༤. ཨ་ཊྛ་ཀ་ཝ་གྒོ
༡. ཀཱ་མ་སུ་ཏྟཾ
༧༧༢. ཀཱ་མཾ ཀཱ་མ་ཡ་མཱ་ན་སྶ, ཏ་སྶ ཙེ ཏཾ ས་མི་ཛ྄ཛྷ་ཏི;
ཨ་དྡྷཱ པཱི་ཏི་མ་ནོ ཧོ་ཏི, ལ་དྡྷཱ མ་ཙྩོ ཡ་དི་ཙྪ་ཏི.
༧༧༣. ཏ་སྶ ཙེ ཀཱ་མ་ཡཱ་ན་སྶ [ཀཱ་མ་ཡ་མཱ་ན་སྶ (ཀ.)], ཚ་ནྡ་ཛཱ་ཏ་སྶ ཛ་ནྟུ་ནོ;
ཏེ ཀཱ་མཱ པ་རི་ཧཱ་ཡ་ནྟི, ས་ལླ་ཝི་དྡྷོ་ཝ རུ་པྤ་ཏི.
༧༧༤. ཡོ ཀཱ་མེ པ་རི་ཝ་ཛྫེ་ཏི, ས་པྤ་སྶེ་ཝ པ་དཱ སི་རོ;
སོ་མཾ [སོ ཨི་མཾ (སཱི. པཱི.)] ཝི་ས་ཏྟི་ཀཾ ལོ་ཀེ, ས་ཏོ ས་མ་ཏི་ཝ་ཏྟ་ཏི.
༧༧༥. ཁེ་ཏྟཾ ཝ་ཏྠུཾ ཧི་ར་ཉྙཾ ཝཱ, ག་ཝ་སྶཾ [ག་ཝཱ་སྶཾ (སཱི. སྱཱ. པཱི.)] དཱ་ས་པོ་རི་སཾ;
ཐི་ཡོ བ་ནྡྷཱུ པུ་ཐུ ཀཱ་མེ, ཡོ ན་རོ ཨ་ནུ་གི་ཛ྄ཛྷ་ཏི.
༧༧༦. ཨ་བ་ལཱ ནཾ བ་ལཱི་ཡ་ནྟི, མ་དྡ་ནྟེ་ནཾ པ་རི་སྶ་ཡཱ;
ཏ་ཏོ ནཾ དུ་ཀྑ་མ་ནྭེ་ཏི, ནཱ་ཝཾ བྷི་ནྣ་མི་ཝོ་ད་ཀཾ.
༧༧༧. ཏ་སྨཱ ཛ་ནྟུ ས་དཱ ས་ཏོ, ཀཱ་མཱ་ནི པ་རི་ཝ་ཛྫ་ཡེ;
ཏེ པ་ཧཱ་ཡ ཏ་རེ ཨོ་གྷཾ, ནཱ་ཝཾ སི་ཏྭཱ་ཝ [སི་ཉྩི་ཏྭཱ (སཱི.)] པཱ་ར་གཱུ་ཏི.
ཀཱ་མ་སུ་ཏྟཾ པ་ཋ་མཾ ནི་ཊྛི་ཏཾ.
༢. གུ་ཧ་ཊྛ་ཀ་སུ་ཏྟཾ
༧༧༨. ས་ཏྟོ གུ་ཧཱ་ཡཾ བ་ཧུ་ནཱ་བྷི་ཚ་ནྣོ, ཏི་ཊྛཾ ན་རོ མོ་ཧ་ན་སྨིཾ པ་གཱ་ལ༹ྷོ;
དཱུ་རེ ཝི་ཝེ་ཀཱ ཧི ཏ་ཐཱ་ཝི་དྷོ སོ, ཀཱ་མཱ ཧི ལོ་ཀེ ན ཧི སུ་པྤ་ཧཱ་ཡཱ.
༧༧༩. ཨི་ཙྪཱ་ནི་དཱ་ནཱ བྷ་ཝ་སཱ་ཏ་བ་དྡྷཱ, ཏེ དུ་པྤ་མུ་ཉྩཱ ན ཧི ཨ་ཉྙ་མོ་ཀྑཱ;
པ་ཙྪཱ པུ་རེ ཝཱ་པི ཨ་པེ་ཀྑ་མཱ་ནཱ, ཨི་མེ་ཝ ཀཱ་མེ པུ་རི་མེ་ཝ ཛ་པྤཾ.
༧༨༠. ཀཱ་མེ་སུ གི་དྡྷཱ པ་སུ་ཏཱ པ་མཱུ་ལ༹ྷཱ, ཨ་ཝ་དཱ་ནི་ཡཱ ཏེ ཝི་ས་མེ ནི་ཝི་ཊྛཱ;
དུ་ཀྑཱུ་པ་ནཱི་ཏཱ པ་རི་དེ་ཝ་ཡ་ནྟི, ཀིཾ་སཱུ བྷ་ཝི་སྶཱ་མ ཨི་ཏོ ཙུ་ཏཱ་སེ.
