༢. བུ་དྡྷ་སྶ ཨ་ནུ་ཏྟ་ར་བྷཱ་ཝ་པ་ཉྷོ

༢. རཱ་ཛཱ ཨཱ་ཧ ‘‘བྷ་ནྟེ ནཱ་ག་སེ་ན, བུ་དྡྷོ ཨ་ནུ་ཏྟ་རོ’’ཏི? ‘‘ཨཱ་མ, མ་ཧཱ་རཱ་ཛ, བྷ་ག་ཝཱ ཨ་ནུ་ཏྟ་རོ’’ཏི. ‘‘ཀ་ཐཾ, བྷ་ནྟེ ནཱ་ག་སེ་ན, ཨ་དི་ཊྛ་པུ་བྦཾ ཛཱ་ནཱ་སི ‘བུ་དྡྷོ ཨ་ནུ་ཏྟ་རོ’’’ཏི? ‘‘ཏཾ ཀིཾ མ་ཉྙ་སི, མ་ཧཱ་རཱ་ཛ, ཡེ་ཧི ཨ་དི་ཊྛ་པུ་བྦོ མ་ཧཱ་ས་མུ་དྡོ, ཛཱ་ནེ་ཡྻུཾ ཏེ, མ་ཧཱ་རཱ་ཛ, མ་ཧ་ནྟོ ཁོ མ་ཧཱ་ས་མུ་དྡོ ག་མྦྷཱི་རོ ཨ་པྤ་མེ་ཡྻོ དུ་པྤ་རི་ཡོ་གཱ་ཧོ, ཡ་ཏྠི་མཱ པ་ཉྩ མ་ཧཱ་ན་དི་ཡོ ས་ཏ་ཏཾ ས་མི་ཏཾ ཨ་པྤེ་ནྟི, སེ་ཡྻ་ཐི་དཾ, ག་ངྒཱ ཡ་མུ་ནཱ ཨ་ཙི་ར་ཝ་ཏཱི ས་ར་བྷཱུ མ་ཧཱི, ནེ་ཝ ཏ་སྶ ཨཱུ་ན་ཏྟཾ ཝཱ པཱུ་ར་ཏྟཾ ཝཱ པ་ཉྙཱ་ཡ་ཏཱི’’ཏི? ‘‘ཨཱ་མ, བྷ་ནྟེ, ཛཱ་ནེ་ཡྻུ’’ནྟི. ‘‘ཨེ་ཝ་མེ་ཝ ཁོ, མ་ཧཱ་རཱ་ཛ, སཱ་ཝ་ཀེ མ་ཧ་ནྟེ པ་རི་ནི་བྦུ་ཏེ པ་སྶི་ཏྭཱ ཛཱ་ནཱ་མི ‘བྷ་ག་ཝཱ ཨ་ནུ་ཏྟ་རོ’’’ཏི.

‘‘ཀ་ལློ་སི, བྷ་ནྟེ ནཱ་ག་སེ་ནཱ’’ཏི.

བུ་དྡྷ་སྶ ཨ་ནུ་ཏྟ་ར་བྷཱ་ཝ་པ་ཉྷོ དུ་ཏི་ཡོ.