༡. སུ་མེ་དྷཱ་ཝ་གྒོ
༡. སུ་མེ་དྷཱ་ཐེ་རཱི་ཨ་པ་དཱ་ནཾ
ཨ་ཐ ཐེ་རི་ཀཱ་པ་དཱ་ནཱ་ནི སུ་ཎཱ་ཐ –
༡. ‘‘བྷ་ག་ཝ་ཏི ཀོ་ཎཱ་ག་མ་ནེ, ས་ངྒྷཱ་རཱ་མ་མྷི ན་ཝ་ནི་ཝེ་ས་ན་མྷི [ནི་ཝེ་ས་མྷི (སྱཱ.)];
ས་ཁི་ཡོ ཏི་སྶོ ཛ་ནི་ཡོ, ཝི་ཧཱ་ར་དཱ་ནཾ ཨ་དཱ་སི་མྷ.
༢. ‘‘ད་ས་ཀྑ་ཏྟུཾ ས་ཏ་ཀྑ་ཏྟུཾ, ད་ས་ས་ཏ་ཀྑ་ཏྟུཾ ས་ཏཱ་ན་ཉྩ ས་ཏ་ཀྑ་ཏྟུཾ [ས་ཏཱ་ནི ཙ ས་ཏྟ་ཀྑ་ཏྟུཾ (སཱི. ཀ.)];
དེ་ཝེ་སུ ཨུ་པ་པ་ཛྫི་མྷ, ཀོ ཝཱ་དོ མཱ་ནུ་སེ བྷ་ཝེ.
༣. ‘‘དེ་ཝེ མ་ཧི་དྡྷི་ཀཱ ཨ་ཧུ་མྷ, མཱ་ནུ་ས་ཀ་མྷི ཀོ ཝཱ་དོ;
ས་ཏྟ་ར་ཏ་ན་མ་ཧེ་སཱི [ས་ཏྟ་ར་ཏ་ན་སྶ མ་ཧེ་སཱི (སཱི. པཱི.)], ཨི་ཏྠི་ར་ཏ་ནཾ ཨ་ཧཾ བྷ་ཝིཾ.
༤. ‘‘ཨི་དྷ ས་ཉྩི་ཏ་ཀུ་ས་ལཱ [ཏ་ཏྠ ས་ཉྩི་ཏཾ ཀུ་ས་ལཾ (སྱཱ.)], སུ་ས་མི་དྡྷ་ཀུ་ལ་པྤ་ཛཱ;
དྷ་ན་ཉྫཱ་ནཱི ཙ ཁེ་མཱ ཙ, ཨ་ཧ་མྤི ཙ ཏ་ཡོ ཛ་ནཱ.
༥. ‘‘ཨཱ་རཱ་མཾ སུ་ཀ་ཏཾ ཀ་ཏྭཱ, ས་བྦཱ་ཝ་ཡ་ཝ་མ་ཎྜི་ཏཾ;
བུ་དྡྷ་པྤ་མུ་ཁ་ས་ངྒྷ་སྶ, ནི་ཡྻཱ་དེ་ཏྭཱ ས་མོ་དི་ཏཱ.
༦. ‘‘ཡ་ཏྠ ཡ་ཏྠཱུ་པ་པ་ཛྫཱ་མི, ཏ་སྶ ཀ་མྨ་སྶ ཝཱ་ཧ་སཱ;
དེ་ཝེ་སུ ཨ་གྒ་ཏཾ པ་ཏྟཱ, མ་ནུ་སྶེ་སུ ཏ་ཐེ་ཝ ཙ.
༧. ‘‘ཨི་མ་སྨིཾ་ཡེ་ཝ ཀ་པྤ་མྷི, བྲ་ཧྨ་བ་ནྡྷུ མ་ཧཱ་ཡ་སོ;
ཀ་སྶ་པོ ནཱ་མ གོ་ཏྟེ་ན, ཨུ་པྤ་ཛྫི ཝ་ད་ཏཾ ཝ་རོ.
༨. ‘‘ཨུ་པ་ཊྛཱ་ཀོ མ་ཧེ་སི་སྶ, ཏ་དཱ ཨཱ་སི ན་རི་སྶ་རོ;
ཀཱ་སི་རཱ་ཛཱ ཀི་ཀཱི ནཱ་མ, བཱ་རཱ་ཎ་སི་པུ་རུ་ཏྟ་མེ.
