༩. མཱ་ག་ཎྜི་ཡ་སུ་ཏྟཾ
༨༤༡. ‘‘དི་སྭཱ་ན ཏ་ཎྷཾ ཨ་ར་ཏིཾ ར་ག་ཉྩ [ཨ་ར་ཏི་ཉྩ རཱ་གཾ (སྱཱ. ཀ.)], ནཱ་ཧོ་སི ཚ་ནྡོ ཨ་པི མེ་ཐུ་ན་སྨིཾ;
ཀི་མེ་ཝི་དཾ མུ་ཏྟ་ཀ་རཱི་ས་པུ་ཎྞཾ, པཱ་དཱ་པི ནཾ ས་མྥུ་སི་ཏུཾ ན ཨི་ཙྪེ’’.
༨༤༢. ‘‘ཨེ་ཏཱ་དི་སཾ ཙེ ར་ཏ་ནཾ ན ཨི་ཙྪ་སི, ནཱ་རིཾ ན་རི་ནྡེ་ཧི བ་ཧཱུ་ཧི པ་ཏྠི་ཏཾ;
དི་ཊྛི་ག་ཏཾ སཱི་ལ་ཝ་ཏཾ ནུ ཛཱི་ཝི་ཏཾ [སཱི་ལ་ཝ་ཏཱ་ནུ་ཛཱི་ཝི་ཏཾ (སཱི. པཱི. ཀ.)], བྷ་ཝཱུ་པ་པ་ཏྟི་ཉྩ ཝ་དེ་སི ཀཱི་དི་སཾ’’.
༨༤༣. ‘‘ཨི་དཾ ཝ་དཱ་མཱི་ཏི ན ཏ་སྶ ཧོ་ཏི, (མཱ་ག་ཎྜི་ཡཱ་ཏི [མཱ་ག་ནྡི་ཡཱ་ཏི (སཱི. སྱཱ. པཱི.)] བྷ་ག་ཝཱ)
དྷ་མྨེ་སུ ནི་ཙྪེ་ཡྻ ས་མུ་གྒ་ཧཱི་ཏཾ;
པ་སྶ་ཉྩ དི་ཊྛཱི་སུ ཨ་ནུ་གྒ་ཧཱ་ཡ,
ཨ་ཛ྄ཛྷ་ཏྟ་ས་ནྟིཾ པ་ཙི་ནཾ ཨ་ད་སྶཾ’’.
༨༤༤. ‘‘ཝི་ནི་ཙྪ་ཡཱ ཡཱ་ནི པ་ཀ་པྤི་ཏཱ་ནི, (ཨི་ཏི མཱ་ག་ཎྜི་ཡོ [མཱ་ག་ནྡི་ཡོ (སཱི. སྱཱ. པཱི.)] )
ཏེ ཝེ མུ་ནཱི བྲཱུ་སི ཨ་ནུ་གྒ་ཧཱ་ཡ;
ཨ་ཛ྄ཛྷ་ཏྟ་ས་ནྟཱི་ཏི ཡ་མེ་ཏ་མ་ཏྠཾ,
ཀ་ཐཾ ནུ དྷཱི་རེ་ཧི པ་ཝེ་དི་ཏཾ ཏཾ’’.
༨༤༥. ‘‘ན དི་ཊྛི་ཡཱ ན སུ་ཏི་ཡཱ ན ཉཱ་ཎེ་ན, (མཱ་ག་ཎྜི་ཡཱ་ཏི བྷ་ག་ཝཱ)
སཱི་ལ་བྦ་ཏེ་ནཱ་པི ན སུ་དྡྷི་མཱ་ཧ;
ཨ་དི་ཊྛི་ཡཱ ཨ་སྶུ་ཏི་ཡཱ ཨ་ཉཱ་ཎཱ,
ཨ་སཱི་ལ་ཏཱ ཨ་བྦ་ཏཱ ནོ་པི ཏེ་ན;
ཨེ་ཏེ ཙ ནི་སྶ་ཛྫ ཨ་ནུ་གྒ་ཧཱ་ཡ,
ས་ནྟོ ཨ་ནི་སྶཱ་ཡ བྷ་ཝཾ ན ཛ་པྤེ’’.
༨༤༦. ‘‘ནོ ཙེ ཀི་ར དི་ཊྛི་ཡཱ ན སུ་ཏི་ཡཱ ན ཉཱ་ཎེ་ན, (ཨི་ཏི མཱ་ག་ཎྜི་ཡོ)
སཱི་ལ་བྦ་ཏེ་ནཱ་པི ན སུ་དྡྷི་མཱ་ཧ;
ཨ་དི་ཊྛི་ཡཱ ཨ་སྶུ་ཏི་ཡཱ ཨ་ཉཱ་ཎཱ,
ཨ་སཱི་ལ་ཏཱ ཨ་བྦ་ཏཱ ནོ་པི ཏེ་ན;
མ་ཉྙཱ་མ་ཧཾ མོ་མུ་ཧ་མེ་ཝ དྷ་མྨཾ,
དི་ཊྛི་ཡཱ ཨེ་ཀེ པ་ཙྩེ་ནྟི སུ་དྡྷིཾ’’.