༧༨༡. ཏ་སྨཱ ཧི སི་ཀྑེ་ཐ ཨི་དྷེ་ཝ ཛ་ནྟུ, ཡཾ ཀི་ཉྩི ཛ་ཉྙཱ ཝི་ས་མ་ནྟི ལོ་ཀེ;
ན ཏ་སྶ ཧེ་ཏཱུ ཝི་ས་མཾ ཙ་རེ་ཡྻ, ཨ་པྤ་ཉྷི་དཾ ཛཱི་ཝི་ཏ་མཱ་ཧུ དྷཱི་རཱ.
༧༨༢. པ་སྶཱ་མི ལོ་ཀེ པ་རི་ཕ་ནྡ་མཱ་ནཾ, པ་ཛཾ ཨི་མཾ ཏ་ཎྷ་ག་ཏཾ བྷ་ཝེ་སུ;
ཧཱི་ནཱ ན་རཱ མ་ཙྩུ་མུ་ཁེ ལ་པ་ནྟི, ཨ་ཝཱི་ཏ་ཏ་ཎྷཱ་སེ བྷ་ཝཱ་བྷ་ཝེ་སུ.
༧༨༣. མ་མཱ་ཡི་ཏེ པ་སྶ་ཐ ཕ་ནྡ་མཱ་ནེ, མ་ཙྪེ་ཝ ཨ་པྤོ་ད་ཀེ ཁཱི་ཎ་སོ་ཏེ;
ཨེ་ཏ་མྤི དི་སྭཱ ཨ་མ་མོ ཙ་རེ་ཡྻ, བྷ་ཝེ་སུ ཨཱ་ས་ཏྟི་མ་ཀུ་བྦ་མཱ་ནོ.
༧༨༤. ཨུ་བྷོ་སུ ཨ་ནྟེ་སུ ཝི་ནེ་ཡྻ ཚ་ནྡཾ, ཕ་སྶཾ པ་རི་ཉྙཱ་ཡ ཨ་ནཱ་ནུ་གི་དྡྷོ;
ཡ་ད་ཏྟ་ག་ར་ཧཱི ཏ་ད་ཀུ་བྦ་མཱ་ནོ, ན ལི་པྤ་ཏཱི [ན ལི་མྤ་ཏཱི (སྱཱ. ཀ.)] དི་ཊྛ་སུ་ཏེ་སུ དྷཱི་རོ.
༧༨༥. ས་ཉྙཾ པ་རི་ཉྙཱ ཝི་ཏ་རེ་ཡྻ ཨོ་གྷཾ, པ་རི་གྒ་ཧེ་སུ མུ་ནི ནོ་པ་ལི་ཏྟོ;
ཨ་བྦཱུ་ལ༹ྷ་ས་ལློ ཙ་ར་མ་པྤ་མ་ཏྟོ, ནཱ་སཱི་ས་ཏཱི [ནཱ་སིཾ་ས་ཏཱི (སཱི. སྱཱ. པཱི.)] ལོ་ཀ་མི་མཾ པ་ར་ཉྩཱ་ཏི.
གུ་ཧ་ཊྛ་ཀ་སུ་ཏྟཾ དུ་ཏི་ཡཾ ནི་ཊྛི་ཏཾ.
༣. དུ་ཊྛ་ཊྛ་ཀ་སུ་ཏྟཾ
༧༨༦. ཝ་ད་ནྟི ཝེ དུ་ཊྛ་མ་ནཱ་པི ཨེ་ཀེ, ཨ་ཐོ་པི ཝེ ས་ཙྩ་མ་ནཱ ཝ་ད་ནྟི;
ཝཱ་ད་ཉྩ ཛཱ་ཏཾ མུ་ནི ནོ ཨུ་པེ་ཏི, ཏ་སྨཱ མུ་ནཱི ན་ཏྠི ཁི་ལོ ཀུ་ཧི་ཉྩི.
༧༨༧. ས་ཀ་ཉྷི དི་ཊྛིཾ ཀ་ཐ་མ་ཙྩ་ཡེ་ཡྻ, ཚ་ནྡཱ་ནུ་ནཱི་ཏོ རུ་ཙི་ཡཱ ནི་ཝི་ཊྛོ;
ས་ཡཾ ས་མ་ཏྟཱ་ནི པ་ཀུ་བྦ་མཱ་ནོ, ཡ་ཐཱ ཧི ཛཱ་ནེ་ཡྻ ཏ་ཐཱ ཝ་དེ་ཡྻ.
༧༨༨. ཡོ ཨ་ཏྟ་ནོ སཱི་ལ་ཝ་ཏཱ་ནི ཛ་ནྟུ, ཨ་ནཱ་ནུ་པུ་ཊྛོ་ཝ པ་རེ་ས [པ་ར་སྶ (ཀ.)] པཱ་ཝ [པཱ་ཝཱ (སཱི. སྱཱ. པཱི.)];
ཨ་ན་རི་ཡ་དྷ་མྨཾ ཀུ་ས་ལཱ ཏ་མཱ་ཧུ, ཡོ ཨཱ་ཏུ་མཱ་ནཾ ས་ཡ་མེ་ཝ པཱ་ཝ.