༩. ‘‘ཏ་སྶཱ་སུཾ ས་ཏྟ དྷཱི་ཏ་རོ, རཱ་ཛ་ཀ་ཉྙཱ སུ་ཁེ་དྷི་ཏཱ [སུ་ཁེ་ཐི་ཏཱ (སྱཱ.)];
བུ་དྡྷོ་པ་ཊྛཱ་ན་ནི་ར་ཏཱ, བྲ་ཧྨ་ཙ་རི་ཡཾ ཙ་རིཾ་སུ ཏཱ.
༡༠. ‘‘ཏཱ་སཾ ས་ཧཱ་ཡི་ཀཱ ཧུ་ཏྭཱ, སཱི་ལེ་སུ སུ་ས་མཱ་ཧི་ཏཱ;
ད་ཏྭཱ དཱ་ནཱ་ནི ས་ཀྐ་ཙྩཾ, ཨ་གཱ་རེ་ཝ ཝ་ཏཾ [ཨ་གཱ་རེ་ཝ ཝ་ཏྟཾ (སྱཱ.)] ཙ་རིཾ.
༡༡. ‘‘ཏེ་ན ཀ་མྨེ་ན སུ་ཀ་ཏེ་ན, ཙེ་ཏ་ནཱ་པ་ཎི་དྷཱི་ཧི ཙ;
ཛ་ཧི་ཏྭཱ མཱ་ནུ་སཾ དེ་ཧཾ, ཏཱ་ཝ་ཏིཾ་སཱུ་པ་གཱ ཨ་ཧཾ.
༡༢. ‘‘ཏ་ཏོ ཙུ་ཏཱ ཡཱ་མ་མ་གཾ [ཡཱ་མ་ས་གྒཾ (སྱཱ.)], ཏ་ཏོ་ཧཾ ཏུ་སི་ཏཾ ག་ཏཱ;
ཏ་ཏོ ཙ ནི་མྨཱ་ན་ར་ཏིཾ, ཝ་ས་ཝ་ཏྟི་པུ་རཾ ཏ་ཏོ.
༡༣. ‘‘ཡ་ཏྠ ཡ་ཏྠཱུ་པ་པ་ཛྫཱ་མི, པུ་ཉྙ་ཀ་མྨ་ས་མོ་ཧི་ཏཱ;
ཏ་ཏྠ ཏ་ཏྠེ་ཝ རཱ་ཛཱུ་ནཾ, མ་ཧེ་སི་ཏྟ་མ་ཀཱ་ར་ཡིཾ.
༡༤. ‘‘ཏ་ཏོ ཙུ་ཏཱ མ་ནུ་སྶ་ཏྟེ, རཱ་ཛཱུ་ནཾ ཙ་ཀྐ་ཝ་ཏྟི་ནཾ;
མ་ཎྜ་ལཱི་ན་ཉྩ རཱ་ཛཱུ་ནཾ, མ་ཧེ་སི་ཏྟ་མ་ཀཱ་ར་ཡིཾ.
༡༥. ‘‘ས་མྤ་ཏྟི་མ་ནུ་བྷོ་ཏྭཱ་ན, དེ་ཝེ་སུ མཱ་ནུ་སེ་སུ ཙ;
ས་བྦ་ཏྠ སུ་ཁི་ཏཱ ཧུ་ཏྭཱ, ནེ་ཀ་ཛཱ་ཏཱི་སུ སཾ་ས་རིཾ.
༡༦. ‘‘སོ ཧེ་ཏུ ཙ སོ པ་བྷ་ཝོ, ཏ་མྨཱུ་ལཾ སཱ་ས་ནེ ཁ་མཾ [ཏ་མྨཱུ་ལཾ སཱ ཙ སཱ་ས་ནེ ཁ་ནྟི (སཱི. པཱི. ཀ.)];
པ་ཋ་མཾ ཏཾ ས་མོ་དྷཱ་ནཾ, ཏཾ དྷ་མྨ་ར་ཏཱ་ཡ ནི་བྦཱ་ནཾ [ནི་བྦུ་ཏཾ (སྱཱ.)].
