༡༢. ནི་གྲོ་དྷ་ཀ་པྤ་སུ་ཏྟཾ
ཨེ་ཝཾ མེ སུ་ཏཾ – ཨེ་ཀཾ ས་མ་ཡཾ བྷ་ག་ཝཱ ཨཱ་ལ༹་ཝི་ཡཾ ཝི་ཧ་ར་ཏི ཨ་གྒཱ་ལ༹་ཝེ ཙེ་ཏི་ཡེ. ཏེ་ན ཁོ པ་ན ས་མ་ཡེ་ན ཨཱ་ཡ་སྨ་ཏོ ཝ་ངྒཱི་ས་སྶ ཨུ་པ་ཛ྄ཛྷཱ་ཡོ ནི་གྲོ་དྷ་ཀ་པྤོ ནཱ་མ ཐེ་རོ ཨ་གྒཱ་ལ༹་ཝེ ཙེ་ཏི་ཡེ ཨ་ཙི་ར་པ་རི་ནི་བྦུ་ཏོ ཧོ་ཏི. ཨ་ཐ ཁོ ཨཱ་ཡ་སྨ་ཏོ ཝ་ངྒཱི་ས་སྶ ར་ཧོ་ག་ཏ་སྶ པ་ཊི་ས་ལླཱི་ན་སྶ ཨེ་ཝཾ ཙེ་ཏ་སོ པ་རི་ཝི་ཏ་ཀྐོ ཨུ་ད་པཱ་དི – ‘‘པ་རི་ནི་བྦུ་ཏོ ནུ ཁོ མེ ཨུ་པ་ཛ྄ཛྷཱ་ཡོ ཨུ་དཱ་ཧུ ནོ པ་རི་ནི་བྦུ་ཏོ’’ཏི? ཨ་ཐ ཁོ ཨཱ་ཡ་སྨཱ ཝ་ངྒཱི་སོ སཱ་ཡ་ནྷ་ས་མ་ཡཾ པ་ཊི་ས་ལླཱ་ནཱ ཝུ་ཊྛི་ཏོ ཡེ་ན བྷ་ག་ཝཱ ཏེ་ནུ་པ་ས་ངྐ་མི; ཨུ་པ་ས་ངྐ་མི་ཏྭཱ བྷ་ག་ཝ་ནྟཾ ཨ་བྷི་ཝཱ་དེ་ཏྭཱ ཨེ་ཀ་མ་ནྟཾ ནི་སཱི་དི. ཨེ་ཀ་མ་ནྟཾ ནི་སི་ནྣོ ཁོ ཨཱ་ཡ་སྨཱ ཝ་ངྒཱི་སོ བྷ་ག་ཝ་ནྟཾ ཨེ་ཏ་ད་ཝོ་ཙ – ‘‘ཨི་དྷ མ་ཡ྄ཧཾ, བྷ་ནྟེ, ར་ཧོ་ག་ཏ་སྶ པ་ཊི་ས་ལླཱི་ན་སྶ ཨེ་ཝཾ ཙེ་ཏ་སོ པ་རི་ཝི་ཏ་ཀྐོ ཨུ་ད་པཱ་དི – ‘པ་རི་ནི་བྦུ་ཏོ ནུ ཁོ མེ ཨུ་པ་ཛ྄ཛྷཱ་ཡོ, ཨུ་དཱ་ཧུ ནོ པ་རི་ན་བྦུ་ཏོ’’’ཏི. ཨ་ཐ ཁོ ཨཱ་ཡ་སྨཱ ཝ་ངྒཱི་སོ ཨུ་ཊྛཱ་ཡཱ་ས་ནཱ ཨེ་ཀཾ་སཾ ཙཱི་ཝ་རཾ ཀ་ཏྭཱ ཡེ་ན བྷ་ག་ཝཱ ཏེ་ན་ཉྫ་ལིཾ པ་ཎཱ་མེ་ཏྭཱ བྷ་ག་ཝ་ནྟཾ གཱ་ཐཱ་ཡ ཨ་ཛ྄ཛྷ་བྷཱ་སི –
༣༤༥. ‘‘པུ་ཙྪཱ་མ [པུ་ཙྪཱ་མི (ཀ.)] ས་ཏྠཱ་ར་མ་ནོ་མ་པ་ཉྙཾ, དི་ཊྛེ་ཝ དྷ་མྨེ ཡོ ཝི་ཙི་ཀི་ཙྪཱ་ནཾ ཚེ་ཏྟཱ;
ཨ་གྒཱ་ལ༹་ཝེ ཀཱ་ལ་མ་ཀཱ་སི བྷི་ཀྑུ, ཉཱ་ཏོ ཡ་ས་སྶཱི ཨ་བྷི་ནི་བྦུ་ཏ་ཏྟོ.
