༦. པ་རཱ་བྷ་ཝ་སུ་ཏྟཾ
ཨེ་ཝཾ མེ སུ་ཏཾ – ཨེ་ཀཾ ས་མ་ཡཾ བྷ་ག་ཝཱ སཱ་ཝ་ཏྠི་ཡཾ ཝི་ཧ་ར་ཏི ཛེ་ཏ་ཝ་ནེ ཨ་ནཱ་ཐ་པི་ཎྜི་ཀ་སྶ ཨཱ་རཱ་མེ. ཨ་ཐ ཁོ ཨ་ཉྙ་ཏ་རཱ དེ་ཝ་ཏཱ ཨ་བྷི་ཀྐ་ནྟཱ་ཡ ར་ཏྟི་ཡཱ ཨ་བྷི་ཀྐ་ནྟ་ཝ་ཎྞཱ ཀེ་ཝ་ལ་ཀ་པྤཾ ཛེ་ཏ་ཝ་ནཾ ཨོ་བྷཱ་སེ་ཏྭཱ ཡེ་ན བྷ་ག་ཝཱ ཏེ་ནུ་པ་ས་ངྐ་མི; ཨུ་པ་ས་ངྐ་མི་ཏྭཱ བྷ་ག་ཝ་ནྟཾ ཨ་བྷི་ཝཱ་དེ་ཏྭཱ ཨེ་ཀ་མ་ནྟཾ ཨ་ཊྛཱ་སི. ཨེ་ཀ་མ་ནྟཾ ཋི་ཏཱ ཁོ སཱ དེ་ཝ་ཏཱ བྷ་ག་ཝ་ནྟཾ གཱ་ཐཱ་ཡ ཨ་ཛ྄ཛྷ་བྷཱ་སི –
༩༡. ‘‘པ་རཱ་བྷ་ཝ་ནྟཾ པུ་རི་སཾ, མ་ཡཾ པུ་ཙྪཱ་མ གོ་ཏ་མ [གོ་ཏ་མཾ (སཱི. སྱཱ.)];
བྷ་ག་ཝ་ནྟཾ [བྷ་ཝ་ནྟཾ (སྱཱ. ཀ.)] པུ་ཊྛུ་མཱ་ག་མྨ, ཀིཾ པ་རཱ་བྷ་ཝ་ཏོ མུ་ཁཾ’’.
༩༢. ‘‘སུ་ཝི་ཛཱ་ནོ བྷ་ཝཾ ཧོ་ཏི, སུ་ཝི་ཛཱ་ནོ [དུ་ཝི་ཛཱ་ནོ (སྱཱ. ཀ.)] པ་རཱ་བྷ་ཝོ;
དྷ་མྨ་ཀཱ་མོ བྷ་ཝཾ ཧོ་ཏི, དྷ་མྨ་དེ་སྶཱི པ་རཱ་བྷ་ཝོ’’.
༩༣. ‘‘ཨི་ཏི ཧེ་ཏཾ ཝི་ཛཱ་ནཱ་མ, པ་ཋ་མོ སོ པ་རཱ་བྷ་ཝོ;
དུ་ཏི་ཡཾ བྷ་ག་ཝཱ བྲཱུ་ཧི, ཀིཾ པ་རཱ་བྷ་ཝ་ཏོ མུ་ཁཾ’’.
༩༤. ‘‘ཨ་ས་ནྟ་སྶ པི་ཡཱ ཧོ་ནྟི, ས་ནྟེ ན ཀུ་རུ་ཏེ པི་ཡཾ;
ཨ་ས་ཏཾ དྷ་མྨཾ རོ་ཙེ་ཏི, ཏཾ པ་རཱ་བྷ་ཝ་ཏོ མུ་ཁཾ’’.
༩༥. ‘‘ཨི་ཏི ཧེ་ཏཾ ཝི་ཛཱ་ནཱ་མ, དུ་ཏི་ཡོ སོ པ་རཱ་བྷ་ཝོ;
ཏ་ཏི་ཡཾ བྷ་ག་ཝཱ བྲཱུ་ཧི, ཀིཾ པ་རཱ་བྷ་ཝ་ཏོ མུ་ཁཾ’’.
༩༦. ‘‘ནི་དྡཱ་སཱི་ལཱི ས་བྷཱ་སཱི་ལཱི, ཨ་ནུ་ཊྛཱ་ཏཱ ཙ ཡོ ན་རོ;
ཨ་ལ་སོ ཀོ་དྷ་པ་ཉྙཱ་ཎོ, ཏཾ པ་རཱ་བྷ་ཝ་ཏོ མུ་ཁཾ’’.
