༡༡. རཱ་ཧུ་ལ་སུ་ཏྟཾ
༣༣༧. ‘‘ཀ་ཙྩི ཨ་བྷི་ཎྷ་སཾ་ཝཱ་སཱ, ནཱ་ཝ་ཛཱ་ནཱ་སི པ་ཎྜི་ཏཾ;
ཨུ་ཀྐཱ་དྷཱ་རོ [ཨོ་ཀྐཱ་དྷཱ་རོ (སྱཱ. ཀ.)] མ་ནུ་སྶཱ་ནཾ, ཀ་ཙྩི ཨ་པ་ཙི་ཏོ ཏ་ཡཱ’’ [ཏ་ཝ (སཱི. ཨ་ཊྛ.)].
༣༣༨. ‘‘ནཱ་ཧཾ ཨ་བྷི་ཎྷ་སཾ་ཝཱ་སཱ, ཨ་ཝ་ཛཱ་ནཱ་མི པ་ཎྜི་ཏཾ;
ཨུ་ཀྐཱ་དྷཱ་རོ མ་ནུ་སྶཱ་ནཾ, ནི་ཙྩཾ ཨ་པ་ཙི་ཏོ མ་ཡཱ’’.
༣༣༩. ‘‘པ་ཉྩ ཀཱ་མ་གུ་ཎེ ཧི་ཏྭཱ, པི་ཡ་རཱུ་པེ མ་ནོ་ར་མེ;
ས་དྡྷཱ་ཡ གྷ་རཱ ནི་ཀྑ་མྨ, དུ་ཀྑ་སྶ་ནྟ་ཀ་རོ བྷ་ཝ.
༣༤༠. ‘‘མི་ཏྟེ བྷ་ཛ་སྶུ ཀ་ལྱཱ་ཎེ, པ་ནྟ་ཉྩ ས་ཡ་ནཱ་ས་ནཾ;
ཝི་ཝི་ཏྟཾ ཨ་པྤ་ནི་གྒྷོ་སཾ, མ་ཏྟ་ཉྙཱུ ཧོ་ཧི བྷོ་ཛ་ནེ.
༣༤༡. ‘‘ཙཱི་ཝ་རེ པི་ཎྜ་པཱ་ཏེ ཙ, པ་ཙྩ་ཡེ ས་ཡ་ནཱ་ས་ནེ;
ཨེ་ཏེ་སུ ཏ་ཎྷཾ མཱ་ཀཱ་སི, མཱ ལོ་ཀཾ པུ་ན་རཱ་ག་མི.
༣༤༢. ‘‘སཾ་ཝུ་ཏོ པཱ་ཏི་མོ་ཀྑ་སྨིཾ, ཨི་ནྡྲི་ཡེ་སུ ཙ པ་ཉྩ་སུ;
ས་ཏི ཀཱ་ཡ་ག་ཏཱ་ཏྱ་ཏྠུ, ནི་བྦི་དཱ་བ་ཧུ་ལོ བྷ་ཝ.
༣༤༣. ‘‘ནི་མི་ཏྟཾ པ་རི་ཝ་ཛྫེ་ཧི, སུ་བྷཾ རཱ་གཱུ་པ་ས་ཉྷི་ཏཾ;
ཨ་སུ་བྷཱ་ཡ ཙི་ཏྟཾ བྷཱ་ཝེ་ཧི, ཨེ་ཀ་གྒཾ སུ་ས་མཱ་ཧི་ཏཾ.
༣༤༤. ‘‘ཨ་ནི་མི་ཏྟ་ཉྩ བྷཱ་ཝེ་ཧི, མཱ་ནཱ་ནུ་ས་ཡ་མུ་ཛྫ་ཧ;
ཏ་ཏོ མཱ་ནཱ་བྷི་ས་མ་ཡཱ, ཨུ་པ་ས་ནྟོ ཙ་རི་སྶ་ཏཱི’’ཏི.
ཨི་ཏྠཾ སུ་དཾ བྷ་ག་ཝཱ ཨཱ་ཡ་སྨ་ནྟཾ རཱ་ཧུ་ལཾ ཨི་མཱ་ཧི གཱ་ཐཱ་ཧི ཨ་བྷི་ཎྷཾ ཨོ་ཝ་ད་ཏཱི་ཏི.
རཱ་ཧུ་ལ་སུ་ཏྟཾ ཨེ་ཀཱ་ད་ས་མཾ ནི་ཊྛི་ཏཾ.