༡༧. ‘‘ཀི་ལེ་སཱ ཛྷཱ་པི་ཏཱ མ་ཡ྄ཧཾ, བྷ་ཝཱ ས་བྦེ ས་མཱུ་ཧ་ཏཱ;
ནཱ་གཱི་ཝ བ་ནྡྷ་ནཾ ཚེ་ཏྭཱ, ཝི་ཧ་རཱ་མི ཨ་ནཱ་ས་ཝཱ.
༡༨. ‘‘སྭཱ་ག་ཏཾ ཝ་ཏ མེ ཨཱ་སི, མ་མ བུ་དྡྷ་སྶ [བུ་དྡྷ་སེ་ཊྛ་སྶ (སཱི. སྱཱ. ཀ.)] ས་ནྟི་ཀེ;
ཏི་སྶོ ཝི་ཛྫཱ ཨ་ནུ་པྤ་ཏྟཱ, ཀ་ཏཾ བུ་དྡྷ་སྶ སཱ་ས་ནཾ.
༡༩. ‘‘པ་ཊི་ས་མྦྷི་དཱ ཙ་ཏ་སྶོ, ཝི་མོ་ཀྑཱ་པི ཙ ཨ་ཊྛི་མེ;
ཚ་ལ༹་བྷི་ཉྙཱ ས་ཙྪི་ཀ་ཏཱ, ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ སུ་མེ་དྷཱ བྷི་ཀྑུ་ནཱི ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
སུ་མེ་དྷཱ་ཐེ་རི་ཡཱ་པ་དཱ་ནཾ པ་ཋ་མཾ.
༢. མེ་ཁ་ལཱ་དཱ་ཡི་ཀཱ་ཐེ་རཱི་ཨ་པ་དཱ་ནཾ
༢༠. ‘‘སི་དྡྷ་ཏྠ་སྶ བྷ་ག་ཝ་ཏོ, ཐཱུ་པ་ཀཱ་རཱ་པི་ཀཱ ཨ་ཧུཾ [ཐཱུ་པ་ཀཱ་ར མ་ཀཱ་ས་ཧཾ (སྱཱ.)];
མེ་ཁ་ལི་ཀཱ མ་ཡཱ དི་ནྣཱ, ན་ཝ་ཀ་མྨཱ་ཡ ས་ཏྠུ་ནོ.
༢༡. ‘‘ནི་ཊྛི་ཏེ ཙ མ་ཧཱ་ཐཱུ་པེ, མེ་ཁ་ལཾ པུ་ན་དཱ་ས་ཧཾ;
ལོ་ཀ་ནཱ་ཐ་སྶ མུ་ནི་ནོ, པ་ས་ནྣཱ སེ་ཧི པཱ་ཎི་བྷི.
༢༢. ‘‘ཙ་ཏུ་ནྣ་ཝུ་ཏི་ཏོ ཀ་པྤེ, ཡཾ མེ་ཁ་ལ་མ་དཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, ཐཱུ་པ་ཀཱ་ར་སྶི་དཾ ཕ་ལཾ.
༢༣. ‘‘ཀི་ལེ་སཱ ཛྷཱ་པི་ཏཱ མ་ཡ྄ཧཾ…པེ… ཝི་ཧ་རཱ་མི ཨ་ནཱ་ས་ཝཱ.
༢༤. ‘‘སྭཱ་ག་ཏཾ ཝ་ཏ མེ ཨཱ་སི…པེ… ཀ་ཏཾ བུ་དྡྷ་སྶ སཱ་ས་ནཾ.
༢༥. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ མེ་ཁ་ལཱ་དཱ་ཡི་ཀཱ བྷི་ཀྑུ་ནཱི ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
མེ་ཁ་ལཱ་དཱ་ཡི་ཀཱ་ཐེ་རི་ཡཱ་པ་དཱ་ནཾ དུ་ཏི་ཡཾ.
