༡༦. སཱ་རི་པུ་ཏྟ་སུ་ཏྟཾ
༩༦༡. ‘‘ན མེ དི་ཊྛོ ཨི་ཏོ པུ་བྦེ, (ཨི་ཙྩཱ་ཡ་སྨཱ སཱ་རི་པུ་ཏྟོ)
ན སུ་ཏོ ཨུ་ད ཀ་སྶ་ཙི;
ཨེ་ཝཾ ཝ་གྒུ་ཝ་དོ ས་ཏྠཱ,
ཏུ་སི་ཏཱ ག་ཎི་མཱ་ག་ཏོ.
༩༦༢. ‘‘ས་དེ་ཝ་ཀ་སྶ ལོ་ཀ་སྶ, ཡ་ཐཱ དི་སྶ་ཏི ཙ་ཀྑུ་མཱ;
ས་བྦཾ ཏ་མཾ ཝི་ནོ་དེ་ཏྭཱ, ཨེ་ཀོ་ཝ ར་ཏི་མ་ཛ྄ཛྷ་གཱ.
༩༦༣. ‘‘ཏཾ བུ་དྡྷཾ ཨ་སི་ཏཾ ཏཱ་དིཾ, ཨ་ཀུ་ཧཾ ག་ཎི་མཱ་ག་ཏཾ;
བ་ཧཱུ་ན་མི་དྷ བ་དྡྷཱ་ནཾ, ཨ་ཏྠི པ་ཉྷེ་ན ཨཱ་ག་མཾ.
༩༦༤. ‘‘བྷི་ཀྑུ་ནོ ཝི་ཛི་གུ་ཙྪ་ཏོ, བྷ་ཛ་ཏོ རི་ཏྟ་མཱ་ས་ནཾ;
རུ་ཀྑ་མཱུ་ལཾ སུ་སཱ་ནཾ ཝཱ, པ་བྦ་ཏཱ་ནཾ གུ་ཧཱ་སུ ཝཱ.
༩༦༥. ‘‘ཨུ་ཙྩཱ་ཝ་ཙེ་སུ ས་ཡ་ནེ་སུ, ཀཱི་ཝ་ནྟོ ཏ་ཏྠ བྷེ་ར་ཝཱ;
ཡེ་ཧི བྷི་ཀྑུ ན ཝེ་དྷེ་ཡྻ, ནི་གྒྷོ་སེ ས་ཡ་ནཱ་ས་ནེ.
༩༦༦. ‘‘ཀ་ཏཱི པ་རི་སྶ་ཡཱ ལོ་ཀེ, ག་ཙྪ་ཏོ ཨ་ག་ཏཾ དི་སཾ;
ཡེ བྷི་ཀྑུ ཨ་བྷི་ས་མྦྷ་ཝེ, པ་ནྟ་མྷི ས་ཡ་ནཱ་ས་ནེ.
༩༦༧. ‘‘ཀྱཱ་སྶ བྱ་པྤ་ཐ་ཡོ ཨ་སྶུ, ཀྱཱ་སྶ་སྶུ ཨི་དྷ གོ་ཙ་རཱ;
ཀཱ་ནི སཱི་ལ་བྦ་ཏཱ་ནཱ་སྶུ, པ་ཧི་ཏ་ཏྟ་སྶ བྷི་ཀྑུ་ནོ.
༩༦༨. ‘‘ཀཾ སོ སི་ཀྑཾ ས་མཱ་དཱ་ཡ, ཨེ་ཀོ་དི ནི་པ་ཀོ ས་ཏོ;
ཀ་མྨཱ་རོ ར་ཛ་ཏ་སྶེ་ཝ, ནི་དྡྷ་མེ མ་ལ་མ་ཏྟ་ནོ’’.
༩༦༩. ‘‘ཝི་ཛི་གུ་ཙྪ་མཱ་ན་སྶ ཡ་དི་དཾ ཕཱ་སུ, (སཱ་རི་པུ་ཏྟཱ་ཏི བྷ་ག་ཝཱ)
རི་ཏྟཱ་ས་ནཾ ས་ཡ་ནཾ སེ་ཝ་ཏོ ཙེ;
ས་མྦོ་དྷི་ཀཱ་མ་སྶ ཡ་ཐཱ་ནུ་དྷ་མྨཾ,
ཏཾ ཏེ པ་ཝ་ཀྑཱ་མི ཡ་ཐཱ པ་ཛཱ་ནཾ.
