༧. ཧཱ་ར་ས་མྤཱ་ཏ་བྷཱུ་མི
༧༢. ཛྷཱ་ནཾ ཝི་རཱ་གོ. ཙ་ཏྟཱ་རི ཛྷཱ་ནཱ་ནི ཝི་ཏྠཱ་རེ་ན ཀཱ་ཏ་བྦཱ་ནི. ཏཱ་ནི དུ་ཝི་དྷཱ་ནི; བོ་ཛ྄ཛྷ་ངྒ་ཝི་པྤ་ཡུ་ཏྟཱ་ནི ཙ བོ་ཛ྄ཛྷ་ངྒ་ས་མྤ་ཡུ་ཏྟཱ་ནི ཙ. ཏ་ཏྠ བོ་ཛ྄ཛྷ་ངྒ་ཝི་པྤ་ཡུ་ཏྟཱ་ནི བཱ་ཧི་ར་ཀཱ་ནི, བོ་ཛ྄ཛྷ་ངྒ་ས་མྤ་ཡུ་ཏྟཱ་ནི ཨ་རི་ཡ་པུ་གྒ་ལཱ་ནི. ཏ་ཏྠ ཡེ་ན ཚ པུ་གྒ་ལ་མཱུ་ལཱ་ནི ཏེ་སཾ ནི་ཀྑི་པེ་ཏྭཱ རཱ་ག་ཙ་རི་ཏོ, དོ་ས་ཙ་རི་ཏོ, མོ་ཧ་ཙ་རི་ཏོ, རཱ་ག་དོ་ས་ཙ་རི་ཏོ, རཱ་ག་མོ་ཧ་ཙ་རི་ཏོ, དོ་ས་མོ་ཧ་ཙ་རི་ཏོ, ས་མ་བྷཱ་ག་ཙ་རི་ཏོ, ཨི་ཏི ཨི་མེ་སཾ པུ་གྒ་ལཱ་ནཾ ཛྷཱ་ནཾ ས་མཱ་པ་ཛྫི་ཏཱ་ནཾ པ་ཉྩ ནཱི་ཝ་ར་ཎཱ་ནི པ་ཊི་པ་ཀྑོ ཏེ་སཾ པ་ཊི་གྷཱ་ཏཱ་ཡ ཡ་ཐཱ ཨ་ས་མ་ཏྠོ ཏཱི་ཎི ཨ་ཀུ་ས་ལ་མཱུ་ལཱ་ནི ནི་གྒ་ཎྷཱ་ཏི. ལོ་བྷེ་ན ཨ་ཀུ་ས་ལ་མཱུ་ལེ་ན ཨ་བྷི་ཛ྄ཛྷཱ ཙ ཨུ་དྡྷ་ཙྩ་ཉྩ ཨུ་པྤི་ལ་ཝ་ཏཾ ཨ་ལོ་བྷེ་ན ཀུ་ས་ལ་མཱུ་ལེ་ན ནི་གྒ་ཎྷཱ་ཏི, ཀུ་ཀྐུ་ཙྩ་ཉྩ ཝི་ཙི་ཀི་ཙྪཱ ཙ མོ་ཧ་པ་ཀྑོ, ཏཾ ཨ་མོ་ཧེ་ན ནི་གྒ་ཎྷཱ་ཏི. དོ་སོ ཙ ཐི་ན་མི་དྡྷ་ཉྩ དོ་ས་པ་ཀྑོ, ཏཾ ཨ་དོ་སེ་ན ནི་གྒ་ཎྷཱ་ཏི.
ཏ་ཏྠ ཨ་ལོ་བྷ་སྶ པཱ་རི་པཱུ་རི་ཡཱ ནེ་ཀྑ་མྨ་ཝི་ཏ་ཀྐཾ ཝི་ཏ་ཀྐེ་ཏི. ཏ་ཏྠ ཨ་དོ་ས་སྶ པཱ་རི་པཱུ་རི་ཡཱ ཨ་བྱཱ་པཱ་ད་ཝི་ཏ་ཀྐཾ ཝི་ཏ་ཀྐེ་ཏི. ཏ་ཏྠ ཨ་མོ་ཧ་སྶ པཱ་རི་པཱུ་རི་ཡཱ ཨ་ཝི་ཧིཾ་སཱ་ཝི་ཏ་ཀྐཾ ཝི་ཏ་ཀྐེ་ཏི. ཏ་ཏྠ ཨ་ལོ་བྷ་སྶ པཱ་རི་པཱུ་རི་ཡཱ ཝི་ཝི་ཏྟོ ཧོ་ཏི ཀཱ་མེ་ཧི. ཏ་ཏྠ ཨ་དོ་ས་སྶ པཱ་རི་པཱུ་རི་ཡཱ ཨ་མོ་ཧ་སྶ པཱ་རི་པཱུ་རི་ཡཱ ཙ ཝི་ཝི་ཏྟོ ཧོ་ཏི པཱ་པ་ཀེ་ཧི ཨ་ཀུ་ས་ལེ་ཧི དྷ་མྨེ་ཧི, ས་ཝི་ཏ་ཀྐཾ ས་ཝི་ཙཱ་རཾ ཝི་ཝེ་ཀ་ཛཾ པཱི་ཏི་སུ་ཁཾ པ་ཋ་མཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི.
ཝི་ཏ་ཀྐཱ་ཏི ཏ་ཡོ ཝི་ཏ་ཀྐཱ – ནེ་ཀྑ་མྨ་ཝི་ཏ་ཀྐོ ཨ་བྱཱ་པཱ་ད་ཝི་ཏ་ཀྐོ ཨ་ཝི་ཧིཾ་སཱ་ཝི་ཏ་ཀྐོ. ཏ་ཏྠ པ་ཋ་མཱ་བྷི་ནི་པཱ་ཏོ ཝི་ཏ་ཀྐོ, པ་ཊི་ལ་དྡྷ་སྶ ཝི་ཙ་ར་ཎཾ ཝི་ཙཱ་རོ. ཡ་ཐཱ པུ་རི་སོ དཱུ་ར་ཏོ པུ་རི་སཾ པ་སྶ་ཏི ཨཱ་ག་ཙྪ་ནྟཾ, ན ཙ ཏཱ་ཝ ཛཱ་ནཱ་ཏི ཨེ་སོ ཨི་ཏྠཱི་ཏི ཝཱ པུ་རི་སོ་ཏི ཝཱ ཡ་དཱ ཏུ པ་ཊི་ལ་བྷ་ཏི ཨི་ཏྠཱི་ཏི ཝཱ པུ་རི་སོ་ཏི ཝཱ ཨེ་ཝཾ ཝ་ཎྞོ་ཏི ཝཱ ཨེ་ཝཾ ས་ཎྛཱ་ནོ་ཏི ཝཱ ཨི་མེ ཝི་ཏ་ཀྐ་ཡ་ནྟོ ཨུ་ཏྟ་རི ཨུ་པ་པ་རི་ཀྑ་ནྟི ཀིཾ ནུ ཁོ ཨ་ཡཾ སཱི་ལ་ཝཱ ཨུ་དཱ་ཧུ དུ་སྶཱི་ལོ ཨ་ཌྜྷོ ཝཱ དུ་གྒ་ཏོ་ཏི ཝཱ. ཨེ་ཝཾ ཝི་ཙཱ་རོ ཝི་ཏ་ཀྐེ ཨ་པྤེ་ཏི, ཝི་ཙཱ་རོ ཙ་རི་ཡ་ཏི ཙ ཨ་ནུ་ཝ་ཏྟ་ཏི ཙ. ཡ་ཐཱ པ་ཀྑཱི པུ་བྦཾ ཨཱ་ཡཱུ་ཧ་ཏི པ་ཙྪཱ ནཱ་ཡཱུ་ཧ་ཏི ཡ་ཐཱ ཨཱ་ཡཱུ་ཧ་ནཱ ཨེ་ཝཾ ཝི་ཏ་ཀྐོ, ཡ་ཐཱ པ་ཀྑཱ་ནཾ པ་སཱ་ར་ཎཾ ཨེ་ཝཾ ཝི་ཙཱ་རོ ཨ་ནུ་པཱ་ལ་ཏི ཝི་ཏ་ཀྐེ་ཏི ཝི་ཙ་ར་ཏི ཝི་ཙཱ་རེ་ཏི. ཝི་ཏ་ཀྐ་ཡ་ཏི ཝི་ཏ་ཀྐེ་ཏི, ཨ་ནུ་ཝི་ཙ་ར་ཏི ཝི་ཙཱ་རེ་ཏི. ཀཱ་མ་ས་ཉྙཱ་ཡ པ་ཊི་པ་ཀྑོ ཝི་ཏ་ཀྐོ, བྱཱ་པཱ་ད་ས་ཉྙཱ་ཡ ཝི་ཧིཾ་ས་ས་ཉྙཱ་ཡ ཙ པ་ཊི་པ་ཀྑོ ཝི་ཙཱ་རོ. ཝི་ཏ་ཀྐཱ་ནཾ ཀ་མྨཾ ཨ་ཀུ་ས་ལ་སྶ ཨ་མ་ན་སི་ཀཱ་རོ, ཝི་ཙཱ་རཱ་ནཾ ཀ་མྨཾ ཛེ་ཊྛཱ་ནཾ སཾ་ཝཱ་ར་ཎཱ. ཡ་ཐཱ པ་ལི་ཀོ ཏུ་ཎྷི་ཀོ ས་ཛ྄ཛྷཱ་ཡཾ ཀ་རོ་ཏི ཨེ་ཝཾ ཝི་ཏ་ཀྐོ, ཡ་ཐཱ ཏཾ་ཡེ་ཝ ཨ་ནུ་པ་སྶ་ཏི ཨེ་ཝཾ ཝི་ཙཱ་རོ. ཡ་ཐཱ ཨ་པ་རི་ཉྙཱ ཨེ་ཝཾ ཝི་ཏ་ཀྐོ. ཡ་ཐཱ པ་རི་ཉྙཱ ཨེ་ཝཾ ཝི་ཙཱ་རོ. ནི་རུ་ཏྟི་པ་ཊི་ས་མྦྷི་དཱ་ཡ་ཉྩ པ་ཊི་བྷཱ་ན་པ་ཊི་ས་མྦྷི་དཱ་ཡ་ཉྩ ཝི་ཏ་ཀྐོ, དྷ་མྨ་པ་ཊི་ས་མྦྷི་དཱ་ཡ་ཉྩ ཨ་ཏྠ་པ་ཊི་ས་མྦྷི་དཱ་ཡ་ཉྩ ཝི་ཙཱ་རོ. ཀ་ལླི་ཏཱ ཀོ་ས་ལླ་ཏྟཾ ཙི་ཏྟ་སྶ ཝི་ཏ་ཀྐོ, ཨ་བྷི་ནཱི་ཧཱ་ར་ཀོ་ས་ལླཾ ཙི་ཏྟ་སྶ ཝི་ཙཱ་རོ. ཨི་དཾ ཀུ་ས་ལཾ ཨི་དཾ ཨ་ཀུ་ས་ལཾ ཨི་དཾ བྷཱ་ཝེ་ཏ་བྦཾ ཨི་དཾ པ་ཧཱ་ཏ་བྦཾ ཨི་དཾ ས་ཙྪི་ཀཱ་ཏ་བྦ་ནྟི ཝི་ཏ་ཀྐོ, ཡ་ཐཱ པ་ཧཱ་ན་ཉྩ བྷཱ་ཝ་ནཱ ཙ ས་ཙྪི་ཀི་རི་ཡཱ ཙ ཨེ་ཝཾ ཝི་ཙཱ་རོ. ཨི་མེ་སུ ཝི་ཏ་ཀྐ་ཝི་ཙཱ་རེ་སུ ཋི་ཏ་སྶ དུ་ཝི་དྷཾ དུ་ཀྑཾ ན ཨུ་པྤ་ཛྫ་ཏི ཀཱ་ཡི་ཀ་ཉྩ ཙེ་ཏ་སི་ཀ་ཉྩ; དུ་ཝི་དྷཾ སུ་ཁཾ ཨུ་པྤ་ཛྫ་ཏི ཀཱ་ཡི་ཀ་ཉྩ ཙེ་ཏ་སི་ཀ་ཉྩ. ཨི་ཏི ཝི་ཏ་ཀྐ་ཛ་ནི་ཏཾ ཙེ་ཏ་སི་ཀཾ སུ་ཁཾ པཱི་ཏི ཀཱ་ཡི་ཀཾ སུ་ཁཾ ཀཱ་ཡི་ཀོ་ཡེ་ཝ. ཡཱ ཏ་ཏྠ ཙི་ཏྟ་སྶ ཨེ་ཀ་གྒ་ཏཱ, ཨ་ཡཾ ས་མཱ་དྷི. ཨི་ཏི པ་ཋ་མཾ ཛྷཱ་ནཾ པ་ཉྩ་ངྒ་ཝི་པྤ་ཧཱི་ནཾ པ་ཉྩ་ངྒ་ས་མ་ནྣཱ་ག་ཏཾ.
ཏེ་སཾ་ཡེ་ཝ ཝི་ཏ་ཀྐ་ཝི་ཙཱ་རཱ་ནཾ ཨ་བྷི་ཀྑ་ཎཾ ཨཱ་སེ་ཝ་ནཱ་ཡ ཏ་སྶ ཏ་པྤོ་ཎ་མཱ་ན་སཾ ཧོ་ཏི. ཏ་སྶ ཝི་ཏ་ཀྐ་ཝི་ཙཱ་རཱ ཨོ་ལཱ༹་རི་ཀཱ ཁཱ་ཡ་ནྟི. ཡ་ཉྩ པཱི་ཏི་སུ་ཁ་ཉྩ ནེ་ཀྑ་མྨ་ཉྩ ཨོ་ལཱ༹་རི་ཀཾ བྷ་ཝ་ཏི. ཨ་པི ཙ ས་མཱ་དྷི་ཛཱ པཱི་ཏི ར་ཏི ཙ ཛཱ་ཡ་ཏི. ཏ་སྶ ཝི་ཙཱ་རཱ་ར་མྨ་ཎཾ. ཏེ་སཾ ཝཱུ་པ་ས་མཱ ཨ་ཛ྄ཛྷ་ཏྟཾ ཙེ་ཏོ ས་མྤ་སཱི་ད་ཏི. ཡེ ཝི་ཏ་ཀྐ་ཝི་ཙཱ་རཱ དྭེ དྷ་མྨཱ་ནུ་སྶ་རི་ཏ་བྦཱ. པ་ཙྩུ་པྤ་ནྣཱ ད་ར་ཎི་ཏ་བྦཾ. ཏེ་སཾ ཝཱུ་པ་ས་མཱ ཨེ་ཀོ་དི་བྷཱ་ཝཾ ཙི་ཏྟེ་ཀ་གྒ་ཏཾ ཧོ་ཏི. ཏ་སྶ ཨེ་ཀོ་དི་བྷཱ་ཝེ་ན པཱི་ཏི པཱ་རི་པཱུ་རིཾ ག་ཙྪ་ཏི. ཡཱ པཱི་ཏི, ཏཾ སོ་མ་ན་སྶི་ནྡྲི་ཡཾ, ཡཾ སུ་ཁཾ, ཏཾ སུ་ཁི་ནྡྲི་ཡཾ. ཡཱ ཙི་ཏྟེ་ཀ་གྒ་ཏཱ, ཨ་ཡཾ ས་མཱ་དྷི. ཏཾ དུ་ཏི་ཡཾ ཛྷཱ་ནཾ ཙ་ཏུ་ར་ངྒ་ས་མ་ནྣཱ་ག་ཏཾ. སོ པཱི་ཏི་ཡཱ ཝི་རཱ་གཱ ཡཱ་ཏི ཨོ་ཛ་ཧི ཛ་ལླ་ས་ཧ་ག་ཏཾ.
༧༣. ཏ་ཏྠ སོ་མ་ན་སྶ་ཙི་ཏྟ་མུ་པཱ་དཱ་ན་ནྟི ཙ སོ ཏཾ ཝི་ཙི་ན་ནྟོ ཨུ་པེ་ཀྑ་མེ་ཝ མ་ན་སི་ཀ་རོ་ཏི. སོ པཱི་ཏི་ཡཱ ཝི་རཱ་གཱ ཨུ་པེ་ཀྑ་ཀོ ཝི་ཧ་ར་ཏི. ཡ་ཐཱ ཙ པཱི་ཏི་ཡཱ སུ་ཁ་མཱ་ནི་ཏཾ, ཏཾ ཀཱ་ཡེ་ན པ་ཊི་སཾ་ཝེ་དེ་ཏི ས་མྤ་ཛཱ་ནོ ཝི་ཧ་ར་ཏི. ཡེ་ན ས་ཏི་ས་མྤ་ཛ་ཉྙེ་ན ཨུ་པེ་ཀྑཱ་པཱ་རི་པཱུ་རིཾ ག་ཙྪ་ཏི. ཨི་དཾ ཏ་ཏི་ཡཾ ཛྷཱ་ནཾ ཙ་ཏུ་ར་ངྒ་ས་མ་ནྣཱ་ག་ཏཾ.
ཏ་ཐཱ ཀཱ་ཡི་ཀ་སྶ སུ་ཁ་སྶ པ་ཧཱ་ནཱ་ཡ པ་ཋ་མེ ཛྷཱ་ནེ སོ་མ་ན་སྶི་ནྡྲི་ཡཾ ནི་རུ་ཛ྄ཛྷ་ཏི. དུ་ཏི་ཡེ ཛྷཱ་ནེ དུ་ཀྑི་ནྡྲི་ཡཾ ནི་རུ་ཛ྄ཛྷ་ཏི. སོ སུ་ཁ་སྶ ཙ པ་ཧཱ་ནཱ དུ་ཀྑ་སྶ ཙ པ་ཧཱ་ནཱ པུ་བྦེ་ཝ སོ་མ་ན་སྶ་དོ་མ་ན་སྶཱ་ནཾ ཨ་ཏྠ་ངྒ་མཱ ཨ་དུ་ཀྑ་མ་སུ་ཁཾ ཨུ་པེ་ཀྑཱ་ས་ཏི་པཱ་རི་སུ་དྡྷིཾ ཙ་ཏུ་ཏྠཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་ར་ཏི. ཏ་ཏྠ ཙ་ཏཱུ་ཧི ཨི་ནྡྲི་ཡེ་ཧི ཨུ་པེ་ཀྑཱ པ་སཱ་དཱ ཧོ་ཏི, དུ་ཀྑི་ནྡྲི་ཡེ་ན དོ་མ་ན་སྶི་ནྡྲི་ཡེ་ན སུ་ཁི་ནྡྲི་ཡེ་ན སོ་མ་ན་སྶི་ནྡྲི་ཡེ་ན ཙ. ཏེ་སཾ ནི་རོ་དྷཱ ཨུ་པེ་ཀྑཱ་ས་མྤ་ཛ་ཉྙཾ ཧོ་ཏི, ཏ་ཏྠ སུ་ཁི་ནྡྲི་ཡེ་ན སོ་མ་ན་སྶི་ནྡྲི་ཡེ་ན ཙ ཨ་ས་ཏི ཧོ་ཏི, ཏེ་སཾ ནི་རོ་དྷཱ ས་ཏི་མཱ ཧོ་ཏི, དུ་ཀྑི་ནྡྲི་ཡེ་ན དོ་མ་ན་སྶི་ནྡྲི་ཡེ་ན ཙ ཨ་ས་མྤ་ཛ་ཉྙཾ, ཏེ་སཾ ནི་རོ་དྷཱ ས་མྤ་ཛ་ཉྙཾ ཧོ་ཏི, ཨི་ཏི ཨུ་པེ་ཀྑཱ་ཡ ཙ ས་ཉྙཱ, ས་ཏོ ས་མྤ་ཛཱ་ནོ ཙི་ཏྟེ་ཀ་གྒ་ཏཱ ཙ ཨི་དཾ ཝུ་ཙྩ་ཏེ ཙ ཙ་ཏུ་ཏྠཾ ཛྷཱ་ནཾ.
ཏ་ཏྠ ཡོ རཱ་ག་ཙ་རི་ཏོ པུ་གྒ་ལོ ཏ་སྶ སུ་ཁི་ནྡྲི་ཡ་ཉྩ སོ་མ་ན་སྶི་ནྡྲི་ཡ་ཉྩ; ཡོ དོ་ས་ཙ་རི་ཏོ པུ་གྒ་ལོ ཏ་སྶ དུ་ཀྑི་ནྡྲི་ཡ་ཉྩ དོ་མ་ན་སྶི་ནྡྲི་ཡ་ཉྩ; ཡོ མོ་ཧ་ཙ་རི་ཏོ པུ་གྒ་ལོ ཏ་སྶ ཨ་ས་ཏི ཙ ཨ་ས་མྤ་ཛ་ཉྙ་ཉྩ.
ཏ་ཏྠ རཱ་ག་ཙ་རི་ཏ་སྶ པུ་གྒ་ལ་སྶ ཏ་ཏི་ཡེ ཛྷཱ་ནེ ཙ་ཏུ་ཏྠེ ཙ ཨ་ནུ་ན་ཡོ ནི་རུ་ཛ྄ཛྷ་ཏི, དོ་ས་ཙ་རི་ཏ་སྶ པ་ཋ་མེ ཛྷཱ་ནེ དུ་ཏི་ཡེ ཙ པ་ཊི་གྷཾ ནི་རུ་ཛ྄ཛྷ་ཏི, མོ་ཧ་ཙ་རི་ཏ་སྶ པུ་གྒ་ལ་སྶ པ་ཋ་མེ ཛྷཱ་ནེ དུ་ཏི་ཡེ ཙ ཨ་ས་མྤ་ཛ་ཉྙཾ ནི་རུ་ཛ྄ཛྷ་ཏི. ཏ་ཏི་ཡེ ཛྷཱ་ནེ ཙ་ཏུ་ཏྠེ ཙ ཨ་ས་ཏི ནི་རུ་ཛ྄ཛྷ་ཏི, ཨེ་ཝ་མེ་ཝ ཏེ་སཾ ཏི་ཎྞཾ པུ་གྒ་ལཱ་ནཾ ཙ་ཏྟཱ་རི ཛྷཱ་ནཱ་ནི ཝོ་དཱ་ནཾ ག་མི་སྶ་ནྟི.
ཏ་ཏྠ རཱ་ག་དོ་ས་ཙ་རི་ཏ་སྶ པུ་གྒ་ལ་སྶ ཨ་ས་མྤ་ཛ་ཉྙ་ཉྩ ཨ་ནུ་ན་ཡོ ཙ པ་ཊི་གྷ་ཉྩ, ཏེ་ན ཧཱ་ན་བྷཱ་གི་ཡཾ [པ་ཧཱ་ན་བྷཱ་གི་ཡཾ (པཱི. ཀ.)] ཛྷཱ་ནཾ ཧོ་ཏི. ཏ་ཏྠ རཱ་ག་མོ་ཧ་ཙ་རི་ཏ་སྶ པུ་གྒ་ལ་སྶ ཨ་ནུ་ན་ཡ་ཏྟཾ ཙ ཨཱ་དཱི་ན་ཝཾ ད་སྶི་ཏཱ, ཏཾ ཏ་སྶ ཧཱ་ན་བྷཱ་གི་ཡཾ ཛྷཱ་ནཾ ཧོ་ཏི. ཏ་ཏྠ དོ་ས་མོ་ཧ་ཙ་རི་ཏ་སྶ པུ་གྒ་ལ་སྶ པ་ཊི་གྷོ ཙ ཨ་ས་ཏི ཙ ཨ་ས་མྤ་ཛ་ཉྙ་ཉྩ ཨཱ་དཱི་ན་ཝཾ ད་སྶི་ཏཱ ཏེ་ན ཏ་སྶ ཧཱ་ན་བྷཱ་གི་ཡཾ ཛྷཱ་ནཾ ཧོ་ཏི.
ཏ་ཏྠ རཱ་ག་དོ་ས་མོ་ཧ་ས་མ་བྷཱ་ག་ཙ་རི་ཏ་སྶ པུ་གྒ་ལ་སྶ ཝི་སེ་ས་བྷཱ་གི་ཡཾ ཛྷཱ་ནཾ ཧོ་ཏི, ཨི་མཱ་ནི ཙ་ཏྟཱ་རི ཛྷཱ་ནཱ་ནི ས་ཏྟ་སུ པུ་གྒ་ལེ་སུ ནི་དྡི་སི་ཏ་བྦཱ་ནི. ཙ་ཏཱུ་སུ ཙ ས་མཱ་དྷཱི་སུ ཚ་ནྡ་ས་མཱ་དྷི་ནཱ པ་ཋ་མཾ ཛྷཱ་ནཾ, ཝཱི་རི་ཡ་ས་མཱ་དྷི་ནཱ དུ་ཏི་ཡཾ ཛྷཱ་ནཾ, ཙི་ཏྟ་ས་མཱ་དྷི་ནཱ ཏ་ཏི་ཡཾ ཛྷཱ་ནཾ, ཝཱི་མཾ་སཱ་ས་མཱ་དྷི་ནཱ ཙ་ཏུ་ཏྠཾ ཛྷཱ་ནཾ. ཨ་པྤ་ཎི་ཧི་ཏེ་ན པ་ཋ་མཾ ཛྷཱ་ནཾ, སུ་ཉྙ་ཏཱ་ཡ དུ་ཏི་ཡཾ ཛྷཱ་ནཾ, ཨ་ནི་མི་ཏྟེ་ན ཏ་ཏི་ཡཾ ཛྷཱ་ནཾ, ཨཱ་ནཱ་པཱ་ན་སྶ་ཏི་ཡཱ ཙ་ཏུ་ཏྠཾ ཛྷཱ་ནཾ. ཀཱ་མ་ཝི་ཏ་ཀྐ་བྱཱ་པཱ་དཱ་ན་ཉྩ ཏཾ ཏཾ ཝཱུ་པ་ས་མེ་ན པ་ཋ་མཾ ཛྷཱ་ནཾ ཧོ་ཏི, ཝི་ཏ་ཀྐ་ཝི་ཙཱ་རཱ་ནཾ ཝཱུ་པ་ས་མེ་ན དུ་ཏི་ཡཾ ཛྷཱ་ནཾ, སུ་ཁི་ནྡྲི་ཡ་སོ་མ་ན་སྶི་ནྡྲི་ཡཱ་ནཾ ཝཱུ་པ་ས་མེ་ན ཏ་ཏི་ཡཾ ཛྷཱ་ནཾ, ཀཱ་ཡ་ས་ངྑཱ་རཱ་ནཾ ཝཱུ་པ་ས་མེ་ན ཙ་ཏུ་ཏྠཾ ཛྷཱ་ན་ཉྩ. ཙཱ་གཱ་དྷི་ཊྛཱ་ནེ་ན པ་ཋ་མཾ ཛྷཱ་ནཾ, ས་ཙྩཱ་དྷི་ཊྛཱ་ནེ་ན དུ་ཏི་ཡཾ ཛྷཱ་ནཾ, པ་ཉྙཱ་དྷི་ཊྛཱ་ནེ་ན ཏ་ཏི་ཡཾ ཛྷཱ་ནཾ, ཨུ་པ་ས་མཱ་དྷི་ཊྛཱ་ནེ་ན ཙ་ཏུ་ཏྠཾ ཛྷཱ་ནཾ. ཨི་མཱ་ནི ཙ་ཏྟཱ་རི ཛྷཱ་ནཱ་ནི ས་ངྑེ་པ་ནི་དྡེ་སེ་ན ནི་དྡི་ཊྛཱ་ནི, ཏ་ཏྠ ས་མཱ་དྷི་ནྡྲི་ཡཾ པཱ་རི་པཱུ་རིཾ ག་ཙྪ་ཏི. ཨ་ནུ་ཝ་ཏྟ་ན་ཀཱ་ནི ཙ་ཏྟཱ་རི, ཏ་ཏྠ ཡོ པ་ཋ་མཾ ཛྷཱ་ནཾ ནི་སྶཱ་ཡ ཨཱ་ས་ཝ་ཀྑ་ཡཾ པཱ་པུ་ཎཱ་ཏི, སོ སུ་ཁཱ་ཡ པ་ཊི་པ་དཱ་ཡ ད་ནྡྷཱ་བྷི་ཉྙཱ་ཡ དོ་མ་ན་སྶི་ནྡྲི་ཡ་པ་ཊི་པ་ཀྑེ་ན. ཡོ དུ་ཏི་ཡཾ ཛྷཱ་ནཾ ནི་སྶཱ་ཡ ཨཱ་ས་ཝཱ་ནཾ ཁ་ཡཾ པཱ་པུ་ཎཱ་ཏི, སོ སུ་ཁཱ་ཡ པ་ཊི་པ་དཱ་ཡ ཁི་པྤཱ་བྷི་ཉྙཱ་ཡ དུ་ཀྑི་ནྡྲི་ཡ་པ་ཊི་པ་ཀྑེ་ན. ཡོ ཏ་ཏི་ཡཾ ཛྷཱ་ནཾ ནི་སྶཱ་ཡ ཨཱ་ས་ཝཱ་ནཾ ཁ་ཡཾ པཱ་པུ་ཎཱ་ཏི, སོ སུ་ཁཱ་ཡ པ་ཊི་པ་དཱ་ཡ ད་ནྡྷཱ་བྷི་ཉྙཱ་ཡ སོ་མ་ན་སྶི་ནྡྲི་ཡ་པ་ཊི་པ་ཀྑེ་ན. ཡོ ཙ་ཏུ་ཏྠཾ ཛྷཱ་ནཾ ནི་སྶཱ་ཡ ཨཱ་ས་ཝཱ་ནཾ ཁ་ཡཾ པཱ་པུ་ཎཱ་ཏི, སོ སུ་ཁཱ་ཡ པ་ཊི་པ་དཱ་ཡ ཁི་པྤཱ་བྷི་ཉྙཱ་ཡ སུ་ཁི་ནྡྲི་ཡ་པ་ཊི་པ་ཀྑེ་ན ག་ཏོ.
པ་ཀི་ཎྞ་ཀ་ནི་དྡེ་སོ.
༧༤. ཡཱ་ནི ཙ་ཏྟཱ་རི ཛྷཱ་ནཱ་ནི, ཏེ་སཾ ཛྷཱ་ནཱ་ནཾ ཨི་མཱ་ནི ཨ་ངྒཱ་ནི, ཏེ་སཾ ཨ་ངྒཱ་ནཾ ས་མཱུ་ཧོ [ས་མྨོ་ཧོ (པཱི. ཀ.)] ཨ་སྶ ཨ་ངྒཱ, ཨ་ཡཾ ཛྷཱ་ན་བྷཱུ་མི ཀོ ཝི་སེ་སོ་ཏི ཨ་སྶ ཝི་སེ་སོ. ཨི་མེ ས་མྦྷཱ་རཱ ཏེ་ཧི ཨ་ཡཾ ས་མུ་དཱ་ག་མོ, ཏ་སྶ ས་མུ་དཱ་ག་མ་སྶ ཨ་ཡཾ ཨུ་པ་ནི་སཱ, ཏཱ་ཡ ཨུ་པ་ནི་སཱ་ཡ ཨ་ཡཾ བྷཱ་ཝ་ནཱ. ཏ་སྶཱ བྷཱ་ཝ་ནཱ་ཡ ཨ་ཡཾ ཨཱ་དཱི་ན་ཝོ. ཏེ་ན ཨ་ཡཾ པ་རི་ཧཱ་ནི. ཀ་སྶ པ་རི་ཧཱ་ནཱི་ཏི ཏ་དུ་པ་ག་ཛ྄ཛྷཱ་ཡི་ནོ [ཏ་དུ་པ་ཀ་ཛ྄ཛྷཱ་ཡི་ནོ (པཱི. ཀ.)]. ཏཾ ཡ་ཐཱ བྷ་ཎི་ཏཾ པ་ཙྩ་ཝེ་ཀྑ་ནྟོ ཨ་ཡཾ ཝི་སེ་སོ. ཏེ་ན ཝི་སེ་སེ་ན ཨ་ཡཾ ཨ་སྶཱ་དོ, སོ ཀ་སྶ ཨ་སྶཱ་དོ ཨ་ཛྷཱ་ནི་ཡཱ ཛྷཱ་ཡི་ནོ, ཏ་སྶཱ ཨ་ཛྷཱ་ནི་ཡཱ ཛྷཱ་ཡི་ནོ, ཨི་དཾ ཀ་ལླི་ཏཱ ཀོ་ས་ལླེ ཋི་ཏ་ཛ྄ཛྷཱ་ནཾ ཨ་ནོ་མ་དྡི་ཡ་ཏཾ ག་ཙྪ་ཏི ཛྷཱ་ན་བ་ལཾ, ཛྷཱ་ན་བ་ལེ ཋི་ཏ་སྶ ཨ་ཡཾ པཱ་ར་མི་པྤ་ཏྟ་སྶ ཨི་མཱ་ནི ཛྷཱ་ན་ངྒཱ་ནི ཨ་ནཱ་ཝི་ལ་ས་ངྐ་པྤོ པ་ཋ་མེ ཛྷཱ་ནེ ཛྷཱ་ན་ངྒཱ་ནི བྷཱ་ཝཱི. སོ པཱི་ཏི ཏ་ད་ནུ་སཱ་རི་ཏྟཱ་ཝ པ་ཋ་མེ ཛྷཱ་ནེ ཛྷཱ་ན་ངྒཾ ཏ་སྶ་ངྒུ་ནོ ཙ དྷ་མྨཱ ཏ་ད་བྷི་ས་ནྣི་ཏཱ་ཡ ཙ. པཱི་ཏི དུ་ཏི་ཡེ ཛྷཱ་ནེ ཛྷཱ་ན་ངྒ་དྷ་མྨ་ཏཱ ཁོ པ་ན ཏ་ཐཱ པ་ཝ་ཏྟ་སྶ ས་ཧ་ག་ཏཾ ཛྷཱ་ན་ངྒ་དྷ་མྨཾ ས་སུ་ཁ་ཏཱ་ཡ ཨ་ཛ྄ཛྷ་ཏྟཾ ས་མྤ་སཱ་དོ དུ་ཏི་ཡེ ཛྷཱ་ནེ ཛྷཱ་ན་ངྒཾ མ་ནོ་ས་མྤ་སཱ་ད་ན་ཏཱ་ཡ ཏ་ད་བྷི་ས་ནྣི་ཏཱ་ཡ ཙ. པཱི་ཏི དུ་ཏི་ཡེ ཛྷཱ་ནེ ཛྷཱ་ན་ངྒཾ ཨ་ཛ྄ཛྷ་ཏྟཾ ས་མྤ་སཱ་ད་ནཾ ས་མཱ་དྷི་ཏཱ [ས་མཱ་དྷི་ཀཱ (པཱི.)] པཱི་ཏི དུ་ཏི་ཡེ ཛྷཱ་ནེ ཛྷཱ་ན་ངྒཾ, ཙེ་ཏ་སོ ཨེ་ཀོ་དི་བྷཱ་ཝོ དུ་ཏི་ཡེ ཛྷཱ་ནེ ཛྷཱ་ན་ངྒཾ, ཨུ་པེ་ཀྑཱ ཕ་སྶ་ཏཱ ཏ་ཏི་ཡེ ཛྷཱ་ནེ ཛྷཱ་ན་ངྒཾ, སུ་ཁཾ ཏ་སྶ ཨ་ངྒ་ནྟི ཙ. ཙེ་ཏ་སོ ཨེ་ཀོ་དི་བྷཱ་ཝོ ཙ་ཏུ་ཏྠེ ཛྷཱ་ནེ ཛྷཱ་ན་ངྒཾ, ཨུ་པེ་ཀྑཱ ཨ་དུ་ཀྑ་མ་སུ་ཁཱ ཙ་ཏུ་ཏྠེ ཛྷཱ་ནེ ཛྷཱ་ན་ངྒཾ, ཨ་བྷི་ནི་སཱ་བྷཱུ་མི ཨུ་པེ་ཀྑཱ་ས་ཏི་པཱ་རི་སུ་དྡྷི ཙ་ཏུ་ཏྠེ ཛྷཱ་ནེ ཛྷཱ་ན་ངྒཾ. ས་ཏི་པཱ་རི་སུ་དྡྷི ཙ ཨ་ནེ་ཀ་ཛ྄ཛྷཱ་བྷཱུ་མཱི་སུ ཛྷཱ་ན་ངྒ་ས་མཱ་ཡུ་ཏྟཱ པཱི་ཏི ཙེ་ཏ་སོ ཨེ་ཀོ་དི་བྷཱ་ཝོ ཙ་ཏུ་ཏྠེ ཛྷཱ་ནེ ཛྷཱ་ན་ངྒཾ.
ཏ་ཏྠ ཀ་ཏ་མཱ ཛྷཱ་ན་བྷཱུ་མི? ས་ཝི་ཏ་ཀྐེ ས་ཝི་ཙཱ་རེ ཝི་ཝེ་ཀཱ ཨ་ནུ་ག་ཏཱ པ་ཋ་མེ ཛྷཱ་ནེ ཛྷཱ་ན་བྷཱུ་མི. ཨ་ཝི་ཏ་ཀྐེ ཨ་ཝི་ཙཱ་རེ ཨ་ཛ྄ཛྷ་ཏྟཾ ས་མྤ་སཱ་ད་ནཾ ཛ་ནི་ཏཾ པཱི་ཏི་མ་ནུ་ག་ཏཱ དུ་ཏི་ཡེ ཛྷཱ་ནེ ཛྷཱ་ན་བྷཱུ་མི. སུ་ཁ་སཱ་ཏ་ས་མོ་ཧི་ཏཱ ས་པྤཱི་ཏི་ཀཱ ཏ་ཏི་ཡེ ཛྷཱ་ནེ ཛྷཱ་ན་བྷཱུ་མི. ཏ་སྶ སུ་ཁ་དུ་ཀྑ་ས་ཧ་ག་ཏཱ ཨ་བྷི་ནཱི་ཧཱ་ར་ས་ཧ་ག་ཏཱ ཙ་ཏུ་ཏྠེ ཛྷཱ་ནེ ཛྷཱ་ན་བྷཱུ་མི. ཨ་པྤ་མཱ་ཎ་ས་ཧ་ག་ཏཱ ས་ཏྟཱ་ར་མྨ་ཎཱ པ་ཋ་མེ ཛྷཱ་ནེ ཛྷཱ་ན་བྷཱུ་མི. ཨ་བྷི་བྷཱུ་མི་ཨཱ་ཡ་ཏ་ན་ས་ཧ་ག་ཏཱ རཱུ་པ་ས་ཉྙཱི་སུ དུ་ཏི་ཡེ ཛྷཱ་ནེ ཛྷཱ་ན་བྷཱུ་མི. ཝི་མོ་ཀྑ་ས་ཧ་ག་ཏཱ་ནཾ ཝི་མོ་ཀྑེ་སུ ཏ་ཏི་ཡེ ཛྷཱ་ནེ ཛྷཱ་ན་བྷཱུ་མི. ཨ་ནུ་པ་སྶ་ནཱ་ས་ཧ་ག་ཏཱ ཀཱ་ཡ་ས་ངྑཱ་རཱ ས་མྨཱ ཙ་ཏུ་ཏྠ་སྶ ཛྷཱ་ན་སྶ བྷཱུ་མི.
