༡༤. ཏུ་ཝ་ཊ་ཀ་སུ་ཏྟཾ
༩༢༡. ‘‘པུ་ཙྪཱ་མི ཏཾ ཨཱ་དི་ཙྩ་བ་ནྡྷུ [ཨཱ་དི་ཙྩ་བ་ནྡྷུཾ (སཱི. སྱཱ.)], ཝི་ཝེ་ཀཾ ས་ནྟི་པ་ད་ཉྩ མ་ཧེ་སི;
ཀ་ཐཾ དི་སྭཱ ནི་བྦཱ་ཏི བྷི་ཀྑུ, ཨ་ནུ་པཱ་དི་ཡཱ་ནོ ལོ་ཀ་སྨིཾ ཀི་ཉྩི’’.
༩༢༢. ‘‘མཱུ་ལཾ པ་པ་ཉྩ་ས་ངྑཱ་ཡ, (ཨི་ཏི བྷ་ག་ཝཱ)
མ་ནྟཱ ཨ་སྨཱི་ཏི ས་བྦ་མུ་པ་རུ་ནྡྷེ [ས་བྦ་མུ་པ་རུ་དྡྷེ (སྱཱ. པཱི. ཀ.)];
ཡཱ ཀཱ་ཙི ཏ་ཎྷཱ ཨ་ཛ྄ཛྷ་ཏྟཾ,
ཏཱ་སཾ ཝི་ན་ཡཱ [ཝི་ན་ཡཱ་ཡ (?)] ས་དཱ ས་ཏོ སི་ཀྑེ.
༩༢༣. ‘‘ཡཾ ཀི་ཉྩི དྷ་མྨ་མ་བྷི་ཛ་ཉྙཱ, ཨ་ཛ྄ཛྷ་ཏྟཾ ཨ་ཐ་ཝཱ་པི བ་ཧི་དྡྷཱ;
ན ཏེ་ན ཐཱ་མཾ [མཱ་ནཾ (སཱི. ཀ.)] ཀུ་བྦེ་ཐ, ན ཧི སཱ ནི་བྦུ་ཏི ས་ཏཾ ཝུ་ཏྟཱ.
༩༢༤. ‘‘སེ་ཡྻོ ན ཏེ་ན མ་ཉྙེ་ཡྻ, ནཱི་ཙེ་ཡྻོ ཨ་ཐ་ཝཱ་པི ས་རི་ཀྑོ;
ཕུ་ཊྛོ [པུ་ཊྛོ (སཱི. སྱཱ. ཀ.)] ཨ་ནེ་ཀ་རཱུ་པེ་ཧི, ནཱ་ཏུ་མཱ་ནཾ ཝི་ཀ་པྤ་ཡཾ ཏི་ཊྛེ.
༩༢༥. ‘‘ཨ་ཛ྄ཛྷ་ཏྟ་མེ་ཝུ་པ་ས་མེ, ན ཨ་ཉྙ་ཏོ བྷི་ཀྑུ ས་ནྟི་མེ་སེ་ཡྻ;
ཨ་ཛ྄ཛྷ་ཏྟཾ ཨུ་པ་ས་ནྟ་སྶ, ན་ཏྠི ཨ་ཏྟཱ ཀུ་ཏོ ནི་ར་ཏྟཱ ཝཱ.
༩༢༦. ‘‘མ་ཛ྄ཛྷེ ཡ་ཐཱ ས་མུ་དྡ་སྶ, ཨཱུ་མི ནོ ཛཱ་ཡ་ཏཱི ཋི་ཏོ ཧོ་ཏི;
ཨེ་ཝཾ ཋི་ཏོ ཨ་ནེ་ཛ་སྶ, ཨུ་སྶ་དཾ བྷི་ཀྑུ ན ཀ་རེ་ཡྻ ཀུ་ཧི་ཉྩི’’.
