༧. ཡ་ཀྑ་པ་ཉྷོ

༧. ‘‘བྷ་ནྟེ ནཱ་ག་སེ་ན, ཨ་ཏྠི ལོ་ཀེ ཡ་ཀྑཱ ནཱ་མཱ’’ཏི? ‘‘ཨཱ་མ, མ་ཧཱ་རཱ་ཛ, ཨ་ཏྠི ལོ་ཀེ ཡ་ཀྑཱ ནཱ་མཱ’’ཏི. ‘‘ཙ་ཝ་ནྟི པ་ན ཏེ, བྷ་ནྟེ, ཡ་ཀྑཱ ཏ་མྷཱ ཡོ་ནི་ཡཱ’’ཏི? ‘‘ཨཱ་མ, མ་ཧཱ་རཱ་ཛ, ཙ་ཝ་ནྟི ཏེ ཡ་ཀྑཱ ཏ་མྷཱ ཡོ་ནི་ཡཱ’’ཏི. ‘‘ཀི་སྶ པ་ན, བྷ་ནྟེ ནཱ་ག་སེ་ན, ཏེ་སཾ མ་ཏཱ་ནཾ ཡ་ཀྑཱ་ནཾ ས་རཱི་རཾ ན དི་སྶ་ཏི, ཀུ་ཎ་པ་ག་ནྡྷོ་པི ན ཝཱ་ཡ་ཏཱི’’ཏི? ‘‘དི་སྶ་ཏི, མ་ཧཱ་རཱ་ཛ, མ་ཏཱ་ནཾ ཡ་ཀྑཱ་ནཾ ས་རཱི་རཾ, ཀུ་ཎ་པ་ག་ནྡྷོ་པི ཏེ་སཾ ཝཱ་ཡ་ཏི, མ་ཏཱ་ནཾ, མ་ཧཱ་རཱ་ཛ, ཡ་ཀྑཱ་ནཾ ས་རཱི་རཾ ཀཱི་ཊ་ཝ་ཎྞེ་ན ཝཱ དི་སྶ་ཏི, ཀི་མི་ཝ་ཎྞེ་ན ཝཱ དི་སྶ་ཏི, ཀི་པི་ལླི་ཀ་ཝ་ཎྞེ་ན ཝཱ དི་སྶ་ཏི, པ་ཊ་ངྒ་ཝ་ཎྞེ་ན ཝཱ དི་སྶ་ཏི, ཨ་ཧི་ཝ་ཎྞེ་ན ཝཱ དི་སྶ་ཏི, ཝི་ཙྪི་ཀ་ཝ་ཎྞེ་ན ཝཱ དི་སྶ་ཏི, ས་ཏ་པ་དི་ཝ་ཎྞེ་ན ཝཱ དི་སྶ་ཏི, དི་ཛ་ཝ་ཎྞེ་ན ཝཱ དི་སྶ་ཏི, མི་ག་ཝ་ཎྞེ་ན ཝཱ དི་སྶ་ཏཱི’’ཏི. ‘‘ཀོ ཧི, བྷ་ནྟེ ནཱ་ག་སེ་ན, ཨ་ཉྙོ ཨི་དཾ པ་ཉྷཾ པུ་ཊྛོ ཝི་ས་ཛྫེ་ཡྻ ཨ་ཉྙ་ཏྲ ཏ་ཝཱ་དི་སེ་ན བུ་དྡྷི་མ་ཏཱ’’ཏི.

ཡ་ཀྑ་པ་ཉྷོ ས་ཏྟ་མོ.