ན་མོ ཏ་སྶ བྷ་ག་ཝ་ཏོ ཨ་ར་ཧ་ཏོ ས་མྨཱ་ས་མྦུ་དྡྷ་སྶ

ཁུ་དྡ་ཀ་ནི་ཀཱ་ཡེ

པེ་ཊ་ཀོ་པ་དེ་ས་པཱ་ལི༹

༡. ཨ་རི་ཡ་ས་ཙྩ་པྤ་ཀཱ་ས་ན་པ་ཋ་མ་བྷཱུ་མི

ན་མོ ས་མྨཱ་ས་མྦུ་དྡྷཱ་ནཾ པ་ར་མ་ཏྠ་ད་སྶཱི་ནཾ

སཱི་ལཱ་དི་གུ་ཎ་པཱ་ར་མི་པྤ་ཏྟཱ་ནཾ.

༡. དུ་ཝེ ཧེ་ཏཱུ དུ་ཝེ པ་ཙྩ་ཡཱ སཱ་ཝ་ཀ་སྶ ས་མྨཱ་དི་ཊྛི་ཡཱ ཨུ་པྤཱ་དཱ་ཡ – པ་ར་ཏོ ཙ གྷོ་སོ ས་ཙྩཱ་ནུ་ས་ནྡྷི, ཨ་ཛ྄ཛྷ་ཏྟ་ཉྩ ཡོ་ནི་སོ མ་ན་སི་ཀཱ་རོ. ཏ་ཏྠ ཀ་ཏ་མོ པ་ར་ཏོ གྷོ་སོ? ཡཱ པ་ར་ཏོ དེ་ས་ནཱ ཨོ་ཝཱ་དོ ཨ་ནུ་སཱ་ས་ནཱི ས་ཙྩ་ཀ་ཐཱ ས་ཙྩཱ་ནུ་ལོ་མོ. ཙ་ཏྟཱ་རི ས་ཙྩཱ་ནི – དུ་ཀྑཾ ས་མུ་ད་ཡོ ནི་རོ་དྷོ མ་གྒོ. ཨི་མེ་སཾ ཙ་ཏུ་ནྣཾ ས་ཙྩཱ་ནཾ ཡཱ དེ་ས་ནཱ ས་ནྡ་སྶ་ནཱ ཝི་ཝ་ར་ཎཱ ཝི་བྷ་ཛ་ནཱ ཨུ་ཏྟཱ་ནཱི་ཀི་རི་ཡཱ [ཨུ་ཏྟཱ་ནི་ཀི་རི་ཡཱ (ཀ.)] པ་ཀཱ་ས་ནཱ – ཨ་ཡཾ ཝུ་ཙྩ་ཏི ས་ཙྩཱ་ནུ་ལོ་མོ གྷོ་སོ་ཏི.

༢. ཏ་ཏྠ ཀ་ཏ་མོ ཨ་ཛ྄ཛྷ་ཏྟཾ ཡོ་ནི་སོ མ་ན་སི་ཀཱ་རོ?

ཨ་ཛ྄ཛྷ་ཏྟཾ ཡོ་ནི་སོ མ་ན་སི་ཀཱ་རོ ནཱ་མ ཡོ ཡ་ཐཱ་དེ་སི་ཏེ དྷ་མྨེ བ་ཧི་དྡྷཱ ཨཱ་ར་མྨ་ཎཾ ཨ་ན་བྷི་ནཱི་ཧ་རི་ཏྭཱ ཡོ་ནི་སོ མ་ན་སི་ཀཱ་རོ – ཨ་ཡཾ ཝུ་ཙྩ་ཏི ཡོ་ནི་སོ མ་ན་སི་ཀཱ་རོ.

ཏཾ་ཨཱ་ཀཱ་རོ ཡོ་ནི་སོ དྭཱ་རོ ཝི་དྷི ཨུ་པཱ་ཡོ. ཡ་ཐཱ པུ་རི་སོ སུ་ཀྑེ ཀ་ཊྛེ ཝི་ག་ཏ་སྣེ་ཧེ སུ་ཀྑཱ་ཡ ཨུ་ཏྟ་རཱ་ར་ཎི་ཡཱ ཐ་ལེ ཨ་བྷི་མ་ནྠ་མཱ་ནཾ བྷ་བྦོ ཛོ་ཏི་སྶ ཨ་དྷི་ག་མཱ་ཡ. ཏཾ ཀི་སྶ ཧེ་ཏུ. ཡོ་ནི་སོ ཨ་གྒི་སྶ ཨ་དྷི་ག་མཱ་ཡ. ཨེ་ཝ་མེ་ཝ་སྶ ཡ་མི་དཾ དུ་ཀྑ་ས་མུ་ད་ཡ་ནི་རོ་དྷ་མ་གྒཱ་ནཾ ཨ་ཝི་པ་རཱི་ཏ་དྷ་མྨ་དེ་ས་ནཾ མ་ན་སི་ཀ་རོ་ཏི – ཨ་ཡཾ ཝུ་ཙྩ་ཏི ཡོ་ནི་སོ མ་ན་སི་ཀཱ་རོ.

ཡ་ཐཱ ཏི་སྶོ ཨུ་པ་མཱ པུ་བྦེ ཨ་སྶུ་ཏཱ ཙ ཨ་སྶུ་ཏ་པུ་བྦཱ ཙ པ་ཊི་བྷ་ནྟི. ཡོ ཧི ཀོ་ཙི ཀཱ་མེ་སུ ཨ་ཝཱི་ཏ་རཱ་གོ་ཏི…པེ… དུ་ཝེ ཨུ་པ་མཱ ཨ་ཡོ་ནི་སོ ཀཱ་ཏ་བྦཱ པ་ཙྪི་མེ་སུ ཝུ་ཏྟཾ. ཏ་ཏྠ ཡོ ཙ པ་ར་ཏོ གྷོ་སོ ཡོ ཙ ཨ་ཛ྄ཛྷ་ཏྟཾ ཡོ་ནི་སོ མ་ན་སི་ཀཱ་རོ – ཨི་མེ དྭེ པ་ཙྩ་ཡཱ. པ་ར་ཏོ གྷོ་སེ་ན ཡཱ ཨུ་པྤ་ཛྫ་ཏི པ་ཉྙཱ – ཨ་ཡཾ ཝུ་ཙྩ་ཏི སུ་ཏ་མ་ཡཱི པ་ཉྙཱ. ཡཱ ཨ་ཛ྄ཛྷ་ཏྟཾ ཡོ་ནི་སོ མ་ན་སི་ཀཱ་རེ་ན ཨུ་པྤ་ཛྫ་ཏི པ་ཉྙཱ – ཨ་ཡཾ ཝུ་ཙྩ་ཏི ཙི་ནྟཱ་མ་ཡཱི པ་ཉྙཱ་ཏི. ཨི་མཱ དྭེ པ་ཉྙཱ ཝེ་དི་ཏ་བྦཱ. པུ་རི་མ་ཀཱ ཙ དྭེ པ་ཙྩ་ཡཱ. ཨི་མེ དྭེ ཧེ་ཏཱུ དྭེ པ་ཙྩ་ཡཱ སཱ་ཝ་ཀ་སྶ ས་མྨཱ་དི་ཊྛི་ཡཱ ཨུ་པྤཱ་དཱ་ཡ.