༩༧. ‘‘ཨི་ཏི ཧེ་ཏཾ ཝི་ཛཱ་ནཱ་མ, ཏ་ཏི་ཡོ སོ པ་རཱ་བྷ་ཝོ;
ཙ་ཏུ་ཏྠཾ བྷ་ག་ཝཱ བྲཱུ་ཧི, ཀིཾ པ་རཱ་བྷ་ཝ་ཏོ མུ་ཁཾ’’.
༩༨. ‘‘ཡོ མཱ་ཏ་རཾ [ཡོ མཱ་ཏ་རཾ ཝཱ (སཱི. སྱཱ. ཀཾ. པཱི.)] པི་ཏ་རཾ ཝཱ, ཛི་ཎྞ་ཀཾ ག་ཏ་ཡོ་བྦ་ནཾ;
པ་ཧུ ས་ནྟོ ན བྷ་ར་ཏི, ཏཾ པ་རཱ་བྷ་ཝ་ཏོ མུ་ཁཾ’’.
༩༩. ‘‘ཨི་ཏི ཧེ་ཏཾ ཝི་ཛཱ་ནཱ་མ, ཙ་ཏུ་ཏྠོ སོ པ་རཱ་བྷ་ཝོ;
པ་ཉྩ་མཾ བྷ་ག་ཝཱ བྲཱུ་ཧི, ཀིཾ པ་རཱ་བྷ་ཝ་ཏོ མུ་ཁཾ’’.
༡༠༠. ‘‘ཡོ བྲཱ་ཧྨ་ཎཾ [ཡོ བྲཱ་ཧྨ་ཎཾ ཝཱ (སཱི. སྱཱ. ཀཾ. པཱི.)] ས་མ་ཎཾ ཝཱ, ཨ་ཉྙཾ ཝཱ་པི ཝ་ནི་བྦ་ཀཾ;
མུ་སཱ་ཝཱ་དེ་ན ཝ་ཉྩེ་ཏི, ཏཾ པ་རཱ་བྷ་ཝ་ཏོ མུ་ཁཾ’’.
༡༠༡. ‘‘ཨི་ཏི ཧེ་ཏཾ ཝི་ཛཱ་ནཱ་མ, པ་ཉྩ་མོ སོ པ་རཱ་བྷ་ཝོ;
ཚ་ཊྛ་མཾ བྷ་ག་ཝཱ བྲཱུ་ཧི, ཀིཾ པ་རཱ་བྷ་ཝ་ཏོ མུ་ཁཾ’’.
༡༠༢. ‘‘པ་ཧཱུ་ཏ་ཝི་ཏྟོ པུ་རི་སོ, ས་ཧི་ར་ཉྙོ ས་བྷོ་ཛ་ནོ;
ཨེ་ཀོ བྷུ་ཉྫ་ཏི སཱ་དཱུ་ནི, ཏཾ པ་རཱ་བྷ་ཝ་ཏོ མུ་ཁཾ’’.
༡༠༣. ‘‘ཨི་ཏི ཧེ་ཏཾ ཝི་ཛཱ་ནཱ་མ, ཚ་ཊྛ་མོ སོ པ་རཱ་བྷ་ཝོ;
ས་ཏྟ་མཾ བྷ་ག་ཝཱ བྲཱུ་ཧི, ཀིཾ པ་རཱ་བྷ་ཝ་ཏོ མུ་ཁཾ’’.
༡༠༤. ‘‘ཛཱ་ཏི་ཏྠ་དྡྷོ དྷ་ན་ཏྠ་དྡྷོ, གོ་ཏྟ་ཏྠ་དྡྷོ ཙ ཡོ ན་རོ;
ས་ཉྙཱ་ཏིཾ ཨ་ཏི་མ་ཉྙེ་ཏི, ཏཾ པ་རཱ་བྷ་ཝ་ཏོ མུ་ཁཾ’’.
༡༠༥. ‘‘ཨི་ཏི ཧེ་ཏཾ ཝི་ཛཱ་ནཱ་མ, ས་ཏྟ་མོ སོ པ་རཱ་བྷ་ཝོ;
ཨ་ཊྛ་མཾ བྷ་ག་ཝཱ བྲཱུ་ཧི, ཀིཾ པ་རཱ་བྷ་ཝ་ཏོ མུ་ཁཾ’’.
༡༠༦. ‘‘ཨི་ཏྠི་དྷུ་ཏྟོ སུ་རཱ་དྷུ་ཏྟོ, ཨ་ཀྑ་དྷུ་ཏྟོ ཙ ཡོ ན་རོ;
ལ་དྡྷཾ ལ་དྡྷཾ ཝི་ནཱ་སེ་ཏི, ཏཾ པ་རཱ་བྷ་ཝ་ཏོ མུ་ཁཾ’’.
