༤. སུ་ཏྟ་ཝི་ཙ་ཡ་ཙ་ཏུ་ཏྠ་བྷཱུ་མི

༤༠. ཏ་ཏྠ ཀ་ཏ་མོ སུ་ཏྟ་ཝི་ཙ་ཡོ?

ཏ་ཏྠ ཀུ་ས་ལེ་ཧི དྷ་མྨེ་ཧི ཨ་ཀུ་ས་ལེ་ཧི དྷ་མྨེ་ཧི པུ་བྦཱ་པ་ར་སོ སཱ་དྷུ་ཀཾ ཨུ་པ་པ་རི་ཀྑི་ཡ་ཏི. ཀིཾ་ནུ ཁོ ཨི་དཾ སུ་ཏྟཾ ཨཱ་ར་བྷི…པེ… ཏེ་ཧི སུ་ཏྟེ་ཧི ས་ཧ ཨ་དྷི་ས་ནྣ་ཊྛེ་ཧི ཡུ་ཛྫ་ཏི ཨུ་དཱ་ཧུ ན ཡུ་ཛྫ་ཏཱི་ཏི?

ཡ་ཐཱ བྷ་ག་ཝཱ ཀི་ལེ་སེ ཨཱ་དི་མྷི ཏ་ཏྠ དེ་སེ་ཏི. ཀིཾ དེ་སི་ཏཾ? ཏེ་སཾ ཀི་ལེ་སཱ་ནཾ པ་ཧཱ་ནཾ ཨུ་དཱ་ཧུ ནོ དེ་སི་ཏ་ནྟི ཨུ་པ་པ་རི་ཀྑི་ཏ་བྦཾ. ཡ་དི ན དེ་སི་ཏཾ བྷ་ག་ཝ་ཏི ཏེ་སཾ ཀི་ལེ་སཱ་ནཾ པ་ཧཱ་ནཾ ཀུ་ས་ལཱ དྷ་མྨཱ པ་རི་ཡེ་སི་ཏ་བྦཱ ཡ་ཏྠ ཏེ ཨ་ཀུ་ས་ལཱ པ་ཧཱ་ནཾ ག་ཙྪ་ནྟི. ས་ཙེ ས་མ་ནྣེ་ཧ་མཱ་ནོ ན ལ་བྷ་ཏི. ཏ་ཏྠ ཨ་ཀུ་ས་ལཱ དྷ་མྨཱ ཨ་པ་ཀ་ཌྜྷི་ཏ་བྦཱ ཝཱི་མཾ་སི་ཏ་བྦཱ, སཾ་ཀི་ལེ་ས་བྷཱ་གི་ཡ་སུ་ཏྟཾ, ཡ་དི ཀི་ལེ་སཱ ཨ་པ་ཀ་ཌྜྷི་ཡ་ནྟཱ. ཡེ ཝཱ ན དེ་ནྟི ཏ་ཏྠ ཨུ་པ་པ་རི་ཀྑི་ཏ་བྦཱ ཨ་རི་ཡ་མ་གྒ་དྷ་མྨཱ ཏཱ་སུ བྷཱུ་མཱི་སུ ཀི་ལེ་སཱ པ་ཧཱ་ནཾ ག་ཙྪ་ནྟི, ཨུ་དཱ་ཧུ ན ག་ཙྪ་ནྟཱི་ཏི. ཡ་ཏྟ་ཀཱ པ་ན ཀི་ལེ་སཱ དེ་སི་ཏཱ. ན ཏ་ཏྟ་ཀཱ ཨ་རི་ཡ་དྷ་མྨཱ དེ་སི་ཏཱ. ཡ་ཏྠ ཀི་ལེ་སཱ པ་ཧཱ་ནཾ ག་ཙྪ་ནྟི, ཏ་ཏྠ ཡེ ཀི་ལེ་སཱ ཨ་རི་ཡ་དྷ་མྨཱ་ནཾ པ་ཊི་པ་ཀྑེ་ན ན ཡུ་ཛྫ་ནྟི, ཏེ ཨ་པ་ཀ་ཌྜྷི་ཏ་བྦཱ, ས་ཙེ ཨ་པ་ཀ་ཌྜྷི་ཡ་ནྟཱ ཡོ་ཛ་ནཾ དེ་ཏི. ཏ་ཏྠ ཨེ་ཝཾ ཝཱི་མཾ་སི་ཏ་བྦཾ. དྭེ ཏཱི་ཎི ཝཱ ཏ་དུ་ཏྟ་རི ཝཱ ཀི་ལེ་སཱ ཨེ་ཀེ་ན ཨ་རི་ཡ་མ་གྒེ་ན པ་ཧཱ་ནཾ ག་ཙྪ་ནྟཱི་ཏི. ས་ཙེ ཨེ་ཝཾ ཝཱི་མཾ་སི་ཡ་ནྟཱ ཡོ་ཛ་ནཾ དེ་ཏི, ཏ་ཏྠ ཨུ་པ་པ་རི་ཀྑི་ཏ་བྦཾ. པ་ར་མྤ་རཱ་ཡ ཝཱ པི་ཊ་ཀ་ས་མྤ་དཱ་ནེ་ན