༣. ཏ་ཏྠ པ་ར་ཏོ གྷོ་ས་སྶ ས་ཙྩཱ་ནུ་ས་ནྡྷི་སྶ དེ་སི་ཏ་སྶ ཨ་ཏྠཾ ཨ་ཝི་ཛཱ་ན་ནྟོ ཨ་ཏྠ་པྤ་ཊི་སཾ་ཝེ་དཱི བྷ་ཝི་སྶ་ཏཱི་ཏི ནེ་ཏཾ ཋཱ་ནཾ ཝི་ཛྫ་ཏི. ན ཙ ཨ་ཏྠ་པྤ་ཊི་སཾ་ཝེ་དཱི ཡོ་ནི་སོ མ་ན་སི་ཀ་རི་སྶ་ཏཱི་ཏི ནེ་ཏཾ ཋཱ་ནཾ ཝི་ཛྫ་ཏི. པ་ར་ཏོ གྷོ་ས་སྶ ས་ཙྩཱ་ནུ་ས་ནྡྷི་སྶ དེ་སི་ཏ་སྶ ཨ་ཏྠཾ ཝི་ཛཱ་ན་ནྟོ ཨ་ཏྠ་པྤ་ཊི་སཾ་ཝེ་དཱི བྷ་ཝི་སྶ་ཏཱི་ཏི ཋཱ་ན་མེ་ཏཾ ཝི་ཛྫ་ཏི. ཨ་ཏྠ་པྤ་ཊི་སཾ་ཝེ་དཱི ཙ ཡོ་ནི་སོ མ་ན་སི་ཀ་རི་སྶ་ཏཱི་ཏི ཋཱ་ན་མེ་ཏཾ ཝི་ཛྫ་ཏི. ཨེ་ས ཧེ་ཏུ ཨེ་ཏཾ ཨཱ་ར་མྨ་ཎཾ ཨེ་སོ ཨུ་པཱ་ཡོ སཱ་ཝ་ཀ་སྶ ནི་ཡྻཱ་ན་སྶ, ན་ཏྠ་ཉྙོ. སོ་ཡཾ ན ཙ སུ་ཏྟ་སྶ ཨ་ཏྠ་ཝི་ཛཱ་ན་ནཱ་ཡ ས་ཧ ཡུ་ཏྟོ ནཱ་པི གྷོ་སཱ་ནུ་ཡོ་གེ་ན པ་ར་ཏོ གྷོ་ས་སྶ ཨ་ཏྠཾ ཨ་ཝི་ཛཱ་ན་ནྟེ་ན ས་ཀྐཱ ཨུ་ཏྟ་རི་མ་ནུ་སྶ་དྷ་མྨཾ ཨ་ལ་མ་རི་ཡ་ཉཱ་ཎ་ད་སྶ་ནཾ ཨ་དྷི་ག་ནྟུཾ, ཏ་སྨཱ ནི་བྦཱ་ཡི་ཏུ་ཀཱ་མེ་ན སུ་ཏ་མ་ཡེ་ན ཨ་ཏྠཱ པ་རི་ཡེ་སི་ཏ་བྦཱ. ཏ་ཏྠ པ་རི་ཡེ་ས་ནཱ་ཡ ཨ་ཡཾ ཨ་ནུ་པུ་བྦཱི བྷ་ཝ་ཏི སོ་ལ༹་ས ཧཱ་རཱ, པ་ཉྩ ན་ཡཱ, ཨ་ཊྛཱ་ར་ས མཱུ་ལ་པ་དཱ་ནི.

ཏ་ཏྠཱ་ཡཾ ཨུ་དྡཱ་ན་གཱ་ཐཱ

སོ་ལ༹་ས་ཧཱ་རཱ ནེ་ཏྟཱི, པ་ཉྩ་ན་ཡཱ སཱ་ས་ན་སྶ པ་རི་ཡེ་ཊྛི;

ཨ་ཊྛཱ་ར་ས་མཱུ་ལ་པ་དཱ, ཀ་ཙྩཱ་ཡ་ན་གོ་ཏྟ་ནི་དྡི་ཊྛཱ.

༤. ཏ་ཏྠ ཀ་ཏ་མེ སོ་ལ༹་ས་ཧཱ་རཱ?

དེ་ས་ནཱ ཝི་ཙ་ཡོ ཡུ་ཏྟི པ་ད་ཊྛཱ་ནཾ ལ་ཀྑ་ཎཾ ཙ་ཏུ་བྱཱུ་ཧོ ཨཱ་ཝ་ཊྚོ ཝི་བྷ་ཏྟི པ་རི་ཝ་ཏྟ་ནོ ཝེ་ཝ་ཙ་ནོ པ་ཉྙ་ཏྟི ཨོ་ཏ་ར་ཎོ སོ་དྷ་ནོ ཨ་དྷི་ཊྛཱ་ནོ པ་རི་ཀྑཱ་རོ ས་མཱ་རོ་པ་ནོ – ཨི་མེ སོ་ལ༹་ས ཧཱ་རཱ.

ཏ་ཏྠ ཨུ་དྡཱ་ན་གཱ་ཐཱ

དེ་ས་ནཱ ཝི་ཙ་ཡོ ཡུ་ཏྟི, པ་ད་ཊྛཱ་ནོ ཙ ལ་ཀྑ་ཎོ [པ་ད་ཊྛཱ་ན་ཉྩ ལ་ཀྑ་ཎཾ (པཱི.)];

ཙ་ཏུ་བྱཱུ་ཧོ ཙ ཨཱ་ཝ་ཊྚོ, ཝི་བྷ་ཏྟི པ་རི་ཝ་ཏྟ་ནོ.

ཝེ་ཝ་ཙ་ནོ ཙ པ་ཉྙ་ཏྟི, ཨོ་ཏ་ར་ཎོ ཙ སོ་དྷ་ནོ;

ཨ་དྷི་ཊྛཱ་ནོ པ་རི་ཀྑཱ་རོ, ས་མཱ་རོ་པ་ནོ སོ་ལ༹་སོ – [སོ་ལ༹་ས ཧཱ་རཱ (པཱི. ཀ.)];

༥. ཏ་ཏྠ ཀ་ཏ་མེ པ་ཉྩ ན་ཡཱ?

ན་ནྡི་ཡཱ་ཝ་ཊྚོ ཏི་པུ་ཀྑ་ལོ སཱི་ཧ་ཝི་ཀྐཱི་ལི༹་ཏོ དི་སཱ་ལོ་ཙ་ནོ ཨ་ངྐུ་སོ་ཏི.

ཏ་ཏྠ ཨུ་དྡཱ་ན་གཱ་ཐཱ

པ་ཋ་མོ ན་ནྡི་ཡཱ་ཝ་ཊྚོ, དུ་ཏི་ཡོ ཙ ཏི་པུ་ཀྑ་ལོ;

སཱི་ཧ་ཝི་ཀྐཱི་ལི༹་ཏོ ནཱ་མ, ཏ་ཏི་ཡོ ཧོ་ཏི སོ ན་ཡོ.

དི་སཱ་ལོ་ཙ་ན་མཱ་ཧཾ་སུ, ཙ་ཏུ་ཏྠོ ན་ཡ་ལ་ཉྫ་ཀོ;

པ་ཉྩ་མོ ཨ་ངྐུ་སོ ནཱ་མ [པ་ཉྩ་མཾ ཨ་ངྐུ་སཾ ཨཱ་ཧུ (པཱི. ཀ.)], ས་བྦེ པ་ཉྩ ན་ཡཱ ག་ཏཱ.