༡༠༧. ‘‘ཨི་ཏི ཧེ་ཏཾ ཝི་ཛཱ་ནཱ་མ, ཨ་ཊྛ་མོ སོ པ་རཱ་བྷ་ཝོ;
ན་ཝ་མཾ བྷ་ག་ཝཱ བྲཱུ་ཧི, ཀིཾ པ་རཱ་བྷ་ཝ་ཏོ མུ་ཁཾ’’.
༡༠༨. ‘‘སེ་ཧི དཱ་རེ་ཧི ཨ་ས་ནྟུ་ཊྛོ [དཱ་རེ་ཧྱ་ས་ནྟུ་ཊྛོ (ཀ.)], ཝེ་སི་ཡཱ་སུ པ་དུ་སྶ་ཏི [པ་དི་སྶ་ཏི (སཱི.)];
དུ་སྶ་ཏི [དི་སྶ་ཏི (སཱི. པཱི.)] པ་ར་དཱ་རེ་སུ, ཏཾ པ་རཱ་བྷ་ཝ་ཏོ མུ་ཁཾ’’.
༡༠༩. ‘‘ཨི་ཏི ཧེ་ཏཾ ཝི་ཛཱ་ནཱ་མ, ན་ཝ་མོ སོ པ་རཱ་བྷ་ཝོ;
ད་ས་མཾ བྷ་ག་ཝཱ བྲཱུ་ཧི, ཀིཾ པ་རཱ་བྷ་ཝ་ཏོ མུ་ཁཾ’’.
༡༡༠. ‘‘ཨ་ཏཱི་ཏ་ཡོ་བྦ་ནོ པོ་སོ, ཨཱ་ནེ་ཏི ཏི་མྦ་རུ་ཏྠ་ནིཾ;
ཏ་སྶཱ ཨི་སྶཱ ན སུ་པ་ཏི, ཏཾ པ་རཱ་བྷ་ཝ་ཏོ མུ་ཁཾ’’.
༡༡༡. ‘‘ཨི་ཏི ཧེ་ཏཾ ཝི་ཛཱ་ནཱ་མ, ད་ས་མོ སོ པ་རཱ་བྷ་ཝོ;
ཨེ་ཀཱ་ད་ས་མཾ བྷ་ག་ཝཱ བྲཱུ་ཧི, ཀིཾ པ་རཱ་བྷ་ཝ་ཏོ མུ་ཁཾ’’.
༡༡༢. ‘‘ཨི་ཏྠིཾ སོ་ཎྜིཾ ཝི་ཀི་ར་ཎིཾ, པུ་རི་སཾ ཝཱ་པི ཏཱ་དི་སཾ;
ཨི་སྶ་རི་ཡ་སྨིཾ ཋ་པེ་ཏི [ཋཱ་པེ་ཏི (སཱི. པཱི.), ཐ་པེ་ཏི (ཀ.)], ཏཾ པ་རཱ་བྷ་ཝ་ཏོ མུ་ཁཾ’’.
༡༡༣. ‘‘ཨི་ཏི ཧེ་ཏཾ ཝི་ཛཱ་ནཱ་མ, ཨེ་ཀཱ་ད་ས་མོ སོ པ་རཱ་བྷ་ཝོ;
དྭཱ་ད་ས་མཾ བྷ་ག་ཝཱ བྲཱུ་ཧི, ཀིཾ པ་རཱ་བྷ་ཝ་ཏོ མུ་ཁཾ’’.
༡༡༤. ‘‘ཨ་པྤ་བྷོ་གོ མ་ཧཱ་ཏ་ཎྷོ, ཁ་ཏྟི་ཡེ ཛཱ་ཡ་ཏེ ཀུ་ལེ;
སོ ཙ ར་ཛྫཾ པ་ཏྠ་ཡ་ཏི, ཏཾ པ་རཱ་བྷ་ཝ་ཏོ མུ་ཁཾ’’.
༡༡༥. ‘‘ཨེ་ཏེ པ་རཱ་བྷ་ཝེ ལོ་ཀེ, པ་ཎྜི་ཏོ ས་མ་ཝེ་ཀྑི་ཡ;
ཨ་རི་ཡོ ད་སྶ་ན་ས་མྤ་ནྣོ, ས ལོ་ཀཾ བྷ་ཛ་ཏེ སི་ཝ’’ནྟི.
པ་རཱ་བྷ་ཝ་སུ་ཏྟཾ ཚ་ཊྛཾ ནི་ཊྛི་ཏཾ.