༧༥. ཏ་ཏྠ ཀ་ཏ་མེ ཛྷཱ་ན་ཝི་སེ་སཱ? ཝི་ཝི་ཙྩེ་ཝ ཀཱ་མེ་ཧི ཝི་ཝི་ཙྩ པཱ་པ་ཀེ་ཧི ཨ་ཀུ་ས་ལེ་ཧི དྷ་མྨེ་ཧི ཙི་ཏྟ་ཙེ་ཏ་སི་ཀ་ས་ཧ་ག་ཏཱ ཀཱ་མ་དྷཱ་ཏུ་ས་མ་ཏི་ཀྐ་མ་ན་ཏཱ་པི, ཨ་ཡཾ ཛྷཱ་ན་ཝི་སེ་སོ. ཨ་ཝི་ཏ་ཀྐཱ ཙེ་ཝ ཨ་ཝི་ཙཱ་རཱ ཙ ས་པྤཱི་ཏི་ཀཱ་ཡ ས་ཏི་ས་ཧ་ག་ཏཱ་ཡ པཱི་ཏི་ས་ཧ་ག་ཏཱ ས་ཉྙཱ་མ་ན་སི་ཀཱ་རཱ ས་མུ་དཱ་ཙ་ར་ནྟི. ཨ་ཡཾ ཛྷཱ་ན་ཝི་སེ་སོ. ཨ་ཝི་ཏ་ཀྐཱ་ཡ བྷཱུ་མི་ཡཱ ཨ་ཝི་ཙཱ་རེ་ཡེ་ཝ ས་ཏི ཨ་ནུ་ག་ཏཱ ཨུ་པེ་ཀྑཱ་ས་ཧ་ག་ཏཱ མ་ན་སི་ཀཱ་རཱ ས་མུ་དཱ་ཙ་ར་ནྟི. ཏ་ད་ནུ་དྷ་མྨ་ཏཱ་ཡ ཙ ས་ཏི ས་ཎྜ་ཧ་ཏི [ས་ནྡ་ཧ་ཏི (པཱི.)]. ཏ་ཉྩ བྷཱུ་མིཾ ཨུ་པ་ས་མྤ་ཛྫ ཝི་ཧ་ར་ཏི, ཨ་ཡཾ ཛྷཱ་ན་ཝི་སེ་སོ. ས་ཏི་པཱ་རི་སུ་དྡྷི་ས་ཧ་ག་ཏཱ ས་ཉྙཱ་མ་ན་སི་ཀཱ་རཱ ས་མུ་དཱ་ཙ་ར་ནྟི, ཏ་ཉྩ བྷཱུ་མིཾ ཨུ་པ་ས་མྤ་ཛྫ ཝི་ཧ་ར་ཏི, ཨ་ཡཾ ཛྷཱ་ན་ཝི་སེ་སོ. ཝི་ཉྙཱ་ཎ་ཉྩཱ་ཡ་ཏ་ན་ས་ཧ་ག་ཏཱ་ཡ བྷཱུ་མི་ཡཾ ཨཱ་ཀི་ཉྩ་ཉྙཱ་ཡ་ཏ་ན་ས་ཧ་ག་ཏཱ ས་ཉྙཱ་མ་ན་སི་ཀཱ་རཱ ས་མུ་དཱ་ཙ་ར་ནྟི, ཏ་ཉྩ བྷཱུ་མིཾ ཨུ་པ་ས་མྤ་ཛྫ ཝི་ཧ་ར་ཏི, ཨ་ཡཾ ཛྷཱ་ན་ཝི་སེ་སོ.
ཛྷཱ་ན་ས་མྦྷཱ་རཱ ནེ་ཀྑ་མྨ་ཝི་ཏ་ཀྐོ ས་མྦྷཱ་རོ ཀཱ་མ་ཝི་ཏ་ཀྐ་ཝི་ནོ་ད་ནཱ་དྷི་པྤཱ་ཡ་ཏཱ. ཨ་བྱཱ་པཱ་ད་ཝི་ཏ་ཀྐོ ས་མྦྷཱ་རོ བྱཱ་པཱ་ད་ཝི་ཏ་ཀྐ་པ་ཊི་ཝི་ནོ་ད་ནཱ་དྷི་པྤཱ་ཡ་ཏཱ. ཨ་ཝི་ཧིཾ་སཱ་ཝི་ཏ་ཀྐོ ས་མྦྷཱ་རོ ཝི་ཧིཾ་སཱ་ཝི་ཏ་ཀྐ་པ་ཊི་ཝི་ནོ་ད་ནཱ་དྷི་པྤཱ་ཡ་ཏཱ. ཨི་ནྡྲི་ཡེ་སུ གུ་ཏྟ་དྭཱ་ར་ཏཱ ཨ་པྤི་ཙྪ་ཏཱ ས་མྦྷཱ་རོ པ་རི་སུ་དྡྷཱ་ཛཱི་ཝོ ཙ་ཏུ་ནྣཾ ས་མཱ་པ་ཏྟཱི་ནཾ ས་མྦྷཱ་རོ ཨ་ཀ་མྨ་སྶ ཝི་ཧཱ་རི་ཏཱ. མ་གྒ་ས་མྦྷཱ་རོ ས་མཱ་པ་ཏྟི་པ་ཛྫ་ན་ཏཱ. ཕ་ལ་ས་མྦྷཱ་རོ ཛྷཱ་ན་ནི་བྦ་ཏྟི་ཏཱ་ཡ ཛྷཱ་ན་ས་མུ་དཱ་ག་མོ. ཀུ་ས་ལ་ཧེ་ཏུ ཡཾ ཛྷཱ་ནཾ ས་མུ་ད་ཡཾ ག་ཙྪ་ནྟི ཀོ ཙ [ཀོ་ཙི (ཀ.)] ན ཀུ་ཏོ་ཙི ནེ་ཀྑ་མྨ་པྤ་ཏྟཱ ས་མུ་དཱ་ག་ཙྪ་ནྟི. ཨཱ་ལ་མྦ་ནི་རོ་དྷ་ས་མཱ་དྷི ས་ནྟོ ས་མུ་དཱ་ག་ཙྪ་ནྟི. ཨ་ཝཱི་ཏི་ཀྐ་ནྟཱ ས་མུ་དཱ་ག་ཙྪ་ནྟི. སུ་ཁི་ནྡྲི་ཡཾ སོ་མ་ན་སྶི་ནྡྲི་ཡཾ པ་ཧཱ་ནཱ་ཡ ཏེ ཙ ཨ་བྱཱ་པ་ཛྫ་ཏཱ་ཡ ས་མུ་དཱ་ག་ཙྪ་ནྟི. ཏཾ པ་ན ས་ནྡྷཱ་ཡ ས་མུ་དཱ་ག་ཙྪ་ནྟི. ཨ་པ་རི་དཱ་ཧ་ནཱ་ཡ ས་མུ་དཱ་ག་ཙྪ་ནྟི. ཨ་ཡཾ ཉཱ་ཎ་ས་མུ་དཱ་ག་མོ.
༧༦. ཏ་ཏྠ ཀ་ཏ་མཱ ཨུ་པ་ནི་སཱ? ཀ་ལྱཱ་ཎ་མི་ཏྟ་ཏཱ ཛྷཱ་ན་སྶ ཨུ་པ་ནི་སཱ. ཀ་ལྱཱ་ཎ་ས་མྤ་ཝ་ངྐ་ཏཱ ཛྷཱ་ན་སྶ ཨུ་པ་ནི་སཱ. ཨི་ནྡྲི་ཡེ་སུ གུ་ཏྟ་དྭཱ་ར་ཏཱ ཛྷཱ་ན་སྶ ཨུ་པ་ནི་སཱ. ཨ་ས་ནྟུ་ཊྛི་ཏཱ ཀུ་ས་ལེ་སུ དྷ་མྨེ་སུ ཛྷཱ་ན་སྶ ཨུ་པ་ནི་སཱ. ས་དྡྷ་མྨ་སྶ་ཝ་ནཾ ཛྷཱ་ན་སྶ ཨུ་པ་ནི་སཱ. སཾ་ཝེ་ཛ་ནི་ཡེ ཋཱ་ནེ སཾ་ཝི་གྒ་སྶ ཡོ་ནི་སོ པ་དྷཱ་ནཾ. ཨ་ཡཾ ཛྷཱ་ནོ་པ་ནི་སཱ.
ཏ་ཏྠ ཀ་ཏ་མཱ བྷཱ་ཝ་ནཱ? མེ་ཏྟཱ་སེ་ཝ་ནཱ ཨ་བྱཱ་པཱ་ད་ཝི་ཏ་ཀྐ་བྷཱ་ཝ་ནཱ. ཀ་རུ་ཎཱ་སེ་ཝ་ནཱ ཨ་ཝི་ཧིཾ་སཱ་ཝི་ཏ་ཀྐ་བྷཱ་ཝ་ནཱ. མུ་དི་ཏཱ་བྷཱ་ཝ་ནཱ པཱི་ཏི་སུ་ཁ་ས་མྤ་ཛ་ཉྙཱ ཀཱ་རི་ཏཱ. ཨུ་པེ་ཀྑཱ་བྷཱ་ཝ་ནཱ པ་སྶ་ཝ་ཏཱ ཨུ་པེ་ཀྑཱ་བྷཱ་ཝ་ནཱ ཨ་པ་སྶ་ཝ་ཏཱ ཨུ་པེ་ཀྑཱ ཙ ཨ་ཛ྄ཛྷུ་པེ་ཀྑཱ ཙ, ཨ་སུ་བྷ་ས་ཉྙཱ་བྷཱ་ཝ་ནཱ དུ་ཀྑཱ་པ་ཊི་པ་དཱ ད་ནྡྷཱ་བྷི་ཉྙཱ བྷ་ཝ་ས་ནྡྷཱ་བྷི་ཉྙཱ བྷ་ཝ་ས་ནྡྷཱ་ནཾ, སཱ ཚ་བྦི་དྷཱ བྷཱ་ཝ་ནཱ བྷཱ་ཝི་ཏཱ བ་ཧུ་ལཱི་ཀ་ཏཱ ཨ་ནུ་ཊྛི་ཏཱ ཝ་ཏྠུ་ཀ་ཏཱ ཡཱ་ནཱི་ཀ་ཏཱ པ་རི་ཙི་ཏཱ སུ་ས་མཱ་ར་དྡྷཱ. ཨ་ཡཾ བྷཱ་ཝ་ནཱ.
ཨེ་ཝཾ བྷཱ་ཝ་ཡ་ནྟ་སྶ ཨ་ཡཾ ཨཱ་དཱི་ན་ཝོ. པ་ཋ་མེ ཛྷཱ་ནེ ས་ངྑཱ་ར་ས་མ་ནྣཱ་ག་ཏོ ཨེ་སོ དྷ་མྨོ ཨ་སྶུ་ཏོ སཱ་ས་ཝོ. ས་ཙེ ཨེ་ས དྷ་མྨོ ཨ་ཡཾ སཱི་ལོ ཨཱ་ས་ནྣ་པ་ཊི་པ་ཀྑོ ཙ ཨེ་ས དྷ་མྨོ ཀཱ་མོ པ་ཏི་ཙཱ་རོ པ་ཏི་ཝི་ཙཱ་རོ ས་མཱ་པ་ཏྟཱི་ནཾ ཙ ས་བྦོ་ལཱ༹་རི་ཀོ ཨེ་ས དྷ་མྨོ ཝི་ཏ་ཀྐ་ཝི་ཙཱ་རོ ཙ. ཏ་ཏྠ ཙི་ཏྟཾ ཁོ་བྷེ་ནྟི, ཀཱ་ཡོ ཙེ་ཏྠ ཀི་ལ་མ་ཏི, ཀཱ་ཡ་མྷི ཙེ་ཏྠ ཀི་ལ་ནྟེ ཙི་ཏྟཾ ཝི་ཧ་ཉྙ་ཏི. ཨ་ན་བྷི་ནཱི་ཧཱ་ར་ཀྑ་མོ་ཝ ཨ་བྷི་ཉྙཱ་ནཾ ཨི་མེ ཨཱ་དཱི་ན་ཝཱ པ་ཋ་མེ ཛྷཱ་ནེ.
དུ་ཏི་ཡེ ཛྷཱ་ནེ ཨི་མེ ཨཱ་དཱི་ན་ཝཱ པཱི་ཏི་ཕ་ར་ཎ་ས་ཧ་ག་ཏོ ཙ ཨེ་སོ དྷ་མྨོ, ན ས་མུ་དཱ་ཙཱ་ར་སྶེ་ཏི ཙི་ཏྟཾ. ཨ་སོ་དྷ་ཡཾ ཨུ་པ་ག་མོ ཙེ་ས དྷ་མྨོ ཨུ་པ་ག་མི་པ་རི་སྶ་ཡོ [ཨུ་པ་ག་མི་པ་རི་ཙ་ཡོ (པཱི.)] དོ་མ་ན་སྶ་པ་ཙྩ་ཏྠི་ཀོ ཙེ་ས དྷ་མྨོ. ཏ་ཏྠ ཏ་ཏྠ ཡུ་ཏྟཱི་ནཾ པཱི་ཏི པ་ར་ཛྫ་ཏོ ཙེ་ས དྷ་མྨོ དུ་ཀྐ་རཾ ཧོ་ཏི, ཨ་ཝ་ཏྟ་ས་ནྟཱ་ས་བྷཱུ་མི་པ་རི་ཝ་ཛྫ་ཡ་ནྟོ ཙ་ཏཱུ་སུ དུ་ཀྑ་ཏཱ་སུ ཨེ་ས དྷ་མྨོ ཨ་ནུ་ཝི་དྡྷཱ་པ་ན་ས་དྡྷཱ་ཡ [ཨ་ནུ་ཝི་དྡྷཱ པ་སྶ་ཏི་ཡཱ (པཱི.)] དུ་ཀྑ་ཏཱ་ཡ ཙ ན པ་ལི་བོ་དྷ་དུ་ཀྑ་ཏཱ་ཡ ཙ ཨ་བྷི་ཉྙཱ་དུ་ཀྑ་ཏཱ་ཡ ཙ རོ་ག་དུ་ཀྑ་ཏཱ་ཡ ཙ, ཨི་མེ ཨཱ་དཱི་ན་ཝཱ དུ་ཏི་ཡེ ཛྷཱ་ནེ.
ཏ་ཏྠ ཀ་ཏ་མེ ཨཱ་དཱི་ན་ཝཱ ཏ་ཏི་ཡེ ཛྷཱ་ནེ? ཨུ་པེ་ཀྑཱ་སུ་ཁ་ས་ཧ་ག་ཏཱ་ཡ ཏ་ཏྠ སཱ་ཏཱ་ཝཱི་ནཾ པ་ཉྩ་ནྣཾ ཨུ་པེ་ཀྑཱ་སུ་ཁཾ པ་རི་ཝ་ཏྟི་ཏོ ཨེ་ས དྷ་མྨོ ཏེ་ན ནི་ཙྩ་ས་ཉྙི་ཏཱ་ན་ཉྩ ཡཾ ཧོ་ཏི. དུ་ཀྑོ་པ་ནི་ཡཾ སུ་ཁཾ ཙི་ཏྟ་སྶ ས་ངྑོ་བྷ་ཏཾ ཨུ་པཱ་དཱ་ཡ སུ་ཁ་དུ་ཀྑཱ་ཡ ག་ཏོ ས་ཝ་ཏི. སུ་ཁ་དུ་ཀྑཱ་ནུ་ཀ་ཏ་ཉྩ ཨུ་པཱ་དཱ་ཡ ཨ་ན་བྷི་ཧཱ་ར་ཀྑ་མཾ ཙི་ཏྟཾ ཧོ་ཏི. ཨ་བྷི་ཉྙཱ་ཡ ས་ཙྪི་ཀི་རི་ཡཱ་སུ ས་བྦེ་པི ཙེ་ཏེ དྷ་མྨཱ ཏཱི་སུ ཛྷཱ་ན་ས་མཱ་པ་ཏྟཱི་སུ ཙ་ཏཱུ་ཧི ཙ དུ་ཀྑ་ཏཱ་ཧི ཨ་ནུ་ཝི་དྡྷཱ་ནཾ སཱ བྷ་ཡཱ དུ་ཀྑ་ཏཱ་ཡ པ་ལི་བོ་དྷ་དུ་ཀྑ་ཏཱ་ཡ ཙ ཨ་བྷི་ཉྙཱ་ཡ དུ་ཀྑ་ཏཱ་ཡ ཙ ཨི་མེ ཨཱ་དཱི་ན་ཝཱ ཏ་ཏི་ཡེ ཛྷཱ་ནེ.
ཏ་ཏྠ ཀ་ཏ་མེ ཨཱ་དཱི་ན་ཝཱ ཙ་ཏུ་ཏྠེ ཛྷཱ་ནེ? ཨཱ་ཀི་ཉྩ་ཉྙཱ་ས་མཱ་པ་ཏྟི་ཀཱ ཏེ དྷ་མྨཱ་ནུ་ས་མཱ་པ་ཏྟི་ཀཱ ཨེ་ཏི་སྶཱ ཙ བྷཱུ་མི་ཡཾ སཱ་ཏཱ་ནཾ བཱ་ལ་པུ་ཐུ་ཛྫ་ནཱ་ནཾ ཨ་ནེ་ཀ་ཝི་དྷཱ་ནི དི་ཊྛི་ག་ཏཱ་ནི ཨུ་པྤ་ཛྫ་ནྟི. ཨོ་ལཱ༹་རི་ཀཱ སུ་ཁུ་མེ་ཧི ཙ རཱུ་པ་ས་ཉྙཱ་ཧི ཨ་ནུ་ཝི་དྷཱ་ནི ཨེ་ཏཱ་ནི ཛྷཱ་ནཱ་ནི ས་དཱ ཨ་ནུ་ད་ཡ་མེ་ཏྟཱ་ཛྷཱ་ན་ཀ་ལཱ་ནུ་ད་ནུ་ཀ་ལཱ་ཡ སཱ་དྷཱ་ར་ཎཱ, དུ་ཀྐ་རཱ ཙ ས་བྦེ ཙ་ཏྟཱ་རོ མ་ཧཱ་ས་མྦྷཱ་རཱ ས་མུ་དཱ་ག་ཏཱ་ནི ཙ ཨེ་ཏཱ་ནི ཛྷཱ་ནཱ་ནི ཨ་ཉྙ་མ་ཉྙཾ ནི་སྶཱ་ཡ ས་མུ་དཱ་ག་ཙྪ་ནྟི. ཨེ་ཏྠ ས་མུ་དཱ་ག་ཏཱ ཙ ཨེ་ཏེ དྷ་མྨཱ ན ས་མ་ཏྟཱ ཧོ་ནྟི. ཨ་ས་མུ་གྒ་ཧི་ཏ་ནི་མི་ཏྟཱ ཙ ཨེ་ཏེ དྷ་མྨཱ པ་རི་ཧཱ་ཡ་ནྟི. ནི་རུ་ཛ྄ཛྷ་ནྟི ཙ ཨེ་ཏེ དྷ་མྨཱ ན ཨུ་པཱ་དི་ཡ་ནྟི ནི་རུ་ཛ྄ཛྷ་ངྒཱ་ནི ཙ, ཨེ་ཏེ་སཾ དྷ་མྨཱ་ནཾ ཛྷཱ་ནཱ་ནི ནི་མི་ཏྟཱ་ནི ན ཛྷཱ་ན་ནི་མི་ཏྟ་ས་ཉྙཱ ཝོ་ཀི་ར་ཏི. ཨ་པྤ་ཊི་ལ་དྡྷ་པུ་བྦཱ ཙ ཛྷཱ་ཡཱི་ཝ་སེ་ན ཙ བྷ་ཝ་ཏི [ཛྷཱ་ཡཱི ཙ ཝ་སེ་ན ཙ བྷ་ཝ་ཏི (པཱི. ཀ.)]. ཨི་མེ་ཧི ཨཱ་དཱི་ན་ཝེ་ཧི ཨ་ཡཾ ཛྷཱ་ན་པ་རི་ཧཱ་ནི.
༧༧. ནི་རོ་དྷ་ས་མཱ་པ་ཏྟི་ཡཱ ཨ་པ་ཊི་ས་ངྑཱ་ཡ ཨ་ཝ་སེ་ས་ས་ཉྙི་ནོ ཨཱ་ཀི་ཉྩ་ཉྙཱ་ཡ་ཏ་ན་ས་ཧ་ག་ཏཱ ས་ཉྙཱ་མ་ན་སི་ཀཱ་རཱ ས་མུ་དཱ་ཙ་ར་ནྟི, སོ ནི་རོ་དྷ་ས་མཱ་པ་ཏྟི་ཏོ པ་རི་ཧཱ་ཡ་ཏི. ཨཱ་ནེ་ཉྫ་ས་ཉྙི་ནོ ཨ་ས་ཉྙཱ་ཡ་ཏ་ནཾ ས་མཱ་པ་ནྣ་སྶ ཨཱ་ཀི་ཉྩ་ཉྙཱ་ཡ་ཏ་ན་ས་ཧ་ག་ཏཱ མ་ན་སི་ཀཱ་རཱ ས་མུ་དཱ་ཙ་ར་ནྟི, ཏ་ཉྩ བྷཱུ་མིཾ ན པ་ཛཱ་ནཱ་ཏི, སོ ཏ་ཏོ པ་རི་ཧཱ་ཡ་ཏི. ཨཱ་ཀི་ཉྩ་ཉྙཱ་ཡ་ཏ་ནཾ ས་མཱ་པ་ནྣ་སྶ ཝི་ཉྙཱ་ཎ་ཉྩཱ་ཡ་ཏ་ན་ས་ཉྙཱ མ་ན་སི་ཀཱ་རཱ ས་མུ་དཱ་ཙ་ར་ནྟི, ཏ་ཉྩ བྷཱུ་མིཾ ན པ་ཛཱ་ནཱ་ཏི, སོ ཏ་ཏོ པ་རི་ཧཱ་ཡ་ཏི. ཝི་ཉྙཱ་ཎ་ཉྩཱ་ཡ་ཏ་ནཾ ས་མཱ་པ་ནྣ་སྶ རཱུ་པ་ས་ཉྙཱ་ས་ཧ་ག་ཏཱ. ཝི་ཏྠཱ་རེ་ན…པེ… ཡཱ་ཝ པ་ཋ་མེ ཛྷཱ་ནེ ཀཱ་མ་ས་ཉྙཱ་ས་ཧ་ག་ཏཱ ཀཱ་ཏ་བྦཱ. ས་ཀ་སྶ [སཱ ཏ་སྶ (པཱི. ཀ.)] པ་རི་ཧཱ་ཡ་ཏི, ཀ་ལ་ངྐ་ཛ྄ཛྷཱ་ནེ ཀ་ལ་ངྐཾ ཛྷཱ་ཡ་ཏི, པ་རི་ས་མ་ནྟ་ཏོ ཛྷཱ་ཡ་ཏི, བྷི་ནྡ་ནྟོ ཛྷཱ་ཡ་ཏི, ན ས་ཛ྄ཛྷཱ་ཡ་ཏི, ཨཱ་ཡཱུ་ཧ་ནྟོ ཛྷཱ་ཡ་ཏི, ཀི་ཉྩི ཙ ནི་པ་རི་ཙི་ཏོ ཛྷཱ་ཡ་ཏི. ཨ་ཏི་ཝི་དྷཱ་ཝ་ནྟོ ཛྷཱ་ཡ་ཏི, ཨ་ཏི་མ་ཉྙ་ནྟོ ཛྷཱ་ཡ་ཏི, ཀཱ་ཡ་ས་ངྑཱ་རེ ཨ་པྤ་ཊི་ས་མྦྷཱ་རེ ཛྷཱ་ཡ་ཏི, པ་རི་ཡུ་ཊྛཱ་ན་སྶ ནི་སྶ་ར་ཎཾ ཨ་ཛཱ་ན་ནྟོ ཛྷཱ་ཡ་ཏི, ནཱི་ཝ་ར་ཎཱ་བྷི་བྷཱུ་ཏོ ཛྷཱ་ཡ་ཏི, ཨ་སྶཱ་པ་ཏྟི་མ་ན་སི་ཀ་རོ་ནྟོ ཛྷཱ་ན་སྶ ཨ་སྶཱ་དོ ཀཱ་མ་རཱ་ག་པ་རི་ཡུ་ཊྛཱ་ནཾ པ་ཧཱ་ནཾ ཛྷཱ་ན་སྶ ཨ་སྶཱ་དོ ཀཱ་མ་རཱ་ག་ཧེ་ཏཱུ་ནཾ དྷ་མྨཱ་ནཾ ཨུ་ད་ཡ་ནྟི, ནི་རུ་ཛ྄ཛྷ་ངྒཱ་ནི ཨེ་ཏེ་སཾ དྷ་མྨཱ་ནཾ ཛྷཱ་ནཱ་ནི ཨུ་པ་རི་མཱ སུ་ཁུ་པེ་ཀྑཱ ཀཱ་མ་ཀ་མྨ་ཀི་ལེ་སཱ་ནཾ པ་ཧཱ་ནཾ ཨ་སྶཱ་དོ, ཨེ་ཝཾ ཁོ པུ་ན ཛྷཱ་ན་སྶ ཨ་སྶཱ་དོ མ་ཧཱ་སཾ་ཝཱ་ས་མ་པྤཱི་ལི༹་ཏེ ལོ་ཀ་སཾ་ནི་ཝཱ་སེ ཨ་ས་མྦོ་དྷོ་ཀཱ་སཱ ཝི་ག་མེ་སྶ་མི་དཾ ཛྷཱ་ན་པྤ་ཧཱ་ནཱ. ཨ་ཡཾ པ་ལི་རོ་དྷ་མ་པྤ་ལི་རོ་དྷ་ལོ་ཀ་ས་ནྣི་ཝཱ་སེ ཨེ་ས་ནི་དྷ་མི་དཾ ཛྷཱ་ནཾ ཨ་ན་མ་ཏ་གྒ་སཾ་སཱ་ར་ས་མཱ་པ་ནྣཱ་ནཾ ས་ཏྟཱ་ནཾ སཾ་སཱ་ར་པྤ་ཧཱ་ན་ནཱ ཨཱ་ནི་སཾ་སོ, ཡ་མི་དཾ ཛྷཱ་ན་སྶ ཨ་སྶཱ་དོ ཀཱ་ཡ་སྶ ཨ་ཛྷཱ་ནི་ཡ་ཛྷཱ་ཡི་ནོ བྷ་ཝ་ཏི. ཨ་ཛྷཱ་ནི་ཡ་ཛྷཱ་ནི་ཡ་ཛྷཱ་ཡཱི་ཧི ཨ་པ་རཱ་མ་ས་ནྟོ ཨ་ཛྷཱ་ནི་ཡ་ཛྷཱ་ཡི་ཏཾ ཛྷཱ་ཡ་ཏི, ཡཱ་ནི ཀ་ལ་ངྐ་ཛ྄ཛྷཱ་ཡི་ནོ པ་དཱ་ནི, ཏཱ་ནི ཨ་ནུ་དྷི་ཏཱ་ནི པ་ཊི་པ་ཀྑེ.
༧༨. ཏ་ཏྠ ཀ་ཏ་མཾ ཛྷཱ་ན་ཀོ་ས་ལླཾ? ས་མཱ་པ་ཏྟི་ཀོ་ས་ལླཾ ཛྷཱ་ན་ཀོ་ས་ལླཾ, ཛྷཱ་ན་ཝི་སེ་ས་ཀོ་ས་ལླཾ ཛྷཱ་ན་ཀོ་ས་ལླཾ, ཛྷཱ་ན་ནྟ་རི་ཀ་ཀོ་ས་ལླཾ ཛྷཱ་ན་ཀོ་ས་ལླཾ, ས་མཱ་པ་ཏྟི་ཝུ་ཊྛཱ་ན་ཀོ་ས་ལླཾ ཛྷཱ་ན་ཀོ་ས་ལླཾ, ཛྷཱ་ནེ ས་བྷཱ་ཝ་ཀོ་ས་ལླཾ ཛྷཱ་ན་ཀོ་ས་ལླཾ, ཛྷཱ་ནེ ཨཱ་དཱི་ན་ཝ་ཀོ་ས་ལླཾ ཛྷཱ་ན་ཀོ་ས་ལླཾ, ཛྷཱ་ནེ ནི་སྶ་ར་ཎ་ཀོ་ས་ལླཾ ཛྷཱ་ན་ཀོ་ས་ལླཾ, ཛྷཱ་ན་ཕ་ལེ་ན ཨུ་པཱ་དཱ་ཡ ཀོ་ས་ལླཾ, ཛྷཱ་ན་ཕ་ལེ་ན པ་ཊི་ས་ངྑཱ་ན་ཕ་ལེ ཨ་པ་རི་ཧཱ་ན་དྷ་མྨ་ཏཱ ནི་བྦ་ཏྟི་ཛྷཱ་ནེ ཙ ཀཱི་ལི༹་ཏཱ་པི ཝི་སེ་ས་བྷཱ་གི་ཡཾ ཛྷཱ་ནཾ པ་ཊི་ལ་བྦྷ་ཏི. ཨི་དཾ པ་ན་སྶཱ་ཏི བྷ་ཝ་ཧཱ་རི་ཏཱ ཙ ཨཱ་ར་མྨ་ཎཱ་ནི་མི་ཏྟ་གྒཱ་ཧོ ཨ་ན་བྷི་ནཱི་ཧཱ་ར་བ་ལཾ, ཙི་ཏྟེ་ཀ་གྒ་ཏཱ ནི་མི་ཏྟཱ་སུ ག་ཏི་ས་ཧི་ཏཱ ས་མ་ཐ་བ་ལེ་ན ཨ་སཾ་སཱི་ད་ན་ཉྩ ཛྷཱ་ནེ མ་གྒ་ཕ་ལཾ ས་མ་ཐཾ པ་ཝ་ཏྟེ ས་མཱ་དྷི་ནོ ཨུ་པེ་ཀྑཱ་པ་ལི་པུ་བྦཱ་པ་ར་ནི་མི་ཏྟཱ་ས་ཡོ པ་གྒཱ་ཧི་ནོ [མ་གྒཱ་ཧི་ནོ (པཱི.)] ས་ཏི་བ་ལཾ ཏཾ པ་ཝ་ཏྟི་ཏཱ་ན་ཉྩ ཝི་པ་སྶ་ནཱ་ནཾ ས་མ་ཉྙཱ་བ་ལེ.
ཏ་ཏྠ ཀ་ཏ་མཱ ཛྷཱ་ན་པཱ་ར་མི་ཏཱ? སུ་པཱ་ར་མི་ཏཱ མེ་ཏྟཱ ཀཱ་མེ་སུ ས་ཏྟཱ ཀཱ་མ་ས་ངྒ་ས་ཏྟཱ་ཏི [ཨུ་དཱ. ༦༣ ཨུ་དཱ་ནེ པ་སྶི་ཏ་བྦཾ] ཡ་མྷི སུ་ཏྟེ དེ་ས་ནཱ་ཡ ཝོ་ཧཱ་རེ་ན དྭེ ས་ཙྩཱ་ནི ནི་དྡི་ཊྛཱ་ནི, དུ་ཀྑ་ཉྩ ས་མུ་ད་ཡོ ཙ, ཝི་ཙ་ཡེ་ན ཧཱ་རེ་ན ཡེ སཾ་ཡོ་ཛ་ནཱི་ཡེ་སུ དྷ་མྨེ་སུ ཝ་ཛྫཾ ན པ་སྶ་ནྟི, ཏེ ཨོ་གྷཾ ཏ་རི་སྶ་ནྟཱི་ཏི ནེ་ཏཾ ཋཱ་ནཾ ཝི་ཛྫ་ཏི. ན ཏ་རི་སྶ་ནྟཱི་ཏི ཨ་ཏྠི ཨེ་སཱ ཡུ་ཏྟི ཙ ཝི་ཙ་ཡོ ཙ ཨི་དཾ ནུ ཀི་སྶ པ་ད་ཊྛཱ་ནཾ, ཀཱ་མེ་སུ ས་ཏྟཱ་ཏི པ་ཉྩ ཀཱ་མ་གུ་ཎཱ, ཏཾ ཀཱ་མ་ཏ་ཎྷཱ་ཡ པ་ད་ཊྛཱ་ནཾ. སཾ་ཡོ་ཛ་ནེ ཝ་ཛྫ་མ་པ་སྶ་མཱ་ནཱ་ཏི ཨ་ཝི་ཛྫཱ་ཡ པ་ད་ཊྛཱ་ནཾ, ན ཧི ཛཱ་ཏུ སཾ་ཡོ་ཛ་ན་ས་ངྒ་ས་ཏྟཱ ཨོ་གྷཾ ཏ་རེ་ཡྻུཾ ཝི་པུ་ལཾ མ་ཧ་ནྟ་ནྟི ཨུ་པཱ་དཱ་ན་སྶ པ་ད་ཊྛཱ་ནཾ. ཀཱ་མེ་སུ ས་ཏྟཱ་ཏི ཀཱ་མཱ དྭི་དྷཱ – ཝ་ཏྠུ་ཀཱ་མཱ ཙ ཀི་ལེ་ས་ཀཱ་མཱ ཙ, ཏ་ཏྠ ཀི་ལེ་ས་ཀཱ་མཱ ཀཱ་མ་ཏ་ཎྷཱ ཀཱ་མ་ཏ་ཎྷཱ་ཡ ཡུ་ཏྟཱ བྷ་ཝ་ནྟི རཱུ་པ་ཏ་ཎྷཱ བྷ་ཝ་ཏ་ཎྷཱ ལ་ཀྑ་ཎེ་ན ཧཱ་རེ་ན, སཾ་ཡོ་ཛ་ནེ ཝ་ཛྫ་མ་པ་སྶ་མཱ་ནཱ་ཏི སཾ་ཡོ་ཛ་ན་སྶ. ཡོ ཏ་ཏྠ ཚ་ནྡ་རཱ་གོ ཏ་སྶ ཀིཾ པ་ད་ཊྛཱ་ནཾ? སུ་ཁཱ ཝེ་ད་ནཱ དྭེ ཙ ཨི་ནྡྲི་ཡཱ་ནི – སུ་ཁི་ནྡྲི་ཡ་ཉྩ སོ་མ་ན་སྶི་ནྡྲི་ཡ་ཉྩ. ཨི་ཏི སུ་ཁཱ་ཡ ཝེ་ད་ནཱ་ཡ ག་ཧི་ཏཱ་ཡ ཏ་ཡོ་པི ཝེ་ད་ནཱ ག་ཧི་ཏཱ ཧོ་ནྟི. ཝེ་ད་ནཱ་ཀྑ་ནྡྷེ ག་ཧི་ཏེ ས་བྦེ པ་ཉྩ་ཀྑ་ནྡྷཱ ག་ཧི་ཏཱ ཧོ་ནྟི. རཱུ་པ་ས་དྡ་ག་ནྡྷ་ར་ས་ཕོ་ཊྛ་བྦཱ ག་ཧི་ཏཱ, ཝ་ཏྠུ་ཀཱ་མེ་སུ ག་ཧི་ཏེ་སུ ས་བྦཱ་ནི ཚ བཱ་ཧི་རཱ་ནི ཨཱ་ཡ་ཏ་ནཱ་ནི ག་ཧི་ཏཱ་ནི ཧོ་ནྟི. ཨ་ཛ྄ཛྷ་ཏྟི་ཀ་བཱ་ཧི་རེ་སུ ཨཱ་ཡ་ཏ་ནེ་སུ ཡོ ས་ཏོ, ཨ་ཡཾ ཝུ་ཙྩ་ཏེ ལ་ཀྑ་ཎོ ཧཱ་རོ, ཏ་ཏྠ ཡོ ཨོ་ལཱ༹་རི་ཀ་མྷི ཀི་ལེ་སེ ཨ་ཛ྄ཛྷཱ་ཝ་སི་ཏོ ས་བྦ་ཀི་ལེ་སེ་སུ ཡོ ན ཏ་ཏོ སུ་ཁུ་མ་ཏ་རེ་སུ ན ཝཱི་ཏ་རཱ་གོ བྷ་ཝ་ཏི. ཏ་ཏྠ བཱ་ཧི་ར་སཾ་ཡོ་ཛ་ནཾ མ་མ་ནྟི ཨ་ཛ྄ཛྷ་ཏྟ་སཾ་ཡོ་ཛ་ནཾ ཨ་ཧ་ནྟི. ཏ་ཏྠ བྷ་ག་ཝ་ཏོ ཀོ ཨ་དྷི་པྤཱ་ཡོ? ཡེ ཨོ་གྷཾ ཏ་རི་ཏུ་ཀཱ་མཱ ཏེ སཾ་ཡོ་ཛ་ནཱི་ཡེ་སུ དྷ་མྨེ་སུ ཨཱ་དཱི་ན་ཝཱ་ནུ་པ་སྶི་ནོ ཝི་ཧ་རི་སྶ་ནྟཱི་ཏི ཨ་ཡ་མེ་ཏྠ བྷ་ག་ཝ་ཏོ ཨ་དྷི་པྤཱ་ཡོ. ཀཱ་མེ་སུ ས་ཏྟཱ་ཏི ཡེ་སུ ཙ ས་ཏྟཱ ཡེ་ན ཙ ས་ཏྟཱ ཡེ་ས་ཉྩ ས་ཏྟཱ ཨ་ཡཾ ཙ་ཏུ་བྦི་དྷོ ཨཱ་ཀཱ་རོ ས་བྦེ་སཾ ཧཱ་ར་བྷཱ་གི་ཡོ.
༧༩. ཏ་ཏྠ ཀ་ཏ་མཱ་ནི ཏཱི་ཎི ཝི་པ་ལླཱ་སཱ་ནི པ་ད་ཊྛཱ་ནཱ་ནི ཙ? ཙི་ཏྟ་ཝི་པ་ལླཱ་ས་སྶ དི་ཊྛི་ཝི་པ་ལླཱ་ས་སྶ ས་ཉྙཱ་ཝི་པ་ལླཱ་ས་སྶ ཏ་ཡོ ཝི་པ་ལླཱ་སཱ ཏཱི་ཎི ཨ་ཀུ་ས་ལ་མཱུ་ལཱ་ནི པ་ད་ཊྛཱ་ནཾ. ཏཱི་ཎི ཨ་ཀུ་ས་ལ་མཱུ་ལཱ་ནི ཧཱི་ན་པྤ་ཎཱི་ཏ་ཀཱ་རི་ཡ་ཀ་མྨ་སྶ པ་ད་ཊྛཱ་ནཾ. ཙ་ཏུ་ནྣ་ཉྩ ཨུ་པཱ་དཱ་ནཱ་ནཾ དོ་སོ ཨ་ཀུ་ས་ལ་མཱུ་ལཾ དི་སྶ་ཏི. ཧཱི་ན་པྤ་ཎཱི་ཏ་ཀཱ་རི་ཡ་ཀ་མྨ་སྶ པ་ད་ཊྛཱ་ནཾ. ཡ་ཐཱ མཱ་ཏུ་ཡཱ ཝཱ པི་ཏུ་ནོ ཝཱ ཨ་ཉྙ་ཏ་ར་སྶ ཝཱ པུ་ན ཨུ་ལཱ༹་ར་སྶ བྷི་ཀྑུ་ནོ ཨ་བྷ་ཡཾ དེ་ཏི. ཏ་ཏྠ ཨ་ཉྙོ མི་ཙྪཱ པ་ཊི་པ་ཛྫེ་ཡྻ ཀཱ་ཡེ་ན ཝཱ ཝཱ་ཙཱ་ཡ ཝཱ. ཏ་ཏྠ སོ བྱཱ་པཱ་ད་མུ་པཱ་དཱ་ཡ ཏེ་སཾ ཨུ་ལཱ༹་རཱ་ནཾ ར་ཀྑཱ་ཝ་ར་ཎ་གུ་ཏྟི་ཡཱ ཨ་ནུ་པཱ་ལ་ཡ་ནྟོ ཡོ ཨུ་ལཱ༹་རཱ་ནཾ ཨ་བྷ་ཡཾ དེ་ཏི. ཏེ་སཾ ཨ་བྷ་ཡེ དི་ནྣེ ཡོ ཏ་ཏྠ མི་ཙྪཱ པ་ཊི་པ་ཛྫེ་ཡྻ. ཏ་ཏྠ སོ བྱཱ་པཱ་དཾ ཨུ་པཱ་དཱ་ཡ་ནྟོ དོ་ས་ཛཾ ཀ་མྨཾ ཀ་རོ་ཏི. ཡོ ཏ་ཏྠ ཨ་སཱ་དྷུ ཨི་ནྡྲི་ཡཱ ནཱི་ཝ་ར་ཎཾ ཡཾ ཏེ་སཾ ཨ་བྷ་ཡཾ ད་ཀྑི་ཎ་ཏོ ས་ཉྙཾ ཨི་དཾ པ་ཎཱི་ཏཾ ཀཱ་ར་ཎཾ མ་ཡཱ པུ་ན ཏ་ཏྠ མི་ཙྪཱ་པ་ཊི་པ་ཏྟི ཨ་ཡཾ བྱཱ་པཱ་དོ ཧཱི་ན་ག་མི་ཝ་ཀ་མྨཾ ལོ་བྷོ མོ་ཧོ ཙ ཨི་མཱ་ནི ནཱི་ཝ་ར་ཎཱ་ནི ཝ་ཙ་ནཱ་ནི ཏཱ་ནི ཙ་ཏྟཱ་རི ཨུ་པཱ་དཱ་ནཱ་ནི ཏེ་ཧི ཙ་ཏཱུ་ཧི ཨུ་པཱ་དཱ་ནེ་ཧི ཡོ སོ ཨུ་པཱ་དཱ་ནོ ཨི་ཏྠཱི ཝཱ པུ་རི་སོ ཝཱ ཏེ་སཾ པ་ཉྩ་ཀྑ་ནྡྷཱ་ནཾ ཏེ་ཡེ་ཝ ཨུ་པཱ་དཱ་ནོ ས་མུ་ད་ཡོ ཨི་དཾ དུ་ཀྑ་ཉྩ ས་མུ་ད་ཡོ ཙ སོ་ཡེ་ཝ དེ་ས་ནཱ་ཧཱ་རོ.
