༡༠. ཨུ་ད་ཀ་དཱ་ཡི་ཀཱ་ཐེ་རཱི་ཨ་པ་དཱ་ནཾ
༡༡༦. ‘‘ན་ག་རེ བ་ནྡྷུ་མ་ཏི་ཡཱ, ཨ་ཧོ་སིཾ ཨུ་ད་ཧཱ་རི་ཀཱ;
ཨུ་ད་ཧཱ་རེ་ན ཛཱི་ཝཱ་མི, ཏེ་ན པོ་སེ་མི དཱ་ར་ཀེ.
༡༡༧. ‘‘དེ་ཡྻ་དྷ་མྨོ ཙ མེ ན་ཏྠི, པུ་ཉྙ་ཀྑེ་ཏྟེ ཨ་ནུ་ཏྟ་རེ;
ཀོ་ཊྛ་ཀཾ ཨུ་པ་ས་ངྐ་མྨ, ཨུ་ད་ཀཾ པ་ཊྛ་པེ་ས་ཧཾ.
༡༡༨. ‘‘ཏེ་ན ཀ་མྨེ་ན སུ་ཀ་ཏེ་ན, ཏཱ་ཝ་ཏིཾ་ས་མ་ག་ཙྪ་ཧཾ;
ཏ་ཏྠ མེ སུ་ཀ་ཏཾ བྱ་མྷཾ, ཨུ་ད་ཧཱ་རེ་ན ནི་མྨི་ཏཾ.
༡༡༩. ‘‘ཨ་ཙྪ་རཱ་ནཾ ས་ཧ་སྶ་སྶ, ཨ་ཧ་ཉྷི པ་ཝ་རཱ ཏ་དཱ;
ད་ས་ཊྛཱ་ནེ་ཧི ཏཱ ས་བྦཱ, ཨ་བྷི་བྷོ་མི ས་དཱ ཨ་ཧཾ.
༡༢༠. ‘‘པ་ཉྙཱ་སཾ དེ་ཝ་རཱ་ཛཱུ་ནཾ, མ་ཧེ་སི་ཏྟ་མ་ཀཱ་ར་ཡིཾ;
ཝཱི་ས་ཏི་ཙ་ཀྐ་ཝ་ཏྟཱི་ནཾ, མ་ཧེ་སི་ཏྟ་མ་ཀཱ་ར་ཡིཾ.
༡༢༡. ‘‘དུ་ཝེ བྷ་ཝེ སཾ་ས་རཱ་མི, དེ་ཝ་ཏྟེ ཨ་ཐ མཱ་ནུ་སེ;
དུ་གྒ་ཏིཾ ནཱ་བྷི་ཛཱ་ནཱ་མི, ད་ཀ་དཱ་ན་སྶི་དཾ ཕ་ལཾ.
༡༢༢. ‘‘པ་བྦ་ཏ་གྒེ དུ་མ་གྒེ ཝཱ, ཨ་ནྟ་ལི་ཀྑེ ཙ བྷཱུ་མི་ཡཾ;
ཡ་དཱ ཨུ་ད་ཀ་མི་ཙྪཱ་མི, ཁི་པྤཾ པ་ཊི་ལ་བྷཱ་མ་ཧཾ.
༡༢༣. ‘‘ཨ་ཝུ་ཊྛི་ཀཱ དི་སཱ ན་ཏྠི, ས་ནྟ་ཏྟཱ ཀུ་ཐི་ཏཱ་པི [ས་ནྟ་ཏྟཱ ཀུ་ཐི་ཏཱ ན ཙ (སཱི. པཱི.), ས་ནྟ་ཏྟཱ ཁུ་པྤི་ཏཱ ཧི མེ (སྱཱ.)] ཙ;
མ་མ ས་ངྐ་པྤ་མ་ཉྙཱ་ཡ, མ་ཧཱ་མེ་གྷོ པ་ཝ་སྶ་ཏི.
༡༢༤. ‘‘ཀ་དཱ་ཙི ནཱི་ཡ་མཱ་ནཱ་ཡ, ཉཱ་ཏི་ས་ངྒྷེ་ན མེ ཏ་དཱ;
ཡ་དཱ ཨི་ཙྪཱ་མ་ཧཾ ཝ་སྶཾ, མ་ཧཱ་མེ་གྷོ ཨ་ཛཱ་ཡ་ཐ.
༡༢༥. ‘‘ཨུ་ཎྷཾ ཝཱ པ་རི་ལཱ༹་ཧོ ཝཱ, ས་རཱི་རེ མེ ན ཝི་ཛྫ་ཏི;
ཀཱ་ཡེ ཙ མེ ར་ཛོ ན་ཏྠི, ད་ཀ་དཱ་ན་སྶི་དཾ ཕ་ལཾ.
༡༢༦. ‘‘ཝི་སུ་དྡྷ་མ་ན་སཱ ཨ་ཛྫ, ཨ་པེ་ཏ་མ་ན་པཱ་པི་ཀཱ;
ས་བྦཱ་ས་ཝ་པ་རི་ཀྑཱི་ཎཱ, ན་ཏྠི དཱ་ནི པུ་ན་བྦྷ་ཝོ.
༡༢༧. ‘‘ཨེ་ཀ་ན་ཝུ་ཏི་ཏོ ཀ་པྤེ, ཡཾ ད་ཀཾ ཨ་ད་དིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, ད་ཀ་དཱ་ན་སྶི་དཾ ཕ་ལཾ.
༡༢༨. ‘‘ཀི་ལེ་སཱ ཛྷཱ་པི་ཏཱ མ་ཡ྄ཧཾ…པེ… ཝི་ཧ་རཱ་མི ཨ་ནཱ་ས་ཝཱ.
༡༢༩. ‘‘སྭཱ་ག་ཏཾ ཝ་ཏ མེ ཨཱ་སི…པེ… ཀ་ཏཾ བུ་དྡྷ་སྶ སཱ་ས་ནཾ.
༡༣༠. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨུ་ད་ཀ་དཱ་ཡི་ཀཱ བྷི་ཀྑུ་ནཱི ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཨུ་ད་ཀ་དཱ་ཡི་ཀཱ་ཐེ་རི་ཡཱ་པ་དཱ་ནཾ ད་ས་མཾ.
སུ་མེ་དྷཱ་ཝ་གྒོ པ་ཋ་མོ.