༡. ཨུ་ར་ག་ཝ་གྒོ
༡. ཨུ་ར་ག་སུ་ཏྟཾ
༡. ཡོ [ཡོ ཝེ (སྱཱ.)] ཨུ་པྤ་ཏི་ཏཾ ཝི་ནེ་ཏི ཀོ་དྷཾ, ཝི་ས་ཊཾ ས་པྤ་ཝི་སཾ་ཝ ཨོ་ས་དྷེ་ཧི [ཨོ་ས་དྷེ་བྷི (ཀ.)];
སོ བྷི་ཀྑུ ཛ་ཧཱ་ཏི ཨོ་ར་པཱ་རཾ, ཨུ་ར་གོ ཛི་ཎྞ་མི་ཝ་ཏྟ་ཙཾ [ཛི་ཎྞ་མི་ཝ ཏ་ཙཾ (སཱི. སྱཱ. ཀཾ. པཱི.), ཛི་ཎྞ་མི་ཝཱ ཏ་ཙཾ (?)] པུ་རཱ་ཎཾ.
༢. ཡོ རཱ་ག་མུ་ད་ཙྪི་དཱ ཨ་སེ་སཾ, བྷི་ས་པུ་པྥཾ་ཝ ས་རོ་རུ་ཧཾ [ས་རེ་རུ་ཧཾ (ཀ.)] ཝི་ག་ཡ྄ཧ;
སོ བྷི་ཀྑུ ཛ་ཧཱ་ཏི ཨོ་ར་པཱ་རཾ, ཨུ་ར་གོ ཛི་ཎྞ་མི་ཝ་ཏྟ་ཙཾ, པུ་རཱ་ཎཾ.
༣. ཡོ ཏ་ཎྷ་མུ་ད་ཙྪི་དཱ ཨ་སེ་སཾ, ས་རི་ཏཾ སཱི་གྷ་ས་རཾ ཝི་སོ་ས་ཡི་ཏྭཱ;
སོ བྷི་ཀྑུ ཛ་ཧཱ་ཏི ཨོ་ར་པཱ་རཾ, ཨུ་ར་གོ ཛི་ཎྞ་མི་ཝ་ཏྟ་ཙཾ པུ་རཱ་ཎཾ.
༤. ཡོ མཱ་ན་མུ་ད་བྦ་དྷཱི ཨ་སེ་སཾ, ན་ལ༹་སེ་ཏུཾ་ཝ སུ་དུ་བྦ་ལཾ མ་ཧོ་གྷོ;
སོ བྷི་ཀྑུ ཛ་ཧཱ་ཏི ཨོ་ར་པཱ་རཾ, ཨུ་ར་གོ ཛི་ཎྞ་མི་ཝ་ཏྟ་ཙཾ པུ་རཱ་ཎཾ.
༥. ཡོ ནཱ་ཛ྄ཛྷ་ག་མཱ བྷ་ཝེ་སུ སཱ་རཾ, ཝི་ཙི་ནཾ པུ་པྥ་མི་ཝ [པུ་པྥ་མི་ཝ (བ་ཧཱུ་སུ)] ཨུ་དུ་མྦ་རེ་སུ;
སོ བྷི་ཀྑུ ཛ་ཧཱ་ཏི ཨོ་ར་པཱ་རཾ, ཨུ་ར་གོ ཛི་ཎྞ་མི་ཝ་ཏྟ་ཙཾ པུ་རཱ་ཎཾ.
༦. ཡ་སྶ་ནྟ་ར་ཏོ ན ས་ནྟི ཀོ་པཱ, ཨི་ཏི་བྷ་ཝཱ་བྷ་ཝ་ཏ་ཉྩ [ཨི་ཏི་བྦྷ་ཝཱ་བྷ་ཝ་ཏ་ཉྩ (ཀ.)] ཝཱི་ཏི་ཝ་ཏྟོ;
སོ བྷི་ཀྑུ ཛ་ཧཱ་ཏི ཨོ་ར་པཱ་རཾ, ཨུ་ར་གོ ཛི་ཎྞ་མི་ཝ་ཏྟ་ཙཾ པུ་རཱ་ཎཾ.
༧. ཡ་སྶ ཝི་ཏ་ཀྐཱ ཝི་དྷཱུ་པི་ཏཱ, ཨ་ཛ྄ཛྷ་ཏྟཾ སུ་ཝི་ཀ་པྤི་ཏཱ ཨ་སེ་སཱ;
སོ བྷི་ཀྑུ ཛ་ཧཱ་ཏི ཨོ་ར་པཱ་རཾ, ཨུ་ར་གོ ཛི་ཎྞ་མི་ཝ་ཏྟ་ཙཾ པུ་རཱ་ཎཾ.
༨. ཡོ ནཱ་ཙྩ་སཱ་རཱི ན པ་ཙྩ་སཱ་རཱི, ས་བྦཾ ཨ་ཙྩ་ག་མཱ ཨི་མཾ པ་པ་ཉྩཾ;
སོ བྷི་ཀྑུ ཛ་ཧཱ་ཏི ཨོ་ར་པཱ་རཾ, ཨུ་ར་གོ ཛི་ཎྞ་མི་ཝ་ཏྟ་ཙཾ པུ་རཱ་ཎཾ.
