༡༠. མ་ཀྐ་ཊ་ངྒ་པ་ཉྷོ

༡༠. ‘‘བྷ་ནྟེ ནཱ་ག་སེ་ན, ‘མ་ཀྐ་ཊ་སྶ དྭེ ཨ་ངྒཱ་ནི ག་ཧེ་ཏ་བྦཱ་ནཱི’ཏི ཡཾ ཝ་དེ་སི, ཀ་ཏ་མཱ་ནི ཏཱ་ནི དྭེ ཨ་ངྒཱ་ནི ག་ཧེ་ཏ་བྦཱ་ནཱི’’ཏི? ‘‘ཡ་ཐཱ, མ་ཧཱ་རཱ་ཛ, མ་ཀྐ་ཊོ ཝཱ་ས་མུ་པ་ག་ཙྪ་ནྟོ ཏ་ཐཱ་རཱུ་པེ ཨོ་ཀཱ་སེ མ་ཧ་ཏི་མ་ཧཱ་རུ་ཀྑེ པ་ཝི་ཝི་ཏྟེ ས་བྦ་ཊྛ་ཀ་སཱ་ཁེ [ས་བྦ་ཏྠ་ཀ་སཱ་ཁེ (སྱཱ.), ས་བྦ་ཊྛ་སཱ་ཁེ (ཀ.)] བྷཱི་རུ་ཏྟཱ་ཎེ ཝཱ་ས་མུ་པ་ག་ཙྪ་ཏི, ཨེ་ཝ་མེ་ཝ ཁོ, མ་ཧཱ་རཱ་ཛ, ཡོ་གི་ནཱ ཡོ་གཱ་ཝ་ཙ་རེ་ན ལ་ཛྫིཾ པེ་ས་ལཾ སཱི་ལ་ཝ་ནྟཾ ཀ་ལྱཱ་ཎ་དྷ་མྨཾ བ་ཧུ་སྶུ་ཏཾ དྷ་མྨ་དྷ་རཾ ཝི་ན་ཡ་དྷ་རཾ པི་ཡཾ ག་རུ་བྷཱ་ཝ་ནཱི་ཡཾ ཝ་ཏྟཱ་རཾ ཝ་ཙ་ན་ཀྑ་མཾ ཨོ་ཝཱ་ད་ཀཾ ཝི་ཉྙཱ་པ་ཀཾ ས་ནྡ་སྶ་ཀཾ ས་མཱ་ད་པ་ཀཾ ས་མུ་ཏྟེ་ཛ་ཀཾ ས་མྤ་ཧཾ་ས་ཀཾ ཨེ་ཝ་རཱུ་པཾ ཀ་ལྱཱ་ཎ་མི་ཏྟཾ ཨཱ་ཙ་རི་ཡཾ ནི་སྶཱ་ཡ ཝི་ཧ་རི་ཏ་བྦཾ. ཨི་དཾ, མ་ཧཱ་རཱ་ཛ, མ་ཀྐ་ཊ་སྶ པ་ཋ་མཾ ཨ་ངྒཾ ག་ཧེ་ཏ་བྦཾ.

‘‘པུ་ན ཙ་པ་རཾ, མ་ཧཱ་རཱ་ཛ, མ་ཀྐ་ཊོ རུ་ཀྑེ ཡེ་ཝ ཙ་ར་ཏི ཏི་ཊྛ་ཏི ནི་སཱི་ད་ཏི, ཡ་དི ནི་དྡཾ ཨོ་ཀྐ་མ་ཏི, ཏ་ཏྠེ་ཝ ར་ཏྟིཾ ཝཱ་ས་མ་ནུ་བྷ་ཝ་ཏི. ཨེ་ཝ་མེ་ཝ ཁོ, མ་ཧཱ་རཱ་ཛ, ཡོ་གི་ནཱ ཡོ་གཱ་ཝ་ཙ་རེ་ན པ་ཝ་ནཱ་བྷི་མུ་ཁེ་ན བྷ་ཝི་ཏ་བྦཾ, པ་ཝ་ནེ ཡེ་ཝ ཋཱ་ན་ཙ་ངྐ་མ་ནི་ས་ཛྫཱ་ས་ཡ་ནཾ ནི་དྡཾ ཨོ་ཀྐ་མི་ཏ་བྦཾ, ཏ་ཏྠེ་ཝ ས་ཏི་པ་ཊྛཱ་ན་མ་ནུ་བྷ་ཝི་ཏ་བྦཾ. ཨི་དཾ, མ་ཧཱ་རཱ་ཛ, མ་ཀྐ་ཊ་སྶ དུ་ཏི་ཡཾ ཨ་ངྒཾ ག་ཧེ་ཏ་བྦཾ. བྷཱ་སི་ཏ་མྤེ་ཏཾ, མ་ཧཱ་རཱ་ཛ, ཐེ་རེ་ན སཱ་རི་པུ་ཏྟེ་ན དྷ་མྨ་སེ་ནཱ་པ་ཏི་ནཱ –

‘‘‘ཙ་ངྐ་མ་ནྟོ་པི ཏི་ཊྛ་ནྟོ, ནི་ས་ཛྫཱ་ས་ཡ་ནེ་ན ཝཱ;

པ་ཝ་ནེ སོ་བྷ་ཏེ བྷི་ཀྑུ, པ་ཝ་ན་ནྟཾ་ཝ ཝ་ཎྞི་ཏ’’’ནྟི.

མ་ཀྐ་ཊ་ངྒ་པ་ཉྷོ ད་ས་མོ.

ག་དྲ་བྷ་ཝ་གྒོ པ་ཋ་མོ.

ཏ་སྶུ་དྡཱ་ནཾ –

ག་དྲ་བྷོ ཙེ་ཝ [གྷོ་ར་སྶ་རོ ཙ (སཱི. སྱཱ. པཱི.)] ཀུ་ཀྐུ་ཊོ, ཀ་ལ་ནྡོ དཱི་པི་ནི དཱི་པི་ཀོ;

ཀུ་མྨོ ཝཾ་སོ ཙ ཙཱ་པོ ཙ, ཝཱ་ཡ་སོ ཨ་ཐ མ་ཀྐ་ཊོ་ཏི.