༣. མ་ཎྜ་པ་དཱ་ཡི་ཀཱ་ཐེ་རཱི་ཨ་པ་དཱ་ནཾ
༢༦. ‘‘ཀོ་ཎཱ་ག་མ་ན་བུ་དྡྷ་སྶ, མ་ཎྜ་པོ ཀཱ་རི་ཏོ མ་ཡཱ;
དྷུ་ཝཾ ཏི་ཙཱི་ཝ་རཾ་དཱ་སིཾ [ཐཱུ་པ་ཉྩ པ་ཝ་ར་མ་དཾ (སྱཱ.), དྷུ་ཝ་ཉྩ ཙཱི་ཝ་རཾ ཨ་དཾ (པཱི.)], བུ་དྡྷ་སྶ ལོ་ཀ་བ་ནྡྷུ་ནོ.
༢༧. ‘‘ཡཾ ཡཾ ཛ་ན་པ་དཾ ཡཱ་མི, ནི་ག་མེ རཱ་ཛ་དྷཱ་ནི་ཡོ;
ས་བྦ་ཏྠ པཱུ་ཛི་ཏོ ཧོ་མི, པུ་ཉྙ་ཀ་མྨ་སྶི་དཾ ཕ་ལཾ.
༢༨. ‘‘ཀི་ལེ་སཱ ཛྷཱ་པི་ཏཱ མ་ཡ྄ཧཾ…པེ… ཝི་ཧ་རཱ་མི ཨ་ནཱ་ས་ཝཱ.
༢༩. ‘‘སྭཱ་ག་ཏཾ ཝ་ཏ མེ ཨཱ་སི…པེ… ཀ་ཏཾ བུ་དྡྷ་སྶ སཱ་ས་ནཾ.
༣༠. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ མ་ཎྜ་པ་དཱ་ཡི་ཀཱ བྷི་ཀྑུ་ནཱི ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
མ་ཎྜ་པ་དཱ་ཡི་ཀཱ་ཐེ་རི་ཡཱ་པ་དཱ་ནཾ ཏ་ཏི་ཡཾ.
༤. ས་ངྐ་མ་ན་ཏྠཱ་ཐེ་རཱི་ཨ་པ་དཱ་ནཾ
༣༡. ‘‘ཝི་པ་སྶི་སྶ བྷ་ག་ཝ་ཏོ [ཀོ་ཎྜ་ཉྙ་སྶ བྷ་ག་ཝ་ཏོ (སྱཱ. པཱི.)], ལོ་ཀ་ཛེ་ཊྛ་སྶ ཏཱ་དི་ནོ;
ར་ཐི་ཡཾ པ་ཊི་པ་ནྣ་སྶ, ཏཱ་ར་ཡ་ནྟ་སྶ པཱ་ཎི་ནོ.
༣༢. ‘‘གྷ་ར་ཏོ ནི་ཀྑ་མི་ཏྭཱ་ན, ཨ་ཝ་ཀུ་ཛྫཱ ནི་པ་ཛྫ་ཧཾ;
ཨ་ནུ་ཀ་མྤ་ཀོ ལོ་ཀ་ནཱ་ཐོ, སི་ར་སི [སཱི་ས་ནྟེ (སཱི. ཀ.)] ཨ་ཀྐ་མཱི མ་མ [ཏ་དཱ (སྱཱ. པཱི.)].
༣༣. ‘‘ཨ་ཀྐ་མི་ཏྭཱ་ན སི་ར་སི [ས་མྦུ་དྡྷོ (ཀ.)], ཨ་ག་མཱ ལོ་ཀ་ནཱ་ཡ་ཀོ;
ཏེ་ན ཙི་ཏྟ་པྤ་སཱ་དེ་ན, ཏུ་སི་ཏཾ ཨ་ག་མཱ་ས་ཧཾ.
༣༤. ‘‘ཀི་ལེ་སཱ ཛྷཱ་པི་ཏཱ མ་ཡ྄ཧཾ…པེ… ཝི་ཧ་རཱ་མི ཨ་ནཱ་ས་ཝཱ.
༣༥. ‘‘སྭཱ་ག་ཏཾ ཝ་ཏ མེ ཨཱ་སི…པེ… ཀ་ཏཾ བུ་དྡྷ་སྶ སཱ་ས་ནཾ.
༣༦. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ས་ངྐ་མ་ན་ཏྠཱ [ས་ངྐ་མ་ན་དཱ (སྱཱ.)] བྷི་ཀྑུ་ནཱི ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ས་ངྐ་མ་ན་ཏྠཱ་ཐེ་རི་ཡཱ་པ་དཱ་ནཾ ཙ་ཏུ་ཏྠཾ.
༥. ན་ལ༹་མཱ་ལི་ཀཱ་ཐེ་རཱི་ཨ་པ་དཱ་ནཾ
༣༧. ‘‘ཙ་ནྡ་བྷཱ་གཱ་ན་དཱི་ཏཱི་རེ, ཨ་ཧོ་སིཾ ཀི་ནྣ་རཱི ཏ་དཱ;
ཨ་དྡ་སཾ ཝི་ར་ཛཾ བུ་དྡྷཾ, ས་ཡ་མྦྷུཾ ཨ་པ་རཱ་ཛི་ཏཾ.
༣༨. ‘‘པ་ས་ནྣ་ཙི་ཏྟཱ སུ་མ་ནཱ, ཝེ་ད་ཛཱ་ཏཱ ཀ་ཏ་ཉྫ་ལཱི;
ན་ལ༹་མཱ་ལཾ ག་ཧེ་ཏྭཱ་ན, ས་ཡ་མྦྷུཾ ཨ་བྷི་པཱུ་ཛ་ཡིཾ.
༣༩. ‘‘ཏེ་ན ཀ་མྨེ་ན སུ་ཀ་ཏེ་ན, ཙེ་ཏ་ནཱ་པ་ཎི་དྷཱི་ཧི ཙ;
ཛ་ཧི་ཏྭཱ ཀི་ནྣ་རཱི་དེ་ཧཾ, ཨ་ག་ཙྪིཾ ཏི་ད་སཾ ག་ཏིཾ.
༤༠. ‘‘ཚ་ཏྟིཾ་ས་དེ་ཝ་རཱ་ཛཱུ་ནཾ, མ་ཧེ་སི་ཏྟ་མ་ཀཱ་ར་ཡིཾ;
ད་ས་ནྣཾ ཙ་ཀྐ་ཝ་ཏྟཱི་ནཾ, མ་ཧེ་སི་ཏྟ་མ་ཀཱ་ར་ཡིཾ;
སཾ་ཝེ་ཛེ་ཏྭཱ་ན མེ ཙི་ཏྟཾ [ཝེ་ད་ཡི་ཏྭཱ་ན ཀུ་ས་ལཾ (སྱཱ.), སཾ་ཝེ་ད་ཡི་ཏྭཱ ཀུ་ས་ལཾ (པཱི.)], པ་བྦ་ཛིཾ ཨ་ན་གཱ་རི་ཡཾ.
༤༡. ‘‘ཀི་ལེ་སཱ ཛྷཱ་པི་ཏཱ མ་ཡ྄ཧཾ, བྷ་ཝཱ ས་བྦེ ས་མཱུ་ཧ་ཏཱ [བྷ་ཝཱ སཾ་གྷཱ་ཏི་ཏཱ མ་མ (ཀ.)];
ས་བྦཱ་ས་ཝ་པ་རི་ཀྑཱི་ཎཱ, ན་ཏྠི དཱ་ནི པུ་ན་བྦྷ་ཝོ.
༤༢. ‘‘ཙ་ཏུ་ནྣ་ཝུ་ཏི་ཏོ ཀ་པྤེ, ཡཾ པུ་པྥ་མ་བྷི་པཱུ་ཛ་ཡིཾ;
དུ་གྒ་ཏིཾ ནཱ་བྷི་ཛཱ་ནཱ་མི, པུ་པྥ་པཱུ་ཛཱ་ཡི་དཾ ཕ་ལཾ.
༤༣. ‘‘ཀི་ལེ་སཱ ཛྷཱ་པི་ཏཱ མ་ཡ྄ཧཾ…པེ… ཝི་ཧ་རཱ་མི ཨ་ནཱ་ས་ཝཱ.
༤༤. ‘‘སྭཱ་ག་ཏཾ ཝ་ཏ མེ ཨཱ་སི…པེ… ཀ་ཏཾ བུ་དྡྷ་སྶ སཱ་ས་ནཾ.