༧༨༩. ས་ནྟོ ཙ བྷི་ཀྑུ ཨ་བྷི་ནི་བྦུ་ཏ་ཏྟོ, ཨི་ཏི་ཧ་ནྟི སཱི་ལེ་སུ ཨ་ཀ་ཏྠ་མཱ་ནོ;
ཏ་མ་རི་ཡ་དྷ་མྨཾ ཀུ་ས་ལཱ ཝ་ད་ནྟི, ཡ་སྶུ་སྶ་དཱ ན་ཏྠི ཀུ་ཧི་ཉྩི ལོ་ཀེ.
༧༩༠. པ་ཀ་པྤི་ཏཱ ས་ངྑ་ཏཱ ཡ་སྶ དྷ་མྨཱ, པུ་ར་ཀྑ་ཏཱ [པུ་རེ་ཀྑ་ཏཱ (སཱི.)] ས་ནྟི ཨ་ཝཱི་ཝ་དཱ་ཏཱ;
ཡ་ད་ཏྟ་ནི པ་སྶ་ཏི ཨཱ་ནི་སཾ་སཾ, ཏཾ ནི་སྶི་ཏོ ཀུ་པྤ་པ་ཊི་ཙྩ ས་ནྟིཾ.
༧༩༡. དི་ཊྛཱི་ནི་ཝེ་སཱ ན ཧི སྭཱ་ཏི་ཝ་ཏྟཱ, དྷ་མྨེ་སུ ནི་ཙྪེ་ཡྻ ས་མུ་གྒ་ཧཱི་ཏཾ;
ཏ་སྨཱ ན་རོ ཏེ་སུ ནི་ཝེ་ས་ནེ་སུ, ནི་ར་སྶ་ཏཱི ཨཱ་དི་ཡ་ཏཱི ཙ དྷ་མྨཾ.
༧༩༢. དྷོ་ན་སྶ ཧི ན་ཏྠི ཀུ་ཧི་ཉྩི ལོ་ཀེ, པ་ཀ་པྤི་ཏཱ དི་ཊྛི བྷ་ཝཱ་བྷ་ཝེ་སུ;
མཱ་ཡ་ཉྩ མཱ་ན་ཉྩ པ་ཧཱ་ཡ དྷོ་ནོ, ས ཀེ་ན ག་ཙྪེ་ཡྻ ཨ་ནཱུ་པ་ཡོ སོ.
༧༩༣. ཨུ་པ་ཡོ ཧི དྷ་མྨེ་སུ ཨུ་པེ་ཏི ཝཱ་དཾ, ཨ་ནཱུ་པ་ཡཾ ཀེ་ན ཀ་ཐཾ ཝ་དེ་ཡྻ;
ཨ་ཏྟཱ ནི་ར་ཏྟཱ [ཨ་ཏྟཾ ནི་ར་ཏྟཾ (བ་ཧཱུ་སུ)] ན ཧི ཏ་སྶ ཨ་ཏྠི, ཨ་དྷོ་སི སོ དི་ཊྛི་མི་དྷེ་ཝ ས་བྦ་ནྟི.
དུ་ཊྛ་ཊྛ་ཀ་སུ་ཏྟཾ ཏ་ཏི་ཡཾ ནི་ཊྛི་ཏཾ.
༤. སུ་དྡྷ་ཊྛ་ཀ་སུ་ཏྟཾ
༧༩༤. པ་སྶཱ་མི སུ་དྡྷཾ པ་ར་མཾ ཨ་རོ་གཾ, དི་ཊྛེ་ན སཾ་སུ་དྡྷི ན་ར་སྶ ཧོ་ཏི;
ཨེ་ཝཱ་བྷི་ཛཱ་ནཾ [ཨེ་ཏཱ་བྷི་ཛཱ་ནཾ (སཱི. པཱི.)] པ་ར་མ་ནྟི ཉ་ཏྭཱ, སུ་དྡྷཱ་ནུ་པ་སྶཱི་ཏི པ་ཙྩེ་ཏི ཉཱ་ཎཾ.
༧༩༥. དི་ཊྛེ་ན ཙེ སུ་དྡྷི ན་ར་སྶ ཧོ་ཏི, ཉཱ་ཎེ་ན ཝཱ སོ པ་ཛ་ཧཱ་ཏི དུ་ཀྑཾ;
ཨ་ཉྙེ་ན སོ སུ་ཛ྄ཛྷ་ཏི སོ་པ་དྷཱི་ཀོ, དི་ཊྛཱི ཧི ནཾ པཱ་ཝ ཏ་ཐཱ ཝ་དཱ་ནཾ.
༧༩༦. ན བྲཱ་ཧྨ་ཎོ ཨ་ཉྙ་ཏོ སུ་དྡྷི་མཱ་ཧ, དི་ཊྛེ སུ་ཏེ སཱི་ལ་ཝ་ཏེ མུ་ཏེ ཝཱ;
པུ་ཉྙེ ཙ པཱ་པེ ཙ ཨ་ནཱུ་པ་ལི་ཏྟོ, ཨ་ཏྟ་ཉྫ་ཧོ ན་ཡི་དྷ པ་ཀུ་བྦ་མཱ་ནོ.