༦. ཏ་ཏྠ ཀ་ཏ་མཱ་ནི ཨ་ཊྛཱ་ར་ས མཱུ་ལ་པ་དཱ་ནི?

ཨ་ཝི་ཛྫཱ ཏ་ཎྷཱ ལོ་བྷོ དོ་སོ མོ་ཧོ སུ་བྷ་ས་ཉྙཱ སུ་ཁ་ས་ཉྙཱ ནི་ཙྩ་ས་ཉྙཱ ཨ་ཏྟ་ས་ཉྙཱ ས་མ་ཐོ ཝི་པ་སྶ་ནཱ ཨ་ལོ་བྷོ ཨ་དོ་སོ ཨ་མོ་ཧོ ཨ་སུ་བྷ་ས་ཉྙཱ དུ་ཀྑ་ས་ཉྙཱ ཨ་ནི་ཙྩ་ས་ཉྙཱ ཨ་ན་ཏྟ་ས་ཉྙཱ, ཨི་མཱ་ནི ཨ་ཊྛཱ་ར་ས མཱུ་ལ་པ་དཱ་ནི. ཏ་ཏྠ ན་ཝ པ་དཱ་ནི ཨ་ཀུ་ས་ལཱ་ནི ཡ་ཏྠ ས་བྦཾ ཨ་ཀུ་ས་ལཾ ས་མོ་ས་ར་ཏི. ན་ཝ པ་དཱ་ནི ཀུ་ས་ལཱ་ནི ཡ་ཏྠ ས་བྦཾ ཀུ་ས་ལཾ ས་མོ་ས་ར་ཏི.

ཀ་ཏ་མཱ་ནི ན་ཝ པ་དཱ་ནི ཨ་ཀུ་ས་ལཱ་ནི ཡ་ཏྠ ས་བྦཾ ཨ་ཀུ་ས་ལཾ ས་མོ་ས་ར་ཏི?

ཨ་ཝི་ཛྫཱ ཡཱ་ཝ ཨ་ཏྟ་ས་ཉྙཱ, ཨི་མཱ་ནི ན་ཝ པ་དཱ་ནི ཨ་ཀུ་ས་ལཱ་ནི, ཡ་ཏྠ ས་བྦཾ ཨ་ཀུ་ས་ལཾ ས་མོ་ས་ར་ཏི.

ཀ་ཏ་མཱ་ནི ན་ཝ པ་དཱ་ནི ཀུ་ས་ལཱ་ནི ཡ་ཏྠ ས་བྦཾ ཀུ་ས་ལཾ ས་མོ་ས་ར་ཏི?

ས་མ་ཐོ ཡཱ་ཝ ཨ་ན་ཏྟ་ས་ཉྙཱ, ཨི་མཱ་ནི ན་ཝ པ་དཱ་ནི ཀུ་ས་ལཱ་ནི ཡ་ཏྠ ས་བྦཾ ཀུ་ས་ལཾ ས་མོ་ས་ར་ཏི. ཨི་མཱ་ནི ཨ་ཊྛཱ་ར་ས མཱུ་ལ་པ་དཱ་ནི.

ཏ་ཏྠ ཨི་མཱ ཨུ་དྡཱ་ན་གཱ་ཐཱ

ཏ་ཎྷཱ ཙ ཨ་ཝི་ཛྫཱ ལོ་བྷོ, དོ་སོ ཏ་ཐེ་ཝ མོ་ཧོ ཙ;

ཙ་ཏྟཱ་རོ ཙ ཝི་པ་ལླཱ་སཱ, ཀི་ལེ་ས་བྷཱུ་མི ན་ཝ པ་དཱ་ནི.

ཡེ ཙ ས་ཏི་པ་ཊྛཱ་ནཱ ས་མ་ཐོ, ཝི་པ་སྶ་ནཱ ཀུ་ས་ལ་མཱུ་ལཾ;

ཨེ་ཏཾ ས་བྦཾ ཀུ་ས་ལཾ, ཨི་ནྡྲི་ཡ་བྷཱུ་མི ན་ཝ་པ་དཱ་ནི.

ས་བྦཾ ཀུ་ས་ལཾ ན་ཝ་ཧི པ་དེ་ཧི ཡུ་ཛྫ་ཏི, ན་ཝ་ཧི ཙེ་ཝ ཨ་ཀུ་ས་ལཾ;

ཨེ་ཀ་ཀེ ན་ཝ མཱུ་ལ་པ་དཱ་ནི, ཨུ་བྷ་ཡ་ཏོ ཨ་ཊྛཱ་ར་ས མཱུ་ལ་པ་དཱ་ནི.

ཨི་མེ་སཾ ཨ་ཊྛཱ་ར་ས་ནྣཾ མཱུ་ལ་པ་དཱ་ནཾ ཡཱ་ནི ན་ཝ པ་དཱ་ནི ཨ་ཀུ་ས་ལཱ་ནི, ཨ་ཡཾ དུ་ཀྑ་ས་མུ་ད་ཡོ; ཡཱ་ནི ན་ཝ པ་དཱ་ནི ཀུ་ས་ལཱ་ནི, ཨ་ཡཾ དུ་ཀྑ་ནི་རོ་དྷ་གཱ་མི་ནཱི པ་ཊི་པ་དཱ. ཨི་ཏི ས་མུ་ད་ཡ་སྶ དུ་ཀྑཾ ཕ་ལཾ, དུ་ཀྑ་ནི་རོ་དྷ་གཱ་མི་ནི་ཡཱ པ་ཊི་པ་དཱ་ཡ ནི་རོ་དྷཾ ཕ་ལཾ. ཨི་མཱ་ནི ཙ་ཏྟཱ་རི ཨ་རི་ཡ་ས་ཙྩཱ་ནི བྷ་ག་ཝ་ཏཱ བཱ་རཱ་ཎ་སི་ཡཾ དེ་སི་ཏཱ་ནི.

༧. ཏ་ཏྠ དུ་ཀྑ་སྶ ཨ་རི་ཡ་ས་ཙྩ་སྶ ཨ་པ་རི་མཱ་ཎཱ་ནི ཨ་ཀྑ་རཱ་ནི པ་དཱ་ནི བྱ་ཉྫ་ནཱ་ནི ཨཱ་ཀཱ་རཱ་ནི ནི་རུ་ཏྟི་ཡོ ནི་དྡེ་སཱ དེ་སི་ཏཱ ཨེ་ཏ་སྶེ་ཝ་ཏྠ་སྶ ས་ངྐཱ་ས་ནཱ་ཡ པ་ཀཱ་ས་ནཱ་ཡ ཝི་ཝ་ར་ཎཱ་ཡ ཝི་བྷ་ཛ་ནཱ་ཡ ཨུ་ཏྟཱ་ནཱི་ཀ་མྨ་ཏཱ་ཡ པ་ཉྙཱ་པ་ནཱ་ཡཱ་ཏི ཡཱ ཨེ་ཝཾ ས་བྦེ་སཾ ས་ཙྩཱ་ནཾ. ཨི་ཏི ཨེ་ཀ་མེ་ཀཾ ས་ཙྩཾ ཨ་པ་རི་མཱ་ཎེ་ཧི ཨ་ཀྑ་ར་པ་ད་བྱ་ཉྫ་ན་ཨཱ་ཀཱ་ར་ནི་རུ་ཏྟི་ནི་དྡེ་སེ་ཧི པ་རི་ཡེ་སི་ཏ་བྦཾ, ཏ་ཉྩ བྱ་ཉྫ་ནཾ ཨ་ཏྠ་པུ་ཐུ་ཏྟེ་ན པ་ན ཨ་ཏྠེ་ཝ བྱ་ཉྫ་ན་པུ་ཐུ་ཏྟེ་ན.

