༡༠. ཀོ་ཀཱ་ལི་ཀ་སུ་ཏྟཾ
ཨེ་ཝཾ མེ སུ་ཏཾ – ཨེ་ཀཾ ས་མ་ཡཾ བྷ་ག་ཝཱ སཱ་ཝ་ཏྠི་ཡཾ ཝི་ཧ་ར་ཏི ཛེ་ཏ་ཝ་ནེ ཨ་ནཱ་ཐ་པི་ཎྜི་ཀ་སྶ ཨཱ་རཱ་མེ. ཨ་ཐ ཁོ ཀོ་ཀཱ་ལི་ཀོ བྷི་ཀྑུ ཡེ་ན བྷ་ག་ཝཱ ཏེ་ནུ་པ་ས་ངྐ་མི; ཨུ་པ་ས་ངྐ་མི་ཏྭཱ བྷ་ག་ཝ་ནྟཾ ཨ་བྷི་ཝཱ་དེ་ཏྭཱ ཨེ་ཀ་མ་ནྟཾ ནི་སཱི་དི. ཨེ་ཀ་མ་ནྟཾ ནི་སི་ནྣོ ཁོ ཀོ་ཀཱ་ལི་ཀོ བྷི་ཀྑུ བྷ་ག་ཝ་ནྟཾ ཨེ་ཏ་ད་ཝོ་ཙ – ‘‘པཱ་པི་ཙྪཱ, བྷ་ནྟེ, སཱ་རི་པུ་ཏྟ་མོ་གྒ་ལླཱ་ནཱ, པཱ་པི་ཀཱ་ནཾ ཨི་ཙྪཱ་ནཾ ཝ་སཾ ག་ཏཱ’’ཏི.
ཨེ་ཝཾ ཝུ་ཏྟེ, བྷ་ག་ཝཱ ཀོ་ཀཱ་ལི་ཀཾ བྷི་ཀྑུཾ ཨེ་ཏ་ད་ཝོ་ཙ – ‘‘མཱ ཧེ་ཝཾ, ཀོ་ཀཱ་ལི་ཀ, མཱ ཧེ་ཝཾ, ཀོ་ཀཱ་ལི་ཀ! པ་སཱ་དེ་ཧི, ཀོ་ཀཱ་ལི་ཀ, སཱ་རི་པུ་ཏྟ་མོ་གྒ་ལླཱ་ནེ་སུ ཙི་ཏྟཾ. པེ་ས་ལཱ སཱ་རི་པུ་ཏྟ་མོ་གྒ་ལླཱ་ནཱ’’ཏི.
དུ་ཏི་ཡ་མྤི ཁོ…པེ… ཏ་ཏི་ཡ་མྤི ཁོ ཀོ་ཀཱ་ལི་ཀོ བྷི་ཀྑུ བྷ་ག་ཝ་ནྟཾ ཨེ་ཏ་ད་ཝོ་ཙ – ‘‘ཀི་ཉྩཱ་པི མེ, བྷ་ནྟེ, བྷ་ག་ཝཱ ས་དྡྷཱ་ཡི་ཀོ པ་ཙྩ་ཡི་ཀོ, ཨ་ཐ ཁོ པཱ་པི་ཙྪཱ་ཝ སཱ་རི་པུ་ཏྟ་མོ་གྒ་ལླཱ་ནཱ, པཱ་པི་ཀཱ་ནཾ ཨི་ཙྪཱ་ནཾ ཝ་སཾ ག་ཏཱ’’ཏི. ཏ་ཏི་ཡ་མྤི ཁོ བྷ་ག་ཝཱ ཀོ་ཀཱ་ལི་ཀཾ བྷི་ཀྑུཾ ཨེ་ཏ་ད་ཝོ་ཙ – ‘‘མཱ ཧེ་ཝཾ, ཀོ་ཀཱ་ལི་ཀ, མཱ ཧེ་ཝཾ, ཀོ་ཀཱ་ལི་ཀ! པ་སཱ་དེ་ཧི, ཀོ་ཀཱ་ལི་ཀ, སཱ་རི་པུ་ཏྟ་མོ་གྒ་ལླཱ་ནེ་སུ ཙི་ཏྟཾ. པེ་ས་ལཱ སཱ་རི་པུ་ཏྟ་མོ་གྒ་ལླཱ་ནཱ’’ཏི.
