༥. པཱ་རཱ་ཡ་ན་ཝ་གྒོ
ཝ་ཏྠུ་གཱ་ཐཱ
༩༨༢. ཀོ་ས་ལཱ་ནཾ པུ་རཱ ར་མྨཱ, ཨ་ག་མཱ ད་ཀྑི་ཎཱ་པ་ཐཾ;
ཨཱ་ཀི་ཉྩ་ཉྙཾ པ་ཏྠ་ཡཱ་ནོ, བྲཱ་ཧྨ་ཎོ མ་ནྟ་པཱ་ར་གཱུ.
༩༨༣. སོ ཨ་སྶ་ཀ་སྶ ཝི་ས་ཡེ, ཨ་ལ༹་ཀ་སྶ [མུ་ལ༹་ཀ་སྶ (སྱཱ.), མཱུ་ལ༹ྷ་ཀ་སྶ (ཀ.), མ་ལ༹་ཀ་སྶ (ནི་དྡེ་ས)] ས་མཱ་ས་ནེ;
ཝ་སི གོ་དྷཱ་ཝ་རཱི་ཀཱུ་ལེ, ཨུ་ཉྪེ་ན ཙ ཕ་ལེ་ན ཙ.
༩༨༤. ཏ་སྶེ་ཝ ཨུ་པ་ནི་སྶཱ་ཡ, གཱ་མོ ཙ ཝི་པུ་ལོ ཨ་ཧུ;
ཏ་ཏོ ཛཱ་ཏེ་ན ཨཱ་ཡེ་ན, མ་ཧཱ་ཡ་ཉྙ་མ་ཀ་པྤ་ཡི.
༩༨༥. མ་ཧཱ་ཡ་ཉྙཾ ཡ་ཛི་ཏྭཱ་ན, པུ་ན པཱ་ཝི་སི ཨ་སྶ་མཾ;
ཏ་སྨིཾ པ་ཊི་པ་ཝི་ཊྛ་མྷི, ཨ་ཉྙོ ཨཱ་ག་ཉྪི བྲཱ་ཧྨ་ཎོ.
༩༨༦. ཨུ་གྒྷ་ཊྚ་པཱ་དོ ཏ་སི་ཏོ [ཏ་སྶི་ཏོ (ཀ.)], པ་ངྐ་ད་ནྟོ ར་ཛ་སྶི་རོ;
སོ ཙ ནཾ ཨུ་པ་ས་ངྐ་མྨ, ས་ཏཱ་ནི པ་ཉྩ ཡཱ་ཙ་ཏི.
༩༨༧. ཏ་མེ་ནཾ བཱ་ཝ་རཱི དི་སྭཱ, ཨཱ་ས་ནེ་ན ནི་མ་ནྟ་ཡི;
སུ་ཁ་ཉྩ ཀུ་ས་ལཾ པུ་ཙྪི, ཨི་དཾ ཝ་ཙ་ན་མ་བྲ་ཝི.
༩༨༨. ‘‘ཡཾ ཁོ མ་མ དེ་ཡྻ་དྷ་མྨཾ, ས་བྦཾ ཝི་ས་ཛྫི་ཏཾ མ་ཡཱ;
ཨ་ནུ་ཛཱ་ནཱ་ཧི མེ བྲ་ཧྨེ, ན་ཏྠི པ་ཉྩ་ས་ཏཱ་ནི མེ’’.
༩༨༩. ‘‘ས་ཙེ མེ ཡཱ་ཙ་མཱ་ན་སྶ, བྷ་ཝཾ ནཱ་ནུ་པ་ད་སྶ་ཏི;
ས་ཏྟ་མེ དི་ཝ་སེ ཏུ་ཡ྄ཧཾ, མུ་དྡྷཱ ཕ་ལ་ཏུ ས་ཏྟ་དྷཱ’’.
༩༩༠. ཨ་བྷི་ས་ངྑ་རི་ཏྭཱ ཀུ་ཧ་ཀོ, བྷེ་ར་ཝཾ སོ ཨ་ཀི་ཏྟ་ཡི;
ཏ་སྶ ཏཾ ཝ་ཙ་ནཾ སུ་ཏྭཱ, བཱ་ཝ་རཱི དུ་ཀྑི་ཏོ ཨ་ཧུ.
