༡༡. ཨ་བྷི་ཛཱ་ན་ནྟ་ས་ཏི་པ་ཉྷོ

༡༡. རཱ་ཛཱ ཨཱ་ཧ ‘‘བྷ་ནྟེ ནཱ་ག་སེ་ན, ས་བྦཱ ས་ཏི ཨ་བྷི་ཛཱ་ན་ནྟཱི ཨུ་པྤ་ཛྫ་ཏི, ཨུ་དཱ་ཧུ ཀ་ཊུ་མི་ཀཱ་ཝ ས་ཏཱི’’ཏི? ‘‘ཨ་བྷི་ཛཱ་ན་ནྟཱི་པི, མ་ཧཱ་རཱ་ཛ, ཀ་ཊུ་མི་ཀཱ་པི ས་ཏཱི’’ཏི. ‘‘ཨེ་ཝ་ཉྷི ཁོ, བྷ་ནྟེ ནཱ་ག་སེ་ན, ས་བྦཱ ས་ཏི ཨ་བྷི་ཛཱ་ན་ནྟཱི, ན་ཏྠི ཀ་ཊུ་མི་ཀཱ ས་ཏཱི’’ཏི? ‘‘ཡ་དི ན་ཏྠི, མ་ཧཱ་རཱ་ཛ, ཀ་ཊུ་མི་ཀཱ ས་ཏི, ན་ཏྠི ཀི་ཉྩི སི་པྤི་ཀཱ་ནཾ ཀ་མྨཱ་ཡ་ཏ་ནེ་ཧི ཝཱ སི་པྤཱ་ཡ་ཏ་ནེ་ཧི ཝཱ ཝི་ཛྫཱ་ཊྛཱ་ནེ་ཧི ཝཱ ཀ་ར་ཎཱི་ཡཾ, ནི་ར་ཏྠ་ཀཱ ཨཱ་ཙ་རི་ཡཱ, ཡ་སྨཱ ཙ ཁོ, མ་ཧཱ་རཱ་ཛ, ཨ་ཏྠི ཀ་ཊུ་མི་ཀཱ ས་ཏི, ཏ་སྨཱ ཨ་ཏྠི ཀ་མྨཱ་ཡ་ཏ་ནེ་ཧི ཝཱ སི་པྤཱ་ཡ་ཏ་ནེ་ཧི ཝཱ ཝི་ཛྫཱ་ཊྛཱ་ནེ་ཧི ཝཱ ཀ་ར་ཎཱི་ཡཾ, ཨ་ཏྠོ ཙ ཨཱ་ཙ་རི་ཡེ་ཧཱི’’ཏི.

‘‘ཀ་ལློ་སི, བྷ་ནྟེ ནཱ་ག་སེ་ནཱ’’ཏི.

ཨ་བྷི་ཛཱ་ན་ནྟ་ས་ཏི་པ་ཉྷོ ཨེ་ཀཱ་ད་ས་མོ.

ས་ཏི་ཝ་གྒོ ཚ་ཊྛོ.

ཨི་མ་སྨིཾ ཝ་གྒེ ཨེ་ཀཱ་ད་ས པ་ཉྷཱ.