༤༡༨. ཨ་ཊྛ་ས་དྡ་ཛཱ་ཏ་ཀཾ (༢)
༡༠. ཨི་དཾ པུ་རེ ནི་ནྣ་མཱ་ཧུ, བ་ཧུ་མ་ཙྪཾ མ་ཧོ་ད་ཀཾ;
ཨཱ་ཝཱ་སོ བ་ཀ་རཱ་ཛ་སྶ, པེ་ཏྟི་ཀཾ བྷ་ཝ་ནཾ མ་མ;
ཏྱ་ཛྫ བྷེ་ཀེ་ན [བྷི་ངྒེ་ན (ཀ.)] ཡཱ་པེ་མ, ཨོ་ཀཾ ན ཝ་ཛ་ཧཱ་མ་སེ [ཨོ་ཀ་ནྟཾ ན ཛ་ཧཱ་མ་སེ (ཀ.)].
༡༡. ཀོ དུ་ཏི་ཡཾ ཨ་སཱི་ལི་སྶ, བ་ནྡྷ་ར་སྶ་ཀྑི བྷེ་ཙྪ་ཏི [བྷེ་ཛྫ་ཏི (སཱི. སྱཱ. པཱི.), བྷི་ནྡ་ཏི (ཀ.)];
ཀོ མེ པུ་ཏྟེ ཀུ་ལཱ་ཝ་ཀཾ, མ་ཉྩ སོ་ཏྠིཾ ཀ་རི་སྶ་ཏི.
༡༢. ས་བྦཱ པ་རི་ཀྑ་ཡཱ ཕེ་གྒུ, ཡཱ་ཝ ཏ་སྶཱ ག་ཏཱི ཨ་ཧུ;
ཁཱི་ཎ་བྷ་ཀྑོ མ་ཧཱ་རཱ་ཛ, སཱ་རེ ན ར་མ་ཏཱི གྷུ་ཎོ.
༡༣. སཱ ནཱུ་ནཱ་ཧཾ ཨི་ཏོ ག་ནྟྭཱ, ར་ཉྙོ མུ་ཏྟཱ ནི་ཝེ་ས་ནཱ;
ཨ་ཏྟཱ་ནཾ ར་མ་ཡི་སྶཱ་མི, དུ་མ་སཱ་ཁ་ནི་ཀེ་ཏི་ནཱི.
༡༤. སོ ནཱུ་ནཱ་ཧཾ ཨི་ཏོ ག་ནྟྭཱ, ར་ཉྙོ མུ་ཏྟོ ནི་ཝེ་ས་ནཱ;
ཨ་གྒོ་ད་ཀཱ་ནི པི་སྶཱ་མི, ཡཱུ་ཐ་སྶ པུ་ར་ཏོ ཝ་ཛཾ.
༡༥. ཏཾ མཾ ཀཱ་མེ་ཧི ས་མྨ་ཏྟཾ, ར་ཏྟཾ ཀཱ་མེ་སུ མུ་ཙྪི་ཏཾ;
ཨཱ་ན་ཡཱི བྷ་ར་ཏོ [ཝ་ན་ཏོ (ཀ.)] ལུ་དྡོ, བཱ་ཧི་ཀོ བྷ་དྡ་མ་ཏྠུ ཏེ.
༡༦. ཨ་ནྡྷ་ཀཱ་ར་ཏི་མི་སཱ་ཡཾ, ཏུ་ངྒེ ཨུ་པ་རི་པ་བྦ་ཏེ;
སཱ མཾ ས་ཎྷེ་ན མུ་དུ་ནཱ, མཱ པཱ་དཾ ཁ་ལི [ཁ་ཎི (སཱི. སྱཱ. པཱི.)] ཡ་སྨ་ནི.
༡༧. ཨ་སཾ་ས་ཡཾ ཛཱ་ཏི་ཁ་ཡ་ནྟ་ད་སྶཱི, ན ག་བྦྷ་སེ་ཡྻཾ པུ་ན་རཱ་ཝ་ཛི་སྶཾ;
ཨ་ཡ་མ་ནྟི་མཱ པ་ཙྪི་མཱ ག་བྦྷ་སེ་ཡྻཱ [ཨ་ཡཾ ཧི མེ ཨ་ནྟི་མཱ ག་བྦྷ་སེ་ཡྻཱ (སཱི. པཱི.)], ཁཱི་ཎོ མེ སཾ་སཱ་རོ པུ་ན་བྦྷ་ཝཱ་ཡཱ་ཏི.
ཨ་ཊྛ་ས་དྡ་ཛཱ་ཏ་ཀཾ དུ་ཏི་ཡཾ.