༩༩༡. ཨུ་སྶུ་སྶ་ཏི ཨ་ནཱ་ཧཱ་རོ, སོ་ཀ་ས་ལླ་ས་མ་པྤི་ཏོ;
ཨ་ཐོ་པི ཨེ་ཝཾ ཙི་ཏྟ་སྶ, ཛྷཱ་ནེ ན ར་མ་ཏཱི མ་ནོ.
༩༩༢. ཨུ་ཏྲ་སྟཾ དུ་ཀྑི་ཏཾ དི་སྭཱ, དེ་ཝ་ཏཱ ཨ་ཏྠ་ཀཱ་མི་ནཱི;
བཱ་ཝ་རིཾ ཨུ་པ་ས་ངྐ་མྨ, ཨི་དཾ ཝ་ཙ་ན་མ་བྲ་ཝི.
༩༩༣. ‘‘ན སོ མུ་དྡྷཾ པ་ཛཱ་ནཱ་ཏི, ཀུ་ཧ་ཀོ སོ དྷ་ན་ཏྠི་ཀོ;
མུ་དྡྷ་ནི མུ་དྡྷ་པཱ་ཏེ ཝཱ, ཉཱ་ཎཾ ཏ་སྶ ན ཝི་ཛྫ་ཏི’’.
༩༩༤. ‘‘བྷོ་ཏཱི ཙ་ར་ཧི ཛཱ་ནཱ་སི, ཏཾ མེ ཨ་ཀྑཱ་ཧི པུ་ཙྪི་ཏཱ;
མུ་དྡྷཾ མུ་དྡྷཱ་དྷི་པཱ་ཏ་ཉྩ, ཏཾ སུ་ཎོ་མ ཝ་ཙོ ཏ་ཝ’’.
༩༩༥. ‘‘ཨ་ཧ་མྤེ་ཏཾ ན ཛཱ་ནཱ་མི, ཉཱ་ཎ་མེ་ཏྠ ན ཝི་ཛྫ་ཏི;
མུ་དྡྷ་ནི མུ་དྡྷཱ་དྷི་པཱ་ཏེ ཙ, ཛི་ནཱ་ནཾ ཧེ་ཏྠ [མུ་དྡྷཾ མུ་དྡྷཱ་དྷི་པཱ་ཏོ ཙ, ཛི་ནཱ་ནཾ ཧེ་ཏ (སཱི. སྱཱ. པཱི.)] ད་སྶ་ནཾ’’.
༩༩༦. ‘‘ཨ་ཐ ཀོ ཙ་ར་ཧི ཛཱ་ནཱ་ཏི, ཨ་སྨིཾ པ་ཐ་ཝི་མ་ཎྜ་ལེ [པུ་ཐ་ཝི་མ་ཎྜ་ལེ (སཱི. པཱི.)];
མུ་དྡྷཾ མུ་དྡྷཱ་དྷི་པཱ་ཏ་ཉྩ, ཏཾ མེ ཨ་ཀྑཱ་ཧི དེ་ཝ་ཏེ’’.
༩༩༧. ‘‘པུ་རཱ ཀ་པི་ལ་ཝ་ཏྠུ་མྷཱ, ནི་ཀྑ་ནྟོ ལོ་ཀ་ནཱ་ཡ་ཀོ;
ཨ་པ་ཙྩོ ཨོ་ཀྐཱ་ཀ་རཱ་ཛ་སྶ, ས་ཀྱ་པུ་ཏྟོ པ་བྷ་ངྐ་རོ.
༩༩༨. ‘‘སོ ཧི བྲཱ་ཧྨ་ཎ ས་མྦུ་དྡྷོ, ས་བྦ་དྷ་མྨཱ་ན པཱ་ར་གཱུ;
ས་བྦཱ་བྷི་ཉྙཱ་བ་ལ་པྤ་ཏྟོ, ས་བྦ་དྷ་མྨེ་སུ ཙ་ཀྑུ་མཱ;
ས་བྦ་ཀ་མྨ་ཀྑ་ཡཾ པ་ཏྟོ, ཝི་མུ་ཏྟོ ཨུ་པ་དྷི་ཀྑ་ཡེ.
༩༩༩. ‘‘བུ་དྡྷོ སོ བྷ་ག་ཝཱ ལོ་ཀེ, དྷ་མྨཾ དེ་སེ་ཏི ཙ་ཀྑུ་མཱ;
ཏཾ ཏྭཾ ག་ནྟྭཱ་ན པུ་ཙྪ་སྶུ, སོ ཏེ ཏཾ བྱཱ་ཀ་རི་སྶ་ཏི’’.
