྨ་བ་ནྡྷུ མ་ཧཱ་ཡ་སོ;
ཀ་སྶ་པོ ནཱ་མ གོ་ཏྟེ་ན, ཨུ་པྤ་ཛྫི ཝ་ད་ཏཾ ཝ་རོ.
༣༡༦. ‘‘ཨུ་པ་ཊྛཱ་ཀོ མ་ཧེ་སི་སྶ, ཏ་དཱ ཨཱ་སི ན་རི་སྶ་རོ;
ཀཱ་སི་རཱ་ཛཱ ཀི་ཀཱི ནཱ་མ, བཱ་རཱ་ཎ་སི་པུ་རུ་ཏྟ་མེ.
༣༡༧. ‘‘ཏ་སྶཱ་སིཾ ཛེ་ཊྛི་ཀཱ དྷཱི་ཏཱ, ས་མ་ཎཱི ཨི་ཏི ཝི་སྶུ་ཏཱ;
དྷ་མྨཾ སུ་ཏྭཱ ཛི་ན་གྒ་སྶ, པ་བྦ་ཛྫཾ ས་མ་རོ་ཙ་ཡིཾ.
༣༡༨. ‘‘ཨ་ནུ་ཛཱ་ནི ན ནོ ཏཱ་ཏོ, ཨ་གཱ་རེ་ཝ ཏ་དཱ མ་ཡཾ;
ཝཱི་ས་ཝ་སྶ་ས་ཧ་སྶཱ་ནི, ཝི་ཙ་རི་མྷ ཨ་ཏ་ནྡི་ཏཱ.
༣༡༩. ‘‘ཀོ་མཱ་རི་བྲ་ཧྨ་ཙ་རི་ཡཾ, རཱ་ཛ་ཀ་ཉྙཱ སུ་ཁེ་དྷི་ཏཱ;
བུ་དྡྷོ་པ་ཊྛཱ་ན་ནི་ར་ཏཱ, མུ་དི་ཏཱ ས་ཏྟ དྷཱི་ཏ་རོ.
༣༢༠. ‘‘ས་མ་ཎཱི ས་མ་ཎ་གུ་ཏྟཱ ཙ, བྷི་ཀྑུ་ནཱི བྷི་ཀྑུ་དཱ་ཡི་ཀཱ;
དྷ་མྨཱ ཙེ་ཝ སུ་དྷ་མྨཱ ཙ, ས་ཏྟ་མཱི ས་ངྒྷ་དཱ་ཡི་ཀཱ.
༣༢༡. ‘‘ཨ་ཧཾ ཨུ་པྤ་ལ་ཝ་ཎྞཱ ཙ, པ་ཊཱ་ཙཱ་རཱ ཙ ཀུ་ཎྜ་ལཱ;
ཀི་སཱ་གོ་ཏ་མཱི དྷ་མྨ་དི་ནྣཱ, ཝི་སཱ་ཁཱ ཧོ་ཏི ས་ཏྟ་མཱི.
༣༢༢. ‘‘ཀ་དཱ་ཙི སོ ན་རཱ་དི་ཙྩོ, དྷ་མྨཾ དེ་སེ་སི ཨ་བྦྷུ་ཏཾ;
མ་ཧཱ་ནི་དཱ་ན་སུ་ཏྟ་ནྟཾ, སུ་ཏྭཱ ཏཾ པ་རི་ཡཱ་པུ་ཎིཾ.
༣༢༣. ‘‘ཏེ་ཧི ཀ་མྨེ་ཧི སུ་ཀ་ཏེ་ཧི, ཙེ་ཏ་ནཱ་པ་ཎི་དྷཱི་ཧི ཙ;
ཛ་ཧི་ཏྭཱ མཱ་ནུ་སཾ དེ་ཧཾ, ཏཱ་ཝ་ཏིཾ་ས་མ་ག་ཙྪ་ཧཾ.