༧༩༧. པུ་རི་མཾ པ་ཧཱ་ཡ ཨ་པ་རཾ སི་ཏཱ་སེ, ཨེ་ཛཱ་ནུ་གཱ ཏེ ན ཏ་ར་ནྟི ས་ངྒཾ;
ཏེ ཨུ་གྒ་ཧཱ་ཡ་ནྟི ནི་ར་སྶ་ཛ་ནྟི, ཀ་པཱི་ཝ སཱ་ཁཾ པ་མུ་ཉྩཾ ག་ཧཱ་ཡཾ [པ་མུ་ཁཾ ག་ཧཱ་ཡ (སྱཱ.), པ་མུ་ཉྩ ག་ཧཱ་ཡ (ཀ.)].
༧༩༨. ས་ཡཾ ས་མཱ་དཱ་ཡ ཝ་ཏཱ་ནི ཛ་ནྟུ, ཨུ་ཙྩཱ་ཝ་ཙཾ ག་ཙྪ་ཏི ས་ཉྙ་ས་ཏྟོ;
ཝི་དྭཱ ཙ ཝེ་དེ་ཧི ས་མེ་ཙྩ དྷ་མྨཾ, ན ཨུ་ཙྩཱ་ཝ་ཙཾ ག་ཙྪ་ཏི བྷཱུ་རི་པ་ཉྙོ.
༧༩༩. ས ས་བྦ་དྷ་མྨེ་སུ ཝི་སེ་ནི་བྷཱུ་ཏོ, ཡཾ ཀི་ཉྩི དི་ཊྛཾ ཝ སུ་ཏཾ མུ་ཏཾ ཝཱ;
ཏ་མེ་ཝ ད་སྶིཾ ཝི་ཝ་ཊཾ ཙ་ར་ནྟཾ, ཀེ་ནཱི་དྷ ལོ་ཀ་སྨི ཝི་ཀ་པྤ་ཡེ་ཡྻ.
༨༠༠. ན ཀ་པྤ་ཡ་ནྟི ན པུ་རེ་ཀྑ་རོ་ནྟི, ཨ་ཙྩ་ནྟ་སུ་དྡྷཱི་ཏི ན ཏེ ཝ་ད་ནྟི;
ཨཱ་དཱ་ན་ག་ནྠཾ ག་ཐི་ཏཾ ཝི་ས་ཛྫ, ཨཱ་སཾ ན ཀུ་བྦ་ནྟི ཀུ་ཧི་ཉྩི ལོ་ཀེ.
༨༠༡. སཱི་མཱ་ཏི་གོ བྲཱ་ཧྨ་ཎོ ཏ་སྶ ན་ཏྠི, ཉ་ཏྭཱ ཝ དི་སྭཱ ཝ [ཉ་ཏྭཱ ཙ དི་སྭཱ ཙ (ཀ. སཱི. ཀ.)] ས་མུ་གྒ་ཧཱི་ཏཾ;
ན རཱ་ག་རཱ་གཱི ན ཝི་རཱ་ག་ར་ཏྟོ, ཏ་སྶཱི་དྷ ན་ཏྠཱི པ་ར་མུ་གྒ་ཧཱི་ཏ་ནྟི.
སུ་དྡྷ་ཊྛ་ཀ་སུ་ཏྟཾ ཙ་ཏུ་ཏྠཾ ནི་ཊྛི་ཏཾ.
༥. པ་ར་མ་ཊྛ་ཀ་སུ་ཏྟཾ
༨༠༢. པ་ར་མ་ནྟི དི་ཊྛཱི་སུ པ་རི་བྦ་སཱ་ནོ, ཡ་དུ་ཏྟ་རི ཀུ་རུ་ཏེ ཛ་ནྟུ ལོ་ཀེ;
ཧཱི་ནཱ་ཏི ཨ་ཉྙེ ཏ་ཏོ ས་བྦ་མཱ་ཧ, ཏ་སྨཱ ཝི་ཝཱ་དཱ་ནི ཨ་ཝཱི་ཏི་ཝ་ཏྟོ.
༨༠༣. ཡ་ད་ཏྟ་ནཱི པ་སྶ་ཏི ཨཱ་ནི་སཾ་སཾ, དི་ཊྛེ སུ་ཏེ སཱི་ལ་ཝ་ཏེ [སཱི་ལ་བྦ་ཏེ (སྱཱ.)] མུ་ཏེ ཝཱ;
ཏ་དེ་ཝ སོ ཏ་ཏྠ ས་མུ་གྒ་ཧཱ་ཡ, ནི་ཧཱི་ན་ཏོ པ་སྶ་ཏི ས་བྦ་མ་ཉྙཾ.
༨༠༤. ཏཾ ཝཱ་པི ག་ནྠཾ ཀུ་ས་ལཱ ཝ་ད་ནྟི, ཡཾ ནི་སྶི་ཏོ པ་སྶ་ཏི ཧཱི་ན་མ་ཉྙཾ;
ཏ་སྨཱ ཧི དི་ཊྛཾ ཝ སུ་ཏཾ མུ་ཏཾ ཝཱ, སཱི་ལ་བྦ་ཏཾ བྷི་ཀྑུ ན ནི་སྶ་ཡེ་ཡྻ.