ཨ་ཐ ཁོ ཀོ་ཀཱ་ལི་ཀོ བྷི་ཀྑུ ཨུ་ཊྛཱ་ཡཱ་ས་ནཱ བྷ་ག་ཝ་ནྟཾ ཨ་བྷི་ཝཱ་དེ་ཏྭཱ པ་ད་ཀྑི་ཎཾ ཀ་ཏྭཱ པ་ཀྐཱ་མི. ཨ་ཙི་ར་པྤ་ཀྐ་ནྟ་སྶ ཙ ཀོ་ཀཱ་ལི་ཀ་སྶ བྷི་ཀྑུ་ནོ སཱ་ས་པ་མ་ཏྟཱི་ཧི པི་ལ༹་ཀཱ་ཧི ས་བྦོ ཀཱ་ཡོ ཕུ་ཊོ [ཕུ་ཊྛོ (སྱཱ.)] ཨ་ཧོ་སི; སཱ་ས་པ་མ་ཏྟི་ཡོ ཧུ་ཏྭཱ མུ་གྒ་མ་ཏྟི་ཡོ ཨ་ཧེ་སུཾ; མུ་གྒ་མ་ཏྟི་ཡོ ཧུ་ཏྭཱ ཀ་ལཱ༹་ཡ་མ་ཏྟི་ཡོ ཨ་ཧེ་སུཾ; ཀ་ལཱ༹་ཡ་མ་ཏྟི་ཡོ ཧུ་ཏྭཱ ཀོ་ལ་ཊྛི་མ་ཏྟི་ཡོ ཨ་ཧེ་སུཾ; ཀོ་ལ་ཊྛི་མ་ཏྟི་ཡོ ཧུ་ཏྭཱ ཀོ་ལ་མ་ཏྟི་ཡོ ཨ་ཧེ་སུཾ; ཀོ་ལ་མ་ཏྟི་ཡོ ཧུ་ཏྭཱ ཨཱ་མ་ལ་ཀ་མ་ཏྟི་ཡོ ཨ་ཧེ་སུཾ; ཨཱ་མ་ལ་ཀ་མ་ཏྟི་ཡོ ཧུ་ཏྭཱ བེ་ལུ༹་ཝ་ས་ལཱ་ཊུ་ཀ་མ་ཏྟི་ཡོ ཨ་ཧེ་སུཾ; བེ་ལུ༹་ཝ་ས་ལཱ་ཊུ་ཀ་མ་ཏྟི་ཡོ ཧུ་ཏྭཱ བི་ལླ་མ་ཏྟི་ཡོ ཨ་ཧེ་སུཾ; བི་ལླ་མ་ཏྟི་ཡོ ཧུ་ཏྭཱ པ་བྷི་ཛྫིཾ་སུ; པུ་བྦ་ཉྩ ལོ་ཧི་ཏ་ཉྩ པ་གྒྷ་རིཾ་སུ. ཨ་ཐ ཁོ ཀོ་ཀཱ་ལི་ཀོ བྷི་ཀྑུ ཏེ་ནེ་ཝཱ་བཱ་དྷེ་ན ཀཱ་ལ་མ་ཀཱ་སི. ཀཱ་ལ་ངྐ་ཏོ ཙ ཀོ་ཀཱ་ལི་ཀོ བྷི་ཀྑུ པ་དུ་མཾ ནི་ར་ཡཾ ཨུ་པ་པ་ཛྫི སཱ་རི་པུ་ཏྟ་མོ་གྒ་ལླཱ་ནེ་སུ ཙི་ཏྟཾ ཨཱ་གྷཱ་ཏེ་ཏྭཱ.