༤༥. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ན་ལ༹་མཱ་ལི་ཀཱ ཐེ་རཱི ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ན་ལ༹་མཱ་ལི་ཀཱ་ཐེ་རི་ཡཱ་པ་དཱ་ནཾ པ་ཉྩ་མཾ.
༦. ཨེ་ཀ་པི་ཎྜ་པཱ་ཏ་དཱ་ཡི་ཀཱ་ཐེ་རཱི་ཨ་པ་དཱ་ནཾ
༤༦. ‘‘ན་ག་རེ བ་ནྡྷུ་མ་ཏི་ཡཱ, བ་ནྡྷུ་མཱ ནཱ་མ ཁ་ཏྟི་ཡོ;
ཏ་སྶ ར་ཉྙོ ཨ་ཧུཾ བྷ་རི་ཡཱ, ཨེ་ཀ་ཛ྄ཛྷཾ ཙཱ་ར་ཡཱ་མ་ཧཾ [ཨེ་ཀ་ཙྩཾ ཝཱ་ད་ཡཱ་མ་ཧཾ (སྱཱ.)].
༤༧. ‘‘ར་ཧོ་ག་ཏཱ ནི་སཱི་དི་ཏྭཱ, ཨེ་ཝཾ ཙི་ནྟེ་ས་ཧཾ ཏ་དཱ;
‘ཨཱ་དཱ་ཡ ག་མ་ནཱི་ཡ་ཉྷི, ཀུ་ས་ལཾ ན་ཏྠི མེ ཀ་ཏཾ.
༤༨. ‘‘‘མ་ཧཱ་བྷི་ཏཱ་པཾ ཀ་ཊུ་ཀཾ, གྷོ་ར་རཱུ་པཾ སུ་དཱ་རུ་ཎཾ;
ནི་ར་ཡཾ ནཱུ་ན ག་ཙྪཱ་མི, ཨེ་ཏྠ མེ ན་ཏྠི སཾ་ས་ཡོ’.
༤༩. ‘‘རཱ་ཛཱ་ནཾ ཨུ་པ་ས་ངྐ་མྨ, ཨི་དཾ ཝ་ཙ་ན་མ་བྲ་ཝིཾ;
‘ཨེ་ཀཾ མེ ས་མ་ཎཾ དེ་ཧི, བྷོ་ཛ་ཡི་སྶཱ་མི ཁ་ཏྟི་ཡ’.
༥༠. ‘‘ཨ་དཱ་སི མེ མ་ཧཱ་རཱ་ཛཱ, ས་མ་ཎཾ བྷཱ་ཝི་ཏི་ནྡྲི་ཡཾ;
ཏ་སྶ པ་ཏྟཾ ག་ཧེ་ཏྭཱ་ན, པ་ར་མ་ནྣེ་ན པཱུ་ར་ཡིཾ [ཏ་པྤ་ཡིཾ (སཱི.)].
༥༡. ‘‘པཱུ་ར་ཡི་ཏྭཱ པ་ར་མ་ནྣཾ, ག་ནྡྷཱ་ལེ་པཾ ཨ་ཀཱ་ས་ཧཾ;
ཛཱ་ལེ་ན པི་ད་ཧི་ཏྭཱ་ན, ཝ་ཏྠ་ཡུ་གེ་ན [པཱི་ཏ་ཙོ་ལེ༹་ན (སྱཱ.), མ་ཧཱ་ནེ་ལེ་ན (པཱི.)] ཚཱ་ད་ཡིཾ.
༥༢. ‘‘ཨཱ་ར་མྨ་ཎཾ མ་མཾ ཨེ་ཏཾ, ས་རཱ་མི ཡཱ་ཝ་ཛཱི་ཝི་ཧཾ;
ཏ་ཏྠ ཙི་ཏྟཾ པ་སཱ་དེ་ཏྭཱ, ཏཱ་ཝ་ཏིཾ་ས་མ་ག་ཙྪ་ཧཾ.
༥༣. ‘‘ཏིཾ་སཱ་ནཾ དེ་ཝ་རཱ་ཛཱུ་ནཾ, མ་ཧེ་སི་ཏྟ་མ་ཀཱ་ར་ཡིཾ;
མ་ན་སཱ པ་ཏྠི་ཏཾ མ་ཡ྄ཧཾ, ནི་བྦ་ཏྟ་ཏི ཡ་ཐི་ཙྪི་ཏཾ [ཡ་ཏི་ཙྪ་ཀཾ (སྱཱ.), ཡ་དི་ཙྪ་ཀཾ (པཱི. ཀ.)].
