༤༣༤. ཙ་ཀྐ་ཝཱ་ཀ་ཛཱ་ཏ་ཀཾ (༨)
༦༩. ཀཱ་སཱ་ཡ་ཝ་ཏྠེ ས་ཀུ་ཎེ ཝ་དཱ་མི, དུ་ཝེ དུ་ཝེ ན་ནྡ་མ་ནེ [ན་ནྡི་མ་ནེ (སཱི. པཱི.)] ཙ་ར་ནྟེ;
ཀཾ ཨ་ཎྜ་ཛཾ ཨ་ཎྜ་ཛཱ མཱ་ནུ་སེ་སུ, ཛཱ་ཏིཾ པ་སཾ་ས་ནྟི ཏ་དི་ངྒྷ བྲཱུ་ཐ.
༧༠. ཨ་མྷེ མ་ནུ་སྶེ་སུ མ་ནུ་སྶ་ཧིཾ་ས, ཨ་ནུ་བྦ་ཏེ [ཨ་ནུ་པུ་བྦ་ཀེ (ཀ.)] ཙ་ཀྐ་ཝཱ་ཀེ ཝ་ད་ནྟི;
ཀ་ལྱཱ་ཎ་བྷཱ་ཝ་མྷེ [བྷཱ་ཝ’མྷ (སཱི. པཱི.)] དི་ཛེ་སུ ས་མྨ་ཏཱ, ཨ་བྷི་རཱུ་པཱ [ཨ་བྷཱི་ཏ་རཱུ་པཱ (སཱི. སྱཱ. པཱི.)] ཝི་ཙ་རཱ་མ ཨ་ཎྞ་ཝེ. ( ) [(ན གྷཱ་ས་ཧེ་ཏཱུ་པི ཀ་རོ་མ པཱ་པཾ) (ཀ.)]
༧༡. ཀིཾ ཨ་ཎྞ་ཝེ ཀཱ་ནི ཕ་ལཱ་ནི བྷུ་ཉྫེ, མཾ་སཾ ཀུ་ཏོ ཁཱ་ད་ཐ ཙ་ཀྐ་ཝཱ་ཀཱ;
ཀིཾ བྷོ་ཛ་ནཾ བྷུ་ཉྫ་ཐ ཝོ ཨ་ནོ་མཱ [ཨ་བྷི་ཎྷཾ (ཀ.)], བ་ལ་ཉྩ ཝ་ཎྞོ ཙ ཨ་ན་པྤ་རཱུ་པཱ [ཨ་ན་པྤ་རཱུ་པོ (སཱི. སྱཱ. པཱི.)].
༧༢. ན ཨ་ཎྞ་ཝེ ས་ནྟི ཕ་ལཱ་ནི དྷ་ངྐ, མཾ་སཾ ཀུ་ཏོ ཁཱ་དི་ཏུཾ ཙ་ཀྐ་ཝཱ་ཀེ;
སེ་ཝཱ་ལ་བྷ་ཀྑ་མྷ [བྷ་ཀྑི་མྷ (ཀ.)] ཨ་པཱ་ཎ་བྷོ་ཛ་ནཱ [ཨ་ཝཱ་ཀ་བྷོ་ཛ་ནཱ (སཱི. པཱི.)], ན གྷཱ་ས་ཧེ་ཏཱུ་པི ཀ་རོ་མ པཱ་པཾ.
༧༣. ན མེ ཨི་དཾ རུ་ཙྩ་ཏི ཙ་ཀྐ་ཝཱ་ཀ, ཨ་སྨིཾ བྷ་ཝེ བྷོ་ཛ་ན་ས་ནྣི་ཀཱ་སོ;
ཨ་ཧོ་སི པུ་བྦེ ཏ་ཏོ མེ ཨ་ཉྙ་ཐཱ, ཨི་ཙྩེ་ཝ མེ ཝི་མ་ཏི ཨེ་ཏྠ ཛཱ་ཏཱ.
༧༤. ཨ་ཧ་མྤི མཾ་སཱ་ནི ཕ་ལཱ་ནི བྷུ་ཉྫེ, ཨ་ནྣཱ་ནི ཙ ལོ་ཎི་ཡ་ཏེ་ལི་ཡཱ་ནི;
ར་སཾ མ་ནུ་སྶེ་སུ ལ་བྷཱ་མི བྷོ་ཏྟུཾ, སཱུ་རོ་ཝ ས་ངྒཱ་མ་མུ་ཁཾ ཝི་ཛེ་ཏྭཱ;
ན ཙ མེ ཏཱ་དི་སོ ཝ་ཎྞོ, ཙ་ཀྐ་ཝཱ་ཀ ཡ་ཐཱ ཏ་ཝ.
༧༥. ཨ་སུ་དྡྷ་བྷ་ཀྑོ་སི ཁ་ཎཱ་ནུ་པཱ་ཏཱི, ཀི་ཙྪེ་ན ཏེ ལ་བྦྷ་ཏི ཨ་ནྣ་པཱ་ནཾ;
ན ཏུ་སྶ་སཱི རུ་ཀྑ་ཕ་ལེ་ཧི དྷ་ངྐ, མཾ་སཱ་ནི ཝཱ ཡཱ་ནི སུ་སཱ་ན་མ་ཛ྄ཛྷེ.
༧༦. ཡོ སཱ་ཧ་སེ་ན ཨ་དྷི་ག་མྨ བྷོ་གེ, པ་རི་བྷུ་ཉྫ་ཏི དྷ་ངྐ ཁ་ཎཱ་ནུ་པཱ་ཏཱི;
ཏ་ཏོ ཨུ་པ་ཀྐོ་ས་ཏི ནཾ ས་བྷཱ་ཝོ, ཨུ་པ་ཀྐུ་ཊྛོ ཝ་ཎྞ་བ་ལཾ ཛ་ཧཱ་ཏི.
༧༧. ཨ་པྤ་མྤི ཙེ ནི་བྦུ་ཏིཾ བྷུ་ཉྫ་ཏཱི ཡ་དི, ཨ་སཱ་ཧ་སེ་ན ཨ་པ་རཱུ་པ་གྷཱ་ཏཱི [ཨ་སཱ་ཧ་སེ་ནཱ་ནུ་པ་གྷཱ་ཏི་ནོ (ཀ.)];
བ་ལ་ཉྩ ཝ་ཎྞོ ཙ ཏ་ད་སྶ ཧོ་ཏི, ན ཧི ས་བྦོ ཨཱ་ཧཱ་ར་མ་ཡེ་ན ཝ་ཎྞོ་ཏི.
ཙ་ཀྐ་ཝཱ་ཀ་ཛཱ་ཏ་ཀཾ ཨ་ཊྛ་མཾ.