༡༠༠༠. ས་མྦུ་དྡྷོ་ཏི ཝ་ཙོ སུ་ཏྭཱ, ཨུ་ད་གྒོ བཱ་ཝ་རཱི ཨ་ཧུ;
སོ་ཀ་སྶ ཏ་ནུ་ཀོ ཨཱ་སི, པཱི་ཏི་ཉྩ ཝི་པུ་ལཾ ལ་བྷི.
༡༠༠༡. སོ བཱ་ཝ་རཱི ཨ་ཏྟ་མ་ནོ ཨུ་ད་གྒོ, ཏཾ དེ་ཝ་ཏཾ པུ་ཙྪ་ཏི ཝེ་ད་ཛཱ་ཏོ;
‘‘ཀ་ཏ་མ་མྷི གཱ་མེ ནི་ག་མ་མྷི ཝཱ པ་ན, ཀ་ཏ་མ་མྷི ཝཱ ཛ་ན་པ་དེ ལོ་ཀ་ནཱ་ཐོ;
ཡ་ཏྠ ག་ནྟྭཱ་ན པ་སྶེ་མུ [ག་ནྟྭཱ ན་མ་སྶེ་མུ (སཱི. སྱཱ. པཱི.)], ས་མྦུ་དྡྷཾ དྭི་པ་དུ་ཏྟ་མཾ’’ [དྭི་པ་དུ་ཏྟ་མཾ (སཱི. སྱཱ. པཱི.)],.
༡༠༠༢. ‘‘སཱ་ཝ་ཏྠི་ཡཾ ཀོ་ས་ལ་མ་ནྡི་རེ ཛི་ནོ, པ་ཧཱུ་ཏ་པ་ཉྙོ ཝ་ར་བྷཱུ་རི་མེ་དྷ་སོ;
སོ ས་ཀྱ་པུ་ཏྟོ ཝི་དྷུ་རོ ཨ་ནཱ་ས་ཝོ, མུ་དྡྷཱ་དྷི་པཱ་ཏ་སྶ ཝི་དཱུ ན་རཱ་ས་བྷོ’’.
༡༠༠༣. ཏ་ཏོ ཨཱ་མ་ནྟ་ཡཱི སི་སྶེ, བྲཱ་ཧྨ་ཎེ མ་ནྟ་པཱ་ར་གེ;
‘‘ཨེ་ཐ མཱ་ཎ་ཝཱ ཨ་ཀྑི་སྶཾ, སུ་ཎཱ་ཐ ཝ་ཙ་ནཾ མ་མ.
༡༠༠༤. ‘‘ཡ་སྶེ་སོ དུ་ལླ་བྷོ ལོ་ཀེ, པཱ་ཏུ་བྷཱ་ཝོ ཨ་བྷི་ཎྷ་སོ;
སྭཱ་ཛྫ ལོ་ཀ་མྷི ཨུ་པྤ་ནྣོ, ས་མྦུ་དྡྷོ ཨི་ཏི ཝི་སྶུ་ཏོ;
ཁི་པྤཾ ག་ནྟྭཱ་ན སཱ་ཝ་ཏྠིཾ, པ་སྶ་ཝ྄ཧོ དྭི་པ་དུ་ཏྟ་མཾ’’.
༡༠༠༥. ‘‘ཀ་ཐཾ ཙ་ར་ཧི ཛཱ་ནེ་མུ, དི་སྭཱ བུ་དྡྷོ་ཏི བྲཱ་ཧྨ་ཎ;
ཨ་ཛཱ་ན་ཏཾ ནོ པ་བྲཱུ་ཧི, ཡ་ཐཱ ཛཱ་ནེ་མུ ཏཾ མ་ཡཾ’’.
༡༠༠༦. ‘‘ཨཱ་ག་ཏཱ་ནི ཧི མ་ནྟེ་སུ, མ་ཧཱ་པུ་རི་ས་ལ་ཀྑ་ཎཱ;
དྭ་ཏྟིཾ་སཱ་ནི ཙ [དྭི་ཏྟིཾ་སཱ ཙ (སཱི. སྱཱ. པཱི.), དྭི་ཏྟིཾ་ས ཏཱ་ནི (?)] བྱཱ་ཀྑཱ་ཏཱ, ས་མ་ཏྟཱ ཨ་ནུ་པུ་བྦ་སོ.
