༩. ཀིཾ་སཱི་ལ་སུ་ཏྟཾ

༣༢༦. ‘‘ཀིཾ་སཱི་ལོ ཀིཾ་ས་མཱ་ཙཱ་རོ, ཀཱ་ནི ཀ་མྨཱ་ནི བྲཱུ་ཧ་ཡཾ;

ན་རོ ས་མྨཱ ནི་ཝི་ཊྛ་སྶ, ཨུ་ཏྟ་མ་ཏྠ་ཉྩ པཱ་པུ་ཎེ’’.

༣༢༧. ‘‘ཝུ་ཌྜྷཱ་པ་ཙཱ་ཡཱི ཨ་ནུ་སཱུ་ཡ་ཀོ སི་ཡཱ, ཀཱ་ལ་ཉྙཱུ [ཀཱ་ལ་ཉྙུ (སཱི. སྱཱ.)] ཙ་སྶ ག་རཱུ་ནཾ [ག་རཱུ་ནཾ (སཱི.)] ད་སྶ་ནཱ་ཡ;

དྷ་མྨིཾ ཀ་ཐཾ ཨེ་ར་ཡི་ཏཾ ཁ་ཎ་ཉྙཱུ, སུ་ཎེ་ཡྻ ས་ཀྐ་ཙྩ སུ་བྷཱ་སི་ཏཱ་ནི.

༣༢༨. ‘‘ཀཱ་ལེ་ན ག་ཙྪེ ག་རཱུ་ནཾ ས་ཀཱ་སཾ, ཐ་མྦྷཾ ནི་རཾ་ཀ་ཏྭཱ [ནི་རཱ་ཀ་ཏྭཱ (?) ནི + ཨཱ + ཀ་ར + ཏྭཱ] ནི་ཝཱ་ཏ་ཝུ་ཏྟི;

ཨ་ཏྠཾ དྷ་མྨཾ སཾ་ཡ་མཾ བྲ་ཧྨ་ཙ་རི་ཡཾ, ཨ་ནུ་སྶ་རེ ཙེ་ཝ ས་མཱ་ཙ་རེ ཙ.

༣༢༩. ‘‘དྷ་མྨཱ་རཱ་མོ དྷ་མྨ་ར་ཏོ, དྷ་མྨེ ཋི་ཏོ དྷ་མྨ་ཝི་ནི་ཙྪ་ཡ་ཉྙཱུ;

ནེ་ཝཱ་ཙ་རེ དྷ་མྨ་ས་ནྡོ་ས་ཝཱ་དཾ, ཏ་ཙྪེ་ཧི ནཱི་ཡེ་ཐ སུ་བྷཱ་སི་ཏེ་ཧི.

༣༣༠. ‘‘ཧ་སྶཾ ཛ་པྤཾ པ་རི་དེ་ཝཾ པ་དོ་སཾ, མཱ་ཡཱ་ཀ་ཏཾ ཀུ་ཧ་ནཾ གི་དྡྷི མཱ་ནཾ;

སཱ་ར་མྦྷཾ ཀ་ཀྐ་སཾ ཀ་སཱ་ཝ་ཉྩ མུ་ཙྪཾ [སཱ་ར་མྦྷ ཀ་ཀྐ་སྶ ཀ་སཱ་ཝ མུ་ཙྪཾ (སྱཱ. པཱི.)], ཧི་ཏྭཱ ཙ་རེ ཝཱི་ཏ་མ་དོ ཋི་ཏ་ཏྟོ.

༣༣༡. ‘‘ཝི་ཉྙཱ་ཏ་སཱ་རཱ་ནི སུ་བྷཱ་སི་ཏཱ་ནི, སུ་ཏ་ཉྩ ཝི་ཉྙཱ་ཏ་ས་མཱ་དྷི་སཱ་རཾ;

ན ཏ་སྶ པ་ཉྙཱ ཙ སུ་ཏ་ཉྩ ཝ་ཌྜྷ་ཏི, ཡོ སཱ་ཧ་སོ ཧོ་ཏི ན་རོ པ་མ་ཏྟོ.

༣༣༢. ‘‘དྷ་མྨེ ཙ ཡེ ཨ་རི་ཡ་པ་ཝེ་དི་ཏེ ར་ཏཱ,

ཨ་ནུ་ཏྟ་རཱ ཏེ ཝ་ཙ་སཱ མ་ན་སཱ ཀ་མྨུ་ནཱ ཙ;

ཏེ ས་ནྟི་སོ་ར་ཙྩ་ས་མཱ་དྷི་ས་ཎྛི་ཏཱ,

སུ་ཏ་སྶ པ་ཉྙཱ་ཡ ཙ སཱ་ར་མ་ཛ྄ཛྷ་གཱུ’’ཏི.

ཀིཾ་སཱི་ལ་སུ་ཏྟཾ ན་ཝ་མཾ ནི་ཊྛི་ཏཾ.