༣༤༦. ‘‘ནི་གྲོ་དྷ་ཀ་པྤོ ཨི་ཏི ཏ་སྶ ནཱ་མཾ, ཏ་ཡཱ ཀ་ཏཾ བྷ་ག་ཝཱ བྲཱ་ཧྨ་ཎ་སྶ;
སོ ཏཾ ན་མ་སྶཾ ཨ་ཙ་རི མུ་ཏྱ་པེ་ཀྑོ, ཨཱ་ར་དྡྷ་ཝཱི་རི་ཡོ ད་ལ༹ྷ་དྷ་མྨ་ད་སྶཱི.
༣༤༧. ‘‘ཏཾ སཱ་ཝ་ཀཾ ས་ཀྱ [ས་ཀྐ (སཱི. སྱཱ. པཱི.)] མ་ཡ་མྤི ས་བྦེ, ཨ་ཉྙཱ་ཏུ་མི་ཙྪཱ་མ ས་མ་ནྟ་ཙ་ཀྑུ;
ས་མ་ཝ་ཊྛི་ཏཱ ནོ ས་ཝ་ནཱ་ཡ སོ་ཏཱ, ཏུ་ཝཾ ནོ ས་ཏྠཱ ཏྭ་མ་ནུ་ཏྟ་རོ་སི.
༣༤༨. ‘‘ཚི་ནྡེ་ཝ ནོ ཝི་ཙི་ཀི་ཙྪཾ བྲཱུ་ཧི མེ་ཏཾ, པ་རི་ནི་བྦུ་ཏཾ ཝེ་ད་ཡ བྷཱུ་རི་པ་ཉྙ;
མ་ཛ྄ཛྷེ་ཝ [མ་ཛ྄ཛྷེ ཙ (སྱཱ. ཀ.)] ནོ བྷཱ་ས ས་མ་ནྟ་ཙ་ཀྑུ, ས་ཀྐོ་ཝ དེ་ཝཱ་ན ས་ཧ་སྶ་ནེ་ཏྟོ.
༣༤༩. ‘‘ཡེ ཀེ་ཙི ག་ནྠཱ ཨི་དྷ མོ་ཧ་མ་གྒཱ, ཨ་ཉྙཱ་ཎ་པ་ཀྑཱ ཝི་ཙི་ཀི་ཙྪ་ཋཱ་ནཱ;
ཏ་ཐཱ་ག་ཏཾ པ་ཏྭཱ ན ཏེ བྷ་ཝ་ནྟི, ཙ་ཀྑུ་ཉྷི ཨེ་ཏཾ པ་ར་མཾ ན་རཱ་ནཾ.
༣༥༠. ‘‘ནོ ཙེ ཧི ཛཱ་ཏུ པུ་རི་སོ ཀི་ལེ་སེ, ཝཱ་ཏོ ཡ་ཐཱ ཨ་བྦྷ་དྷ་ནཾ ཝི་ཧཱ་ནེ;
ཏ་མོ་ཝ་སྶ ནི་ཝུ་ཏོ ས་བྦ་ལོ་ཀོ, ན ཛོ་ཏི་མ་ནྟོ་པི ན་རཱ ཏ་པེ་ཡྻུཾ.
༣༥༡. ‘‘དྷཱི་རཱ ཙ པ་ཛྫོ་ཏ་ཀ་རཱ བྷ་ཝ་ནྟི, ཏཾ ཏཾ ཨ་ཧཾ ཝཱི་ར [དྷཱི་ར (སཱི. སྱཱ.)] ཏ་ཐེ་ཝ མ་ཉྙེ;
ཝི་པ་སྶི་ནཾ ཛཱ་ན་མུ་པཱ་ག་མུ་མྷཱ [ཛཱ་ན་མུ་པ་ག་མ་མྷཱ (སཱི. སྱཱ.)], པ་རི་སཱ་སུ ནོ ཨཱ་ཝི་ཀ་རོ་ཧི ཀ་པྤཾ.
༣༥༢. ‘‘ཁི་པྤཾ གི་རཾ ཨེ་ར་ཡ ཝ་གྒུ ཝ་གྒུཾ, ཧཾ་སོ་ཝ པ་གྒ་ཡ྄ཧ ས་ཎི་ཀཾ [ས་ཎིཾ (སྱཱ. པཱི.)] ནི་ཀཱུ་ཛ;
བི་ནྡུ་སྶ་རེ་ན སུ་ཝི་ཀ་པྤི་ཏེ་ན, ས་བྦེ་ཝ ཏེ ཨུ་ཛྫུ་ག་ཏཱ སུ་ཎོ་མ.
༣༥༣. ‘‘པ་ཧཱི་ན་ཛཱ་ཏི་མ་ར་ཎཾ ཨ་སེ་སཾ, ནི་གྒ་ཡ྄ཧ དྷོ་ནཾ [དྷོ་ཏཾ (སཱི.)] ཝ་དེ་སྶཱ་མི དྷ་མྨཾ;
ན ཀཱ་མ་ཀཱ་རོ ཧི པུ་ཐུ་ཛྫ་ནཱ་ནཾ, ས་ངྑེ་ཡྻ་ཀཱ་རོ ཙ [ས་ངྑ་ཡྻ་ཀཱ་རོ་ཝ (ཀ.)] ཏ་ཐཱ་ག་ཏཱ་ནཾ.