༨༤༧. ‘‘དི་ཊྛ་ཉྩ ནི་སྶཱ་ཡ ཨ་ནུ་པུ་ཙྪ་མཱ་ནོ, (མཱ་ག་ཎྜི་ཡཱ་ཏི བྷ་ག་ཝཱ)
ས་མུ་གྒ་ཧཱི་ཏེ་སུ པ་མོ་ཧ་མཱ་གཱ [ས་མོ་ཧ་མཱ་གཱ (སྱཱ. ཀ.)];
ཨི་ཏོ ཙ ནཱ་དྡ་ཀྑི ཨ་ཎུ་མྤི ས་ཉྙཾ,
ཏ་སྨཱ ཏུ་ཝཾ མོ་མུ་ཧ་ཏོ ད་ཧཱ་སི.
༨༤༨. ‘‘ས་མོ ཝི་སེ་སཱི ཨུ་ད ཝཱ ནི་ཧཱི་ནོ, ཡོ མ་ཉྙ་ཏཱི སོ ཝི་ཝ་དེ་ཐ ཏེ་ན;
ཏཱི་སུ ཝི་དྷཱ་སུ ཨ་ཝི་ཀ་མྤ་མཱ་ནོ, ས་མོ ཝི་སེ་སཱི་ཏི ན ཏ་སྶ ཧོ་ཏི.
༨༤༩. ‘‘ས་ཙྩ་ནྟི སོ བྲཱ་ཧྨ་ཎོ ཀིཾ ཝ་དེ་ཡྻ, མུ་སཱ་ཏི ཝཱ སོ ཝི་ཝ་དེ་ཐ ཀེ་ན;
ཡ་སྨིཾ ས་མཾ ཝི་ས་མཾ ཝཱ་པི ན་ཏྠི, ས ཀེ་ན ཝཱ་དཾ པ་ཊི་སཾ་ཡུ་ཛེ་ཡྻ.
༨༥༠. ‘‘ཨོ་ཀཾ པ་ཧཱ་ཡ ཨ་ནི་ཀེ་ཏ་སཱ་རཱི, གཱ་མེ ཨ་ཀུ་བྦཾ མུ་ནི ས་ནྠ་ཝཱ་ནི [ས་ནྡྷ་ཝཱ་ནི (ཀ.)];
ཀཱ་མེ་ཧི རི་ཏྟོ ཨ་པུ་རེ་ཀྑ་རཱ་ནོ, ཀ་ཐཾ ན ཝི་གྒ་ཡ྄ཧ ཛ་ནེ་ན ཀ་ཡི་རཱ.
༨༥༡. ‘‘ཡེ་ཧི ཝི་ཝི་ཏྟོ ཝི་ཙ་རེ་ཡྻ ལོ་ཀེ, ན ཏཱ་ནི ཨུ་གྒ་ཡ྄ཧ ཝ་དེ་ཡྻ ནཱ་གོ;
ཛ་ལ་མྦུ་ཛཾ [ཨེ་ལ་མྦུ་ཛཾ (སཱི. སྱཱ.)] ཀ་ཎྜ་ཀཾ ཝཱ་རི་ཛཾ ཡ་ཐཱ, ཛ་ལེ་ན པ་ངྐེ་ན ཙ་ནཱུ་པ་ལི་ཏྟཾ;
ཨེ་ཝཾ མུ་ནཱི ས་ནྟི་ཝཱ་དོ ཨ་གི་དྡྷོ, ཀཱ་མེ ཙ ལོ་ཀེ ཙ ཨ་ནཱུ་པ་ལི་ཏྟོ.
༨༥༢. ‘‘ན ཝེ་ད་གཱུ དི་ཊྛི་ཡཱ་ཡ་ཀོ [ན ཝེ་ད་གཱུ དི་ཊྛི་ཡཱ (ཀ. སཱི. སྱཱ. པཱི.)] ན མུ་ཏི་ཡཱ, ས མཱ་ན་མེ་ཏི ན ཧི ཏ་མྨ་ཡོ སོ;
ན ཀ་མྨུ་ནཱ ནོ་པི སུ་ཏེ་ན ནེ་ཡྻོ, ཨ་ནཱུ་པ་ནཱི་ཏོ ས ནི་ཝེ་ས་ནེ་སུ.
༨༥༣. ‘‘ས་ཉྙཱ་ཝི་ར་ཏྟ་སྶ ན ས་ནྟི ག་ནྠཱ, པ་ཉྙཱ་ཝི་མུ་ཏྟ་སྶ ན ས་ནྟི མོ་ཧཱ;
ས་ཉྙ་ཉྩ དི་ཊྛི་ཉྩ ཡེ ཨ་གྒ་ཧེ་སུཾ, ཏེ གྷ་ཊྚ་ཡ་ནྟཱ [གྷ་ཊྚ་མཱ་ནཱ (སྱཱ. ཀ.)] ཝི་ཙ་ར་ནྟི ལོ་ཀེ’’ཏི.
མཱ་ག་ཎྜི་ཡ་སུ་ཏྟཾ ན་ཝ་མཾ ནི་ཊྛི་ཏཾ.