༣༢༤. ‘‘པ་ཙྪི་མེ ཙ བྷ་ཝེ དཱ་ནི, སཱ་ཀ་ལཱ་ཡ པུ་རུ་ཏྟ་མེ;
ར་ཉྙོ མ་དྡ་སྶ དྷཱི་ཏཱ་མྷི, མ་ནཱ་པཱ ད་ཡི་ཏཱ པི་ཡཱ.
༣༢༥. ‘‘ས་ཧ མེ ཛཱ་ཏ་མ་ཏྟ་མྷི, ཁེ་མཾ ཏ་མྷི པུ་རེ ཨ་ཧུ;
ཏ་ཏོ ཁེ་མཱ་ཏི ནཱ་མཾ མེ, གུ་ཎ་ཏོ ཨུ་པ་པ་ཛྫ་ཐ.
༣༢༦. ‘‘ཡ་དཱ་ཧཾ ཡོ་བྦ་ནཾ པ་ཏྟཱ, རཱུ་པ་ལཱ་ཝ་ཉྙ་བྷཱུ་སི་ཏཱ [རཱུ་པ་ཝ་ཎྞ་ཝི་བྷཱུ་སི་ཏཱ (སྱཱ.), རཱུ་པ་ཝ་ནྟཱ ཝི་བྷཱུ་སི་ཏཱ (པཱི.), རཱུ་པ་ཝི་ལཱ་ས་བྷཱུ་སི་ཏཱ (ཀ.)];
ཏ་དཱ ཨ་དཱ་སི མཾ ཏཱ་ཏོ, བི་མྦི་སཱ་ར་སྶ རཱ་ཛི་ནོ.
༣༢༧. ‘‘ཏ་སྶཱ་ཧཾ སུ་པྤི་ཡཱ ཨཱ་སིཾ, རཱུ་པ་ཀེ ལཱ་ཡ་ནེ ར་ཏཱ;
རཱུ་པཱ་ནཾ དོ་ས་ཝཱ་དཱི་ཏི, ན ཨུ་པེ་སིཾ མ་ཧཱ་ད་ཡཾ.
༣༢༨. ‘‘བི་མྦི་སཱ་རོ ཏ་དཱ རཱ་ཛཱ, མ་མཱ་ནུ་གྒ་ཧ་བུ་དྡྷི་ཡཱ;
ཝ་ཎྞ་ཡི་ཏྭཱ ཝེ་ལུ༹་ཝ་ནཾ, གཱ་ཡ་ཀེ གཱ་པ་ཡཱི མ་མཾ.
༣༢༩. ‘‘ར་མྨཾ ཝེ་ལུ༹་ཝ་ནཾ ཡེ་ན, ན དི་ཊྛཾ སུ་ག་ཏཱ་ལ་ཡཾ;
ན ཏེ་ན ན་ནྡ་ནཾ དི་ཊྛཾ, ཨི་ཏི མ་ཉྙཱ་མ་སེ མ་ཡཾ.
༣༣༠. ‘‘ཡེ་ན ཝེ་ལུ༹་ཝ་ནཾ དི་ཊྛཾ, ན་ར་ན་ནྡ་ན་ན་ནྡ་ནཾ;
སུ་དི་ཊྛཾ ན་ནྡ་ནཾ ཏེ་ན, ཨ་མ་རི་ནྡ་སུ་ན་ནྡ་ནཾ.
༣༣༡. ‘‘ཝི་ཧཱ་ཡ ན་ནྡ་ནཾ དེ་ཝཱ, ཨོ་ཏ་རི་ཏྭཱ མ་ཧཱི་ཏ་ལཾ [མ་ཧཱི་ཏ་ལེ (སྱཱ. པཱི.)];
ར་མྨཾ ཝེ་ལུ༹་ཝ་ནཾ དི་སྭཱ, ན ཏ་པྤ་ནྟི སུ་ཝི་མྷི་ཏཱ.