ཨ་ཐ ཁོ བྲ་ཧྨཱ ས་ཧ་མྤ་ཏི ཨ་བྷི་ཀྐ་ནྟཱ་ཡ ར་ཏྟི་ཡཱ ཨ་བྷི་ཀྐ་ནྟ་ཝ་ཎྞོ ཀེ་ཝ་ལ་ཀ་པྤཾ ཛེ་ཏ་ཝ་ནཾ ཨོ་བྷཱ་སེ་ཏྭཱ ཡེ་ན བྷ་ག་ཝཱ ཏེ་ནུ་པ་ས་ངྐ་མི; ཨུ་པ་ས་ངྐ་མི་ཏྭཱ བྷ་ག་ཝ་ནྟཾ ཨ་བྷི་ཝཱ་དེ་ཏྭཱ ཨེ་ཀ་མ་ནྟཾ ཨ་ཊྛཱ་སི. ཨེ་ཀ་མ་ནྟཾ, ཋི་ཏོ ཁོ བྲ་ཧྨཱ ས་ཧ་མྤ་ཏི བྷ་ག་ཝ་ནྟཾ ཨེ་ཏ་ད་ཝོ་ཙ – ‘‘ཀོ་ཀཱ་ལི་ཀོ, བྷ་ནྟེ, བྷི་ཀྑུ ཀཱ་ལ་ངྐ་ཏོ; ཀཱ་ལ་ངྐ་ཏོ ཙ, བྷ་ནྟེ, ཀོ་ཀཱ་ལི་ཀོ བྷི་ཀྑུ པ་དུ་མཾ ནི་ར་ཡཾ ཨུ་པ་པ་ནྣོ སཱ་རི་པུ་ཏྟ་མོ་གྒ་ལླཱ་ནེ་སུ ཙི་ཏྟཾ ཨཱ་གྷཱ་ཏེ་ཏྭཱ’’ཏི. ཨི་ད་མ་ཝོ་ཙ བྲ་ཧྨཱ ས་ཧ་མྤ་ཏི; ཨི་དཾ ཝ་ཏྭཱ བྷ་ག་ཝ་ནྟཾ ཨ་བྷི་ཝཱ་དེ་ཏྭཱ པ་ད་ཀྑི་ཎཾ ཀ་ཏྭཱ ཏ་ཏྠེ་ཝ་ནྟ་ར་དྷཱ་ཡི.
ཨ་ཐ ཁོ བྷ་ག་ཝཱ ཏ་སྶཱ ར་ཏྟི་ཡཱ ཨ་ཙྩ་ཡེ་ན བྷི་ཀྑཱུ ཨཱ་མ་ནྟེ་སི – ‘‘ཨི་མཾ, བྷི་ཀྑ་ཝེ, ར་ཏྟིཾ བྲ་ཧྨཱ ས་ཧ་མྤ་ཏི ཨ་བྷི་ཀྐ་ནྟཱ་ཡ ར་ཏྟི་ཡཱ…པེ… ཨི་ད་མ་ཝོ་ཙ, བྷི་ཀྑ་ཝེ, བྲ་ཧྨཱ ས་ཧ་མྤ་ཏི, ཨི་དཾ ཝ་ཏྭཱ མཾ པ་ད་ཀྑི་ཎཾ ཀ་ཏྭཱ ཏ་ཏྠེ་ཝ་ནྟ་ར་དྷཱ་ཡཱི’’ཏི.