༨༠༥. དི་ཊྛི་མྤི ལོ་ཀ་སྨིཾ ན ཀ་པྤ་ཡེ་ཡྻ, ཉཱ་ཎེ་ན ཝཱ སཱི་ལ་ཝ་ཏེ་ན ཝཱ་པི;
ས་མོ་ཏི ཨ་ཏྟཱ་ན་མ་ནཱུ་པ་ནེ་ཡྻ, ཧཱི་ནོ ན མ་ཉྙེ་ཐ ཝི་སེ་སི ཝཱ་པི.
༨༠༦. ཨ་ཏྟཾ པ་ཧཱ་ཡ ཨ་ནུ་པཱ་དི་ཡཱ་ནོ, ཉཱ་ཎེ་པི སོ ནི་སྶ་ཡཾ ནོ ཀ་རོ་ཏི;
ས ཝེ ཝི་ཡ་ཏྟེ་སུ [ཝི་ཡུ་ཏྟེ་སུ (སཱི. ཨ་ཊྛ.), དྭི་ཡ་ཏྟེ་སུ (ཀ.)] ན ཝ་གྒ་སཱ་རཱི, དི་ཊྛི་མྤི [དི་ཊྛི་མ་པི (ཀ.)] སོ ན པ་ཙྩེ་ཏི ཀི་ཉྩི.
༨༠༧. ཡ་སྶཱུ་བྷ་ཡ་ནྟེ པ་ཎི་དྷཱི་དྷ ན་ཏྠི, བྷ་ཝཱ་བྷ་ཝཱ་ཡ ཨི་དྷ ཝཱ ཧུ་རཾ ཝཱ;
ནི་ཝེ་ས་ནཱ ཏ་སྶ ན ས་ནྟི ཀེ་ཙི, དྷ་མྨེ་སུ ནི་ཙྪེ་ཡྻ ས་མུ་གྒ་ཧཱི་ཏཾ.
༨༠༨. ཏ་སྶཱི་དྷ དི་ཊྛེ ཝ སུ་ཏེ མུ་ཏེ ཝཱ, པ་ཀ་པྤི་ཏཱ ན་ཏྠི ཨ་ཎཱུ་པི ས་ཉྙཱ;
ཏཾ བྲཱ་ཧྨ་ཎཾ དི་ཊྛི་མ་ནཱ་དི་ཡཱ་ནཾ, ཀེ་ནཱི་དྷ ལོ་ཀ་སྨིཾ ཝི་ཀ་པྤ་ཡེ་ཡྻ.
༨༠༩. ན ཀ་པྤ་ཡ་ནྟི ན པུ་རེ་ཀྑ་རོ་ནྟི, དྷ་མྨཱ་པི ཏེ་སཾ ན པ་ཊི་ཙྪི་ཏཱ་སེ;
ན བྲཱ་ཧྨ་ཎོ སཱི་ལ་ཝ་ཏེ་ན ནེ་ཡྻོ, པཱ་ར་ངྒ་ཏོ ན པ་ཙྩེ་ཏི ཏཱ་དཱི་ཏི.
པ་ར་མ་ཊྛ་ཀ་སུ་ཏྟཾ པ་ཉྩ་མཾ ནི་ཊྛི་ཏཾ.
༦. ཛ་རཱ་སུ་ཏྟཾ
༨༡༠. ཨ་པྤཾ ཝ་ཏ ཛཱི་ཝི་ཏཾ ཨི་དཾ, ཨོ་རཾ ཝ་སྶ་ས་ཏཱ་པི མི་ཡྻ་ཏི [མཱི་ཡ་ཏི (སཱི. ཨ་ཊྛ.)];
ཡོ ཙེ་པི ཨ་ཏི་ཙྩ ཛཱི་ཝ་ཏི, ཨ་ཐ ཁོ སོ ཛ་ར་སཱ་པི མི་ཡྻ་ཏི.
༨༡༡. སོ་ཙ་ནྟི ཛ་ནཱ མ་མཱ་ཡི་ཏེ, ན ཧི ས་ནྟི [ན ཧི ས་ནྟཱ (སཱི.), ན ཧཱི ས་ནྟི (ཀ་ཏྠ་ཙི)] ནི་ཙྩཱ པ་རི་གྒ་ཧཱ;
ཝི་ནཱ་བྷཱ་ཝ་ས་ནྟ་མེ་ཝི་དཾ, ཨི་ཏི དི་སྭཱ ནཱ་གཱ་ར་མཱ་ཝ་སེ.
