༩. པ་ཉྩ་དཱི་པི་ཀཱ་ཐེ་རཱི་ཨ་པ་དཱ་ནཾ
༩༡. ‘‘ན་ག་རེ ཧཾ་ས་ཝ་ཏི་ཡཱ, ཙཱ་རི་ཀཱི [ཙཱ་རི་ནིཾ (སྱཱ.)] ཨཱ་ས་ཧཾ ཏ་དཱ;
ཨཱ་རཱ་མེ་ན ཙ ཨཱ་རཱ་མཾ, ཙ་རཱ་མི ཀུ་ས་ལ་ཏྠི་ཀཱ.
༩༢. ‘‘ཀཱ་ལ༹་པ་ཀྑ་མྷི དི་ཝ་སེ, ཨ་དྡ་སཾ བོ་དྷི་མུ་ཏྟ་མཾ;
ཏ་ཏྠ ཙི་ཏྟཾ པ་སཱ་དེ་ཏྭཱ, བོ་དྷི་མཱུ་ལེ ནི་སཱི་ད་ཧཾ.
༩༣. ‘‘ག་རུ་ཙི་ཏྟཾ ཨུ་པ་ཊྛེ་ཏྭཱ, སི་རེ ཀ་ཏྭཱ་ན ཨ་ཉྫ་ལིཾ;
སོ་མ་ན་སྶཾ པ་ཝེ་དེ་ཏྭཱ, ཨེ་ཝཾ ཙི་ནྟེ་སི ཏཱ་ཝ་དེ.
༩༤. ‘‘‘ཡ་དི བུ་དྡྷོ ཨ་མི་ཏ་གུ་ཎོ, ཨ་ས་མ་པྤ་ཊི་པུ་གྒ་ལོ;
ད་སྶེ་ཏུ པཱ་ཊི་ཧཱི་རཾ མེ, བོ་དྷི ཨོ་བྷཱ་ས་ཏུ ཨ་ཡཾ’.
༩༥. ‘‘ས་ཧ ཨཱ་ཝ་ཛྫི་ཏེ མ་ཡ྄ཧཾ, བོ་དྷི པ་ཛྫ་ལི ཏཱ་ཝ་དེ;
ས་བྦ་སོ་ཎྞ་མ་ཡཱ ཨཱ་སི, དི་སཱ ས་བྦཱ ཝི་རོ་ཙ་ཏི.
༩༦. ‘‘ས་ཏྟ་ར་ཏྟི་ནྡི་ཝཾ [ས་ཏྟ་ར་ཏྟི་དི་ཝཾ (པཱི. ཀ.)] ཏ་ཏྠ, བོ་དྷི་མཱུ་ལེ ནི་སཱི་ད་ཧཾ;
ས་ཏྟ་མེ དི་ཝ་སེ པ་ཏྟེ, དཱི་པ་པཱུ་ཛཾ ཨ་ཀཱ་ས་ཧཾ.
༩༧. ‘‘ཨཱ་ས་ནཾ པ་རི་ཝཱ་རེ་ཏྭཱ, པ་ཉྩ་དཱི་པཱ་ནི པ་ཛྫ་ལུཾ;
ཡཱ་ཝ ཨུ་དེ་ཏི སཱུ་རི་ཡོ, དཱི་པཱ མེ པ་ཛྫ་ལུཾ ཏ་དཱ.
༩༨. ‘‘ཏེ་ན ཀ་མྨེ་ན སུ་ཀ་ཏེ་ན, ཙེ་ཏ་ནཱ་པ་ཎི་དྷཱི་ཧི ཙ;
ཛ་ཧི་ཏྭཱ མཱ་ནུ་སཾ དེ་ཧཾ, ཏཱ་ཝ་ཏིཾ་ས་མ་ག་ཙྪ་ཧཾ.