ཨེ་ཝཾ ཝུ་ཏྟེ, ཨ་ཉྙ་ཏ་རོ བྷི་ཀྑུ བྷ་ག་ཝ་ནྟཾ ཨེ་ཏ་ད་ཝོ་ཙ – ‘‘ཀཱི་ཝ་དཱི་གྷཾ ནུ ཁོ, བྷ་ནྟེ, པ་དུ་མེ ནི་ར་ཡེ ཨཱ་ཡུ་པྤ་མཱ་ཎ’’ནྟི? ‘‘དཱི་གྷཾ ཁོ, བྷི་ཀྑུ, པ་དུ་མེ ནི་ར་ཡེ ཨཱ་ཡུ་པྤ་མཱ་ཎཾ; ཏཾ ན སུ་ཀ་རཾ ས་ངྑཱ་ཏུཾ ཨེ་ཏྟ་ཀཱ་ནི ཝ་སྶཱ་ནི ཨི་ཏི ཝཱ ཨེ་ཏྟ་ཀཱ་ནི ཝ་སྶ་ས་ཏཱ་ནི ཨི་ཏི ཝཱ ཨེ་ཏྟ་ཀཱ་ནི ཝ་སྶ་ས་ཧ་སྶཱ་ནི ཨི་ཏི ཝཱ ཨེ་ཏྟ་ཀཱ་ནི ཝ་སྶ་ས་ཏ་ས་ཧ་སྶཱ་ནི ཨི་ཏི ཝཱ’’ཏི. ‘‘ས་ཀྐཱ པ་ན, བྷ་ནྟེ, ཨུ་པ་མཱ [ཨུ་པ་མཾ (སཱི. སྱཱ. ཀ.)] ཀཱ་ཏུ’’ནྟི? ‘‘ས་ཀྐཱ, བྷི་ཀྑཱུ’’ཏི བྷ་ག་ཝཱ ཨ་ཝོ་ཙ –
‘‘སེ་ཡྻ་ཐཱ་པི, བྷི་ཀྑུ, ཝཱི་ས་ཏི་ཁཱ་རི་ཀོ ཀོ་ས་ལ་ཀོ ཏི་ལ་ཝཱ་ཧོ; ཏ་ཏོ པུ་རི་སོ ཝ་སྶ་ས་ཏ་སྶ ཝ་སྶ་ས་ཏ་སྶ ཨ་ཙྩ་ཡེ་ན ཨེ་ཀ་མེ་ཀཾ ཏི་ལཾ ཨུ་དྡྷ་རེ་ཡྻ. ཁི་པྤ་ཏ་རཾ ཁོ སོ བྷི་ཀྑུ ཝཱི་ས་ཏི་ཁཱ་རི་ཀོ ཀོ་ས་ལ་ཀོ ཏི་ལ་ཝཱ་ཧོ ཨི་མི་ནཱ ཨུ་པ་ཀྐ་མེ་ན པ་རི་ཀྑ་ཡཾ པ་རི་ཡཱ་དཱ་ནཾ ག་ཙྪེ་ཡྻ, ན་ཏྭེ་ཝ ཨེ་ཀོ ཨ་བྦུ་དོ ནི་ར་ཡོ. སེ་ཡྻ་ཐཱ་པི, བྷི་ཀྑུ, ཝཱི་ས་ཏི ཨ་བྦུ་དཱ ནི་ར་ཡཱ ཨེ་ཝ་མེ་ཀོ ནི་ར་བྦུ་དོ ནི་ར་ཡོ. སེ་ཡྻ་ཐཱ་པི, བྷི་ཀྑུ, ཝཱི་ས་ཏི ནི་ར་བྦུ་དཱ ནི་ར་ཡཱ ཨེ་ཝ་མེ་ཀོ ཨ་བ་བོ ནི་ར་ཡོ. སེ་ཡྻ་ཐཱ་པི, བྷི་ཀྑུ, ཝཱི་ས་ཏི ཨ་བ་བཱ ནི་ར་ཡཱ ཨེ་ཝ་མེ་ཀོ ཨ་ཧ་ཧོ ནི་ར་ཡོ. སེ་ཡྻ་ཐཱ་པི, བྷི་ཀྑུ, ཝཱི་ས་ཏི ཨ་ཧ་ཧཱ ནི་ར་ཡཱ ཨེ་ཝ་མེ་ཀོ ཨ་ཊ་ཊོ ནི་ར་ཡོ. སེ་ཡྻ་ཐཱ་པི, བྷི་ཀྑུ, ཝཱི་ས་ཏི ཨ་ཊ་ཊཱ ནི་ར་ཡཱ ཨེ་ཝ་མེ་ཀོ ཀུ་མུ་དོ ནི་ར་ཡོ. སེ་ཡྻ་ཐཱ་པི, བྷི་ཀྑུ, ཝཱི་ས་ཏི ཀུ་མུ་དཱ ནི་ར་ཡཱ ཨེ་ཝ་མེ་ཀོ སོ་ག་ནྡྷི་ཀོ ནི་ར་ཡོ. སེ་ཡྻ་ཐཱ་པི, བྷི་ཀྑུ, ཝཱི་ས་ཏི སོ་ག་ནྡྷི་ཀཱ ནི་ར་ཡཱ ཨེ་ཝ་མེ་ཀོ ཨུ་པྤ་ལ་ཀོ ནི་ར་ཡོ. སེ་ཡྻ་ཐཱ་པི, བྷི་ཀྑུ, ཝཱི་ས་ཏི ཨུ་པྤ་ལ་ཀཱ ནི་ར་ཡཱ ཨེ་ཝ་མེ་ཀོ པུ་ཎྜ་རཱི་ཀོ ནི་ར་ཡོ. སེ་ཡྻ་ཐཱ་པི, བྷི་ཀྑུ, ཝཱི་ས་ཏི པུ་ཎྜ་རཱི་ཀཱ ནི་ར་ཡཱ ཨེ་ཝ་མེ་ཀོ པ་དུ་མོ ནི་ར་ཡོ. པ་དུ་མཾ ཁོ པ་ན བྷི་ཀྑུ ནི་ར་ཡཾ ཀོ་ཀཱ་ལི་ཀོ བྷི་ཀྑུ ཨུ་པ་པ་ནྣོ སཱ་རི་པུ་ཏྟ་མོ་གྒ་ལླཱ་ནེ་སུ ཙི་ཏྟཾ ཨཱ་གྷཱ་ཏེ་ཏྭཱ’’ཏི. ཨི་ད་མ་ཝོ་ཙ བྷ་ག་ཝཱ, ཨི་དཾ ཝ་ཏྭཱ་ན སུ་ག་ཏོ ཨ་ཐཱ་པ་རཾ ཨེ་ཏ་ད་ཝོ་ཙ ས་ཏྠཱ –
༦༦༢. ‘‘པུ་རི་ས་སྶ ཧི ཛཱ་ཏ་སྶ, ཀུ་ཋཱ་རཱི [ཀུ་དྷཱ་རཱི (ཀ.)] ཛཱ་ཡ་ཏེ མུ་ཁེ;
ཡཱ་ཡ ཚི་ནྡ་ཏི ཨ་ཏྟཱ་ནཾ, བཱ་ལོ དུ་བྦྷཱ་སི་ཏཾ བྷ་ཎཾ.
༦༦༣. ‘‘ཡོ ནི་ནྡི་ཡཾ པ་སཾ་ས་ཏི, ཏཾ ཝཱ ནི་ནྡ་ཏི ཡོ པ་སཾ་སི་ཡོ;
ཝི་ཙི་ནཱ་ཏི མུ་ཁེ་ན སོ ཀ་ལིཾ, ཀ་ལི་ནཱ ཏེ་ན སུ་ཁཾ ན ཝི་ནྡ་ཏི.
༦༦༤. ‘‘ཨ་པྤ་མ་ཏྟོ ཨ་ཡཾ ཀ་ལི, ཡོ ཨ་ཀྑེ་སུ དྷ་ན་པ་རཱ་ཛ་ཡོ;
ས་བྦ་སྶཱ་པི ས་ཧཱ་པི ཨ་ཏྟ་ནཱ, ཨ་ཡ་མེ་ཝ མ་ཧ་ཏྟ་རོ [མ་ཧ་ནྟ་ཀ་རོ (སཱི.)] ཀ་ལི;
ཡོ སུ་ག་ཏེ་སུ མ་ནཾ པ་དོ་ས་ཡེ.
