༣༥༩. སུ་ཝ་ཎྞ་མི་ག་ཛཱ་ཏ་ཀཾ (༥-༡-༩)
༥༠. ཝི་ཀྐ་མ རེ ཧ་རི་པཱ་ད [མ་ཧཱ་མི་ག (སཱི. སྱཱ. པཱི.)], ཝི་ཀྐ་མ རེ མ་ཧཱ་མི་ག [ཧ་རཱི་པ་ད (སཱི. སྱཱ. པཱི.)];
ཚི་ནྡ ཝཱ་ར་ཏྟི་ཀཾ པཱ་སཾ, ནཱ་ཧཾ ཨེ་ཀཱ ཝ་ནེ ར་མེ.
༥༡. ཝི་ཀྐ་མཱ་མི ན པཱ་རེ་མི, བྷཱུ་མིཾ སུ་མྦྷཱ་མི ཝེ་ག་སཱ;
ད་ལ༹ྷོ ཝཱ་ར་ཏྟི་ཀོ པཱ་སོ, པཱ་དཾ མེ པ་རི་ཀ་ནྟ་ཏི.
༥༢. ཨ་ཏྠ་ར་སྶུ པ་ལཱ་སཱ་ནི, ཨ་སིཾ ནི་བྦཱ་ཧ ལུ་དྡ་ཀ;
པ་ཋ་མཾ མཾ ཝ་དྷི་ཏྭཱ་ན, ཧ་ན པ་ཙྪཱ མ་ཧཱ་མི་གཾ.
༥༣. ན མེ སུ་ཏཾ ཝཱ དི་ཊྛཾ ཝཱ, བྷཱ་ས་ནྟིཾ མཱ་ནུ་སིཾ མི་གིཾ [ན མེ སུ་ཏཱ ཝཱ དི་ཊྛཱ ཝཱ, བྷཱ་ས་ནྟཱི མཱ་ནུ་སིཾ མི་གཱི (ཊཱི་ཀཱ)];
ཏྭ་ཉྩ བྷ་དྡེ སུ་ཁཱི ཧོ་ཧི, ཨེ་སོ ཙཱ་པི མ་ཧཱ་མི་གོ.
༥༤. ཨེ་ཝཾ ལུ་དྡ་ཀ ན་ནྡ་སྶུ, ས་ཧ ས་བྦེ་ཧི ཉཱ་ཏི་བྷི;
ཡ་ཐཱ་ཧ་མ་ཛྫ ན་ནྡཱ་མི, མུ་ཏྟཾ དི་སྭཱ མ་ཧཱ་མི་ག་ནྟི.
སུ་ཝ་ཎྞ་མི་ག་ཛཱ་ཏ་ཀཾ ན་ཝ་མཾ.