༡༠༠༧. ‘‘ཡ་སྶེ་ཏེ ཧོ་ནྟི ག་ཏྟེ་སུ, མ་ཧཱ་པུ་རི་ས་ལ་ཀྑ་ཎཱ;
དྭེ་ཡེ་ཝ ཏ་སྶ ག་ཏི་ཡོ, ཏ་ཏི་ཡཱ ཧི ན ཝི་ཛྫ་ཏི.
༡༠༠༨. ‘‘ས་ཙེ ཨ་གཱ་རཾ ཨཱ་ཝ་ས་ཏི [ཨ་ཛ྄ཛྷཱ་ཝ་ས་ཏི (ཀ.)], ཝི་ཛེ་ཡྻ པ་ཐ་ཝིཾ ཨི་མཾ;
ཨ་ད་ཎྜེ་ན ཨ་ས་ཏྠེ་ན, དྷ་མྨེ་ན་མ་ནུ་སཱ་ས་ཏི.
༡༠༠༩. ‘‘ས་ཙེ ཙ སོ པ་བྦ་ཛ་ཏི, ཨ་གཱ་རཱ ཨ་ན་གཱ་རི་ཡཾ;
ཝི་ཝ་ཊྚ་ཙྪ་དོ [ཝི་ཝ་ཏྟ་ཚ་དྡོ (སཱི.)] ས་མྦུ་དྡྷོ, ཨ་ར་ཧཱ བྷ་ཝ་ཏི ཨ་ནུ་ཏྟ་རོ.
༡༠༡༠. ‘‘ཛཱ་ཏིཾ གོ་ཏྟ་ཉྩ ལ་ཀྑ་ཎཾ, མ་ནྟེ སི་སྶེ པུ་ནཱ་པ་རེ;
མུ་དྡྷཾ མུ་དྡྷཱ་དྷི་པཱ་ཏ་ཉྩ, མ་ན་སཱ་ཡེ་ཝ པུ་ཙྪ་ཐ.
༡༠༡༡. ‘‘ཨ་ནཱ་ཝ་ར་ཎ་ད་སྶཱ་ཝཱི, ཡ་དི བུ་དྡྷོ བྷ་ཝི་སྶ་ཏི;
མ་ན་སཱ པུ་ཙྪི་ཏེ པ་ཉྷེ, ཝཱ་ཙཱ་ཡ ཝི་སྶ་ཛེ་སྶ་ཏི’’.
༡༠༡༢. བཱ་ཝ་རི་སྶ ཝ་ཙོ སུ་ཏྭཱ, སི་སྶཱ སོ་ལ༹་ས བྲཱ་ཧྨ་ཎཱ;
ཨ་ཛི་ཏོ ཏི་སྶ་མེ་ཏྟེ་ཡྻོ, པུ་ཎྞ་ཀོ ཨ་ཐ མེ་ཏྟ་གཱུ.
༡༠༡༣. དྷོ་ཏ་ཀོ ཨུ་པ་སཱི་ཝོ ཙ, ན་ནྡོ ཙ ཨ་ཐ ཧེ་མ་ཀོ;
ཏོ་དེ་ཡྻ་ཀ་པྤཱ དུ་བྷ་ཡོ, ཛ་ཏུ་ཀ་ཎྞཱི ཙ པ་ཎྜི་ཏོ.
༡༠༡༤. བྷ་དྲཱ་ཝུ་དྷོ ཨུ་ད་ཡོ ཙ, པོ་སཱ་ལོ ཙཱ་པི བྲཱ་ཧྨ་ཎོ;
མོ་གྷ་རཱ་ཛཱ ཙ མེ་དྷཱ་ཝཱི, པི་ངྒི་ཡོ ཙ མ་ཧཱ་ཨི་སི.
༡༠༡༥. པ་ཙྩེ་ཀ་ག་ཎི་ནོ ས་བྦེ, ས་བྦ་ལོ་ཀ་སྶ ཝི་སྶུ་ཏཱ;
ཛྷཱ་ཡཱི ཛྷཱ་ན་ར་ཏཱ དྷཱི་རཱ, པུ་བྦ་ཝཱ་ས་ན་ཝཱ་སི་ཏཱ.