༩༢༧. ‘‘ཨ་ཀི་ཏྟ་ཡཱི ཝི་ཝ་ཊ་ཙ་ཀྑུ, ས་ཀྑི་དྷ་མྨཾ པ་རི་སྶ་ཡ་ཝི་ན་ཡཾ;
པ་ཊི་པ་དཾ ཝ་དེ་ཧི བྷ་དྡ་ནྟེ, པཱ་ཏི་མོ་ཀྑཾ ཨ་ཐ་ཝཱ་པི ས་མཱ་དྷིཾ’’.
༩༢༨. ‘‘ཙ་ཀྑཱུ་ཧི ནེ་ཝ ལོ་ལ་སྶ, གཱ་མ་ཀ་ཐཱ་ཡ ཨཱ་ཝ་ར་ཡེ སོ་ཏཾ;
ར་སེ ཙ ནཱ་ནུ་གི་ཛ྄ཛྷེ་ཡྻ, ན ཙ མ་མཱ་ཡེ་ཐ ཀི་ཉྩི ལོ་ཀ་སྨིཾ.
༩༢༩. ‘‘ཕ་སྶེ་ན ཡ་དཱ ཕུ་ཊྛ་སྶ, པ་རི་དེ་ཝཾ བྷི་ཀྑུ ན ཀ་རེ་ཡྻ ཀུ་ཧི་ཉྩི;
བྷ་ཝ་ཉྩ ནཱ་བྷི་ཛ་པྤེ་ཡྻ, བྷེ་ར་ཝེ་སུ ཙ ན ས་མྤ་ཝེ་དྷེ་ཡྻ.
༩༣༠. ‘‘ཨ་ནྣཱ་ན་མ་ཐོ པཱ་ནཱ་ནཾ, ཁཱ་ད་ནཱི་ཡཱ་ནཾ ཨ་ཐོ་པི ཝ་ཏྠཱ་ནཾ;
ལ་དྡྷཱ ན ས་ནྣི་དྷིཾ ཀ་ཡི་རཱ, ན ཙ པ་རི་ཏྟ་སེ ཏཱ་ནི ཨ་ལ་བྷ་མཱ་ནོ.
༩༣༡. ‘‘ཛྷཱ་ཡཱི ན པཱ་ད་ལོ་ལ་སྶ, ཝི་ར་མེ ཀུ་ཀྐུ་ཙྩཱ ན་པྤ་མ་ཛྫེ་ཡྻ;
ཨ་ཐཱ་ས་ནེ་སུ ས་ཡ་ནེ་སུ, ཨ་པྤ་ས་དྡེ་སུ བྷི་ཀྑུ ཝི་ཧ་རེ་ཡྻ.
༩༣༢. ‘‘ནི་དྡཾ ན བ་ཧུ་ལཱི་ཀ་རེ་ཡྻ, ཛཱ་ག་རི་ཡཾ བྷ་ཛེ་ཡྻ ཨཱ་ཏཱ་པཱི;
ཏ་ནྡིཾ མཱ་ཡཾ ཧ་སྶཾ ཁི་ཌྜཾ, མེ་ཐུ་ནཾ ཝི་པྤ་ཛ་ཧེ ས་ཝི་བྷཱུ་སཾ.
༩༣༣. ‘‘ཨཱ་ཐ་བྦ་ཎཾ སུ་པི་ནཾ ལ་ཀྑ་ཎཾ, ནོ ཝི་ད་ཧེ ཨ་ཐོ་པི ན་ཀྑ་ཏྟཾ;
ཝི་རུ་ཏ་ཉྩ ག་བྦྷ་ཀ་ར་ཎཾ, ཏི་ཀི་ཙྪཾ མཱ་མ་ཀོ ན སེ་ཝེ་ཡྻ.