ཏ་ཏྠ ཀཱ་མེ་སུ ཡེ ན པ་ཛྫ་ནྟི, ཏེ ཨཱ་དཱི་ན་ཝཱ་ནུ་པ་སྶ་ནཱ་ཡ པ་ཛྫ་ནྟི. ཨི་ཏི་སྶཱ ཀཱ་མ་དྷཱ་ཏུ་ཡཱ ནི་ཀྑ་མི་ཏུ་ཀཱ་མ་ཏཱ, ཨ་ཡཾ ཝུ་ཙྩ་ཏི ནེ་ཀྑ་མྨ་ཙྪ་ནྡོ. ཡོ ཏ་ཏྠ ཨ་ན་བྷི་ས་ངྑཱ་རཱ་ནཾ ཀི་ཉྩི ཝི་སོ་དྷེ་ཏི ཏ་སྶ དྷཱ་ཝ་རཱ ཝཱ, ཨ་ཡཾ ཨ་བྱཱ་པཱ་ད་ཙྪ་ནྡོ. ཀི་ཉྩི ཝི་ཧིཾ་ས་ཏི, ཨ་ཡཾ ཝི་ཧིཾ་སཱ་ཚ་ནྡོ. ཨི་ཏི ནེ་ཀྑ་མྨཱ་བྷི་ནཱི་ཧ་ཏཱ ཏ་ཡོ ཚ་ནྡཱ – ནེ་ཀྑ་མྨ་ཙྪ་ནྡོ ཨ་བྱཱ་པཱ་ད་ཙྪ་ནྡོ ཨ་ཝི་ཧིཾ་སཱ་ཚ་ནྡོ. ཏ་ཏྠ ནེ་ཀྑ་མྨ་ཙྪ་ནྡོ ཨ་ལོ་བྷོ; ཨ་བྱཱ་པཱ་ད་ཙྪ་ནྡོ ཨ་དོ་སོ; ཨ་ཝི་ཧིཾ་སཱ་ཚ་ནྡོ ཨ་མོ་ཧོ. ཨི་མཱ་ནི ཏཱི་ཎི ཀུ་ས་ལ་མཱུ་ལཱ་ནི ཨ་ཊྛ་སུ ས་མྤ་ཏྟེ་སུ པ་ར་ཧི་ཏཱ་ནི, ཏེ་སཾ་ཡེ་ཝ ཙ་ཏུ་ནྣཾ ཨུ་པཱ་དཱ་ནཱ་ནཾ ནི་རོ་དྷཱ་ཡ སཾ་ཝ་ཏྟ་ནྟི. ས་ཙེ ཝཱ པུ་ན ཀ་མྨཾ ཀ་རེ་ཡྻ ཀ་ཎྷཾ ཝཱ སུ་ཀྐཾ ཝཱ ཏ་སྶ ཝི་པཱ་ཀ་ཧཱ་ནཱ་ཡ སཾ་ཝ་ཏྟ་ནྟི. ཨི་དཾ ཀ་མྨཾ ཨ་ཀ་ཎྷཾ ཨ་སུ་ཀྐཾ ཀ་མྨ་ཀྑ་ཡཱ་ཡ སཾ་ཝ་ཏྟ་ཏི. ཏ་ཏྠ ཡོ ཏི་ཎྞཾ ཨ་ཀུ་ས་ལ་མཱུ་ལཱ་ནཾ ནི་རོ་དྷོ, ཨ་ཡཾ ནི་རོ་དྷོ. སོ་ཡེ་ཝ མ་གྒོ ཏ་ཏྠ པ་ཊི་པ་དཱ་ནི ཨི་མཱ་ནི དྭེ ས་ཙྩཱ་ནི ཨི་མཱ་ནི ཙ་ཏྟཱ་རི ས་ཙྩཱ་ནི ཨཱ་ཝ་ཊྚོ ཧཱ་རོ.
ཀཱ་མེ་སུ ས་ཏྟཱ་ཏི ཡེ སེ་ཀྑཱ, ཏེ ཨེ་ཀེ་ནེ་ཝཱ་ཀཱ་རེ་ན ས་ཏྟཱ. ཡེ པུ་ཐུ་ཛྫ་ནཱ, ཏེ དྭཱི་ཧཱ་ཀཱ་རེ་ཧི ས་ཏྟཱ, ཏ་སྶཱ་ཡཾ པ་ཉྷོ ཝི་བྷ་ཛྫ་བྱཱ་ཀ་ར་ཎཱི་ཡོ ཝ་ཏྟ་བྦོ. ཀི་ཉྩཱ་པི སོ་ཏཱ་པ་ནྣོ པ་ཊི་སེ་ཝ་ནཱ་ཡ, ནོ ཙ ཁོ ཨ་བྷི་ནི་ཝེ་སེ ས་ཏྟོ ཡོ ཧི ཨ་པ་ཙ་ཡཱ་ཡ པ་ད་ཧ་ཏི, ན ཨུ་པ་ཙ་ཡཱ་ཡ. སེ་ཀྑོ ཧི ཀི་ལེ་ས་ཝ་སེ་ན ཀཱ་མེ པ་ཊི་སེ་ཝ་ཏི. པུ་ཐུ་ཛྫ་ནོ པ་ན ཀི་ལེ་ས་ས་མུ་ཊྛཱ་ནཱ་ཡ ཀཱ་མེ པ་ཊི་སེ་ཝ་ཏི. ཏ་ཏྠ ཀཱ་མེ་སུ ས་ཏྟཱ་ནཾ ཙ་ཏུ་ཨོ་གྷཾ ཏ་རི་སྶ་ཏཱི་ཏི ཝི་བྷ་ཛྫ་བྱཱ་ཀ་ར་ཎཱི་ཡོ, ཨ་ཡཾ ཝི་བྷ་ཏྟི.
༨༠. པ་རི་ཝ་ཏྟ་ནོ་ཏི ཀཱ་མེ ཡེ ནེ་ཝ ས་ཛྫ་ནྟི ན ཙ སཾ་ཡོ་ཛ་ནེ་ཧི སཾ་ཡུ་ཏྟཱ, ཏེ ཨོ་གྷཾ ཏ་རི་སྶ་ནྟི ཝི་པུ་ལཾ མ་ཧ་ནྟ་ནྟི. ཨ་ཡཾ སུ་ཏྟ་སྶ པ་ཊི་པ་ཀྑོ.
ཝེ་ཝ་ཙ་ན་ནྟི ཡོ ཀཱ་མེ་སུ ས་ཏྟོ ཡོ ཙ ཏ་ཏྠ ཀཱ་མཱ་ནཾ གུ་ཎོ, ཏ་ཏྠ ཝི་སོ ས་ཏྟོ. ཡེ་པི ཀཱ་མཱ་ནཾ ཨཱ་ཧཱ་རཱ དྷ་མྨཱ, ཏ་ཏྠ ཝི་སོ ས་ཏྟོ. ཏ་ཏྠི་མཾ ཀཱ་མཱ་ནཾ ཝེ་ཝ་ཙ་ནཾ པཱ་ཀོ ར་ཛོ ས་ལླཾ ག་ཎྜོ ཨཱི་ཏི ཨུ་པ་དྡ་ཝོ་ཏི. ཡཱ་ནི ཝཱ པ་ན ཨ་ཉྙཱ་ནི ཝེ་ཝ་ཙ་ནཱ་ནི ཏ་ཏྠ ཝི་སོ ས་ཏྟོ་ཏི ཝེ་ཝ་ཙ་ནཾ. ས་ཏྟོ བ་ནྡྷོ མུ་ཙྪི་ཏོ ག་དྷི་ཏོ ཨ་ཛ྄ཛྷོ་སི་ཏོ ཀཱ་མེ ཨ་ཛ྄ཛྷཱ་པ་ནྣཱ པ་རི་མུ་ཏྟོ ཏ་བྦ་ཧུ་ལ་ཝི་ཧཱ་རཱི་ཏི. ཡཱ་ནི ཝཱ པ་ན ཨ་ཉྙཱ་ནི ཝེ་ཝ་ཙ་ནཱ་ནི, ཨ་ཡཾ ཝེ་ཝ་ཙ་ནོ ནཱ་མ. ཀཱ་མ་པྤ་ཙཱ་ར་པ་ཉྙ་ཏྟི་ཡཱ ཀི་ལེ་ས་གོ་ཙ་ར་པ་ཉྙ་ཏྟི་ཡཱ པ་ཉྙ་ཏྟཱ ཙི་ཏྟ་ནྟི ཝེ་ཝ་ཙ་ནཾ. ས་ཏྟོ ཏ་བྦ་ཧུ་ལ་ཝི་ཧཱ་རཱི་ཏི ཡཱ་ནི ཝཱ པ་ན ཨ་ཉྙཱ་ནི. ཨི་མེ ཀཱ་མ་པྤ་ཙཱ་ར་པ་ཉྙ་ཏྟི་ཡཱ ཀི་ལེ་ས་གོ་ཙ་ར པ་ཉྙ་ཏྟི་ཡཱ པ་ཉྙ་ཏྟཱ, བཱི་ཛ་པ་ཉྙ་ཏྟི་ཡཱ པ་ཉྙ་ཏྟཱ, ས་ངྑཱ་རཱ སཾ་ཡོ་ཛ་ན་པ་ཉྙ་ཏྟི་ཡཱ པ་ཉྙ་ཏྟཱ, ཨུ་པཱ་དཱ་ནཾ ཧེ་ཏུ་པ་ཉྙ་ཏྟི་ཡཱ པ་ཉྙ་ཏྟཾ, པུ་གྒ་ལོ པུ་ཐུ་པ་ཉྙ་ཏྟི་ཡཱ པ་ཉྙ་ཏྟོ.
ཨོ་ཏ་ར་ཎོ་ཏི ཨི་མཱ་ཡ པ་ཊི་ཙྩ་ས་མུ་པྤཱ་དོ དུ་ཀྑ་ཉྩ ས་མུ་ད་ཡོ ཙ. ཡེ ཀི་ལེ་སཱ ཡེ ས་ངྑཱ་རཱ སཾ་ཡོ་ཛ་ནཱ་ནི ཙ པ་ཉྩ་སུ ཁ་ནྡྷེ་སུ ས་ངྑཱ་ར་ཀྑ་ནྡྷོ དྷ་མྨཱ་ཡ་ཏ་ནེ་སུ ཨ་ཀུ་ས་ལཱ དྷ་མྨཱ་ཡ་ཏ་ནཱ་ནི ཨི་ནྡྲི་ཡེ་སུ སུ་ཁི་ནྡྲི་ཡ་ཉྩ, སོ་མ་ན་སྶི་ནྡྲི་ཡ་ཉྩ, ཨ་ཡཾ ཨི་ནྡྲི་ཡོ་ཏ་ར་ཎོ.
སོ་དྷ་ནོ་ཏི ཨེ་ཏྟ་ཀོ. ཨེ་སེ་ཝ ཨཱ་ར་མྦྷོ ནི་དྡི་སི་ཏ་བྦོ སུ་ཏྟ་ཏྠོ.
ཨ་དྷི་ཊྛཱ་ནོ་ཏི ཨི་མེ དྷ་མྨཱ ཨ་ཏྠི ཨེ་ཀ་ཏྟ་ཏཱ་ཡ པ་ཉྙ་ཏྟཱ ཨ་ཏྠི ཝེ་མ་ཏྟ་ཏཱ་ཡ. ཡེ ས་ཉྙཱ བཱ་ཧི་རོ ཀཱ་མེ, ཏེ ཝེ་མ་ཏྟ་ཏཱ་ཡ པ་ཉྙ་ཏྟཱ. པ་ཉྩ་སུ ཀཱ་མ་གུ་ཎེ་སུ ས་ཏྟཱ་ཏི པ་རི་ཡུ་ཊྛཱ་ན་ཝི་པ་ལླཱ་སཱ ཝེ་མ་ཏྟ་ཏཱ་ཡ པ་ཉྙ་ཏྟཱ ཨོ་གྷཾ ཏ་རེ་ཡྻུཾ. ཝི་པུ་ལཾ མ་ཧ་ནྟ་ནྟི ཨ་ཝི་ཛྫཱ ཨེ་ཀ་ཏྟ་ཏཱ་ཡ པ་ཉྙ་ཏྟཱ.
པ་རི་ཀྑཱ་རོ་ཏི ཏ་སྶ ཀོ ཧེ་ཏུ ཀོ པ་ཙྩ་ཡོ? ཨཱ་ར་མྨ་ཎ་པ་ཙྩ་ཡ་ཏཱ་ཡ པ་ཙྩ་ཡོ. ཨ་ཡོ་ནི་སོ ཙ མ་ན་སི་ཀཱ་རོ ས་ནྣི་སྶ་ཡ་སྶ པ་ཙྩ་ཡ་ཏཱ་ཡ པ་ཙྩ་ཡོ. ཨ་ཝི་ཛྫཱ ས་མ་ན་ནྟ་ར་པ་ཙྩ་ཡ་ཏཱ་ཡ པ་ཙྩ་ཡོ. རཱ་གཱ་ནུ་ས་ཡོ ཧེ་ཏུ་པ་ཙྩ་ཡ་ཏཱ་ཡ པ་ཙྩ་ཡོ. ཨ་ཡཾ ཧེ་ཏུ, ཨ་ཡཾ པ་ཙྩ་ཡོ.
ས་མཱ་རོ་པ་ནོ པ་ཙྩ་ཡོ་ཏི ཡེ ཀཱ་མེ་སུ ས་ཏྟཱ སུ་ག་ཏཱ སུ་རཱུ་པཱ་ཏི ཨ་ཡཾ ཀཱ་མ་དྷཱ་ཏུ་ཡཱ ཚ་ནྡོ རཱ་གོ ཏེ ཨ་པུ་ཉྙ་མ་ཡཱ ས་ངྑཱ་རཱ. ཏེ ཀིཾ པ་ཙྩ་ཡཱ? ཨ་ཝི་ཛྫཱ པ་ཙྩ་ཡཱ. ཏེ ཀི་སྶ པ་ཙྩ་ཡཱ? ཝི་ཉྙཱ་ཎ་སྶ པ་ཙྩ་ཡཱ. ཨི་ཏི ཨ་ཝི་ཛྫཱ་པ་ཙྩ་ཡཱ ས་ངྑཱ་རཱ. ས་ངྑཱ་ར་པ་ཙྩ་ཡཱ ཝི་ཉྙཱ་ཎཾ ཡཱ་ཝ ཛ་རཱ་མ་ར་ཎཾ ཨེ་ཝ་མེ་ཏ་སྶ ཀེ་ཝ་ལ་སྶ མ་ཧ་ཏོ དུ་ཀྑ་ཀྑ་ནྡྷ་སྶ ས་མུ་ད་ཡོ ཧོ་ཏི ཨེ་ཀཾ སུ་ཏྟཾ ག་ཏཾ. པ་ཉྩ་ནཱི་ཝ་ར་ཎི་ཀཾ སུ་ཏྟཾ ཀཱ་ཏ་བྦཾ.
༨༡. ཏ་ཏྠ ཀ་ཏ་མོ དེ་ས་ནཱ་ཧཱ་རོ ནཱ་མ? ཡཱ ཙ ཨ་བྷི་ཛ྄ཛྷཱ ཡོ ཙ བྱཱ་པཱ་དོ ཡ་ཉྩ ཨུ་དྡྷ་ཙྩཾ, ཨ་ཡཾ ཏ་ཎྷཱ. ཡ་ཉྩ ཐི་ན་མི་དྡྷཾ, ཡ་ཉྩ ཀུ་ཀྐུ་ཙྩཾ ཡཱ ཙ ཝི་ཙི་ཀི་ཙྪཱ, ཨ་ཡཾ དི་ཊྛི. ཡཱ པ་ན ཀཱ་ཡ་སྶ ཨ་ཀ་མྨ་ནི་ཡ་ཏཱ ཀི་ཉྩཱ་པི ཏཾ མི་དྡྷཾ ནོ ཏུ ས་བྷཱ་ཝ་ཀི་ལེ་ས་ཏཱ་ཡ ཀི་ལེ་སོ, ཨི་ཏི ཡཱ ཙ ཙི་ཏྟ་ས་ལླཱི་ཡ་ནཱ ཡཱ ཙ ཀཱ་ཡཱ་ཀ་མྨ་ནི་ཡ་ཏཱ, ཨ་ཡཾ པ་ཀྑོ་པ་ཀི་ལེ་སོ ན ཏུ ས་བྷཱ་ཝ་ཀི་ལེ་སོ. ཏ་ཏྠ ཨ་ཏྟ་ས་ཉྙཱ་ནུ་པ་ཙི་ཏྟཾ ཀི་ལ་མ་ཐོ ཀུ་ཀྐུ་ཙྩཱ་ནུ་པ་ཙི་ཏྟཾ ཐི་ནཾ ཡཱ ཙི་ཏྟ་སྶ ལཱི་ཡ་ནཱ, ཨི་ཏི ཨི་མེ པ་ཉྩ ནཱི་ཝ་ར་ཎཱ ཙ་ཏྟཱ་རི ནཱི་ཝ་ར་ཎཱ་ནི ས་བྷཱ་ཝ་ཀི་ལེ་སཱ ཐི་ན་མི་དྡྷཾ ནཱི་ཝ་ར་ཎ་པ་ཀྑོ་པ་ཀི་ལེ་སོ. ཡ་ཐཱ ཙ་ཏྟཱ་རོ ཨཱ་ས་ཝཱ ས་བྷཱ་ཝ་ཨཱ་ས་ཝ་ཏཱ་ཡ ཨཱ་ས་ཝཱ ནོ ཏུ ཙི་ཏྟ་སཱ་ས་ཝ་ཏཱ་ཡ ཨཱ་ས་ཝཱ. ས་བྷཱ་ཝ་ཏཱ་ཡ ཨཱ་ས་ཝཱ. པ་ཀྑེ ཨཱ་ས་ཝ་ཏཱ་ཡ ཨཱ་ས་ཝཱ. ཨ་ཐ པ་ནཱ་ཧ སུ་ཏྟ་ནྟཾ ཡེ་ན ཏེ ས་མྤ་ཡུ་ཏྟཱ ཝཱ ཝི་པྤ་ཡུ་ཏྟཱ ཝཱ ཨཱ་ས་ཝཱ, ཏེ་ཡེ་ཝ ཨེ་ཏེ ཝ་ཏྟ་བྦཱ སཱ་ས་ཝཱ ཝཱ ཨ་ནཱ་ས་ཝཱ ཝཱ.
ཏ་ཏྠ ཀ་ཏ་མོ ཝི་ཙ་ཡོ. ཨ་བྷི་ཛ྄ཛྷཱ ཀཱ་མ་ཏ་ཎྷཱ རཱུ་པ་ཏ་ཎྷཱ བྷ་ཝ་ཏ་ཎྷཱ. ཡཾ ཝཱ པ་ན ཀི་ཉྩི ཨ་ཛ྄ཛྷོ་སཱ་ན་ག་ཏཾ སཱ་ས་ཝཱ ཨ་བྷི་ཛ྄ཛྷི་ཏ་སྶ མེ་ཏྟཱ་ནུ་པ་སྶི་ཡ ཡོ ཨ་ན་ཏྠཾ ཙ་ར་ཏི. ཏ་ཏྠ ཡོ བྱཱ་པཱ་དཾ ཨུ་པྤཱ་དེ་ཏི, ཨ་ཙ་རི ཙ་རི་སྶ་ཏཱི་ཏི. ཨེ་ཝཾ ན་ཝ ཨཱ་གྷཱ་ཏ་ཝ་ཏྠཱུ་ནི ཀ་ཏྟ་བྦཱ་ནི, ཏ་སྶེ་ཝཾ བྱཱ་པཱ་དཱ་ནུ་པ་སྶི་སྶ ཀི་ལེ་སོ ཡོ པ་རི་དཱ་ཧོ ཀཱ་ཡ་ཀི་ལ་མ་ཐོ ཨ་ཀ་མྨ་ནི་ཡ་ཏཱ མི་དྡྷཾ. ཙི་ཏྟཱ་ནུ་པ་སྶི་སྶ པ་ཊི་གྷཱ་ཏེ་ན ཁི་ཡ་ནཱ, ཨི་དཾ ཐི་ན་མི་དྡྷཾ. ཏ་ཏྠ ཨ་དྷི་ཀ་ར་ཎ་ཨ་ཝཱུ་པ་ས་མོ, ཨི་དཾ ཨུ་དྡྷ་ཙྩཾ. ཡཾ ཀིཾ ཀ་ས་ཐ་མཱི་ཏི [ཀ་ར་ཐ་མཱི་ཏི (པཱི. ཀ.)] ཨི་དཾ ཀུ་ཀྐུ་ཙྩཾ. ཡཾ ཡ་ཐཱ ཨི་དཾ ས་ནྟཱི་ར་ཎཾ, ཨ་ཡཾ ཝི་ཙི་ཀི་ཙྪཱ. ཏ་ཏྠ ཨ་ཝི་ཛྫཱ ཙ ཏ་ཎྷཱ ཙ ཨ་ཏྠི, ཨི་དཾ པ་རི་ཡུ་ཊྛཱ་ནཾ. ཨཱ་ཝ་ར་ཎཾ ནཱི་ཝ་ར་ཎཾ ཚ་ད་ནཾ ཨུ་པ་ཀྐི་ལེ་སོ ཙ ཨ་ཏྠི, ཨི་དཾ ཀཱ་མ་ཙྪ་ནྡོ ཀཱ་མ་རཱ་ག་པ་རི་ཡུ་ཊྛཱ་ན་སྶ པ་ད་ཊྛཱ་ནཾ. བྱཱ་པཱ་དོ བྱཱ་པཱ་ད་པ་རི་ཡུ་ཊྛཱ་ན་སྶ པ་ད་ཊྛཱ་ནཾ. ཐི་ན་མི་དྡྷཾ ཐི་ན་མི་དྡྷ་པ་རི་ཡུ་ཊྛཱ་ན་སྶ པ་ད་ཊྛཱ་ནཾ. ཨུ་དྡྷ་ཙྩ་ཀུ་ཀྐུ་ཙྩཾ ཨ་ཝི་ཛྫཱ་པ་རི་ཡུ་ཊྛཱ་ན་སྶ པ་ད་ཊྛཱ་ནཾ. ཝི་ཙི་ཀི་ཙྪཱ ཝི་ཙི་ཀི་ཙྪཱ་པ་རི་ཡུ་ཊྛཱ་ན་སྶ པ་ད་ཊྛཱ་ནཾ. ཀཱ་མ་རཱ་ག་པ་རི་ཡུ་ཊྛཱ་ནཾ ཨ་ནུ་ས་ཡ་སཾ་ཡོ་ཛ་ན་སྶ པ་ད་ཊྛཱ་ནཾ. བྱཱ་པཱ་ད་པ་རི་ཡུ་ཊྛཱ་ནཾ པ་ཊི་གྷ་སཾ་ཡོ་ཛ་ན་སྶ པ་ད་ཊྛཱ་ནཾ. ཐི་ན་མི་དྡྷ་པ་རི་ཡུ་ཊྛཱ་ནཾ མཱ་ན་སཾ་ཡོ་ཛ་ན་སྶ པ་ད་ཊྛཱ་ནཾ. ཨ་ཝི་ཛྫཱ་པ་རི་ཡུ་ཊྛཱ་ན་ཉྩ ཝི་ཙི་ཀི་ཙྪཱ་པ་རི་ཡུ་ཊྛཱ་ན་ཉྩ དི་ཊྛི་སཾ་ཡོ་ཛ་ན་སྶ པ་ད་ཊྛཱ་ནཾ.
ཏ་ཏྠ ཀ་ཏ་མོ ལ་ཀྑ་ཎོ ཧཱ་རོ? ཀཱ་མ་རཱ་ག་པ་རི་ཡུ་ཊྛཱ་ནེ ཝུ་ཏྟེ ས་བྦཱ་ནི པ་རི་ཡུ་ཊྛཱ་ནཱ་ནི ཝུ་ཏྟཱ་ནི ཧོ་ནྟཱི་ཏི. སཾ་ཡོ་ཛ་ནེ་སུ ཝུ་ཏྟེ་སུ ས་བྦ་སཾ་ཡོ་ཛ་ནཱ་ནི ཝུ་ཏྟཱ་ནི ཧོ་ནྟི. ཨ་ཡཾ ལ་ཀྑ་ཎོ ཧཱ་རོ.
༨༢. ཏ་ཏྠ ཀ་ཏ་མོ ཙ་ཏུ་བྱཱུ་ཧོ ཧཱ་རོ? ཡེ ཨི་མེ པ་ཉྩ ནཱི་ཝ་ར་ཎཱ ཛྷཱ་ན་པ་ཊི་པ་ཀྑོ སོ དུ་ཀྑ་ས་མུ་ད་ཡོ. ཡཾ ཕ་ལཾ, ཨི་དཾ དུ་ཀྑཾ. ཏ་ཏྠ ཀཱ་མ་ཙྪ་ནྡ་སྶ ནེ་ཀྑ་མྨ་ཝི་ཏ་ཀྐོ པ་ཊི་པ་ཀྑོ; བྱཱ་པཱ་ད་སྶ ཨ་བྱཱ་པཱ་ད་ཝི་ཏ་ཀྐོ པ་ཊི་པ་ཀྑོ; ཏི་ཎྞཾ ནཱི་ཝ་ར་ཎཱ་ནཾ ཨ་ཝི་ཧིཾ་སཱ་ཝི་ཏ་ཀྐོ པ་ཊི་པ་ཀྑོ. ཨི་ཏི ཨི་མེ ཏ་ཡོ ཝི་ཏ་ཀྐཱ. ནེ་ཀྑ་མྨ་ཝི་ཏ་ཀྐོ ས་མཱ་དྷི་ཀྑ་ནྡྷཾ བྷ་ཛ་ཏི. ཨ་བྱཱ་པཱ་ད་ཝི་ཏ་ཀྐོ སཱི་ལ་ཀྑ་ནྡྷཾ བྷ་ཛ་ཏི. ཨ་ཝི་ཧིཾ་སཱ་ཝི་ཏ་ཀྐོ པ་ཉྙཱ་ཀྑ་ནྡྷཾ བྷ་ཛ་ཏི. ཨི་མེ ཏ་ཡོ ཁ་ནྡྷཱ. ཨ་རི་ཡོ ཨ་ཊྛ་ངྒི་ཀོ མ་གྒོ ནཱི་ཝ་ར་ཎ་པྤ་ཧཱ་ནཱ་ཡ སཾ་ཝ་ཏྟ་ཏི. ཡཾ ནཱི་ཝ་ར་ཎ་པྤ་ཧཱ་ནཾ, ཨ་ཡཾ ནི་རོ་དྷོ. ཨི་མཱ་ནི ཙ་ཏྟཱ་རི ས་ཙྩཱ་ནི. ཨ་ཡཾ ཙ་ཏུ་བྱཱུ་ཧོ ཧཱ་རོ.
ཏ་ཏྠ ཀ་ཏ་མོ ཨཱ་ཝ་ཊྚོ ཧཱ་རོ? པ་ཉྩ ནཱི་ཝ་ར་ཎཱ་ནི ད་ས བྷ་ཝ་ནྟི. ཡ་ད་པི ཨ་ཛ྄ཛྷ་ཏྟཾ སཱ་ར་ཛྫ་ཏི, ཏ་ད་པི ནཱི་ཝ་ར་ཎཾ. ཡ་ད་པི བ་ཧི་དྡྷཱ སཱ་ར་ཛྫ་ཏི, ཏ་ད་པི ནཱི་ཝ་ར་ཎཾ, ཨེ་ཝཾ ཡཱ་ཝ ཝི་ཙི་ཀི་ཙྪཱ ཨི་མེ ད་ས ནཱི་ཝ་ར་ཎཱ. ཨ་ཛ྄ཛྷ་ཏྟ་བ་ཧི་དྡྷཱ ཀི་ལེ་སཱ ཨི་མཱ་ནི དྭེ སཾ་ཡོ་ཛ་ནཱ་ནི ཨ་ཛ྄ཛྷ་ཏྟ་སཾ་ཡོ་ཛ་ན་ཉྩ བ་ཧི་དྡྷཱ་སཾ་ཡོ་ཛ་ན་ཉྩ. ཏ་ཏྠ ཨ་ཧ་ནྟི ཨ་ཛ྄ཛྷ་ཏྟཾ, མ་མ་ནྟི བ་ཧི་དྡྷཱ. ས་ཀྐཱ་ཡ་དི་ཊྛི ཨ་ཛ྄ཛྷ་ཏྟཾ, ཨེ་ཀ་ས་ཊྛི དི་ཊྛི་ག་ཏཱ་ནི བ་ཧི་དྡྷཱ. ཡོ ཨ་ཛ྄ཛྷ་ཏྟཾ ཚ་ནྡ་རཱ་གོ རཱུ་པེ་སུ ཨ་ཝཱི་ཏ་རཱ་གོ བྷ་ཝ་ཏི ཨ་ཝཱི་ཏ་ཙྪ་ནྡོ. ཨེ་ཝཾ ཡཱ་ཝ ཝི་ཉྙཱ་ཎེ, ཨ་ཡཾ ཨ་ཛ྄ཛྷ་ཏྟཱ ཏ་ཎྷཱ. ཡཾ ཚ་སུ བཱ་ཧི་རེ་སུ ཨཱ་ཡ་ཏ་ནེ་སུ ཏཱི་སུ ཙ བྷ་ཝེ་སུ ཨ་ཛ྄ཛྷོ་སཱ་ནཾ, ཨ་ཡཾ བ་ཧི་དྡྷཱ ཏ་ཎྷཱ. ཨི་མཱ་ནི དྭེ ས་ཙྩཱ་ནི སཾ་ཡོ་ཛ་ནཱ་ནི སཾ་ཡོ་ཛ་ནཱི་ཡཱ ཙ དྷ་མྨཱ. ཏ་ཏྠ སཾ་ཡོ་ཛ་ནེ་སུ དྷ་མྨེ་སུ ཡཱ ནི་བྦི་དཱ་ནུ་པ་སྶ་ནཱ ཙ, ཨ་ཡཾ མ་གྒོ. ཡཾ སཾ་ཡོ་ཛ་ན་པྤ་ཧཱ་ནཾ, ཨ་ཡཾ ནི་རོ་དྷོ. ཨ་ཡཾ ཨཱ་ཝ་ཊྚོ ཧཱ་རོ.
ཏ་ཏྠ ཀ་ཏ་མོ ཝི་བྷ་ཏྟི་ཧཱ་རོ? སཾ་ཡོ་ཛ་ན་ནྟི ན ཨེ་ཏཾ ཨེ་ཀཾ་སེ་ན. མཱ་ན་སཾ་ཡོ་ཛ་ནཾ དི་ཊྛི་བྷཱ་གི་ཡ་ནྟི ན ཏཾ ཨེ་ཀཾ་སེ་ན ཨ་དི་ཊྛ་མཱ་ནཾ ནི་སྶཱ་ཡ་མཱ་ནཾ ན པ་ཛ་ཧ་ཏི. ཡོ པ་ཉྩ ཨུ་དྡྷ་མྦྷཱ་གི་ཡོ མཱ་ནོ ཀི་ཉྩཱ་པི སོ དི་ཊྛི་པ་ཀྑེ སི་ཡཱ. ན ཏུ ཨོ་ར་མྦྷཱ་གི་ཡཾ སཾ་ཡོ་ཛ་ནཾ ཏ་སྶ པ་ཧཱ་ནཱ་ཡ སཾ་ཝ་ཏྟ་ཏཱི་ཏི. ཡོ ཙ ཨ་ཧཾ་ཀཱ་རོ ན པ་ཝི་དྡྷོ་ཡཾ པ་ན་སྶ ཨེ་ཝཾ ཧོ་ཏི. ཀ་དཱ་སུ ནཱ་མཱ་ཧཾ ཏཾ ས་ནྟཾ ཨཱ་ཡ་ཏ་ནཾ ས་ཙྪི་ཀ་ཏྭཱ ཨུ་པ་ས་མྤ་ཛྫ ཝི་ཧ་རི་སྶཱ་མི, ཡཾ ཨ་རི་ཡཱ ས་ནྟཾ ཨཱ་ཡ་ཏ་ནཾ ཨུ་པ་ས་མྤ་ཛྫ ཝི་ཧ་རི་སྶ་ནྟཱི་ཏི, ཨ་ཡཾ ཨ་བྷི་ཛ྄ཛྷཱ ན ཙ ཏཾ ནཱི་ཝ་ར་ཎཾ. ཨ་ཏྠི པ་ན ཨ་ར་ཧ་ཏོ ཀཱ་ཡ་ཀི་ལེ་ས་མི་དྡྷ་ཉྩ ཨོ་ཀྐ་མ་ཏི ན ཙ ཏཾ ནཱི་ཝ་ར་ཎཾ ཏ་སྶ ཐི་ན་མི་དྡྷཾ ནཱི་ཝ་ར་ཎ་ནྟི. ན ཨེ་ཀཾ་སེ་ན. ཨ་ཡཾ ཝི་བྷ་ཏྟི་ཧཱ་རོ.
པ་རི་ཝ་ཏྟ་ནོ་ཏི པ་ཉྩ ནཱི་ཝ་ར་ཎཱ པ་ཉྩ་ངྒི་ཀེ་ན ཛྷཱ་ནེ་ན པ་ཧཱ་ནཾ ག་ཙྪ་ནྟི. ཨ་ཡཾ ཏེ་སཾ པ་ཊི་པ་ཀྑོ ནཱི་ཝ་ར་ཎོ ཨ་སུ་ཀ་སྶ པ་ཧཱི་ནཱ་ཏི ན ཨ་ཉྙཱ་ནུ་མི་ནི་ཏ་བྦཾ, པ་ར་མ་ཏྠ་མ་ཛ྄ཛྷ་ཏྟཾ, ཨ་ཡཾ པ་རི་ཝ་ཏྟ་ནཱ.
ཏ་ཏྠ ཀ་ཏ་མོ ཝེ་ཝ་ཙ་ནོ? ཀཱ་མ་ཙྪ་ནྡོ ཚ་ནྡ་རཱ་གོ པེ་མཾ ནི་ཀ་ནྟཱི་ཏི ཝེ་ཝ་ཙ་ནཾ. ནཱི་ཝ་ར་ཎཾ ཚ་ད་ནཾ ཨུ་པ་ཀྐི་ལེ་སོ པ་རི་ཡུ་ཊྛཱ་ན་ནྟི ཝེ་ཝ་ཙ་ནཾ.
པ་ཉྙ་ཏྟཱི་ཏི ཨ་ཝི་ཛྫཱ་པ་ཙྩ་ཡཱ ཀི་ཙྩ་པ་ཉྙ་ཏྟི་ཡཱ [པ་ཙྩཱ་པ་ཉྙ་ཏྟི་ཡཱ (ཀ.)] པ་ཉྙ་ཏྟི, བྱཱ་པཱ་དོ ཝི་ཀྑེ་པ་པ་ཉྙ་ཏྟི་ཡཱ པ་ཉྙ་ཏྟི, ཐི་ན་མི་དྡྷཾ ཨ་ས་མུ་གྒྷཱ་ཏ་པ་ཉྙ་ཏྟི་ཡཱ པ་ཉྙ་ཏྟི. ཨེ་ཝཾ ས་བྦེ་པི ཨེ་ཏེ པ་ཉྩ ནཱི་ཝ་ར་ཎཱ ཨི་མ་མྷི སུ་ཏྟེ ཝི་ཀྑེ་པ་པ་ཉྙ་ཏྟི་ཡཱ པ་ཉྙ་ཏྟི.
ཏ་ཏྠ ཀ་ཏ་མོ ཨོ་ཏ་ར་ཎོ? ཨི་མེ པ་ཉྩ ནཱི་ཝ་ར་ཎཱ ཨ་ཝི་ཛྫཱ ཙ ཏ་ཎྷཱ ཙ ཏ་ཏྠ ཨ་ཝི་ཛྫཱ་མཱུ་ལཱ ནཱི་ཝ་ར་ཎཱ. ཡཱ ཏ་ཎྷཱ ཨི་མེ ས་ངྑཱ་རཱ, ཏེ ཨ་ཝི་ཛྫཱ་པ་ཙྩ་ཡཱ ཨི་མེ དྭེ དྷ་མྨཱ པ་ཉྩ་སུ ཁ་ནྡྷེ་སུ ས་ངྑཱ་ར་ཀྑ་ནྡྷ་པ་རི་ཡཱ་པ་ནྣཱ, ཨཱ་ཡ་ཏ་ནེ་སུ དྷ་མྨཱ་ཡ་ཏ་ནཾ, དྷཱ་ཏཱུ་སུ དྷ་མྨ་དྷཱ་ཏུ, ཨི་ནྡྲི་ཡེ་སུ ཨི་མེ་སཾ དྷ་མྨཱ་ནཾ པ་ད་ཊྛཱ་ནཾ སུ་ཁི་ནྡྲི་ཡ་སྶ ཙ སོ་མ་ན་སྶི་ནྡྲི་ཡ་སྶ ཙ ཨི་ཏྠི་ནྡྲི་ཡ་སྶ ཙ པུ་རི་སི་ནྡྲི་ཡ་སྶ ཙ.
ཏ་ཏྠ ཀ་ཏ་མོ སོ་དྷ་ནོ ཧཱ་རོ? ཨི་དཾ སུ་ཏྟཾ ཡ་ཐཱ ཨཱ་ར་བྦྷ ནི་ཀྑི་ཏྟཾ སོ ཨ་ཏྠོ བྷཱ་སི་ཏོ ཨི་མེ་ཧི པ་ཉྩ་ཧི པ་དེ་ཧི.
ཏ་ཏྠ ཀཱ་མ་ཙྪ་ནྡོ ཙ བྱཱ་པཱ་དོ ཙ ཝི་ཙི་ཀི་ཙྪཱ ཙ ན ཨེ་ཀ་ཏྟ་ཏཱ་ཡ པ་ཉྙ་ཏྟཱ, ཀཱ་མཱ་ཏི ན ཨེ་ཀ་ཏྟ་ཏཱ་ཡ པ་ཉྙ་ཏྟཱ, ཨ་ཐ ཁ་ལུ ཝེ་མ་ཏྟ་ཏཱ་ཡ པ་ཉྙ་ཏྟཱ. ཨ་ཡཾ ཨ་དྷི་ཊྛཱ་ནོ ཧཱ་རོ.
