༦. ཀ་མྨ་ཛཱ་དི་པ་ཉྷོ

༦. ‘‘བྷ་ནྟེ ནཱ་ག་སེ་ན, ཀ་ཏ་མེ ཨེ་ཏྠ ཀ་མྨ་ཛཱ, ཀ་ཏ་མེ ཧེ་ཏུ་ཛཱ, ཀ་ཏ་མེ ཨུ་ཏུ་ཛཱ, ཀ་ཏ་མེ ན ཀ་མྨ་ཛཱ, ན ཧེ་ཏུ་ཛཱ, ན ཨུ་ཏུ་ཛཱ’’ཏི? ‘‘ཡེ ཀེ་ཙི, མ་ཧཱ་རཱ་ཛ, ས་ཏྟཱ ས་ཙེ་ཏ་ནཱ, ས་བྦེ ཏེ ཀ་མྨ་ཛཱ; ཨ་གྒི ཙ ས་བྦཱ་ནི ཙ བཱི་ཛ་ཛཱ་ཏཱ་ནི ཧེ་ཏུ་ཛཱ་ནི; པ་ཐ་ཝཱི ཙ པ་བྦ་ཏཱ ཙ ཨུ་ད་ཀ་ཉྩ ཝཱ་ཏོ ཙ, ས་བྦེ ཏེ ཨུ་ཏུ་ཛཱ; ཨཱ་ཀཱ་སོ ཙ ནི་བྦཱ་ན་ཉྩ ཨི་མེ དྭེ ཨ་ཀ་མྨ་ཛཱ ཨ་ཧེ་ཏུ་ཛཱ ཨ་ནུ་ཏུ་ཛཱ. ནི་བྦཱ་ནཾ པ་ན, མ་ཧཱ་རཱ་ཛ, ན ཝ་ཏྟ་བྦཾ ཀ་མྨ་ཛ་ནྟི ཝཱ ཧེ་ཏུ་ཛ་ནྟི ཝཱ ཨུ་ཏུ་ཛ་ནྟི ཝཱ ཨུ་པྤ་ནྣ་ནྟི ཝཱ ཨ་ནུ་པྤ་ནྣ་ནྟི ཝཱ ཨུ་པྤཱ་ད་ནཱི་ཡ་ནྟི ཝཱ ཨ་ཏཱི་ཏ་ནྟི ཝཱ ཨ་ནཱ་ག་ཏ་ནྟི ཝཱ པ་ཙྩུ་པྤ་ནྣ་ནྟི ཝཱ ཙ་ཀྑུ་ཝི་ཉྙེ་ཡྻ་ནྟི ཝཱ སོ་ཏ་ཝི་ཉྙེ་ཡྻ་ནྟི ཝཱ གྷཱ་ན་ཝི་ཉྙེ་ཡྻ་ནྟི ཝཱ ཛི་ཝ྄ཧཱ་ཝི་ཉྙེ་ཡྻ་ནྟི ཝཱ ཀཱ་ཡ་ཝི་ཉྙེ་ཡྻ་ནྟི ཝཱ, ཨ་པི ཙ, མ་ཧཱ་རཱ་ཛ, མ་ནོ་ཝི་ཉྙེ་ཡྻཾ ནི་བྦཱ་ནཾ, ཡཾ སོ ས་མྨཱ་པ་ཊི་པ་ནྣོ ཨ་རི་ཡ་སཱ་ཝ་ཀོ ཝི་སུ་དྡྷེ་ན ཉཱ་ཎེ་ན པ་སྶ་ཏཱི’’ཏི. ‘‘ར་མ་ཎཱི་ཡོ, བྷ་ནྟེ ནཱ་ག་སེ་ན, པ་ཉྷོ སུ་ཝི་ནི་ཙྪི་ཏོ ནི་སྶཾ་ས་ཡོ ཨེ་ཀ་ནྟ་ག་ཏོ, ཝི་མ་ཏི ཨུ་པྤ་ཙྪི་ནྣཱ, ཏྭཾ ག་ཎི་ཝ་ར་པ་ཝ་ར་མཱ་ས་ཛྫཱ’’ཏི.

ཀ་མྨ་ཛཱ་དི་པ་ཉྷོ ཚ་ཊྛོ.