༩༣༤. ‘‘ནི་ནྡཱ་ཡ ན་པྤ་ཝེ་དྷེ་ཡྻ, ན ཨུ་ཎྞ་མེ་ཡྻ པ་སཾ་སི་ཏོ བྷི་ཀྑུ;
ལོ་བྷཾ ས་ཧ མ་ཙྪ་རི་ཡེ་ན, ཀོ་དྷཾ པེ་སུ་ཎི་ཡ་ཉྩ པ་ནུ་དེ་ཡྻ.
༩༣༥. ‘‘ཀ་ཡ་ཝི་ཀྐ་ཡེ ན ཏི་ཊྛེ་ཡྻ, ཨུ་པ་ཝཱ་དཾ བྷི་ཀྑུ ན ཀ་རེ་ཡྻ ཀུ་ཧི་ཉྩི;
གཱ་མེ ཙ ནཱ་བྷི་ས་ཛྫེ་ཡྻ, ལཱ་བྷ་ཀ་མྱཱ ཛ་ནཾ ན ལ་པ་ཡེ་ཡྻ.
༩༣༦. ‘‘ན ཙ ཀ་ཏྠི་ཏཱ སི་ཡཱ བྷི་ཀྑུ, ན ཙ ཝཱ་ཙཾ པ་ཡུ་ཏྟཾ བྷཱ་སེ་ཡྻ;
པཱ་ག་བྦྷི་ཡཾ ན སི་ཀྑེ་ཡྻ, ཀ་ཐཾ ཝི་གྒཱ་ཧི་ཀཾ ན ཀ་ཐ་ཡེ་ཡྻ.
༩༣༧. ‘‘མོ་ས་ཝ་ཛྫེ ན ནཱི་ཡེ་ཐ, ས་མྤ་ཛཱ་ནོ ས་ཋཱ་ནི ན ཀ་ཡི་རཱ;
ཨ་ཐ ཛཱི་ཝི་ཏེ་ན པ་ཉྙཱ་ཡ, སཱི་ལ་བྦ་ཏེ་ན ནཱ་ཉྙ་མ་ཏི་མ་ཉྙེ.
༩༣༨. ‘‘སུ་ཏྭཱ རུ་སི་ཏོ བ་ཧུཾ ཝཱ་ཙཾ, ས་མ་ཎཱ་ནཾ ཝཱ པུ་ཐུ་ཛ་ནཱ་ནཾ [པུ་ཐུ་ཝ་ཙ་ནཱ་ནཾ (སཱི. སྱཱ. པཱི.)];
ཕ་རུ་སེ་ན ནེ ན པ་ཊི་ཝ་ཛྫཱ, ན ཧི ས་ནྟོ པ་ཊི་སེ་ནི་ཀ་རོ་ནྟི.
༩༣༩. ‘‘ཨེ་ཏ་ཉྩ དྷ་མྨ་མ་ཉྙཱ་ཡ, ཝི་ཙི་ནཾ བྷི་ཀྑུ ས་དཱ ས་ཏོ སི་ཀྑེ;
ས་ནྟཱི་ཏི ནི་བྦུ་ཏིཾ ཉ་ཏྭཱ, སཱ་ས་ནེ གོ་ཏ་མ་སྶ ན པ་མ་ཛྫེ་ཡྻ.
༩༤༠. ‘‘ཨ་བྷི་བྷཱུ ཧི སོ ཨ་ན་བྷི་བྷཱུ་ཏོ, ས་ཀྑི་དྷ་མྨ་མ་ནཱི་ཏི་ཧ་མ་ད་སྶཱི;
ཏ་སྨཱ ཧི ཏ་སྶ བྷ་ག་ཝ་ཏོ སཱ་ས་ནེ, ཨ་པྤ་མ་ཏྟོ ས་དཱ ན་མ་སྶ་མ་ནུ་སི་ཀྑེ’’ཏི.
ཏུ་ཝ་ཊ་ཀ་སུ་ཏྟཾ ཙུ་དྡ་ས་མཾ ནི་ཊྛི་ཏཾ.