༣༨༡. མི་གཱ་ལོ་པ་ཛཱ་ཏ་ཀཾ (༦-༡-༦)
༣༤. ན མེ རུ་ཙྩི མི་གཱ་ལོ་པ, ཡ་སྶ ཏེ ཏཱ་དི་སཱི ག་ཏཱི;
ཨ་ཏུ་ཙྩཾ ཏཱ་ཏ པ་ཏ་སི, ཨ་བྷཱུ་མིཾ ཏཱ་ཏ སེ་ཝ་སི.
༣༥. ཙ་ཏུ་ཀྐ་ཎྞཾ་ཝ ཀེ་དཱ་རཾ, ཡ་དཱ ཏེ པ་ཐ་ཝཱི སི་ཡཱ;
ཏ་ཏོ ཏཱ་ཏ ནི་ཝ་ཏྟ་སྶུ, མཱ་སྶུ ཨེ་ཏྟོ པ་རཾ ག་མི.
༣༦. ས་ནྟི ཨ་ཉྙེ་པི ས་ཀུ་ཎཱ, པ་ཏྟ་ཡཱ་ནཱ ཝི་ཧ་ངྒ་མཱ;
ཨ་ཀྑི་ཏྟཱ ཝཱ་ཏ་ཝེ་གེ་ན, ན་ཊྛཱ ཏེ ས་སྶ་ཏཱི་ས་མཱ.
༣༧. ཨ་ཀ་ཏྭཱ ཨ་པ་ན་ནྡ་སྶ [ཨ་པ་ར་ཎྞ་སྶ (སཱི. སྱཱ. པཱི.)], པི་ཏུ ཝུ་དྡྷ་སྶ སཱ་ས་ནཾ;
ཀཱ་ལ་ཝཱ་ཏེ ཨ་ཏི་ཀྐ་མྨ, ཝེ་ར་མྦྷཱ་ནཾ ཝ་སཾ ཨ་གཱ [ག་ཏོ (སཱི.)].
༣༨. ཏ་སྶ པུ་ཏྟཱ ཙ དཱ་རཱ ཙ, ཡེ ཙ་ཉྙེ ཨ་ནུ་ཛཱི་ཝི་ནོ;
ས་བྦེ བྱ་ས་ན་མཱ་པཱ་དུཾ, ཨ་ནོ་ཝཱ་ད་ཀ་རེ དི་ཛེ.
༣༩. ཨེ་ཝ་མྤི ཨི་དྷ ཝུ་དྡྷཱ་ནཾ, ཡོ ཝཱ་ཀྱཾ ནཱ་ཝ་བུ་ཛ྄ཛྷ་ཏི;
ཨ་ཏི་སཱི་མ་ཙ་རོ [ཨ་ཏི་སཱི་མཾ ཙ་རོ (སཱི. སྱཱ. ཀ.)] དི་ཏྟོ, གི་ཛ྄ཛྷོ་ཝཱ་ཏཱི་ཏ་སཱ་ས་ནོ;
ས་བྦེ བྱ་ས་ནཾ པ་པྤོ་ནྟི, ཨ་ཀ་ཏྭཱ བུ་དྡྷ་སཱ་ས་ན་ནྟི.
མི་གཱ་ལོ་པ་ཛཱ་ཏ་ཀཾ ཚ་ཊྛཾ.