༦༦༥. ‘‘ས་ཏཾ ས་ཧ་སྶཱ་ནཾ ནི་ར་བྦུ་དཱ་ནཾ, ཚ་ཏྟིཾ་ས་ཏི པ་ཉྩ ཙ ཨ་བྦུ་དཱ་ནི [ཨ་བྦུ་དཱ་ནཾ (ཀ.)];
ཡ་མ་རི་ཡ་ག་ར་ཧཱི ནི་ར་ཡཾ ཨུ་པེ་ཏི, ཝཱ་ཙཾ མ་ན་ཉྩ པ་ཎི་དྷཱ་ཡ པཱ་པ་ཀཾ.
༦༦༦. ‘‘ཨ་བྷཱུ་ཏ་ཝཱ་དཱི ནི་ར་ཡཾ ཨུ་པེ་ཏི, ཡོ ཝཱ་པི ཀ་ཏྭཱ ན ཀ་རོ་མི་ཙཱ་ཧ;
ཨུ་བྷོ་པི ཏེ པེ་ཙྩ ས་མཱ བྷ་ཝ་ནྟི, ནི་ཧཱི་ན་ཀ་མྨཱ མ་ནུ་ཛཱ པ་ར་ཏྠ.
༦༦༧. ‘‘ཡོ ཨ་པྤ་དུ་ཊྛ་སྶ ན་ར་སྶ དུ་སྶ་ཏི, སུ་དྡྷ་སྶ པོ་ས་སྶ ཨ་ན་ངྒ་ཎ་སྶ;
ཏ་མེ་ཝ བཱ་ལཾ པ་ཙྩེ་ཏི པཱ་པཾ, སུ་ཁུ་མོ ར་ཛོ པ་ཊི་ཝཱ་ཏཾ་ཝ ཁི་ཏྟོ.
༦༦༨. ‘‘ཡོ ལོ་བྷ་གུ་ཎེ ཨ་ནུ་ཡུ་ཏྟོ, སོ ཝ་ཙ་སཱ པ་རི་བྷཱ་ས་ཏི ཨ་ཉྙེ;
ཨ་ས་དྡྷོ ཀ་ད་རི་ཡོ ཨ་ཝ་ད་ཉྙཱུ, མ་ཙྪ་རི པེ་སུ་ཎི་ཡཾ [པེ་སུ་ཎི་ཡ་སྨིཾ (བ་ཧཱུ་སུ)] ཨ་ནུ་ཡུ་ཏྟོ.
༦༦༩. ‘‘མུ་ཁ་དུ་གྒ ཝི་བྷཱུ་ཏ ཨ་ན་རི་ཡ, བྷཱུ་ན་ཧུ [བྷུ་ན་ཧ་ཏ (སྱཱ. ཀ.)] པཱ་པ་ཀ དུ་ཀྐ་ཊ་ཀཱ་རི;
པུ་རི་ས་ནྟ ཀ་ལཱི ཨ་ཝ་ཛཱ་ཏ, མཱ བ་ཧུ་བྷཱ་ཎི་དྷ ནེ་ར་ཡི་ཀོ་སི.
༦༧༠. ‘‘ར་ཛ་མཱ་ཀི་ར་སཱི ཨ་ཧི་ཏཱ་ཡ, ས་ནྟེ ག་ར་ཧ་སི ཀི་བྦི་ས་ཀཱ་རཱི;
བ་ཧཱུ་ནི དུ་ཙྩ་རི་ཏཱ་ནི ཙ་རི་ཏྭཱ, ག་ཙྪ་སི ཁོ པ་པ་ཏཾ ཙི་ར་ར་ཏྟཾ.