ཏ་ཏྠ ཀ་ཏ་མོ པ་རི་ཀྑཱ་རོ? ཀཱ་མ་ཙྪ་ནྡ་སྶ ཨ་ཡོ་ནི་སོ མ་ན་སི་ཀཱ་རོ སུ་བྷཱ་ར་མྨ་ཎ་པ་ཙྩ་ཡོ; སུ་བྷ་ནི་མི་ཏྟ་ཉྩ ཧེ་ཏུ. བྱཱ་པཱ་ད་སྶ ཨ་ཡོ་ནི་སོ མ་ན་སི་ཀཱ་རོ ཨཱ་གྷཱ་ཏ་ཝ་ཏྠཱུ་ནི ཙ པ་ཙྩ་ཡོ; པ་ཊི་གྷཱ་ནུ་ས་ཡོ ཧེ་ཏུ. ཐི་ན་མི་དྡྷ་སྶ པ་ཊི་སཾ་ཧཱ་རོ པ་ཙྩ་ཡོ; པ་ཝ་ཏྟི་ཡཱ ཀི་ལ་མ་ཐཱ ཙ་ལ་ནཱ ཏ་ཉྩ ཧེ་ཏུ. ཨུ་དྡྷ་ཙྩ་ཀུ་ཀྐུ་ཙྩ་སྶ ར་ཛ་ནཱི་ཡཾ ཨཱ་ར་མྨ་ཎི་ཡཾ ཨ་སྶཱ་དི་ཡཱ་ཀི་ནྡྲི་ཡཾ ཏཱ་ཝ ཨ་པ་རི་པུ་ཎྞ་ཉྩ ཉཱ་ཎཾ པ་ཙྩ་ཡོ; ཀཱ་མ་ས་ཉྙཱ ཙ དི་ཊྛི་ཨ་ནུ་ས་ཡོ ཙ ཧེ་ཏུ. ཝི་ཙི་ཀི་ཙྪཱ་ཡ ན་ཝ མཱ་ན་ཝི་དྷཱ ཨཱ་ར་མྨ་ཎཾ མཱ་ནཱ་ནུ་ས་ཡོ, སོ་ཝ པ་ཙྩ་ཡོ; ཝི་ཙི་ཀི་ཙྪཱ་ནུ་ས་ཡོ ཧེ་ཏུ. ཨེ་ཏེ པ་ཉྩ དྷ་མྨཱ ས་ཧེ་ཏུ ས་པྤ་ཙྩ་ཡཱ ཨུ་པྤ་ཛྫ་ནྟི.
ཏ་ཏྠ ཀ་ཏ་མོ ས་མཱ་རོ་པ་ནོ ཧཱ་རོ? ཨི་མེ པ་ཉྩ ནཱི་ཝ་ར་ཎཱ ཙ་ཏྟཱ་རོ་པི ཨེ་ཏེ ཨཱ་ས་ཝཱ ག་ཎྜཱ་པི [ཏ་ཎྷཱ་པི (པཱི.)] ཨེ་ཏེ ས་ལླཱ་པི ཨེ་ཏེ ཨུ་པཱ་དཱ་ནཱ་ནི ཨེ་ཏེ. ཏེ་སུ ཨེ་ཝ བཱ་ཧི་རེ་སུ དྷ་མྨེ་སུ སཾ་ཀི་ལེ་ས་བྷཱ་གི་ཡཾ སུ་ཏྟ་ནྟི པ་ཉྙ་ཏྟིཾ ག་ཙྪ་ཏི. ཨ་ཡཾ ས་མཱ་རོ་པ་ནོ ཧཱ་རོ.
ནི་དྡི་ཊྛཾ སཾ་ཀི་ལེ་སི་ཀ་བྷཱ་གི་ཡཾ སུ་ཏྟཾ.
༨༣. མ་ནོ་པུ་བྦ་ངྒ་མཱ དྷ་མྨཱ་ཏི གཱ་ཐཱ.
ཏ་ཏྠ ཀ་ཏ་མོ དེ་ས་ནཱ ཧཱ་རོ? ཨི་མ་མྷི སུ་ཏྟེ ཀོ ཨ་ཏྠོ ཁ་ནྡྷ་ཝ་ཝ་ཏྠཱ་ནེ་ན ཝི་ཉྙཱ་ཎ་ཀྑ་ནྡྷཾ དེ་སེ་ཏི, དྷཱ་ཏུ་ཝ་ཝ་ཏྠཱ་ནེ་ན མ་ནོ་ཝི་ཉྙཱ་ཎ་དྷཱ་ཏུཾ, ཨཱ་ཡ་ཏ་ན་ཝ་ཝ་ཏྠཱ་ནེ་ན མ་ནཱ་ཡ་ཏ་ནཾ, ཨི་ནྡྲི་ཡ་ཝ་ཝ་ཏྠཱ་ནེ་ན མ་ནི་ནྡྲི་ཡཾ. ཏ་སྶ ཀིཾ པུ་བྦ་ངྒ་མཱ དྷ་མྨཱ? སཾ་ཁི་ཏྟེ་ན ཚ དྷ་མྨཱ པུ་བྦ་ངྒ་མཱ དྷ་མྨཱ ཀུ་ས་ལ་མཱུ་ལཱ་ནི ཙ ཨ་ཀུ་ས་ལ་མཱུ་ལཱ་ནི ཙ ཨ་ནི་མི་ཏྟཾ ཨི་མ་མྷི སུ་ཏྟེ ཀུ་ས་ལ་མཱུ་ལཾ དེ་སི་ཏཾ. ཏ་ཏྠ ཀ་ཏ་མཱ མ་ནོ་པུ་བྦ་ངྒ་མཱ དྷ་མྨཱ? མ་ནོ ཏེ་སཾ པུ་བྦ་ངྒ་མཾ, ཡ་ཐཱ་པི བ་ལ་སྶ རཱ་ཛཱ པུ་བྦ་ངྒ་མོ, ཨེ་ཝ་མེ་ཝ དྷ་མྨཱ་ནཾ མ་ནོ་པུ་བྦ་ངྒ་མཱ. ཏ་ཏྠ ཏི་ཝི་དྷཱ་ནཾ པུ་བྦ་ངྒ་མཱ་ནཾ ནེ་ཀྑ་མྨ་ཙྪ་ནྡེ་ན ཨ་བྱཱ་པཱ་ད་ཙྪ་ནྡེ་ན ཨ་ཝི་ཧིཾ་སཱ་ཚ་ནྡེ་ན. ཨ་ལོ་བྷ་སྶ ནེ་ཀྑ་མྨ་ཙྪ་ནྡེ་ན པུ་བྦ་ངྒ་མཱ. ཨ་དོ་ས་སྶ ཨ་བྱཱ་པཱ་ད་ཙྪ་ནྡེ་ན པུ་བྦ་ངྒ་མཱ. ཨ་མོ་ཧ་སྶ ཨ་ཝི་ཧིཾ་སཱ་ཚ་ནྡེ་ན པུ་བྦ་ངྒ་མཱ. ཏ་ཏྠ མ་ནོ་སེ་ཊྛཱཏི མ་ན་སཱ ཨི་མེ དྷ་མྨཱ ཨུ་སྶ་ཊཱ མ་ནེ་ན ཝཱ ནི་མྨི་ཏཱ. མ་ནོ་ཝ ཨི་མེ་སཾ དྷ་མྨཱ་ནཾ སེ་ཊྛོ་ཏི མ་ནོ་ཝ ཨི་མེ་སཾ དྷ་མྨཱ་ནཾ སེ་ཊྛ་ཛེ་ཊྛོ་ཏི མ་ནོ་ཝ ཨི་མེ་སཾ དྷ་མྨཱ་ནཾ ཨཱ་དྷི་པ་ཙྩཾ ཀ་རོ་ཏཱི་ཏི མ་ནོ་སེ་ཊྛཱ. མ་ནོ་ཛ་ཝཱཏི ཡ་ཏྠ མ་ནོ ག་ཙྪ་ཏི. ཏ་ཏྠ ཨི་མེ དྷ་མྨཱ ག་ཙྪ་ནྟཱི་ཏི མ་ནོ་ཛ་ཝཱ. ཡ་ཐཱ ཝཱ་ཏོ སཱི་གྷཾ ག་ཙྪ་ཏི ཨ་ཉྙོ ཝཱ ཀོ་ཙི སཱི་གྷཾ གཱ་མ་ཀོ ཝུ་ཙྩ་ཏེ ཝཱ་ཏ་ཛ་ཝོ་ཏི པ་ཀྑི་གཱ་མི་ཀོ་ཏི, ཨེ་ཝ་མེ་ཝ ཨི་མེ དྷ་མྨཱ མ་ནེ་ན ས་མྤ་ཛཱ་ཡ་མཱ་ནཱ ག་ཙྪ་ནྟི, ཏ་ཏྠ ཨི་མེ དྷ་མྨཱ ག་ཙྪ་ནྟཱི་ཏི མ་ནོ་ཛ་ཝཱ་ཏི. ཏེ ཏི་ཝི་དྷཱ ཚ་ནྡ་ས་མུ་དཱ་ནི་ཏཱ ཨ་ནཱ་ཝི་ལ་ཏཱ ཙ ས་ངྐ་པྤོ. ས་ཏྟ་ཝི་དྷཱ ཙ ཀཱ་ཡི་ཀཾ སུ་ཙ་རི་ཏཾ ཝཱ་ཙ་སི་ཀཾ སུ་ཙ་རི་ཏཾ, ཏེ ད་ས ཀུ་ས་ལ་ཀ་མྨ་པ་ཐཱ. ཏ་ཏྠ མ་ན་སཱ ཙེ པ་ས་ནྣེ་ནཱཏི མ་ནོ་ཀ་མྨཾ. བྷཱ་ས་ཏི ཝཱཏི ཝ་ཙཱི་ཀ་མྨཾ. ཀ་རོ་ཏི ཝཱཏི ཀཱ་ཡ་ཀ་མྨཾ. ཨི་མེ་ཧི ཨི་མ་སྨིཾ སུ་ཏྟེ ད་ས ཀུ་ས་ལ་ཀ་མྨ་པ་ཐཱ པ་ར་མཱ་པི ས་ནྟཱ སཱི་ལ་ཝ་ཏཱ པ་ར་མཱ. སོ བྷ་ཝ་ཏི ཝི་ཝ་ཏྟི་ཡཾ ན ལོ་ཀ་ནི་ཡྻཱ་ནཱ་ཡ ཝཱ་ས་ནཱ་བྷཱ་གི་ཡཾ སུ་ཏྟཾ བྷ་ཝ་ཏི. ཨ་ཡཾ དེ་ས་ནཱ.
ཏ་ཏྠ ཀ་ཏ་མོ ཝི་ཙ་ཡོ ཧཱ་རོ? མ་ནོ་པུ་བྦ་ངྒ་མཱ དྷ་མྨཱ་ཏི ཀུ་ས་ལ་མཱུ་ལཱ་ནི ཙ ཨ་ཊྛ་ངྒ་ས་མྨ་ཏྟཱ་ནི. ཨི་དཾ སུ་ཏྟཾ.
ཡུ་ཏྟཱི་ཏི ད་ས་ནྣཾ ཀུ་ས་ལ་ཀ་མྨ་པ་ཐཱ་ནཾ ཡོ ཝི་པཱ་ཀོ, སོ སུ་ཁ་ཝེ་ད་ནཱི་ཡོ ཨ་བྱཱ་པཱ་ད་སྶ་ངྒ་མཱ་ནོ. ཚཱ་ཡཱ་ཝ ཨ་ན་པཱ་ཡི་ནཱིཏི ཨ་ནུ་ག་ཙྪ་ཏི ཨ་ཏྠི ཨེ་སཱ ཡུ་ཏྟི.
པ་ད་ཊྛཱ་ན་ནྟི ཨ་ཊྛཱ་ར་ས་ནྣཾ མ་ནོ་པ་ཝི་ཙཱ་རཱ་ནཾ པ་ད་ཊྛཱ་ནཾ. མ་ནོ་པུ་བྦ་ངྒ་མཱ དྷ་མྨཱ་ཏི ས་བྦ་ཀུ་ས་ལ་པ་ཀྑ་སྶ ཨི་མེ དྷ་མྨཱ པ་ད་ཊྛཱ་ནཾ. མ་ན་སཱ ཙེ པ་ས་ནྣེ་ནཱཏི ཡོ ཙེ་ཏ་སོ པ་སཱ་དོ, ཨི་དཾ ས་དྡྷི་ནྡྲི་ཡ་སྶ པ་ད་ཊྛཱ་ནཾ. བྷཱ་ས་ཏི ཝཱཏི ས་མྨཱ་ཝཱ་ཙཱ་ཡ. ཀ་རོ་ཏི ཝཱཏི ས་མྨཱ་ཀ་མྨ་ནྟ་སྶ ཙ ས་མྨཱ་ཝཱ་ཡཱ་མ་སྶ ཙ པ་ད་ཊྛཱ་ནཾ.
ལ་ཀྑ་ཎོ་ཏི ཨི་ཏི པུ་བྦ་ངྒ་མཱ དྷ་མྨཱ་ཏི ཝེ་ད་ནཱ་པུ་བྦ་ངྒ་མཱ་པི ཨེ་ཏེ, ས་ཉྙཱ་པུ་བྦ་ངྒ་མཱ་པི ཨེ་ཏེ, ས་ངྑཱ་ར་པུ་བྦ་ངྒ་མཱ་པི ཨེ་ཏེ. ཡེ ཀེ་ཙི དྷ་མྨཱ ས་ཧ་ཛཱ་ཏཱ ས་བྦེ པུ་བྦ་ངྒ་མཱ ཨེ་ཏེ་སཾ དྷ་མྨཱ་ནཾ. ཏ་ཏོ ནཾ སུ་ཁ་མ་ནྭེ་ཏཱིཏི སོ་མ་ན་སྶ་མ་པི ནཾ ཨ་ནྭེ་ཏི ཡཾ སུ་སུ་ཁ་ཙྪཱ་ཡཱ ཏ་དཱ་པི ནཾ སུ་ཁཾ ཏ་ད་པི ཨ་ནྭེ་ཏི.
༨༤. ཏ་ཏྠ ཀ་ཏ་མོ ཙ་ཏུ་བྱཱུ་ཧོ ཧཱ་རོ? མ་ནོ་པུ་བྦ་ངྒ་མཱ་ཏི ན ཨི་དཾ ཨེ་ཀཱ་དི་ཝ་ཙ་ནཾ. ཀིཾ ཀཱ་ར་ཎཱ? ས་བྦེ ཡེ་ཝ ཨི་མེ ཚ་ཝི་ཉྙཱ་ཎ་ཀཱ་ཡཱ, ཨི་མ་མྷི བྷ་ག་ཝ་ཏོ ཀོ ཨ་དྷི་པྤཱ་ཡོ? ཡེ སུ་ཁེ་ན ཨ་ཏྠི་ཀཱ, ཏེ མ་ནཾ པ་སཱ་དེ་ནྟཱི་ཏི ཨ་ཡཾ ཨི་མ་མྷི སུ་ཏྟེ བྷ་ག་ཝ་ཏོ ཨ་དྷི་པྤཱ་ཡོ. ཨ་ཏྠོ པུ་བྦེ་ཡེ་ཝ ནི་དྡི་ཊྛོ.
ཡཱ་ནི ཧི ཀུ་ས་ལ་མཱུ་ལཱ་ནི, ཏཱ་ནི ཨ་ཊྛཱ་ནི་སཾ་ས་མ་ཏྟཱ ཧེ་ཏུ, ཨ་ཡཾ ཨ་ཊྛ་ངྒི་ཀོ མ་གྒོ. ད་ས ཋཱ་ནཱ་ནི དེ་ས་ནཱ་ཧེ་ཏཱུ་ནི དེ་ས་ནཱ་པ་ཙྩ་ཡཱ ནི་དྡེ་ས་ནཱ ཙ. ཏ་ཏྠ ཡཾ མ་ཉྙེ དུ་ཀྑེ་ན ས་ཧ ནཱ་མ་རཱུ་པཾ ཝི་ཉྙཱ་ཎ་ས་ཙྩ་ནྟི ཨ་ངྒེ་ན ཀུ་ས་ལ་མཱུ་ལཾ པ་ཧཱི་ཡ་ཏི, ཨ་ཡཾ ཨ་པྤ་ཧཱི་ན་བྷཱུ་མི་ཡཾ ས་མུ་ད་ཡོ. ཡཾ ཏེ་སཾ པ་ཧཱ་ནཱ, ཨ་ཡཾ ནི་རོ་དྷོ. ཨི་མཱ་ནི ཙ་ཏྟཱ་རི ས་ཙྩཱ་ནི. ཨ་ཡཾ ཨཱ་ཝ་ཊྚོ ཧཱ་རོ.
ཝི་བྷ་ཏྟཱི་ཏི –
མ་ནོ་པུ་བྦ་ངྒ་མཱ དྷ་མྨཱ, མ་ནོ་སེ་ཊྛཱ མ་ནོ་མ་ཡཱ;
མ་ན་སཱ ཙེ པ་ས་ནྣེ་ན, བྷཱ་ས་ཏི ཝཱ ཀ་རོ་ཏི ཝཱ;
ཏ་ཏོ ནཾ སུ་ཁ་མ་ནྭེ་ཏི, ཚཱ་ཡཱ་ཝ ཨ་ན་པཱ་ཡི་ནཱི་ཏི.
ཏཾ ན ཨེ་ཀཾ་སེ་ན ས་མ་ཎ་སྶ ཝཱ བྲཱ་ཧྨ་ཎ་སྶ ཝཱ པ་ན ཧོ་ཏི. ཏ་སྶ ཝཱ མི་ཙྪཱ་དི་ཊྛི་ཀ་སྶ ས་ཀ་ས་ཏྠེ ཙི་ཏྟཾ པ་སཱ་དེ་ཏི, ཏེ་ན ཙ པ་ས་ནྣེ་ན ཙི་ཏྟེ་ན བྷཱ་ས་ཏི བྱཱ་ཀ་རོ་ཏི ན ཏཾ སུ་ཁ་མ་ནྭེ་ཏི ན ཚཱ་ཡཱ་ཝ ཨ་ནུ་གཱ་མི་ནཱི, དུ་ཀྑ་མེ་ཝ ཏཾ ཨ་ནྭེ་ཏི. ཡ་ཐཱ ཝ་ཧ་ནྟཾ ཙ་ཀྐཾ པ་ད་མ་ནྭེ་ཏི, ཨི་དཾ ཏཾ ཝི་བྷ་ཛྫ་བྱཱ་ཀ་ར་ཎཱི་ཡཾ. མ་ན་སཱ ཙེ པ་ས་ནྣེ་ན ཀཱ་ཡ་ཀ་མྨཾ ཝ་ཙཱི་ཀ་མྨཾ སུ་ཁ་ཝེ་ད་ནཱི་ཡ་ནྟི ས་མ་གྒ་ཏེ སུ་ཁ་ཝེ་ད་ནཱི་ཡཾ མི་ཙྪ་གྒ་ཏེ དུ་ཀྑ་ཝེ་ད་ནཱི་ཡཾ, ཨ་ཡཾ ཝི་བྷ་ཏྟི.
ཏ་ཏྠ ཀ་ཏ་མོ པ་རི་ཝ་ཏྟ་ནོ ཧཱ་རོ? མ་ནོ་པུ་བྦ་ངྒ་མཱ དྷ་མྨཱ་ཏི ཡཾ མ་ན་སཱ པ་དུ་ཊྛེ་ན བྷཱ་ས་ཏི ཝཱ ཀ་རོ་ཏི ཝཱ དུ་ཀྑ་མ་སྶཱ་ནུ་གཱ་མི་ནཱི, ཨེ་ཏཱ་ནི་ཡེ་ཝ དྭེ སུ་ཏྟཱ་ནི བྷཱ་སི་ཏཱ་ནི ཨེ་ས ཨེ་ཝ ཙ པ་ཊི་པ་ཀྑོ. ཝེ་ཝ་ཙ་ན་ནྟི ཡ་དི་དཾ མ་ནོ་ཙི་ཏྟཾ ཝི་ཉྙཱ་ཎཾ མ་ནི་ནྡྲི་ཡཾ མ་ནོ་ཝི་ཉྙཱ་ཎ་དྷཱ་ཏུ.
པ་ཉྙ་ཏྟཱི་ཏི མ་ནོ་པུ་བྦ་ངྒ་མཱ དྷ་མྨཱ་ཏི ཨ་ཡཾ མ་ནོ ཀི་ཉྩི པ་ཉྙ་ཏྟི་ཡཱ པ་ཉྙ་ཏྟཾ. དྷ་མྨཱ་ཏི ཀུ་ས་ལ་ཀ་མྨ་པ་ཐ་པ་ཉྙ་ཏྟི་ཡཱ པ་ཉྙ་ཏྟཾ. མ་ནོ་སེ་ཊྛཱ་ཏི ཝི་སི་ཊྛ་པ་ཉྙ་ཏྟི་ཡཱ པ་ཉྙ་ཏྟཾ. མ་ནོ་ཛ་ཝཱ་ཏི ས་ཧ་པ་ཉྙ་ཏྟི་ཡཱ པ་ཉྙ་ཏྟཾ. ཙི་ཏྟ་ནྟི ནེ་ཀྑ་མྨ་པ་ཉྙ་ཏྟི་ཡཱ པ་ཉྙ་ཏྟཾ. མ་ན་སཱ ཙེ པ་ས་ནྣེ་ནཱ་ཏི ས་དྡྷི་ནྡྲི་ཡ་པ་ཉྙ་ཏྟི་ཡཱ པ་ཉྙ་ཏྟཾ. མ་ན་སཱ ཙེ པ་ས་ནྣེ་ནཱ་ཏི ཨ་ནཱ་ཝི་ལ་ས་ངྐ་པྤ་དུ་ཏི་ཡ་ཛ྄ཛྷཱ་ན་པ་ཉྙ་ཏྟི་ཡཱ པ་ཉྙ་ཏྟཾ. མ་ན་སཱ ཙེ པ་ས་ནྣེ་ནཱ་ཏི ཨ་སྶ་དྡྷཱ་ནཾ པ་ཊི་པ་ཀྑ་པ་ཉྙ་ཏྟི་ཡཱ པ་ཉྙ་ཏྟཾ. བྷཱ་ས་ཏི ཝཱ་ཏི ས་མྨཱ་ཝཱ་ཙཱ་པ་ཉྙ་ཏྟི་ཡཱ པ་ཉྙ་ཏྟཾ. ཀ་རོ་ཏི ཝཱ་ཏི ས་མྨཱ་ཀ་མྨ་ནྟ་པ་ཉྙ་ཏྟི་ཡཱ པ་ཉྙ་ཏྟཾ. ཏ་ཏོ ནཾ སུ་ཁ་མ་ནྭེ་ཏཱི་ཏི ཛྷཱ་ན་ས་མཱ་དྷཱ་ནཾ. ཨི་ནྡྲི་ཡེ་སུ མ་ནི་ནྡྲི་ཡཾ. པ་ཊི་ཙྩ་ས་མུ་པྤཱ་དེ ཝི་ཉྙཱ་ཎཾ. མ་ནོ་པུ་བྦ་ངྒ་མཱ དྷ་མྨཱ་ཏི མེ་ཏྟཱ ཙ མུ་དུ་ཏཱ ཙ ཛྷཱ་ནེ་སུ དུ་ཏི་ཡཾ ཛྷཱ་ནཾ ཏ་ཏི་ཡ་ཉྩ. ཁ་ནྡྷེ་སུ ས་ངྑཱ་ར་ཀྑ་ནྡྷ་པ་རི་ཡཱ་པ་ནྣོ. དྷཱ་ཏཱུ་སུ དྷ་མྨ་དྷཱ་ཏུ, ཨཱ་ཡ་ཏ་ནེ་སུ དྷ་མྨཱ་ཡ་ཏ་ནཾ. ཡཾ ཀུ་ས་ལཾ ཨི་ནྡྲི་ཡེ་སུ སུ་ཁི་ནྡྲི་ཡ་ཉྩ སོ་མ་ན་སྶི་ནྡྲི་ཡ་ཉྩ པ་ད་ཊྛཱ་ནཾ. ཨི་མེ་སཾ དྷ་མྨཱ་ནཾ པ་ཊི་ཙྩ་ས་མུ་པྤ་ནྣཱ་ནཾ ཕ་སྶ་པ་ཙྩ་ཡཱ སུ་ཁ་ཝེ་ད་ནཱི་ཡོ ཕ་སྶོ སུ་ཁ་ཝེ་ད་ནཱ མ་ནོ་པ་ཝི་ཙཱ་རེ་སུ སོ་མ་ན་སྶ་ཝི་ཙཱ་རོ ཚ་ཏྟིཾ་སེ་སུ པ་ཋ་མ་པ་དེ་སུ ཚ སོ་མ་ན་སྶ་ནེ་ཀྑ་མྨ་སྶི་ཏཱ. ཨི་ཏི ཨ་ཡཾ ཨོ་ཏ་ར་ཎོ ཧཱ་རོ.
ཏ་ཏྠ ཀ་ཏ་མོ སོ་དྷ་ནོ ཧཱ་རོ? ཡཾ ཨ་ཏྠཾ ཨཱ་ར་བྦྷ ཨི་དཾ སུ་ཏྟཾ བྷཱ་སི་ཏཾ. སོ ཨ་ཏྠོ ནི་ཡུ་ཏྟོ ཨེ་ཏ་མ་ཏྠཾ ཨཱ་ར་བྦྷ སུ་ཏྟཾ. ཨ་ཡཾ སོ་དྷ་ནོ ཧཱ་རོ.
༨༥. ཏ་ཏྠ ཀ་ཏ་མོ ཨ་དྷི་ཊྛཱ་ནོ ཧཱ་རོ? མ་ནོ་པུ་བྦ་ངྒ་མཱ དྷ་མྨཱ་ཏི ཝེ་ཝ་ཙ་ན་པ་ཉྙ་ཏྟི, ན ཨེ་ཀ་ཏྟ་པ་ཉྙ་ཏྟི. དྷ་མྨཱ་ཏི ཨེ་ཀ་ཏོ ན ཝེ་ཝ་ཙ་ན་པ་ཉྙ་ཏྟི. མ་ན་སཱ ཙེ པ་ས་ནྣེ་ནཱ་ཏི སོ པ་སཱ་དོ དྭི་དྷོ ཨ་ཛ྄ཛྷ་ཏྟ་ཉྩ ཨ་བྱཱ་པཱ་དཱ་ཝི་ཀྑ་མྦྷ་ན་བ་ཧི་དྡྷཱ ཙ ཨོ་ཀ་པྤ་ན་ཏོ. སོ ཨ་ཛ྄ཛྷ་ཏྟ་པ་སཱ་དོ དྭི་དྷོ. ས་མུ་གྒྷཱ་ཏ་པ་སཱ་དོ ཙ ཝི་ཀྑ་མྦྷ་ན་པ་སཱ་དོ ཙ བྱཱ་པཱ་ད་པ་རི་ཡུ་ཊྛཱ་ནཾ. ཝི་གྷཱ་ཏོ ན མཱུ་ལ་པ་སཱ་དོ ཛཱ་ཏ་མཱུ་ལ་མྤི ཝཱ. པ་སཱ་དོ ས་བྱཱ་པཱ་དཾ ཝི་གྷཱ་ཏེ་ན. ཏ་ཏོ ནཾ སུ་ཁ་མ་ནྭེ་ཏཱི་ཏི སུ་ཁཾ ཀཱ་ཡི་ཀ་ཉྩ ཙེ་ཏ་སི་ཀ་ཉྩ ཨ་པྤི་ཡ་ཝི་པྤ་ཡོ་གོ་པི པི་ཡ་ས་མྤ་ཡོ་གོ་པི ནེ་ཀྑ་མྨ་སུ་ཁ་མྤི པུ་ཐུ་ཛྫ་ན་སུ་ཁ་མྤི པཱི་ཏི་ས་མྦོ་ཛ྄ཛྷ་ངྒ་མྤི ཙེ་ཏ་སི་ཀཾ སུ་ཁཾ. ཡ་མྤི པ་སྶ་དྡྷ་ཀཱ་ཡོ སུ་ཁཾ ཝེ་དེ་ཏི, ཏ་མྤི ཀཱ་ཡི་ཀཾ སུ་ཁཾ བོ་ཛ྄ཛྷ་ངྒཱ ཙ ཙེ་ཏ་སི་ཀཾ སུ་ཁཾ. ཡ་མྤི པ་སྶ་དྡྷ་ཀཱ་ཡོ སུ་ཁཾ ཝེ་དེ་སི, ཏ་མྤི ཏ་ཉྩ སུ་ཁ་པ་ད་ཊྛཱ་ནཾ པ་ཉྙ་ཏྟི་ཡཱ ཡ་ཐཱ་ཝུ་ཏྟཾ ཏཾ ཨ་པ་རཱ་མ་ཊྛཾ ཀུ་ས་ལཱ་ནཾ དྷ་མྨཱ་ནཾ. ཨ་ནྭེ་ཏཱི་ཏི ཨ་པྤ་ནཱ ས་ནྡི་སྶ་ཏི ན ཙཱ་ཡཾ ཝཱ པ་ཏྟ་བྷཱུ་ཏོ ཨ་ནྭེ་ཏི. ཏ་དི་དཾ སུ་ཏྟཾ དྭཱི་ཧི ཨཱ་ཀཱ་རེ་ཧི ཨ་དྷི་ཊྛཱ་ཏ་བྦཾ. ཧེ་ཏུ་ནཱ ཙ ཡོ པ་ས་ནྣ་མཱ་ན་སོ ཝི་པཱ་ཀེ་ན ཙ ཡོ དུ་ཀྑ་ཝེ་ད་ནཱི་ཡོ.
པ་རི་ཀྑཱ་རོ་ཏི བྷ་ག་ཝཱ པ་ཉྩ་ས་ཏེ་ན བྷི་ཀྑུ་ས་ངྒྷེ་ན ན་ག་རཾ པ་ཝི་ས་ཏི རཱ་ཛ་ག་ཧཾ. ཏ་ཏྠ མ་ནུ་སྶོ པུ་གྒ་ལོ བྷ་ག་ཝ་ནྟཾ པ་རི་ཝི་ས་ཏི, ཏ་སྶ པ་སཱ་དོ ཨུ་པྤ་ནྣོ ཀུ་ས་ལ་མཱུ་ལ་པུ་བྦ་ཡོ་གཱ་ཝ་ཙ་རོ་པི. སོ ཨ་ཉྙེ་ས་ཉྩ ཨ་ཀྑཱ་ཏི, ཨི་དཾ ཝཱ་ཙཾ བྷཱ་ས་ཏི ལཱ་བྷཱ ཏེ་སཾ, ཡེ་སཾ ནི་ཝེ་ས་ནཾ བྷ་ག་ཝཱ པ་ཝི་ས་ཏི, ཨ་མྷཱ་ཀ་མྤི ཡ་དི བྷ་ཝེ་ཡྻ མ་ཡ་མྤི བྷ་ག་ཝ་ཏོ སཾ་པ་སཱ་དཾ ལ་ཙྪ་མྷཱ་ཏི. ཡེ་ན བྷ་ག་ཝཱ ཏེ་ན་ཉྫ་ལིཾ པ་ཎཱ་མེ་ཏྭཱ ‘‘ན་མོ བྷ་ག་ཝ་ཏོ ན་མོ བྷ་ག་ཝ་ཏོ’’ཏི ཨ་བྱཱ་པཱ་ད་མཱ་ནོ ཨེ་ཀ་མ་ནྟེ ཨ་ཊྛཱ་སི. ཏ་ད་ན་ནྟ་རེ བྷ་ག་ཝཱ ཨི་མཾ སུ་ཏྟཾ ཨ་བྷཱ་སི་ཏྠ ‘‘མ་ནོ་པུ་བྦ་ངྒ་མཱ དྷ་མྨཱ’’ཏི. ས་བྦཾ སུ་ཏྟཾ ཏ་ཐཱ ཡཾ པ་རེ་སཾ བྷཱ་ས་ཏི ཨི་དཾ ཝཱ་ཙཱ་ཀ་མྨཾ. ཡཾ ཨ་ཉྫ་ལིཾ པ་ཎཱ་མེ་ཏི, ཨི་དཾ ཀཱ་ཡ་ཀ་མྨཾ. ཡོ མ་ནོ་པ་སཱ་དོ, ཨི་དཾ མ་ནོ་ཀ་མྨཾ. ཏ་ཏྠ ཡཾ པ་རེ་སཾ པ་ཀཱ་སེ་ཏི བྷཱ་ས་ཏི ཝ་ཎྞཾ. ཡེ་སཾ བྷ་ག་ཝཱ ནི་ཝེ་ས་ནཾ ག་ཙྪ་ཏཱི་ཏི. ས་བྦཾ ཏ་སྶ ཨ་ལོ་བྷོ ཀུ་ས་ལ་མཱུ་ལཾ. ཡཾ བྷ་ག་ཝ་ཏི མེ་ཏྟ་ཙི་ཏྟོ, ཏ་སྶ ཨ་དོ་སོ ཀུ་ས་ལ་མཱུ་ལཾ. ཡཾ ཨ་ཉྫ་ལིཾ པ་ཎཱ་མེ་ཏི མཱ་ན་ཉྩ ནི་གྒ་ཎྷཱ་ཏི, ཏ་ཏྠ་སྶ ཨ་མོ་ཧོ ཀུ་ས་ལ་མཱུ་ལཾ པཱ་ཏུ་བྷ་ཝ་ཏི. ཡཾ ཨུ་ལཱ༹་ར་པ་ཉྙཾ པ་ཊི་ལ་བྷ་ཏི, ཨི་ད་མ་སྶ དི་ཊྛི་ཝི་པ་ལླཱ་ས་པྤ་ཧཱ་ནཾ. ཡཾ ཏ་ཐཱ་ཡེ་ཝ སཾ་ཝ་རོ ཧོ་ཏི, ཨི་ད་མ་སྶ ས་ཉྙཱ་ཝི་པ་ལླཱ་ས་པྤ་ཧཱ་ནཾ. ཡཾ མ་ན་སྶ པ་སཱ་ད་ནཾ, ཨི་ད་མ་སྶ ཙི་ཏྟ་ཝི་པ་ལླཱ་ས་པྤ་ཧཱ་ན་ནྟི ཨ་ཀུ་ས་ལ་ཝི་པ་ལླཱ་སཱ་ནཾ ཝི་ཀྑ་མྦྷ་ནཾ པ་ཧཱ་ནཾ པ་ཙྩ་ཡོ. ཏཱི་ཎི ཀུ་ས་ལ་མཱུ་ལཱ་ནི ཡོ ཨ་ནཱ་ཝི་ལ་ཙི་ཏྟ་ས་ངྐ་པྤོ, སོ ཏ་སྶ མ་ན་སི་ཀཱ་རོ་ཏི ཝུ་ཙྩ་ཏི. ཡཾ ཀི་ལེ་སེ་ཧི ཝི་ཀྑ་མྦྷ་ནཾ ཨི་ཏི ཝི་པ་ལླཱ་སཱ ཙ ཨཱ་ར་མྨ་ཎཱ ས་པྤ་ཙྩ་ཡ་ཏཱ་ཡ པ་ཙྩ་ཡོ ཀུ་ས་ལ་མཱུ་ལཱ་ནི ཙ ས་ནྡི་སྶ་ཡ་ཏཱ་ཡ པ་ཙྩ་ཡོ, སོ ཙ མ་ན་སི་ཀཱ་རོ ཧེ་ཏུ་ནཱ ཨི་མི་ནཱ པ་ཙྩ་ཡེ་ན ཙི་ཏྟཾ ཨུ་པྤ་ནྣཾ. ཏ་ཏྠ ཡཾ ས་ས་ཏྠཱ་ར་མྨ་ཎཾ ཙི་ཏྟཾ པ་ཝ་ཏྟཾ ཨ་ཡཾ བུ་དྡྷཱ་ནུ་སྶ་ཏི. ཡ་མྤི བྷ་ག་ཝ་ཏོ གུ་ཎེ མ་ན་སི ཀ་རོ་ཏི, ཨ་ཡ་མ་སྶ དྷ་མྨཱ་ནུ་སྶ་ཏི. ཏ་ཏྠ ས་ཏི་ས་མྤ་ཛ་ཉྙཾ ཧེ་ཏུ, ཨ་ཡ་ཉྩ པ་ཙྩ་ཡོ. ཝཱ་ཙཱ པ་ཉྙཱ ཧེ་ཏུ ཝི་ཏ་ཀྐ་ཝི་ཙཱ་རཱ པ་ཙྩ་ཡོ. ཀཱ་ཡ་ས་ངྑཱ་རཱ ཀ་མྨ་སྶ ཨ་བྷི་ས་ངྑཱ་རོ ནཱ་མ ཧེ་ཏུ ཝཱ ཨ་པྤ་ཙྩ་ཡོ སུ་ཁ་ཝེ་ད་ནཱི་ཡ་སྶ ཀ་མྨ་སྶ ཨུ་པ་ཙ་ཡོ ཧེ་ཏུ་ཀཱ ཀ་མྨ་སྶ པ་ཙྩ་ཡོ.
༨༦. ཏ་ཏྠ ཀ་ཏ་མོ ས་མཱ་རོ་པ་ནོ ཧཱ་རོ? མ་ན་སཱ་ཡེ་ཝ པ་ས་ནྣེ་ན ས་ཏོ་ཡེ་ཝེ་ཏྠ པ་ས་ནྣོ ཨ་པི ཙ ཙི་ཏྟ་ཝོ་དཱ་ནཱ ས་ཏྟཱ ཝི་མུ་ཙྩ་ནྟཱི་ཏི ཏེ་ན ས་ཏྟཱ ཙི་ཏྟ་པུ་བྦ་ངྒ་མཱ ཙི་ཏྟེ་ན པ་ས་ནྣེ་ན ཙེ་ཏ་ནཱ་པི ཏ་ཏྠ ཙི་ཏྟ་བྷཱུ་ཏཱ བྷ་ཝ་ནྟཱི་ཏི པ་ཊི་གྷཱ ཨ་ཡཾ ཙེ་ཏ་ནཱ་ནཾ པ་སཱ་དེ་ན ཀཱ་ཡོ ཙ་སྶ པ་སཱ་དོ, སོ ཙ ཨཱ་ར་བྷ་ཏི པ་སཱ་དེ་ན པ་ས་ནྣོ ས་ཉྙཱ་ན་ནྟི ཙ་སྶ ཨ་ཝི་པ་རཱི་ཏཱ, སོ པ་ཉྩ་ཝི་དྷོ ཝི་ཀྑ་མྦྷ་ནཱ, ཀཱ་ཡ་པ་སྶ་མྦྷ་ནཱ་ཡེ་ཝཱ པ་སཱ་དོ ཙི་ཏྟ་སི་ཏོ ཙི་ཏྟཾ པ་ན པུ་བྦཾ་ཡེ་ཝ པ་ས་ནྣཾ. ཨ་ཡཾ ས་མཱ་རོ་པ་ནཱ. ཨེ་ཝཾ པ་ཉྩ་ནྣ་མྤི པ་སཱ་དོ. ཏ་ཏོ ནཾ སུ་ཁ་མ་ནྭེ་ཏཱི་ཏི ཀ་ཏ་མཾ བྷ་ག་ཝཱ ནི་དྡི་ས་ཏི? ན ཧི ཨ་ཏྟ་ས་ཙྩཾ ཏ་སྶ ཀ་མྨ་སྶ ཝི་པཱ་ཀོ ཨ་ནྭེ་ཏི. ཏ་སྶ ཨུ་པཱ་ཡོ ཨ་ནུ་ག་ཙྪ་ཏི ཡ་དཱ སི་ཏ་པ་ཙྩ་ཡཱ ཨུ་པྤ་ཛྫ་ཏེ སོ་མ་ན་སྶཾ ཨ་ཝི་པྤ་ཊི་སཱ་རོ་པི ཨ་ནྭེ་ཏི. ཨ་ཡཾ ས་མཱ་རོ་པ་ནོ ཧཱ་རོ.
