༡. ལཱ་བུ་ལ་ཏ་ངྒ་པ་ཉྷོ

༡. ‘‘བྷ་ནྟེ ནཱ་ག་སེ་ན, ‘ལཱ་བུ་ལ་ཏཱ་ཡ ཨེ་ཀཾ ཨ་ངྒཾ ག་ཧེ་ཏ་བྦ’ནྟི ཡཾ ཝ་དེ་སི, ཀ་ཏ་མཾ ཏཾ ཨེ་ཀཾ ཨ་ངྒཾ ག་ཧེ་ཏ་བྦ’’ནྟི? ‘‘ཡ་ཐཱ, མ་ཧཱ་རཱ་ཛ, ལཱ་བུ་ལ་ཏཱ ཏི་ཎེ ཝཱ ཀ་ཊྛེ ཝཱ ལ་ཏཱ་ཡ ཝཱ སོ་ཎྜི་ཀཱ་ཧི ཨཱ་ལ་མྦི་ཏྭཱ ཏ་སྶཱུ་པ་རི ཝ་ཌྜྷ་ཏི, ཨེ་ཝ་མེ་ཝ ཁོ, མ་ཧཱ་རཱ་ཛ, ཡོ་གི་ནཱ ཡོ་གཱ་ཝ་ཙ་རེ་ན ཨ་ར་ཧ་ཏྟེ ཨ་བྷི་ཝ་ཌྜྷི་ཏུ་ཀཱ་མེ་ན མ་ན་སཱ ཨཱ་ར་མྨ་ཎཾ ཨཱ་ལ་མྦི་ཏྭཱ ཨ་ར་ཧ་ཏྟེ ཨ་བྷི་ཝ་ཌྜྷི་ཏ་བྦཾ. ཨི་དཾ, མ་ཧཱ་རཱ་ཛ, ལཱ་བུ་ལ་ཏཱ་ཡ ཨེ་ཀཾ ཨ་ངྒཾ ག་ཧེ་ཏ་བྦཾ. བྷཱ་སི་ཏ་མྤེ་ཏཾ, མ་ཧཱ་རཱ་ཛ, ཐེ་རེ་ན སཱ་རི་པུ་ཏྟེ་ན དྷ་མྨ་སེ་ནཱ་པ་ཏི་ནཱ –

‘‘‘ཡ་ཐཱ ལཱ་བུ་ལ་ཏཱ ནཱ་མ, ཏི་ཎེ ཀ་ཊྛེ ལ་ཏཱ་ཡ ཝཱ;

ཨཱ་ལ་མྦི་ཏྭཱ སོ་ཎྜི་ཀཱ་ཧི, ཏ་ཏོ ཝ་ཌྜྷ་ཏི ཨུ་པྤ་རི.

‘‘‘ཏ་ཐེ་ཝ བུ་དྡྷ་པུ་ཏྟེ་ན, ཨ་ར་ཧ་ཏྟ་ཕ་ལ་ཀཱ་མི་ནཱ;

ཨཱ་ར་མྨ་ཎཾ ཨཱ་ལ་མྦི་ཏྭཱ, ཝ་ཌྜྷི་ཏ་བྦཾ ཨ་སེ་ཀྑ་ཕ་ལེ’’’ཏི.

ལཱ་བུ་ལ་ཏ་ངྒ་པ་ཉྷོ པ་ཋ་མོ.