༦. བོ་ཛ྄ཛྷ་ངྒ་པ་ཉྷོ

༦. རཱ་ཛཱ ཨཱ་ཧ ‘‘ཀ་ཏི ནུ ཁོ, བྷ་ནྟེ ནཱ་ག་སེ་ན, བོ་ཛ྄ཛྷ་ངྒཱ’’ཏི? ‘‘ས་ཏྟ ཁོ, མ་ཧཱ་རཱ་ཛ, བོ་ཛ྄ཛྷ་ངྒཱ’’ཏི. ‘‘ཀ་ཏི་ཧི པ་ན, བྷ་ནྟེ, བོ་ཛ྄ཛྷ་ངྒེ་ཧི བུ་ཛ྄ཛྷ་ཏཱི’’ཏི? ‘‘ཨེ་ཀེ་ན ཁོ, མ་ཧཱ་རཱ་ཛ, བོ་ཛ྄ཛྷ་ངྒེ་ན བུ་ཛ྄ཛྷ་ཏི དྷ་མྨ་ཝི་ཙ་ཡ་ས་མྦོ་ཛ྄ཛྷ་ངྒེ་ནཱ’’ཏི. ‘‘ཨ་ཐ ཀི་སྶ ནུ ཁོ, བྷ་ནྟེ, ཝུ་ཙྩ་ནྟི ‘ས་ཏྟ བོ་ཛ྄ཛྷ་ངྒཱ’’’ཏི? ‘‘ཏཾ ཀིཾ མ་ཉྙ་སི, མ་ཧཱ་རཱ་ཛ, ཨ་སི ཀོ་སི་ཡཱ པ་ཀྑི་ཏྟོ ཨ་གྒ་ཧི་ཏོ ཧ་ཏྠེ་ན ཨུ་སྶ་ཧ་ཏི ཚེ་ཛྫཾ ཚི་ནྡི་ཏུ’’ནྟི. ‘‘ན ཧི, བྷ་ནྟེ’’ཏི. ‘‘ཨེ་ཝ་མེ་ཝ ཁོ, མ་ཧཱ་རཱ་ཛ, དྷ་མྨ་ཝི་ཙ་ཡ་ས་མྦོ་ཛ྄ཛྷ་ངྒེ་ན ཝི་ནཱ ཚ་ཧི བོ་ཛ྄ཛྷ་ངྒེ་ཧི ན བུ་ཛ྄ཛྷ་ཏཱི’’ཏི.

‘‘ཀ་ལློ་སི, བྷ་ནྟེ ནཱ་ག་སེ་ནཱ’’ཏི.

བོ་ཛ྄ཛྷ་ངྒ་པ་ཉྷོ ཚ་ཊྛོ.