༩. ཡོ ནཱ་ཙྩ་སཱ་རཱི ན པ་ཙྩ་སཱ་རཱི, ས་བྦཾ ཝི་ཏ་ཐ་མི་ད་ནྟི ཉ་ཏྭཱ [ཨུ་ཏྭཱ (སྱཱ. པཱི. ཀ.)] ལོ་ཀེ;
སོ བྷི་ཀྑུ ཛ་ཧཱ་ཏི ཨོ་ར་པཱ་རཾ, ཨུ་ར་གོ ཛི་ཎྞ་མི་ཝ་ཏྟ་ཙཾ པུ་རཱ་ཎཾ.
༡༠. ཡོ ནཱ་ཙྩ་སཱ་རཱི ན པ་ཙྩ་སཱ་རཱི, ས་བྦཾ ཝི་ཏ་ཐ་མི་ད་ནྟི ཝཱི་ཏ་ལོ་བྷོ;
སོ བྷི་ཀྑུ ཛ་ཧཱ་ཏི ཨོ་ར་པཱ་རཾ, ཨུ་ར་གོ ཛི་ཎྞ་མི་ཝ་ཏྟ་ཙཾ པུ་རཱ་ཎཾ.
༡༡. ཡོ ནཱ་ཙྩ་སཱ་རཱི ན པ་ཙྩ་སཱ་རཱི, ས་བྦཾ ཝི་ཏ་ཐ་མི་ད་ནྟི ཝཱི་ཏ་རཱ་གོ;
སོ བྷི་ཀྑུ ཛ་ཧཱ་ཏི ཨོ་ར་པཱ་རཾ, ཨུ་ར་གོ ཛི་ཎྞ་མི་ཝ་ཏྟ་ཙཾ པུ་རཱ་ཎཾ.
༡༢. ཡོ ནཱ་ཙྩ་སཱ་རཱི ན པ་ཙྩ་སཱ་རཱི, ས་བྦཾ ཝི་ཏ་ཐ་མི་ད་ནྟི ཝཱི་ཏ་དོ་སོ;
སོ བྷི་ཀྑུ ཛ་ཧཱ་ཏི ཨོ་ར་པཱ་རཾ, ཨུ་ར་གོ ཛི་ཎྞ་མི་ཝ་ཏྟ་ཙཾ པུ་རཱ་ཎཾ.
༡༣. ཡོ ནཱ་ཙྩ་སཱ་རཱི ན པ་ཙྩ་སཱ་རཱི, ས་བྦཾ ཝི་ཏ་ཐ་མི་ད་ནྟི ཝཱི་ཏ་མོ་ཧོ;
སོ བྷི་ཀྑུ ཛ་ཧཱ་ཏི ཨོ་ར་པཱ་རཾ, ཨུ་ར་གོ ཛི་ཎྞ་མི་ཝ་ཏྟ་ཙཾ པུ་རཱ་ཎཾ.
༡༤. ཡ་སྶཱ་ནུ་ས་ཡཱ ན ས་ནྟི ཀེ་ཙི, མཱུ་ལཱ ཙ ཨ་ཀུ་ས་ལཱ ས་མཱུ་ཧ་ཏཱ་སེ;
སོ བྷི་ཀྑུ ཛ་ཧཱ་ཏི ཨོ་ར་པཱ་རཾ, ཨུ་ར་གོ ཛི་ཎྞ་མི་ཝ་ཏྟ་ཙཾ པུ་རཱ་ཎཾ.
༡༥. ཡ་སྶ ད་ར་ཐ་ཛཱ ན ས་ནྟི ཀེ་ཙི, ཨོ་རཾ ཨཱ་ག་མ་ནཱ་ཡ པ་ཙྩ་ཡཱ་སེ;
སོ བྷི་ཀྑུ ཛ་ཧཱ་ཏི ཨོ་ར་པཱ་རཾ, ཨུ་ར་གོ ཛི་ཎྞ་མི་ཝ་ཏྟ་ཙཾ པུ་རཱ་ཎཾ.
༡༦. ཡ་སྶ ཝ་ན་ཐ་ཛཱ ན ས་ནྟི ཀེ་ཙི, ཝི་ནི་བ་ནྡྷཱ་ཡ བྷ་ཝཱ་ཡ ཧེ་ཏུ་ཀ་པྤཱ;
སོ བྷི་ཀྑུ ཛ་ཧཱ་ཏི ཨོ་ར་པཱ་རཾ, ཨུ་ར་གོ ཛི་ཎྞ་མི་ཝ་ཏྟ་ཙཾ པུ་རཱ་ཎཾ.
༡༧. ཡོ ནཱི་ཝ་ར་ཎེ པ་ཧཱ་ཡ པ་ཉྩ, ཨ་ནི་གྷོ ཏི་ཎྞ་ཀ་ཐཾ་ཀ་ཐོ ཝི་ས་ལློ;
སོ བྷི་ཀྑུ ཛ་ཧཱ་ཏི ཨོ་ར་པཱ་རཾ, ཨུ་ར་གོ ཛི་ཎྞ་མི་ཝ་ཏྟ་ཙཾ པུ་རཱ་ཎཾ.
ཨུ་ར་ག་སུ་ཏྟཾ པ་ཋ་མཾ ནི་ཊྛི་ཏཾ.