ཝཱ སུ་ཏྟ་སྶ ཨ་ཏྠོ ཙ ན་ཏྠོ ཙ. ཡཾ ཝཱ ན ས་ཀྐཱ སུ་ཏྟཾ ནི་དྡི་སི་ཏུཾ ནེ་ཝ སུ་ཏྟཾ ཝི་ཙི་ཀི་ཙྪི་ཏ་བྦཾ. ཨེ་ཝཾ ཡ་ཐཱ ཨཱ་དི་མྷི ཀུ་ས་ལཱ དྷ་མྨཱ ཧོ་ནྟི. ཡེ ཀི་ལེ་སཱ ཏེ པ་ཧཱི་ནེ་ཡྻཱ་ཏི. ཏེ ཨུ་པ་པ་རི་ཀྑི་ཏ་བྦཱ. པུ་རོ ཝཱ ཀུ་ས་ལོ པ་ཊི་པ་ཀྑེ་ན ཝཱ པུ་རོ དེ་ས་ནཱ, ཨ་ནཱུ་ནཱ ཨ་ན་དྷི་ཀཱ ཨུ་གྒ་ཧེ་ཏ་བྦཱ. ཡ་ཐཱ པ་ཋ་མོ ཨུ་ཏྟི་ལོ ཡེ་ས་མི་དཱ་ནི ཀི་ལེ་སཱ་ནཾ ཡེ ཨ་རི་ཡ་དྷ་མྨཱ དེ་སི་ཏཱ ཨི་མེ ཀི་ལེ་སཱ ཨི་མེ་ཧི ཨ་རི་ཡ་དྷ་མྨེ་ཧི པ་ཧཱི་ཡ་ནྟི, ཨུ་དཱ་ཧུ ན་པྤ་ཧཱི་ཡ་ནྟཱི་ཏི ཝི་ཙི་ནི་ཏ་བྦཱ. ཡ་དི ཨུ་པ་པ་རི་ཀྑི་ཡ་མཱ་ནཱ ཡུ་ཛྫ་ནྟི, ག་ཧེ་ཏ་བྦཱ. ཨ་ཐ ན ཡུ་ཛྫ་ནྟི, ཡེ ཀི་ལེ་སཱ ཨ་པ་ཊི་པ་ཀྑཱ ཧོ་ནྟི, ཏེ ཀི་ལེ་སཱ ཨ་པ་རི་པ་ཀྑི་ཏ་བྦཱ. ཡེ ཙ ཨ་རི་ཡ་དྷ་མྨཱ པ་ཊི་པ་ཀྑཱ ཧོ་ནྟི, ཏེ ཨ་རི་ཡ་དྷ་མྨཱ ཨ་པ་ཀ་ཌྜྷི་ཏ་བྦཱ. ན ཧི ཨ་རི་ཡ་དྷ་མྨཱ ཨ་ནཱ་གཱ་མི་ཀི་ལེ་ས་པྤ་ཧཱ་ནཾ ག་ཙྪ་ནྟི, ནཱ་པི ཨ་རི་ཡ་དྷ་མྨཱ ས་བྦ་ཀི་ལེ་སཱ་ནཾ པ་ཧཱ་ནཱ་ཡ སཾ་ཝ་ཏྟ་ནྟི. ཡ་ཐཱ ཀུ་ས་ལཱ མེ་ཏྟཱ ཨ་ཀུ་ས་ལོ རཱ་གོ ན ཏུ ཀུ་ས་ལཱ མེ་ཏྟཱ་ཏི ཀཱ་རེ་ཏྭཱ ཨ་ཀུ་ས་ལ་སྶ རཱ་ག་སྶ པ་ཧཱ་ནཱ་ཡ ས་མྦྷ་ཝ་ཏི བྱཱ་པཱ་དོ མེ་ཏྟཱ་ཡ པ་ཧཱ་ནཾ ག་ཙྪ་ཏི. ཏ་སྨཱ ཨུ་བྷོ ཀི་ལེ་སཱ ཨུ་པ་པ་རི་ཀྑི་ཏ་བྦཱ. ཡོ ཡོ ཙ དྷ་མྨོ ཨུ་པ་དི་སི་ཡ་ཏི ཀུ་ས་ལོ ཝཱ ཨ་ཀུ་ས་ལོ ཝཱ སོ ཨ་པ་ཀ་ཌྜྷི་ཏ་བྦོ. ས་ཙེ ཏེ ཡུ་ཛྫ་ནྟི ཨ་པ་ཀ་ཌྜྷི་ཡ་མཱ་ནོ ན་ཏྠི ཨུ་པ་པ་རི་ཀྑི་ཏ་བྦཾ. དྭེ ཝཱ ཀི་ལེ་སཱ ཨེ་ཀེ་ན ཨ་རི་ཡ་དྷ་མྨེ་ན པ་ཧཱི་ནེ་ཡྻཱ་ཏི དྭཱི་ཧི ཝཱ ཨ་རི་ཡ་དྷ་མྨེ་ཧི ཨེ་ཀོ ཝཱ ཀི་ལེ་སོ པ་ཧཱི་ཡ་ཏཱི་ཏི.

