༣༥༦. ཀོ་ར་ཎྜི་ཡ་ཛཱ་ཏ་ཀཾ (༥-༡-༦)
༣༤. ཨེ་ཀོ ཨ་ར་ཉྙེ གི་རི་ཀ་ནྡ་རཱ་ཡཾ, པ་གྒ་ཡ྄ཧ པ་གྒ་ཡ྄ཧ སི་ལཾ པ་ཝེ་ཙྪ་སི [པ་ཝེ་ཛ྄ཛྷ་སི (སྱཱ. སཱི. ཨ་ཊྛ.)];
པུ་ན་པྤུ་ནཾ ས་ནྟ་ར་མཱ་ན་རཱུ་པོ, ཀོ་ར་ཎྜི་ཡ [ཀཱ་ར་ཎྜི་ཡ (སཱི. སྱཱ. པཱི.)] ཀོ ནུ ཏ་ཝ ཡི་དྷ་ཏྠོ.
༣༥. ཨ་ཧ་ཉྷི་མཾ སཱ་ག་ར སེ་ཝི་ཏ་ནྟཾ, ས་མཾ ཀ་རི་སྶཱ་མི ཡ་ཐཱ་པི པཱ་ཎི;
ཝི་ཀི་རི་ཡ སཱ་ནཱུ་ནི ཙ པ་བྦ་ཏཱ་ནི ཙ, ཏ་སྨཱ སི་ལཾ ད་རི་ཡཱ པ་ཀྑི་པཱ་མི.
༣༦. ན་ཡི་མཾ མ་ཧིཾ ཨ་ར་ཧ་ཏི པཱ་ཎི་ཀ་པྤཾ, ས་མཾ མ་ནུ་སྶོ ཀ་ར་ཎཱ་ཡ མེ་ཀོ;
མ་ཉྙཱ་མི་མ་ཉྙེ་ཝ ད་རིཾ ཛི་གཱི་སཾ [ཛི་གིཾ་སཾ (སཱི. སྱཱ. པཱི.)], ཀོ་ར་ཎྜི་ཡ ཧཱ་ཧ་སི [ཧཱ་ཡ་སི (སྱཱ. ཀ.)] ཛཱི་ཝ་ལོ་ཀཾ.
༣༧. ས་ཙེ ཨ་ཧཾ [ཨ་ཡཾ (སཱི. སྱཱ. པཱི.)] བྷཱུ་ཏ་དྷ་རཾ ན ས་ཀྐཱ [ས་ཀྐོ (སྱཱ. ཀ.)], ས་མཾ མ་ནུ་སྶོ ཀ་ར་ཎཱ་ཡ མེ་ཀོ;
ཨེ་ཝ་མེ་ཝ ཏྭཾ བྲ་ཧྨེ ཨི་མེ མ་ནུ་སྶེ, ནཱ་ནཱ་དི་ཊྛི་ཀེ ནཱ་ན་ཡི་སྶ་སི ཏེ [ནེ (ཀ.)].
༣༨. ས་ངྑི་ཏྟ་རཱུ་པེ་ན བྷ་ཝཾ མ་མ་ཏྠཾ, ཨ་ཀྑཱ་སི ཀོ་ར་ཎྜི་ཡ ཨེ་ཝ་མེ་ཏཾ;
ཡ་ཐཱ ན ས་ཀྐཱ པ་ཐ་ཝཱི ས་མཱ་ཡཾ, ཀ་ཏྟུཾ མ་ནུ་སྶེ་ན ཏ་ཐཱ མ་ནུ་སྶཱ་ཏི.
ཀོ་ར་ཎྜི་ཡ་ཛཱ་ཏ་ཀཾ ཚ་ཊྛཾ.