༣༣༢. ‘‘རཱ་ཛ་པུ་ཉྙེ་ན ནི་བྦ་ཏྟཾ, བུ་དྡྷ་པུ་ཉྙེ་ན བྷཱུ་སི་ཏཾ;
ཀོ ཝ་ཏྟཱ ཏ་སྶ ནི་སྶེ་སཾ, ཝ་ན་སྶ གུ་ཎ་ས་ཉྩ་ཡཾ.
༣༣༣. ‘‘ཏཾ སུ་ཏྭཱ ཝ་ན་ས་མི་དྡྷཾ, མ་མ སོ་ཏ་མ་ནོ་ཧ་རཾ;
ད་ཊྛུ་ཀཱ་མཱ ཏ་མུ་ཡྻཱ་ནཾ, ར་ཉྙོ ཨཱ་རོ་ཙ་ཡིཾ ཏ་དཱ.
༣༣༤. ‘‘མ་ཧ་ཏཱ པ་རི་ཝཱ་རེ་ན, ཏ་དཱ ཙ སོ [ཏ་དཱ མཾ སོ (སྱཱ. པཱི.)] མ་ཧཱི་པ་ཏི;
མཾ པེ་སེ་སི [སཾ་པེ་སེ་སི (སྱཱ.), ས་མྤཱ་པེ་སི (པཱི.)] ཏ་མུ་ཡྻཱ་ནཾ, ད་སྶ་ནཱ་ཡ ས་མུ་སྶུ་ཀཾ.
༣༣༥. ‘‘ག་ཙྪ པ་སྶ མ་ཧཱ་བྷོ་གེ, ཝ་ནཾ ནེ་ཏྟ་ར་སཱ་ཡ་ནཾ;
ཡཾ ས་དཱ བྷཱ་ཏི སི་རི་ཡཱ, སུ་ག་ཏཱ་བྷཱ་ནུ་ར་ཉྫི་ཏཾ.
༣༣༦. ‘‘ཡ་དཱ ཙ པི་ཎྜཱ་ཡ མུ་ནི, གི་རི་བྦ་ཛ་པུ་རུ་ཏྟ་མཾ;
པ་ཝི་ཊྛོ་ཧཾ ཏ་དཱ་ཡེ་ཝ, ཝ་ནཾ ད་ཊྛུ་མུ་པཱ་ག་མིཾ.
༣༣༧. ‘‘ཏ་དཱ ཏཾ ཕུ་ལླ་ཝི་པི་ནཾ, ནཱ་ནཱ་བྷ་མ་ར་ཀཱུ་ཛི་ཏཾ;
ཀོ་ཀི་ལཱ་གཱི་ཏ་ས་ཧི་ཏཾ, མ་ཡཱུ་ར་ག་ཎ་ན་ཙྩི་ཏཾ.
༣༣༨. ‘‘ཨ་པྤ་ས་དྡ་མ་ནཱ་ཀི་ཎྞཾ, ནཱ་ནཱ་ཙ་ངྐ་མ་བྷཱུ་སི་ཏཾ;
ཀུ་ཊི་མ་ཎྜ་པ་ས་ངྐི་ཎྞཾ, ཡོ་གཱི་ཝ་ར་ཝི་རཱ་ཛི་ཏཾ.
༣༣༩. ‘‘ཝི་ཙ་ར་ནྟཱི ཨ་མ་ཉྙི་སྶཾ, ས་ཕ་ལཾ ན་ཡ་ནཾ མ་མ;
ཏ་ཏྠཱ་པི ཏ་རུ་ཎཾ བྷི་ཀྑུཾ, ཡུ་ཏྟཾ དི་སྭཱ ཝི་ཙི་ནྟ་ཡིཾ.
༣༤༠. ‘‘‘ཨཱི་དི་སེ ཝི་པི་ནེ ར་མྨེ, ཋི་ཏོ་ཡཾ ན་ཝ་ཡོ་བྦ་ནེ;
ཝ་ས་ནྟ་མི་ཝ ཀ་ནྟེ་ན, རཱུ་པེ་ན ཙ ས་མ་ནྭི་ཏོ.