༥༤. ‘‘ཝཱི་སཱ་ནཾ ཙ་ཀྐ་ཝ་ཏྟཱི་ནཾ, མ་ཧེ་སི་ཏྟ་མ་ཀཱ་ར་ཡིཾ;
ཨོ་ཙི་ཏ་ཏྟཱ་ཝ [ཨུ་པ་ཙི་ཏ་ཏྟཱ (སྱཱ.)] ཧུ་ཏྭཱ་ན, སཾ་ས་རཱ་མི བྷ་ཝེ་སྭ་ཧཾ.
༥༥. ‘‘ས་བྦ་བ་ནྡྷ་ན་མུ་ཏྟཱ་ཧཾ, ཨ་པེ་ཏཱ མེ ཨུ་པཱ་དི་ཀཱ;
ས་བྦཱ་ས་ཝ་པ་རི་ཀྑཱི་ཎཱ, ན་ཏྠི དཱ་ནི པུ་ན་བྦྷ་ཝོ.
༥༦. ‘‘ཨེ་ཀ་ན་ཝུ་ཏི་ཏོ ཀ་པྤེ, ཡཾ དཱ་ན་མ་ད་དིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, པི་ཎྜ་པཱ་ཏ་སྶི་དཾ ཕ་ལཾ.
༥༧. ‘‘ཀི་ལེ་སཱ ཛྷཱ་པི་ཏཱ མ་ཡ྄ཧཾ…པེ… ཝི་ཧ་རཱ་མི ཨ་ནཱ་ས་ཝཱ.
༥༨. ‘‘སྭཱ་ག་ཏཾ ཝ་ཏ མེ ཨཱ་སི…པེ… ཀ་ཏཾ བུ་དྡྷ་སྶ སཱ་ས་ནཾ.
༥༩. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨེ་ཀ་པི་ཎྜ་པཱ་ཏ་དཱ་ཡི་ཀཱ བྷི་ཀྑུ་ནཱི ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཨེ་ཀ་པི་ཎྜ་པཱ་ཏ་དཱ་ཡི་ཀཱ་ཐེ་རི་ཡཱ་པ་དཱ་ནཾ ཚ་ཊྛཾ.
༧. ཀ་ཊ་ཙྪུ་བྷི་ཀྑཱ་དཱ་ཡི་ཀཱ་ཐེ་རཱི་ཨ་པ་དཱ་ནཾ
༦༠. ‘‘པི་ཎྜ་ཙཱ་རཾ ཙ་ར་ནྟ་སྶ, ཏི་སྶ་ནཱ་མ་སྶ ས་ཏྠུ་ནོ;
ཀ་ཊ་ཙྪུ་བྷི་ཀྑཾ པ་གྒ་ཡ྄ཧ, བུ་དྡྷ་སེ་ཊྛ་སྶ དཱ་ས་ཧཾ.
༦༡. ‘‘པ་ཊི་གྒ་ཧེ་ཏྭཱ ས་མྦུ་དྡྷོ, ཏི་སྶོ ལོ་ཀ་གྒ་ནཱ་ཡ་ཀོ;
ཝཱི་ཐི་ཡཱ ས་ཎྛི་ཏོ ས་ཏྠཱ, ཨ་ཀཱ མེ ཨ་ནུ་མོ་ད་ནཾ.
༦༢. ‘‘‘ཀ་ཊ་ཙྪུ་བྷི་ཀྑཾ ད་ཏྭཱ་ན, ཏཱ་ཝ་ཏིཾ་སཾ ག་མི་སྶ་སི;
ཚ་ཏྟིཾ་ས་དེ་ཝ་རཱ་ཛཱུ་ནཾ, མ་ཧེ་སི་ཏྟཾ ཀ་རི་སྶ་སི.