༢. དྷ་ནི་ཡ་སུ་ཏྟཾ
༡༨. ‘‘པ་ཀྐོ་ད་ནོ དུ་དྡྷ་ཁཱི་རོ་ཧ་མ་སྨི, (ཨི་ཏི དྷ་ནི་ཡོ གོ་པོ)
ཨ་ནུ་ཏཱི་རེ མ་ཧི་ཡཱ ས་མཱ་ན་ཝཱ་སོ;
ཚ་ནྣཱ ཀུ་ཊི ཨཱ་ཧི་ཏོ གི་ནི, ཨ་ཐ ཙེ པ་ཏྠ་ཡ་སཱི པ་ཝ་སྶ དེ་ཝ’’.
༡༩. ‘‘ཨ་ཀྐོ་དྷ་ནོ ཝི་ག་ཏ་ཁི་ལོ་ཧ་མ་སྨི [ཝི་ག་ཏ་ཁཱི་ལོ་ཧ་མ་སྨི (སཱི. པཱི.)], (ཨི་ཏི བྷ་ག་ཝཱ)
ཨ་ནུ་ཏཱི་རེ མ་ཧི་ཡེ་ཀ་ར་ཏྟི་ཝཱ་སོ;
ཝི་ཝ་ཊཱ ཀུ་ཊི ནི་བྦུ་ཏོ གི་ནི, ཨ་ཐ ཙེ པ་ཏྠ་ཡ་སཱི པ་ཝ་སྶ དེ་ཝ’’.
༢༠. ‘‘ཨ་ནྡྷ་ཀ་མ་ཀ་སཱ ན ཝི་ཛྫ་རེ, (ཨི་ཏི དྷ་ནི་ཡོ གོ་པོ)
ཀ་ཙྪེ རཱུ་ལ༹ྷ་ཏི་ཎེ ཙ་ར་ནྟི གཱ་ཝོ;
ཝུ་ཊྛི་མྤི ས་ཧེ་ཡྻུ་མཱ་ག་ཏཾ, ཨ་ཐ ཙེ པ་ཏྠ་ཡ་སཱི པ་ཝ་སྶ དེ་ཝ’’.
༢༡. ‘‘བ་དྡྷཱ་སི བྷི་སཱི སུ་ས་ངྑ་ཏཱ, (ཨི་ཏི བྷ་ག་ཝཱ)
ཏི་ཎྞོ པཱ་ར་ག་ཏོ ཝི་ནེ་ཡྻ ཨོ་གྷཾ;
ཨ་ཏྠོ བྷི་སི་ཡཱ ན ཝི་ཛྫ་ཏི, ཨ་ཐ ཙེ པ་ཏྠ་ཡ་སཱི པ་ཝ་སྶ དེ་ཝ’’.
༢༢. ‘‘གོ་པཱི མ་མ ཨ་སྶ་ཝཱ ཨ་ལོ་ལཱ, (ཨི་ཏི དྷ་ནི་ཡོ གོ་པོ)
དཱི་གྷ་ར་ཏྟཾ [དཱི་གྷ་ར་ཏྟ (ཀ.)] སཾ་ཝཱ་སི་ཡཱ མ་ནཱ་པཱ;
ཏ་སྶཱ ན སུ་ཎཱ་མི ཀི་ཉྩི པཱ་པཾ, ཨ་ཐ ཙེ པ་ཏྠ་ཡ་སཱི པ་ཝ་སྶ དེ་ཝ’’.
༢༣. ‘‘ཙི་ཏྟཾ མ་མ ཨ་སྶ་ཝཾ ཝི་མུ་ཏྟཾ, (ཨི་ཏི བྷ་ག་ཝཱ)
དཱི་གྷ་ར་ཏྟཾ པ་རི་བྷཱ་ཝི་ཏཾ སུ་ད་ནྟཾ;
པཱ་པཾ པ་ན མེ ན ཝི་ཛྫ་ཏི, ཨ་ཐ ཙེ པ་ཏྠ་ཡ་སཱི པ་ཝ་སྶ དེ་ཝ’’.
༢༤. ‘‘ཨ་ཏྟ་ཝེ་ཏ་ན་བྷ་ཏོ་ཧ་མ་སྨི, (ཨི་ཏི དྷ་ནི་ཡོ གོ་པོ)
པུ་ཏྟཱ ཙ མེ ས་མཱ་ནི་ཡཱ ཨ་རོ་གཱ;
ཏེ་སཾ ན སུ་ཎཱ་མི ཀི་ཉྩི པཱ་པཾ, ཨ་ཐ ཙེ པ་ཏྠ་ཡ་སཱི པ་ཝ་སྶ དེ་ཝ’’.
༢༥. ‘‘ནཱ་ཧཾ བྷ་ཏ་ཀོ་སྨི ཀ་སྶ་ཙི, (ཨི་ཏི བྷ་ག་ཝཱ)
ནི་བྦི་ཊྛེ་ན ཙ་རཱ་མི ས་བྦ་ལོ་ཀེ;
ཨ་ཏྠོ བྷ་ཏི་ཡཱ ན ཝི་ཛྫ་ཏི, ཨ་ཐ ཙེ པ་ཏྠ་ཡ་སཱི པ་ཝ་སྶ དེ་ཝ’’.