མ་ཧཱ་ནཱ་མ ས་ཀྐ་སྶ སུ་ཏྟཾ [པ་སྶ སཾ. ནི. ༥.༡༠༡༧]. ཏ་སྨིཾ ཙེ ས་མ་ཡེ ཨ་སྶ་ཏོ ཨ་ས་མྤ་ཛཱ་ནོ ཀཱ་ལཾ ཀ་རེ་ཡྻ ཀཱ་མེ བྷ་ཝ་ཏི. ཨ་སྶ་ཏོ ཨ་བྷི་ས་མཱ་ཧཱ་རོ ཡོ མཱ བྷཱ་ཡི, མ་ཧཱ་ནཱ་མ, ཡཾ ཏཾ ཙི་ཏྟཾ དཱི་གྷ་ར་ཏྟཾ ས་དྡྷཱ་པ་རི་བྷཱ་ཝི་ཏཾ སཱི་ལ་པ་རི་བྷཱ་ཝི་ཏཾ སུ་ཏ་ཙཱ་ག་པ་རི་བྷཱ་ཝི་ཏ་ནྟི ཝི་ཏྠཱ་རེ་ན ཀཱ་ཏ་བྦཾ. ཙཱ་གེ་ན ཙ པ་ཉྙཱ་ཡ ཙ ཀིཾ ད་སྶེ་ཏི? ཡཱ ས་དྡྷཱ, སཱ ཙེ་ཏ་སོ པ་སཱ་དོ. ཡཱ ཨ་ནཱ་ཝི་ལ་ས་ངྐ་པྤི་ཏཱ, སཱ ས་དྡྷཱ. ཀིཾ ཀཱ་ར་ཎཱ? ཨ་ནཱ་ཝི་ལ་ལ་ཀྑ་ཎཱ. ཨ་ནཱ་ཝི་ལ་ལ་ཀྑ་ཎཱ ཧི ས་དྡྷཱ. ཨ་པ་རེ ཨཱ་ཧུ གུ་ཎ་པ་རི་སུ་དྡྷི་ནི་ཊྛཱ་ག་མ་ན་ལ་ཀྑ་ཎཱ, ཡ་ཉྩ ཨ་པ་རེ ཝཱ ཝ་ཙ་ན་པ་ཊི་གྒ་ཧ་ལ་ཀྑ་ཎཱ ས་དྡྷཱ. ཨ་པ་རོ པ་རི་ཡཱ་ཡོ ཨ་ཏྟཱ་ནཾ ཡ་དི ཨེ་ཝཾ ཨོ་ཀ་པྤེ་ཏི ‘‘ནཱ་ཧཾ ཀི་ཉྩི ཛཱ་ནཱ་མཱི་ཏི ཨེ་སཱ ཨ་ཧཾ ཏ་ཏྠ ཨ་ནུ་ཉྙ་ཏྟཱ ཨ་ན་ཉྙ་ཏཱ’’ཏི. ཨ་ཡཾ ས་དྡྷཱ་ཏི. ཨ་པ་རོ པ་རི་ཡཱ་ཡོ ཨེ་ཀ་ས་ཊྛི་ཡཱ དི་ཊྛི་ག་ཏཱ་ནཾ ཨཱ་དཱི་ན་ཝཱ་ནུ་པ་སྶ་ནཱ ཨ་ནི་ཙྩཾ དུ་ཀྑ་མ་ན་ཏྟཱ་ཏི. ཏེ་ན ཙ པ་དི་ཊྛཾ བྷ་ཝ་ཏི ཡ་ཐཱ ག་མྦྷཱི་རེ ཨུ་ད་པཱ་ནེ ཨུ་ད་ཀཾ ཙ་ཀྑུ་ནཱ པ་སྶ་ཏི ན ཙ ཀཱ་ཡེ་ན ཨ་བྷི་ས་མྦྷུ་ནཱ་ཏི. ཨེ་ཝ་མ་སྶ ཨ་རི་ཡཱ ནི་ཛ྄ཛྷཱ་ན་ཀྑ་ནྟི་ཡཱ དི་ཊྛི བྷ་ཝ་ཏི, ན ཙ ས་ཙྪི་ཀ་ཏཱ. ཨ་ཡཾ ཝུ་ཙྩ་ཏི ས་དྡྷཱ. སཱ ཙ ལོ་ཀི་ཀཱ. ཨ་པ་རོ པ་རི་ཡཱ་ཡོ ཁ་མ་ཏི པུ་ཐུ་ཛྫ་ན་བྷཱུ་ཏ་སྶ ཝཱི་ས་ཏི ཙཱ་ཏི ཀོ ས་ཀྐཱ་ཡཱ་དྷཱི་ནཱ ན ནི་ཝེ་སོ. ན ཨེ་ཏཾ ཨེ་ཀ་ནྟི ན་ཡ་ས་ཉྙཱ ཡ་ཐཱ་བྷཱུ་ཏཾ དི་ཊྛི་ཡཱ ཏུ ཁ་ལུ མུ་དཱུ་ཧི པ་ཉྩ་ཧི ཨི་ནྡྲི་ཡེ་ཧི ད་སྶ་ན་མ་གྒེ་ན པ་ཧཱི་ནཱ བྷ་ཝ་ནྟི. དི་ཊྛེ་ཀ་ཊྛཱ ཙ ཀི་ལེ་སཱ, ཨ་ཡཾ ས་དྡྷཱ.
སོ་ཏཱ་པ་ཏྟ་ངྒ་མ་དུ་ཀྑཱ་ཡཾ བྷཱུ་མི་ཡཾ པ་རི་པུ་ཎྞཱ ཝུ་ཙྩ་ཏི. ཏ་སྨིཾ་ཡེ་ཝ བྷཱུ་མི་ཡཾ སེ་ཀྑ་སཱི་ལཾ ཨ་རི་ཡཱ དྷཱ་ར་ནྟི ཝུ་ཙྩ་ཏི. ཏ་སྨིཾ་ཡེ་ཝ བྷཱུ་མི་ཡཾ མུ་དུ་པ་ཉྙཱ པ་ཉྙི་ནྡྲི་ཡ་ནྟི ཝུ་ཙྩ་ཏི. ཏ་སྨིཾ་ཡེ་ཝ བྷཱུ་མི་ཡཾ ཁ་ནྡྷེ་ཧི ཨ་ན་ཏྠི་ཀ་ཏཱ, ཨ་ཡཾ ཙཱ་གོ. ཏ་སྨཱ ས་དྡྷཱ ཙཱ་གཱ་དྷི་ཊྛཱ་ནེ་ན ནི་དྡི་སི་ཏ་བྦཱ. ཡ་ཏི་ཀེ་ན [ཏེ་ན (ཀ.)] བྷི་ཡྻོ མ་ནེ་ན སཱ ཧི་སྶ ཝི་པ་རཱི་ཏཱ དི་ཊྛི་ཀཱ ཨ་སྶ་དྡྷཱ, སཱ ན་ཡ་ན་ཨུ་པ་དྷཱི་སུ པ་མ་ཏྟཱ ས་མཱ་དི་ནྣཱ. ཏ་ཏྠ ས་དྡྷི་ནྡྲི་ཡཾ ཡོ ཀཱ་མཾ པ་རི་ཝི་སྶ་ནྟི ཨི་ཏི ས་ནྟ་པཱ་པ་པ་ཊི་ནི་སྶ་གྒཱ ན ཙཱ་གཱ་དྷི་ཊྛཱ་ནཾ པ་ཉྙི་ནྡྲི་ཡེ་ན པ་ཉྙཱ་དྷི་ཊྛཱ་ནཾ, སཱི་ལེ་ན ཨུ་པ་ས་མཱ་དྷི་ཊྛཱ་ནཾ. ཨི་མེ ཙ་ཏྟཱ་རོ དྷ་མྨཱ སཱི་ལཾ པ་རི་བྷཱ་ཝ་ཡ་ནྟི ས་དྡྷཱ སཱི་ལཾ ཙཱ་གོ ཙ པ་ཉྙཱ་ཏི. ཏ་ཏྠ ས་དྡྷཱ་ཡ ཨོ་གྷཾ ཏ་ར་ཏི. ཡཾ སཱི་ལཾ, ཨ་ཡཾ ཨ་པྤ་མཱ་དོ. ཡོ ཙཱ་གོ, ཨི་དཾ པ་ཉྙཱ་ཡ ཀ་མྨཾ. ཡཱ པ་ཉྙཱ, ཨི་དཾ པ་ཉྙི་ནྡྲི་ཡཾ, ཏ་ཏྠ ཡཾ ས་དྡྷི་ནྡྲི་ཡཾ. ཏཾ ཏཱི་སུ ཨ་ཝེ་ཙྩ་པྤ་སཱ་དེ་སུ. ཡཾ སཱི་ལཾ, ཏཾ ས་དྡྷི་ནྡྲི་ཡེ་སུ. ཡོ ཙཱ་གོ, སོ ཙ་ཏཱུ་སུ ཛྷཱ་ནེ་སུ. ཡཱ པ་ཉྙཱ, སཱ ས་ཙྩེ་སུ, ས་ཏི ས་བྦ་ཏྠ་གཱ་མི་ནཱི. ཏ་སྶ སེ་ཀྑ་སྶ བྷ་དྡི་ཀཱ བྷ་ཏི, བྷ་དྡི་ཀོ ཨ་བྷི་ས་མྤ་རཱ་ཡོ. ཏ་སྶ ས་མྨུ་ཊྛ་སྶ་ཏི་ཀ་སྶ སཱི་ལཾ ཀ་རོ་ནྟ་སྶ ན ཀཱ་ཡ་ས་མྨུ་ཊྛ་སྶ་ཏི་ཏཱ་ཡ ཏཱ་ནི ཝཱ ཨི་ནྡྲི་ཡཱ་ནི ཏཾ ཝཱ ཀུ་ས་ལ་མཱུ་ལཾ ཀ་མྨ་ཝི་པཱ་ཀཾ བྷ་ཝ་ཏི. ཏ་སྶ ཏི་ཀ་སྶ ཨ་ཏྠ་ནི་དྡེ་སོ. ཏ་ཏྠ ས་དྡྷཱ སཱི་ལཾ ཙཱ་གོ པ་ཉྙཱ ཙ་ཏྟཱ་རོ དྷ་མྨཱ. ཡཱ ས་དྡྷཱ ཡཱ ཙ པ་ཉྙཱ, ཨི་དཾ མ་ནོ་སུ་ཙ་རི་ཏཾ. ཡཾ སཱི་ལཾ, ཨི་དཾ ཀཱ་ཡི་ཀཾ ཝཱ་ཙ་སི་ཀཾ སུ་ཙ་རི་ཏཾ. ཡོ ཙཱ་གོ, ཨི་དཾ ཙེ་ཏ་སི་ཀཾ ཨ་ལོ་བྷོ སུ་ཙ་རི་ཏཾ. ཨི་ཏི ཙི་ཏྟེ ག་ཧི་ཏེ པ་ཉྩ་ཀྑ་ནྡྷཱ ག་ཧི་ཏཱ བྷ་ཝ་ནྟི. ཨི་མེ་ཧི དྷ་མྨེ་ཧི སུ་ཙ་རི་ཏཾ ཨི་དཾ དུ་ཀྑ་ཉྩ ཨ་རི་ཡ་ས་ཙྩཾ པ་ད་ཊྛཱ་ནཾ མ་གྒ་སྶ.
༨༧. ཏ་ཏྠ ཀ་ཏ་མོ ཝི་ཙ་ཡོ ཧཱ་རོ? ཡཱ ཙ ས་དྡྷཱ ཡ་ཉྩ སཱི་ལཾ. ཏཾ ཀི་སྶ ཀ་རོ་ཏི? ཡཱ ས་དྡྷཱ ཏཱ་ཡ བྷ་ག་ཝ་ནྟཾ ཨ་ནུ་སྶ་ར་ཏི མ་ཏྟེ་ན་པི ཧ་ཏྠི་ནཱ ས་མཱ་ག་ཏཱ, ཨ་སྶ བྷོ ཀུ་ཀྐུ་རཱ ས་བྦཾ སཱི་ལེ་ན ན་པྤ་ཊི་པ་ཛྫ་ཏི ཀཱ་ཡེ་ན ཝཱ ཝཱ་ཙཱ་ཡ ཝཱ ཋཱ་ནཾ ཝི་སཱ་ར་དོ བྷ་ཝ་ཏཱི་ཏི ཨ་ཝི་པྤ་ཊི་སཱ་རཱི པ་ཉྙཱ ཡ་སྶ པ་ཉྙ་ཏྟཾ ཨུ་པ་ཊྛ་པེ་ཏི. ཏ་སྶ ཨ་ཁ་ཎྜ་སྶ སཱི་ལཾ ཡཾ ན པ་ཙྪི ཏ་སྶཾ མོ་ཧ་སྶ ཨ་ཀུ་ས་ལ་ཙི་ཏྟཾ ཨུ་པྤ་ཛྫ་ཏི མི་ཙྪཱ་དི་ཊྛི་ས་ཧ་ག་ཏཾ ཝཱ, ཨ་ཡཾ ཝི་ཙ་ཡོ ཧཱ་རོ. དྷ་མྨ་ཝཱ་དི་ནོ བྷ་དྡི་ཀཱ་རཱ་ཏི བྷ་ཝི་སྶ་ཏི ཨ་ཏྠི ཨེ་སཱ ཡུ་ཏྟི.
ཏ་ཏྠ ཀ་ཏ་མོ པ་ད་ཊྛཱ་ནོ ཧཱ་རོ? ཡ་མི་དཾ ཙི་ཏྟཾ དཱི་གྷ་ར་ཏྟཾ པ་རི་བྷཱ་ཝི་ཏཾ ས་དྡྷཱ་ཡ སཱི་ལེ་ན ཙཱ་གེ་ན པ་ཉྙཱ་ཡ ས་མཱ་དྷི་ནཱ པ་ཋ་མ་ཛ྄ཛྷཱ་ན་སྶ པ་ད་ཊྛཱ་ནཾ. ཡཱ ས་དྡྷཱ ཨ་སྶ ཨ་ནཱ་ཝི་ལ་ས་ངྐ་པྤོ, ཏཾ དུ་ཏི་ཡ་ཛ྄ཛྷཱ་ན་སྶ པ་ད་ཊྛཱ་ནཾ. ཏཱི་ཎི ཙ ཨ་ཝེ་ཙྩ་པྤ་སཱ་དཱ ཡཾ སཱི་ལཾ, ཏཾ ཨ་རི་ཡ་ཀ་ནྟཾ, ཏཾ སཱི་ལ་ཀྑ་ནྡྷ་སྶ པ་ད་ཊྛཱ་ནཾ. ཡཱ པ་ཉྙཱ, སཱ པ་ཉྙཱ་ཀྑ་ནྡྷ་སྶ པ་ད་ཊྛཱ་ནཾ. ཨི་མེ ཙ དྷ་མྨཱ ཨི་ད་ཉྩ ཙི་ཏྟཾ ཨེ་ཀོ་དི་བྷཱུ་ཏ་ས་མཱ་དྷི་སྶ པ་ད་ཊྛཱ་ནཾ. ས་དྡྷཱ ས་དྡྷི་ནྡྲི་ཡ་སྶ པ་ད་ཊྛཱ་ནཾ. ཙཱ་གོ ས་མཱ་དྷི་ནྡྲི་ཡ་སྶ པ་ད་ཊྛཱ་ནཾ. པ་ཉྙཱ པ་ཉྙི་ནྡྲི་ཡ་སྶ པ་ད་ཊྛཱ་ནཾ. ས་དྡྷཱ ཙ པ་ཉྙཱ ཙ ཝི་པ་སྶ་ནཱ པ་ད་ཊྛཱ་ནཾ. སཱི་ལ་ཉྩ ཙཱ་གོ ཙ ས་མ་ཐ་སྶ པ་ད་ཊྛཱ་ནཾ. ས་དྡྷཱ ཙ པ་ཉྙཱ ཙ ཨ་ཝི་ཛྫཱ ཝི་རཱ་གཱ་ཡ པ་ཉྙཱ་ཝི་མུ་ཏྟི་ཡཱ པ་ད་ཊྛཱ་ནཾ. སཱི་ལ་ཉྩ ཙཱ་གོ ཙ རཱ་ག་ཝི་རཱ་གཱ་ཡ ཙེ་ཏོ་ཝི་མུ་ཏྟི་ཡཱ པ་ད་ཊྛཱ་ནཾ.
ཏ་ཏྠ ཀ་ཏ་མོ ལ་ཀྑ་ཎོ ཧཱ་རོ? ཝི་ཉྙཱ་ཎེ ཝུ་ཏྟེ ས་དྡྷཱ་ས་ཏི་བྷཱ་ཝི་ཏེ ས་བྦེ པ་ཉྩ་ཀྑ་ནྡྷཱ ཝུ་ཏྟཱ བྷ་ཝ་ནྟི. ས་དྡྷཱ་ཡ བྷ་ཎི་ཏཱ་ཡ ས་བྦཱ་ནི ས་ཏྟ དྷ་ནཱ་ནི བྷ་ཎི་ཏཱ་ནི ཧོ་ནྟི ས་དྡྷཱ་དྷ་ནཾ…པེ… སཱི་ལ་ཀྑ་ནྡྷེ ཝུ་ཏྟེ ས་མཱ་དྷི་ཀྑ་ནྡྷོ ཙ པ་ཉྙཱ་ཀྑ་ནྡྷོ ཙ ཝུ་ཏྟཱ བྷ་ཝ་ནྟི. ཡཾ ཏཾ ཙི་ཏྟཾ དཱི་གྷ་ར་ཏྟཾ པ་རི་བྷཱ་ཝི་ཏཾ པ་ཙྪི་མ་ཀེ ཀཱ་ལེ ན ཏ་ད་ནུ་པ་རི་ཝ་ཏྟི བྷ་ཝི་སྶ་ཏཱི་ཏི ནེ་ཏཾ ཋཱ་ནཾ ཝི་ཛྫ་ཏི. ཏ་ཏྠ ས་ཉྙཱ་པི ཏ་ད་ནུ་པ་རི་ཝ་ཏྟི་ནཱི བྷ་ཝ་ཏི. ཡེ་པི ཏ་ཛྫཱ་ཏི་ཀཱ དྷ་མྨཱ, ཏེ་པི ཏ་ད་ནུ་པ་རི་ཝ་ཏྟི་ནོ བྷ་ཝ་ནྟི. རཱུ་པ་ས་ཉྙཱ རཱུ་པ་ས་ཉྩེ་ཏ་ནཱ་ནུ་པ་སྶ་ན་མ་ན་སི་ཀཱ་རོ ཨེ་ཝཾ ཚ་ནྣཾ ཨཱ་ཡ་ཏ་ནཱ་ནཾ ཝི་ཉྙཱ་ཎ་ཀཱ་ཡེ, ཨ་ཡཾ ལ་ཀྑ་ཎོ ཧཱ་རོ.
ཏ་ཏྠ ཀ་ཏ་མོ ཙ་ཏུ་བྱཱུ་ཧོ ཧཱ་རོ? ཨི་དྷ སུ་ཏྟེ བྷ་ག་ཝ་ཏོ ཀོ ཨ་དྷི་པྤཱ་ཡོ? ཡེ བྷ་དྡི་ཀཾ བྷ་ཏིཾ ཨཱ་ཀ་ངྑེ་ཡྻ བྷ་དྡི་ཀ་ཉྩ ཨ་བྷི་ས་མྤ་རཱ་ཡཾ, ཏེ ས་དྡྷཾ སཱི་ལཾ ཙཱ་གཾ པ་ཉྙ་ཉྩ མ་ན་སི ཀ་རི་སྶ་ནྟི, ཨ་ཡཾ ཨ་དྷི་པྤཱ་ཡོ. ཡེ ཙ་ཉྙེ་པི ས་ཏྟཱ ཏ་ཐཱ་ག་ཏ་སྶ ས་མྨུ་ཁཾ ན པ་ཊི་ཡུ་ཛ྄ཛྷ་ནྟེ, ཨི་མཾ དྷ་མྨཾ སོ་ཏཱ ཨ་ཝི་པྤ་ཊི་སཱ་ར་ཏོ ཀཱ་ལཾ ཀ་རི་སྶ་ནྟཱི་ཏི, ཨ་ཡཾ ཨ་དྷི་པྤཱ་ཡོ.
༨༨. ཏ་ཏྠ ཀ་ཏ་མོ ཨཱ་ཝ་ཊྚོ ཧཱ་རོ? ཨི་ད་མྤི ཙ་ཏྟཱ་རོ དྷ་མྨཱ ས་དྡྷཱ ཙ པ་ཉྙཱ ཙ ཨ་སྶ་དྡྷི་ཡ་ཉྩ ཨ་ཝི་ཛྫ་ཉྩ ཧ་ན་ནྟི. སཱི་ལ་ཉྩ ཙཱ་གོ ཙ ཏ་ཎྷཱ ཙ དོ་ས་ཉྩ ཧ་ན་ནྟི. ཏ་སྶ དྭེ མཱུ་ལཱ་ནི པ་ཧཱི་ཡ་ནྟི. དུ་ཀྑཾ ནི་ཝ་ཏྟེ་ཏི ཨ་པྤ་ཧཱི་ན་བྷཱུ་མི་ཡ་ཉྩ དྭི་མཱུ་ལཱ་ནི པ་ཉྩ་ཀྑ་ནྡྷཱ. དྭེ ཨ་རི་ཡ་ས་ཙྩཱ་ནི ས་མ་ཐོ ཙ ཝི་པ་སྶ་ནཱ ཙ. དྭི་ནྣཾ མཱུ་ལཱ་ནཾ པ་ཧཱ་ནཾ. ཨི་མཱ་ནི དྭེ ས་ཙྩཱ་ནི ནི་རོ་དྷོ ཙ མ་གྒོ ཙ. ཨ་ཡཾ ཨཱ་ཝ་ཊྚོ ཧཱ་རོ.
ཏ་ཏྠ ཀ་ཏ་མོ ཝི་བྷ་ཏྟི? ཡཾ ཏཾ ཙི་ཏྟཾ ས་དྡྷཱ་པ་རི་བྷཱ་ཝི་ཏཾ…པེ… ས་ཙེ པུ་ཐུ་ཛྫ་ན་སྶ ཏ་སྶ་པི བྷ་དྡི་ཀཱ བྷ་ཏི བྷ་ཝི་སྶ་ཏཱི་ཏི ན ཨེ་ཀཾ་སེ་ན ཏ་སྶ ཀ་མྨཾ དི་ཊྛེ་ཡེ་ཝ དྷ་མྨེ ཝི་པཱ་ཀ་ནྟི པ་ཙྩེ་སྶ་ཏི, ཨ་པ་ར་མྷི ཝཱ པ་རི་ཡཱ་ཡེ བྷ་ཝི་སྶ་ཏི. ཡཾ ཝཱ ཨ་ཏཱི་ཏཾ ཝི་པཱ་ཀཱ་ཡ པ་ཙྩུ་པ་ཊྛི་ཏཾ, ཏ་པྤ་ཙྩ་ཡཱ་ནི ཙེ་ཏཱ་ནི, ཡེ ཡ་ཐཱ མ་ཧཱ་ཀ་མྨ་ཝི་བྷ་ངྒེ ‘‘ཏེ་ནཱ་ཡཾ ཝི་བྷ་ཛྫ་བྱཱ་ཀ་ར་ཎི་ཡོ ནི་དྡེ་སོ དྷ་མྨ་ཙཱ་རི་ནོ ཡཱ བྷ་དྡི་ཀཱ བྷ་ཏཱི’’ཏི.
ཏ་ཏྠ ཀ་ཏ་མཱ པ་རི་ཝ་ཏྟ་ནཱ? ཨ་སྶ་དྡྷི་ཡཾ དུ་སྶཱི་ལྱཾ ཡཾ མ་ཙྪེ་རཾ དུ་པྤ་ཉྙཾ ཙ [དུ་པྤ་ཉྙི་ཡཾ (ཀ.)] ཡ་ཉྩ པ་ཊི་པ་ཀྑེ་ན པ་ཧཱི་ནཱ བྷ་ཝ་ནྟི, ཨ་ཡཾ པ་རི་ཝ་ཏྟ་ནཱ.
ཏ་ཏྠ ཀ་ཏ་མཾ ཝེ་ཝ་ཙ་ནཾ? ཡཾ ཏཾ ཙི་ཏྟཾ དཱི་གྷ་ར་ཏྟཾ པ་རི་བྷཱ་ཝི་ཏཾ ཙི་ཏྟཾ མ་ནོ་ཝི་ཉྙཱ་ཎཾ…པེ… ཡཾ ས་དྡྷཱ་བ་ལཾ ས་དྡྷི་ནྡྲི་ཡཾ, ཡཾ སཱི་ལཾ ཏཾ སུ་ཙ་རི་ཏཾ, སཾ་ཡ་མོ ནི་ཡ་མོ ད་མོ ཁ་ནྡྷ་ཏཱ ཨི་མཱ་ནི ཏ་སྶ ཝེ་ཝ་ཙ་ནཱ་ནི. ཡོ ཙཱ་གོ སོ པ་ཊི་ནི་སྶ་གྒོ ཨ་ལོ་བྷོ ཝོ་ས་གྒོ ཙཱ་གོ་ཡི་ཊྛཱ་ནཾ. ཡཱ པ་ཉྙཱ སཱ པ་ཉྙ་ཏྟཱ པ་ཉྙ་པྤ་བྷཱ པ་ཉྙི་ནྡྲི་ཡཾ པ་ཉྙཱ་བ་ལཾ.
ཏ་ཏྠ ཀ་ཏ་མཱ པ་ཉྙ་ཏྟི? ཡཾ ཏཾ ཙི་ཏྟཾ བཱི་ཛཾ པ་ཉྙ་ཏྟི་ཡཱ པ་ཉྙ་ཏྟཾ. པ་རི་བྷཱ་ཝ་ནཱ ཝཱ་ས་ནཱ པ་ཉྙ་ཏྟི་ཡཱ པ་ཉྙ་ཏྟི. ས་དྡྷཱ པ་སཱ་ད་པ་ཉྙ་ཏྟི་ཡཱ པ་ཉྙ་ཏྟཱ. སཱི་ལཾ སུ་ཙ་རི་ཏ་པ་ཉྙ་ཏྟི་ཡཱ པ་ཉྙ་ཏྟཾ. ཙཱ་གོ པུ་ཉྙ་ཀི་རི་ཡ་པ་ཉྙ་ཏྟི་ཡཱ པ་ཉྙ་ཏྟོ. པ་ཉྙཱ ཝཱི་མཾ་ས་པ་ཉྙ་ཏྟི་ཡཱ པ་ཉྙ་ཏྟཱ. ཨི་མེ ཏ་ཡོ དྷ་མྨཱ ས་དྡྷཱ སཱི་ལཾ ཙཱ་གོ པ་ཉྙ་ཝ་ཏོ པཱ་རི་སུ་དྡྷིཾ ག་ཙྪ་ནྟི.
ཏ་ཏྠ ཀ་ཏ་མོ ཨོ་ཏ་ར་ཎོ? ཡཾ ཙི་ཏྟཾ, ཏཾ ཁ་ནྡྷེ་སུ ཝི་ཉྙཱ་ཎ་ཀྑ་ནྡྷོ, དྷཱ་ཏཱུ་སུ མ་ནོ་ཝི་ཉྙཱ་ཎ་དྷཱ་ཏུ, ཨཱ་ཡ་ཏ་ནེ་སུ མ་ནཱ་ཡ་ཏ་ནཾ. ཡེ ཙ་ཏྟཱ་རོ དྷ་མྨཱ, ཏེ ཁ་ནྡྷེ་སུ ས་ངྑཱ་ར་ཀྑ་ནྡྷེ པ་རི་ཡཱ་པ་ནྣཱ…པེ… དྷཱ་ཏཱུ་སུ ཨཱ་ཡ་ཏ་ནེ་སུ.
ཏ་ཏྠ ཀ་ཏ་མོ སོ་དྷ་ནོ ཧཱ་རོ? ཨི་དཾ བྷ་ག་ཝ་ཏོ བྷཱ་སི་ཏཾ མ་ཧཱ་ནཱ་མེ་ན ས་ཀྐེ་ན པུ་ཙྪི་ཏེ་ན ས་བྦཾ ཏཾ ནི་ཡུ་ཏྟཾ.
ཏ་ཏྠ ཀ་ཏ་མོ ཨ་དྷི་ཊྛཱ་ནོ? ཨི་དཾ ཙི་ཏྟཾ ཝེ་མ་ཏྟ་ཏཱ་ཡ པ་ཉྙ་ཏྟཾ ཨ་ཀུ་ས་ལེ་ཧི ཙི་ཏྟེ་ཧི ཨ་པ་རི་བྷཱ་ཝི་ཏེ་ཧི པ་རི་བྷཱ་ཝི་ཏ་ནྟི ཡཱ་ནི པུ་ན པ་རི་བྷཱ་ཝི་ཏཱ་ནི ཨ་ཉྙེ་ས་མྤི ཏ་ཏྠ ཨུ་པཱ་དཱ་ཡ པ་ཉྙ་ཏྟཾ ས་བྦེ་པི་མེ ཙ་ཏྟཱ་རོ དྷ་མྨཱ ཨེ་ཀ་ཏྟ་ཏཱ་ཡ པ་ཉྙ་ཏྟཱ. བྷ་དྡི་ཀཱ བྷ་ཏཱི་ཏི ཀཱ་མ་བྷོ་གི་ནོ ཏེ་ཝ རཱུ་པ་དྷཱ་ཏུ ཨ་རཱུ་པ་དྷཱ་ཏུ མ་ནུ་སྶཱ་ཏི ས་བྦཱ བྷ་དྡི་ཀཱ བྷ་ཏི ཏ་དེ་ཝ ཀ་ཐཱ་ཡ པ་ཉྙ་ཏྟཾ, ཨ་ཡཾ པ་ཉྙ་ཏྟི.
ཏ་ཏྠ ཀ་ཏ་མོ པ་རི་ཀྑཱ་རོ? ཙི་ཏྟ་སྶ ཨི་ནྡྲི་ཡཱ་ནི པ་ཙྩ་ཡོ ཨཱ་དྷི་པ་ཏེ་ཡྻ་པ་ཙྩ་ཡ་ཏཱ་ཡ མ་ན་སི་ཀཱ་རོ. ཧེ་ཏུ་པ་ཙྩ་ཡ་ཏཱ་ཡ པ་ཙྩ་ཡོ. ས་དྡྷཱ་ཡ ལོ་ཀི་ཀཱ པ་ཉྙཱ ཧེ་ཏུ་པ་ཙྩ་ཡ་ཏཱ་ཡ པ་ཙྩ་ཡོ. ཡོ་ནི་སོ ཙ མ་ན་སི་ཀཱ་རོ པ་ཙྩ་ཡོ. སཱི་ལ་སྶ པ་ཏི་རཱུ་པ་དེ་ས་ཝཱ་སོ པ་ཙྩ་ཡོ. ཨ་ཏྟ་ས་མྨཱ་པ་ཎི་དྷཱ་ན་ཉྩ ཧེ་ཏུ. ཙཱ་ག་སྶ ཨ་ལོ་བྷོ ཧེ་ཏུ. ཨ་ཝི་པྤ་ཊི་སཱ་རོ ཙ ཧེ་ཏུ་པ་ཙྩ་ཡོ. པ་ཉྙཱ པ་ར་ཏོ ཙ གྷོ་སོ ཨ་ཛ྄ཛྷ་ཏྟ་ཉྩ ཡོ་ནི་སོ མ་ན་སི་ཀཱ་རོ ཧེ་ཏུ་པ་ཙྩ་ཡོ ཙ.
ཏ་ཏྠ ཀ་ཏ་མོ ས་མཱ་རོ་པ་ནོ? ཡཾ ཏཾ ཙི་ཏྟཾ དཱི་གྷ་ར་ཏྟཾ པ་རི་བྷཱ་ཝི་ཏ་ནྟི ཙེ་ཏ་སི་ཀཱ་པི. ཨེ་ཏྠ ས་བྦེ དྷ་མྨཱ པ་རི་བྷཱ་ཝི་ཏཱ བྷ་དྡི་ཀཱ ཏེ བྷ་ཏི བྷ་ཝི་སྶ་ཏི, བྷ་དྡི་ཀཱ ཨུ་པ་པ་ཏྟི་ཀོ ཨ་བྷི་ས་མྤ་རཱ་ཡོ. ཨི་ཏི ཡེ ཀེ་ཙི མ་ནུ་སྶ་ཀཱ ཨུ་པ་བྷོ་ག་པ་རི་བྷོ་གཱ ས་བྦེ བྷ་དྡི་ཀཱ བྷ་ཏི་ཡེ་ཝ, ཨ་ཡཾ ས་མཱ་རོ་པ་ནོ.
༨༩. ཨུ་དྡྷཾ ཨ་དྷོ ས་བྦ་དྷི ཝཱི་ཏ་རཱ་གོ་ཏི གཱ་ཐཱ [པ་སྶ ཨུ་དཱ. ༦༡ ཨུ་དཱ་ནེ]. ཏ་ཏྠ ཀིཾ ཨུ་དྡྷཾ ནཱ་མ? ཡཾ ཨི་ཏོ ཨུ་དྡྷཾ བྷ་ཝི་སྶ་ཏི ཨ་ནཱ་གཱ་མཱི, ཨི་དཾ ཨུ་དྡྷཾ. ཨ་དྷོ ནཱ་མ ཡ་མ་ཏི་ཀྐ་ནྟ་མ་ཏཱི་ཏཾ, ཨི་ད་མ་ཝོ་ཙ ཨ་པ་དཱ་ན་ཏ་ནྟི ཨུ་དྡྷཾ. ཏ་ཏྠ ཨ་ཏཱི་ཏེ་ན ས་སྶ་ཏ་དི་ཊྛི པུ་བྦ་ནྟཱ་ཀ་པྤི་ཀཱ་ནཾ ཨ་པ་ར་ནྟ་དི་ཊྛི ཀེ་ས་ཉྩི, ཨུ་ཙྪེ་ད་དི་ཊྛིཾ ཡཾ [ཨུ་ཙྪེ་ད་དི་ཊྛི་ཡཾ (ཀ.)] ཝུ་ཏྟ་ཀ་པྤི་ཀཱ་ནཾ ཨི་མཱ ཙེ་ཝ དི་ཊྛི་ཡོ ཨུ་ཙྪེ་ད་དི་ཊྛི ཙ ས་སྶ་ཏ་དི་ཊྛི ཙ. ཏ་ཏྠཱ་ཡཾ ས་སྶ་ཏ་དི་ཊྛི ཨི་མཱ་ནི པ་ནྣ་ར་ས པ་དཱ་ནི ས་ཀྐཱ་ཡ་དི་ཊྛི ས་སྶ་ཏཾ བྷ་ཛ་ནྟི. རཱུ་པ་ཝ་ནྟཾ མེ ཨ་ཏྟཱ, ཨ་ཏྟ་ནི མེ རཱུ་པཾ, རཱུ་པཾ མེ ཨ་ཏྟཱ་ཏི ཡ་དུ་ཙྩ་ཏེ པ་ཉྙཾ པ་རི་ད་ཧ་ནྟི. ཡཱ ཨུ་ཙྪེ་ད་དི་ཊྛི སཱ པ་ཉྩ་ས་ཏཱ་ནི ཨུ་ཙྪེ་དཾ བྷ་ཛ་ནྟི. ཏེ ‘‘ཏཾ ཛཱི་ཝཾ ཏཾ ས་རཱི་ར’’ནྟི པ་སྶ་ནྟི, རཱུ་པཾ མེ ཨ་ཏྟཱ་ཏི ཏ་ཐཱ་རཱུ་པཱ ཙ་ཏུ་བྦི་དྷཱ ས་ཀྐཱ་ཡ་དི་ཊྛི ཨུ་ཙྪེ་དེ་ན ཙ ས་སྶ་ཏེ་ན ཙ. ཨེ་ཝཾ པ་ཉྩ་སུ ཁ་ནྡྷེ་སུ ཝཱི་ས་ཏི་ཝ་ཏྠུ་ཀཱ་ཡ དི་ཊྛི་ཡཱ པ་ནྣ་ར་ས པ་དཱ་ནི པུ་བྦ་ནྟཾ བྷ་ཛ་ནྟི. ས་སྶ་ཏ་དི་ཊྛི་ཡཱ པ་ཉྩ པ་དཱ་ནི ཨ་པ་ར་ནྟཾ བྷ་ཛ་ནྟི ཨུ་ཙྪེ་ད་དི་ཊྛི་ཡཱ. ཏ་ཏྠ ‘‘ཨ་ཡ་མ་ཧ་མ་སྨཱི’’ཏི པ་སྶ་ནྟཱ རཱུ་པཾ ཨ་ཏྟ་ཏོ ས་མ་ནུ་པ་སྶ་ཏི, སོ ཨུ་ཙྪེ་ད་ཝཱ་དཱི རཱུ་པ་ཝ་ནྟ་ཉྩ ཨ་ཏྟཱ་ནཾ, ཨ་ཏྟ་ནི ཙ རཱུ་པཾ, རཱུ་པ་སྨིཾ ཝཱ ཨ་ཏྟཱ་ཏི སོ པ་སྶ་ཏི ཙཱ་ཏི ཨི་ཏི ཨུ་ཙྪེ་ད་དི་ཊྛི ཙ, ཨ་ཏྟ་ཏོ པ་ཊི་སྶ་ར་ཏི ས་སྶ་ཏ་དི་ཊྛི པུ་བྦ་ནྟ་ཏོ ཙ པ་ཊི་སྶ་ར་ཏི. ‘‘ཨ་ཡ་མ་ཧ་མ་སྨཱི’’ཏི ན ས་མ་ནུ་པ་སྶ་ཏི. ཏ་སྶ དི་ཊྛཱ་ས་ཝཱ པ་ཧཱ་ནཾ ག་ཙྪ་ནྟི. ཡོ ཏཱི་སུ ཨ་དྡྷཱ་སུ པུ་བྦ་ནྟེ ཙ ཨ་པ་ར་ནྟེ ཙ ཏེ་ན ཏེ་ན ནི་དྡི་ཊྛཱ་ནེ་ན ཨུ་དྡྷཾ ཨ་དྷོ ས་བྦ་དྷི ཝཱི་ཏ་རཱ་གོ ‘‘ཨ་ཧ་མ་སྨཱི’’ཏི ན ཨ་ནུ་པ་སྶ་ཏཱི་ཏི ཨི་མི་ནཱ དྭཱ་རེ་ན ཨི་མི་ནཱ པ་ཡོ་གེ་ན ཨི་མི་ནཱ ཨུ་པཱ་ཡེ་ན ཨི་དཾ ད་སྶ་ན་བྷཱུ་མི ཙ སོ་ཏཱ་པ་ཏྟི་ཕ་ལ་ཉྩ སོ ཨ་རི་ཡོ པ་ཡོ་གོ ཨ་ན་བྷཱ་ཝཾ་ག་ཏེ་ན སཾ་སཱ་རེ་ན ཨ་པུ་ན་བྦྷ་ཝཱ་ཏི ཡོ ཀོ་ཙི ཨ་རི་ཡོ པ་ཡོ་གོ པུ་ན་བྦྷ་ཝཱ་ཡ མུ་དཱུ་ནི ཝཱ པ་ཉྩི་ནྡྲི་ཡཱ་ནི མ་ཛ྄ཛྷཱ་ནི ཨ་དྷི་མ་ཏྟཱ་ནི ཝཱ ས་བྦཾ ཨ་པུ་ན་བྦྷ་ཝ་པྤ་ཧཱ་ནཱ་ཡ སཾ་ཝ་ཏྟ་ནྟི. ཨ་ཧ་ནྟི དི་ཊྛོ་གྷོ ཀཱ་མོ་གྷོ བྷ་ཝོ་གྷོ ཨ་ཝི་ཛྫོ་གྷོ ཙ ཨོ་དྷི་སོ. ཏ་ཏྠ དེ་ས་ནཱ་ཧཱ་རེ་ན ཙ་ཏྟཱ་རི ས་ཙྩཱ་ནི པ་ཉྩ་ཧི ཨི་ནྡྲི་ཡེ་ཧི སོ་ཏཱ་པ་ཏྟི་ཕ་ལེ་ན ཙ དྭེ ས་ཙྩཱ་ནི མ་གྒོ ཙ ནི་རོ་དྷོ ཙ. ས་ཀྐཱ་ཡ་ས་མུ་ད་ཡེ་ན དྭེ ས་ཙྩཱ་ནི དུ་ཀྑ་ཉྩ ས་མུ་ད་ཡོ ཙ, ཨ་ཡཾ དེ་ས་ནཱ ཧཱ་རོ.
ཏ་ཏྠ ཀ་ཏ་མོ ཝི་ཙ་ཡོ? ‘‘ཨ་ཡ་མ་ཧ་མ་སྨཱི’’ཏི ཨ་ས་མ་ནུ་པ་སྶ་ནྟོ ཏཱི་ཎི ད་སྶ་ན་པྤ་ཧཱ་ཏ་བྦཱ་ནི སཾ་ཡོ་ཛ་ནཱ་ནི པ་ཛ་ཧ་ཏི. ཨ་ཡཾ ཝི་ཙ་ཡོ.
ཏ་ཏྠ ཀ་ཏ་མཱ ཡུ་ཏྟི? ཏི་ཝི་དྷཱ པུ་གྒ་ལཱ ཀོ་ཙི ཨུ་གྒྷ་ཊི་ཏ་ཉྙཱུ ཀོ་ཙི ཝི་པ་ཉྩི་ཏ་ཉྙཱུ ཀོ་ཙི ནེ་ཡྻོ. ཨུ་གྒྷ་ཊི་ཏ་ཉྙཱུ ཏི་ཀྑི་ནྡྲི་ཡོ ཙ ཏ་ཏོ ཝི་པ་ཉྩི་ཏ་ཉྙཱུ མུ་དི་ནྡྲི་ཡོ ཏ་ཏོ མུ་དི་ནྡྲི་ཡེ་ཧི ནེ་ཡྻོ. ཏ་ཏྠ ཨུ་གྒྷ་ཊི་ཏ་ཉྙཱུ ཏི་ཀྑི་ནྡྲི་ཡ་ཏཱ་ཡ ད་སྶ་ན་བྷཱུ་མི་མཱ་ག་མྨ སོ་ཏཱ་པ་ཏྟི་ཕ་ལཾ པཱ་པུ་ཎཱ་ཏི, ཨེ་ཀ་བཱི་ཛ་ཀོ བྷ་ཝ་ཏི. ཨ་ཡཾ པ་ཋ་མོ སོ་ཏཱ་པ་ནྣོ. ཝི་པ་ཉྩི་ཏ་ཉྙཱུ མུ་དཱུ་ཧི ཨི་ནྡྲི་ཡེ་ཧི ད་སྶ་ན་བྷཱུ་མི་མཱ་ག་མྨ སོ་ཏཱ་པ་ཏྟི་ཕ་ལཾ པཱ་པུ་ཎཱ་ཏི, ཀོ་ལཾ་ཀོ་ལོ ཙ ཧོ་ཏི. ཨ་ཡཾ དུ་ཏི་ཡོ སོ་ཏཱ་པ་ནྣོ. ཏ་ཏྠ ནེ་ཡྻོ ད་སྶ་ན་བྷཱུ་མི་མཱ་ག་མྨ སོ་ཏཱ་པ་ཏྟི་ཕ་ལཾ པཱ་པུ་ཎཱ་ཏི, ས་ཏྟ་ཀྑ་ཏྟུ་པ་ར་མོ ཙ བྷ་ཝ་ཏི. ཨ་ཡཾ ཏ་ཏི་ཡོ སོ་ཏཱ་པ་ནྣོ.
ཨ་ཏྠི ཨེ་སཱ ཡུ་ཏྟི མུ་དུ་མ་ཛ྄ཛྷཱ་དྷི་མ་ཏྟེ་ཧི ཨི་ནྡྲི་ཡེ་ཧི མུ་དུ་མ་ཛ྄ཛྷཱ་དྷི་མ་ཏྟཾ བྷཱུ་མིཾ ས་ཙྪི་ཀ་རེ་ཡྻ ས་ཀྐཱ་ཡ་དི་ཊྛི་པྤ་ཧཱ་ནེ་ན ཝཱ དི་ཊྛི་ག་ཏཱ་ནི པ་ཛ་ཧ་ཏི. ཨ་ཡཾ ཡུ་ཏྟི.
ཏ་ཏྠ ཀ་ཏ་མོ པ་ད་ཊྛཱ་ནོ? ཏ་ཏྠ ས་ཀྐཱ་ཡ་དི་ཊྛི ས་བྦ་མི་ཙྪཱ་དི་ཊྛི་ཡཱ པ་ད་ཊྛཱ་ནཾ. ས་ཀྐཱ་ཡོ ནཱ་མ་རཱུ་པ་སྶ པ་ད་ཊྛཱ་ནཾ. ནཱ་མ་རཱུ་པཾ ས་ཀྐཱ་ཡ་དི་ཊྛི་ཡཱ པ་ད་ཊྛཱ་ནཾ. པ་ཉྩ ཨི་ནྡྲི་ཡཱ་ནི རཱུ་པཱི་ནི རཱུ་པ་རཱ་ག་སྶ པ་ད་ཊྛཱ་ནཾ. ས་ལཱ༹་ཡ་ཏ་ནཾ ཨ་ཧཾ་ཀཱ་ར་སྶ པ་ད་ཊྛཱ་ནཾ. ཏ་ཏྠ ཀ་ཏ་མོ ལ་ཀྑ་ཎོ? དྭཱི་སུ དི་ཊྛཱི་སུ པ་ཧཱི་ནཱ་སུ ཏ་ཏྠ ཨེ་ཀཱ དི་ཊྛི དི་ཊྛི་ག་ཏཱ་ནི པ་ཧཱ་ནཾ ག་ཙྪ་ནྟི. ཨུ་དྡྷཾ ཙ ཨ་དྷོ ཙ ཝཱི་ཏ་རཱ་གོ ས་བྦ་ར་ཛ་ནཱི་ཡེ་སུ ཝཱི་ཏ་རཱ་གོ ཧོ་ཏི. ཏ་ཛྫཱ པ་ར་བྷཱུ་མི་ཡཾ, ཨི་དཾ པ་ཙྩ་ཡ་ནྟི ཡ་ཐཱ་བྷཱུ་ཏཾ པ་སྶ་ཏི. སོ ས་བྦ་པ་ཊི་ཙྩ་ས་མུ་པྤཱ་དཾ ཨཱ་མ་ས་ཏི. ཨ་ཡཾ ལ་ཀྑ་ཎོ ཧཱ་རོ.
༩༠. ཏ་ཏྠ ཀ་ཏ་མོ ཙ་ཏུ་བྱཱུ་ཧོ ཧཱ་རོ? ཨི་མ་མྷི སུ་ཏྟེ བྷ་ག་ཝ་ཏོ ཀོ ཨ་དྷི་པྤཱ་ཡོ? ཡེ ས་ཏྟཱ ཡེ ནཱ་བྷི་ར་མི་སྶ་ནྟི, ཏེ དི་ཊྛི་པྤ་ཧཱ་ནཱ་ཡ ཝཱ་ཡ་མི་སྶ་ནྟི. ཨ་ཡ་མེ་ཏྠ བྷ་ག་ཝ་ཏོ ཨ་དྷི་པྤཱ་ཡོ. ཨ་ཡཾ ཙ་ཏུ་བྱཱུ་ཧོ ཧཱ་རོ.
ཏ་ཏྠ ཀ་ཏ་མོ ཨཱ་ཝ་ཊྚོ ཧཱ་རོ? ཡཱ་ནི་མཱ་ནི མུ་དཱུ་ནི པ་ཉྩི་ནྡྲི་ཡཱ་ནི ཏཱ་ནི ཨོ་ར་མྦྷཱ་གི་ཡཱ་ནི པ་ཉྩི་ནྡྲི་ཡཱ་ནི. ས་བྦེ་ན ས་བྦཾ ས་མཱུ་ཧ་ན་ནྟི ཨ་བྷི་ཛ྄ཛྷཱ་བྱཱ་པཱ་དོ ཙ བྷཱ་ཝ་ནཱ་ཀཱ་རེ་ན སེ་ཀྑཱ་ཡ ཝི་མུ་ཏྟི་ཡཱ བ་ལཾ ས་དྡྷཱ, ཨུ་དྡྷ་མྦྷཱ་གི་ཡཱ་ནི དི་ཊྛི་ཝ་སེ་ན བ་ལཾ ས་དྡྷཱ, ཝཱི་རི་ཡི་ནྡྲི་ཡཾ ཨཱ་ར་བྷི་ཏ་ཏྟཱ ས་ཏི་ནྡྲི་ཡཾ པ་གྒ་ཧི་ཏ་ཏྟཱ ཨ་ཙྩ་ནྟཾ ནི་ཊྛཾ ག་ཙྪ་ནྟི. ཏ་ཏྠ ཡཱ་ནི ཨི་ནྡྲི་ཡཱ་ནི, ཨ་ཡཾ མ་གྒོ སཾ་ཀི་ལེ་ས་པྤ་ཧཱ་ནཾ. ཨ་ཡཾ ནི་རོ་དྷོ ཨཱ་ཡ་ཏིཾ ཨ་ནུ་པྤཱ་ད་དྷ་མྨོ, ཨི་དཾ དུ་ཀྑཾ. ཨ་ཡཾ ཨཱ་ཝ་ཊྚོ ཧཱ་རོ.
ཏ་ཏྠ ཀ་ཏ་མོ ཝི་བྷ་ཏྟི ཧཱ་རོ? ‘‘ཨ་ཡ་མ་ཧ་མ་སྨཱི’’ཏི ཡོ ས་མ་ནུ་པ་སྶ་ཏི, སོ ཙ ཁོ ཨ་དྷི་མ་ཏྟེ་ན ལོ་ཀི་ཀཱ ཡཾ བྷཱུ་མི་ཡཾ ན ཏུ ཨ་རི་ཡེ་ན པ་ཡོ་གེ་ན སོ ས་ཀྐཱ་ཡ་དི་ཊྛི པ་ཛ་ཧ་ཏི. ཡཾ ཝུ་ཙྩ་ཏི ཏ་ཛྫཱ་ཡ བྷཱུ་མི་ཡཱ ཨ་དྷི་མ་ཏྟཱ་ཡ. ཏ་ཏྠ ཏ་ཛྫཱ་ཡ བྷཱུ་མི་ཡཾ པ་ཉྩ་ཧི ཨཱ་ཀཱ་རེ་ཧི ཨ་དྷི་མ་ཏྟ་ཏཾ པ་ཊི་ལ་བྷ་ཏི སཱི་ལེ་ན ཝ་ཏེ་ན བཱ་ཧུ་སྶ་ཙྩེ་ན ས་མཱ་དྷི་ནཱ ནེ་ཀྑ་མྨ་སུ་ཁེ་ན. ཏ་ཏྠ ཨ་པྤ་ཏྟེ པ་ཏྟ་ས་ཉྙཱི ཨ་དྷི་མཱ་ནཾ ག་ཎྷཱ་ཏི. ཨེ་ཏ་སྨིཾ་ཡེ་ཝ ཝ་ཏྠུ་པྤ་ཏྟི་ཡཾ བྷ་ག་ཝཱ ཨི་དཾ སུ་ཏྟཾ བྷཱ་ས་ཏི. སཱི་ལ་ཝཱ ཝ་ཏ་མ་ཏྟེ་ནཱ་ཏི. ཏ་ཏྠ ཡོ ཨ་པྤ་ཏྟེ པ་ཏྟ་ས་ཉྙཱི ཏ་སྶ ཡོ ས་མཱ་དྷི, སོ སཱ་མི་སོ ཀཱ་པུ་རི་ས་སེ་ཝི་ཏོ པ་ན སོ ཀཱ་པུ་རི་སཱ ཝུ་ཙྩ་ནྟི པུ་ཐུ་ཛྫ་ནཱ. ཨཱ་མི་སཾ ཡ་ཉྩ ཨ་རི་ཡ་མ་གྒ་མཱ་ག་མྨ ལོ་ཀི་ཀཱ ཨ་ན་རི་ཡཾ ཏེ་ན ས་མཱ་དྷི ཧོ་ཏི ཨ་ན་རི་ཡོ ཀཱ་པུ་རི་ས་སེ་ཝི་ཏོ. ཡོ པ་ན ཨ་རི་ཡཱ་ཀཱ་རེ་ན ཡ་ཐཱ་བྷཱུ་ཏཾ ན ཛཱ་ནཱ་ཏི ན པ་སྶ་ཏི [ཛཱ་ནཱ་ཏི པ་སྶ་ཏི (པཱི.)], སོ ཨ་དྷི་ག་མ་ནཾ པ་ཛ་ཧ་ཏི ཡོ ཨ་རི་ཡེ་ན ས་མཱ་དྷི་ནཱ ཨ་ཀཱ་པུ་རི་ས་སེ་ཝི་ཏེ་ན ནི་རཱ་མི་སེ་ན ནཱི་ཡ་ཏི, ཏ་ཏྠ ཨ་ཀཱ་པུ་རི་སཱ ཝུ་ཙྩ་ནྟི ཨ་རི་ཡ་པུ་གྒ་ལཱ. ཡོ ཏེ་ཧི སེ་ཝི་ཏོ ས་མཱ་དྷི, སོ ཨ་ཀཱ་པུ་རི་ས་སེ་ཝི་ཏོ. ཏ་སྨཱ ཨེ་ཀཾ ཝི་བྷ་ཛྫ་བྱཱ་ཀ་ར་ཎཱི་ཡཾ ‘‘ཨ་ཡ་མ་ཧ་མ་སྨཱི’’ཏི ཨ་ས་མ་ནུ་པ་སྶ་ནྟོ ཏ་ཐཱ པཱ་ཏེ་ཏི.
ཏ་ཏྠ ཀ་ཏ་མཱ པ་རི་ཝ་ཏྟ་ནཱ? ཨི་མཱ་ཡ ད་སྶ་ན་བྷཱུ་མི་ཡཱ ཀི་ལེ་སཱ པ་ཧཱ་ཏ་བྦཱ, ཏེ་ཧི པ་ཧཱི་ཡ་ནྟི ཨ་ནི་དྡི་ཊྛཱ་པི བྷ་ག་ཝ་ཏཱ ནི་དྡི་སི་ཏ་བྦཱ ཡོ.
ཏ་ཏྠ ཀ་ཏ་མཾ ཝེ་ཝ་ཙ་ནཾ? ཡཱ ས་ཀྐཱ་ཡ་དི་ཊྛི་ཡཱ ཨ་ཏྟ་དི་ཊྛི་ཡཱ. ཨ་ཡཾ བྷཱུ་མི. ཡེ ཀི་ལེ་སཱ པ་ཧཱ་ཏ་བྦཱ. ཏེ ཨ་པྤ་ཧཱི་ཡ་ནྟི ཨ་ནི་དྡི་ཊྛཱ་པི བྷ་ག་ཝ་ཏཱ ས་སྶ་ཏ་དི་ཊྛི ཙ ཨུ་ཙྪེ་ད་དི་ཊྛི ཙ, སཱ པ་རི་ཡ་ནྟ་དི་ཊྛི ཙ. ཡཱ ཨ་པ་རི་ཡ་ནྟ་དི་ཊྛི ཙ, སཱ ས་སྶ་ཏ་དི་ཊྛི ཙ. ཡཱ ཨུ་ཙྪེ་ད་དི་ཊྛི, སཱ ན་ཏྠི་ཀཱ དི་ཊྛི. ཡཱ ས་སྶ་ཏ་དི་ཊྛི, སཱ ཨ་ཀི་རི་ཡ་དི་ཊྛི. ཨི་དཾ ཝེ་ཝ་ཙ་ནཾ.
ཏ་ཏྠ ཀ་ཏ་མཱ པ་ཉྙ་ཏྟི? ཏ་ཎྷཱ སཾ་ཡོ་ཛ་ན་པ་ཉྙ་ཏྟི་ཡཱ པ་ཉྙ་ཏྟཱ. མ་གྒོ པ་ཊི་ལཱ་བྷ་པ་ཉྙ་ཏྟི་ཡཱ པ་ཉྙ་ཏྟོ. ཨི་ནྡྲི་ཡཱ པ་ཊི་ལཱ་བྷ་པ་ཉྙ་ཏྟི་ཡཱ པ་ཉྙ་ཏྟཱ་ཏི. ཏ་ཏྠ ཀ་ཏ་མོ ཨོ་ཏ་ར་ཎོ? ས་ཀྐཱ་ཡོ དུ་ཀྑཾ ད་སྶ་ན་པྤ་ཧཱ་ཏ་བྦོ. ས་མུ་ད་ཡོ མ་གྒོ. ཨི་ནྡྲི་ཡཱ་ནི ཏཱ་ནི ཙ ནི་དྡི་ཊྛཱ་ནི ཁ་ནྡྷ་དྷཱ་ཏུ་ཨཱ་ཡ་ཏ་ནེ་སུ.
ཏ་ཏྠ ཀ་ཏ་མོ སོ་དྷ་ནོ ཧཱ་རོ? ཡ་ཉྷི ཨཱ་ར་བྦྷ བྷ་ག་ཝ་ཏཱ ཨི་དཾ སུ་ཏྟཾ བྷཱ་སི་ཏཾ, སོ ཨཱ་ར་བྦྷ ནི་དྡི་ཊྛོ. ཏ་ཏྠ ཀ་ཏ་མོ པ་རི་ཀྑཱ་རོ? ནཱ་མ་རཱུ་པ་སྶ ཧེ་ཏུ་པ་ཙྩ་ཡོ་པི ཝི་ཉྙཱ་ཎཾ ཧེ་ཏུ བཱི་ཛཾ. ཏེ་ན ཨ་ཝི་ཛྫཱ ཙ ས་ངྑཱ་རཱ ཙ པ་ཙྩ་ཡོ. ནི་ཝ་ཏྟི་ན་ཡོ ན ཨ་པ་རོ པ་རི་ཡཱ་ཡོ ས་བྦ་བྷ་ཝོ, ཡེ ཙ ས་བྦ་བྷ་ཝ་སྶ ཧེ་ཏུ པ་ར་བྷ་ཎྜ་པ་ཙྩ་ཡོ ཨི་ཏི ས་མྨཱ་དི་ཊྛི པ་ར་ཏོ ཙ གྷོ་སོ ཡོ་ནི་སོ ཙ མ་ན་སི་ཀཱ་རོ པ་ཙྩ་ཡོ. ཡཱ པ་ཉྙཱ ཨུ་པྤཱ་དེ་ཏི, ཨེ་སཱ ཧེ་ཏུ ས་མྨཱ་དི་ཊྛི་ཡཱ ས་མྨཱ་ས་ངྐ་པྤོ བྷ་ཝ་ཏི, ཡཱ ས་མྨཱ་ས་མཱ་དྷི [ས་མྨཱ་དི་ཊྛི (པཱི.)], ཨ་ཡཾ པ་རི་ཀྑཱ་རོ.
ཏ་ཏྠ ཀ་ཏ་མོ ས་མཱ་རོ་པ་ནོ? ‘‘ཨ་ཡ་མ་ཧ་མ་སྨཱི’’ཏི ཨ་ས་མ་ནུ་པ་སྶཱི དུ་ཀྑ་ཏོ རོ་ག་ཏོ…པེ… པ་ནྣ་ར་ས པ་དཱ་ནི. སཱི་ལཱ་ནི བྷ་ག་ཝཱ ཀི་མ་ཏྠི་ཡཱ་ནི ཀི་མཱ་ནི་སཾ་སཱ་ནི. སཱི་ལཱ་ནི, ཨཱ་ན་ནྡ, ཨ་ཝི་པྤ་ཊི་སཱ་ར་ཏྠཱ་ནི ཡཱ་ཝ ཝི་མུ་ཏྟི. ཏ་ཏྠ དུ་ཝི་དྷོ ཨ་ཏྠོ – པུ་རི་ས་ཏྠོ ཙ ཝ་ཙ་ན་ཏྠོ ཙ.
༩༡. ཏ་ཏྠ ཀ་ཏ་མོ པུ་རི་ས་ཏྠོ? ཡཱ་ཡཾ ན པ་ཙྪཱ་ནུ་ཏཱ་པི་ཏཱ ཨ་ཡཾ ཨ་ཝི་པྤ་ཊི་སཱ་རོ, ཨ་ཡཾ པུ་རི་ས་ཏྠོ. ཡ་ཐཱ ཀོ་ཙི བྲཱུ་ཧ་ཡ་ཏི ཨི་མ་ཏྠ་མཱ་སེ་ཝ་ཏི སོ བྷ་ཎེ་ཡྻ, ཀི་ཉྩི མ་མེ་ཏྠ ཨ་དྷཱི་ནཾ ཏ་སྶ་ཏྠཱ་ཡ ཨི་དཾ ཀི་རི་ཡཾ ཨཱ་ར་བྷཱ་མཱི་ཏི. ཨ་ཡཾ པུ་རི་ས་ཏྠོ.
ཏ་ཏྠ ཀ་ཏ་མོ ཝ་ཙ་ན་ཏྠོ? སཱི་ལཱ་ནི ཀཱ་ཡི་ཀཾ ཝཱ ཝཱ་ཙ་སི་ཀཾ ཝཱ སུ་ཙ་རི་ཏཾ ཨ་ཝི་པྤ་ཊི་སཱ་རོ་ཏི. ཏ་ཏྠ སཱི་ལ་སྶ ཝ་ཏ་སྶ ཙ བྷཱ་སོ་ཡེ་ཝ. ཨ་ན་ཉྙཱ སུ་ག་ཏ་ཀ་མྨ་ཏཱ སུ་ཙ་རི་ཏཾ ཨ་ཡཾ ཨ་ཝི་པྤ་ཊི་སཱ་རོ. ཨེ་ཝཾ ཡཱ་ཝ ཝི་མུ་ཏྟཱི་ཏི ཨེ་ཀ་མེ་ཀ་སྨིཾ པ་དེ དྭེ ཨ་ཏྠཱ – པུ་རི་ས་ཏྠོ ཙ ཝ་ཙ་ན་ཏྠོ ཙ, ཡ་ཐཱ ཨི་མ་མྷི སུ་ཏྟེ ཨེ་ཝཾ ས་བྦེ་སུ སུ་ཏྟེ་སུ དྭེ དྭེ ཨ་ཏྠཱ. ཨ་ཡཾ ཧི པ་ར་མ་ཏྠོ ཨུ་ཏྟ་མ་ཏྠོ ཙ. ཡཾ ནི་བྦཱ་ན་ས་ཙྪི་ཀཾ ནི་སྶཱ་ཡ ཡཾ ས་ཀཾ ས་ཙྪི་ཀཱ་ཏ་བྦཾ བྷ་ཝ་ཏི, སོ ཝུ་ཙྩ་ཏི ཀ་ཏ་སྶ [ས་ཏ་སྶ (ཀ.)] ཀ་ཏྠོ་ཏི. ཨ་ཡཾ པུ་ན ཝེ་ཝ་ཙ་ནཾ ས་མྤ་ཛཱ་ནཱ་ཏི. ཨི་མི་ནཱ ནི་ཡུ་ཏྟ་ཏྠ་མ་བྷི་ལ་བྦྷ་ནྟི ཝ་ཙ་ན་ཏྠོ. ཏ་ཏྠ ཡཾ ཨ་ཏྠཾ སཱ་ཝ་ཀོ ཨ་བྷི་ཀ་ངྑ་ཏི. ཏ་སྶ ཡོ པ་ཊི་ལཱ་བྷོ, ཨ་ཡཾ པུ་རི་ས་ཏྠོ. ཡཾ ཡཾ བྷ་ག་ཝཱ དྷ་མྨཾ དེ་སེ་ཏི, ཏ་སྶ ཏ་སྶ དྷ་མྨ་སྶ ཡཱ ཨ་ཏྠ་ཝི་ཉྙ་ཏྟི. ཨ་ཡཾ ཨ་ཏྠོ, ཏ་ཏྠ སཱི་ལཱ་ནཾ ཨ་ཝི་པྤ་ཊི་སཱ་རོ ཨ་ཏྠོ་པི ཨཱ་ནི་སཾ་སོ་པི. ཨེ་སོ ཙ ཨཱ་ནི་སཾ་སོ ཡཾ དུ་གྒ་ཏིཾ ན ག་ཙྪ་ཏི. ཡ་ཐཱ ཏཾ བྷ་ག་ཝ་ཏཱ ཨེ་སཱ་ནི་སཾ་སོ དྷ་མྨེ སུ་ཙི་ཎྞེ ན དུ་གྒ་ཏིཾ ག་ཙྪ་ཏི དྷ་མྨ་ཙཱ་རཱི, ཨ་ཡཾ ཨ་ཏྠོ.
ཡཾ པུ་རི་སོ བྷཱ་ཝ་ནཱ་བྷཱུ་མི་ཡཾ སཱི་ལཱ་ནི ཨཱ་ར་བྦྷ སཱི་ལེ་ན སཾ་ཡུ་ཏྟོ ཧོ་ཏི ཨེ་ཝཾ ཡཱ་ཝ ཝི་མུ་ཏྟི ཏ་ཐཱ སཱི་ལ་ཀྑ་ནྡྷོ. ཏ་ཏྠ ཡོ ཙ ཨ་ཝི་པྤ་ཊི་སཱ་རོ ཨ་ནུ་ས་ཡ་ཝ་སེ་ན ནི་དྡི་ཊྛོ, ཏ་ཉྩ སཱི་ལཾ ཨ་ཡཾ སཱི་ལ་ཀྑ་ནྡྷོ. པཱ་མོ་ཛྫ་པཱི་ཏི་པ་སྶ་དྡྷཱི་ཏི ཙ ས་མཱ་དྷི་ནྡྲི་ཡེ་ན, ཨ་ཡཾ ས་མཱ་དྷི་ཀྑ་ནྡྷོ. ཡཾ ས་མཱ་ཧི་ཏོ ཡ་ཐཱ་བྷཱུ་ཏཾ པ་ཛཱ་ནཱ་ཏི, ཨ་ཡཾ པ་ཉྙཱ་ཀྑ་ནྡྷོ. ཨི་མེ ཏ་ཡོ ཁ་ནྡྷཱ སཱི་ལཾ ས་མཱ་དྷི པ་ཉྙཱ ཙ ཏ་ཐཱ སཱི་ལཾ པ་རི་པཱུ་རེ་ཏི ཡཾ ཝཱི་རི་ཡི་ནྡྲི་ཡཾ ཏེ་ན ཀཱ་ར་ཎེ་ན སོ སཱི་ལཾ པ་རི་པཱུ་རེ་ཏི, ཨ་ནུ་པྤ་ནྣ་སྶ ཙ ཨ་ཀུ་ས་ལ་སྶ ཨ་ནུ་པྤཱ་དཱ་ཡ ཝཱ་ཡ་མ་ཏི, ཨུ་པྤ་ནྣ་སྶ ཙ པ་ཧཱ་ནཱ་ཡ ཨ་ནུ་པྤ་ནྣ་སྶ ཙ ཀུ་ས་ལ་སྶ ཨུ་པྤཱ་དཱ་ཡ, ཨུ་པྤ་ནྣ་སྶ ཙ ཀུ་ས་ལ་སྶ བྷི་ཡྻོ་བྷཱ་ཝཱ་ཡ ཨི་ཏི ཝཱི་རི་ཡི་ནྡྲི་ཡཾ ནི་དྡི་ཊྛཾ. ཏ་ཏྠ ཡོ ས་མཱ་དྷི་ཀྑ་ནྡྷོ, ཨི་དཾ ས་མཱ་དྷི་ནྡྲི་ཡཾ. པ་ཉྙཱ་ཀྑ་ནྡྷོ པ་ཉྙི་ནྡྲི་ཡཾ, ཏཾ ཙ་ཏཱུ་སུ ས་མྨ་པྤ་དྷཱ་ནེ་སུ ད་ཊྛ་བྦཾ. ཏ་ཐཱ ཡོ ཨ་ནུ་པྤ་ནྣ་སྶ ཙ ཨ་ཀུ་ས་ལ་སྶ ཨ་ནུ་པྤཱ་དཱ་ཡ ཝཱ་ཡ་མ་ཏི, ཨི་དཾ པ་ཋ་མཾ ས་མྨ་པྤ་དྷཱ་ནཾ. ཡཾ ཨུ་པྤ་ནྣ་སྶ, ཨི་དཾ དུ་ཏི་ཡཾ. ཙ་ཏྟཱ་རི ས་མྨ་པྤ་དྷཱ་ནཱ་ནི ཙ་ཏཱུ་སུ ཛྷཱ་ནེ་སུ པ་སྶི་ཏ་བྦཱ་ནི. ཏ་ཐཱ སཱི་ལ་ཀྑ་ནྡྷེ་ན ནེ་ཀྑ་མྨ་དྷཱ་ཏུ ཙ ཨ་དྷི་ཀཱ [ཨཱ་དི་ཀཱ (པཱི.)], ཏ་ཡོ ཙ ཝི་ཏ་ཀྐཱ ནེ་ཀྑ་མྨ་ཝི་ཏ་ཀྐོ ཨ་བྱཱ་པཱ་ད་ཝི་ཏ་ཀྐོ ཨ་ཝི་ཧིཾ་སཱ་ཝི་ཏ་ཀྐོ ཙ. སཱ་དྷཱ་ར་ཎ་བྷཱུ་ཏཱ. ཡཱ པི་ཡཱ་ཡ་མཱ་ན་སྶ པཱ་མོ་ཛྫེ་ན ཨི་དཾ ཀཱ་ཡི་ཀཾ སུ་ཁཾ ཨཱ་ནི་ཏཾ ཨ་ནི་ཡ་མཱི་ཏི་པེ་མེ་ན, ཨི་དཾ དུ་ཀྑཾ. ཡོ ཏ་ཏྠ ཨ་ཝི་ཀྑེ་པོ, ཨ་ཡཾ ས་མཱ་དྷི. ཨི་དཾ པ་ཉྩ་ངྒི་ཀཾ པ་ཋ་མཾ ཛྷཱ་ནཾ. ཡཱ ཙེ་ཏ་སི་ཀཱ པ་སྶ་དྡྷི ས་ཝི་ཏ་ཀྐཾ ས་ཝི་ཙཱ་རཾ ཝི་རོ་དྷ་ནཾ, ཡོ ཀི་ལེ་སོ ཙ པ་རི་དཱ་ཧོ, སོ པ་ཋ་མེ ཛྷཱ་ནེ ནི་རུ་དྡྷོ. ཏ་ཐཱ ཡཱ ཙ ཀི་ལེ་ས་པ་སྶ་དྡྷི ཡཱ ཙ ཝི་ཏ་ཀྐ་ཝི་ཙཱ་རཱ་ནཾ པ་སྶ་དྡྷི, ཨུ་བྷ་ཡེ་པི ཨེ་ཏེ དྷ་མྨེ པ་སྶ་དྡྷཱ་ཡཾ. ཏ་ཏྠ ཀཱ་ཡ་སྶ ཙི་ཏྟ་སྶ ཙ སུ་ཁཾ སུ་ཁཱ་ཡ་ནཱ, ཨི་དཾ པཱི་ཏི་སུ་ཁི་ནོ པ་སྶ་དྡྷི. ཡོ་པི ཨེ་ཀོ་དི་བྷཱ་ཝོ ཙི་ཏྟ་སྶ, ཏེ་ན ཨེ་ཀོ་དི་བྷཱ་ཝེ་ན ཡཾ ཙི་ཏྟ་སྶ ཨ་ཛ྄ཛྷ་ཏྟཾ ས་མྤ་སཱ་ད་ནཾ, ཨི་དཾ ཙ་ཏུ་ཏྠཾ ཛྷཱ་ན་ངྒཾ. ཨི་ཏི ཨ་ཛ྄ཛྷ་ཏྟ་ཉྩ ས་མྤ་སཱ་དོ ཙེ་ཏ་སོ ཙ ཨེ་ཀོ་དི་བྷཱ་ཝོ པཱི་ཏི ཙ སུ་ཁ་ཉྩ, ཨི་དཾ དུ་ཏི་ཡཾ ཛྷཱ་ནཾ ཙ་ཏུ་ར་ངྒི་ཀཾ. ཡོ པ་སྶ་དྡྷ་ཀཱ་ཡོ སུ་ཁཾ ཝེ་དེ་ཏི, ཏེ་ན ཨ་དྷི་མ་ཏྟེ་ན སུ་ཁེ་ན ཕ་རི་ཏྭཱ སུ་ཁཾ ཙེ་ཏ་སི་ཀཾ ཡཾ, སོ པཱི་ཏི་ཝཱི་ཏ་རཱ་གོ ཨེ་ཝཾ ཏ་སྶ པཱི་ཏི་ཝཱི་ཏ་རཱ་ག་ཏཱ་ཡ ཨུ་པེ་ཀྑཾ པ་ཊི་ལ་བྷ་ཏི. སོ པཱི་ཏི་ཡཱ ཙ ཝི་རཱ་གཱ ཨུ་པེ་ཀྑཾ པ་ཊི་ལ་བྷ་ཏི. སུ་ཁ་ཉྩ པ་ཊི་སཾ་ཝེ་དེ་ཏི. ས་ཏི ཙ ས་མྨཱ པ་ཉྙཱ་ཡ པ་ཊི་ལ་བྷ་ཏི. ས་ཙེ ས་ཏི ཨེ་ཀ་གྒ་ཏཱ ཨི་དཾ པ་ཉྩ་ངྒི་ཀཾ ཏ་ཏི་ཡཾ ཛྷཱ་ནཾ. ཡཾ སུ་ཁི་ནོ ཙི་ཏྟཾ ས་མཱ་དྷི་ཡ་ཏི, ཨ་ཡཾ ཨེ་ཀ་གྒ་ཏཱ་ཡ པ་རཱ་ཝི་དྷཱ་ན་བྷཱ་གི་ཡཱ, པ་ཋ་མེ ཛྷཱ་ནེ ཨ་ཏྠི ཙི་ཏྟེ་ཀ་གྒ་ཏཱ ནོ ཙ་ཀྑུ་སྶ ཝེ་ད་ནཱ ས་བྦཾ པཱ་རི་པཱུ་རིཾ ག་ཙྪ་ཏི. ཡ་ཐཱ ཙ་ཏུ་ཏྠེ ཛྷཱ་ནེ, ཏ་ཐཱ ཡཱ ཨུ་པེ་ཀྑཱ པ་སྶ་མྦྷ་ཡཾ ས་ཏི་ས་མྤ་ཛ་ཉྙཾ ཙི་ཏྟེ་ཀ་གྒ་ཏཱ ཙ, ཨི་དཾ ཙ་ཏུ་ཏྠཾ ཛྷཱ་ནཾ.
༩༢. ཡ་ཐཱ ས་མཱ་དྷི ད་སྶ་ཡི་ཏ་བྦཾ, ཏ་ཐཱ པ་ཉྙི་ནྡྲི་ཡཾ ཏཾ ཙ་ཏཱུ་སུ ཨ་རི་ཡ་ས་ཙྩེ་སུ པ་སྶི་ཏ་བྦཾ. ཡཾ ས་མཱ་ཧི་ཏོ ཡ་ཐཱ་བྷཱུ་ཏཾ པ་ཛཱ་ནཱ་ཏི, སཱ པ་ཛཱ་ན་ནཱ ཙ་ཏུ་བྦི་དྷཱ ཨ་སུ་བྷ་ཏོ དུ་ཀྑ་ཏོ ཨ་ན་ཏྟ་ཏོ ཙ, ཡ་དཱ་ར་མྨ་ཎཾ ཏཾ དུ་ཀྑཾ ཨ་རི་ཡ་ས་ཙྩཾ, ཡཾ པ་ཛཱ་ན་ནྟོ ནི་བྦི་ནྡ་ཏི ཝི་མུ་ཙྩ་ཏི ཏ་ཐཱ ཡཾ ཀཱ་མཱ་ས་ཝ་སྶ པ་ཧཱ་ནཾ བྷ་ཝཱ་ས་ཝ་སྶ དི་ཊྛཱ་ས་ཝ་སྶ ཨ་ཝི་ཛྫཱ་ས་ཝ་སྶ, ཨ་ཡཾ ནི་རོ་དྷོ ཨ་པྤ་ཧཱི་ན་བྷཱུ་མི་ཡཾ ཨཱ་ས་ཝ་ས་མུ་ད་ཡོ. ཨི་མཱ་ནི ཙ་ཏྟཱ་རི ཨ་རི་ཡ་ས་ཙྩཱ་ནི ཡ་ཐཱ པ་ཉྙི་ནྡྲི་ཡཾ པ་སྶི་ཏ་བྦཾ. ཡ་ཐཱ་ཡཾ ས་མཱ་ཧི་ཏོ ཡ་ཐཱ་བྷཱུ་ཏཾ པ་ཛཱ་ནཱ་ཏི, ཨ་ཡཾ ད་སྶ་ན་བྷཱུ་མི. སོ་ཏཱ་པ་ཏྟི་ཕ་ལ་ཉྩ ཡ་ཐཱ་བྷཱུ་ཏཾ པ་ཛཱ་ན་ནྟོ ནི་བྦི་ནྡ་ཏཱི་ཏི, ཨི་དཾ ཏ་ནུ་ཀ་ཉྩ. ཀཱ་མ་རཱ་ག་བྱཱ་པཱ་དཾ ས་ཀ་དཱ་གཱ་མི་ཕ་ལ་ཉྩ ཡཾ ནི་བྦི་ནྡ་ཏི ཝི་ར་ཛྫ་ཏི, ཨ་ཡཾ པ་ཋ་མ་ཛ྄ཛྷཱ་ན་བྷཱ་ཝ་ནཱ་བྷཱུ་མི ཙ རཱ་ག་ཝི་རཱ་གཱ ཙེ་ཏོ་ཝི་མུ་ཏྟི ཨ་ནཱ་གཱ་མི་ཕ་ལ་ཉྩ. ཡཾ ཝི་མུ་ཏྟི ཝི་མུ་ཙྩ་ཏི, ཨ་ཡཾ ཨ་ཝི་ཛྫཱ་ཝི་རཱ་གཱ པ་ཉྙཱ་ཝི་མུ་ཏྟི ཨ་ར་ཧ་ཏྟ་ཉྩ. ཨི་མེ ཨ་ཝི་པྤ་ཊི་སཱ་རཱ ཙ ཝཱི་རི་ཡི་ནྡྲི་ཡ་ཉྩ ཙ་ཏྟཱ་རོ ས་མྨ་པྤ་དྷཱ་ནཱ ཨ་ཝི་པྤ་ཊི་སཱ་རཱ ཏ་ཉྩ ཨུ་པ་རི ཡཱ་ཝ ས་མཱ་དྷི, ཨེ་ཝཾ ཏེ ཙ་ཏྟཱ་རི ཛྷཱ་ནཱ་ནི ས་མཱ་དྷི་ནྡྲི་ཡ་ཉྩ ཡཾ ས་མཱ་ཧི་ཏོ ཡ་ཐཱ་བྷཱུ་ཏཾ པ་ཛཱ་ནཱ་ཏི. ཨི་མེ ཙ་ཏྟཱ་རོ ས་ཏི་པ་ཊྛཱ་ནཱ སཱི་ལ་པཱ་རི་པཱུ་རི་མུ་པཱ་དཱ་ཡ ཙཱ་ག་སཾ་ཧི་ཏེ་ན ཙ ནི་བྦེ་དྷི་ཀཱ་ན་ཉྩ ནི་མི་ཏྟཱ་ནཾ ཨ་ནཱ་ཝི་ལ་མ་ནཱ, ཨི་དཾ ས་ཏི་ནྡྲི་ཡཾ ཙ་ཏྟཱ་རོ ས་ཏི་པ་ཊྛཱ་ནཱ. ཡཾ པུ་ན ཨི་མཱ་ཡ དྷ་མྨ་དེ་ས་ནཱ་ཡ ཏཱི་སུ ཋཱ་ནེ་སུ དི་ཊྛོ་ག་མ་ན་ཀི་ནྡྲི་ཡཾ ཀི་ལེ་ས་པ་ཧཱ་ནེ་ན ཙ སེ་ཀྑ་སཱི་ལཾ, ཨི་དཾ ས་དྡྷི་ནྡྲི་ཡཾ. ཙ་ཏྟཱ་རི ཙ སོ་ཏཱ་པ་ཏྟི་ཡ་ངྒཱ་ནི ཕ་ལཱ་ནི. ས་མཱ་དྷི་ནྡྲི་ཡཱ་ནི སོ་པ་ནི་ཡཱ་ཧཱ་རཱི་ནི ས་བྦ་སུ་ཏྟེ་སུ ནི་དྡི་སི་ཏ་བྦཱ་ནི. ཡཾ ཛྷཱ་ནཾ པ་ཊི་ལ་བྷ་ནཾ ཝཱི་རི་ཡ་ག་ཧི་ཏཾ་ཡེ་ཝ ཉཱ་ཎཾ པ་ཊི་སྶ་ར་ཏོ, ཨ་ཡཾ སུ་ཏ་མ་ཡཱི པ་ཉྙཱ. ཡོ ས་མཱ་དྷི པུ་བྦཱ་པ་ར་ནི་མི་ཏྟཱ་བྷཱ་སོ ཨ་ནོ་མ་ག་ཏི་ཏཱ་ཡ ཡ་ཐཱ་ཀཱ་མོ, ཨ་ཡཾ ཙི་ནྟཱ་མ་ཡཱི པ་ཉྙཱ, ཡཾ ཏ་ཐཱ་ས་མཱ་ཧི་ཏོ ཡ་ཐཱ་བྷཱུ་ཏཾ པ་ཛཱ་ནཱ་ཏི, ཨ་ཡཾ བྷཱ་ཝ་ནཱ་མ་ཡཱི པ་ཉྙཱ. ཨ་ཡཾ སུ་ཏྟ་ནི་དྡེ་སོ.