ཨ་ཐ ཝཱ ཨེ་ཝ་མྤི ཨུ་པ་པ་རི་ཀྑི་ཡ་མཱ་ནཾ ཡུ་ཛྫ་ཏི, ཏ་ཏྠ ཝཱི་མཾ་སི་ཏ་བྦཾ ཝཱ ཡ་ཐཱ ཡུ་ཛྫ་ཏི ཏ་ཏྠ ཝཱི་མཾ་སི་ཏ་བྦཾ ཝཱ, ཡ་ཐཱ ན་ནུ ས་ཀྐཱ སུ་ཏྟཾ ནི་དྡི་སི་ཏུཾ, ན ཧི སུ་ཏྟེ ཝི་ཙི་ཀི་ཙྪི་ཏ་བྦཾ. ཀི་ལེ་སོ མཾ ཨ་རི་ཡ་དྷ་མྨེ་སུ དེ་སི་ཏེ་སུ ཨུ་བྷ་ཡ་ཏོ ཨུ་པ་པ་རི་ཀྑི་ཏ་བྦཾ. ཀི་ར ཡེ ཝཱ ཨི་མེ ཀི་ལེ་སཱ དེ་སི་ཏཱ ཡེ ཙ ཨ་རི་ཡ་དྷ་མྨཱ དེ་སི་ཏཱ གཱ་ཐཱ་ཡ ཝཱ བྱཱ་ཀ་ར་ཎེ་ན ཝཱ, ཀིཾ ནུ ཁོ ཨི་མེ ཀི་ལེ་སཱ ཨི་མེ་ཧི ཨ་རི་ཡ་དྷ་མྨེ་ཧི པ་ཧཱི་ཡ་ནྟི, ཨུ་དཱ་ཧུ ན་པྤ་ཧཱི་ཡ་ནྟི? ཨི་མེ ཝཱ ཨ་རི་ཡ་དྷ་མྨཱ ཨི་མེ་སཾ ཀི་ལེ་སཱ་ནཾ པ་ཧཱ་ནཱ་ཡ སཾ་ཝ་ཏྟ་ནྟཱི་ཏི. ཀི་ཉྩཱ་པི ཀུ་ས་ལེ་ཧི དྷ་མྨེ་ཧི ཨ་ཀུ་ས་ལཱ དྷ་མྨཱ པ་ཧཱ་ནཾ ག་ཙྪ་ནྟི. ན ཏུ ས་བྦེ་ཧི ཨ་རི་ཡ་དྷ་མྨེ་ཧི ས་བྦཱ་ཀུ་ས་ལཱ པ་ཧཱ་ནཾ ག་ཙྪ་ནྟི. ཡ་ཐཱ མེ་ཏྟཱ ཀུ་ས་ལོ ཨ་ཀུ་ས་ལོ ཙ རཱ་གོ ན ཏུ ཀུ་ས་ལཱ མེ་ཏྟཱ ཨ་ཀུ་ས་ལོ རཱ་གོ་ཏི ཀཱ་རེ་ཏྭཱ མེ་ཏྟཱ་ཡ རཱ་གོ པ་ཧཱ་ནཾ, བྱཱ་པཱ་དོ མེ་ཏྟཱ་ཡ པ་ཧཱ་ནཾ ག་ཙྪ་ནྟི. ཨེ་ཝཾ ཀི་ལེ་སོ་ཏི ཀཱ་རེ་ཏྭཱ སུ་ཏྟེ་ན པ་ཧཱ་ནཾ ག་ཙྪ་ཏི. ན སུ་ཏྟོ དྷ་མྨོ་ཏི ཀཱ་རེ་ཏྭཱ ས་བྦཾ ཀི་ལེ་ས་སྶ པ་ཧཱ་ནཱ་ཡ སཾ་ཝ་ཏྟ་ཏི. ཡཾ ཏུ སུ་ཏྟ་སྶ ཨ་རི་ཡ་དྷ་མྨོ སཾ་ཀི་ལེ་ས་པ་ཊི་པ་ཀྑོ, སོ ཏེ་ན པ་ཧཱ་ནཾ ག་ཙྪ་ཏཱི་ཏི.

