༡༠. ཨུ་ཊྛཱ་ན་སུ་ཏྟཾ
༣༣༣. ཨུ་ཊྛ་ཧ་ཐ ནི་སཱི་ད་ཐ, ཀོ ཨ་ཏྠོ སུ་པི་ཏེ་ན ཝོ;
ཨཱ་ཏུ་རཱ་ན་ཉྷི ཀཱ ནི་དྡཱ, ས་ལླ་ཝི་དྡྷཱ་ན རུ་པྤ་ཏཾ.
༣༣༤. ཨུ་ཊྛ་ཧ་ཐ ནི་སཱི་ད་ཐ, ད་ལ༹ྷཾ སི་ཀྑ་ཐ ས་ནྟི་ཡཱ;
མཱ ཝོ པ་མ་ཏྟེ ཝི་ཉྙཱ་ཡ, མ་ཙྩུ་རཱ་ཛཱ ཨ་མོ་ཧ་ཡི་ཏྠ ཝ་སཱ་ནུ་གེ.
༣༣༥. ཡཱ་ཡ དེ་ཝཱ མ་ནུ་སྶཱ ཙ, སི་ཏཱ ཏི་ཊྛ་ནྟི ཨ་ཏྠི་ཀཱ;
ཏ་ར་ཐེ་ཏཾ ཝི་ས་ཏྟི་ཀཾ, ཁ་ཎོ ཝོ [ཁ་ཎོ ཝེ (པཱི. ཀ.)] མཱ ཨུ་པ་ཙྩ་གཱ;
ཁ་ཎཱ་ཏཱི་ཏཱ ཧི སོ་ཙ་ནྟི, ནི་ར་ཡ་མྷི ས་མ་པྤི་ཏཱ.
༣༣༦. པ་མཱ་དོ ར་ཛོ པ་མཱ་དོ, པ་མཱ་དཱ་ནུ་པ་ཏི་ཏོ ར་ཛོ;
ཨ་པྤ་མཱ་དེ་ན ཝི་ཛྫཱ་ཡ, ཨ་བྦ་ཧེ [ཨ་བྦཱུ་ལ༹ྷེ (སྱཱ. པཱི.), ཨ་བྦུ་ཧེ (ཀ. ཨ་ཊྛ.)] ས་ལླ་མ་ཏྟ་ནོ་ཏི.
ཨུ་ཊྛཱ་ན་སུ་ཏྟཾ ད་ས་མཾ ནི་ཊྛི་ཏཾ.