༨༡༢. མ་ར་ཎེ་ན་པི ཏཾ པ་ཧཱི་ཡ་ཏི [པ་ཧི་ཡྻ་ཏི (སཱི. སྱཱ. ཀ.)], ཡཾ པུ་རི་སོ མ་མི་ད་ནྟི [མ་མ་ཡི་ད་ནྟི (སཱི. སྱཱ. ཀ.), མ་མཱ་ཡ་ནྟི (ཀ.)] མ་ཉྙ་ཏི;
ཨེ་ཏ་མྤི ཝི་དི་ཏྭཱ [ཨེ་ཏཾ དི་སྭཱ་ན (ནི་དྡེ་སེ), ཨེ་ཏ་མྤི ཝི་དི་ཏྭ (?)] པ་ཎྜི་ཏོ, ན མ་མ་ཏྟཱ་ཡ ན་མེ་ཐ མཱ་མ་ཀོ.
༨༡༣. སུ་པི་ནེ་ན ཡ་ཐཱ་པི ས་ངྒ་ཏཾ, པ་ཊི་བུ་དྡྷོ པུ་རི་སོ ན པ་སྶ་ཏི;
ཨེ་ཝ་མྤི པི་ཡཱ་ཡི་ཏཾ ཛ་ནཾ, པེ་ཏཾ ཀཱ་ལ་ཀ་ཏཾ ན པ་སྶ་ཏི.
༨༡༤. དི་ཊྛཱ་པི སུ་ཏཱ་པི ཏེ ཛ་ནཱ, ཡེ་སཾ ནཱ་མ་མི་དཾ པ་ཝུ་ཙྩ་ཏི [ནཱ་མ་མེ་ཝཱ ཝ་སི་སྶ་ཏི (སཱི. སྱཱ. པཱི.)];
ནཱ་མཾ་ཡེ་ཝཱ་ཝ་སི་སྶ་ཏི, ཨ་ཀྑེ་ཡྻཾ པེ་ཏ་སྶ ཛ་ནྟུ་ནོ.
༨༡༥. སོ་ཀ་པྤ་རི་དེ་ཝ་མ་ཙྪ་རཾ [སོ་ཀ་པ་རི་དེ་ཝ་མ་ཙྪ་རཾ (སཱི. སྱཱ. པཱི.), སོ་ཀཾ པ་རི་དེ་ཝ་མ་ཙྪ་རཾ (?)], ན ཛ་ཧ་ནྟི གི་དྡྷཱ མ་མཱ་ཡི་ཏེ;
ཏ་སྨཱ མུ་ན་ཡོ པ་རི་གྒ་ཧཾ, ཧི་ཏྭཱ ཨ་ཙ་རིཾ་སུ ཁེ་མ་ད་སྶི་ནོ.
༨༡༦. པ་ཏི་ལཱི་ན་ཙ་ར་སྶ བྷི་ཀྑུ་ནོ, བྷ་ཛ་མཱ་ན་སྶ ཝི་ཝི་ཏྟ་མཱ་ས་ནཾ;
སཱ་མ་གྒི་ཡ་མཱ་ཧུ ཏ་སྶ ཏཾ, ཡོ ཨ་ཏྟཱ་ནཾ བྷ་ཝ་ནེ ན ད་སྶ་ཡེ.
༨༡༧. ས་བྦ་ཏྠ མུ་ནཱི ཨ་ནི་སྶི་ཏོ, ན པི་ཡཾ ཀུ་བྦ་ཏི ནོ་པི ཨ་པྤི་ཡཾ;
ཏ་སྨིཾ པ་རི་དེ་ཝ་མ་ཙྪ་རཾ, པ་ཎྞེ ཝཱ་རི ཡ་ཐཱ ན ལི་མྤ་ཏི [ལི་པྤ་ཏི (སཱི. པཱི.)].
༨༡༨. ཨུ་ད་བི་ནྡུ ཡ་ཐཱ་པི པོ་ཀྑ་རེ, པ་དུ་མེ ཝཱ་རི ཡ་ཐཱ ན ལི་མྤ་ཏི;
ཨེ་ཝཾ མུ་ནི ནོ་པ་ལི་མྤ་ཏི, ཡ་དི་དཾ དི་ཊྛ་སུ་ཏཾ མུ་ཏེ་སུ ཝཱ.
༨༡༩. དྷོ་ནོ ན ཧི ཏེ་ན མ་ཉྙ་ཏི, ཡ་དི་དཾ དི་ཊྛ་སུ་ཏཾ མུ་ཏེ་སུ ཝཱ;
ནཱ་ཉྙེ་ན ཝི་སུ་དྡྷི་མི་ཙྪ་ཏི, ན ཧི སོ ར་ཛྫ་ཏི ནོ ཝི་ར་ཛྫ་ཏཱི་ཏི.
ཛ་རཱ་སུ་ཏྟཾ ཚ་ཊྛཾ ནི་ཊྛི་ཏཾ.
༧. ཏི་སྶ་མེ་ཏྟེ་ཡྻ་སུ་ཏྟཾ
༨༢༠. ‘‘མེ་ཐུ་ན་མ་ནུ་ཡུ་ཏྟ་སྶ, (ཨི་ཙྩཱ་ཡ་སྨཱ ཏི་སྶོ མེ་ཏྟེ་ཡྻོ) ཝི་གྷཱ་ཏཾ བྲཱུ་ཧི མཱ་རི་ས;
སུ་ཏྭཱ་ན ཏ་ཝ སཱ་ས་ནཾ, ཝི་ཝེ་ཀེ སི་ཀྑི་སྶཱ་མ་སེ.