༡༠༡༦. བཱ་ཝ་རིཾ ཨ་བྷི་ཝཱ་དེ་ཏྭཱ, ཀ་ཏྭཱ ཙ ནཾ པ་ད་ཀྑི་ཎཾ;
ཛ་ཊཱ་ཛི་ན་དྷ་རཱ ས་བྦེ, པ་ཀྐཱ་མུཾ ཨུ་ཏྟ་རཱ་མུ་ཁཱ.
༡༠༡༧. ཨ་ལ༹་ཀ་སྶ པ་ཏི་ཊྛཱ་ནཾ, པུ་རི་མཱ་ཧི་སྶ་ཏིཾ [པུ་རི་མཾ མཱ་ཧི་སྶ་ཏིཾ (སཱི. པཱི.), པུ་རཾ མཱ་ཧི་སྶ་ཏིཾ (སྱཱ.)] ཏ་དཱ;
ཨུ་ཛྫེ་ནི་ཉྩཱ་པི གོ་ན་དྡྷཾ, ཝེ་དི་སཾ ཝ་ན་ས་ཝ྄ཧ་ཡཾ.
༡༠༡༨. ཀོ་ས་མྦི་ཉྩཱ་པི སཱ་ཀེ་ཏཾ, སཱ་ཝ་ཏྠི་ཉྩ པུ་རུ་ཏྟ་མཾ;
སེ་ཏ་བྱཾ ཀ་པི་ལ་ཝ་ཏྠུཾ, ཀུ་སི་ནཱ་ར་ཉྩ མ་ནྡི་རཾ.
༡༠༡༩. པཱ་ཝ་ཉྩ བྷོ་ག་ན་ག་རཾ, ཝེ་སཱ་ལིཾ མཱ་ག་དྷཾ པུ་རཾ;
པཱ་སཱ་ཎ་ཀཾ ཙེ་ཏི་ཡ་ཉྩ, ར་མ་ཎཱི་ཡཾ མ་ནོ་ར་མཾ.
༡༠༢༠. ཏ་སི་ཏོ་ཝུ་ད་ཀཾ སཱི་ཏཾ, མ་ཧཱ་ལཱ་བྷཾ་ཝ ཝཱ་ཎི་ཛོ;
ཚཱ་ཡཾ གྷ་མྨཱ་བྷི་ཏ་ཏྟོ་ཝ, ཏུ་རི་ཏཱ པ་བྦ་ཏ་མཱ་རུ་ཧུཾ.
༡༠༢༡. བྷ་ག་ཝཱ ཏ་མྷི ས་མ་ཡེ, བྷི་ཀྑུ་ས་ངྒྷ་པུ་ར་ཀྑ་ཏོ;
བྷི་ཀྑཱུ་ནཾ དྷ་མྨཾ དེ་སེ་ཏི, སཱི་ཧོ་ཝ ན་ད་ཏཱི ཝ་ནེ.
༡༠༢༢. ཨ་ཛི་ཏོ ཨ་དྡ་ས བུ་དྡྷཾ, ས་ཏ་རཾ་སིཾ [ཝཱི་ཏ་རཾ་སིཾ་ཝ (སྱཱ.), ས་ཏ་རཾ་སཱི་ཝ (ཀ.), པཱི་ཏ་རཾ་སཱི་ཝ (ནི་དྡེ་ས)] ཝ བྷཱ་ཎུ་མཾ;
ཙ་ནྡཾ ཡ་ཐཱ པ་ནྣ་ར་སེ, པཱ་རི་པཱུ་རིཾ ཨུ་པཱ་ག་ཏཾ.
༡༠༢༣. ཨ་ཐ་སྶ ག་ཏྟེ དི་སྭཱ་ན, པ་རི་པཱུ་ར་ཉྩ བྱ་ཉྫ་ནཾ;
ཨེ་ཀ་མ་ནྟཾ ཋི་ཏོ ཧ་ཊྛོ, མ་ནོ་པ་ཉྷེ ཨ་པུ་ཙྪ་ཐ.
༡༠༢༤. ‘‘ཨཱ་དི་སྶ ཛ་མྨ་ནཾ [ཛ་པྤ་ནཾ (ཀ.)] བྲཱུ་ཧི, གོ་ཏྟཾ བྲཱུ་ཧི ས་ལ་ཀྑ་ཎཾ [བྲཱུ་ཧི་སྶ ལ་ཀྑ་ཎཾ (ནི་དྡེ་ས)];
མ་ནྟེ་སུ པཱ་ར་མིཾ བྲཱུ་ཧི, ཀ་ཏི ཝཱ་ཙེ་ཏི བྲཱ་ཧྨ་ཎོ’’.