ཡོ ཧི ཀོ་ཙི ས་མ་ཎོ ཝཱ བྲཱ་ཧྨ་ཎོ ཝཱ ཨེ་ཝཾ ཝ་དེ་ཡྻ ‘‘ཨ་ཧཾ ཨི་དཾ དུ་ཀྑཾ པ་ཙྩ་ཀྑཱ་ཡ ཨ་ཉྙཾ དུ་ཀྑཾ པ་ཉྙ་པེ་སྶཱ་མཱི’’ཏི ཏ་སྶ ཏཾ ཝཱ་ཙཱ་ཝ་ཏྠུ་ཀ་མེ་ཝ་སྶ པུ་ཙྪི་ཏོ ཙ ན ས་མྤཱ་ཡི་སྶ་ཏི. ཨེ་ཝཾ ས་ཙྩཱ་ནི. ཡ་ཉྩ ར་ཏྟིཾ བྷ་ག་ཝཱ ཨ་བྷི་ས་མྦུ་དྡྷོ, ཡ་ཉྩ ར་ཏྟིཾ ཨ་ནུ་པཱ་དཱ་ཡ པ་རི་ནི་བྦུ་ཏོ, ཨེ་ཏྠ་ནྟ་རེ ཡཾ ཀི་ཉྩི བྷ་ག་ཝ་ཏཱ བྷཱ་སི་ཏཾ སུ་ཏྟཾ གེ་ཡྻཾ ཝེ་ཡྻཱ་ཀ་ར་ཎཾ གཱ་ཐཱ ཨུ་དཱ་ནཾ ཨི་ཏི་ཝུ་ཏྟ་ཀཾ ཛཱ་ཏ་ཀཾ ཨ་བྦྷུ་ཏ་དྷ་མྨཾ ཝེ་ད་ལླཾ, ས་བྦཾ ཏཾ དྷ་མྨ་ཙ་ཀྐཾ པ་ཝ་ཏྟི་ཏཾ. ན ཀི་ཉྩི བུ་དྡྷཱ་ནཾ བྷ་ག་ཝ་ནྟཱ་ནཾ དྷ་མྨ་དེ་ས་ནཱ་ཡ དྷ་མྨ་ཙ་ཀྐ་ཏོ བ་ཧི་དྡྷཱ, ཏ་སྶ ས་བྦཾ སུ་ཏྟཾ ཨ་རི་ཡ་དྷ་མྨེ་སུ པ་རི་ཡེ་སི་ཏ་བྦཾ. ཏ་ཏྠ པ་རི་གྒ་ཎྷ་ནཱ་ཡ ཨཱ་ལོ་ཀ་ས་བྷཱ་ནི ཙ་ཏྟཱ་རི ཨ་རི་ཡ་ས་ཙྩཱ་ནི ཐཱ་ཝ་རཱ་ནི ཨི་མཱ་ནི.

ཏ་ཏྠ ཀ་ཏ་མཾ དུ་ཀྑཾ? ཛཱ་ཏི ཛ་རཱ བྱཱ་དྷི མ་ར་ཎཾ སཾ་ཁི་ཏྟེ་ན པ་ཉྩུ་པཱ་དཱ་ན་ཀྑ་ནྡྷཱ དུ་ཀྑཱ. ཏ་ཏྠཱ་ཡཾ ལ་ཀྑ་ཎ་ནི་དྡེ་སོ, པཱ་ཏུ་བྷཱ་ཝ་ལ་ཀྑ་ཎཱ ཛཱ་ཏི, པ་རི་པཱ་ཀ་ལ་ཀྑ་ཎཱ ཛ་རཱ, དུ་ཀྑ་དུ་ཀྑ་ཏཱ་ལ་ཀྑ་ཎོ བྱཱ་དྷི, ཙུ་ཏི་ལ་ཀྑ་ཎཾ མ་ར་ཎཾ, པི་ཡ་ཝི་པྤ་ཡོ་ག་ཝི་པ་རི་ཎཱ་མ་པ་རི་ཏཱ་པ་ན་ལ་ཀྑ་ཎོ སོ་ཀོ, ལཱ་ལ་པྤ་ན་ལ་ཀྑ་ཎོ པ་རི་དེ་ཝོ, ཀཱ་ཡ་ས་མྤཱི་ལ༹་ན་ལ་ཀྑ་ཎཾ དུ་ཀྑཾ, ཙི་ཏྟ་ས་མྤཱི་ལ༹་ན་ལ་ཀྑ་ཎཾ དོ་མ་ན་སྶཾ, ཀི་ལེ་ས་པ་རི་ད་ཧ་ན་ལ་ཀྑ་ཎོ ཨུ་པཱ་ཡཱ་སོ, ཨ་མ་ནཱ་པ་ས་མོ་དྷཱ་ན་ལ་ཀྑ་ཎོ ཨ་པྤི་ཡ་ས་མྤ་ཡོ་གོ, མ་ནཱ་པ་ཝི་ནཱ་བྷཱ་ཝ་ལ་ཀྑ་ཎོ པི་ཡ་ཝི་པྤ་ཡོ་གོ, ཨ་དྷི་པྤཱ་ཡ་ཝི་ཝ་ཏྟ་ན་ལ་ཀྑ་ཎོ ཨ་ལཱ་བྷོ, ཨ་པ་རི་ཉྙཱ་ལ་ཀྑ་ཎཱ པ་ཉྩུ་པཱ་དཱ་ན་ཀྑ་ནྡྷཱ, པ་རི་པཱ་ཀ་ཙུ་ཏི་ལ་ཀྑ་ཎཾ ཛ་རཱ་མ་ར་ཎཾ, པཱ་ཏུ་བྷཱ་ཝ་ཙུ་ཏི་ལ་ཀྑ་ཎཾ ཙུ་ཏོ་པ་པ་ཏྟི, པ་ཊི་ས་ནྡྷི་ནི་བྦ་ཏྟ་ན་ལ་ཀྑ་ཎོ ས་མུ་ད་ཡོ, ས་མུ་ད་ཡ་པ་རི་ཛ་ཧ་ན་ལ་ཀྑ་ཎོ ནི་རོ་དྷོ, ཨ་ནུ་ས་ཡ་ས་མུ་ཙྪེ་ད་ལ་ཀྑ་ཎོ མ་གྒོ. བྱཱ་དྷི་ལ་ཀྑ་ཎཾ དུ་ཀྑཾ, ས་ཉྫཱ་ན་ན་ལ་ཀྑ་ཎོ ས་མུ་ད་ཡོ, ནི་ཡྻཱ་ནི་ཀ་ལ་ཀྑ་ཎོ མ་གྒོ, ས་ནྟི་ལ་ཀྑ་ཎོ ནི་རོ་དྷོ. ཨ་པྤ་ཊི་ས་ནྡྷི་བྷཱ་ཝ་ནི་རོ་དྷ་ལ་ཀྑ་ཎཱ ཨ་ནུ་པཱ་དི་སེ་སཱ ནི་བྦཱ་ན་དྷཱ་ཏུ, དུ་ཀྑ་ཉྩ ས་མུ་ད་ཡོ ཙ, དུ་ཀྑ་ཉྩ ནི་རོ་དྷོ ཙ, དུ་ཀྑ་ཉྩ མ་གྒོ ཙ, ས་མུ་ད་ཡོ ཙ དུ་ཀྑ་ཉྩ, ས་མུ་ད་ཡོ ཙ ནི་རོ་དྷོ ཙ, ས་མུ་ད་ཡོ ཙ མ་གྒོ ཙ, ནི་རོ་དྷོ ཙ ས་མུ་ད་ཡོ ཙ, ནི་རོ་དྷོ ཙ དུ་ཀྑ་ཉྩ, ནི་རོ་དྷོ ཙ མ་གྒོ ཙ, མ་གྒོ ཙ ནི་རོ་དྷོ ཙ, མ་གྒོ ཙ ས་མུ་ད་ཡོ ཙ, མ་གྒོ ཙ དུ་ཀྑ་ཉྩ.