༨༢༡. ‘‘མེ་ཐུ་ན་མ་ནུ་ཡུ་ཏྟ་སྶ, (མེ་ཏྟེ་ཡྻཱ་ཏི བྷ་ག་ཝཱ) མུ་སྶ་ཏེ ཝཱ་པི སཱ་ས་ནཾ;
མི་ཙྪཱ ཙ པ་ཊི་པ་ཛྫ་ཏི, ཨེ་ཏཾ ཏ་སྨིཾ ཨ་ནཱ་རི་ཡཾ.
༨༢༢. ‘‘ཨེ་ཀོ པུ་བྦེ ཙ་རི་ཏྭཱ་ན, མེ་ཐུ་ནཾ ཡོ ནི་སེ་ཝ་ཏི;
ཡཱ་ནཾ བྷ་ནྟཾ ཝ ཏཾ ལོ་ཀེ, ཧཱི་ན་མཱ་ཧུ པུ་ཐུ་ཛྫ་ནཾ.
༨༢༣. ‘‘ཡ་སོ ཀི་ཏྟི ཙ ཡཱ པུ་བྦེ, ཧཱ་ཡ་ཏེ ཝཱ་པི ཏ་སྶ སཱ;
ཨེ་ཏ་མྤི དི་སྭཱ སི་ཀྑེ་ཐ, མེ་ཐུ་ནཾ ཝི་པྤ་ཧཱ་ཏ་ཝེ.
༨༢༤. ‘‘ས་ངྐ་པྤེ་ཧི པ་རེ་ཏོ སོ, ཀ་པ་ཎོ ཝི་ཡ ཛྷཱ་ཡ་ཏི;
སུ་ཏྭཱ པ་རེ་སཾ ནི་གྒྷོ་སཾ, མ་ངྐུ ཧོ་ཏི ཏ་ཐཱ་ཝི་དྷོ.
༨༢༥. ‘‘ཨ་ཐ ས་ཏྠཱ་ནི ཀུ་རུ་ཏེ, པ་ར་ཝཱ་དེ་ཧི ཙོ་དི་ཏོ;
ཨེ་ས ཁྭ་སྶ མ་ཧཱ་གེ་དྷོ, མོ་ས་ཝ་ཛྫཾ པ་གཱ་ཧ་ཏི.
༨༢༦. ‘‘པ་ཎྜི་ཏོ་ཏི ས་མ་ཉྙཱ་ཏོ, ཨེ་ཀ་ཙ་རི་ཡཾ ཨ་དྷི་ཊྛི་ཏོ;
ཨ་ཐཱ་པི [ས ཙཱ་པི (ནི་དྡེ་སེ)] མེ་ཐུ་ནེ ཡུ་ཏྟོ, མ་ནྡོ་ཝ པ་རི་ཀི་སྶ་ཏི [པ་རི་ཀི་ལི་སྶ་ཏི (སཱི.)].
༨༢༧. ‘‘ཨེ་ཏ་མཱ་དཱི་ན་ཝཾ ཉ་ཏྭཱ, མུ་ནི པུ་བྦཱ་པ་རེ ཨི་དྷ;
ཨེ་ཀ་ཙ་རི་ཡཾ ད་ལ༹ྷཾ ཀ་ཡི་རཱ, ན ནི་སེ་ཝེ་ཐ མེ་ཐུ་ནཾ.
༨༢༨. ‘‘ཝི་ཝེ་ཀ་ཉྙེ་ཝ སི་ཀྑེ་ཐ, ཨེ་ཏ་ད་རི་ཡཱ་ན་མུ་ཏྟ་མཾ;
ན ཏེ་ན སེ་ཊྛོ མ་ཉྙེ་ཐ, ས ཝེ ནི་བྦཱ་ན་ས་ནྟི་ཀེ.
༨༢༩. ‘‘རི་ཏྟ་སྶ མུ་ནི་ནོ ཙ་ར་ཏོ, ཀཱ་མེ་སུ ཨ་ན་པེ་ཀྑི་ནོ;
ཨོ་གྷ་ཏི་ཎྞ་སྶ པི་ཧ་ཡ་ནྟི, ཀཱ་མེ་སུ ག་དྷི་ཏཱ [ག་ཐི་ཏཱ (སཱི.)] པ་ཛཱ’’ཏི.
ཏི་སྶ་མེ་ཏྟེ་ཡྻ་སུ་ཏྟཾ ས་ཏྟ་མཾ ནི་ཊྛི་ཏཾ.
༨. པ་སཱུ་ར་སུ་ཏྟཾ
༨༣༠. ཨི་དྷེ་ཝ སུ་དྡྷི ཨི་ཏི ཝཱ་ད་ཡ་ནྟི [ཝི་དི་ཡ་ནྟི (སཱི. པཱི.)], ནཱ་ཉྙེ་སུ དྷ་མྨེ་སུ ཝི་སུ་དྡྷི་མཱ་ཧུ;
ཡཾ ནི་སྶི་ཏཱ ཏ་ཏྠ སུ་བྷཾ ཝ་དཱ་ནཱ, པ་ཙྩེ་ཀ་ས་ཙྩེ་སུ པུ་ཐཱུ ནི་ཝི་ཊྛཱ.