༢༦. ‘‘ཨ་ཏྠི ཝ་སཱ ཨ་ཏྠི དྷེ་ནུ་པཱ, (ཨི་ཏི དྷ་ནི་ཡོ གོ་པོ)
གོ་དྷ་ར་ཎི་ཡོ པ་ཝེ་ཎི་ཡོ་པི ཨ་ཏྠི;
ཨུ་ས་བྷོ་པི ག་ཝ་མྤ་ཏཱི་དྷ ཨ་ཏྠི, ཨ་ཐ ཙེ པ་ཏྠ་ཡ་སཱི པ་ཝ་སྶ དེ་ཝ’’.
༢༧. ‘‘ན་ཏྠི ཝ་སཱ ན་ཏྠི དྷེ་ནུ་པཱ, (ཨི་ཏི བྷ་ག་ཝཱ)
གོ་དྷ་ར་ཎི་ཡོ པ་ཝེ་ཎི་ཡོ་པི ན་ཏྠི;
ཨུ་ས་བྷོ་པི ག་ཝ་མྤ་ཏཱི་དྷ ན་ཏྠི, ཨ་ཐ ཙེ པ་ཏྠ་ཡ་སཱི པ་ཝ་སྶ དེ་ཝ’’.
༢༨. ‘‘ཁི་ལཱ ནི་ཁཱ་ཏཱ ཨ་ས་མྤ་ཝེ་དྷཱི, (ཨི་ཏི དྷ་ནི་ཡོ གོ་པོ)
དཱ་མཱ མུ་ཉྫ་མ་ཡཱ ན་ཝཱ སུ་ས་ཎྛཱ་ནཱ;
ན ཧི ས་ཀྑི་ནྟི དྷེ་ནུ་པཱ་པི ཚེ་ཏྟུཾ [ཚེ་ཏུཾ (ཀ.)], ཨ་ཐ ཙེ པ་ཏྠ་ཡ་སཱི པ་ཝ་སྶ དེ་ཝ’’.
༢༩. ‘‘ཨུ་ས་བྷོ་རི་ཝ ཚེ་ཏྭ [ཚེ་ཏྭཱ (སྱཱ. ཀ.)] བ་ནྡྷ་ནཱ་ནི, (ཨི་ཏི བྷ་ག་ཝཱ)
ནཱ་གོ པཱུ་ཏི་ལ་ཏཾ་ཝ དཱ་ལ་ཡི་ཏྭཱ [པཱུ་ཏི་ལ་ཏཾ པ་དཱ་ལ་ཡི་ཏྭཱ (སྱཱ. ཀ.)];
ནཱ་ཧཾ པུ་ནུ་པེ་སྶཾ [པུ་ན ཨུ་པེ་སྶཾ (སཱི. སྱཱ. ཀཾ. པཱི.), པུ་ནུ་པེ་ཡྻ (ཀ.)] ག་བྦྷ་སེ་ཡྻཾ, ཨ་ཐ ཙེ པ་ཏྠ་ཡ་སཱི པ་ཝ་སྶ དེ་ཝ’’.
༣༠. ‘‘ནི་ནྣ་ཉྩ ཐ་ལ་ཉྩ པཱུ་ར་ཡ་ནྟོ, མ་ཧཱ་མེ་གྷོ པ་ཝ་སྶི ཏཱ་ཝ་དེ་ཝ;
སུ་ཏྭཱ དེ་ཝ་སྶ ཝ་སྶ་ཏོ, ཨི་མ་མ་ཏྠཾ དྷ་ནི་ཡོ ཨ་བྷཱ་ས་ཐ.
༣༡. ‘‘ལཱ་བྷཱ ཝ་ཏ ནོ ཨ་ན་པྤ་ཀཱ, ཡེ མ་ཡཾ བྷ་ག་ཝ་ནྟཾ ཨ་དྡ་སཱ་མ;
ས་ར་ཎཾ ཏཾ ཨུ་པེ་མ ཙ་ཀྑུ་མ, ས་ཏྠཱ ནོ ཧོ་ཧི ཏུ་ཝཾ མ་ཧཱ་མུ་ནི.
༣༢. ‘‘གོ་པཱི ཙ ཨ་ཧ་ཉྩ ཨ་སྶ་ཝཱ, བྲ་ཧྨ་ཙ་རི་ཡཾ [བྲ་ཧྨ་ཙ་རི་ཡ (ཀ.)] སུ་ག་ཏེ ཙ་རཱ་མ་སེ;
ཛཱ་ཏི་མ་ར་ཎ་སྶ པཱ་ར་གཱུ [པཱ་ར་གཱ (སཱི. སྱཱ. ཀཾ. པཱི.)], དུ་ཀྑ་སྶ་ནྟ་ཀ་རཱ བྷ་ཝཱ་མ་སེ’’.
༣༣. ‘‘ན་ནྡ་ཏི པུ་ཏྟེ་ཧི པུ་ཏྟི་མཱ, (ཨི་ཏི མཱ་རོ པཱ་པི་མཱ)
གོ་མཱ [གོ་མི་ཀོ (སཱི. པཱི.), གོ་པི་ཀོ (སྱཱ. ཀཾ.), གོ་པི་ཡོ (ཀ.)] གོ་ཧི ཏ་ཐེ་ཝ ན་ནྡ་ཏི;
ཨུ་པ་དྷཱི ཧི ན་ར་སྶ ན་ནྡ་ནཱ, ན ཧི སོ ན་ནྡ་ཏི ཡོ ནི་རཱུ་པ་དྷི’’.