༤༡. ཏ་ཏྠ ཀུ་ས་ལེ དེ་སི་ཏེ སུ་ཏྟེ བྱཱ་ཀ་ར་ཎེ ཝཱ སཾ་ཀི་ལེ་སཱ ན ཡུ་ཛྫ་ནྟི ཨ་རི་ཡ་དྷ་མྨཱ ཝཱ, ཏེ མ་ཧཱ་པ་དེ་སེ ནི་དྡི་སི་ཏ་བྦཱ་ཝ་ཡ་ཝེ་ན ཨ་པ་ཀ་ཌྜྷི་ཏ་བྦཱ. ཏ་ཏྠ ཀི་ལེ་སེ་ཧི ཙ དེ་སི་ཏེ་ཧི ཨ་རི་ཡ་དྷ་མྨེ་སུ ཙ ཡ་དི་པི ཏེ་ན ཨ་རི་ཡ་དྷ་མྨེ་ན ཏེ ཀི་ལེ་སཱ པ་ཧཱ་ནཾ ག་ཙྪ་ནྟི. ཏ་ཏྠ་པི ཨུ་ཏྟ་རི ཨུ་པ་པ་རི་ཀྑི་ཏ་བྦཾ. ཀེ་ན ཀཱ་ར་ཎེ་ན ཨེ་ཏེ ཀི་ལེ་སཱ པ་ཛ་ཧི་ཏ་བྦཱ, ཀེ་ན ཀཱ་ར་ཎེ་ན ཨ་རི་ཡ་དྷ་མྨཱ དེ་སི་ཏཱ་ཏི? ཡེ་ན ཡེ་ན ཝཱ ཨཱ་ཀཱ་རེ་ན ཨ་རི་ཡ་དྷ་མྨཱ དེ་སི་ཏཱ, ཏེ་ན ཏེ་ན པ་ཀཱ་རེ་ན ཨ་ཡཾ ཀི་ལེ་སོ ཋི་ཏོ. ཨ་ཏྠི ཧི ཨེ་ཀོ ཀི་ལེ་སོ, ཏེ་ན ཝཱ ཨ་རི་ཡ་དྷ་མྨཱ ན ཨ་ཉྙ་ཐཱ ཨ་ཉྙ་ཐཱ པ་ཧཱ་ཏ་བྦོ, ཡ་ཐཱ དི་ཊྛི རཱ་གོ ཨ་ཝི་ཛྫཱ ཙ ད་སྶ་ནེ་ན པ་ཧཱ་ཏ་བྦཱ. སཱ ཙེ ཨེ་ཝ་ཉྩ ཨ་ཝི་ཛྫཱ བྷཱ་ཝ་ནཱ་ཡ བྷཱུ་མི ཝཱ དྷ་མྨཱ བྷཱ་ཝ་ནཱ་ཡ པ་ཧཱ་ཏ་བྦཱ. སཱ་ཡེ་ཝ ཨུ་དྡྷཾ་བྷཱ་གི་ཡཾ ཨ་ས་ངྑ་ཏ་ད་སྶ་ནཱ་ཡ ཝི་མུ་ཏྟི་ཡཱ ཨ་ནི་མི་ཏྟེ་ན ཙེ་ཏོ་ས་མཱ་དྷི་ནཱ ཨ་མ་ན་སི་ཀཱ་རེ་ན པ་ཧཱི་ཡ་ཏི. ཨེ་ཝཾ སཱ་ཏྠཾ ས་བྱ་ཉྫ་ནཾ ཨུ་པ་པ་རི་ཀྑི་ཏ་བྦཾ. ཡེ ད་སྶ་ནེ་ན པ་ཧཱ་ཏ་བྦཱ ཀི་ལེ་སཱ ད་སྶ་ནཱ་ཀཱ་རེ་ན ཨ་རི་ཡ་དྷ་མྨོ དེ་སི་ཏོ, བྷཱ་ཝ་ནཱ་ཡ པ་ཧཱ་ཏ་བྦཱ བྷཱ་ཝ་ནཱ་ཀཱ་རེ་ན ཨ་རི་ཡ་དྷ་མྨོ དེ་སི་ཏོ, པ་ཏི་སེ་ཝ་ནཱ པ་ཧཱ་ཏ་བྦཱ པ་ཏི་སེ་ཝ་ནཱ་ཀཱ་རེ་ན ཨ་རི་ཡ་དྷ་མྨོ དེ་སི་ཏོ, ཨེ་ཝཾ ཝི་ནོ་ད་ན་པ་ཧཱ་ཏ་བྦཱ ཡཱ་ཝ ས་ཏྟ ཨཱ་ས་ཝཱ ཀཱ་ཏ་བྦཱ, ཡཱ་ཝ་ཉྙ་ཐཱ. ཨ་ཉྙ་ཐཱ ཧེ་ས དྷ་མྨོ པ་ཧཱ་ཏ་བྦོ ཨ་ཉྙེ་ནཱ་ཀཱ་རེ་ན ཨ་རི་ཡ་དྷ་མྨོ དེ་སི་ཏོ, སོ ཨ་རི་ཡ་དྷ་མྨོ ཨ་ཉྙ་ཐཱ པ་རི་ཡེ་སི་ཏ་བྦོ. ཡ་དི ཨ་ཡཾ དྷ་མྨོ པ་རི་ཡེ་ས་ཏོ ཡོ ཙ དེ་སེ་ཏི ཡེ་ན ཡེ་ནཱ་ཀཱ་རེ་ན, སོ ཨ་རི་ཡ་དྷ་མྨོ པ་རི་ཡེ་སི་ཏ་བྦོ, ཏེ་ནཱ་ཀཱ་རེ་ན ཀི་ལེ་སོ པ་ཧཱི་ཡ་ཏི. སོ ཏ་ཏྠ ཨུ་པ་པ་རི་ཀྑི་ཏ་བྦོ. ཨ་ཐ ན ཡུ་ཛྫ་ཏི ཡ་དི ཧི ཏེ་ན སུ་ཏྟེ་ན ཝི་ཧི་ཏཾ སུ་ཏྟཾ ཝཱི་མཾ་སི་ཏ་བྦཾ. ཡ་ཐཱ ཡུ་ཛྫ་ཏི, ཏ་ཐཱ ག་ཧེ་ཏ་བྦཾ. ཡ་ཐཱ ན ཡུ་ཛྫ་ཏི, ཏ་ཐཱ ན ག་ཧེ་ཏ་བྦཾ, ཨ་དྡྷཱ ཨེ་ཏཾ བྷ་ག་ཝ་ཏཱ ན བྷཱ་སི་ཏཾ, ཨཱ་ཡ་སྨ་ཏཱ ཝཱ དུ་གྒ་ཧི་ཏཾ, ཡ་ཐཱ མ་ཧཱ་པ་དེ་སེ ནི་དྡི་སི་ཏ་བྦཾ, བྷ་ག་ཝ་ཏཱ ཡ་ཐཱ་བྷཱུ་ཏཾ དེ་སི་ཏཾ, ཡོ ཙ དྷ་མྨོ དེ་སི་ཏོ ཀུ་ས་ལོ ཙ ཨ་ཀུ་ས་ལོ ཙ ཏ་སྶ དྷ་མྨ་སྶ པ་ཙྩ་ཡོ པ་རི་ཡེ་སི་ཏ་བྦོ. ན ཧི པ་ཙྩ་ཡཱ ཝི་ནཱ དྷ་མྨོ ཨ་པྤ་ཙྩ་ཡོ ཨུ་པྤ་ཛྫ་ཏི. ཏ་ཏྠ ཀོ ཨཱ་ཀཱ་རོ པ་རི་ཡེ་ས་ནཱ་ཡ?

