༡༦. ནཱ་ནཱ་དྷ་མྨཱ་ནཾ ཨེ་ཀ་ཀི་ཙྩ་ཨ་བྷི་ནི་པྥཱ་ད་ན་པ་ཉྷོ

༡༦. རཱ་ཛཱ ཨཱ་ཧ ‘‘བྷ་ནྟེ ནཱ་ག་སེ་ན, ཨི་མེ དྷ་མྨཱ ནཱ་ནཱ ས་ནྟཱ ཨེ་ཀཾ ཨ་ཏྠཾ ཨ་བྷི་ནི་པྥཱ་དེ་ནྟཱི’’ཏི? ‘‘ཨཱ་མ, མ་ཧཱ་རཱ་ཛ, ཨི་མེ དྷ་མྨཱ ནཱ་ནཱ ས་ནྟཱ ཨེ་ཀཾ ཨ་ཏྠཾ ཨ་བྷི་ནི་པྥཱ་དེ་ནྟི, ཀི་ལེ་སེ ཧ་ན་ནྟཱི’’ཏི.

‘‘ཀ་ཐཾ, བྷ་ནྟེ, ཨི་མེ དྷ་མྨཱ ནཱ་ནཱ ས་ནྟཱ ཨེ་ཀཾ ཨ་ཏྠཾ ཨ་བྷི་ནི་པྥཱ་དེ་ནྟི, ཀི་ལེ་སེ ཧ་ན་ནྟི? ཨོ་པ་མྨཾ ཀ་རོ་ཧཱི’’ཏི. ‘‘ཡ་ཐཱ, མ་ཧཱ་རཱ་ཛ, སེ་ནཱ ནཱ་ནཱ ས་ནྟཱ ཧ་ཏྠཱི ཙ ཨ་སྶཱ ཙ ར་ཐཱ ཙ པ་ཏྟཱི ཙ ཨེ་ཀཾ ཨ་ཏྠཾ ཨ་བྷི་ནི་པྥཱ་དེ་ནྟི, ས་ངྒཱ་མེ པ་ར་སེ་ནཾ ཨ་བྷི་ཝི་ཛི་ན་ནྟི. ཨེ་ཝ་མེ་ཝ ཁོ, མ་ཧཱ་རཱ་ཛ, ཨི་མེ དྷ་མྨཱ ནཱ་ནཱ ས་ནྟཱ ཨེ་ཀཾ ཨ་ཏྠཾ ཨ་བྷི་ནི་པྥཱ་དེ་ནྟི, ཀི་ལེ་སེ ཧ་ན་ནྟཱི’’ཏི.

‘‘ཀ་ལློ་སི, བྷ་ནྟེ ནཱ་ག་སེ་ནཱ’’ཏི.

ནཱ་ནཱ་དྷ་མྨཱ་ནཾ ཨེ་ཀ་ཀི་ཙྩ་ཨ་བྷི་ནི་པྥཱ་ད་ན་པ་ཉྷོ སོ་ལ༹་ས་མོ.

མ་ཧཱ་ཝ་གྒོ པ་ཋ་མོ.

ཨི་མ་སྨིཾ ཝ་གྒེ སོ་ལ༹་ས པ་ཉྷཱ.