༣༤. ‘‘སོ་ཙ་ཏི པུ་ཏྟེ་ཧི པུ་ཏྟི་མཱ, (ཨི་ཏི བྷ་ག་ཝཱ)
གོ་པི་ཡོ གོ་ཧི ཏ་ཐེ་ཝ སོ་ཙ་ཏི;
ཨུ་པ་དྷཱི ཧི ན་ར་སྶ སོ་ཙ་ནཱ, ན ཧི སོ སོ་ཙ་ཏི ཡོ ནི་རཱུ་པ་དྷཱི’’ཏི.
དྷ་ནི་ཡ་སུ་ཏྟཾ དུ་ཏི་ཡཾ ནི་ཊྛི་ཏཾ.
༣. ཁ་གྒ་ཝི་སཱ་ཎ་སུ་ཏྟཾ
༣༥. ས་བྦེ་སུ བྷཱུ་ཏེ་སུ ནི་དྷཱ་ཡ ད་ཎྜཾ, ཨ་ཝི་ཧེ་ཋ་ཡཾ ཨ་ཉྙ་ཏ་ར་མྤི ཏེ་སཾ;
ན པུ་ཏྟ་མི་ཙྪེ་ཡྻ ཀུ་ཏོ ས་ཧཱ་ཡཾ, ཨེ་ཀོ ཙ་རེ ཁ་གྒ་ཝི་སཱ་ཎ་ཀ་པྤོ.
༣༦. སཾ་ས་གྒ་ཛཱ་ཏ་སྶ བྷ་ཝ་ནྟི སྣེ་ཧཱ, སྣེ་ཧ་ནྭ་ཡཾ དུ་ཀྑ་མི་དཾ པ་ཧོ་ཏི;
ཨཱ་དཱི་ན་ཝཾ སྣེ་ཧ་ཛཾ པེ་ཀྑ་མཱ་ནོ, ཨེ་ཀོ ཙ་རེ ཁ་གྒ་ཝི་སཱ་ཎ་ཀ་པྤོ.
༣༧. མི་ཏྟེ སུ་ཧ་ཛྫེ ཨ་ནུ་ཀ་མྤ་མཱ་ནོ, ཧཱ་པེ་ཏི ཨ་ཏྠཾ པ་ཊི་བ་དྡྷ་ཙི་ཏྟོ;
ཨེ་ཏཾ བྷ་ཡཾ ས་ནྠ་ཝེ [ས་ནྡྷ་ཝེ (ཀ.)] པེ་ཀྑ་མཱ་ནོ, ཨེ་ཀོ ཙ་རེ ཁ་གྒ་ཝི་སཱ་ཎ་ཀ་པྤོ.
༣༨. ཝཾ་སོ ཝི་སཱ་ལོ་ཝ ཡ་ཐཱ ཝི་ས་ཏྟོ, པུ་ཏྟེ་སུ དཱ་རེ་སུ ཙ ཡཱ ཨ་པེ་ཀྑཱ;
ཝཾ་ས་ཀྐ་ལཱི༹་རོ་ཝ [ཝཾ་ས་ཀ་ལཱི༹་རོ་ཝ (སཱི.), ཝཾ་སཱ་ཀ་ལཱི༹་རོ་ཝ (སྱཱ. ཀཾ. པཱི.), ཝཾ་སེ་ཀ་ལཱི༹་རོ་ཝ (ནི་དྡེ་ས)] ཨ་ས་ཛྫ་མཱ་ནོ, ཨེ་ཀོ ཙ་རེ ཁ་གྒ་ཝི་སཱ་ཎ་ཀ་པྤོ.
༣༩. མི་གོ ཨ་ར་ཉྙ་མྷི ཡ་ཐཱ ཨ་བ་དྡྷོ [ཨ་བ་ནྡྷོ (སྱཱ. ཀཾ.)], ཡེ་ནི་ཙྪ་ཀཾ ག་ཙྪ་ཏི གོ་ཙ་རཱ་ཡ;
ཝི་ཉྙཱུ ན་རོ སེ་རི་ཏཾ པེ་ཀྑ་མཱ་ནོ, ཨེ་ཀོ ཙ་རེ ཁ་གྒ་ཝི་སཱ་ཎ་ཀ་པྤོ.
༤༠. ཨཱ་མ་ནྟ་ནཱ ཧོ་ཏི ས་ཧཱ་ཡ་མ་ཛ྄ཛྷེ, ཝཱ་སེ ཋཱ་ནེ ག་མ་ནེ ཙཱ་རི་ཀཱ་ཡ;
ཨ་ན་བྷི་ཛ྄ཛྷི་ཏཾ སེ་རི་ཏཾ པེ་ཀྑ་མཱ་ནོ, ཨེ་ཀོ ཙ་རེ ཁ་གྒ་ཝི་སཱ་ཎ་ཀ་པྤོ.