༩༧༠. ‘‘པ་ཉྩ་ནྣཾ དྷཱི་རོ བྷ་ཡཱ་ནཾ ན བྷཱ་ཡེ, བྷི་ཀྑུ ས་ཏོ ས་པ་རི་ཡ་ནྟ་ཙཱ་རཱི;
ཌཾ་སཱ་དྷི་པཱ་ཏཱ་ནཾ ས་རཱི་ས་པཱ་ནཾ, མ་ནུ་སྶ་ཕ་སྶཱ་ནཾ ཙ་ཏུ་པྤ་དཱ་ནཾ.
༩༧༡. ‘‘པ་ར་དྷ་མྨི་ཀཱ་ན་མྤི ན ས་ནྟ་སེ་ཡྻ, དི་སྭཱ་པི ཏེ་སཾ བ་ཧུ་བྷེ་ར་ཝཱ་ནི;
ཨ་ཐཱ་པ་རཱ་ནི ཨ་བྷི་ས་མྦྷ་ཝེ་ཡྻ, པ་རི་སྶ་ཡཱ་ནི ཀུ་ས་ལཱ་ནུ་ཨེ་སཱི.
༩༧༢. ‘‘ཨཱ་ཏ་ངྐ་ཕ་སྶེ་ན ཁུ་དཱ་ཡ ཕུ་ཊྛོ, སཱི་ཏཾ ཨ་ཏུ་ཎྷཾ [ཨ་ཙྩུ་ཎྷཾ (སཱི. སྱཱ.)] ཨ་དྷི་ཝཱ་ས་ཡེ་ཡྻ;
སོ ཏེ་ཧི ཕུ་ཊྛོ བ་ཧུ་དྷཱ ཨ་ནོ་ཀོ, ཝཱི་རི་ཡཾ པ་ར་ཀྐ་མྨ་ད་ལ༹ྷཾ ཀ་རེ་ཡྻ.
༩༧༣. ‘‘ཐེ་ཡྻཾ ན ཀཱ་རེ [ན ཀ་རེ་ཡྻ (སཱི. སྱཱ. ཀ.)] ན མུ་སཱ བྷ་ཎེ་ཡྻ, མེ་ཏྟཱ་ཡ ཕ་སྶེ ཏ་ས་ཐཱ་ཝ་རཱ་ནི;
ཡ་དཱ་ཝི་ལ་ཏྟཾ མ་ན་སོ ཝི་ཛ་ཉྙཱ, ཀ་ཎྷ་སྶ པ་ཀྑོ་ཏི ཝི་ནོ་ད་ཡེ་ཡྻ.
༩༧༤. ‘‘ཀོ་དྷཱ་ཏི་མཱ་ན་སྶ ཝ་སཾ ན ག་ཙྪེ, མཱུ་ལ་མྤི ཏེ་སཾ པ་ལི་ཁ་ཉྙ ཏི་ཊྛེ;
ཨ་ཐ་པྤི་ཡཾ ཝཱ པ་ན ཨ་པྤི་ཡཾ ཝཱ, ཨ་དྡྷཱ བྷ་ཝ་ནྟོ ཨ་བྷི་ས་མྦྷ་ཝེ་ཡྻ.
༩༧༥. ‘‘པ་ཉྙཾ པུ་ར་ཀྑ་ཏྭཱ ཀ་ལྱཱ་ཎ་པཱི་ཏི, ཝི་ཀྑ་མྦྷ་ཡེ ཏཱ་ནི པ་རི་སྶ་ཡཱ་ནི;
ཨ་ར་ཏིཾ ས་ཧེ་ཐ ས་ཡ་ན་མྷི པ་ནྟེ, ཙ་ཏུ་རོ ས་ཧེ་ཐ པ་རི་དེ་ཝ་དྷ་མྨེ.