༨. ཏ་ཏྠི་མཱ་ནི སུ་ཏྟཱ་ནི.

‘‘ཡ་མེ་ཀ་ར་ཏྟིཾ [ཛཱ་ཏ་ཀ ༡ ཝཱི་ས་ཏི་ནི་པཱ་ཏེ ཨ་ཡོ་གྷ་ར་ཛཱ་ཏ་ཀེ] པ་ཋ་མཾ, ག་བྦྷེ ཝ་ས་ཏི མཱ་ཎ་ཝོ;

ཨ་བྦྷུ་ཊྛི་ཏོ་ཝ སོ ཡཱ་ཏི, ས ག་ཙྪཾ ན ནི་ཝ་ཏྟ་ཏཱི’’ཏི.

ཨ་ཊྛི་མཱ, ཨཱ་ན་ནྡ, དཱ་ནུ་པ་པ་ཏྟི་ཡོ ཨེ་ཀུ་ཏྟ་རི་ཀེ སུ་ཏྟཾ – ཨ་ཡཾ ཛཱ་ཏི.

ཏ་ཏྠ ཀ་ཏ་མཱ ཛ་རཱ?

ཨ་ཙ་རི་ཏྭཱ [དྷ. པ. ༡༥༥] བྲ་ཧྨ་ཙ་རི་ཡཾ, ཨ་ལ་དྡྷཱ ཡོ་བྦ་ནེ དྷ་ནཾ;

ཛི་ཎྞ་ཀོ་ཉྩཱ་ཝ ཛྷཱ་ཡ་ནྟི, ཁཱི་ཎ་མ་ཙྪེ་ཝ པ་ལླ་ལེ.

པ་ཉྩ པུ་བྦ་ནི་མི་ཏྟཱ་ནི དེ་ཝེ་སུ – ཨ་ཡཾ ཛ་རཱ.

ཏ་ཏྠ ཀ་ཏ་མོ བྱཱ་དྷི?

སཱ་མཾ ཏེ་ན ཀུ་ཏོ རཱ་ཛ, ཏུ་ཝ་མྤི ཛ་རཱ་ཡ་ནྟི ཝེ་དེ་སི;

ཁ་ཏྟི་ཡ ཀ་མྨ་སྶ ཕ་ལོ, ལོ་ཀོ ན ཧི ཀ་མྨཾ པ་ན་ཡ་ཏི.

ཏ་ཡོ གི་ལཱ་ནཱ – ཨ་ཡཾ བྱཱ་དྷི.

ཏ་ཏྠ ཀ་ཏ་མཾ མ་ར་ཎཾ?

ཡ་ཐཱ་པི [དཱི་གྷ་ནི་ཀཱ་ཡེ ཨ་དྷོ་ལི་ཁི་ཏ་གཱ་ཐཱ] ཀུ་མྦྷ་ཀཱ་ར་སྶ, ཀ་ཏཾ མ་ཏྟི་ཀ་བྷཱ་ཛ་ནཾ;

ཁུ་དྡ་ཀ་ཉྩ མ་ཧ་ནྟ་ཉྩ, ཡཾ པ་ཀྐཾ ཡ་ཉྩ ཨཱ་མ་ཀཾ;

ས་བྦཾ བྷེ་ད་ན་པ་རི་ཡ་ནྟཾ, ཨེ་ཝཾ མ་ཙྩཱ་ན ཛཱི་ཝི་ཏཾ.

མ་མཱ་ཡི་ཏེ པ་སྶ་ཐ ཕ་ནྡ་མཱ་ནེ [ཧ་ཉྙ་མཱ་ནེ (པཱི) པ་སྶ སུ. ནི. ༧༨༣], མ་ཙྪེ་ཝ ཨ་པྤོ་ད་ཀེ ཁཱི་ཎ་སོ་ཏེ;

ཨེ་ཏ་མྤི དི་སྭཱ ཨ་མ་མོ ཙ་རེ་ཡྻ, བྷ་ཝེ་སུ ཨཱ་ས་ཏྟི་མ་ཀུ་བྦ་མཱ་ནོ.

ཨུ་ད་ཀ་པྤ་ན་སུ་ཏྟཾ – ཨི་དཾ མ་ར་ཎཾ.

ཏ་ཏྠ ཀ་ཏ་མོ སོ་ཀོ?

ཨི་དྷ སོ་ཙ་ཏི པེ་ཙྩ སོ་ཙ་ཏི, པཱ་པ་ཀཱ་རཱི ཨུ་བྷ་ཡ་ཏྠ སོ་ཙ་ཏི;

སོ སོ་ཙ་ཏི སོ ཝི་ཧ་ཉྙ་ཏི, དི་སྭཱ ཀ་མྨ་ཀི་ལི་ཊྛ་མ་ཏྟ་ནོ [ཀ་མྨ་ཀི་ལི་ཊྛཾ ཨ་ཏྠ་ནོ (པཱི.) པ་སྶ དྷ. པ. ༡༥].

ཏཱི་ཎི དུ་ཙྩ་རི་ཏཱ་ནི – ཨ་ཡཾ སོ་ཀོ.

ཏ་ཏྠ ཀ་ཏ་མོ པ་རི་དེ་ཝོ?

ཀཱ་མེ་སུ [སུ. ནི. ༧༨༠] གི་དྡྷཱ པ་སུ་ཏཱ པ་མཱུ་ལ༹ྷཱ, ཨ་ཝ་དཱ་ནི་ཡཱ ཏེ ཝི་ས་མེ ནི་ཝི་ཊྛཱ;

དུ་ཀྑཱུ་པ་ནཱི་ཏཱ པ་རི་དེ་ཝ་ཡ་ནྟི, ཀིཾ་སུ བྷ་ཝི་སྶཱ་མ ཨི་ཏོ ཙུ་ཏཱ་སེ.

ཏི་སྶོ ཝི་པ་ཏྟི་ཡོ – ཨ་ཡཾ པ་རི་དེ་ཝོ.

ཏ་ཏྠ ཀ་ཏ་མཾ དུ་ཀྑཾ?

ས་ཏཾ ཨཱ་སི ཨ་ཡོ་ས་ངྐཱུ [ཨ་ཡོ་ས་ངྐུ (པཱི. ཀ.) པ་སྶ ཐེ་ར་གཱ. ༡༡༩༧], ས་བྦེ པ་ཙྩ་ཏྟ་ཝེ་ད་ནཱ;

ཛ་ལི་ཏཱ ཛཱ་ཏ་ཝེ་དཱ་ཝ, ཨ་ཙྩི་ས་ངྒྷ་ས་མཱ་ཀུ་ལཱ.