༩༩. ‘‘ཏ་ཏྠ མེ སུ་ཀ་ཏཾ བྱ་མྷཾ, པ་ཉྩ་དཱི་པཱ་ཏི ཝུ་ཙྩ་ཏི;
ས་ཊྛི་ཡོ་ཛ་ན་མུ་བྦེ་དྷཾ [ས་ཏ་ཡོ་ཛ་ན་མུ་བྦེ་དྷཾ (སཱི. སྱཱ. པཱི.)], ཏིཾ་ས་ཡོ་ཛ་ན་ཝི་ཏྠ་ཏཾ [ས་ཊྛི… (སྱཱ. པཱི.)].
༡༠༠. ‘‘ཨ་ས་ངྑི་ཡཱ་ནི དཱི་པཱ་ནི, པ་རི་ཝཱ་རེ ཛ་ལ་ནྟི མེ;
ཡཱ་ཝ་ཏཱ དེ་ཝ་བྷ་ཝ་ནཾ, དཱི་པཱ་ལོ་ཀེ་ན ཛོ་ཏ་ཏི.
༡༠༡. ‘‘པ་ར་མྨུ་ཁཱ ནི་སཱི་དི་ཏྭཱ [པུ་ར་ཏྠཱ་བྷི་མུ་ཁཱ ས་ནྟི (སྱཱ.), པུ་ར་ཏྠཱ་བྷི་མུ་ཁཱ ཐི་ཏཱ (པཱི.)], ཡ་དི ཨི་ཙྪཱ་མི པ་སྶི་ཏུཾ;
ཨུ་དྡྷཾ ཨ་དྷོ ཙ ཏི་རི་ཡཾ, ས་བྦཾ པ་སྶཱ་མི ཙ་ཀྑུ་ནཱ.
༡༠༢. ‘‘ཡཱ་ཝ་ཏཱ ཨ་བྷི་ཀ་ངྑཱ་མི, ད་ཊྛུཾ སུ་ག་ཏ་དུ་གྒ་ཏེ [སུ་ཀ་ཏ་དུ་ཀྐ་ཏེ (པཱི.];
ཏ་ཏྠ ཨཱ་ཝ་ར་ཎཾ ན་ཏྠི, རུ་ཀྑེ་སུ པ་བྦ་ཏེ་སུ ཝཱ.
༡༠༣. ‘‘ཨ་སཱི་ཏི དེ་ཝ་རཱ་ཛཱུ་ནཾ, མ་ཧེ་སི་ཏྟ་མ་ཀཱ་ར་ཡིཾ;
ས་ཏཱ་ནཾ ཙ་ཀྐ་ཝ་ཏྟཱི་ནཾ, མ་ཧེ་སི་ཏྟ་མ་ཀཱ་ར་ཡིཾ.
༡༠༤. ‘‘ཡཾ ཡཾ ཡོ་ནུ་པ་པ་ཛྫཱ་མི, དེ་ཝ་ཏྟཾ ཨ་ཐ མཱ་ནུ་སཾ;
དཱི་པ་ས་ཏ་ས་ཧ་སྶཱ་ནི, པ་རི་ཝཱ་རེ ཛ་ལ་ནྟི མེ.
༡༠༥. ‘‘དེ་ཝ་ལོ་ཀཱ ཙ་ཝི་ཏྭཱ་ན, ཨུ་པྤ་ཛྫིཾ མཱ་ཏུ་ཀུ་ཙྪི་ཡཾ;
མཱ་ཏུ་ཀུ་ཙྪི་ག་ཏཱ ས་ནྟཱི [མཱ་ཏུ་ཀུ་ཙྪི་ག་ཏཾ ས་ནྟིཾ (སཱི.)], ཨ་ཀྑི མེ ན ནི་མཱི་ལ་ཏི.
༡༠༦. ‘‘དཱི་པ་ས་ཏ་ས་ཧ་སྶཱ་ནི, པུ་ཉྙ་ཀ་མྨ་ས་མ་ངྒི་ཏཱ;
ཛ་ལ་ནྟི སཱུ་ཏི་ཀཱ་གེ་ཧེ [སཱུ་ཏི་གྷ་རེ པ་ཛྫ་ལ་ནྟི (ས་བྦ་ཏྠ)], པ་ཉྩ་དཱི་པཱ་ནི་དཾ ཕ་ལཾ.