༩༧༦. ‘‘ཀིཾ་སཱུ ཨ་སི་སྶཱ་མི ཀུ་ཝཾ ཝཱ [ཀུ་དྷ ཝཱ (ཀ.), ཀུ་ཐ ཝཱ (ནི་དྡེ་ས)] ཨ་སི་སྶཾ, དུ་ཀྑཾ ཝ་ཏ སེ་ཏྠ ཀྭ་ཛྫ སེ་སྶཾ;
ཨེ་ཏེ ཝི་ཏ་ཀྐེ པ་རི་དེ་ཝ་ནེ་ཡྻེ, ཝི་ན་ཡེ་ཐ སེ་ཁོ ཨ་ནི་ཀེ་ཏ་ཙཱ་རཱི.
༩༧༧. ‘‘ཨ་ནྣ་ཉྩ ལ་དྡྷཱ ཝ་ས་ན་ཉྩ ཀཱ་ལེ, མ་ཏྟཾ སོ ཛ་ཉྙཱ ཨི་དྷ ཏོ་ས་ན་ཏྠཾ;
སོ ཏེ་སུ གུ་ཏྟོ ཡ་ཏ་ཙཱ་རི གཱ་མེ, རུ་སི་ཏོ་པི ཝཱ་ཙཾ ཕ་རུ་སཾ ན ཝ་ཛྫཱ.
༩༧༨. ‘‘ཨོ་ཀྑི་ཏྟ་ཙ་ཀྑུ ན ཙ པཱ་ད་ལོ་ལོ, ཛྷཱ་ནཱ་ནུ་ཡུ་ཏྟོ བ་ཧུ་ཛཱ་ག་ར་སྶ;
ཨུ་པེ་ཀྑ་མཱ་ར་བྦྷ ས་མཱ་ཧི་ཏ་ཏྟོ, ཏ་ཀྐཱ་ས་ཡཾ ཀུ་ཀྐུ་ཙྩི་ཡཱུ་པ་ཚི་ནྡེ.
༩༧༩. ‘‘ཙུ་དི་ཏོ ཝ་ཙཱི་བྷི ས་ཏི་མཱ་བྷི་ན་ནྡེ, ས་བྲ་ཧྨ་ཙཱ་རཱི་སུ ཁི་ལཾ པ་བྷི་ནྡེ;
ཝཱ་ཙཾ པ་མུ་ཉྩེ ཀུ་ས་ལཾ ནཱ་ཏི་ཝེ་ལཾ, ཛ་ན་ཝཱ་ད་དྷ་མྨཱ་ཡ ན ཙེ་ཏ་ཡེ་ཡྻ.
༩༨༠. ‘‘ཨ་ཐཱ་པ་རཾ པ་ཉྩ ར་ཛཱ་ནི ལོ་ཀེ, ཡེ་སཾ ས་ཏཱི་མཱ ཝི་ན་ཡཱ་ཡ སི་ཀྑེ;
རཱུ་པེ་སུ ས་དྡེ་སུ ཨ་ཐོ ར་སེ་སུ, ག་ནྡྷེ་སུ ཕ་སྶེ་སུ ས་ཧེ་ཐ རཱ་གཾ.
༩༨༡. ‘‘ཨེ་ཏེ་སུ དྷ་མྨེ་སུ ཝི་ནེ་ཡྻ ཚ་ནྡཾ, བྷི་ཀྑུ ས་ཏི་མཱ སུ་ཝི་མུ་ཏྟ་ཙི་ཏྟོ;
ཀཱ་ལེ་ན སོ ས་མྨཱ དྷ་མྨཾ པ་རི་ཝཱི་མཾ་ས་མཱ་ནོ,
ཨེ་ཀོ་དི་བྷཱུ་ཏོ ཝི་ཧ་ནེ ཏ་མཾ སོ’’ཏི.
སཱ་རི་པུ་ཏྟ་སུ་ཏྟཾ སོ་ལ༹་ས་མཾ ནི་ཊྛི་ཏཾ.
ཨ་ཊྛ་ཀ་ཝ་གྒོ ཙ་ཏུ་ཏྠོ