༧. པཱ་པ་པུ་ཉྙཱ་ནཾ ཨ་པྤཱ་ན་པྤ་བྷཱ་ཝ་པ་ཉྷོ

༧. རཱ་ཛཱ ཨཱ་ཧ ‘‘བྷ་ནྟེ ནཱ་ག་སེ་ན, ཀ་ཏ་རཾ ནུ ཁོ བ་ཧུ་ཏ་རཾ པུ་ཉྙཾ ཝཱ ཨ་པུ་ཉྙཾ ཝཱ’’ཏི? ‘‘པུ་ཉྙཾ ཁོ, མ་ཧཱ་རཱ་ཛ, བ་ཧུ་ཏ་རཾ, ཨ་པུ་ཉྙཾ ཐོ་ཀ’’ནྟི. ‘‘ཀེ་ན ཀཱ་ར་ཎེ་ནཱ’’ཏི? ‘‘ཨ་པུ་ཉྙཾ ཁོ, མ་ཧཱ་རཱ་ཛ, ཀ་རོ་ནྟོ ཝི་པྤ་ཊི་སཱ་རཱི ཧོ་ཏི ‘པཱ་པ་ཀ་མྨཾ མ་ཡཱ ཀ་ཏ’ནྟི, ཏེ་ན པཱ་པཾ ན ཝ་ཌྜྷ་ཏི. པུ་ཉྙཾ ཁོ, མ་ཧཱ་རཱ་ཛ, ཀ་རོ་ནྟོ ཨ་ཝི་པྤ་ཊི་སཱ་རཱི ཧོ་ཏི, ཨ་ཝི་པྤ་ཊི་སཱ་རི་ནོ པཱ་མོ་ཛྫཾ ཛཱ་ཡ་ཏི, པ་མུ་དི་ཏ་སྶ པཱི་ཏི ཛཱ་ཡ་ཏི, པཱི་ཏི་མ་ན་སྶ ཀཱ་ཡོ པ་སྶ་མྦྷ་ཏི, པ་སྶ་དྡྷ་ཀཱ་ཡོ སུ་ཁཾ ཝེ་དེ་ཏི, སུ་ཁི་ནོ ཙི་ཏྟཾ ས་མཱ་དྷི་ཡ་ཏི, ས་མཱ་ཧི་ཏོ ཡ་ཐཱ་བྷཱུ་ཏཾ པ་ཛཱ་ནཱ་ཏི, ཏེ་ན ཀཱ་ར་ཎེ་ན པུ་ཉྙཾ ཝ་ཌྜྷ་ཏི. པུ་རི་སོ ཁོ, མ་ཧཱ་རཱ་ཛ, ཚི་ནྣ་ཧ་ཏྠ་པཱ་དོ བྷ་ག་ཝ་ཏོ ཨེ་ཀཾ ཨུ་པྤ་ལ་ཧ་ཏྠཾ ད་ཏྭཱ ཨེ་ཀ་ན་ཝུ་ཏི་ཀ་པྤཱ་ནི ཝི་ནི་པཱ་ཏཾ ན ག་ཙྪི་སྶ་ཏི. ཨི་མི་ནཱ་པི, མ་ཧཱ་རཱ་ཛ, ཀཱ་ར་ཎེ་ན བྷ་ཎཱ་མི ‘པུ་ཉྙཾ བ་ཧུ་ཏ་རཾ, ཨ་པུ་ཉྙཾ ཐོ་ཀ’’’ནྟི.

‘‘ཀ་ལློ་སི, བྷ་ནྟེ ནཱ་ག་སེ་ནཱ’’ཏི.

པཱ་པ་པུ་ཉྙཱ་ནཾ ཨ་པྤཱ་ན་པྤ་བྷཱ་ཝ་པ་ཉྷོ ས་ཏྟ་མོ.