མ་ཧཱ ཝ་ཏ སོ པ་རི་ལཱ༹་ཧོ [པ་རི་དཱ་གྷོ (པཱི. ཀ.) པ་སྶ སཾ. ནི. ༥.༡༡༡༣] སཾ་ཡུ་ཏྟ་ཀེ སུ་ཏྟཾ ས་ཙྩ་སཾ་ཡུ་ཏྟེ་སུ – ཨི་དཾ དུ་ཀྑཾ.

ཏ་ཏྠ ཀ་ཏ་མཾ དོ་མ་ན་སྶཾ?

ས་ངྐ་པྤེ་ཧི པ་རེ་ཏོ [པ་ར་ཏོ (ཀ.) པ་སྶ སུ. ནི. ༨༢༤] སོ, ཀ་པ་ཎོ ཝི་ཡ ཛྷཱ་ཡ་ཏི;

སུ་ཏྭཱ པ་རེ་སཾ ནི་གྒྷོ་སཾ, མ་ངྐུ ཧོ་ཏི ཏ་ཐཱ་ཝི་དྷོ.

དྭེ་མེ ཏ་པ་ནཱི་ཡཱ དྷ་མྨཱ – ཨི་དཾ དོ་མ་ན་སྶཾ.

ཏ་ཏྠ ཀ་ཏ་མོ ཨུ་པཱ་ཡཱ་སོ?

ཀ་མྨཱ་རཱ་ནཾ ཡ་ཐཱ ཨུ་ཀྐཱ, ཨ་ནྟོ ཌ་ཡ྄ཧ་ཏི ནོ བ་ཧི;

ཨེ་ཝཾ ཌ་ཡ྄ཧ་ཏི མེ ཧ་ད་ཡཾ, སུ་ཏྭཱ ནི་བྦ་ཏྟ་མ་མྦུ་ཛཾ.

ཏ་ཡོ ཨ་གྒཱི – ཨ་ཡཾ ཨུ་པཱ་ཡཱ་སོ.

ཏ་ཏྠ ཀ་ཏ་མོ ཨ་པྤི་ཡ་ས་མྤ་ཡོ་གོ?

ཨ་ཡ་སཱ་ཝ [དྷ. པ. ༢༤༠] མ་ལཾ ས་མུ་ཊྛི་ཏཾ, ཏ་ཏུ་ཊྛཱ་ཡ ཏ་མེ་ཝ ཁཱ་ད་ཏི;

ཨེ་ཝཾ ཨ་ཏི་དྷོ་ན་ཙཱ་རི་ནཾ, སཱ་ནི ཀ་མྨཱ་ནི ན་ཡ་ནྟི དུ་གྒ་ཏིཾ.

དྭེ་མེ ཏ་ཐཱ་ག་ཏཾ ཨ་བྦྷཱ་ཙི་ཀྑ་ནྟི, ཨེ་ཀུ་ཏྟ་རི་ཀེ སུ་ཏྟཾ དུ་ཀེ་སུ – ཨ་ཡཾ ཨ་པྤི་ཡ་ས་མྤ་ཡོ་གོ.

ཏ་ཏྠ ཀ་ཏ་མོ པི་ཡ་ཝི་པྤ་ཡོ་གོ?

སུ་པི་ནེ་ན ཡ་ཐཱ་པི ས་ངྒ་ཏཾ, པ་ཊི་བུ་དྡྷོ པུ་རི་སོ ན པ་སྶ་ཏི;

ཨེ་ཝ་མྤི པི་ཡཱ་ཡི་ཏཾ [མ་མཱ་ཡི་ཏཾ (པཱི. ཀ.) པ་སྶ སུ. ནི. ༨༡༣] ཛ་ནཾ, པེ་ཏཾ ཀཱ་ལ་ངྐ་ཏཾ [ཀཱ་ལ་ཀ་ཏཾ (པཱི.)] ན པ་སྶ་ཏི.

ཏེ དེ་ཝཱ ཙ་ཝ་ན་དྷ་མྨཾ ཝི་དི་ཏྭཱ ཏཱི་ཧི ཝཱ་ཙཱ་ཧི ཨ་ནུ་སཱ་ས་ནྟི. ཨ་ཡཾ པི་ཡ་ཝི་པྤ་ཡོ་གོ.

ཡ་མྤི་ཙྪཾ ན ལ་བྷ་ཏི, ཏི་སྶོ མཱ་ར་དྷཱི་ཏ་རོ;

ཏ་སྶ ཙེ ཀཱ་མ་ཡཱ་ན་སྶ [ཀཱ་མ་ཡ་མཱ་ན་སྶ (ཀ.) པ་སྶ སུ. ནི. ༧༧༣], ཚ་ནྡ་ཛཱ་ཏ་སྶ ཛ་ནྟུ་ནོ;

ཏེ ཀཱ་མཱ པ་རི་ཧཱ་ཡ་ནྟི, ས་ལླ་ཝི་དྡྷོ་ཝ རུ་པྤ་ཏི.

སཾ་ཁི་ཏྟེ་ན པ་ཉྩུ་པཱ་དཱ་ན་ཀྑ་ནྡྷཱ དུ་ཀྑཱ.

ཙ་ཀྑུ སོ་ཏ་ཉྩ གྷཱ་ན་ཉྩ, ཛི་ཝ྄ཧཱ ཀཱ་ཡོ ཏ་ཏོ མ་ནཾ;

ཨེ་ཏེ ལོ་ཀཱ་མི་སཱ གྷོ་རཱ, ཡ་ཏྠ ས་ཏྟཱ པུ་ཐུ་ཛྫ་ནཱ.

པ་ཉྩི་མེ བྷི་ཀྑ་ཝེ ཁ་ནྡྷཱ – ཨི་དཾ དུ་ཀྑཾ.

ཏ་ཏྠ ཀ་ཏ་མཱ ཛ་རཱ ཙ མ་ར་ཎ་ཉྩ?

ཨ་པྤཾ ཝ་ཏ ཛཱི་ཝི་ཏཾ ཨི་དཾ, ཨོ་རཾ ཝ་སྶ་ས་ཏཱ་པི མཱི་ཡ་ཏེ [མཱི་ཡ་ཏི (སུ. ནི. ༨༡༠)];

ཨ་ཐ ཝཱ་པི ཨ་ཀི་ཙྪཾ ཛཱི་ཝི་ཏཾ, ཨ་ཐ ཁོ སོ ཛ་ར་སཱ་པི མཱི་ཡ་ཏེ.

སཾ་ཡུ་ཏྟ་ཀེ པ་སེ་ན་དི་སཾ་ཡུ་ཏྟ་ཀེ སུ་ཏྟཾ ཨ་ཡྻི་ཀཱ མེ ཀཱ་ལ་ངྐ་ཏཱ – ཨ་ཡཾ ཛ་རཱ ཙ མ་ར་ཎ་ཉྩ.

ཏ་ཏྠ ཀ་ཏ་མཱ ཙུ་ཏི ཙ ཨུ་པ་པ་ཏྟི ཙ?

