༡༥. པ་ཉྙཱ་ལ་ཀྑ་ཎ་པ་ཉྷོ

༡༥. རཱ་ཛཱ ཨཱ་ཧ ‘‘བྷ་ནྟེ ནཱ་ག་སེ་ན, ཀིཾ་ལ་ཀྑ་ཎཱ པ་ཉྙཱ’’ཏི? ‘‘པུ་བྦེ་ཝ ཁོ, མ་ཧཱ་རཱ་ཛ, མ་ཡཱ ཝུ་ཏྟཾ ‘ཚེ་ད་ན་ལ་ཀྑ་ཎཱ པ་ཉྙཱ’ཏི, ཨ་པི ཙ ཨོ་བྷཱ་ས་ན་ལ་ཀྑ་ཎཱ པ་ཉྙཱ’’ཏི. ‘‘ཀ་ཐཾ, བྷ་ནྟེ, ཨོ་བྷཱ་ས་ན་ལ་ཀྑ་ཎཱ པ་ཉྙཱ’’ཏི? ‘‘པ་ཉྙཱ, མ་ཧཱ་རཱ་ཛ, ཨུ་པྤ་ཛྫ་མཱ་ནཱ ཨ་ཝི་ཛྫ་ནྡྷ་ཀཱ་རཾ ཝི་དྷ་མེ་ཏི, ཝི་ཛྫོ་བྷཱ་སཾ ཛ་ནེ་ཏི, ཉཱ་ཎཱ་ལོ་ཀཾ ཝི་དཾ་སེ་ཏི, ཨ་རི་ཡ་ས་ཙྩཱ་ནི པཱ་ཀ་ཊཱ་ནི ཀ་རོ་ཏི. ཏ་ཏོ ཡོ་གཱ་ཝ་ཙ་རོ ‘ཨ་ནི་ཙྩ’ནྟི ཝཱ ‘དུ་ཀྑ’ནྟི ཝཱ ‘ཨ་ན་ཏྟཱ’ཏི ཝཱ ས་མྨ་པྤ་ཉྙཱ་ཡ པ་སྶ་ཏཱི’’ཏི.

‘‘ཨོ་པ་མྨཾ ཀ་རོ་ཧཱི’’ཏི. ‘‘ཡ་ཐཱ, མ་ཧཱ་རཱ་ཛ, པུ་རི་སོ ཨ་ནྡྷ་ཀཱ་རེ གེ་ཧེ པ་དཱི་པཾ པ་ཝེ་སེ་ཡྻ, པ་ཝི་ཊྛོ པ་དཱི་པོ ཨ་ནྡྷ་ཀཱ་རཾ ཝི་དྷ་མེ་ཏི, ཨོ་བྷཱ་སཾ ཛ་ནེ་ཏི, ཨཱ་ལོ་ཀཾ ཝི་དཾ་སེ་ཏི, རཱུ་པཱ་ནི པཱ་ཀ་ཊཱ་ནི ཀ་རོ་ཏི. ཨེ་ཝ་མེ་ཝ ཁོ, མ་ཧཱ་རཱ་ཛ, པ་ཉྙཱ ཨུ་པྤ་ཛྫ་མཱ་ནཱ ཨ་ཝི་ཛྫ་ནྡྷ་ཀཱ་རཾ ཝི་དྷ་མེ་ཏི, ཝི་ཛྫོ་བྷཱ་སཾ ཛ་ནེ་ཏི, ཉཱ་ཎཱ་ལོ་ཀཾ ཝི་དཾ་སེ་ཏི, ཨ་རི་ཡ་ས་ཙྩཱ་ནི པཱ་ཀ་ཊཱ་ནི ཀ་རོ་ཏི. ཏ་ཏོ ཡོ་གཱ་ཝ་ཙ་རོ ‘ཨ་ནི་ཙྩ’ནྟི ཝཱ ‘དུ་ཀྑ’ནྟི ཝཱ ‘ཨ་ན་ཏྟཱ’ཏི ཝཱ ས་མྨ་པྤ་ཉྙཱ་ཡ པ་སྶ་ཏི. ཨེ་ཝཾ ཁོ, མ་ཧཱ་རཱ་ཛ, ཨོ་བྷཱ་ས་ན་ལ་ཀྑ་ཎཱ པ་ཉྙཱ’’ཏི.

‘‘ཀ་ལློ་སི, བྷ་ནྟེ ནཱ་ག་སེ་ནཱ’’ཏི.

པ་ཉྙཱ་ལ་ཀྑ་ཎ་པ་ཉྷོ པ་ནྣ་ར་ས་མོ.