ཏ་ཏྠ ཏ་ཐཱ་རཱུ་པཾ ས་ཧེ་ཏུ ས་པྤ་ཙྩ་ཡཾ སོ་ཡཾ དྷ་མྨོ ཝུ་ཏྟོ་ཏི ཨི་དཾ ཝཱི་མཾ་སི་ཏ་བྦཾ. སོ ཙ པ་ཙྩ་ཡོ ཏི་ཝི་དྷོ – མུ་དུ མ་ཛ྄ཛྷོ ཨ་དྷི་མ་ཏྟོ. ཏ་ཏྠ མུ་དུ་མྷི པ་ཙྩ་ཡེ མུ་དུ་དྷ་མྨོ ག་ཧེ་ཏ་བྦོ, ཨེ་ཝཾ ས་ཏྱེ་ས པ་ཙྩ་ཡོ དུ་ཝི་དྷོ པ་རཾ་པ་རཱ་པ་ཙྩ་ཡོ ཙ ས་མ་ན་ནྟ་ར་པ་ཙྩ་ཡོ ཙ. སོ པ་ཙྩ་ཡོ མུ་དུ་ཏེ་ན བྱཱ་དྷི་མ་ཏྟཾ པ་རི་ཡེ་སི་ཏ་བྦཾ. ཀིཾ ཀཱ་ར་ཎཾ? ཨ་ཉྙ་ཏ་རོ་པི པ་ཙྩ་ཡོ ཨ་ཉྙེ་ཧི པ་ཙྩ་ཡེ་ཧི པ་རི་ཡ་ཏྟིཾ ཝཱ པཱ་རི་པཱུ་རིཾ ཝཱ ག་ཙྪ་ཏི. ཏ་ཏྠ ཡོ དྷ་མྨོ དེ་སི་ཏོ, ཏ་སྶ དྷ་མྨ་སྶ ཨེ་ཏེ་ན ཝཱ ཀཱ་ར་ཎེ་ན ཝཱ ཧེ་ཏུ པ་རི་ཡེ་སི་ཏ་བྦོ. ཡ་ཐཱ པ་ཙྩ་ཡོ ཧེ་ཏུ་ནཱ པ་ཙྩ་ཡེ་ན ཙ, སོ ཏ་སྶ དྷ་མྨ་སྶ ནི་སྶ་ནྡོ པ་རི་ཡེ་སི་ཏ་བྦོ. ཡ་ཐཱ ནི་དྡི་ཊྛོ ཨ་དྷི་ཊྛཱ་ནེ པ་དྷཱ་ནཾ པ་རི་ཡེ་ས་ཏི, སོ པ་ཙྩ་ཡོ པ་རི་ཡེ་སི་ཏ་བྦོ. ན ཧི མུ་དུ་སྶ དྷ་མྨ་སྶ ཨ་དྷི་མ་ཏྟོ ནི་སྶ་ནྡོ ཨ་དྷི་མ་ཏྟ་སྶ ཝཱ ནི་སྶ་ནྡ་སྶ མུ་དུ་དྷ་མྨོ, ཨ་ཐ མུ་དུ་སྶ མུ་དུ མ་ཛ྄ཛྷཱ་ཡ མ་ཛ྄ཛྷོ ཨ་དྷི་མ་ཏྟ་སྶ ཨ་དྷི་མ་ཏྟོ ཡུ་ཛྫ་ཏི, ཏཾ ག་ཧེ་ཏ་བྦཾ, ཨ་ཐ ན ཡུ་ཛྫ་ཏི ན ག་ཧེ་ཏ་བྦཾ. ཡ་ཉྩ བྷ་ག་ཝཱ ཨཱ་ར་བྷ་ཏི དྷ་མྨཾ དེ་སེ་ཏུཾ, ཏཾ་ཡེ་ཝ དྷ་མྨཾ མ་ཛ྄ཛྷ་ནྟ་པ་རི་ཡོ་སཱ་ནཾ དེ་སེ་ཏི, ཡ་ཐཱ སུ་ཏྟཱ་དྷི་ཊྛཱ་ནེ དྷ་མྨཱ ཨཱ་དི་མྷི ནི་དྡི་ས་ཏི, ཏཾ་ཡེ་ཝ བ་ཧུ ཏ་སྶ སུ་ཏྟ་སྶ པ་རི་ཡོ་སཱ་ནཾ. ཏ་སྶ ཧི དྷ་མྨ་སྶ ཝ་སེ་ན ཏཾ སུ་ཏྟཾ ཧོ་ཏི གཱ་ཐཱ ཝཱ བྱཱ་ཀ་ར་ཎཾ ཁུ་དྡ་ཀཾ མ་ཧ་ནྟཾ ཝཱ, ཡ་ཐཱ པ་ན དུ་ཝི་དྷཱ ཨ་ནུ་རཱུ་པ་ནྟི ཝཱ ཐ་པ་ནཱ ཙ དེ་ས་ནཱ་ཐ་པ་ནཱ. རཱུ་པ་ནྟི་པི དྷ་མྨ་སྶ པ་རི་ཡེ་སི་ཏ་བྦཱ. ཡ་ཐཱ ཙ བྷ་ག་ཝ་ཏཱ པ་ཉྩ་ནྣཾ ཨི་ནྡྲི་ཡཱ་ནཾ སཾ་ཝ་ར་ཎཾ དེ་སི་ཏཾ ཏ་ཎྷཱ་ཡ ནི་གྒ་ཧ་ཎ་ཏྠཾ ཨི་ཙྪཱ་ཝ ཧོ་ཏི. དེ་སེ་ཏི ཡ་ཐཱ གོ་པཱ་ལ་ཀོ་པ་མེ སུ་ཏྟེ ཨ་ཉྙེ་ཧི་པི སུ་ཏྟེ་ཧི བྷ་ག་ཝཱ བྷཱ་ས་ཏི ཨི་ཙྪཱ་ཝ ཧོ་ཏི མ་ཛ྄ཛྷི་མ་ནི་ཀཱ་ཡེ ཝི་ཏ་ཀྐོ ཨ་ཡཾ བྷ་ག་ཝ་ཏོ དེ་ས་ནཱ་ནུ་རཱུ་པ་ནྟི ཨི་ཏི སོ དྷ་མྨོ ཨ་ཉྙེ་སུ་པི ཝེ་ཡྻཱ་ཀ་ར་ཎེ་སུ པ་རི་ཡེ་སི་ཏ་བྦོ. ན ཧི ཨེ་ཀཾ ཧི སུ་ཏྟེ ད་ཊྛ་བྦོ. ཡུ་ཛྫ་ནཾ ཏཾ ག་ཧེ་ཏ་བྦཾ.