༣༤༡. ‘‘‘ནི་སི་ནྣོ རུ་ཀྑ་མཱུ་ལ་མྷི, མུ་ཎྜོ ས་ངྒྷཱ་ཊི་པཱ་རུ་ཏོ;
ཛྷཱ་ཡ་ཏེ ཝ་ཏ་ཡཾ བྷི་ཀྑུ, ཧི་ཏྭཱ ཝི་ས་ཡ་ཛཾ ར་ཏིཾ.
༣༤༢. ‘‘‘ན་ནུ ནཱ་མ ག་ཧ་ཊྛེ་ན, ཀཱ་མཾ བྷུ་ཏྭཱ ཡ་ཐཱ་སུ་ཁཾ;
པ་ཙྪཱ ཛི་ཎྞེ་ན དྷ་མྨོ་ཡཾ, ཙ་རི་ཏ་བྦོ སུ་བྷ་དྡ་ཀོ’.
༣༤༣. ‘‘སུ་ཉྙ་ཀ་ནྟི ཝི་དི་ཏྭཱ་ན, ག་ནྡྷ་གེ་ཧཾ ཛི་ནཱ་ལ་ཡཾ;
ཨུ་པེ་ཏྭཱ ཛི་ན་མ་དྡ་ཀྑཾ, ཨུ་ད་ཡ་ནྟཾ་ཝ བྷཱ་ཀ་རཾ.
༣༤༤. ‘‘ཨེ་ཀ་ཀཾ སུ་ཁ་མཱ་སཱི་ནཾ, བཱི་ཛ་མཱ་ནཾ ཝ་རི་ཏྠི་ཡཱ;
དི་སྭཱ་ནེ་ཝཾ ཝི་ཙི་ནྟེ་སིཾ, ནཱ་ཡཾ ལཱུ་ཁོ ན་རཱ་ས་བྷོ.
༣༤༥. ‘‘སཱ ཀ་ཉྙཱ ཀ་ན་ཀཱ་བྷཱ་སཱ, པ་དུ་མཱ་ན་ན་ལོ་ཙ་ནཱ;
བི་མྦོ་ཊྛཱི ཀུ་ནྡ་ད་ས་ནཱ, མ་ནོ་ནེ་ཏྟ་ར་སཱ་ཡ་ནཱ.
༣༤༦. ‘‘ཧེ་མ་དོ་ལཱ་བྷ་ས་ཝ་ནཱ [ཧེ་མ་དོ་ལཱ སུ་ཝ་དཱི་ནཱ (སྱཱ.)], ཀ་ལི་ཀཱ་ཀཱ་ར་སུ་ཏྠ་ནཱི [ཀ་ལ་སཱ་ཀཱ་ར་སུ་ཏྟ་ནཱི (སཱི. པཱི.), ཀ་མ་ལཱ་ཀཱ་ར་སུ་ཏྟ་ནཱི (སྱཱ.)];
ཝེ་དི་མ་ཛ྄ཛྷཱ་ཝ སུ་སྶོ་ཎཱི [ཀ་ནུ་མ་ཛ྄ཛྷཱ་ཝ སུ་སྶོ་ཎཱི (སཱི.), ཝེ་དི་མ་ཛ྄ཛྷཱ ཝ་ར་སོ་ཎཱི (སྱཱ. པཱི.)], ར་མྦྷོ་རུ ཙཱ་རུ་བྷཱུ་ས་ནཱ.
༣༤༧. ‘‘ར་ཏྟཾ་ས་ཀུ་པ་སཾ་བྱཱ་ནཱ, ནཱི་ལ་མ་ཊྛ་ནི་ཝཱ་ས་ནཱ;
ཨ་ཏ་པྤ་ནེ་ཡྻ་རཱུ་པེ་ན, ཧཱ་ས་བྷཱ་ཝ་ས་མ་ནྭི་ཏཱ [ཧཱ་ཝ་བྷཱ་ཝ་ས་མ་ནྭི་ཏཱ (སཱི.), ས་བྦཱ་བྷ་ར་ཎ་མ་ཎྜི་ཏཱ (སྱཱ.)].