༡༠༢༥. ‘‘ཝཱི་སཾ ཝ་སྶ་ས་ཏཾ ཨཱ་ཡུ, སོ ཙ གོ་ཏྟེ་ན བཱ་ཝ་རཱི;
ཏཱི་ཎི་སྶ ལ་ཀྑ་ཎཱ ག་ཏྟེ, ཏི་ཎྞཾ ཝེ་དཱ་ན པཱ་ར་གཱུ.
༡༠༢༦. ‘‘ལ་ཀྑ་ཎེ ཨི་ཏི་ཧཱ་སེ ཙ, ས་ནི་གྷ་ཎྜུ་ས་ཀེ་ཊུ་བྷེ;
པ་ཉྩ་ས་ཏཱ་ནི ཝཱ་ཙེ་ཏི, ས་དྷ་མྨེ པཱ་ར་མིཾ ག་ཏོ’’.
༡༠༢༧. ‘‘ལ་ཀྑ་ཎཱ་ནཾ པ་ཝི་ཙ་ཡཾ, བཱ་ཝ་རི་སྶ ན་རུ་ཏྟ་མ;
ཀ་ངྑ་ཙྪི་ད [ཏ་ཎྷ་ཙྪི་ད (བ་ཧཱུ་སུ)] པ་ཀཱ་སེ་ཧི, མཱ ནོ ཀ་ངྑཱ་ཡི་ཏཾ ཨ་ཧུ’’.
༡༠༢༨. ‘‘མུ་ཁཾ ཛི་ཝ྄ཧཱ་ཡ ཚཱ་དེ་ཏི, ཨུ་ཎྞ་སྶ བྷ་མུ་ཀ་ནྟ་རེ;
ཀོ་སོ་ཧི་ཏཾ ཝ་ཏྠ་གུ་ཡ྄ཧཾ, ཨེ་ཝཾ ཛཱ་ནཱ་ཧི མཱ་ཎ་ཝ’’.
༡༠༢༩. པུ་ཙྪ་ཉྷི ཀི་ཉྩི ཨ་སུ་ཎ་ནྟོ, སུ་ཏྭཱ པ་ཉྷེ ཝི་ཡཱ་ཀ་ཏེ;
ཝི་ཙི་ནྟེ་ཏི ཛ་ནོ ས་བྦོ, ཝེ་ད་ཛཱ་ཏོ ཀ་ཏ་ཉྫ་ལཱི.
༡༠༣༠. ‘‘ཀོ ནུ དེ་ཝོ ཝཱ བྲ་ཧྨཱ ཝཱ, ཨི་ནྡོ ཝཱ་པི སུ་ཛ་མྤ་ཏི;
མ་ན་སཱ པུ་ཙྪི་ཏེ པ་ཉྷེ, ཀ་མེ་ཏཾ པ་ཊི་བྷཱ་ས་ཏི.
༡༠༣༡. ‘‘མུ་དྡྷཾ མུ་དྡྷཱ་དྷི་པཱ་ཏ་ཉྩ, བཱ་ཝ་རཱི པ་རི་པུ་ཙྪ་ཏི;
ཏཾ བྱཱ་ཀ་རོ་ཧི བྷ་ག་ཝཱ, ཀ་ངྑཾ ཝི་ན་ཡ ནོ ཨི་སེ’’.
༡༠༣༢. ‘‘ཨ་ཝི་ཛྫཱ མུ་དྡྷཱ་ཏི ཛཱ་ནཱ་ཧི, ཝི་ཛྫཱ མུ་དྡྷཱ་དྷི་པཱ་ཏི་ནཱི;
ས་དྡྷཱ་ས་ཏི་ས་མཱ་དྷཱི་ཧི, ཚ་ནྡ་ཝཱི་རི་ཡེ་ན སཾ་ཡུ་ཏཱ’’.
༡༠༣༣. ཏ་ཏོ ཝེ་དེ་ན མ་ཧ་ཏཱ, ས་ནྠ་མྦྷི་ཏྭཱ་ན མཱ་ཎ་ཝོ;
ཨེ་ཀཾ་སཾ ཨ་ཛི་ནཾ ཀ་ཏྭཱ, པཱ་དེ་སུ སི་ར་སཱ པ་ཏི.