༤༢. ཏ་ཏྠ ཀ་ཏ་མཾ ཨ་ནུ་ཉྙཱ་ཏཾ? ཡཾ ཀི་ཉྩི སུ་ཏྟཾ བྷ་ག་ཝ་ཏཱ ན བྷཱ་སི་ཏཾ ཏ་ཉྩ སུ་ཏྟེ་སུ་ཡེ་ཝ ནྡི་སྶ་ཏི, ཨེ་ཝ་མེ་ཏཾ དྷཱ་རེ་ཏ་བྦཾ. ཡ་ཐཱ ཨ་སུ་ཀེ་ན བྷཱ་སི་ཏ་ནྟི, ཏཾ སུ་ཏྟཾ ཝཱི་མཾ་སི་ཏ་བྦཾ. ཀིཾ ནུ ཁོ ཨི་མཾ སུ་ཏྟཾ ཨ་ནུ་ཉྙཱ་ཏཾ ཁ་མཾ བྷ་ག་ཝ་ཏོ ཨུ་དཱ་ཧུ ནཱ་ནུ་ཉྙཱ་ཏཾ ཁ་མཾ, ཀི་ཉྩི རཱུ་པ་ཉྩ སུ་ཏྟཾ བྷ་ག་ཝ་ཏོ ཨ་ནུ་ཉྙཱ་ཏཾ ཁ་མཾ ཀི་ཉྩི རཱུ་པ་ཉྩ ནཱ་ནུ་ཉྙཱ་ཏཾ ཁ་མཾ? ཡཾ ས་བྦ་སོ ཨ་ནོ་ཏཱ་རེ་ཏྭཱ ད་ས་བ་ལོ གོ་ཙ་རཾ དེ་སེ་ཏི, ཏཾ ས་བྦཾ སུ་ཏྟཾ བྷ་ག་ཝ་ཏོ ནཱ་ནུ་ཉྙཱ་ཏཾ ཁ་མཾ. ཨ་ཏྠི་པི སོ སཱ་ཝ་ཀོ ད་ས་བ་ལཱ་ནཾ གོ་ཙ་རཾ ཛཱ་ནཱ་ཏི ཨོ་དྷི་སོ ཨ་ནོ་དྷི་སོ, ཏཾ པ་ན བ་ལཾ ས་བྦ་སོ ན ཛཱ་ནཱ་ཏི ཨ་ཉྙ་ཐཱ ནཱ་མ ས་ཝ་ནེ་ན, ཡ་ཐཱ ཨཱ་ཡ་སྨ་ཏཱ སཱ་རི་པུ་ཏྟེ་ན ཡེ་ན བྲཱ་ཧྨ་ཎོ ཨོ་ཝ་དི་ཏོ, ཏ་སྶ ཨཱ་ཡ་སྨ་ཏོ ན་ཏྠི ཨི་ནྡྲི་ཡ་བ་ལ་ཝེ་མ་ཏྟ་ཉཱ་ཎཾ, ཏེ་ན པུ་གྒ་ལ་པ་རོ [པུ་གྒ་ལོ པ་རོ་པ་ར་ཉྩ (པཱི.)] པ་ར་ཉྩ ཏཾ ཨ་ཛཱ་ན་ནྟོ ས་ཏི ཨུ་ཏྟ་རི་ཀ་ར་ཎཱི་ཡེ ཨུ་པྤཱ་དི་ཏོ, སོ བྷ་ག་ཝ་ཏཱ ཨ་པ་སཱ་དི་ཏོ. ཡ་ཐཱ་ཝ ཨཱ་ཡ་སྨཱ མ་ཧཱ་ཀ་སྶ་པོ བྷཱ་གི་ནེ་ཡྻཾ ཨོ་ཝ་ད་ཏི ཨ་ན་ནྟ་རི་ཡ་ས་མ་ནྣཱ་ག་ཏོ ཨི་དྡྷི་པཱ་ཊི་ཧཱི་རེ་ན ཨ་ངྒུ་ལི་ཡོ ཨ་དཱི་པེ་ཏྭཱ ཡཾ ས་བྦེ་སཾ དྷ་མྨཱ་ནཾ ཀ་མྨ་ས་མཱ་དཱ་ནཱ་ནཾ ཧེ་ཏུ་སོ ཋཱ་ན་སོ ཡ་ཐཱ་བྷཱུ་ཏཾ ཉཱ་ཎཾ, ཏ་སྶ ཨཱ་ཡ་སྨ་ཏོ སཾ་ཝི་ཛྫ་ཏེ, ཏེ་ན ནཾ ཨོ་ཝ་ད་ཏི, ཏཾ བྷ་ག་ཝཱ ཀ་རོ་ཏི.