༤༡. ཁི་ཌྜཱ ར་ཏཱི ཧོ་ཏི ས་ཧཱ་ཡ་མ་ཛ྄ཛྷེ, པུ་ཏྟེ་སུ ཙ ཝི་པུ་ལཾ ཧོ་ཏི པེ་མཾ;
པི་ཡ་ཝི་པྤ་ཡོ་གཾ ཝི་ཛི་གུ་ཙྪ་མཱ་ནོ, ཨེ་ཀོ ཙ་རེ ཁ་གྒ་ཝི་སཱ་ཎ་ཀ་པྤོ.
༤༢. ཙཱ་ཏུ་དྡི་སོ ཨ་པྤ་ཊི་གྷོ ཙ ཧོ་ཏི, ས་ནྟུ་སྶ་མཱ་ནོ ཨི་ཏ་རཱི་ཏ་རེ་ན;
པ་རི་སྶ་ཡཱ་ནཾ ས་ཧི་ཏཱ ཨ་ཚ་མྦྷཱི, ཨེ་ཀོ ཙ་རེ ཁ་གྒ་ཝི་སཱ་ཎ་ཀ་པྤོ.
༤༣. དུ་སྶ་ངྒ་ཧཱ པ་བྦ་ཛི་ཏཱ་པི ཨེ་ཀེ, ཨ་ཐོ ག་ཧ་ཊྛཱ གྷ་ར་མཱ་ཝ་ས་ནྟཱ;
ཨ་པྤོ་སྶུ་ཀྐོ པ་ར་པུ་ཏྟེ་སུ ཧུ་ཏྭཱ, ཨེ་ཀོ ཙ་རེ ཁ་གྒ་ཝི་སཱ་ཎ་ཀ་པྤོ.
༤༤. ཨོ་རོ་པ་ཡི་ཏྭཱ གི་ཧི་བྱ་ཉྫ་ནཱ་ནི [གི་ཧི་ཝྱ་ཉྫ་ནཱ་ནི (སྱཱ. ཀཾ. པཱི.)], ས་ཉྪི་ནྣ་པ་ཏྟོ [སཾ་སཱི་ན་པ་ཏྟོ (སཱི.)] ཡ་ཐཱ ཀོ་ཝི་ལཱ༹་རོ;
ཚེ་ཏྭཱ་ན ཝཱི་རོ གི་ཧི་བ་ནྡྷ་ནཱ་ནི, ཨེ་ཀོ ཙ་རེ ཁ་གྒ་ཝི་སཱ་ཎ་ཀ་པྤོ.
༤༥. ས་ཙེ ལ་བྷེ་ཐ ནི་པ་ཀཾ ས་ཧཱ་ཡཾ, ས་དྡྷིཾ ཙ་རཾ སཱ་དྷུ་ཝི་ཧཱ་རི་དྷཱི་རཾ;
ཨ་བྷི་བྷུ་ཡྻ ས་བྦཱ་ནི པ་རི་སྶ་ཡཱ་ནི, ཙ་རེ་ཡྻ ཏེ་ན་ཏྟ་མ་ནོ ས་ཏཱི་མཱ.
༤༦. ནོ ཙེ ལ་བྷེ་ཐ ནི་པ་ཀཾ ས་ཧཱ་ཡཾ, ས་དྡྷིཾ ཙ་རཾ སཱ་དྷུ་ཝི་ཧཱ་རི་དྷཱི་རཾ;
རཱ་ཛཱ་ཝ ར་ཊྛཾ ཝི་ཛི་ཏཾ པ་ཧཱ་ཡ, ཨེ་ཀོ ཙ་རེ མཱ་ཏ་ངྒ་ར་ཉྙེ་ཝ ནཱ་གོ.
༤༧. ཨ་དྡྷཱ པ་སཾ་སཱ་མ ས་ཧཱ་ཡ་ས་མྤ་དཾ, སེ་ཊྛཱ ས་མཱ སེ་ཝི་ཏ་བྦཱ ས་ཧཱ་ཡཱ;
ཨེ་ཏེ ཨ་ལ་དྡྷཱ ཨ་ན་ཝ་ཛྫ་བྷོ་ཛཱི, ཨེ་ཀོ ཙ་རེ ཁ་གྒ་ཝི་སཱ་ཎ་ཀ་པྤོ.
༤༨. དི་སྭཱ སུ་ཝ་ཎྞ་སྶ པ་བྷ་སྶ་རཱ་ནི, ཀ་མྨཱ་ར་པུ་ཏྟེ་ན སུ་ནི་ཊྛི་ཏཱ་ནི;
ས་ངྒྷ་ཊྚ་མཱ་ནཱ་ནི དུ་ཝེ བྷུ་ཛ་སྨིཾ, ཨེ་ཀོ ཙ་རེ ཁ་གྒ་ཝི་སཱ་ཎ་ཀ་པྤོ.
༤༩. ཨེ་ཝཾ དུ་ཏི་ཡེ་ན [དུ་ཏི་ཡེ་ན (ས་བྦ་ཏྠ)] ས་ཧཱ མ་མ་སྶ, ཝཱ་ཙཱ་བྷི་ལཱ་པོ ཨ་བྷི་ས་ཛྫ་ནཱ ཝཱ;
ཨེ་ཏཾ བྷ་ཡཾ ཨཱ་ཡ་ཏིཾ པེ་ཀྑ་མཱ་ནོ, ཨེ་ཀོ ཙ་རེ ཁ་གྒ་ཝི་སཱ་ཎ་ཀ་པྤོ.