༡༠༣༤. ‘‘བཱ་ཝ་རཱི བྲཱ་ཧྨ་ཎོ བྷོ་ཏོ, ས་ཧ སི་སྶེ་ཧི མཱ་རི་ས;
ཨུ་ད་གྒ་ཙི་ཏྟོ སུ་མ་ནོ, པཱ་དེ ཝ་ནྡ་ཏི ཙ་ཀྑུ་མ’’.
༡༠༣༥. ‘‘སུ་ཁི་ཏོ བཱ་ཝ་རཱི ཧོ་ཏུ, ས་ཧ སི་སྶེ་ཧི བྲཱ་ཧྨ་ཎོ;
ཏྭ་ཉྩཱ་པི སུ་ཁི་ཏོ ཧོ་ཧི, ཙི་རཾ ཛཱི་ཝཱ་ཧི མཱ་ཎ་ཝ.
༡༠༣༦. ‘‘བཱ་ཝ་རི་སྶ ཙ ཏུ་ཡ྄ཧཾ ཝཱ, ས་བྦེ་སཾ ས་བྦ་སཾ་ས་ཡཾ;
ཀ་ཏཱ་ཝ་ཀཱ་སཱ པུ་ཙྪ་ཝ྄ཧོ, ཡཾ ཀི་ཉྩི མ་ན་སི་ཙྪ་ཐ’’.
༡༠༣༧. ས་མྦུ་དྡྷེ་ན ཀ་ཏོ་ཀཱ་སོ, ནི་སཱི་དི་ཏྭཱ་ན པ་ཉྫ་ལཱི;
ཨ་ཛི་ཏོ པ་ཋ་མཾ པ་ཉྷཾ, ཏ་ཏྠ པུ་ཙྪི ཏ་ཐཱ་ག་ཏཾ.
ཝ་ཏྠུ་གཱ་ཐཱ ནི་ཊྛི་ཏཱ.
༡. ཨ་ཛི་ཏ་མཱ་ཎ་ཝ་པུ་ཙྪཱ
༡༠༣༨. ‘‘ཀེ་ན་སྶུ ནི་ཝུ་ཏོ ལོ་ཀོ, (ཨི་ཙྩཱ་ཡ་སྨཱ ཨ་ཛི་ཏོ)
ཀེ་ན་སྶུ ན་པྤ་ཀཱ་ས་ཏི;
ཀི་སྶཱ་བྷི་ལེ་པ་ནཾ བྲཱུ་སི, ཀིཾ་སུ ཏ་སྶ མ་ཧ་བྦྷ་ཡཾ’’.
༡༠༣༩. ‘‘ཨ་ཝི་ཛྫཱ་ཡ ནི་ཝུ་ཏོ ལོ་ཀོ, (ཨ་ཛི་ཏཱ་ཏི བྷ་ག་ཝཱ)
ཝེ་ཝི་ཙྪཱ པ་མཱ་དཱ ན་པྤ་ཀཱ་ས་ཏི;
ཛ་པྤཱ་བྷི་ལེ་པ་ནཾ བྲཱུ་མི, དུ་ཀྑ་མ་སྶ མ་ཧ་བྦྷ་ཡཾ’’.
༡༠༤༠. ‘‘ས་ཝ་ནྟི ས་བྦ་དྷི སོ་ཏཱ, (ཨི་ཙྩཱ་ཡ་སྨཱ ཨ་ཛི་ཏོ)
སོ་ཏཱ་ནཾ ཀིཾ ནི་ཝཱ་ར་ཎཾ;
སོ་ཏཱ་ནཾ སཾ་ཝ་རཾ བྲཱུ་ཧི, ཀེ་ན སོ་ཏཱ པི་དྷི་ཡྻ་རེ’’ [པི་ཐི་ཡྻ་རེ (སཱི. སྱཱ. པཱི.), པི་ཐཱི་ཡ་རེ (སཱི. ཨ་ཊྛ.), པི་དྷཱི་ཡ་རེ (?)].
༡༠༤༡. ‘‘ཡཱ་ནི སོ་ཏཱ་ནི ལོ་ཀ་སྨིཾ, (ཨ་ཛི་ཏཱ་ཏི བྷ་ག་ཝཱ)
ས་ཏི ཏེ་སཾ ནི་ཝཱ་ར་ཎཾ;
སོ་ཏཱ་ནཾ སཾ་ཝ་རཾ བྲཱུ་མི, པ་ཉྙཱ་ཡེ་ཏེ པི་དྷི་ཡྻ་རེ’’.
