༡༠. ས་ཉྙཱ་ལ་ཀྑ་ཎ་པ་ཉྷོ

༡༠. ‘‘བྷ་ནྟེ ནཱ་ག་སེ་ན, ཀིཾ་ལ་ཀྑ་ཎཱ ས་ཉྙཱ’’ཏི? ‘‘ས་ཉྫཱ་ན་ན་ལ་ཀྑ་ཎཱ, མ་ཧཱ་རཱ་ཛ, ས་ཉྙཱ. ཀིཾ ས་ཉྫཱ་ནཱ་ཏི? ནཱི་ལ་མྤི ས་ཉྫཱ་ནཱ་ཏི, པཱི་ཏ་མྤི ས་ཉྫཱ་ནཱ་ཏི, ལོ་ཧི་ཏ་མྤི ས་ཉྫཱ་ནཱ་ཏི, ཨོ་དཱ་ཏ་མྤི ས་ཉྫཱ་ནཱ་ཏི, མ་ཉྫི་ཊྛ་མྤི [མ་ཉྫེ་ཊྛ་མྤི (སཱི. པཱི.)] ས་ཉྫཱ་ནཱ་ཏི. ཨེ་ཝཾ ཁོ, མ་ཧཱ་རཱ་ཛ, ས་ཉྫཱ་ན་ན་ལ་ཀྑ་ཎཱ ས་ཉྙཱ’’ཏི.

‘‘ཨོ་པ་མྨཾ ཀ་རོ་ཧཱི’’ཏི. ‘‘ཡ་ཐཱ, མ་ཧཱ་རཱ་ཛ, ར་ཉྙོ བྷ་ཎྜཱ་གཱ་རི་ཀོ བྷ་ཎྜཱ་གཱ་རཾ པ་ཝི་སི་ཏྭཱ ནཱི་ལ་པཱི་ཏ་ལོ་ཧི་ཏོ་དཱ་ཏ་མ་ཉྫི་ཊྛཱ་ནི [མ་ཉྫེ་ཊྛཱ་ནི (སཱི. པཱི.)] རཱ་ཛ་བྷོ་གཱ་ནི རཱུ་པཱ་ནི པ་སྶི་ཏྭཱ ས་ཉྫཱ་ནཱ་ཏི. ཨེ་ཝཾ ཁོ, མ་ཧཱ་རཱ་ཛ, ས་ཉྫཱ་ན་ན་ལ་ཀྑ་ཎཱ ས་ཉྙཱ’’ཏི.

‘‘ཀ་ལློ་སི, བྷ་ནྟེ ནཱ་ག་སེ་ནཱ’’ཏི.

ས་ཉྙཱ་ལ་ཀྑ་ཎ་པ་ཉྷོ ད་ས་མོ.