༣. པུ་ཎྞ་ཀ་མཱ་ཎ་ཝ་པུ་ཙྪཱ
༡༠༤༩. ‘‘ཨ་ནེ་ཛཾ མཱུ་ལ་ད་སྶཱ་ཝིཾ, (ཨི་ཙྩཱ་ཡ་སྨཱ པུ་ཎྞ་ཀོ)
ཨ་ཏྠི [ཨ་ཏྠཱི (སྱཱ.)] པ་ཉྷེ་ན ཨཱ་ག་མཾ;
ཀིཾ ནི་སྶི་ཏཱ ཨི་ས་ཡོ མ་ནུ་ཛཱ, ཁ་ཏྟི་ཡཱ བྲཱ་ཧྨ་ཎཱ དེ་ཝ་ཏཱ་ནཾ;
ཡ་ཉྙ་མ་ཀ་པྤ་ཡིཾ་སུ པུ་ཐཱུ་དྷ ལོ་ཀེ, པུ་ཙྪཱ་མི ཏཾ བྷ་ག་ཝཱ བྲཱུ་ཧི མེ ཏཾ’’.
༡༠༥༠. ‘‘ཡེ ཀེ་ཙི་མེ ཨི་ས་ཡོ མ་ནུ་ཛཱ, (པུ་ཎྞ་ཀཱ་ཏི བྷ་ག་ཝཱ)
ཁ་ཏྟི་ཡཱ བྲཱ་ཧྨ་ཎཱ དེ་ཝ་ཏཱ་ནཾ;
ཡ་ཉྙ་མ་ཀ་པྤ་ཡིཾ་སུ པུ་ཐཱུ་དྷ ལོ་ཀེ, ཨཱ་སཱི་ས་མཱ་ནཱ པུ་ཎྞ་ཀ ཨི་ཏྠ་ཏྟཾ [ཨི་ཏྠ་བྷཱ་ཝཾ (སཱི. སྱཱ.)];
ཛ་རཾ སི་ཏཱ ཡ་ཉྙ་མ་ཀ་པྤ་ཡིཾ་སུ’’.
༡༠༥༡. ‘‘ཡེ ཀེ་ཙི་མེ ཨི་ས་ཡོ མ་ནུ་ཛཱ, (ཨི་ཙྩཱ་ཡ་སྨཱ པུ་ཎྞ་ཀོ)
ཁ་ཏྟི་ཡཱ བྲཱ་ཧྨ་ཎཱ དེ་ཝ་ཏཱ་ནཾ;
ཡ་ཉྙ་མ་ཀ་པྤ་ཡིཾ་སུ པུ་ཐཱུ་དྷ ལོ་ཀེ, ཀ་ཙྩི་སྶུ ཏེ བྷ་ག་ཝཱ ཡ་ཉྙ་པ་ཐེ ཨ་པྤ་མ་ཏྟཱ;
ཨ་ཏཱ་རུཾ ཛཱ་ཏི་ཉྩ ཛ་ར་ཉྩ མཱ་རི་ས, པུ་ཙྪཱ་མི ཏཾ བྷ་ག་ཝཱ བྲཱུ་ཧི མེ ཏཾ’’.
༡༠༥༢. ‘‘ཨཱ་སཱི་ས་ནྟི ཐོ་མ་ཡ་ནྟི, ཨ་བྷི་ཛ་པྤ་ནྟི ཛུ་ཧ་ནྟི; (པུ་ཎྞ་ཀཱ་ཏི བྷ་ག་ཝཱ)
ཀཱ་མཱ་བྷི་ཛ་པྤ་ནྟི པ་ཊི་ཙྩ ལཱ་བྷཾ, ཏེ ཡཱ་ཛ་ཡོ་གཱ བྷ་ཝ་རཱ་ག་ར་ཏྟཱ;
ནཱ་ཏ་རིཾ་སུ ཛཱ་ཏི་ཛ་ར་ནྟི བྲཱུ་མི’’.
༡༠༥༣. ‘‘ཏེ ཙེ ནཱ་ཏ་རིཾ་སུ ཡཱ་ཛ་ཡོ་གཱ, (ཨི་ཙྩཱ་ཡ་སྨཱ པུ་ཎྞ་ཀོ)
ཡ་ཉྙེ་ཧི ཛཱ་ཏི་ཉྩ ཛ་ར་ཉྩ མཱ་རི་ས;
ཨ་ཐ ཀོ ཙ་ར་ཧི དེ་ཝ་མ་ནུ་སྶ་ལོ་ཀེ, ཨ་ཏཱ་རི ཛཱ་ཏི་ཉྩ ཛ་ར་ཉྩ མཱ་རི་ས;
པུ་ཙྪཱ་མི ཏཾ བྷ་ག་ཝཱ བྲཱུ་ཧི མེ ཏཾ’’.
༡༠༥༤. ‘‘ས་ངྑཱ་ཡ ལོ་ཀ་སྨི པ་རོ་པ་རཱ་ནི [པ་རོ་ཝ་རཱ་ནི (སཱི. སྱཱ.)], (པུ་ཎྞ་ཀཱ་ཏི བྷ་ག་ཝཱ)
ཡ་སྶི་ཉྫི་ཏཾ ན་ཏྠི ཀུ་ཧི་ཉྩི ལོ་ཀེ;
ས་ནྟོ ཝི་དྷཱུ་མོ ཨ་ནཱི་གྷོ ནི་རཱ་སོ, ཨ་ཏཱ་རི སོ ཛཱ་ཏི་ཛ་ར་ནྟི བྲཱུ་མཱི’’ཏི.
པུ་ཎྞ་ཀ་མཱ་ཎ་ཝ་པུ་ཙྪཱ ཏ་ཏི་ཡཱ ནི་ཊྛི་ཏཱ.