༡༠༤༢. ‘‘པ་ཉྙཱ ཙེ་ཝ ས་ཏི ཡ་ཉྩ [ས་ཏཱི ཙེ་ཝ (སཱི.), ས་ཏཱི ཙ (སྱཱ.), ས་ཏཱི ཙཱ་པི (པཱི. ནི་དྡེ་ས), ས་ཏི ཙཱ་པི (ནི་དྡེ་ས)], (ཨི་ཙྩཱ་ཡ་སྨཱ ཨ་ཛི་ཏོ)
ནཱ་མ་རཱུ་པ་ཉྩ མཱ་རི་ས;
ཨེ་ཏཾ མེ པུ་ཊྛོ པ་བྲཱུ་ཧི, ཀ་ཏྠེ་ཏཾ ཨུ་པ་རུ་ཛ྄ཛྷ་ཏི’’.
༡༠༤༣. ‘‘ཡ་མེ་ཏཾ པ་ཉྷཾ ཨ་པུ་ཙྪི, ཨ་ཛི་ཏ ཏཾ ཝ་དཱ་མི ཏེ;
ཡ་ཏྠ ནཱ་མ་ཉྩ རཱུ་པ་ཉྩ, ཨ་སེ་སཾ ཨུ་པ་རུ་ཛ྄ཛྷ་ཏི;
ཝི་ཉྙཱ་ཎ་སྶ ནི་རོ་དྷེ་ན, ཨེ་ཏྠེ་ཏཾ ཨུ་པ་རུ་ཛ྄ཛྷ་ཏི’’.
༡༠༤༤. ‘‘ཡེ ཙ ས་ངྑཱ་ཏ་དྷ་མྨཱ་སེ, ཡེ ཙ སེ་ཁཱ པུ་ཐཱུ ཨི་དྷ;
ཏེ་སཾ མེ ནི་པ་ཀོ ཨི་རི་ཡཾ, པུ་ཊྛོ པ་བྲཱུ་ཧི མཱ་རི་ས’’.
༡༠༤༥. ‘‘ཀཱ་མེ་སུ ནཱ་བྷི་གི་ཛ྄ཛྷེ་ཡྻ, མ་ན་སཱ་ནཱ་ཝི་ལོ སི་ཡཱ;
ཀུ་ས་ལོ ས་བྦ་དྷ་མྨཱ་ནཾ, ས་ཏོ བྷི་ཀྑུ པ་རི་བྦ་ཛེ’’ཏི.
ཨ་ཛི་ཏ་མཱ་ཎ་ཝ་པུ་ཙྪཱ པ་ཋ་མཱ ནི་ཊྛི་ཏཱ.
༢. ཏི་སྶ་མེ་ཏྟེ་ཡྻ་མཱ་ཎ་ཝ་པུ་ཙྪཱ
༡༠༤༦. ‘‘ཀོ་དྷ ས་ནྟུ་སི་ཏོ ལོ་ཀེ, (ཨི་ཙྩཱ་ཡ་སྨཱ ཏི་སྶ་མེ་ཏྟེ་ཡྻོ)
ཀ་སྶ ནོ ས་ནྟི ཨི་ཉྫི་ཏཱ;
ཀོ ཨུ་བྷ་ནྟ་མ་བྷི་ཉྙཱ་ཡ, མ་ཛ྄ཛྷེ མ་ནྟཱ ན ལི་པྤ་ཏི [ལི་མྤ་ཏི (ཀ.)];
ཀཾ བྲཱུ་སི མ་ཧཱ་པུ་རི་སོ་ཏི, ཀོ ཨི་དྷ སི་བྦི་ནི་མ་ཙྩ་གཱ’’.
༡༠༤༧. ‘‘ཀཱ་མེ་སུ བྲ་ཧྨ་ཙ་རི་ཡ་ཝཱ, (མེ་ཏྟེ་ཡྻཱ་ཏི བྷ་ག་ཝཱ)
ཝཱི་ཏ་ཏ་ཎྷོ ས་དཱ ས་ཏོ;
ས་ངྑཱ་ཡ ནི་བྦུ་ཏོ བྷི་ཀྑུ, ཏ་སྶ ནོ ས་ནྟི ཨི་ཉྫི་ཏཱ.