༥. ཙུ་ནྡ་སུ་ཏྟཾ
༨༣. ‘‘པུ་ཙྪཱ་མི མུ་ནིཾ པ་ཧཱུ་ཏ་པ་ཉྙཾ, (ཨི་ཏི ཙུ་ནྡོ ཀ་མྨཱ་ར་པུ་ཏྟོ)
བུ་དྡྷཾ དྷ་མྨ་སྶཱ་མིཾ ཝཱི་ཏ་ཏ་ཎྷཾ;
དྭི་པ་དུ་ཏྟ་མཾ [དི་པ་དུ་ཏྟ་མཾ (སཱི. སྱཱ. ཀཾ. པཱི.)] སཱ་ར་ཐཱི་ནཾ པ་ཝ་རཾ, ཀ་ཏི ལོ་ཀེ ས་མ་ཎཱ ཏ་དི་ངྒྷ བྲཱུ་ཧི’’.
༨༤. ‘‘ཙ་ཏུ་རོ ས་མ་ཎཱ ན པ་ཉྩ་མ་ཏྠི, (ཙུ་ནྡཱ་ཏི བྷ་ག་ཝཱ)
ཏེ ཏེ ཨཱ་ཝི་ཀ་རོ་མི ས་ཀྑི་པུ་ཊྛོ;
མ་གྒ་ཛི་ནོ མ་གྒ་དེ་ས་ཀོ ཙ, མ་གྒེ ཛཱི་ཝ་ཏི ཡོ ཙ མ་གྒ་དཱུ་སཱི’’.
༨༥. ‘‘ཀཾ མ་གྒ་ཛི་ནཾ ཝ་ད་ནྟི བུ་དྡྷཱ, (ཨི་ཏི ཙུ་ནྡོ ཀ་མྨཱ་ར་པུ་ཏྟོ)
མ་གྒ་ཀྑཱ་ཡཱི ཀ་ཐཾ ཨ་ཏུ་ལྱོ ཧོ་ཏི;
མ་གྒེ ཛཱི་ཝ་ཏི མེ བྲཱུ་ཧི པུ་ཊྛོ, ཨ་ཐ མེ ཨཱ་ཝི་ཀ་རོ་ཧི མ་གྒ་དཱུ་སིཾ’’ [མ་གྒ་དཱུ་སཱི (ཀ.)].
༨༦. ‘‘ཡོ ཏི་ཎྞ་ཀ་ཐཾ་ཀ་ཐོ ཝི་ས་ལློ, ནི་བྦཱ་ནཱ་བྷི་ར་ཏོ ཨ་ནཱ་ནུ་གི་དྡྷོ;
ལོ་ཀ་སྶ ས་དེ་ཝ་ཀ་སྶ ནེ་ཏཱ, ཏཱ་དིཾ མ་གྒ་ཛི་ནཾ ཝ་ད་ནྟི བུ་དྡྷཱ.
༨༧. ‘‘པ་ར་མཾ པ་ར་མ་ནྟི ཡོ་དྷ ཉ་ཏྭཱ, ཨ་ཀྑཱ་ཏི ཝི་བྷ་ཛ་ཏེ ཨི་དྷེ་ཝ དྷ་མྨཾ;
ཏཾ ཀ་ངྑ་ཚི་དཾ མུ་ནིཾ ཨ་ནེ་ཛཾ, དུ་ཏི་ཡཾ བྷི་ཀྑུ་ན་མཱ་ཧུ མ་གྒ་དེ་སིཾ.
༨༨. ‘‘ཡོ དྷ་མྨ་པ་དེ སུ་དེ་སི་ཏེ, མ་གྒེ ཛཱི་ཝ་ཏི ས་ཉྙ་ཏོ ས་ཏཱི་མཱ;
ཨ་ན་ཝ་ཛྫ་པ་དཱ་ནི སེ་ཝ་མཱ་ནོ, ཏ་ཏི་ཡཾ བྷི་ཀྑུ་ན་མཱ་ཧུ མ་གྒ་ཛཱི་ཝིཾ.
༨༩. ‘‘ཚ་ད་ནཾ ཀ་ཏྭཱ་ན སུ་བྦ་ཏཱ་ནཾ, པ་ཀྑ་ནྡཱི ཀུ་ལ་དཱུ་ས་ཀོ པ་ག་བྦྷོ;
མཱ་ཡཱ་ཝཱི ཨ་ས་ཉྙ་ཏོ པ་ལཱ་པོ, པ་ཏི་རཱུ་པེ་ན ཙ་རཾ ས མ་གྒ་དཱུ་སཱི.
༩༠. ‘‘ཨེ་ཏེ ཙ པ་ཊི་ཝི་ཛ྄ཛྷི ཡོ ག་ཧ་ཊྛོ, སུ་ཏ་ཝཱ ཨ་རི་ཡ་སཱ་ཝ་ཀོ ས་པ་ཉྙོ;
ས་བྦེ ནེ་ཏཱ་དི་སཱ་ཏི [ས་བྦེ ནེ ཏཱ་དི་སཱ་ཏི (སཱི. སྱཱ. པཱི.)] ཉ་ཏྭཱ, ཨི་ཏི དི་སྭཱ ན ཧཱ་པེ་ཏི ཏ་སྶ ས་དྡྷཱ;
ཀ་ཐཾ ཧི དུ་ཊྛེ་ན ཨ་ས་མྤ་དུ་ཊྛཾ, སུ་དྡྷཾ ཨ་སུ་དྡྷེ་ན ས་མཾ ཀ་རེ་ཡྻཱ’’ཏི.
ཙུ་ནྡ་སུ་ཏྟཾ པ་ཉྩ་མཾ ནི་ཊྛི་ཏཾ.