༡༠༧. ‘‘པ་ཙྪི་མེ བྷ་ཝེ ས་མྤ་ཏྟེ, མཱ་ན་སཾ ཝི་ནི་ཝ་ཏྟ་ཡིཾ;
ཨ་ཛ་རཱ་མ་ཏཾ སཱི་ཏི་བྷཱ་ཝཾ, ནི་བྦཱ་ནཾ ཕ་སྶ་ཡིཾ ཨ་ཧཾ.
༡༠༨. ‘‘ཛཱ་ཏི་ཡཱ ས་ཏྟ་ཝ་སྶཱ་ཧཾ, ཨ་ར་ཧ་ཏྟ་མ་པཱ་པུ་ཎིཾ;
ཨུ་པ་ས་མྤཱ་ད་ཡཱི བུ་དྡྷོ, གུ་ཎ་མ་ཉྙཱ་ཡ གོ་ཏ་མོ.
༡༠༩. ‘‘མ་ཎྜ་པེ རུ་ཀྑ་མཱུ་ལེ ཝཱ, པཱ་སཱ་དེ་སུ གུ་ཧཱ་སུ ཝཱ;
སུ་ཉྙཱ་གཱ་རེ ཝ་ས་ནྟི་ཡཱ [ཙ ཛྷཱ་ཡ་ནྟེ (སཱི.), ཙ ཛྷཱ་ཡ་ནྟཱ (པཱི.), པ་ཛ྄ཛྷཱ་ཡ་ནྟཱ (སྱཱ.)], པ་ཉྩ་དཱི་པཱ ཛ་ལ་ནྟི མེ.
༡༡༠. ‘‘དི་བྦ་ཙ་ཀྑུ ཝི་སུ་དྡྷཾ མེ, ས་མཱ་དྷི་ཀུ་ས་ལཱ ཨ་ཧཾ;
ཨ་བྷི་ཉྙཱ་པཱ་ར་མི་པྤ་ཏྟཱ, པ་ཉྩ་དཱི་པཱ་ནི་དཾ ཕ་ལཾ.
༡༡༡. ‘‘ས་བྦ་ཝོ་སི་ཏ་ཝོ་སཱ་ནཱ, ཀ་ཏ་ཀི་ཙྩཱ ཨ་ནཱ་ས་ཝཱ;
པ་ཉྩ་དཱི་པཱ མ་ཧཱ་ཝཱི་ར, པཱ་དེ ཝ་ནྡཱ་མི [ཝ་ནྡ་ཏི (སཱི. ཀ.)] ཙ་ཀྑུ་མ.
༡༡༢. ‘‘ས་ཏ་ས་ཧ་སྶི་ཏོ ཀ་པྤེ, ཡཾ དཱི་པ་མ་ད་དིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, པ་ཉྩ་དཱི་པཱ་ནི་དཾ ཕ་ལཾ.
༡༡༣. ‘‘ཀི་ལེ་སཱ ཛྷཱ་པི་ཏཱ མ་ཡ྄ཧཾ…པེ… ཝི་ཧ་རཱ་མི ཨ་ནཱ་ས་ཝཱ.
༡༡༤. ‘‘སྭཱ་ག་ཏཾ ཝ་ཏ མེ ཨཱ་སི…པེ… ཀ་ཏཾ བུ་དྡྷ་སྶ སཱ་ས་ནཾ.
༡༡༥. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ པ་ཉྩ་དཱི་པི་ཀཱ བྷི་ཀྑུ་ནཱི ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
པ་ཉྩ་དཱི་པི་ཀཱ་ཐེ་རི་ཡཱ་པ་དཱ་ནཾ ན་ཝ་མཾ.