༦༣. ‘‘‘པ་ཉྙཱ་སཾ ཙ་ཀྐ་ཝ་ཏྟཱི་ནཾ, མ་ཧེ་སི་ཏྟཾ ཀ་རི་སྶ་སི;
མ་ན་སཱ པ་ཏྠི་ཏཾ ས་བྦཾ, པ་ཊི་ལ་ཙྪ་སི ས་བྦ་དཱ.
༦༤. ‘‘‘ས་མྤ་ཏྟིཾ ཨ་ནུ་བྷོ་ཏྭཱ་ན, པ་བྦ་ཛི་སྶ་སི་ཀི་ཉྩ་ནཱ;
ས་བྦཱ་ས་ཝེ པ་རི་ཉྙཱ་ཡ, ནི་བྦཱ་ཡི་སྶ་སི་ནཱ་ས་ཝཱ’.
༦༥. ‘‘ཨི་དཾ ཝ་ཏྭཱ་ན ས་མྦུ་དྡྷོ, ཏི་སྶོ ལོ་ཀ་གྒ་ནཱ་ཡ་ཀོ;
ན་བྷཾ ཨ་བྦྷུ་གྒ་མཱི ཝཱི་རོ, ཧཾ་ས་རཱ་ཛཱ་ཝ ཨ་མྦ་རེ.
༦༦. ‘‘སུ་དི་ནྣཾ མེ དཱ་ན་ཝ་རཾ [སུ་དི་ནྣ་མེ་ཝ མེ དཱ་ནཾ (སྱཱ.)], སུ་ཡི་ཊྛཱ ཡཱ་ག་ས་མྤ་དཱ;
ཀ་ཊ་ཙྪུ་བྷི་ཀྑཾ ད་ཏྭཱ་ན, པ་ཏྟཱ་ཧཾ ཨ་ཙ་ལཾ པ་དཾ.
༦༧. ‘‘དྭེ་ན་ཝུ་ཏེ ཨི་ཏོ ཀ་པྤེ, ཡཾ དཱ་ན་མ་ད་དིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, བྷི་ཀྑཱ་དཱ་ན་སྶི་དཾ ཕ་ལཾ.
༦༨. ‘‘ཀི་ལེ་སཱ ཛྷཱ་པི་ཏཱ མ་ཡ྄ཧཾ…པེ… ཝི་ཧ་རཱ་མི ཨ་ནཱ་ས་ཝཱ.
༦༩. ‘‘སྭཱ་ག་ཏཾ ཝ་ཏ མེ ཨཱ་སི…པེ… ཀ་ཏཾ བུ་དྡྷ་སྶ སཱ་ས་ནཾ.
༧༠. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཀ་ཊ་ཙྪུ་བྷི་ཀྑཱ་དཱ་ཡི་ཀཱ བྷི་ཀྑུ་ནཱི ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཀ་ཊ་ཙྪུ་བྷི་ཀྑཱ་དཱ་ཡི་ཀཱ་ཐེ་རི་ཡཱ་པ་དཱ་ནཾ ས་ཏྟ་མཾ.
༨. ས་ཏྟུ་པྤ་ལ་མཱ་ལི་ཀཱ་ཐེ་རཱི་ཨ་པ་དཱ་ནཾ
༧༡. ‘‘ན་ག་རེ ཨ་རུ་ཎ་ཝ་ཏི་ཡཱ, ཨ་རུ་ཎོ ནཱ་མ [ཨ་རུ་ཎ་ཝཱ ནཱ་མ (སཱི. པཱི.)] ཏྟི་ཡོ;
ཏ་སྶ ར་ཉྙོ ཨ་ཧུཾ བྷ་རི་ཡཱ, ཝཱ་རི་ཏཾ ཝཱ་ར་ཡཱ་མ་ཧཾ [ཙཱ་རི་ཀཾ ཙཱ་ར་ཡཱ་མ་ཧཾ (སཱི.), ན གུ་ལཾ པཱ་ད་ཡཱ་མ་ཧཾ (སྱཱ.), ན མཱ་ལཾ པཱ་ད་ཡཱ་མ་ཧཾ (པཱི.)].
༧༢. ‘‘ས་ཏྟ་མཱ་ལཾ ག་ཧེ་ཏྭཱ་ན, ཨུ་པྤ་ལཱ དེ་ཝ་ག་ནྡྷི་ཀཱ;