༡. བུ་དྡྷ་སྶ ཨ་ཏྠི་ན་ཏྠི་བྷཱ་ཝ་པ་ཉྷོ

༡. རཱ་ཛཱ ཨཱ་ཧ ‘‘བྷ་ནྟེ ནཱ་ག་སེ་ན, བུ་དྡྷོ ཏ་ཡཱ དི་ཊྛོ’’ཏི? ‘‘ན ཧི, མ་ཧཱ་རཱ་ཛཱ’’ཏི. ‘‘ཨ་ཐ ཏེ ཨཱ་ཙ་རི་ཡེ་ཧི བུ་དྡྷོ དི་ཊྛོ’’ཏི? ‘‘ན ཧི, མ་ཧཱ་རཱ་ཛཱ’’ཏི. ‘‘ཏེ་ན ཧི, བྷ་ནྟེ ནཱ་ག་སེ་ན, ན་ཏྠི བུ་དྡྷོ’’ཏི. ‘‘ཀིཾ པ་ན, མ་ཧཱ་རཱ་ཛ, ཧི་མ་ཝ་ཏི ཨཱུ་ཧཱ ན་དཱི ཏ་ཡཱ དི་ཊྛཱ’’ཏི? ‘‘ན ཧི, བྷ་ནྟེ’’ཏི. ‘‘ཨ་ཐ ཏེ པི་ཏ་རཱ ཨཱུ་ཧཱ ན་དཱི དི་ཊྛཱ’’ཏི? ‘‘ན ཧི, བྷ་ནྟེ’’ཏི. ‘‘ཏེ་ན ཧི, མ་ཧཱ་རཱ་ཛ, ན་ཏྠི ཨཱུ་ཧཱ ན་དཱི’’ཏི. ‘‘ཨ་ཏྠི, བྷ་ནྟེ, ཀི་ཉྩཱ་པི མ་ཡཱ ཨཱུ་ཧཱ ན་དཱི ན དི་ཊྛཱ, པི་ཏ་རཱ་པི མེ ཨཱུ་ཧཱ ན་དཱི ན དི་ཊྛཱ, ཨ་པི ཙ ཨ་ཏྠི ཨཱུ་ཧཱ ན་དཱི’’ཏི. ‘‘ཨེ་ཝ་མེ་ཝ ཁོ, མ་ཧཱ་རཱ་ཛ, ཀི་ཉྩཱ་པི མ་ཡཱ བྷ་ག་ཝཱ ན དི་ཊྛོ, ཨཱ་ཙ་རི་ཡེ་ཧི་པི མེ བྷ་ག་ཝཱ ན དི་ཊྛོ, ཨ་པི ཙ ཨ་ཏྠི བྷ་ག་ཝཱ’’ཏི.

‘‘ཀ་ལློ་སི, བྷ་ནྟེ ནཱ་ག་སེ་ནཱ’’ཏི.

བུ་དྡྷ་སྶ ཨ་ཏྠི་ན་ཏྠི་བྷཱ་ཝ་པ་ཉྷོ པ་ཋ་མོ.