‘‘ས་བྦེ ས་ཏྟཱ མ་རི་སྶ་ནྟི, མ་ར་ཎ་ནྟཾ ཧི ཛཱི་ཝི་ཏཾ;

ཡ་ཐཱ་ཀ་མྨཾ ག་མི་སྶ་ནྟི, ཨ་ཏྟ་ཀ་མྨ་ཕ་ལཱུ་པ་གཱ’’ཏི [པུ་ཉྙ་པཱ་པ་ཕ་ལཱུ་པ་གཱ་ཏི (སཾ. ནི. ༡.༡༣༣)]. –

ཨ་ཡཾ ཙུ་ཏི ཙ ཨུ་པ་པ་ཏྟི ཙ.

ཨི་མེ་ཧི སུ་ཏྟེ་ཧི ཨེ་ཀ་ས་དི་སེ་ཧི ཙ ཨ་ཉྙེ་ཧི ན་ཝ་ཝི་དྷཾ སུ་ཏྟཾ ཏཾ ཨ་ནུ་པ་ཝི་ཊྛེ་ཧི ལ་ཀྑ་ཎ་ཏོ དུ་ཀྑཾ ཉ་ཏྭཱ སཱ་དྷཱ་ར་ཎ་ཉྩ ཨ་སཱ་དྷཱ་ར་ཎ་ཉྩ དུ་ཀྑཾ ཨ་རི་ཡ་ས་ཙྩཾ ནི་དྡི་སི་ཏ་བྦཾ. གཱ་ཐཱ་ཧི གཱ་ཐཱ ཨ་ནུ་མི་ནི་ཏ་བྦཱ, བྱཱ་ཀ་ར་ཎེ་ཧི ཝཱ བྱཱ་ཀ་ར་ཎཾ – ཨི་དཾ དུ་ཀྑཾ.

༩. ཏ་ཏྠ ཀ་ཏ་མོ དུ་ཀྑ་ས་མུ་ད་ཡོ?

ཀཱ་མེ་སུ ས་ཏྟཱ ཀཱ་མ་ས་ངྒ་ས་ཏྟཱ [ཀཱ་མ་པ་ས་ངྒ་ས་ཏྟཱ (པཱི.) པ་སྶ ཨུ་དཱ. ༦༣], སཾ་ཡོ་ཛ་ནེ ཝ་ཛྫ་མ་པ་སྶ་མཱ་ནཱ;

ན ཧི ཛཱ་ཏུ སཾ་ཡོ་ཛ་ན་ས་ངྒ་ས་ཏྟཱ, ཨོ་གྷཾ ཏ་རེ་ཡྻུཾ ཝི་པུ་ལཾ མ་ཧ་ནྟཾ.

ཙ་ཏྟཱ་རོ ཨཱ་ས་ཝཱ སུ་ཏྟཾ – ཨ་ཡཾ དུ་ཀྑ་ས་མུ་ད་ཡོ.

ཏ་ཏྠ ཀ་ཏ་མོ དུ་ཀྑ་ནི་རོ་དྷོ?

ཡ་མྷི ན མཱ་ཡཱ ཝ་ས་ཏཱི ན མཱ་ནོ,

ཡོ ཝཱི་ཏ་ལོ་བྷོ ཨ་མ་མོ ནི་རཱ་སོ,

པ་ནུ་ཎྞ་ཀོ་དྷོ [པ་ནུ་ནྣ་ཀོ་དྷོ (པཱི.) པ་སྶ ཨུ་དཱ. ༢༦] ཨ་བྷི་ནི་བྦུ་ཏ་ཏྟོ;

སོ བྲཱ་ཧྨ་ཎོ སོ ས་མ་ཎོ ས བྷི་ཀྑུ.

དྭེ་མཱ ཝི་མུ་ཏྟི་ཡོ, རཱ་ག་ཝི་རཱ་གཱ ཙ ཙེ་ཏོ་ཝི་མུ་ཏྟི; ཨ་ཝི་ཛྫཱ་ཝི་རཱ་གཱ ཙ པ་ཉྙཱ་ཝི་མུ་ཏྟི – ཨ་ཡཾ ནི་རོ་དྷོ.

ཏ་ཏྠ ཀ་ཏ་མོ མ་གྒོ?

ཨེ་སེ་ཝ མ་གྒོ ན་ཏྠ་ཉྙོ, ད་སྶ་ན་སྶ ཝི་སུ་དྡྷི་ཡཱ;

ཨ་རི་ཡོ ཨ་ཊྛ་ངྒི་ཀོ མ་གྒོ, མཱ་ར་སྶེ་ཏཾ པ་མོ་ཧ་ནཾ.

ས་ཏྟི་མེ, བྷི་ཀྑ་ཝེ, བོ་ཛ྄ཛྷ་ངྒཱ – ཨ་ཡཾ མ་གྒོ.

ཏ་ཏྠ ཀ་ཏ་མཱ་ནི ཙ་ཏྟཱ་རི ཨ་རི་ཡ་ས་ཙྩཱ་ནི?

‘‘ཡེ དྷ་མྨཱ [མ་ཧཱ་ཝ. ༦༠] ཧེ་ཏུ་པྤ་བྷ་ཝཱ, ཏེ་སཾ ཧེ་ཏུཾ ཏ་ཐཱ་ག་ཏོ ཨཱ་ཧ;

ཏེ་ས་ཉྩ ཡོ ནི་རོ་དྷོ, ཨེ་ཝཾ་ཝཱ་དཱི མ་ཧཱ་ས་མ་ཎོ’’ཏི.

ཧེ་ཏུ་པྤ་བྷ་ཝཱ དྷ་མྨཱ དུ་ཀྑཾ, ཧེ་ཏུ་ས་མུ་ད་ཡོ, ཡཾ བྷ་ག་ཝ་ཏོ ཝ་ཙ་ནཾ. ཨ་ཡཾ དྷ་མྨོ ཡོ ནི་རོ་དྷོ, ཡེ ཧི ཀེ་ཙི སཾ་ཡོ་ཛ་ནི་ཡེ་སུ དྷ་མྨེ་སུ ཨ་སྶ་དཱ་ནུ་པ་སྶི་ནོ ཝི་ཧ་ར་ནྟི. ཀི་ལེ་སཱ ཏ་ཎྷཱ པ་ཝ་ཌྜྷ་ཏི, ཏ་ཎྷཱ་པ་ཙྩ་ཡཱ ཨུ་པཱ་དཱ་ནཾ…པེ… ཨེ་ཝ་མེ་ཏ་སྶ ཀེ་ཝ་ལ་སྶ དུ་ཀྑ་ཀྑ་ནྡྷ་སྶ ས་མུ་ད་ཡོ ཧོ་ཏི. ཏ་ཏྠ ཡཾ སཾ་ཡོ་ཛ་ནཾ – ཨ་ཡཾ ས་མུ་ད་ཡོ. ཡེ སཾ་ཡོ་ཛ་ནི་ཡཱ དྷ་མྨཱ ཡེ ཙ སོ་ཀ་པ་རི་དེ་ཝ་དུ་ཀྑ་དོ་མ་ན་སྶུ་པཱ་ཡཱ་སཱ ས་མྦྷ་ཝ་ནྟི – ཨི་དཾ དུ་ཀྑཾ. ཡཱ སཾ་ཡོ་ཛ་ནི་ཡེ་སུ དྷ་མྨེ་སུ ཨཱ་དཱི་ན་ཝཱ་ནུ་པ་སྶ་ནཱ – ཨ་ཡཾ མ་གྒོ. པ་རི་མུ་ཙྩ་ཏི ཛཱ་ཏི་ཡཱ ཛ་རཱ་ཡ བྱཱ་དྷཱི་ཧི མ་ར་ཎེ་ཧི སོ་ཀེ་ཧི པ་རི་དེ་ཝེ་ཧི ཡཱ་ཝ ཨུ་པཱ་ཡཱ་སེ་ཧི – ཨི་དཾ ནི་བྦཱ་ནཾ. ཨི་མཱ་ནི ཙ་ཏྟཱ་རི ས་ཙྩཱ་ནི.

