༡༠. ཙི་ར་ཀ་ཏ་ས་ར་ཎ་པ་ཉྷོ

༡༠. རཱ་ཛཱ ཨཱ་ཧ ‘‘བྷ་ནྟེ ནཱ་ག་སེ་ན, ཀེ་ན ཨ་ཏཱི་ཏཾ ཙི་ར་ཀ་ཏཾ ས་ར་ཏཱི’’ཏི? ‘‘ས་ཏི་ཡཱ, མ་ཧཱ་རཱ་ཛཱ’’ཏི. ‘‘ན་ནུ, བྷ་ནྟེ ནཱ་ག་སེ་ན, ཙི་ཏྟེ་ན ས་ར་ཏི ནོ ས་ཏི་ཡཱ’’ཏི? ‘‘ཨ་བྷི་ཛཱ་ནཱ་སི ནུ, ཏྭཾ མ་ཧཱ་རཱ་ཛ, ཀི་ཉྩི་དེ་ཝ ཀ་ར་ཎཱི་ཡཾ ཀ་ཏྭཱ པ་མུ་ཊྛ’’ནྟི? ‘‘ཨཱ་མ བྷ་ནྟེ’’ཏི. ‘‘ཀིཾ ནུ ཁོ, ཏྭཾ མ་ཧཱ་རཱ་ཛ, ཏ་སྨིཾ ས་མ་ཡེ ཨ་ཙི་ཏྟ་ཀོ ཨ་ཧོ་སཱི’’ཏི? ‘‘ན ཧི, བྷ་ནྟེ, ས་ཏི ཏ་སྨིཾ ས་མ་ཡེ ནཱ་ཧོ་སཱི’’ཏི. ‘‘ཨ་ཐ ཀ་སྨཱ, ཏྭཾ མ་ཧཱ་རཱ་ཛ, ཨེ་ཝ་མཱ་ཧ ‘ཙི་ཏྟེ་ན ས་ར་ཏི, ནོ ས་ཏི་ཡཱ’’’ཏི?

‘‘ཀ་ལློ་སི, བྷ་ནྟེ ནཱ་ག་སེ་ནཱ’’ཏི.

ཙི་ར་ཀ་ཏ་ས་ར་ཎ་པ་ཉྷོ ད་ས་མོ.