ཨི་མཾ སུ་ཏྟཾ ནི་བྦེ་དྷ་བྷཱ་གི་ཡཾ བུ་ཛ྄ཛྷ་ཀཱ་ར་དྷི་ཀཾ བུ་ཛ྄ཛྷི་ཏ་བྦཾ. ཡེ་ཧི ཨ་ངྒེ་ཧི ས་མ་ནྣཱ་ག་ཏཾ ཏཾ བུ་ཛ྄ཛྷི་སྶ་ནྟི ཏ་སྶ ཨ་ངྒཱ་ནི བུ་ཛ྄ཛྷི་སྶ་ནྟི, ཏེ་ན བོ་ཛ྄ཛྷ་ངྒཱ. ཏ་ཐཱ ཨཱ་དི་ཏོ ཡཱ་ཝ སཱི་ལཾ ཝ་ཏཾ ཙེ་ཏ་ནཱ ཀ་ར་ཎཱི་ཡཱ, ཀི་སྶ སཱི་ལཱ་ནི པཱ་རི་པཱུ་རེ་ཏི. ཨ་ནུ་པྤ་ནྣ་སྶ ཙ ཨ་ཀུ་ས་ལ་སྶ ཨ་ནུ་པྤཱ་དཱ་ཡ ཨུ་པྤ་ནྣ་སྶ ཙ ཨ་ཀུ་ས་ལ་སྶ པ་ཧཱ་ནཱ་ཡ ཨ་ནུ་པྤ་ནྣ་སྶ ཀུ་ས་ལ་སྶ ཨུ་པྤཱ་དཱ་ཡ ཨུ་པྤ་ནྣ་སྶ ཙ ཀུ་ས་ལ་སྶ བྷི་ཡྻོ་བྷཱ་ཝཱ་ཡ, ཨི་དཾ ཝཱི་རི་ཡཾ ཏ་སྶ ཏ་སྶ བུ་ཛ྄ཛྷི་ཏ་སྶ ཨ་ངྒ་ནྟི. ཨ་ཡཾ ཝཱི་རི་ཡ་ས་མྦོ་ཛ྄ཛྷ་ངྒོ. ཨི་མི་ནཱ ཝཱི་རི་ཡེ་ན དྭེ དྷ་མྨཱ ཨཱ་དི་ཏོ ཨ་ཝི་པྤ་ཊི་སཱ་རོ པཱ་མོ་ཛྫ་ཉྩ ཡཱ པུ་ན པཱི་ཏི ཨ་ཝི་པྤ་ཊི་སཱ་ར་པ་ཙྩ་ཡཱ པཱ་མོ་ཛྫ་པ་ཙྩ་ཡཱ, ཨ་ཡཾ པཱི་ཏི་ས་མྦོ་ཛ྄ཛྷ་ངྒོ. ཡཾ པཱི་ཏི་མ་ན་སྶ ཀཱ་ཡོ པ་སྶ་མྦྷ་ཏི. ཨ་ཡཾ པ་སྶ་དྡྷི་ས་མྦོ་ཛ྄ཛྷ་ངྒོ. ཏེ་ན ཀཱ་ཡི་ཀ་སུ་ཁ་མཱ་ནི་ཏཾ ཡཾ སུ་ཁི་ནོ ཙི་ཏྟཾ ས་མཱ་དྷི་ཡ་ཏི, ཨ་ཡཾ ས་མཱ་དྷི་ས་མྦོ་ཛ྄ཛྷ་ངྒོ. ཡཾ ས་མཱ་ཧི་ཏོ ཡ་ཐཱ་བྷཱུ་ཏཾ པ་ཛཱ་ནཱ་ཏི, ཨ་ཡཾ དྷ་མྨ་ཝི་ཙ་ཡ་ས་མྦོ་ཛ྄ཛྷ་ངྒོ. ཡཱ སཱི་ལ་མུ་པཱ་དཱ་ཡ པ་ཉྩ་ནྣཾ བོ་ཛ྄ཛྷ་ངྒཱ་ནཾ ཨུ་པཱ་དཱ་ཡཱ་ནུ་ལོ་མ་ཏཱ ནི་མི་ཏྟཱ་ཡ་ནཱ པཱི་ཏི་བྷཱ་གི་ཡཱ་ན་ཉྩ ཝི་སེ་ས་བྷཱ་གི་ཡཱ་ན་ཉྩ ཨ་པི་ལཱ་པ་ན་ཏཱ ས་ཧ་ག་ཏཱ ཧོ་ཏི ཨ་ན་ཝ་མ་གྒོ, ཨ་ཡཾ ས་ཏི་ས་མྦོ་ཛ྄ཛྷ་ངྒོ. ཡཾ ཡ་ཐཱ་བྷཱུ་ཏཾ པ་ཛཱ་ནཱ་ཏི, ཨ་ཙྩཱ་ར་དྡྷ་ཝཱི་རི་ཡཾ ཀ་རོ་ཏི. ཨུ་དྡྷ་ཙྩ་བྷཱུ་མཱི་ཏི ཀ་ཏཱ ཨ་བྷི་པ་ཏྠི་ཏཾ པེ་སེ་ཏི. ཀོ་ས་ཛྫ་བྷཱུ་མཱི་ཏི ག་ར་ཧི་ཏོ ར་ཧི་ཏེ་ཧི ཨ་ངྒེ་ཧི བུ་ཛ྄ཛྷ་ཏི ཡཾ ཙ་ཀྑུ་ས་མ་ཐ་པ་ཐཾ, སཱ ཨུ་པེ་ཀྑཱ་ཏི. ཏེ་ན སཱ ཨུ་པེ་ཀྑཱ ཏ་སྶ བོ་ཛ྄ཛྷ་ངྒ་སྶ ཨ་ངྒ་ནྟི ཀ་རི་ཏྭཱ ཨུ་པེ་ཀྑཱ་ས་མྦོ་ཛ྄ཛྷ་ངྒོ་ཏི ཝུ་ཙྩ་ཏེ. ཨེ་སོ སུ་ཏྟ་ནི་དྡེ་སོ.
༩༣. ཏ་ཏྠ ཀ་ཏ་མཱ དེ་ས་ནཱ? ཨ་སྨིཾ སུ་ཏྟེ ཙ་ཏྟཱ་རི ཨ་རི་ཡ་ས་ཙྩཱ་ནི དེ་སི་ཏཱ་ནི. ཏ་ཏྠ ཀ་ཏ་མོ ཝི་ཙ་ཡོ? སཱི་ལ་ཝ་ཏོ ཨ་ཝི་པྤ་ཊི་སཱ་རོ ཡཱ་ཝ ཝི་མུ་ཏྟི ཨི་མི་སྶཱ་ཡ པུ་ཙྪཱ་ཡ མི་ནི་ཀི་མ་ཏྠ་སྶ་མཱི་ཏི དྭེ པ་དཱ་ནི པུ་ཙྪཱ དྭེ པ་དཱ་ནི ཝི་ས་ཛྫ་ནཱ་ནི དྭཱི་ཧི པ་དེ་ཧི དྭེ ཨ་བྷི་ཉྙཾ དྭཱི་ཧི ཙེ་ཝ པ་དེ་ཧི ཝི་ས་ཛྫ་ནཱ ཀིཾ པུ་ཙྪ་ཏི ནི་བྦཱ་དྷི་ཀཾ ཀཱ་ཡ་བྷཱུ་མིཾ ཀ་མྨ་སྶ ཏ་ཐཱ ཧི པ་ཏི་ཊྛཱ ཙ ཨ་སེ་ཀྑེ དྷ་མྨེ ཨུ་པྤཱ་དེ་ཏི. ཏ་ཏྠ ཀ་ཏ་མཱ ཡུ་ཏྟི? སཱི་ལ་ཝ་ཏོ ཨ་ཝི་པྤ་ཊི་སཱ་རོ བྷ་ཝ་ཏི ཀིཾ ནི་ཙྪ་ནྡ་སྶ ཙ ཝི་རཱ་གོ ཨ་ཏྠི ཨེ་སཱ ཡུ་ཏྟི. ཏ་ཏྠ ཀ་ཏ་མཾ པ་ད་ཊྛཱ་ནཾ? ཝཱི་རི་ཡཾ ཝཱི་རི་ཡི་ནྡྲི་ཡ་སྶ པ་ད་ཊྛཱ་ནཾ. ས་མཱ་དྷི ས་མཱ་དྷི་ནྡྲི་ཡ་སྶ པ་ད་ཊྛཱ་ནཾ. པ་ཉྙཱ པ་ཉྙི་ནྡྲི་ཡ་སྶ པ་ད་ཊྛཱ་ནཾ. ཝཱི་རི་ཡཾ ཨ་དོ་ས་སྶ པ་ད་ཊྛཱ་ནཾ. ས་མཱ་དྷི ཨ་ལོ་བྷ་སྶ པ་ད་ཊྛཱ་ནཾ. པ་ཉྙཱ ཨ་མོ་ཧ་སྶ པ་ད་ཊྛཱ་ནཾ. ཝཱི་རི་ཡི་ནྡྲི་ཡཾ ཏི་ཎྞཾ མ་གྒ་ངྒཱ་ནཾ པ་ད་ཊྛཱ་ནཾ, ས་མྨཱ་ཝཱ་ཙཱ་ཡ ས་མྨཱ་ཀ་མྨ་ནྟ་སྶ ས་མྨཱ་ཨཱ་ཛཱི་ཝ་སྶ. ས་མཱ་དྷི་ནྡྲི་ཡཾ ཏི་ཎྞཾ མ་གྒ་ངྒཱ་ནཾ པ་ད་ཊྛཱ་ནཾ, ས་མྨཱ་ས་ངྐ་པྤ་སྶ ས་མྨཱ་ཝཱ་ཙཱ་ཡ ས་མྨཱ་ས་མཱ་དྷི་ནོ. པ་ཉྙི་ནྡྲི་ཡཾ དྭི་ནྣཾ མ་གྒ་ངྒཱ་ནཾ པ་ད་ཊྛཱ་ནཾ, ས་མྨཱ་ས་ཏི་ཡཱ ས་མྨཱ་དི་ཊྛི་ཡཱ ཙ.
ཏ་ཏྠ ཀ་ཏ་མོ ལ་ཀྑ་ཎོ? སཱི་ལ་ཀྑ་ནྡྷེ ཝུ་ཏྟེ ས་བྦེ ཏ་ཡོ ཁ་ནྡྷཱ ཝུ་ཏྟཱ བྷ་ཝ་ནྟི, སཱི་ལ་མེ་ཝ ཧི སེ་ལོ་པ་མ་ཏཱ ཡ་ཐཱ སེ་ལོ ས་བྦ་པ་ཙྩ་ཏྠི་ཀེ་ཧི ཨ་ཀ་ར་ཎཱི་ཡོ ཨེ་ཝཾ ཏཾ ཙི་ཏྟཾ ས་བྦ་ཀི་ལེ་སེ་ཧི ན ཀ་མྤ་ཏཱི་ཏི, ཨ་ཡཾ ཨ་མོ་ཧོ. ཝི་ར་ཏྟཾ [པ་སྶ ཨུ་དཱ. ༣༤ ཨུ་དཱ་ན་པཱ་ལི༹་ཡཾ] ར་ཛ་ནཱི་ཡེ་སཱུ་ཏི ཨ་ཡཾ ཨ་ལོ་བྷོ. ཀོ་པ་ནེ་ཡྻེ ན ཀུ་པྤ་ཏཱི་ཏི ཨ་ཡཾ ཨ་དོ་སོ. ཏ་ཏྠ པ་ཉྙཱ ཨ་མོ་ཧོ ཀུ་ས་ལ་མཱུ་ལཾ, ཨ་ལོ་བྷོ ཨ་ལོ་བྷོ་ཡེ་ཝ, ཨ་དོ་སོ ཨ་དོ་སོ་ཡེ་ཝ. ཨི་མེ་ཧི ཏཱི་ཧི ཀུ་ས་ལ་མཱུ་ལེ་ཧི སེ་ཀྑ་བྷཱུ་མི་ཡཾ ཋི་ཏོ ཨ་སེ་ཀྑ་མ་གྒཾ ཨུ་པྤཱ་དེ་ཏི. སེ་ཀྑ་བྷཱུ་མི ས་མྤ་ཏྟི་ཀ་མྨ་དྷ་མྨེ ཨུ་པྤཱ་དེ་ཏི, སཱ ཙ ས་མྨཱ་ཝི་མུ་ཏྟི, ཡ་ཉྩ ཝི་མུ་ཏྟི་ར་ས་ཉཱ་ཎ་ད་སྶ་ནཾ ཨི་མེ ད་ས ཨ་སེ་ཀྑཱ་ནཾ ཨ་ར་ཧ་ཏྟཾ དྷ་མྨཱ. ཏ་ཏྠ ཨ་ཊྛ་ངྒི་ཀེ་ན མ་གྒེ་ན ཙ་ཏུ་བྦི་དྷཱ བྷཱ་ཝ་ནཱ་པི ལ་བྦྷ་ཏི. སཱི་ལ་བྷཱ་ཝ་ནཱ ཀཱ་ཡ་བྷཱ་ཝ་ནཱ ཙི་ཏྟ་བྷཱ་ཝ་ནཱ པ་ཉྙཱ་བྷཱ་ཝ་ནཱ ཙ. ཏ་ཏྠ ས་མྨཱ་ཀ་མྨ་ནྟེ་ན ས་མྨཱ་ཨཱ་ཛཱི་ཝེ་ན ཙ ཀཱ་ཡོ བྷཱ་ཝི་ཏོ. ས་མྨཱ་ཝཱ་ཙཱ་ཡ ས་མྨཱ་ཝཱ་ཡཱ་མེ་ན ཙ སཱི་ལཾ བྷཱ་ཝི་ཏཾ. ས་མྨཱ་ས་ངྐ་པྤེ་ན ས་མྨཱ་ས་མཱ་དྷི་ནཱ ཙ ཙི་ཏྟཾ བྷཱ་ཝི་ཏཾ. ས་མྨཱ་དི་ཊྛི་ཡཱ ས་མྨཱ་ས་ཏི་ཡཱ ཙ པ་ཉྙཱ བྷཱ་ཝི་ཏཱ. ཨི་མཱ་ཡ ཙ་ཏུ་བྦི་དྷཱ་ཡ བྷཱ་ཝ་ནཱ་ཡ དྭེ དྷ་མྨཱ བྷཱ་ཝ་ནཱ་པཱ་རི་པཱུ་རིཾ ག་ཙྪ་ནྟི ཙི་ཏྟཾ པ་ཉྙ་ཉྩ. ཙི་ཏྟཾ བྷཱ་ཝ་ནཱ་ཡ ས་མ་ཐོ, པ་ཉྙཱ བྷཱ་ཝ་ནཱ་ཡ ཝི་པ་སྶ་ནཱ. ཏ་ཏྠ པ་ཉྙཱ ཨ་ཝི་ཛྫཱ་པ་ཧཱ་ནེ་ན ཙི་ཏྟཾ ཨུ་པ་ཀྐི་ལེ་སེ་ཧི ཨ་མི་སྶཱི་ཀ་ཏ་ནྟི. པ་ཉྙཱ བྷཱ་ཝ་ནཱ་ཡ ཙི་ཏྟ་བྷཱ་ཝ་ནཾ་ཡེ་ཝ པ་རི་པཱུ་རེ་ཏི. ཨེ་ཝཾ ཡ་སྶ སུ་བྷཱ་ཝི་ཏཾ ཙི་ཏྟཾ ཀུ་ཏོ ཏཾ དུ་ཀྑ་མེ་སྶ་ཏཱི་ཏི. ཨ་པི ཙ ཁོ པ་ན ཏ་སྶ ཨཱ་ཡ་སྨ་ཏོ ཨ་བྱཱ་པཱ་ད་དྷཱ་ཏུ ཨ་དྷི་མུ་ཏྟཱ, ན སོ པེ་ཏཾ ས་མཱ་པ་ནྣོ ཏ་སྶ ས་ངྑཱ་པ་ཧཱ་རཾ དེ་ཏི, ས་ངྑཱ་ཝི་ཏ་ཀྐི་ཏེ ས་རཱི་རེ དུ་ཀྑཾ ན ཝེ་དི་ཡ་ཏི, ཨ་ཡཾ སུ་ཏྟ་ཏྠོ.
༩༤. ཏ་ཏྠ ཀ་ཏ་མཱ དེ་ས་ནཱ? ཨི་མ་མྷི སུ་ཏྟེ ད་ས ཨ་སེ་ཀྑཱ ཨ་ར་ཧ་ཏྟ་དྷ་མྨཱ དེ་སི་ཏཱ ཨ་པྤ་མཱ་ཎཱ ཙ ས་མྨཱ ཝི་བྷཱ་ཝ་ནཱ. ཏ་ཏྠ ཀ་ཏ་མོ ཝི་ཙ་ཡོ? སེ་ལོ་པ་མ་ཏཱ ཡེ ཡེ དྷ་མྨཱ ཝེ་ད་ནཱི་ཡ་སུ་ཁ་དུ་ཀྑོ་པ་ག་ཏཱ, ཏེ ས་བྦེ ནི་རཱུ་པཾ ཝཱ་ནུ་པ་སྶ་ནྟཱ་ནཾ ཝཱུ་པ་ག་ཏཱ ཀཱ་ཡ་ཏོ ཝེ་ད་ཡི་ཏ་པ་རི་ཀྑཱ་རོ ཨ་པྤ་ཝ་ཏྟི་ཏོ དུ་ཀྑཾ ན ཝེ་དི་ཡ་ཏི. ཏ་ཏྠ ཀ་ཏ་མཱ ཡུ་ཏྟི, ཡ་སྶེ་ཝཾ བྷཱ་ཝི་ཏཾ ཙི་ཏྟཾ ཀུ་ཏོ ཏཾ [ནཾ (ཀ.)] དུ་ཀྑ་མེ་སྶ་ཏཱི་ཏི. ཏཱི་སུ བྷཱ་ཝ་ནཱ་སུ དུ་ཀྑཾ ན་ཀྑ་མ་ཏི ཙི་ཏྟཾ ཙི་ཏྟ་བྷཱ་ཝ་ནཱ་ཡ ཙ. ནི་རོ་དྷ་བྷཱ་ཝ་ནཱ་ཡ ཙ ཨཱ་ན་ནྟ་རི་ཀཱ ས་མཱ་དྷི་བྷཱ་ཝ་ནཱ་ཡ ཙ. ཨི་ཏི ཡ་སྶེ་ཝཾ བྷཱ་ཝི་ཏཾ ཙི་ཏྟ་ནྟི ས་མཱ་དྷི ཕ་ལ་སྶ པ་ད་ཊྛཱ་ནཾ.
ཏ་ཏྠ ཀ་ཏ་མོ ལ་ཀྑ་ཎོ? ཡ་སྶེ་ཝཾ བྷཱ་ཝི་ཏཾ [པ་སྶ ཨུ་དཱ. ༣༤ ཨུ་དཱ་ན་པཱ་ལི༹་ཡཾ] ཙི་ཏྟ་ནྟི ཙི་ཏྟཱ་ནི བྷཱ་ཝི་ཏཱ་ནི ཡ་ཐཱ པ་ཋ་མཾ ནི་དྡི་ཊྛཱ་ནི པ་ཉྙཱ སཱི་ལཾ ཀཱ་ཡོ ཙི་ཏྟཾ, སཱི་ལ་མྤི སུ་བྷཱ་ཝི་ཏཾ ཀཱ་ཡི་ཀ་ཙེ་ཏ་སི་ཀ་ཉྩ ཋི་ཏ་ཏྟཱ ནཱ་ནུ་པ་ཀ་མྤ་ཏཱི་ཏི ཝེ་ད་ནཱ་པི ཏ་ཐཱ ས་ཉྙཱ་པི ས་ངྑཱ་རཱ་པི. ཀུ་ཏོ ཏཾ དུ་ཀྑ་མེ་སྶ་ཏཱི་ཏི སུ་ཁ་མྤི ནཱ་ནུ་ག་ཙྪ་ཏི, ཨ་དུ་ཀྑ་མ་སུ་ཁ་མྤི ནཱ་ག་ཏ་ནྟི.
ཏ་ཏྠ ཀ་ཏ་མོ ཙ་ཏུ་བྱཱུ་ཧོ ཧཱ་རོ? ཨི་དྷ བྷ་ག་ཝ་ཏོ ཀོ ཨ་དྷི་པྤཱ་ཡོ? ཡེ དུ་ཀྑེ་ན ཨ་དྷི་ཀཱ བྷ་ཝི་སྶ་ནྟི, ཏེ ཨེ་ཝ་རཱུ་པཱ་ཧི ས་མཱ་པ་ཏྟཱི་ཧི ཝི་ར་ཧི་སྶ་ནྟི. ཨ་ཡ་མེ་ཏྠ བྷ་ག་ཝ་ཏོ ཨ་དྷི་པྤཱ་ཡོ. ཡེ ཙ ཨ་པྤ་ས་ནྣཱ, ཏེ ཧི བྷ་ཝི་སྶ་ནྟི, པ་ས་ནྣཱ་ན་ཉྩ པཱི་ཏི་པཱ་མོ་ཛྫཾ བྷ་ཝི་སྶ་ཏི, ཨ་ཡཾ ཏ་ཏྠ བྷ་ག་ཝ་ཏོ ཨ་དྷི་པྤཱ་ཡོ. ཨཱ་ཝ་ཊྚོ་ཏི ན་ཏྠི ཨཱ་ཝ་ཊྚ་ན་སྶ བྷཱུ་མི.
ཝི་བྷ་ཏྟཱི་ཏི ཡ་སྶེ་ཝཾ བྷཱ་ཝི་ཏཾ ཙི་ཏྟཾ ཀུ་ཏོ ཏཾ དུ་ཀྑ་མེ་སྶ་ཏཱི་ཏི དུ་ཝི་དྷོ ནི་དྡེ་སོ – དུ་ཀྑ་ཧེ་ཏུ་ནི་དྡེ་སོ ཙ པ་ཊི་པ་ཀྑ་ནི་དྡེ་སོ ཙ. ཀོ སོ དུ་ཀྑ་ཧེ་ཏུ? ཡ་ཏོ དུ་ཀྑཾ ཨཱ་ག་ཙྪ་ཏི པ་ཊི་པ་ཀྑེ ཝུ་ཏྟེ སེ་ས་དྷ་མྨཱ་ནཾ སཱི་ལཾ ཧེ་ཏུ ཙ པ་ཙྩ་ཡོ ཙ, ཏེ ས་བྦེ དྷ་མྨཱ ཝུ་ཏྟཱ ཧོ་ནྟི. ཨེ་ཀ་བོ་དྷི་པ་ཀྑི་ཡེ དྷ་མྨེ ཝུ་ཏྟེ ས་བྦེ བོ་དྷ་ག་མ་ནཱི་ཡཱ དྷ་མྨཱ ཝུ་ཏྟཱ བྷ་ཝ་ནྟི.
ཏ་ཏྠ ཀ་ཏ་མོ ཙ་ཏུ་བྱཱུ་ཧོ ཧཱ་རོ? ཨི་མ་མྷི སུ་ཏྟེ བྷ་ག་ཝ་ཏོ ཀོ ཨ་དྷི་པྤཱ་ཡོ? ཡེ ཨ་ཝི་པྤ་ཊི་སཱ་རེ་ན ཚ་ནྡི་ཀཱ, ཏེ སཱི་ལ་པཱ་རི་པཱུ་རཱི བྷ་ཝ་ནྟི པཱ་མོ་ཛྫ་ཚ་ནྡི་ཀཱ ཨ་ཝི་པྤ་ཊི་སཱ་རཱི་པཱ་རི་པཱུ་རཱི, ཨ་ཡ་མེ་ཏྠ བྷ་ག་ཝ་ཏོ ཨ་དྷི་པྤཱ་ཡོ…པེ… ཨ་ཡཾ ཙ་ཏུ་བྱཱུ་ཧོ ཧཱ་རོ.
ཏ་ཏྠ ཀ་ཏ་མོ ཨཱ་ཝ་ཊྚོ? ཨི་དཾ སུ་ཏྟཾ ནི་བྦེ་དྷ་བྷཱ་གི་ཡཾ. ཡོ ནི་བྦེ་དྷོ, ཨ་ཡཾ ནི་རོ་དྷོ. ཡེ་ན ནི་བྦི་ཛ྄ཛྷ་ཏི, སོ མ་གྒོ. ཡཾ ནི་བྦི་ཛ྄ཛྷ་ཏི, ཏཾ དུ་ཀྑཾ. ཡཾ ནི་བྦེ་དྷ་གཱ་མི་ནཱ མ་གྒེ་ན པ་ཧཱི་ཡ་ཏི, ས་མུ་ད་ཡོ་ཡཾ ཝུ་ཏྟོ.
ཏ་ཏྠ ཀ་ཏ་མཱ ཝི་བྷ་ཏྟི? སཱི་ལ་ཝ་ཏོ ཨ་ཝི་པྤ་ཊི་སཱ་རོ་ཏི ཝི་བྷ་ཛྫ་བྱཱ་ཀ་ར་ཎཱི་ཡཾ, པ་རཱ་མ་ས་ནྟ་སྶ ན་ཏྠི ཨ་ཝི་པྤ་ཊི་སཱ་རོ ཡཱ་ཝ དོ་ས་ཀ་ཏཾ ཀཱ་ཡེ་ན ཝཱ ཝཱ་ཙཱ་ཡ ཝཱ ཨ་ཀུ་ས་ལཾ ཨཱ་ར་བྷ་ཏི. ཀི་ཉྩི་པི་སྶ ཨེ་ཝཾ ཧོ་ཏི ‘‘སུ་ཀ་ཏ་མེ་ཏཾ སུ་ཙ་རི་ཏ་མེ་ཏཾ ནོ ཙ་སྶ ཏེ་ན ཨ་ཝི་པྤ་ཊི་སཱ་རེ་ན པཱ་མོ་ཛྫཾ ཛཱ་ཡ་ཏི ཡཱ་ཝ ཝི་མུ་ཏྟི, ཏ་སྶ སཱི་ལ་ཝ་ཏོ ཨ་ཝི་པྤ་ཊི་སཱ་རོ’’ཏི ཝི་བྷ་ཛྫ་བྱཱ་ཀ་ར་ཎཱི་ཡཾ, ཨ་ཡཾ ཝི་བྷ་ཏྟི་ཧཱ་རོ.
ཏ་ཏྠ ཀ་ཏ་མཱ པ་རི་ཝ་ཏྟ་ནཱ? ཨི་མེ་ཧི ས་ཏྟ་ཧི ཨུ་པ་ནི་སཱ་ས་མྤ་ཏྟཱི་ཧི ཨེ་ཀཱ་ད་ས ཨུ་པ་ནི་སཱ ཝི་བྷ་ཏྟི་ཡཾ པ་ཛ་ཧཱ་ནཾ པ་ཛ་ཧ་ནྟི, ཨ་ཡཾ པ་རི་ཝ་ཏྟ་ནཱ.
ཏ་ཏྠ ཀ་ཏ་མཱ ཝེ་ཝ་ཙ་ནཱ? ཨི་མེ་སཾ ཨ་རི་ཡ་དྷ་མྨཱ་ནཾ བ་ལ་བོ་ཛ྄ཛྷ་ངྒ་ཝི་མོ་ཀྑ་ས་མཱ་དྷི་ས་མཱ་པ་ཏྟཱི་ནཾ ཨི་མཱ་ནི ཝེ་ཝ་ཙ་ནཱ་ནི.
ཏ་ཏྠ ཀ་ཏ་མཱ པ་ཉྙ་ཏྟི? སཱི་ལ་ཝ་ཏོ ཨ་ཝི་པྤ་ཊི་སཱ་རོ་ཏི སཱི་ལ་ཀྑ་ནྡྷེ ནེ་ཀྑ་མྨ་པ་ཉྙ་ཏྟི་ཡཱ པ་ཉྙ་ཏྟཾ, ནི་ས་ཛྫ་པ་ཉྙ་ཏྟི ཙ ཨེ་ཝཾ ད་ས ཨ་ངྒཱ་ནི དྭཱི་ཧི དྭཱི་ཧི ཨ་ངྒེ་ཧི པ་ཉྙ་ཏྟཱ་ནི.
ཏ་ཏྠ ཀ་ཏ་མོ ཨོ་ཏ་ར་ཎོ? ཨི་དཾ ནི་བྦེ་དྷ་བྷཱ་གི་ཡ་སུ་ཏྟཾ པ་ཉྩ་སུ ཨོ་ཏི་ཎྞཾ ཡ་ཐཱ ཡཾ པ་ཋ་མཾ ནི་དྡི་ཊྛཾ ཨེ་ཝ་མི་ནྡྲི་ཡཱ་དི་ཁ་ནྡྷ་དྷཱ་ཏུ་ཨཱ་ཡ་ཏ་ནེ་སུ ནི་དྡི་སི་ཏ་བྦཱ་ནི.
ཏ་ཏྠ ཀ་ཏ་མོ སོ་དྷ་ནོ ཧཱ་རོ? སཱི་ལ་ཝ་ཏོ ཨ་ཝི་པྤ་ཊི་སཱ་རོ་ཏི ན ཏཱ་ཝ སུ་དྡྷོ ཨཱ་ར་མྦྷོ ཨ་ཝི་པྤ་ཊི་སཱ་རི་ནོ པཱ་མོ་ཛྫ་ནྟི ན ཏཱ་ཝ སུ་དྡྷོ ཨཱ་ར་མྦྷོ ཡཱ་ནི ཨེ་ཀཱ་ད་ས པ་དཱ་ནི དེ་སི་ཏཱ་ནི ཡ་དཱ ཏ་དཱ སུ་དྡྷོ ཨཱ་ར་མྦྷོ, ཨ་ཡཾ སོ་དྷ་ནོ.
ཏ་ཏྠ ཀ་ཏ་མོ ཨ་དྷི་ཊྛཱ་ནོ? སཱི་ལ་ཝེ་མ་ཏྟ་ཏཱ་ཡ པ་ཉྙ་ཏྟཾ ཨེ་ཝཾ ད་ས པ་དཱ་ནི ས་བྦཱ་ནི སཱི་ལ་ཀྑ་ནྡྷ་སྶ ཨཱ་ནི་སཾ་སོ, ཏེ ཙ པ་ཏི་རཱུ་པ་དེ་ས་ཝཱ་སོ ཙ པ་ཙྩ་ཡོ ཨ་ཏྟ་ས་མྨཱ་པ་ཎི་དྷཱ་ན་ཉྩ ཧེ་ཏུ, ས་མཱ་དྷི་ཀྑ་ནྡྷ་སྶ སུ་ཁཾ ཧེ་ཏུ པ་སྶ་དྡྷི པ་ཙྩ་ཡོ, ཡེ་ན ཛྷཱ་ན་ས་ཧ་ཛཱ་ཏི ཙ ཋཱ་ན་ནྟི ཛྷཱ་ན་ངྒཱ ཨ་པ་རོ པ་རི་ཡཱ་ཡོ ཀཱ་མེ་སུ ཨཱ་དཱི་ན་ཝཱ་ནུ་པ་སྶ་ནཱ ས་མཱ་དྷི་ནོ པ་ཙྩ་ཡོ ནེ་ཀྑ་མྨེ ཨཱ་ནི་སཾ་ས་ད་སྶཱ་ཝི་ཏཱ ཧེ་ཏུ.
ཏ་ཏྠ ཀ་ཏ་མཱ ས་མཱ་རོ་པ་ནཱ? ཡཾ ཝཱི་རི་ཡི་ནྡྲི་ཡཾ, སོ སཱི་ལ་ཀྑ་ནྡྷོ. ཡཾ སཱི་ལཾ, ཏེ ཙ་ཏྟཱ་རོ དྷ་མྨཱ པ་དྷཱ་ནཱ. ཡཾ དྷ་མྨཱ་ནུ་དྷ་མྨ་པ་ཊི་པ་ཏྟི, སོ པཱ་ཏི་མོ་ཀྑ་སཾ་ཝ་རོ.
༩༥. ཡ་སྶ སེ་ལོ་པ་མཾ ཙི་ཏྟ་ནྟི གཱ་ཐཱ [པ་སྶ ཨུ་དཱ. ༣༤ ཨུ་དཱ་ནེ], སེ་ལོ་པ་མ་ནྟི ཨུ་པ་མཱ ཡ་ཐཱ སེ་ལོ ཝཱ་ཏེ་ན ན ཀ་མྤ་ཏི ན ཨུ་ཎྷེ་ན ན སཱི་ཏེ་ན སཾ་ཀ་མྤ་ཏི. ཡ་ཐཱ ཨ་ནེ་ཀཱ ཨ་ཙེ་ཏ་ནཱ, ཏེ ཨུ་ཎྷེ་ན མི་ལཱ་ཡ་ནྟི, སཱི་ཏེ་ན ཨ་ཝ་སུ་སྶ་ནྟི, ཝཱ་ཏེ་ན བྷ་ཛ་ནྟི. ན ཨེ་ཝཾ སེ་ལོ ཝི་ར་ཏྟཾ ར་ཛ་ནཱི་ཡེ་སུ དོ་ས་ནཱི་ཡེ ན དུ་སྶ་ཏཱི་ཏི ཀཱ་ར་ཎཾ དོ་ས་ནཱི་ཡེ དོ་མ་ན་སྶ་ནྟཾ, ན དུ་ཊྛེ་ན ཝཱ ཀ་མྤ་ཏི ཨུ་ཎྷེ་ན ཝཱ, སོ མི་ལཱ་ཡ་ཏི སཱི་ཏེ་ན ཝཱ ཨ་ཝ་སུ་སྶ་ཏི, ཨེ་ཝཾ ཙི་ཏྟཾ རཱ་གེ་ན ནཱ་ནུ་སྶ་ཏི སཱི་ཏེ་ན ཀ་མྤ་ཏཱི་ཏི. ཀིཾ ཀཱ་ར་ཎཾ? ཝི་ར་ཏྟཾ ར་ཛ་ནཱི་ཡེ་སུ དོ་ས་ནཱི་ཡེ ན དུ་སྶ་ཏི. ཀིཾ ཀཱ་ར་ཎཾ? དོ་ས་ནཱི་ཡེ པ་ན་སྶ་ནྟི ན དུ་སྶ་ཏི, ཨ་དུ་ཊྛཾ ཏཾ ན ཀོ་སི་སྶ་ནྟི, ཏེ་ན ཀུ་པྤ་ནཱི་ཡེ ན ཀུ་པྤ་ཏི, ཡ་སྶེ་ཝཾ བྷཱ་ཝི་ཏཾ ཙི་ཏྟཾ ཀུ་ཏོ ཏཾ དུ་ཀྑ་ནི་དྡེ་སོ ཙ ཀུ་ཏོ ཨེ་ཝ་རཱུ་པ་སྶ དུ་ཀྑཾ ཨཱ་ག་མི་སྶ་ཏཱི་ཏི ནི་དྡི་ཊྛཾ.
པ་རི་ཝ་ཏྟ་ནཱ་ཏི ཀུ་ཏོ ཏཾ དུ་ཀྑ་མེ་སྶ་ཏཱི་ཏི ཡཾ ཙེ་ཏ་སི་ཀཾ སུ་ཁཾ ཨ་ནུ་པཱ་དི་སེ་སཱ ཨ་ཡཾ ན་ཏྠི སོ་པཱ་དི་སེ་སཱ ཨ་ཡཾ ཨ་ཏྠི. པུ་ན ཨེ་ཝ་མཱ་ཧཾ་སུ ཏཾ ཁ་ཎཾ ཏཾ མུ་ཧུ་ཏྟཾ ཨུ་བྷ་ཡ་མེ་ཝ ཨ་ཝེ་ད་ཡི་ཏཾ སོ་པཱ་དི་སེ་སཾ ཡ་ཉྩ ཨ་ནུ་པཱ་དི་སེ་སཾ ཡ་ཉྩ ཏཾ ཁ་ཎཾ ཏཾ མུ་ཧུ་ཏྟཾ ཨ་ནུ་པཱ་དི་སེ་སཾ ཡ་ཉྩ སོ་པཱ་དི་སེ་སཾ ཙ ཨ་ཝེ་ད་ཡི་ཏཾ. སུ་ཁ་མཱ་པ་ནྣ་སྶ ཨ་ནཱ་ཝ་ཏྟི་ཀ་ནྟི ཨ་ཡ་མེ་ཏྠ ཝི་སེ་སོ པ་རི་ཝ་ཏྟ་ནཱ.
ཏ་ཏྠ ཀ་ཏ་མོ ཝེ་ཝ་ཙ་ནོ? ཡ་སྶེ་ཝཾ བྷཱ་ཝི་ཏཾ ཙི་ཏྟཾ ཝཱ བྷཱ་ཝི་ཏཾ སུ་བྷཱ་ཝི་ཏཾ ཨ་ནུ་ཊྛི་ཏཾ ཝ་ཏྠུ་ཀ་ཏཾ སུ་ས་མཱ་ར་དྡྷཾ. ཙི་ཏྟ་ནྟི མ་ནོ ཝི་ཉྙཱ་ཎཾ མ་ནི་ནྡྲི་ཡཾ མ་ནོ་ཝི་ཉྙཱ་ཎ་དྷཱ་ཏུ.
ཏ་ཏྠ ཀ་ཏ་མཱ པ་ཉྙ་ཏྟི? ཙི་ཏྟཾ མ་ནོ ས་ངྑཱ་རཱ ཝཱུ་པ་ས་མ་པ་ཉྙ་ཏྟི་ཡཱ པ་ཉྙ་ཏྟཾ. ས་མཱ་དྷི ཨ་སེ་ཀྑ་པ་ཉྙ་ཏྟི་ཡཱ པ་ཉྙ་ཏྟོ. དུ་ཀྑཾ ཨུ་ཙྪི་ནྣ་པ་ཉྙ་ཏྟི་ཡཱ པ་ཉྙ་ཏྟཾ.
