༢. ཏི་སྶ་མེ་ཏྟེ་ཡྻ་མཱ་ཎ་ཝ་པུ་ཙྪཱ
༡༠༤༦. ‘‘ཀོ་དྷ ས་ནྟུ་སི་ཏོ ལོ་ཀེ, (ཨི་ཙྩཱ་ཡ་སྨཱ ཏི་སྶ་མེ་ཏྟེ་ཡྻོ)
ཀ་སྶ ནོ ས་ནྟི ཨི་ཉྫི་ཏཱ;
ཀོ ཨུ་བྷ་ནྟ་མ་བྷི་ཉྙཱ་ཡ, མ་ཛ྄ཛྷེ མ་ནྟཱ ན ལི་པྤ་ཏི [ལི་མྤ་ཏི (ཀ.)];
ཀཾ བྲཱུ་སི མ་ཧཱ་པུ་རི་སོ་ཏི, ཀོ ཨི་དྷ སི་བྦི་ནི་མ་ཙྩ་གཱ’’.
༡༠༤༧. ‘‘ཀཱ་མེ་སུ བྲ་ཧྨ་ཙ་རི་ཡ་ཝཱ, (མེ་ཏྟེ་ཡྻཱ་ཏི བྷ་ག་ཝཱ)
ཝཱི་ཏ་ཏ་ཎྷོ ས་དཱ ས་ཏོ;
ས་ངྑཱ་ཡ ནི་བྦུ་ཏོ བྷི་ཀྑུ, ཏ་སྶ ནོ ས་ནྟི ཨི་ཉྫི་ཏཱ.
༡༠༤༨. ‘‘སོ ཨུ་བྷ་ནྟ་མ་བྷི་ཉྙཱ་ཡ, མ་ཛ྄ཛྷེ མ་ནྟཱ ན ལི་པྤ་ཏི;
ཏཾ བྲཱུ་མི མ་ཧཱ་པུ་རི་སོ་ཏི, སོ ཨི་དྷ སི་བྦི་ནི་མ་ཙྩ་གཱ’’ཏི.
ཏི་སྶ་མེ་ཏྟེ་ཡྻ་མཱ་ཎ་ཝ་པུ་ཙྪཱ དུ་ཏི་ཡཱ ནི་ཊྛི་ཏཱ.