༥༠. ཀཱ་མཱ ཧི ཙི་ཏྲཱ མ་དྷུ་རཱ མ་ནོ་ར་མཱ, ཝི་རཱུ་པ་རཱུ་པེ་ན མ་ཐེ་ནྟི ཙི་ཏྟཾ;
ཨཱ་དཱི་ན་ཝཾ ཀཱ་མ་གུ་ཎེ་སུ དི་སྭཱ, ཨེ་ཀོ ཙ་རེ ཁ་གྒ་ཝི་སཱ་ཎ་ཀ་པྤོ.
༥༡. ཨཱི་ཏཱི ཙ ག་ཎྜོ ཙ ཨུ་པ་དྡ་ཝོ ཙ, རོ་གོ ཙ ས་ལླ་ཉྩ བྷ་ཡ་ཉྩ མེ་ཏཾ;
ཨེ་ཏཾ བྷ་ཡཾ ཀཱ་མ་གུ་ཎེ་སུ དི་སྭཱ, ཨེ་ཀོ ཙ་རེ ཁ་གྒ་ཝི་སཱ་ཎ་ཀ་པྤོ.
༥༢. སཱི་ཏ་ཉྩ ཨུ་ཎྷ་ཉྩ ཁུ་དཾ པི་པཱ་སཾ, ཝཱ་ཏཱ་ཏ་པེ ཌཾ་ས་ས་རཱི་ས་པེ [ཌཾ་ས་སི་རིཾ་ས་པེ (སཱི. སྱཱ. ཀཾ. པཱི.)] ཙ;
ས་བྦཱ་ནི་པེ་ཏཱ་ནི ཨ་བྷི་ས་མྦྷ་ཝི་ཏྭཱ, ཨེ་ཀོ ཙ་རེ ཁ་གྒ་ཝི་སཱ་ཎ་ཀ་པྤོ.
༥༣. ནཱ་གོ་ཝ ཡཱུ་ཐཱ་ནི ཝི་ཝ་ཛྫ་ཡི་ཏྭཱ, ས་ཉྫཱ་ཏ་ཁ་ནྡྷོ པ་དུ་མཱི ཨུ་ལཱ༹་རོ;
ཡ་ཐཱ་བྷི་ར་ནྟཾ ཝི་ཧ་རཾ [ཝི་ཧ་རེ (སཱི. པཱི. ནི་དྡེ་ས)] ཨ་ར་ཉྙེ, ཨེ་ཀོ ཙ་རེ ཁ་གྒ་ཝི་སཱ་ཎ་ཀ་པྤོ.
༥༤. ཨ་ཊྛཱ་ན་ཏཾ ས་ངྒ་ཎི་ཀཱ་ར་ཏ་སྶ, ཡཾ ཕ་སྶ་ཡེ [ཕུ་སྶ་ཡེ (སྱཱ.)] སཱ་མ་ཡི་ཀཾ ཝི་མུ་ཏྟིཾ;
ཨཱ་དི་ཙྩ་བ་ནྡྷུ་སྶ ཝ་ཙོ ནི་ས་མྨ, ཨེ་ཀོ ཙ་རེ ཁ་གྒ་ཝི་སཱ་ཎ་ཀ་པྤོ.
༥༥. དི་ཊྛཱི་ཝི་སཱུ་ཀཱ་ནི ཨུ་པཱ་ཏི་ཝ་ཏྟོ, པ་ཏྟོ ནི་ཡཱ་མཾ པ་ཊི་ལ་དྡྷ་མ་གྒོ;
ཨུ་པྤ་ནྣ་ཉཱ་ཎོ་མྷི ཨ་ན་ཉྙ་ནེ་ཡྻོ, ཨེ་ཀོ ཙ་རེ ཁ་གྒ་ཝི་སཱ་ཎ་ཀ་པྤོ.
༥༦. ནི་ལློ་ལུ་པོ ནི་ཀྐུ་ཧོ ནི་པྤི་པཱ་སོ, ནི་མྨ་ཀྑོ ནི་དྡྷ་ནྟ་ཀ་སཱ་ཝ་མོ་ཧོ;
ནི་རཱ་ས་ཡོ [ནི་རཱ་སཱ་སོ (ཀ.)] ས་བྦ་ལོ་ཀེ བྷ་ཝི་ཏྭཱ, ཨེ་ཀོ ཙ་རེ ཁ་གྒ་ཝི་སཱ་ཎ་ཀ་པྤོ.
༥༧. པཱ་པཾ ས་ཧཱ་ཡཾ པ་རི་ཝ་ཛྫ་ཡེ་ཐ, ཨ་ན་ཏྠ་ད་སྶིཾ ཝི་ས་མེ ནི་ཝི་ཊྛཾ;
ས་ཡཾ ན སེ་ཝེ པ་སུ་ཏཾ པ་མ་ཏྟཾ, ཨེ་ཀོ ཙ་རེ ཁ་གྒ་ཝི་སཱ་ཎ་ཀ་པྤོ.