ཏ་ཏྠ ཀ་ཏ་མཱ ཨ་ནུ་པཱ་དི་སེ་སཱ ནི་བྦཱ་ན་དྷཱ་ཏུ?

ཨ་ཏྠ་ངྒ་ཏ་སྶ ན པ་མཱ་ཎ་མ་ཏྠི, ཏཾ ཧི ཝཱ ན་ཏྠི ཡེ་ན ནཾ པ་ཉྙ་པེ་ཡྻ;

ས་བྦ་ས་ངྒཱ་ནཾ ས་མཱུ་ཧ་ཏ་ཏྟཱ ཝི་དཱུ, སི་ཏཱ ཝཱ་ད་ས་ཏ་སྶུ [ཝཱ་ད་ས་ཏ་སྶ (པཱི. ཀ.)] ས་བྦེ.

སཾ་ཡུ་ཏྟ་ཀེ གོ་དྷི་ཀ་སཾ་ཡུ་ཏྟཾ.

ཨི་མཱ་ནི ཨ་སཱ་དྷཱ་ར་ཎཱ་ནི སུ་ཏྟཱ་ནི. ཡ་ཧིཾ ཡ་ཧིཾ ས་ཙྩཱ་ནི ནི་དྡི་ཊྛཱ་ནི, ཏ་ཧིཾ ཏ་ཧིཾ ས་ཙྩ་ལ་ཀྑ་ཎ་ཏོ ཨོ་ཏཱ་རེ་ཏྭཱ [ཨོ་ཧཱ་རེ་ཏྭཱ (པཱི. ཀ.)] ཨ་པ་རི་མཱ་ཎེ་ཧི བྱ་ཉྫ་ནེ་ཧི སོ ཨ་ཏྠོ པ་རི་ཡེ་སི་ཏ་བྦོ. ཏ་ཏྠ ཨ་ཏྠཱ་ནུ་པ་རི་ཝ་ཏྟི བྱ་ཉྫ་ནེ་ན པུ་ན བྱ་ཉྫ་ནཱ་ནུ་པ་རི་ཝ་ཏྟི ཨ་ཏྠེ་ན ཏ་སྶ ཨེ་ཀ་མེ་ཀ་སྶ ཨ་པ་རི་མཱ་ཎཱ་ནི བྱ་ཉྫ་ནཱ་ནི ཨི་མེ་ཧི སུ་ཏྟེ་ཧི ཡ་ཐཱ་ནི་ཀྑི་ཏྟེ་ཧི ཙ་ཏྟཱ་རི ཨ་རི་ཡ་ས་ཙྩཱ་ནི ནི་དྡི་སི་ཏ་བྦཱ་ནི. པ་ཉྩ་ནི་ཀཱ་ཡེ ཨ་ནུ་པ་ཝི་ཊྛཱ་ཧི གཱ་ཐཱ་ཧི གཱ་ཐཱ ཨ་ནུ་མི་ནི་ཏ་བྦཱ, བྱཱ་ཀ་ར་ཎེ་ན བྱཱ་ཀ་ར་ཎཾ. ཨི་མཱ་ནི ཨ་སཱ་དྷཱ་ར་ཎཱ་ནི སུ་ཏྟཱ་ནི.

ཏེ་སཾ ཨི་མཱ ཨུ་དྡཱ་ན་གཱ་ཐཱ

ཡ་མེ་ཀ་ར་ཏྟིཾ པ་ཋ་མཾ, ཨ་ཊྛ དཱ་ནཱུ་པ་པ་ཏྟི་ཡོ;

པ་ཉྩ པུ་བྦ་ནི་མི་ཏྟཱ་ནི, ཁཱི་ཎ་མ་ཙྪཾ་ཝ པ་ལླ་ལཾ.

སཱ་མཾ ཏེ་ན ཀུ་ཏོ རཱ་ཛ, ཏ་ཡོ དེ་ཝཱ གི་ལཱ་ན་ཀཱ;

ཡ་ཐཱ་པི ཀུ་མྦྷ་ཀཱ་ར་སྶ, ཡ་ཐཱ ན་དི་ད་ཀ་པྤ་ནཾ.

ཨི་དྷ སོ་ཙ་ཏི པེ་ཙྩ སོ་ཙ་ཏི, ཏཱི་ཎི དུ་ཙྩ་རི་ཏཱ་ནི ཙ;

ཀཱ་མེ་སུ གི་དྡྷཱ པ་སུ་ཏཱ, ཡཱ་ཝ ཏི་སྶོ ཝི་པ་ཏྟི་ཡོ.

ས་ཏཾ ཨཱ་སི [ས་ཏ་མཱ་ཡུ (སཱི.), ས་ཏ་དྷཱ་ཏུ (པཱི.)] ཨ་ཡོ་ས་ངྐཱུ, པ་རི་ལཱ༹་ཧོ མ་ཧ་ཏྟ་རོ;

ས་ངྐ་པྤེ་ཧི པ་རེ་ཏོ སོ, ཏ་ཏྠ ཏ་པ་ནི་ཡེ་ཧི ཙ.

ཀ་མྨཱ་རཱ་ནཾ ཡ་ཐཱ ཨུ་ཀྐཱ, ཏ་ཡོ ཨ་གྒཱི པ་ཀཱ་སི་ཏཱ;

ཨ་ཡ་ཏོ མ་ལ་མུ་པྤ་ནྣཾ, ཨ་བྦྷ་ཀྑཱ་ནཾ ཏ་ཐཱ་ག་ཏེ.

ཏི་ཝི་དྷཾ དེ་ཝཱ་ནུ་སཱ་ས་ནྟི, སུ་པི་ནེ་ན ས་ངྒ་མོ ཡ་ཐཱ;

ཏི་སྶོ ཙེ་ཝ མཱ་ར་དྷཱི་ཏཱ, ས་ལླ་ཝི་དྡྷོ་ཝ རུ་པྤ་ཏི.

ཙ་ཀྑུ སོ་ཏ་ཉྩ གྷཱ་ན་ཉྩ, པ་ཉྩ་ཀྑ་ནྡྷཱ པ་ཀཱ་སི་ཏཱ;

ཨ་པྤཾ ཝ་ཏ ཛཱི་ཝི་ཏཾ ཨི་དཾ, ཨ་ཡྻི་ཀཱ མེ མ་ཧ་ལླི་ཀཱ.

ས་བྦེ ས་ཏྟཱ མ་རི་སྶ་ནྟི, ཨུ་པ་པ་ཏྟི ཙུ་ཏི་ཙ་ཡཾ;

ཀཱ་མེ་སུ ས་ཏྟཱ པ་སུ་ཏཱ, ཨཱ་ས་ཝེ་ཧི ཙ་ཏཱུ་ཧི ཙ.

ཡ་མྷི ན མཱ་ཡཱ ཝ་ས་ཏི, དྭེ་མཱ ཙེ་ཏོ་ཝི་མུ་ཏྟི་ཡོ;