༨༣༡. ཏེ ཝཱ་ད་ཀཱ་མཱ པ་རི་སཾ ཝི་ག་ཡ྄ཧ, བཱ་ལཾ ད་ཧ་ནྟཱི མི་ཐུ ཨ་ཉྙ་མ་ཉྙཾ;
ཝ་ད་ནྟི ཏེ ཨ་ཉྙ་སི་ཏཱ ཀ་ཐོ་ཛྫཾ, པ་སཾ་ས་ཀཱ་མཱ ཀུ་ས་ལཱ ཝ་དཱ་ནཱ.
༨༣༢. ཡུ་ཏྟོ ཀ་ཐཱ་ཡཾ པ་རི་སཱ་ཡ མ་ཛ྄ཛྷེ, པ་སཾ་ས་མི་ཙྪཾ ཝི་ནི་གྷཱ་ཏི ཧོ་ཏི;
ཨ་པཱ་ཧ་ཏ་སྨིཾ པ་ན མ་ངྐུ ཧོ་ཏི, ནི་ནྡཱ་ཡ སོ ཀུ་པྤ་ཏི ར་ནྡྷ་མེ་སཱི.
༨༣༣. ཡ་མ་སྶ ཝཱ་དཾ པ་རི་ཧཱི་ན་མཱ་ཧུ, ཨ་པཱ་ཧ་ཏཾ པ་ཉྷ་ཝི་མཾ་ས་ཀཱ་སེ;
པ་རི་དེ་ཝ་ཏི སོ་ཙ་ཏི ཧཱི་ན་ཝཱ་དོ, ཨུ་པ་ཙྩ་གཱ མ་ནྟི ཨ་ནུ་ཏྠུ་ནཱ་ཏི.
༨༣༤. ཨེ་ཏེ ཝི་ཝཱ་དཱ ས་མ་ཎེ་སུ ཛཱ་ཏཱ, ཨེ་ཏེ་སུ ཨུ་གྒྷཱ་ཏི ནི་གྷཱ་ཏི ཧོ་ཏི;
ཨེ་ཏ་མྤི དི་སྭཱ ཝི་ར་མེ ཀ་ཐོ་ཛྫཾ, ན ཧ་ཉྙ་ད་ཏྠ་ཏྠི་པ་སཾ་ས་ལཱ་བྷཱ.
༨༣༥. པ་སཾ་སི་ཏོ ཝཱ པ་ན ཏ་ཏྠ ཧོ་ཏི, ཨ་ཀྑཱ་ཡ ཝཱ་དཾ པ་རི་སཱ་ཡ མ་ཛ྄ཛྷེ;
སོ ཧ་སྶ་ཏཱི ཨུ་ཎྞ་མ་ཏཱི [ཨུ་ནྣ་མ་ཏཱི (?)] ཙ ཏེ་ན, པ་པྤུ་ཡྻ ཏ་མ་ཏྠཾ ཡ་ཐཱ མ་ནོ ཨ་ཧུ.
༨༣༦. ཡཱ ཨུ་ཎྞ་ཏཱི [ཨུ་ནྣ་ཏཱི (?)] སཱ་སྶ ཝི་གྷཱ་ཏ་བྷཱུ་མི, མཱ་ནཱ་ཏི་མཱ་ནཾ ཝ་ད་ཏེ པ་ནེ་སོ;
ཨེ་ཏ་མྤི དི་སྭཱ ན ཝི་ཝཱ་ད་ཡེ་ཐ, ན ཧི ཏེ་ན སུ་དྡྷིཾ ཀུ་ས་ལཱ ཝ་ད་ནྟི.
༨༣༧. སཱུ་རོ ཡ་ཐཱ རཱ་ཛ་ཁཱ་དཱ་ཡ པུ་ཊྛོ, ཨ་བྷི་ག་ཛྫ་མེ་ཏི པ་ཊི་སཱུ་ར་མི་ཙྪཾ;
ཡེ་ནེ་ཝ སོ ཏེ་ན པ་ལེ་ཧི སཱུ་ར, པུ་བྦེ་ཝ ན་ཏྠི ཡ་དི་དཾ ཡུ་དྷཱ་ཡ.
༨༣༨. ཡེ དི་ཊྛི་མུ་གྒ་ཡ྄ཧ ཝི་ཝཱ་ད་ཡ་ནྟི [ཝི་ཝཱ་དི་ཡ་ནྟི (སཱི. པཱི.)], ཨི་ད་མེ་ཝ ས་ཙྩ་ནྟི ཙ ཝཱ་ད་ཡ་ནྟི;
ཏེ ཏྭཾ ཝ་ད་སྶཱུ ན ཧི ཏེ་དྷ ཨ་ཏྠི, ཝཱ་ད་མྷི ཛཱ་ཏེ པ་ཊི་སེ་ནི་ཀ་ཏྟཱ.