༣༤༨. ‘‘དི་སྭཱ ཏ་མེ་ཝཾ ཙི་ནྟེ་སིཾ, ཨ་ཧོ་ཡ་མ་བྷི་རཱུ་པི་ནཱི;
ན མ་ཡཱ་ནེ་ན ནེ་ཏྟེ་ན, དི་ཊྛ་པུ་བྦཱ ཀུ་དཱ་ཙ་ནཾ.
༣༤༩. ‘‘ཏ་ཏོ ཛ་རཱ་བྷི་བྷཱུ་ཏཱ སཱ, ཝི་ཝ་ཎྞཱ ཝི་ཀ་ཏཱ་ན་ནཱ;
བྷི་ནྣ་ད་ནྟཱ སེ་ཏ་སི་རཱ, ས་ལཱ་ལཱ ཝ་ད་ནཱ་སུ་ཙི.
༣༥༠. ‘‘ས་ངྑི་ཏྟ་ཀ་ཎྞཱ སེ་ཏ་ཀྑཱི, ལ་མྦཱ་སུ་བྷ་པ་ཡོ་དྷ་རཱ;
ཝ་ལི་ཝི་ཏ་ཏ་ས་བྦ་ངྒཱི, སི་རཱ་ཝི་ཏ་ཏ་དེ་ཧི་ནཱི.
༣༥༡. ‘‘ན་ཏ་ངྒཱ ད་ཎྜ་དུ་ཏི་ཡཱ, ཨུ་པྥཱ་སུ་ལི་ཀ་ཏཱ [ཨུ་པྤ་ཎྜུ་པ་ཎྜུ་ཀཱ (སཱི. སྱཱ.)] ཀི་སཱ;
པ་ཝེ་དྷ་མཱ་ནཱ པ་ཏི་ཏཱ, ནི་སྶ་ས་ནྟཱི མུ་ཧུཾ མུ་ཧུཾ.
༣༥༢. ‘‘ཏ་ཏོ མེ ཨཱ་སི སཾ་ཝེ་གོ, ཨ་བྦྷུ་ཏོ ལོ་མ་ཧཾ་ས་ནོ;
དྷི་ར་ཏྠུ རཱུ་པཾ ཨ་སུ་ཙིཾ, ར་མ་ནྟེ ཡ་ཏྠ བཱ་ལི་སཱ.
༣༥༣. ‘‘ཏ་དཱ མ་ཧཱ་ཀཱ་རུ་ཎི་ཀོ, དི་སྭཱ སཾ་ཝི་གྒ་མཱ་ན་སཾ;
ཨུ་ད་གྒ་ཙི་ཏྟོ སུ་ག་ཏོ, ཨི་མཱ གཱ་ཐཱ ཨ་བྷཱ་ས་ཐ.
༣༥༤. ‘‘‘ཨཱ་ཏུ་རཾ ཨ་སུ་ཙིཾ པཱུ་ཏིཾ, པ་སྶ ཁེ་མེ ས་མུ་སྶ་ཡཾ;
ཨུ་གྒྷ་ར་ནྟཾ པ་གྒྷ་ར་ནྟཾ, བཱ་ལཱ་ནཾ ཨ་བྷི་ན་ནྡི་ཏཾ.
༣༥༥. ‘‘‘ཨ་སུ་བྷཱ་ཡ ཙི་ཏྟཾ བྷཱ་ཝེ་ཧི, ཨེ་ཀ་གྒཾ སུ་ས་མཱ་ཧི་ཏཾ;
ས་ཏི ཀཱ་ཡ་ག་ཏཱ ཏྱ་ཏྠུ, ནི་བྦི་དཱ བ་ཧུ་ལཱ བྷ་ཝ.