ཏ་ཏྠ ཀ་ཏ་མོ ཨོ་ཏ་ར་ཎོ? ཙི་ཏྟེ ནི་དྡི་ཊྛེ པ་ཉྩ་ཀྑ་ནྡྷཱ ནི་དྡི་ཊྛཱ ཧོ་ནྟི, ཨ་ཡཾ ཁ་ནྡྷེ་སུ ཨོ་ཏ་ར་ཎོ, མ་ནོ་ཝི་ཉྙཱ་ཎ་དྷཱ་ཏུ་ཡཱ ནི་དྡི་ཊྛཱ་ཡ ཨ་ཊྛཱ་ར་ས དྷཱ་ཏུ་ཡོ ནི་དྡི་ཊྛཱ ཧོ་ནྟི, ཨ་ཡཾ དྷཱ་ཏཱུ་སུ ཨོ་ཏ་ར་ཎོ. མ་ནཱ་ཡ་ཏ་ནེ ནི་དྡི་ཊྛེ ས་བྦཱ་ནི ཨཱ་ཡ་ཏ་ནཱ་ནི ནི་དྡི་ཊྛཱ་ནི ཧོ་ནྟི. ཏ་ཏྠ མ་ནཱ་ཡ་ཏ་ནཾ ནཱ་མ་རཱུ་པ་སྶ པ་ད་ཊྛཱ་ནཾ. ནཱ་མ་རཱུ་པ་པ་ཙྩ་ཡཱ ས་ལཱ༹་ཡ་ཏ་ནཾ. ཏ་ཐཱ པ་ཊི་ཙྩ་ས་མུ་པྤཱ་དེ. ཨ་ཡཾ ཨོ་ཏ་ར་ཎོ. ཏ་ཏྠ ཀ་ཏ་མོ སོ་དྷ་ནོ སུ་དྡྷོ་ཡེ་ཝ ཨཱ་ར་མྦྷོ.
ཏ་ཏྠ ཀ་ཏ་མོ ཨ་དྷི་ཊྛཱ་ནོ? ཚ་ལི༹་ནྡྲི་ཡཾ བྷཱ་ཝ་ནཱ ཨེ་ཀ་ཏྟཱ་ཡཾ པ་ཉྙ་ཏྟི ཚ་ཊྛི་ཏེ་ན ཀཱ་ཡོ ཨེ་ཀ་ཏྟཱ་ཡ པ་ཉྙ་ཏྟོ.
ཏ་ཏྠ ཀ་ཏ་མོ པ་རི་ཀྑཱ་རོ? ཙི་ཏྟ་སྶ པུ་བྦ་ཧེ་ཏུ ས་མུ་པྤཱ་དཱ་ཡ མ་ན་སི་ཀཱ་རོ ཙ ཏ་པྤོ་ཎ་ཏཱ ཙ ཡཾ ཨ་ས་མཱ་ཧི་ཏ་བྷཱུ་མི་ཡཾ ཙ ཝི་སེ་ས་དྷ་མྨཱ་ནཾ ཨ་བྷཱ་ཝི་ཏ་ཏྟཱ ཙི་ཏྟ་ས་ཏ་ཏཾ ག་ཙྪ་ཏི, ས་ཙེ ས་མཱ་དྷི་ནོ སུ་ཁཾ ཧེ་ཏུ ཨ་ཝི་པྤ་ཊི་སཱ་རོ པ་ཙྩ་ཡོ, ཨ་ཡཾ ཧེ་ཏུ ཨ་ཡཾ པ་ཙྩ་ཡོ པ་རི་ཀྑཱ་རོ.
ཏ་ཏྠ ཀ་ཏ་མཱ ས་མཱ་རོ་པ་ནཱ? ཡ་སྶེ་ཝཾ བྷཱ་ཝི་ཏ་ནྟི ཏ་སྶ དྷ་མྨཱ ས་མཱ་རོ་པ་ཡི་ཏ་བྦཱ. ཀཱ་ཡོ སཱི་ལཾ པ་ཉྙཱ བྷཱ་ཝི་ཏ་ཙི་ཏྟ་ནྟི ཨ་ན་བྷི་ར་ཏཾ ཨ་ན་པ་ཎ་ཏཾ ཨ་ནེ་ཀཾ ཨ་ནུ་ཏཾ ཨ་ནཱ་པ་ཛྫཱ་ས་ཏྟཾ ཨ་ཡཾ ས་མ་ཉྙཱ་ཡ་ཏ་ནཱ ན ཏ་སྶ སེ་ཀྑ་སྶ ས་མྨཱ་ས་མཱ་དྷི ས་བྦེ ཨ་སེ་ཀྑཱ ད་ས ཨ་ར་ཧ་ནྟ་དྷ་མྨཱ ནི་དྡི་ཊྛཱ ཧོ་ནྟི. ཨ་སེ་ཀྑ་བྷཱ་གི་ཡཱ་ནི སུ་ཏྟཱ་ནི.
༩༦. ཡ་སྶ ནཱུ་ན, བྷ་ནྟེ, ཀཱ་ཡ་ག་ཏཱ་ས་ཏི ཨ་བྷཱ་ཝི་ཏཱ, ཨ་ཡཾ སོ ཨ་ཉྙ་ཏ་རཾ ས་བྲ་ཧྨ་ཙཱ་རིཾ [ས་བྲ་ཧྨ་ཙཱ་རཱི་ནཾ (ཀ.)] ཨཱ་ས་ཛྫ ས་མཱ་པ་ཛྫ ཨ་པྤ་ཊི་ནི་ས་ཛྫ ཛ་ན་པ་ད་ཙཱ་རི་ཀཾ པ་ཀྐ་མེ་ཡྻ, སོ ཨཱ་ཡ་སྨཱ ཨི་མ་སྨིཾ ཝི་པྤ་ཊི་ཛཱ་ནཱ་ཏི དྭེ པ་ཛཱ་ནི པ་ཊི་ཛཱ་ནཱ་ཏི ཙི་ཏྟ་བྷཱ་ཝ་ནཱ་ཡ་ཉྩ དི་ཊྛི་ཡཱ པ་ཧཱ་ནཾ, ཀཱ་ཡ་བྷཱ་ཝ་ནཱ་ཡ་ཉྩ དི་ཊྛི་པྤ་ཧཱ་ནཾ, ཀཱ་ཡ་བྷཱ་ཝ་ནཱ་ཡ་ཉྩ ཏ་ཎྷཱ་པ་ཧཱ་ནཾ, ཡཾ པ་ཋ་མཾ ཨུ་པ་མཾ ཀ་རོ་ཏི. ཨ་སུ་ཙི་ནཱ་པི སུ་ཙི་ནཱ་པི པ་ཐ་ཝཱི ནེ་ཝ ཨ་ཊྚི་ཡ་ཏི ན ཛི་གུ་ཙྪ་ཏི ན པཱི་ཏི་པཱ་མོ་ཛྫཾ པ་ཊི་ལ་བྷ་ཏི, ཨེ་ཝ་མེ་ཝ ཧི པ་ཐ་ཝཱི་ས་མེ་ན སོ ཙེ་ཏ་སཱ ཨ་ནྭ་ཡེ་ན ཨ་པྤ་ཀེ་ན ཨ་ཝེ་རེ་ན ཨ་བྱཱ་པ་ཛྫེ་ན ཝི་ཧ་རཱ་མཱི་ཏི. ཨི་ཏི སོ ཨཱ་ཡ་སྨཱ ཀིཾ པ་ཊི་ཛཱ་ནཱ་ཏི, ཀཱ་ཡ་བྷཱ་ཝ་ནཱ་ཡ སུ་ཁི་ནྡྲི་ཡ་པ་ཧཱ་ནཾ པ་ཊི་ཛཱ་ནཱ་ཏི, ཙི་ཏྟ་བྷཱ་ཝ་ནཱ་ཡ སོ་མ་ན་སྶི་ནྡྲི་ཡ་པ་ཧཱ་ནཾ པ་ཊི་ཛཱ་ནཱ་ཏི. ཀཱ་ཡི་ཀཱ ཝེ་ད་ནཱ རཱ་གཱ་ནུ་ས་ཡ་མ་ནུ་ག་ཏཱ་ནཾ སུ་ཁི་ནྡྲི་ཡཾ པ་ཊི་ཀྑི་པ་ཏི. ན ཧི ཝེ་ད་ནཱ་ཀྑ་ནྡྷཾ ཡཱ ཙེ་ཏ་སི་ཀཱ སུ་ཁ་ཝེ་ད་ནཱ ཏ་ཏྠ ཨ་ཡཾ པ་ཊི་ལཱ་བྷ་པ་ཙྩ་ཡཱ ཨུ་པྤ་ཛྫ་ཏི སུ་ཁཾ སོ་མ་ན་སྶཾ. སོ་ཏཾ པ་ཊི་ཀྑི་པ་ཏི, ན ཧི མ་ནོ་ས་མྥ་སྶ་ཛཾ ཝེ་ད་ནཾ. ཏ་ཏྠ ཙ་ཏཱུ་སུ མ་ཧཱ་བྷཱུ་ཏེ་སུ རཱུ་པ་ཀྑ་ནྡྷ་སྶ ཨ་ནུ་ས་ཡ་པ་ཊི་གྷ་པ་ཧཱ་ནཾ བྷ་ཎ་ཏི. ཀཱ་མེ རཱུ་པ་ཉྩ ཏ་ཉྩ ཨ་སེ་ཀྑ་བྷཱུ་མི་ཡཾ. ཀཱ་ཡེ ཀཱ་ཡཱ་ནུ་པ་སྶ་ནཱ དི་ཊྛ་དྷ་མྨ་སུ་ཁ་ཝི་ཧཱ་ར་ཉྩ. བ་ལེ་ན ཙ ཨུ་སྶཱ་ཧེ་ན ཙ ས་བྦཾ མ་ན་སི ཀ་ཏ་ཏྟཱ་ནཾ པ་ཧཱ་ནཾ མེ་དཾ ཀ་ཏཱ་ལི་ཀཱ་ཡ ཙ པུ་རི་སེ་ན ཙ མ་ཎྜ་ན་ཀ་ཛཱ་ཏི་ཀེ་ན ཙ, ཨེ་ཏེ་ཧི ཨི་མ་སྶ མཱ་ཏཱ་པི་ཏུ་ས་མྦྷཱུ་ཏཾ པ་ཙྩ་ཝེ་ཀྑ་ཎཾ, སོ ཀཱ་ཡེ་ན ཙ ཀཱ་ཡཱ་ནུ་པ་སྶ་ནཱ་ཡ ཙ ཙི་ཏྟེ་ན ཙ ཙི་ཏྟཱ་ནུ་པ་སྶ་ནཱ་ཡ ཙ དྭེ དྷ་མྨེ དྷཱ་རེ་ཏི. ཀཱ་ཡ་ཀི་ལེ་ས་ཝ་ཏྠུཾ ཙི་ཏྟེ་ན ཙ ཙི་ཏྟ་ས་ནྣི་སྶ་ཡེ ཙི་ཏྟེ་ན སུ་བྷཱ་ཝི་ཏེ་ན ས་ཏྟ་ནྣཾ ཙ ས་མཱ་པ་ཏྟཱི་ནཾ ཝི་ཧ་རི་ཏུཾ པ་ཊི་ཛཱ་ནཱ་ཏི.
ག་ཧ་པ་ཏི་པུ་ཏྟོ་པ་མ་ཏཱ་ཡ ཙ ཡ་ཐཱ ག་ཧ་པ་ཏི་པུ་ཏྟ་སྶ ནཱ་ནཱ་ར་ངྒཱ་ནཾ ཝ་ཏྠ་ཀ་ར་ཎྜ་ཀོ པུ་ཎྞོ བྷ་ཝེ་ཡྻ, སོ ཡཾ ཡ་དེ་ཝ ཝ་ཏྠ་ཡུ་གཾ པུ་བྦ་ཎྷ་ས་མ་ཡེ ཨཱ་ཀ་ངྑ་ཏི, པུ་བྦ་ཎྷ་ས་མ་ཡེ ནི་བྦཱ་པེ་ཏི, ཨེ་ཝཾ མ་ཛ྄ཛྷ་ནྷི་ཀ་ས་མ་ཡེ, སཱ་ཡ་ནྷ་ས་མ་ཡེ, ཨེ་ཝ་མེ་ཝ སོ ཨཱ་ཡ་སྨཱ ཙི་ཏྟ་སྶ སུ་བྷཱ་ཝི་ཏ་ཏྟཱ ཡ་ཐཱ་རཱུ་པེ་ན ཝི་ཧཱ་རེ་ན ཨཱ་ཀ་ངྑ་ཏི པུ་བྦ་ཎྷ་ས་མ་ཡཾ ཝི་ཧ་རི་ཏུཾ, ཏ་ཐཱ་རཱུ་པེ་ན [ཡ་ཐཱ་རཱུ་པེ་ན (པཱི. ཀ.)] པུ་བྦ་ཎྷ་ས་མ་ཡཾ ཝི་ཧ་ར་ཏི, མ་ཛ྄ཛྷ་ནྷི་ཀ་ས་མ་ཡེ, སཱ་ཡ་ནྷ་ས་མ་ཡེ. ཏེ་ན ཝེ་ས ཨཱ་ཡ་སྨ་ཏཱ ཨུ་པ་མཱ་ཡ མེ ཨཱ་སི་ཏཱ་ཡ པ་ཐ་ཝཱི ཝཱ ཨ་ནུ་ཏྟ་རཱ ཨི་ནྡྲི་ཡ་བྷཱ་ཝ་ནཱ བྷཱ་ཝི་ཏ་ཙི་ཏྟེ་ན. ཏེ་ན སོ ཨཱ་ཡ་སྨཱ ཨི་དཾ ཨ་ཊྛ་ཝི་དྷཾ བྷཱ་ཝ་ནཾ པ་ཊི་ཛཱ་ནཱ་ཏི ཙ་ཏཱུ་སུ མ་ཧཱ་བྷཱུ་ཏེ་སུ, ཀཱ་ཡ་བྷཱ་ཝ་ནཾ ཨུ་པ་ཀ་ཙ་ཎྜཱ་ལཾ པུ་རི་ས་མེ་ཏ་ཀཾ བྷ་ཝ་ཏ་ལཱ་ཀཱ་སུ ཙི་ཏྟ་བྷཱ་ཝ་ནཾ, ཨི་མཱ་ཧི བྷཱ་ཝ་ནཱ་ཧི ཏཱ་ཡ བྷཱ་ཝ་ནཱ་ཡ ཙ ས་མ་ཐཱ པཱ་རི་པཱུ་རི་མ་ནྟེ་ཧི. ཨི་མེ་ཧི ཙ་ཏཱུ་ཧི པ་ཉྙཱ་པཱ་རི་པཱུ་རི་མ་ནྟེ་ཧི.
༩༧. ཀ་ཐཾ ཨུ་པ་ཀ་ཙ་ཎྜཱ་ལཾ པ་ཊི་ཀཱུ་ལེ་སུ དྷ་མྨེ་སུ ཨ་པྤ་ཊི་ཀཱུ་ལ་ས་ཉྙཱི ཝི་ཧ་ར་ཏི? ཀཱ་ཡོ པ་ཀ་ཏི་ཡཱ ཨ་པྤ་ཊི་ཀཱུ་ལཾ ཀཱ་ཡེ ཨུ་དྡྷུ་མཱ་ཏ་ཀ་ས་ཉྙཱ སཾ་ཁི་ཏྟེ་ན ན་ཝ ས་ཉྙཱ ཨི་མེ པ་ཊི་ཀཱུ་ལཱ དྷ་མྨཱ ཙེ་སོ ཨཱ་ཡ་སྨཱ པ་ཊི་ཀཱུ་ལ་ཏོ ཨ་ཛི་གུ་ཙྪི་ཏོ ཀཱ་ཡ་ག་ཏཱ་ས་ཏི་ཡཱ བྷཱ་ཝ་ནཱ་ནུ་ཡོ་ག་མ་ནུ་ཡུ་ཏྟོ ཝི་ཧ་ར་ཏི, ན ཧི ཏ་སྶ ཛི་གུ་ཙྪ་པྤ་ཧཱ་ཡ ཙི་ཏྟཾ པ་ཊི་ཀཱུ་ལ་ཏི.
ཀ་ཐཾ ཨ་པྤ་ཊི་ཀཱུ་ལེ་སུ དྷ་མྨེ་སུ པ་ཊི་ཀཱུ་ལ་ས་ཉྙཱི ཝི་ཧ་ར་ཏཱི་ཏི? ཀཱ་ཡོ ས་བྦ་ལོ་ཀ་སྶ ཨ་པྤ་ཊི་ཀཱུ་ལོ ཏཾ སོ ཨཱ་ཡ་སྨཱ ཨ་སུ་བྷ་ས་ཉྙཱ་ཡ ཝི་ཧ་ར་ཏི. ཨེ་ཝཾ ཨ་པྤ་ཊི་ཀཱུ་ལེ་སུ དྷ་མྨེ་སུ པ་ཊི་ཀཱུ་ལ་ས་ཉྙཱི ཝི་ཧ་ར་ཏི.
ཀ་ཐཾ པ་ཊི་ཀཱུ་ལེ་སུ ཙ ཨ་པྤ་ཊི་ཀཱུ་ལེ་སུ ཙ ཨ་པྤ་ཊི་ཀཱུ་ལ་ས་ཉྙཱི ཝི་ཧ་ར་ཏཱི་ཏི ཨ་པི ས་བྦོ་ཡཾ ལོ་ཀ་སྶ ཡ་མི་དཾ མུ་ཎྜོ པ་ཏྟ་པཱ་ཎཱི ཀུ་ལེ་སུ པི་ཎྜཱ་ཡ ཝི་ཙ་ར་ཏི, ཏེ་ན ཙ སོ ཨཱ་ཡ་སྨཱ སུ་ཝ་ཎྞ་དུ་བྦ་ཎྞེ་ན ཨ་པྤ་ཊི་ཀཱུ་ལ་ས་ཉྙཱི ཙི་ཏྟེ་ན ཙ ཀཱ་ཡེ་ན ནི་བྦི་དཱ་ས་ཧ་ག་ཏེ་ན ཨ་པྤ་ཊི་ཀཱུ་ལ་ས་ཉྙཱི, ཨེ་ཝཾ པ་ཊི་ཀཱུ་ལེ་སུ ཨ་པྤ་ཊི་ཀཱུ་ལེ་སུ ཙ དྷ་མྨེ་སུ ཨ་པྤ་ཊི་ཀཱུ་ལ་ས་ཉྙཱི ཝི་ཧ་ར་ཏི.
ཀ་ཐཾ པ་ཊི་ཀཱུ་ལེ་སུ ཙ དྷ་མྨེ་སུ ཨ་པྤ་ཊི་ཀཱུ་ལ་ས་ཉྙཱི ཝི་ཧ་ར་ཏི? པ་ཊི་ཀཱུ་ལེ་སུ ཙ དྷ་མྨེ་སུ སུ་བྷ་ས་ཉྙི་ནོ ཨི་ཏྠི་རཱུ་པེ པ་ཊི་ཀཱུ་ལེ་སུ ཙ ཛི་གུ་ཙྪི་ནོ ཝི་ནཱི་ལ་ཀ་ཝི་པུ་བྦ་ཀེ ཏ་ཏྠ སོ ཨཱ་ཡ་སྨཱ པ་ཊི་ཀཱུ་ལ་ས་ཉྙཱི ཝི་ཧ་ར་ཏི.
ཀ་ཐཾ པ་ཊི་ཀཱུ་ལེ་སུ དྷ་མྨེ་སུ ཏ་དུ་བྷ་ཡཾ ཨ་བྷི་ནི་ཝ་ཛྫ་ཡི་ཏྭཱ ཨུ་པེ་ཀྑ་ཀོ ཝི་ཧ་ར་ཏི ས་ཏོ ཙ ས་མྤ་ཛཱ་ནོ ཙ? ཨ་པྤ་ཊི་ཀཱུ་ལེ་སུ ཙ དྷ་མྨེ་སུ སུ་བྷ་ས་ཉྙི་ནོ ཨི་ཏྠི་རཱུ་པེ པ་ཊི་ཀཱུ་ལེ་སུ ཙ ཛི་གུ་ཙྪི་ནོ ཝི་ནཱི་ལ་ཀ་ཝི་པུ་བྦ་ཀེ ཏ་དུ་བྷ་ཡཾ ཨ་བྷི་ནི་ཝ་ཛྫ་ཡི་ཏྭཱ ‘ནེ་ཏཾ མ་མ’‘ནེ་སོ་ཧ་མ་སྨི’‘ནེ་སོ མེ’ ཨ་ཏྟཱ་ཏི ཝི་ཧ་ར་ཏི. ཨེ་ཝཾ ཏ་དུ་བྷ་ཡཾ ཨ་བྷི་ནི་ཝ་ཛྫ་ཡི་ཏྭཱ ཨུ་པེ་ཀྑ་ཀོ ཝི་ཧ་ར་ཏི ས་ཏོ ས་མྤ་ཛཱ་ནོ.
ཨ་པ་རོ པ་རི་ཡཱ་ཡོ. ཏེ་དྷཱ་ཏུ་ཀོ ལོ་ཀ་ས་ནྣི་ཝཱ་སོ ས་བྦ་བཱ་ལ་པུ་ཐུ་ཛྫ་ནཱ་ནཾ ཨ་པྤ་ཊི་ཀཱུ་ལ་ས་ཉྙཱ. ཏ་ཏྠ ཙ ཨཱ་ཡ་སྨཱ སཱ་རི་པུ་ཏྟོ ཨ་པྤ་ཊི་ཀཱུ་ལ་ས་ཉྙཱི ཝི་ཧ་ར་ཏི. ཨེ་ཝཾ ཨ་པྤ་ཊི་ཀཱུ་ལེ་སུ དྷ་མྨེ་སུ པ་ཊི་ཀཱུ་ལ་ས་ཉྙཱི ཝི་ཧ་ར་ཏི.
ཀ་ཐཾ པ་ཊི་ཀཱུ་ལེ་སུ དྷ་མྨེ་སུ ཨ་པྤ་ཊི་ཀཱུ་ལ་ས་ཉྙཱི ཝི་ཧ་ར་ཏི? པ་ཊི་ཀཱུ་ལ་ས་ཉྙི་ནོ ས་བྦ་སེ་ཀྑཱ ཨི་དྷ ཀཱ ཏེ་དྷཱ་ཏུ་ཀེ ས་བྦ་ལོ་ཀེ. ཏ་ཏྠ ཀ་ཏ་མོ བྷཱུ་མི་པྤ་ཏྟོ ས་མཱ་དྷི་ཕ་ལེ ས་ཙྪི་ཀ་ཏོ ཨ་པྤ་ཊི་ཀཱུ་ལ་ས་ཉྙཱི ཝི་ཧ་ར་ཏི? ཀིཾ ཀཱ་ར་ཎཾ? ན ཧི ཏཾ ཨ་ཏྠི ཡ་སྶ ལོ་ཀ་སྶ པ་ཧཱ་ནཱ་ཡ པ་ཊི་ཀཱུ་ལ་ས་ཉྙཱི ཨུ་པྤཱ་དེ་ཡྻ.
ཀ་ཐཾ པ་ཊི་ཀཱུ་ལེ་སུ ཙ ཨ་པྤ་ཊི་ཀཱུ་ལེ་སུ ཙ དྷ་མྨེ་སུ པ་ཊི་ཀཱུ་ལ་ས་ཉྙཱི ཝི་ཧ་ར་ཏི? ཏེ་དྷཱ་ཏུ་ཀེ ལོ་ཀ་ས་ནྣི་ཝཱ་སེ ཡཱ་ཝ ཀཱ་མ་ལོ་ཀ་བྷཱུ་མ་ཏཱ ཧི རཱ་གཱ་ནཾ ཝཱི་ཏ་རཱ་གཱ་ནཾ པ་ཊི་ཀཱུ་ལ་ས་མ་ཏཱ རཱུ་པཱ་རཱུ་པ་དྷཱ་ཏུཾ ཨ་པྤ་ཊི་ཀཱུ་ལ་ས་མ་ཏཱ. ཏ་ཏྠ ཙ ཨཱ་ཡ་སྨཱ སཱ་རི་པུ་ཏྟོ པ་ཊི་ཀཱུ་ལ་ས་ཉྙཱི ཝི་ཧ་ར་ཏི. ཨེ་ཝཾ པ་ཊི་ཀཱུ་ལེ་སུ ཙ ཨ་པྤ་ཊི་ཀཱུ་ལེ་སུ ཙ དྷ་མྨེ་སུ པ་ཊི་ཀཱུ་ལ་ས་ཉྙཱི ཝི་ཧ་ར་ཏི.
ཀ་ཐཾ པ་ཊི་ཀཱུ་ལེ་སུ ཙ ཨ་པྤ་ཊི་ཀཱུ་ལེ་སུ ཙ དྷ་མྨེ་སུ ཨ་པྤ་ཊི་ཀཱུ་ལ་ས་ཉྙཱི ཝི་ཧ་ར་ཏི? ཡཾ ཀི་ཉྩི པ་ར་ཏོ དུ་རུ་ཏྟཱ་ནཾ དུ་རཱ་ག་ཏཱ་ནཾ ཝ་ཙ་ན་པ་ཐཱ་ནཾ ཏཾ ཝ་ཙ་ནཾ ཨ་པྤ་ཊི་ཀཱུ་ལཾ ཡཱ་ཝ་ཏཱ ཝཱ་ཙ་སོ ཨ་པྤ་ཏི་རཱུ་པཱ ཏ་ཐཱ ཛ་ན་སྶ ཨ་པྤ་ཊི་ཀཱུ་ལ་ས་ཉྙཱ. ཏ་ཏྠ ཨཱ་ཡ་སྨཱ སཱ་རི་པུ་ཏྟོ ཨ་བྷི་ཉྙཱ་ཡ ས་ཙྪི་ཀ་ཏོ ཨ་པྤ་ཊི་ཀཱུ་ལ་ས་ཉྙཱི ཝི་ཧ་ར་ཏི, ཨེ་ཝཾ པ་ཊི་ཀཱུ་ལེ་སུ ཙ ཨ་པྤ་ཊི་ཀཱུ་ལེ་སུ ཙ དྷ་མྨེ་སུ ཨ་པྤ་ཊི་ཀཱུ་ལ་ས་ཉྙཱི ཝི་ཧ་ར་ཏི.
༩༨. ཀ་ཐཾ པ་ཊི་ཀཱུ་ལེ་སུ ཙ ཨ་པྤ་ཊི་ཀཱུ་ལེ་སུ ཙ དྷ་མྨེ་སུ ཏ་དུ་བྷ་ཡཾ ཨ་བྷི་ནི་ཝ་ཛྫ་ཡི་ཏྭཱ ཨུ་པེ་ཀྑ་ཀོ ཙ ཝི་ཧ་ར་ཏི ས་ཏོ ཙ ས་མྤ་ཛཱ་ནོ? ཡ་ཉྩ ནེ་སཾ ས་མ་ནུ་པ་སྶ་ཏི ཡེ དྷ་མྨཱ དུ་ཙྩ་རི་ཏཱ, ཏེ དྷ་མྨཱ ཨ་པྤ་ཊི་ཀཱུ་ལཱ. ཏ་ཏྠ ཨཱ་ཡ་སྨཱ སཱ་རི་པུ་ཏྟོ ཨི་ཏི པ་ཊི་ས་ཉྩི་ཀྑ་ཏི ཡེ དྷ་མྨཱ དུ་ཙྩ་རི་ཏཱ, ཏེ དྷ་མྨཱ ཨ་ནི་ཊྛ་ཝི་པཱ་ཀཱ. ཡེ དྷ་མྨཱ སུ་ཙ་རི་ཏཱ, ཏེ ཨཱ་ཙ་ཡ་གཱ་མི་ནོ. སོ ཙ སུ་ཙ་རི་ཏཾ ཨཱ་ཙ་ཡ་གཱ་མི་ནིཾ ཀ་རི་ཏྭཱ དུ་ཙྩ་རི་ཏཾ ཨ་ནི་ཊྛ་ཝི་པཱ་ཀཾ ཀ་རི་ཏྭཱ ཏ་དུ་བྷ་ཡཾ ཨ་བྷི་ནི་ཝ་ཛྫ་ཡི་ཏྭཱ ཨུ་པེ་ཀྑ་ཀོ ཝི་ཧ་ར་ཏི.
ཨ་ཐ པ་ཊི་ཀཱུ་ལེ་སུ ཙ དྷ་མྨེ་སུ ཨ་པྤ་ཊི་ཀཱུ་ལེ་སུ ཙ པ་ཊི་ཀཱུ་ལ་ས་ཉྙཱི ཝི་ཧ་ར་ཏི. ཏ་ཎྷཱ པ་ཊི་ཀཱུ་ལ་དྷ་མྨཱ ཀིཾ ཀཱ་ར་ཎཾ? ཏ་ཎྷཱ་ཝ་སེ་ན ཧི ས་ཏྟཱ དྭཱི་ཧི དྷ་མྨེ་ཧི ས་ཏྟཱ, ཀ་བ་ལཱི༹་ཀཱ་རེ ཨཱ་ཧཱ་རེ ར་ས་ཏ་ཎྷཱ་ཡ ས་ཏྟཱ, ཕ་སྶེ སུ་ཁ་ས་ཉྙཱ་ཡ ས་ཏྟཱ. ཏ་ཏྠཱ་ཡ་སྨཱ སཱ་རི་པུ་ཏྟོ ཀ་བ་ལཱི༹་ཀཱ་རེ ཙ ཨཱ་ཧཱ་རེ པ་ཊི་ཀཱུ་ལ་ས་ཉྙཱི ཝི་ཧ་ར་ཏི, ཕ་སྶེ ཙ དུ་ཀྑ་ས་ཉྙཱི ཝི་ཧ་ར་ཏི. ཨེ་ཝཾ པ་ཊི་ཀཱུ་ལེ་སུ ཙ ཨ་པྤ་ཊི་ཀཱུ་ལེ་སུ ཙ པ་ཊི་ཀཱུ་ལ་ས་ཉྙཱི ཝི་ཧ་ར་ཏི.
ཀ་ཐཾ པ་ཊི་ཀཱུ་ལེ་སུ ཙ དྷ་མྨེ་སུ ཨ་པྤ་ཊི་ཀཱུ་ལེ་སུ ཙ དྷ་མྨེ་སུ ཨ་པྤ་ཊི་ཀཱུ་ལ་ས་ཉྙཱི ཝི་ཧ་ར་ཏི? ཏ་ཎྷཱ་ཀྑ་ཡཾ ཨ་ནུ་ཏྟ་རཾ ནི་བྦཱ་ནཾ ཏ་ཐཱ བཱ་ལ་པུ་ཐུ་ཛྫ་ནཱ་ནཾ པ་ཊི་ཀཱུ་ལ་ས་ཉྙཱ པ་ཧ་ཏ་ས་ཉྙཱ ཙ. ཏ་ཏྠཱ་ཡ་སྨ་ཏོ སཱ་རི་པུ་ཏྟ་སྶ ཨ་པྤ་ཊི་ཀཱུ་ལ་ས་ཉྙཱ ཨ་བྱཱ་པཱ་ད་ས་ཉྙཱ ཙ སཱ་མཾ པ་ཉྙཱ་ཡ པ་སྶི་ཏྭཱ ཨེ་ཝཾ པ་ཊི་ཀཱུ་ལེ་སུ ཙ དྷ་མྨེ་སུ ཨ་པྤ་ཊི་ཀཱུ་ལ་ས་ཉྙཱི ཝི་ཧ་ར་ཏི.
ཀ་ཐཾ པ་ཊི་ཀཱུ་ལེ་སུ ཙ ཨ་པྤ་ཊི་ཀཱུ་ལེ་སུ ཙ དྷ་མྨེ་སུ ཨ་པྤ་ཊི་ཀཱུ་ལ་ས་ཉྙཱི ཝི་ཧ་ར་ཏི? ཏ་ཏི་ཡེ ཙ ནི་བྦཱ་ནེ པ་ཊི་ཀཱུ་ལ་ས་ཉྙི་ནོ ཡ་སེ་ན ཙ ཀི་ཏྟི་ནི ཙ ཨ་པྤ་ཊི་ཀཱུ་ལ་ས་ཉྙི་ནོ. ཏ་ཏྠཱ་ཡ་སྨཱ སཱ་རི་པུ་ཏྟོ ཨ་སྶཱ་ད་ཉྩ ཨཱ་དཱི་ན་ཝ་ཉྩ ནི་སྶ་ར་ཎ་ཉྩ ཡ་ཐཱ་བྷཱུ་ཏཾ ས་མྨཱ་པ་ཉྙཱ་ཡ པ་ཊི་ཛཱ་ན་ནྟོ པ་ཊི་ཀཱུ་ལ་ཉྩ ཨ་པྤ་ཊི་ཀཱུ་ལ་ཉྩ དྷ་མྨཾ ཏ་དུ་བྷ་ཡཾ ཨ་བྷི་ནི་ཝ་ཛྫ་ཡི་ཏྭཱ ཨ་པྤ་ཊི་ཀཱུ་ལ་ས་ཉྙཱི ཝི་ཧ་ར་ཏི.
ཀ་ཐཾ པ་ཊི་ཀཱུ་ལཾ ཨ་པྤ་ཊི་ཀཱུ་ལ་ཉྩ དྷ་མྨཾ ཏ་དུ་བྷ་ཡཾ ཨ་བྷི་ནི་ཝ་ཛྫ་ཡི་ཏྭཱ ཨུ་པེ་ཀྑ་ཀོ ཝི་ཧ་ར་ཏི? ས་ཏོ ཙ ས་མྤ་ཛཱ་ནོ ཙ, ཡ་ཉྩ ས་མ་ནུ་པ་སྶ་ཏི ཨ་ནུ་ན་ཡོ ཨ་པྤ་ཊི་ཀཱུ་ལོ དྷ་མྨོ པ་ཊི་གྷོ ཙ པ་ཊི་ཀཱུ་ལོ དྷ་མྨོ, ཏ་ཏྠཱ་ཡ་སྨཱ སཱ་རི་པུ་ཏྟོ ཨ་ནུ་ན་ཡ་སྶ པ་ཊི་གྷ་པྤ་ཧཱི་ན་ཏྟཱ ཨུ་པེ་ཀྑ་ཀོ ཝི་ཧ་ར་ཏི ས་ཏོ ས་མྤ་ཛཱ་ནོ ཙ. ཡ་ཉྩ་སྶ ས་མ་ནུ་པ་སྶ་ཏི ཨ་ཡཾ པ་ཉྩ་ཝི་དྷཱ ཨ་ནུ་ཏྟ་རཱ ཨི་ནྡྲི་ཡ་བྷཱ་ཝ་ནཱ. ཨ་ཡཾ སུ་ཏྟ་ནི་དྡེ་སོ.
༩༩. ཏ་ཏྠ ཀ་ཏ་མོ དེ་ས་ནཱ་ཧཱ་རོ? ཨི་མ་མྷི སུ་ཏྟེ ཀིཾ དེ་སི་ཏ་བྦཾ? ཏ་ཏྠ ཝུ་ཙྩ་ཏེ, ཨི་མ་མྷི སུ་ཏྟེ དི་ཊྛ་དྷ་མྨ་སུ་ཁ་ཝི་ཧཱ་རོ དེ་སི་ཏོ, ཏ་ཐཱ ཝི་མུ་ཏྟཾ ཙི་ཏྟཾ པ་ཙྩ་ཝེ་ཀྑ་ཎཱ ཙ ཨ་དྷི་པ་ཉྙཱ་དྷ་མྨཾ དེ་སི་ཏཾ.
ཏ་ཏྠ ཀ་ཏ་མོ ཝི་ཙ་ཡོ? ཡེ ཀཱ་ཡེ ཀཱ་ཡཱ་ནུ་པ་སྶི་ནོ ཝི་ཧ་ར་ནྟི, ཏེ་སཾ ཙི་ཏྟཾ ཨ་ནུ་ན་ཡ་པྤ་ཊི་གྷེ་ན ན ཝི་ཧ་ར་ཏི ཨ་ནུ་ན་ཡ་པྤ་ཊི་གྷེ་ན ཙཱ་བྷི་ར་མ་མཱ་ན་སྶ ཙི་ཏྟཾ ས་མ་གྒ་ཏཾ བྷ་ཝི་སྶ་ཏཱི་ཏི བྷཱ་ཝ་ནཱ་ཡ བ་ལ་མེ་ཏཾ, ཨ་ཡཾ ཝི་ཙ་ཡོ ཧཱ་རོ.
ཏ་ཏྠ ཀ་ཏ་མོ ཡུ་ཏྟི་ཧཱ་རོ? ཀཱ་ཡ་བྷཱ་ཝ་ནཱ་ཡ ཙ ཙི་ཏྟ་བྷཱ་ཝ་ནཱ་ཡ ཙ ན ཀི་ཉྩི ས་བྲ་ཧྨ་ཙཱ་རཱི ཨ་ཏི་མ་ཉྙི་སྶ་ཏཱི་ཏི. ཨ་ཏྠི ཨེ་སཱ ཡུ་ཏྟི, ཨ་ཡཾ ཡུ་ཏྟི་ཧཱ་རོ.
ཏ་ཏྠ ཀ་ཏ་མོ པ་ད་ཊྛཱ་ནོ ཧཱ་རོ? ཀཱ་ཡ་བྷཱ་ཝ་ནཱ་ཡ པ་ཋ་མ་སྶ ས་ཏི ཨུ་པ་ཊྛཱ་ན་སྶ པ་ད་ཊྛཱ་ནཾ. ཡཱ པ་ཐ་ཝཱི་ས་མ་ཙི་ཏྟ་ཏཱ, སཱ ཨ་ནི་ཙྩཱ་ནུ་པ་སྶ་ནཱ་ཡ པ་ད་ཊྛཱ་ནཾ.
ཏ་ཏྠ ཀ་ཏ་མོ ལ་ཀྑ་ཎོ? ཡཾ པ་ཐ་ཝཱི་ས་མེ་ན ཙེ་ཏ་སཱ ཝི་ཧ་ར་ཏི ཨ་ཏྟཱ་ནུ་པ་སྶཱི པ་ཐ་ཝཱི་ས་མེ་ན གི་ཧཱི ཝི་ཧ་ར་ཏི. ཀོ ཨ་ཏྠོ པ་ཐ་ཝཱི་ས་མེ་ནཱ་ཏི? ཡ་ཐཱ ཡེ ཙ སེ་ལོ་པ་མ་ཏཱ་ཡ ཨ་ཀ་མྨ་ཡུ་ཏྟཱ ཨེ་ཝ་མེ་ཝ པ་ཐ་ཝཱི་ས་མོ ཨ་ཡཾ ཧི་རི་ཡ་ཏཱ་ཡ. ཨ་ཡཾ ལ་ཀྑ་ཎོ.
ཏ་ཏྠ ཀ་ཏ་མོ ཙ་ཏུ་བྱཱུ་ཧོ ཧཱ་རོ? ཨི་མ་མྷི བྱཱ་ཀ་ར་ཎེ ཀོ ཏ་སྶ ཨཱ་ཡ་སྨ་ཏོ ཨ་དྷི་པྤཱ་ཡོ? ཡེ ཀེ་ཙི ཨ་ར་ཧ་ནྟཱ ཨི་ནྡྲི་ཡ་བྷཱ་ཝ་ནཾ ཨཱ་ཀ་ངྑི་ཡ་ནྟི, ཏེ པ་ཐ་ཝཱི་ས་མ་ཏཾ ཨུ་པྤཱ་ད་ཡི་སྶ་ནྟཱི་ཏི. ཨ་ཡཾ ཨ་དྷི་པྤཱ་ཡོ.
ཏ་ཏྠ ཀ་ཏ་མོ ཨཱ་ཝ་ཊྚོ་ཏི? ན་ཏྠི ཨཱ་ཝ་ཊྚ་སྶ བྷཱུ་མི.