༩. ཝེ་ད་ནཱ་ལ་ཀྑ་ཎ་པ་ཉྷོ

༩. ‘‘བྷ་ནྟེ ནཱ་ག་སེ་ན, ཀིཾ་ལ་ཀྑ་ཎཱ ཝེ་ད་ནཱ’’ཏི? ‘‘ཝེ་ད་ཡི་ཏ་ལ་ཀྑ་ཎཱ, མ་ཧཱ་རཱ་ཛ, ཝེ་ད་ནཱ ཨ་ནུ་བྷ་ཝ་ན་ལ་ཀྑ་ཎཱ ཙཱ’’ཏི.

‘‘ཨོ་པ་མྨཾ ཀ་རོ་ཧཱི’’ཏི. ‘‘ཡ་ཐཱ, མ་ཧཱ་རཱ་ཛ, ཀོ་ཙི་དེ་ཝ པུ་རི་སོ ར་ཉྙོ ཨ་དྷི་ཀཱ་རཾ ཀ་རེ་ཡྻ, ཏ་སྶ རཱ་ཛཱ ཏུ་ཊྛོ ཨ་དྷི་ཀཱ་རཾ ད་དེ་ཡྻ, སོ ཏེ་ན ཨ་དྷི་ཀཱ་རེ་ན པ་ཉྩ་ཧི ཀཱ་མ་གུ་ཎེ་ཧི ས་མ་པྤི་ཏོ ས་མ་ངྒི་བྷཱུ་ཏོ པ་རི་ཙ་རེ་ཡྻ, ཏ་སྶ ཨེ་ཝ་མ་སྶ ‘མ་ཡཱ ཁོ པུ་བྦེ ར་ཉྙོ ཨ་དྷི་ཀཱ་རོ ཀ་ཏོ, ཏ་སྶ མེ རཱ་ཛཱ ཏུ་ཊྛོ ཨ་དྷི་ཀཱ་རཾ ཨ་དཱ་སི, སྭཱ་ཧཾ ཏ་ཏོ་ནི་དཱ་ནཾ ཨི་མཾ ཨེ་ཝ་རཱུ་པཾ ཝེ་ད་ནཾ ཝེ་ད་ཡཱ་མཱི’ཏི.

‘‘ཡ་ཐཱ ཝཱ པ་ན, མ་ཧཱ་རཱ་ཛ, ཀོ་ཙི་དེ་ཝ པུ་རི་སོ ཀུ་ས་ལཾ ཀ་མྨཾ ཀ་ཏྭཱ ཀཱ་ཡ་སྶ བྷེ་དཱ པ་རཾ མ་ར་ཎཱ སུ་ག་ཏིཾ ས་གྒཾ ལོ་ཀཾ ཨུ་པ་པ་ཛྫེ་ཡྻ, སོ ཙ ཏ་ཏྠ དི་བྦེ་ཧི པ་ཉྩ་ཧི ཀཱ་མ་གུ་ཎེ་ཧི ས་མ་པྤི་ཏོ ས་མ་ངྒི་བྷཱུ་ཏོ པ་རི་ཙ་རེ་ཡྻ, ཏ་སྶ ཨེ་ཝ་མ་སྶ ‘སྭཱ་ཧཾ ཁོ པུ་བྦེ ཀུ་ས་ལཾ ཀ་མྨཾ ཨ་ཀཱ་སིཾ, སོ་ཧཾ ཏ་ཏོ་ནི་དཱ་ནཾ ཨི་མཾ ཨེ་ཝ་རཱུ་པཾ ཝེ་ད་ནཾ ཝེ་ད་ཡཱ་མཱི’ཏི, ཨེ་ཝཾ ཁོ, མ་ཧཱ་རཱ་ཛ, ཝེ་ད་ཡི་ཏ་ལ་ཀྑ་ཎཱ ཝེ་ད་ནཱ ཨ་ནུ་བྷ་ཝ་ན་ལ་ཀྑ་ཎཱ ཙཱ’’ཏི.

‘‘ཀ་ལློ་སི, བྷ་ནྟེ ནཱ་ག་སེ་ནཱ’’ཏི.

ཝེ་ད་ནཱ་ལ་ཀྑ་ཎ་པ་ཉྷོ ན་ཝ་མོ.