༣༥༦. ‘‘‘ཡ་ཐཱ ཨི་དཾ ཏ་ཐཱ ཨེ་ཏཾ, ཡ་ཐཱ ཨེ་ཏཾ ཏ་ཐཱ ཨི་དཾ;
ཨ་ཛ྄ཛྷ་ཏྟ་ཉྩ བ་ཧི་དྡྷཱ ཙ, ཀཱ་ཡེ ཚ་ནྡཾ ཝི་རཱ་ཛ་ཡ.
༣༥༧. ‘‘‘ཨ་ནི་མི་ཏྟ་ཉྩ བྷཱ་ཝེ་ཧི, མཱ་ནཱ་ནུ་ས་ཡ་མུ་ཛྫ་ཧ;
ཏ་ཏོ མཱ་ནཱ་བྷི་ས་མ་ཡཱ, ཨུ་པ་ས་ནྟཱ ཙ་རི་སྶ་སི.
༣༥༨. ‘‘‘ཡེ རཱ་ག་ར་ཏྟཱ་ནུ་པ་ཏ་ནྟི སོ་ཏཾ, ས་ཡཾ ཀ་ཏཾ མ་ཀྐ་ཊ་ཀོ་ཝ ཛཱ་ལཾ;
ཨེ་ཏ་མྤི ཚེ་ཏྭཱ་ན པ་རི་བྦ་ཛ་ནྟི, ན པེ་ཀྑི་ནོ [ཨ་ན་པེ་ཀྑི་ནོ (སཱི. སྱཱ. པཱི.)] ཀཱ་མ་སུ་ཁཾ པ་ཧཱ་ཡ’.
༣༥༩. ‘‘ཏ་ཏོ ཀ་ལླི་ཏ་ཙི་ཏྟཾ [ཀ་ལླི་ཀ་ཙི་ཏྟཾ (སྱཱ.), ཀ་ལི་ཀ་ཙི་ཏྟཾ (པཱི.)] མཾ, ཉ་ཏྭཱ་ན ན་ར་སཱ་ར་ཐི;
མ་ཧཱ་ནི་དཱ་ནཾ དེ་སེ་སི, སུ་ཏྟ་ནྟཾ ཝི་ན་ཡཱ་ཡ མེ.
༣༦༠. ‘‘སུ་ཏྭཱ སུ་ཏྟ་ནྟ་སེ་ཊྛཾ ཏཾ, པུ་བྦ་ས་ཉྙ་མ་ནུ་སྶ་རིཾ;
ཏ་ཏྠ ཋི་ཏཱ་ཝ་ཧཾ ས་ནྟཱི, དྷ་མྨ་ཙ་ཀྑུཾ ཝི་སོ་དྷ་ཡིཾ.
༣༦༡. ‘‘ནི་པ་ཏི་ཏྭཱ མ་ཧེ་སི་སྶ, པཱ་ད་མཱུ་ལ་མྷི ཏཱ་ཝ་དེ;
ཨ་ཙྩ་ཡཾ དེ་ས་ན་ཏྠཱ་ཡ, ཨི་དཾ ཝ་ཙ་ན་མ་བྲ་ཝིཾ.
༣༦༢. ‘‘‘ན་མོ ཏེ ས་བྦ་ད་སྶཱ་ཝཱི, ན་མོ ཏེ ཀ་རུ་ཎཱ་ཀ་ར;
ན་མོ ཏེ ཏི་ཎྞ་སཾ་སཱ་ར, ན་མོ ཏེ ཨ་མ་ཏཾ ད་ད.
༣༦༣. ‘‘‘དི་ཊྛི་ག་ཧ་ན་པ་ཀྑ་ནྡཱ [… པ་ཀྑ་ནྟཱ (སཱི. སྱཱ.)], ཀཱ་མ་རཱ་ག་ཝི་མོ་ཧི་ཏཱ;