༦༧༡. ‘‘ན ཧི ན་སྶ་ཏི ཀ་སྶ་ཙི ཀ་མྨཾ, ཨེ་ཏི ཧ་ཏཾ ལ་བྷ་ཏེ་ཝ སུ་ཝཱ་མི;
དུ་ཀྑཾ མ་ནྡོ པ་ར་ལོ་ཀེ, ཨ་ཏྟ་ནི པ་སྶ་ཏི ཀི་བྦི་ས་ཀཱ་རཱི.
༦༧༢. ‘‘ཨ་ཡོ་ས་ངྐུ་ས་མཱ་ཧ་ཏ་ཊྛཱ་ནཾ, ཏི་ཎྷ་དྷཱ་ར་མ་ཡ་སཱུ་ལ་མུ་པེ་ཏི;
ཨ་ཐ ཏ་ཏྟ་ཨ་ཡོ་གུ་ལ༹་ས་ནྣི་བྷཾ, བྷོ་ཛ་ན་མ་ཏྠི ཏ་ཐཱ པ་ཏི་རཱུ་པཾ.
༦༧༣. ‘‘ན ཧི ཝ་གྒུ ཝ་ད་ནྟི ཝ་ད་ནྟཱ, ནཱ་བྷི་ཛ་ཝ་ནྟི ན ཏཱ་ཎ་མུ་པེ་ནྟི;
ཨ་ངྒཱ་རེ ས་ནྠ་ཏེ ས་ཡ་ནྟི [སེ་ནྟི (སཱི. སྱཱ. པཱི.)], གི་ནི་ས་མྤ་ཛྫ་ལི་ཏཾ པ་ཝི་ས་ནྟི.
༦༧༤. ‘‘ཛཱ་ལེ་ན ཙ ཨོ་ན་ཧི་ཡཱ་ན, ཏ་ཏྠ ཧ་ན་ནྟི ཨ་ཡོ་མ་ཡ་ཀུ་ཊེ་བྷི [ཨ་ཡོ་མ་ཡ་ཀཱུ་ཊེ་ཧི (སཱི. སྱཱ. པཱི.)];
ཨ་ནྡྷཾ་ཝ ཏི་མི་ས་མཱ་ཡ་ནྟི, ཏཾ ཝི་ཏ་ཏ་ཉྷི ཡ་ཐཱ མ་ཧི་ཀཱ་ཡོ.
༦༧༥. ‘‘ཨ་ཐ ལོ་ཧ་མ་ཡཾ པ་ན ཀུ་མྦྷིཾ, གི་ནི་ས་མྤ་ཛྫ་ལི་ཏཾ པ་ཝི་ས་ནྟི;
པ་ཙྩ་ནྟི ཧི ཏཱ་སུ ཙི་ར་ར་ཏྟཾ, ཨ་གྒི་ནི་ས་མཱ་སུ [གི་ནི་སྶ་མཱ་སུ (ཀ.)] ས་མུ་པྤི་ལ་ཝཱ་ཏེ.
༦༧༦. ‘‘ཨ་ཐ པུ་བྦ་ལོ་ཧི་ཏ་མི་སྶེ, ཏ་ཏྠ ཀིཾ པ་ཙྩ་ཏི ཀི་བྦི་ས་ཀཱ་རཱི;
ཡཾ ཡཾ དི་ས་ཀཾ [དི་ས་ཏཾ (སཱི. སྱཱ. པཱི.)] ཨ་དྷི་སེ་ཏི, ཏ་ཏྠ ཀི་ལི་སྶ་ཏི ས་མྥུ་ས་མཱ་ནོ.
༦༧༧. ‘‘པུ་ལ༹་ཝཱ་ཝ་ས་ཐེ ས་ལི་ལ་སྨིཾ, ཏ་ཏྠ ཀིཾ པ་ཙྩ་ཏི ཀི་བྦི་ས་ཀཱ་རཱི;
ག་ནྟུཾ ན ཧི ཏཱི་ར་མ་པ་ཏྠི, ས་བྦ་ས་མཱ ཧི ས་མ་ནྟ་ཀ་པ་ལླཱ.
