༣༧༦. ཨ་ཝཱ་རི་ཡ་ཛཱ་ཏ་ཀཾ (༦-༡-༡)
༡. མཱ་སུ ཀུ་ཛ྄ཛྷ བྷཱུ་མི་པ་ཏི, མཱ་སུ ཀུ་ཛ྄ཛྷ ར་ཐེ་ས་བྷ;
ཀུ་དྡྷཾ ཨ་པྤ་ཊི་ཀུ་ཛ྄ཛྷ་ནྟོ, རཱ་ཛཱ ར་ཊྛ་སྶ པཱུ་ཛི་ཏོ.
༢. གཱ་མེ ཝཱ ཡ་དི ཝཱ་ར་ཉྙེ, ནི་ནྣེ ཝཱ ཡ་དི ཝཱ ཐ་ལེ;
ས་བྦ་ཏྠ ཨ་ནུ་སཱ་སཱ་མི, མཱ་སུ ཀུ་ཛ྄ཛྷ [མཱ་སྶུ ཀུ་ཛ྄ཛྷི (སཱི. པཱི.)] ར་ཐེ་ས་བྷ.
༣. ཨ་ཝཱ་རི་ཡ་པི་ཏཱ ནཱ་མ, ཨ་ཧུ ག་ངྒཱ་ཡ ནཱ་ཝི་ཀོ;
པུ་བྦེ ཛ་ནཾ ཏཱ་རེ་ཏྭཱ་ན, པ་ཙྪཱ ཡཱ་ཙ་ཏི ཝེ་ཏ་ནཾ;
ཏེ་ན་སྶ བྷ་ཎྜ་ནཾ ཧོ་ཏི, ན ཙ བྷོ་གེ་ཧི ཝ་ཌྜྷ་ཏི.
༤. ཨ་ཏི་ཎྞཾ་ཡེ་ཝ ཡཱ་ཙ་སྶུ, ཨ་པཱ་རཾ ཏཱ་ཏ ནཱ་ཝི་ཀ;
ཨ་ཉྙོ ཧི ཏི་ཎྞ་སྶ མ་ནོ, ཨ་ཉྙོ ཧོ་ཏི པཱ་རེ་སི་ནོ [ཏ་རེ་སི་ནོ (སཱི. པཱི.), ཏི་རེ་སི་ནོ (སྱཱ.)].
༥. གཱ་མེ ཝཱ ཡ་དི ཝཱ་ར་ཉྙེ, ནི་ནྣེ ཝཱ ཡ་དི ཝཱ ཐ་ལེ;
ས་བྦ་ཏྠ ཨ་ནུ་སཱ་སཱ་མི, མཱ་སུ ཀུ་ཛ྄ཛྷི་ཏྠ ནཱ་ཝི་ཀ.
༦. ཡཱ་ཡེ་ཝཱ་ནུ་སཱ་ས་ནི་ཡཱ, རཱ་ཛཱ གཱ་མ་ཝ་རཾ ཨ་དཱ;
ཏཱ་ཡེ་ཝཱ་ནུ་སཱ་ས་ནི་ཡཱ, ནཱ་ཝི་ཀོ པ་ཧ་རཱི མུ་ཁཾ.
༧. བྷ་ཏྟཾ བྷི་ནྣཾ ཧ་ཏཱ བྷ་རི་ཡཱ, ག་བྦྷོ ཙ པ་ཏི་ཏོ ཚ་མཱ;
མི་གོ་ཝ ཛཱ་ཏ་རཱུ་པེ་ན, ན ཏེ་ན་ཏྠཾ ཨ་བ་ནྡྷི སཱུ་ཏི [ཨ་ཝ་ཌྜྷི་ཏུ་ནྟི (སཱི. སྱཱ.), ཨ་ཝ་ཌྜྷི སཱུ་ཏི (?)].
ཨ་ཝཱ་རི་ཡ་ཛཱ་ཏ་ཀཾ པ་ཋ་མཾ.