༣༥༤. ‘‘ས་མྤ་ནྣ་ཝེ་ཡྻཱ་ཀ་ར་ཎཾ ཏ་ཝེ་དཾ, ས་མུ་ཛྫུ་པ་ཉྙ་སྶ [ས་མུ་ཛྫ་པ་ཉྙ་སྶ (སྱཱ. ཀ.)] ས་མུ་གྒ་ཧཱི་ཏཾ;
ཨ་ཡ་མ་ཉྫ་ལཱི པ་ཙྪི་མོ སུ་པྤ་ཎཱ་མི་ཏོ, མཱ མོ་ཧ་ཡཱི ཛཱ་ན་མ་ནོ་མ་པ་ཉྙ.
༣༥༥. ‘‘པ་རོ་ཝ་རཾ [ཝ་རཱ་ཝ་རཾ (ཀ་ཏྠ་ཙི)] ཨ་རི་ཡ་དྷ་མྨཾ ཝི་དི་ཏྭཱ, མཱ མོ་ཧ་ཡཱི ཛཱ་ན་མ་ནོ་མ་ཝཱི་ར;
ཝཱ་རིཾ ཡ་ཐཱ གྷ་མྨ་ནི གྷ་མྨ་ཏ་ཏྟོ, ཝཱ་ཙཱ་བྷི་ཀ་ངྑཱ་མི སུ་ཏཾ པ་ཝ་སྶ [སུ་ཏ་སྶ ཝ་སྶ (སྱཱ.)].
༣༥༦. ‘‘ཡ་ད་ཏྠི་ཀཾ [ཡ་ད་ཏྠི་ཡཾ (པཱི.), ཡ་ད་ཏྠི་ཏཾ (ཀ.)] བྲ་ཧྨ་ཙ་རི་ཡཾ ཨ་ཙ་རཱི, ཀ་པྤཱ་ཡ་ནོ ཀ་ཙྩི་སྶ ཏཾ ཨ་མོ་གྷཾ;
ནི་བྦཱ་ཡི སོ ཨཱ་དུ ས་ཨུ་པཱ་དི་སེ་སོ, ཡ་ཐཱ ཝི་མུ་ཏྟོ ཨ་ཧུ ཏཾ སུ་ཎོ་མ’’.
༣༥༧. ‘‘ཨ་ཙྪེ་ཙྪི [ཨ་ཚེ་ཛྫི (ཀ.)] ཏ་ཎྷཾ ཨི་དྷ ནཱ་མ་རཱུ་པེ, (ཨི་ཏི བྷ་ག་ཝཱ)
ཀ་ཎྷ་སྶ [ཏ་ཎྷཱ་ཡ (ཀ.)] སོ་ཏཾ དཱི་གྷ་ར་ཏྟཱ་ནུ་ས་ཡི་ཏཾ;
ཨ་ཏཱ་རི ཛཱ་ཏིཾ མ་ར་ཎཾ ཨ་སེ་སཾ,’’
ཨི་ཙྩ་བྲ་ཝཱི བྷ་ག་ཝཱ པ་ཉྩ་སེ་ཊྛོ.
༣༥༨. ‘‘ཨེ་ས སུ་ཏྭཱ པ་སཱི་དཱ་མི, ཝ་ཙོ ཏེ ཨི་སི་ས་ཏྟ་མ;
ཨ་མོ་གྷཾ ཀི་ར མེ པུ་ཊྛཾ, ན མཾ ཝ་ཉྩེ་སི བྲཱ་ཧྨ་ཎོ.
༣༥༩. ‘‘ཡ་ཐཱ་ཝཱ་དཱི ཏ་ཐཱ་ཀཱ་རཱི, ཨ་ཧུ བུ་དྡྷ་སྶ སཱ་ཝ་ཀོ;
ཨ་ཙྪི་དཱ མ་ཙྩུ་ནོ ཛཱ་ལཾ, ཏ་ཏཾ མཱ་ཡཱ་ཝི་ནོ ད་ལ༹ྷཾ.
༣༦༠. ‘‘ཨ་དྡ་སཱ བྷ་ག་ཝཱ ཨཱ་དིཾ, ཨུ་པཱ་དཱ་ན་སྶ ཀ་པྤི་ཡོ;
ཨ་ཙྩ་གཱ ཝ་ཏ ཀ་པྤཱ་ཡ་ནོ, མ་ཙྩུ་དྷེ་ཡྻཾ སུ་དུ་ཏྟ་ར’’ནྟི.
ནི་གྲོ་དྷ་ཀ་པྤ་སུ་ཏྟཾ དྭཱ་ད་ས་མཾ ནི་ཊྛི་ཏཾ.