༥༨. བ་ཧུ་སྶུ་ཏཾ དྷ་མྨ་དྷ་རཾ བྷ་ཛེ་ཐ, མི་ཏྟཾ ཨུ་ལཱ༹་རཾ པ་ཊི་བྷཱ་ན་ཝ་ནྟཾ;
ཨ་ཉྙཱ་ཡ ཨ་ཏྠཱ་ནི ཝི་ནེ་ཡྻ ཀ་ངྑཾ, ཨེ་ཀོ ཙ་རེ ཁ་གྒ་ཝི་སཱ་ཎ་ཀ་པྤོ.
༥༩. ཁི་ཌྜཾ ར་ཏིཾ ཀཱ་མ་སུ་ཁ་ཉྩ ལོ་ཀེ, ཨ་ན་ལ་ངྐ་རི་ཏྭཱ ཨ་ན་པེ་ཀྑ་མཱ་ནོ;
ཝི་བྷཱུ་ས་ན་ཊྛཱ་ནཱ ཝི་ར་ཏོ ས་ཙྩ་ཝཱ་དཱི, ཨེ་ཀོ ཙ་རེ ཁ་གྒ་ཝི་སཱ་ཎ་ཀ་པྤོ.
༦༠. པུ་ཏྟ་ཉྩ དཱ་རཾ པི་ཏ་ར་ཉྩ མཱ་ཏ་རཾ, དྷ་ནཱ་ནི དྷ་ཉྙཱ་ནི ཙ བ་ནྡྷ་ཝཱ་ནི [བ་ནྡྷ་ཝཱ་ནི ཙ (པཱི.)];
ཧི་ཏྭཱ་ན ཀཱ་མཱ་ནི ཡ་ཐོ་དྷི་ཀཱ་ནི, ཨེ་ཀོ ཙ་རེ ཁ་གྒ་ཝི་སཱ་ཎ་ཀ་པྤོ.
༦༡. ས་ངྒོ ཨེ་སོ པ་རི་ཏྟ་མེ་ཏྠ སོ་ཁྱཾ, ཨ་པྤ་སྶཱ་དོ དུ་ཀྑ་མེ་ཏྠ བྷི་ཡྻོ;
ག་ལོ༹ ཨེ་སོ ཨི་ཏི ཉ་ཏྭཱ མུ་ཏཱི་མཱ [མ་ཏཱི་མཱ (སྱཱ. ཀ.)], ཨེ་ཀོ ཙ་རེ ཁ་གྒ་ཝི་སཱ་ཎ་ཀ་པྤོ.
༦༢. ས་ནྡཱ་ལ་ཡི་ཏྭཱ་ན [པ་དཱ་ལ་ཡི་ཏྭཱ་ན (ཀ.)] སཾ་ཡོ་ཛ་ནཱ་ནི, ཛཱ་ལཾ་ཝ བྷེ་ཏྭཱ ས་ལི་ལ་མྦུ་ཙཱ་རཱི;
ཨ་གྒཱི་ཝ ད་ཌྜྷཾ ཨ་ནི་ཝ་ཏྟ་མཱ་ནོ, ཨེ་ཀོ ཙ་རེ ཁ་གྒ་ཝི་སཱ་ཎ་ཀ་པྤོ.
༦༣. ཨོ་ཀྑི་ཏྟ་ཙ་ཀྑཱུ ན ཙ པཱ་ད་ལོ་ལོ, གུ་ཏྟི་ནྡྲི་ཡོ ར་ཀྑི་ཏ་མཱ་ན་སཱ་ནོ;
ཨ་ན་ཝ་སྶུ་ཏོ ཨ་པ་རི་ཌ་ཡ྄ཧ་མཱ་ནོ, ཨེ་ཀོ ཙ་རེ ཁ་གྒ་ཝི་སཱ་ཎ་ཀ་པྤོ.
༦༤. ཨོ་ཧཱ་ར་ཡི་ཏྭཱ གི་ཧི་བྱ་ཉྫ་ནཱ་ནི, ས་ཉྪ་ནྣ་པ་ཏྟོ [ས་ཉྪི་ནྣ་པ་ཏྟོ (སྱཱ. པཱི.), པ་ཙྪི་ནྣ་པ་ཏྟོ (ཀ.)] ཡ་ཐཱ པཱ་རི་ཚ་ཏྟོ;
ཀཱ་སཱ་ཡ་ཝ་ཏྠོ ཨ་བྷི་ནི་ཀྑ་མི་ཏྭཱ, ཨེ་ཀོ ཙ་རེ ཁ་གྒ་ཝི་སཱ་ཎ་ཀ་པྤོ.
༦༥. ར་སེ་སུ གེ་དྷཾ ཨ་ཀ་རཾ ཨ་ལོ་ལོ, ཨ་ན་ཉྙ་པོ་སཱི ས་པ་དཱ་ན་ཙཱ་རཱི;
ཀུ་ལེ ཀུ་ལེ ཨ་པྤ་ཊི་བ་དྡྷ་ཙི་ཏྟོ [ཨ་པྤ་ཊི་བ་ནྡྷ་ཙི་ཏྟོ (ཀ.)], ཨེ་ཀོ ཙ་རེ ཁ་གྒ་ཝི་སཱ་ཎ་ཀ་པྤོ.