༦༧༨. ‘‘ཨ་སི་པ་ཏྟ་ཝ་ནཾ པ་ན ཏི་ཎྷཾ, ཏཾ པ་ཝི་ས་ནྟི ས་མུ་ཙྪི་ད་ག་ཏྟཱ;
ཛི་ཝ྄ཧཾ བ་ལི་སེ་ན ག་ཧེ་ཏྭཱ, ཨཱ་ར་ཛ་ཡཱ་ར་ཛ་ཡཱ ཝི་ཧ་ན་ནྟི.
༦༧༩. ‘‘ཨ་ཐ ཝེ་ཏ་ར་ཎིཾ པ་ན དུ་གྒཾ, ཏི་ཎྷ་དྷཱ་ར་ཁུ་ར་དྷཱ་ར་མུ་པེ་ནྟི;
ཏ་ཏྠ མ་ནྡཱ པ་པ་ཏ་ནྟི, པཱ་པ་ཀ་རཱ པཱ་པཱ་ནི ཀ་རི་ཏྭཱ.
༦༨༠. ‘‘ཁཱ་ད་ནྟི ཧི ཏ་ཏྠ རུ་ད་ནྟེ, སཱ་མཱ ས་བ་ལཱ ཀཱ་ཀོ་ལ་ག་ཎཱ ཙ;
སོ་ཎཱ སི་ངྒཱ་ལཱ [སི་གཱ་ལཱ (སཱི. པཱི.)] པ་ཊི་གི་དྡྷཱ [པ་ཊི་གི་ཛ྄ཛྷཱ (སྱཱ. པཱི.)], ཀུ་ལ་ལཱ ཝཱ་ཡ་སཱ ཙ [ཀུ་ལ་ལཱ ཙ ཝཱ་ཡ་སཱ (?)] ཝི་ཏུ་ད་ནྟི.
༦༨༡. ‘‘ཀི་ཙྪཱ ཝ་ཏ་ཡཾ ཨི་དྷ ཝུ་ཏྟི, ཡཾ ཛ་ནོ ཕུ་ས་ཏི [པ་སྶ་ཏི (སཱི. སྱཱ. པཱི.)] ཀི་བྦི་ས་ཀཱ་རཱི;
ཏ་སྨཱ ཨི་དྷ ཛཱི་ཝི་ཏ་སེ་སེ, ཀི་ཙྩ་ཀ་རོ སི་ཡཱ ན་རོ ན ཙ་པྤ་མ་ཛྫེ.
༦༨༢. ‘‘ཏེ ག་ཎི་ཏཱ ཝི་དཱུ་ཧི ཏི་ལ་ཝཱ་ཧཱ, ཡེ པ་དུ་མེ ནི་ར་ཡེ ཨུ་པ་ནཱི་ཏཱ;
ན་ཧུ་ཏཱ་ནི ཧི ཀོ་ཊི་ཡོ པ་ཉྩ བྷ་ཝ་ནྟི, དྭཱ་ད་ས ཀོ་ཊི་ས་ཏཱ་ནི པུ་ན་ཉྙཱ [པ་ན་ཡྻེ (ཀ.)].
༦༨༣. ‘‘ཡཱ་ཝ དུ་ཁཱ [དུ་ཀྑཱ (སཱི. སྱཱ.), དུ་ཀྑ (པཱི. ཀ.)] ནི་ར་ཡཱ ཨི་དྷ ཝུ་ཏྟཱ, ཏ་ཏྠ་པི ཏཱ་ཝ ཙི་རཾ ཝ་སི་ཏ་བྦཾ;
ཏ་སྨཱ སུ་ཙི་པེ་ས་ལ་སཱ་དྷུ་གུ་ཎེ་སུ, ཝཱ་ཙཾ མ་ནཾ ས་ཏ་ཏཾ [པ་ཀ་ཏཾ (སྱཱ.)] པ་རི་ར་ཀྑེ’’ཏི.
ཀོ་ཀཱ་ལི་ཀ་སུ་ཏྟཾ ད་ས་མཾ ནི་ཊྛི་ཏཾ.