‘‘ས་ཙེ་པི ད་ས པ་ཛྫོ་ཏེ, དྷཱ་ར་ཡི་སྶ་སི ཀ་སྶ་པ;

ནེ་ཝ ད་ཀྑ་ཏི རཱུ་པཱ་ནི, ཙ་ཀྑུ ཏ་སྶ ན ཝི་ཛྫ་ཏཱི’’ཏི.

ཨ་པི ཙ ཁོ ཡ་ཐཱ དཱུ་ཏོ རཱ་ཛ་ཝ་ཙ་ནེ་ན ས་ཏྟ་མ་ནུ་སཱ་ས་ཏི, ཨེ་ཝཾ སེ་སཱ་ནུ་གོ ཨ་ཉྙཱ་ཏ་ཀཾ གྷོ་སཾ པ་རེ་སཾ དེ་སེ་ཏི. ཨ་ནུ་ཉྙཱ་ཏ་ཁ་མ་སུ་ཏྟཾ ག་ཧེ་ཏ་བྦཾ. ཨ་ན་ནུ་ཉྙཱ་ཏ་ཁ་མཾ ན ག་ཧེ་ཏ་བྦཾ.

ཏ་ཏྠ ཀ་ཏ་མོ སུ་ཏྟ་ས་ངྐ་རོ? པ་ཉྩ་ཝི་དྷཾ སུ་ཏྟཾ, སཾ་ཀི་ལེ་ས་བྷཱ་གི་ཡཾ ཝཱ་ས་ནཱ་བྷཱ་གི་ཡཾ ད་སྶ་ན་བྷཱ་གི་ཡཾ བྷཱ་ཝ་ནཱ་བྷཱ་གི་ཡཾ ཨ་སེ་ཀྑ་བྷཱ་གི་ཡཾ. ཨ་ཉྙཾ ཨཱ་རཱ་དྷེ་ཡྻ ཨ་ཉྙཾ དེ་སེ་ཏི ཨ་ཉྙ་སྶ ཙ སུ་ཏྟ་སྶ ཨ་ཏྠཾ ཨ་ཉྙ་མྷི སུ་ཏྟེ ནི་དྡི་ས་ཏི. སུ་ཏྟ་སྶ ཝཱ ཧི ཨ་ནེ་ཀཱ་ཀཱ་རཾ ཨ་ཏྠཾ ནི་དྡི་ས་ཏི. ཨ་རི་ཡ་དྷ་མྨ་སཱ་དྷ་ནེ ཨ་ཏྠཾ ཝི་ཝ་ར་ཏི. ཝཱ་ས་ནཱ་བྷཱ་གི་ཡ་སྶ ཨ་ཏྠཾ ད་སྶ་ན་བྷཱ་གི་ཡེ་སུ ནི་དྡི་ས་ཏི. ཨོ་ར་མྦྷཱ་གི་ཡཱ་ནཾ སཾ་ཡོ་ཛ་ནཱ་ནཾ ཨ་ཏྠཾ ཨུ་དྡྷཾ་བྷཱ་གི་ཡེ་སུ ནི་དྡི་ས་ཏི. མུ་དུ་མ་ཛ྄ཛྷཱ་ནཾ ཨི་ནྡྲི་ཡཱ་ནཾ ཨ་དྷི་མ་ཏྟེ་སུ སུ་ཏྟེ་སུ ནི་དྡི་ས་ཏི. ཨི་ཏི ཨ་ཡཾ སུ་ཏྟཾ ས་མྦྷེ་དཾ ཧེ་ཏུ་ནཱ ཙ ནི་སྶ་ནྡེ་ན ཙ ཕ་ལེ་ན ཙ ནི་དྡེ་སེ་ན ཙ མུ་དུ་མ་ཛ྄ཛྷཱ་དྷི་མ་ཏྟ་ཏཱ་ཡ་པི ཙ ཨ་ཏྠེ་ན ཙ བྱ་ཉྫ་ནེ་ན ཙ ཡོ ས་མྦྷེ་དོ, ཨ་ཡཾ ཝུ་ཙྩ་ཏི སུ་ཏྟ་ས་ངྐ་རོ. ཡོ ཨ་ས་མྦྷེ་དོ, ཨ་ཡཾ ཝུ་ཙྩ་ཏི སུ་ཏྟ་ཝི་ཙ་ཡོ.

ཏ་ཏྠཱ་ཡཾ ཨུ་དྡཱ་ན་གཱ་ཐཱ

པུ་རི་མཱ་ནཾ ཨ་ཀྑ་ཎྜཾ, ཡ་ཐཱ་བྷཱུ་ཏ་སྶ པ་ཙྩ་ཡོ;

ནི་སྶ་ནྡོ ཝཱ་ས་ནཱ་ས་དྡྷི, ཨ་ནུ་ཉྙཱ སུ་ཏྟ་ས་ངྐ་རོ.

ཐེ་ར་སྶ མ་ཧཱ་ཀ་ཙྩཱ་ཡ་ན་སྶ

སུ་ཏྟ་ཝི་ཙ་ཡོ ནཱ་མ ཙ་ཏུ་ཏྠ་བྷཱུ་མི.